skyid chu

skyid chu

lha sa grong khyer gyi mdun ngos su g.yas bskor gyis 'bab pa'i gtsang chu'i ming/chu 'di'i 'byung khungs chu 'go ni/gnyan chen thang lha'i ri rgyud du gtogs pa'i lha ri rdzong gi smi ti kha chos kyi phur yod pa'i mtsho la thug cing/chu mjug ni lha sa'i smad rgyud cha shul rdzong gi shar lho'i phyogs su gtsang phyogs nas 'bab pa zhig yin/skyid chu 'di'i chu 'go gnyan chen thang lha'i ri rgyud kyi nub ngos nas brtsams te lha ri 'og dang/nag chu/'dam gzhung/lhun grub/mal dro gung dkar/stag rtse/grong khyer lha sa/stod lung bde chen/chu shul bcas rdzong dgu dang/grong khyer gcig bcas kyi sa khul du 'gro ba dang/chu rgyun ni smi ti gtsang po dang/gseb rong gtsang po/'dam chu/yul ngan chu/mal gro ma chu/stod lung chu sogs chu rgyun che chung sna tshogs 'dres pa las byung zhing/khyon yongs kyi ring tshang la spyi le 588dang/zheng tshad che sar shar nub bar du spyi le 315/lho byang bar du zheng tshad spyi le 218/chu'i bzhur tshad che shos la skar cha rer skyi khre rgya dpangs gru bzhi ma 237dang bzhur tshad chung shos la skar cha rer spyi khre rgya dpangs gru bzhi ma 120chu rgyun 'dus tshad rgya khyod spyi lo gru bzhi ma 150lhag tsam/chu'i mtho tshad thad chu 'go'i rgyud du rgya mtsho'i ngos las mtho tshad spyi khre 5150dang/yur lung gtsang por 'dres mtshams su rgya mtsho'i ngos las mtho tshad spyi khre 3570tsam yod pas skyid chu ni yar lung gtsang po'i yan lag chu rgyun ring shos gras shig yin/gong gsal gyi dpyad gzhi ni bod rang skyong ljongs sa gshis zhib 'jug khang nas bton pa ltar yin/gzhan yang p+sang rabs kyi yig cha rnying pa mang po'i nang skyi chu zhes bris yod pa ma zad/'bri gung nas chu shur bar gyi sa gnas der lha sa zhes ming ma thogs gong dus rus ming skyi yin pa'i tsho pa rnams gnas sdod byed sa'i sa gnas yin pas skyi shod dang/de'i rgyud du 'bab pa'i gtsang po la skyi chu zhes 'bod pa yin tshul 'khod pa'i yig cha rnying pa zhig mthong myong yang/yig che de'i ming brjes ngas kyi dbang du song nas lta sems la mi 'dra par snang/de yang skabs 'dir bod gna' rabs kyi yig cha rnying pa'i nang skyi chu zhes 'khod pa'i khungs tsam bstan pa las longs grags su skyid chu zhes 'bri srol yod

{{#arraymap:skyid chu

|; |@@@ | | }}