skyob pa rin po che rin chen dpal

skyob pa rin po che rin chen dpal

skyob pa 'jig rten gsum gyi mgon po rin chen dpal ni 'bri gung bka' brgyud kyi srog thog mar gtod par mdzad pa po yin/mdo smad ldan stod kyi grong btsung ngu zhes pa'i yul du 'bru skyu ra'i rigs kyi yab rnal 'byor pa rdo rje dang/yum rag shi bza' btsun ma gnyis kyi rigs kyi myu gur rab byung gnyis pa'i chu phag (1143)lo sku bltams/rab byung bzhi pa'i me glang (1217)lo'i bar dgung lo bdun cu don lnga bzhugs/khong sku na phra mo nas 'bri klog la sbyangs pa phul du phyin/yab las rdo rje 'jigs byed kyi chos skor dang/gzhan yang khu bo dar ma/rwa sgreng sgrog chen sogs las mdo sngags kyi chos mang du gsan/skabs der khong gi mtshan la btsun pa skyabs dang rdo rje dpal zhes pa sogs zhu/khong sku nar ma song gong yab dgongs pa rdzogs te khyim gyi 'tsho ba nyams zhan du gyur/de skabs khong nyid bka' bstan gsum rab klog rgyur sgra dag gsal gsum dang ldan la/shin tu ljags klog bde bas dad ldan sbyin bdag khag gis klog la gdan drangs pa'i yon gyis yum dang lcam sring sogs skyong ba mdzad pa ma zad/gzhan yang nad kyi mnar ba dang dbul zhing phongs pa nyam thag pa rnams la thugs snying rje chen pos phan 'dogs par mdzad/dbus phyogs nas mgo zla ba paN+Dita phebs par de'i drung nas 'gro mgo phag mo gru pa'i mtshan snyan gsan par thugs lhag par dad par gyur te phag gru'i drung du phebs rgyu'i thugs thag bcad de rab byung gsum pa'i me phag (1167)lor lam gyi ngal ba du ma khyad bsad mdzad de dbus kyi gdan la phag mo grur phebs (phag mo gru deng skabs zangs ri rdzong khongs yin )'gro mgon phag mo gru pa rdo rje rgyal po bla mar bsten/bla mas khong lam tshan byang chub sems dpa' rin chen dpal zhes gnang/mdo sngags kyi zab chos thams cad bum pa gang byo'i tshul dug nas nas 'a gro mgon phag mo grub pa'i slob ma'i mchog tu gyur/dgung lo so lnga par kung thang bla ma zhang brtson 'grus grags pa'i drung nas bsnyen par rdzogs pa dge slong gi sdom bzhes/bslab bya mtha' dag srung sdom shin tu zhib par mdzad de sku btsun pa'i yon tan yongs su grags so/_/'gro mgon phag mo gru ba dgongs pa rdzogs rjes rab byung gsum pa'i me bya (1177)lor skyob pa rin po ches phag gru'i gdan sa mthil skyong bar mdzad/bla ma'i dgongs rdzogs su dmigs gnas gzhi rgya che ba'i gser zangs kyis bkra shis sgo mang gi mchod rten bzhengs/rab byung gsum pa'i sa phag (1179)lor 'bri gung (deng skabs mal gro gung dkar rdzong khongs )su phebs/gdan sa 'bri gung mthil byang chub gling phyag btab nas 'du tshogs shin tu rgyas/de nas 'bri gung skyob pa'i chos brgyud 'dzin mkhan rnams la 'bri gung bka' brgyud pa zhes pa dang/khong la yang 'bri gung skyob pa zhes zhu ba red/de yang (lho rong chos 'byung )dang/(bka' brgyud gser 'phreng )sogs kyi nang gsal bar/rab byung gsum pa'i sa rta (1198)lor 'bri gung skyob pa byang nang rir phebs skabs lhan du dge 'dun khri gsum yod pa dang/yang snub rgyal ba lha nang pas bur 'gyed 'bul skabs dge da'un lnga khri lnga ston lnga brgya nyi shu rtsa lnga byung ba/yang (skyob pa'i rnam thar chen mo'i )nang 'khor phyogs gcig 'dus pa bdun khri la zhes pa dang (rnam thar phyag rgya me tog )nang bu zhabs tog can gyi rnal 'byor pa nyis stong bdun brgya ri la song/gcig dus kyi deng sang la khri phrag bcu gsum tshogs su tshogs zhes dang/gzhan yang paN chen gu ya gangs pas gtsos dge 'dun lnga khri lnga stong lnga brgya nyi shu rtsa lnga gangs te ser btang ba dang/dge bshes g.yag tu dpal grags kyis gtsos pa'i dge 'dun lnga khri lnga stong lnga brgya nyi shu rtsa lnga la phyi/rdor 'dzin mgo bo ches gtsos dge da'un lnga khri lnga stong lnga brgya nyi shu rtsa lnga tsa rir btang rjes/slar yang tshogs pa khri bco brgyad 'dus par gyur zhes gsal 'dug pas mdor na de'i skabs sgrub pa nyams bzhes mdzad mkhan 'du tshogs shin tu rgyas par gyur 'dug /chos rje skyong pa rin po che gang nyid slob ma'i tshogs shin tu rgyas te re zhig thugs sun pa'i tshul bstan te gnas mchog tsha 'ug ces par phebs nas ting 'dzin phug pa dang/tshogs khang sogs kyi gnas sgo phye ba mdzad de sku'i rjes dang phyag zhabs kyi rjes ha cang ngo mtshar ba 'jog pa mdzad pa dus da ltar yang mjal rgyu yod/'bru mthil byang gling gi sgo mang/gser khang sogs rten dang brten pa bcas lags par bskrun par mdzad pa ma zad/dpal bsam yas mi 'gyur lhun gyis grub pa'i grub pa'i gtsug lag khang nyams gso mdzad/yul ngam shod kyi 'og dpon phan tshun 'khrug pa byung ba rje 'dis 'dum par mdzad de yul lung rgyun ring bar bde bar gyur/skyob pa rin chen dpal ni brtson 'grus lhod pa med pa'i sgrub la gzhol ba dang/mkhyen dpyod 'gran zla dang bral ba sogs dam pa'i tshul dgu'i yon tan yongs su rdzogs pa zhig yin stabs rang ljongs nang bstan grub mtha' khag tshang mas brtsi bkur zhu ba dang/bsngags pa'i me tog 'thor ba ma zad/'phags pa'i yul gyi sing+ga la'i dgra bcom pas kyang me tog pad ma dpar po zhig skyes su phul nas skyob pa nyin 'phags yul gyi dpal mgon klu sgrub bod du skyes pa bzhes pa zhig yin par zhal gyis bzhes pa lta bu'o/_/rab byung bzhi pa'i me glang (1217)lo'i zla ba gsum pa'i tshes 25nyin dpal gyi 'bri gung mthil du ngo mtshar ba'i ltas du ma dang bcas gzugs sku chos kyi dbyings su bsdu bar mdzad/de rjes sa ga zla ba'i tshes gsum la sku zhugs la sbyangs bar dbu thod ma nyams par dpal 'khor lo sdom pa'i lha drug cu rtsa gnyis kyi rang byon gsal bar phebs pa dang/thugs ma nyams gser gyi kha dog lta bu/gzhan yang ring bsrel mthil gyi bre dkar gyi bre brgyad byon/spyan lnga shes rab 'byung gnas kyis thugs 'gan gtso bzhes mdzad de sgo mangs su thub pa khams gsum zil gnon bzhengs te thugs dang ring bsrel bre gsum bzhugs/rin po che'i phye ma dang sman sna/dri bzang sogs bsres pa'i 'jim pa las sku gdung 'dzam gling rgyan bzhengs te/de'i nang du dbu thod las byon pa'i 'khor lo sdom pa'i dkyil 'khor dang ris bsrel bri lnga jo bo rjes gya gar nas gdan drangs pa'i rten mchog 'dzam gling rgyan sogs rten bsam gyis mi khyab pa dag bzhugs so/_/rje 'di'i slob ma mchog tu gyur pa dbon bsod nams grags pa/spyan snga grags pa 'byung gnas/spyan snga shes rab 'byung gnas gnyos/mgar/chos gsum dpal chen chos ye sogs mkhas grub kyi skyes bu mang du byon 'dug go gsung rtsol skor/dpar du 'khod pa dang ma 'khod pa'i bris ma bcas yongs rdzogs bsdoms na pod bcu tsam las med

{{#arraymap:skyob pa rin po che rin chen dpal

|; |@@@ | | }}