spyan snga nyer brgyad po rdo rje rgyal po

spyan snga nyer brgyad po rdo rje rgyal po

'bri gung gdan rabs dug pa 'di nyid rin po che rdo rje rin chen gyi gcung por rab byung lnga pa'i shing sprel (1284)lor sku 'khrungs/de nas rim gyis bskyed bsrings te gcen rin po che rdo rje rin chen gyi drung du rab tu byung/mtshan rdo rje rgyal po zhes gnang/dgung lo bdun pa la gling log byung ste kong por grub thob ar rtse la sogs pa rnams kyis spyan drangs/slob dpon pad+ma la sogs bla ma rnams dang/zhi khro rab 'byams kyi dkyil 'khor du ma zhal gzigs pa skyi dgu kun gyis thos/grub thob ar rtse las 'jig rten gsum gyi mgon po'i chos mdzod kun gnas cing/nyams len la brtson pa mthar phyin mdzad/de nas 'bri gung du phebs/dgung lo bcu gsum par (237) gcen rin po che dang mkhas grub dge bshes du ma las mdo sngags rgyud sde'i chos ma lus pa gsan cing don rnams la byang zhing chub par mdzad de nas gnas chen gter sgrom gyi dben gnas rnams su bzhugs shing gnas gsar ma la sogs pa gnas sgo yang mang du phye gzigs snang rnams gtan la phab rdo rje 'jigs byed kyi sku dang tshogs zangs glang lung ma sogs nor gter kha shas bzhes de nas sding rgyal gyi dben gnas su sgrub sde 'debs par mdzad dgung lo so gcig pa shing stag (1314)lor gcen rin po che dag zhing du gshegs pas rje nyid seng khrir mnga' gsol paN chen shAkya shrI'i ring lugs 'dzin pa chos logs tshogs pa'i mkhas chen las bstan pa la yongs su rdzogs shing 'dul ba'i gnas la byang bar mdzad mkhan chen dang dge 'dun rnams la zab chos kyi bzhed pa bskongs sngar gyi lha khang chen mo'i shul du ka brgya dang brgyad cu'i gtsug lag khang grug ste rten gsum bsam gyis mi khyab pa bzhengs dgung lo lnga bcu par bkra shis ljongs kyi gtsug lag khang rten gsum dang bcas pa bzhengs shing gling gi mgon khang a phyi khang du grags pa 'di yang grub cing ye shes kyi mgon po phyag bzhi pa bya seng beng yul bcas bzhengs gzhu smad g.ya' ma rir mgon khang dang sgrub sde yang btab gnas gsum gyi ri pa yang stong phrag tsam brdzangs ri khrod phal cher rim gnyis la brtson pa'i sgom chen gyis khyab par mdzad dus kun tu chos gal che ba rnams sbrug sgo nas gsung ba ma gtogs smra bcad 'dag sbyar la bzhugs shing zab mo'i rnal 'byor las skad cig kyang mi g.yo dbus gtsang gi che dgu zhal mjal la yong ba rnams kyang yol ba phyi nang gi mjal lugs tsam las dngos su zhal mjal dang 'jig rten gyi gsung gleng mi mdzad pa sogs 'phags chen dam pa'i mdzad pa kho nas dus 'da' de ltar lo mang gdan sa bskyangs shing dgung lo drug cu re bdun la phebs pa rab byung drug pa'i lcags stag (1350)lor chos 'phrul du ma dang bcas mya ngan las 'das

{{#arraymap:spyan snga nyer brgyad po rdo rje rgyal po

|; |@@@ | | }}