srid pa'i 'khor lo

srid pa'i 'khor lo

de yang gtsug lag khang gi sgo khang sogs su srid pa'i 'khor lo cha lnga pa bris pa dag gi dgos pa ni bcom ldan 'das kyis mdo las/dge slong dag 'di ni sdug bsngal 'phags pa'i bden pa'o/_/'di ni kun 'byung 'phags pa'i bden pa'o/_/'di ni 'gog pa 'phags pa'i bden pa'o/_/'di ni lam 'phags pa'i bden pa'o/_/zhes sogs gang gsungs pa ltar rang gi sku dngos kyi gdul bya rnams la bden zhi'i blang dor yang dang yang du 'dom par mdzad cing/phyi rabs rjes 'jug rnams kyis kyang bden zhi'i blang dor zhes pa ni gal shin tu che bar gzigs nas gtsug lag khang gi sgo khang dang/dge 'dun gyi gnas khang sogs su srid pa'i 'khor lo cha lnga pa 'bri dgos pa dang/gzhan dag la yang rgya cher ston dgos so zhes gsungs pa ltar bden bzhi'i blang dor gyi 'jug ldog mtshon byed yin zhing/de ji ltar 'bri ba'i tshul ni/'chi bdag shin rje'am srid po gdangs pa'i dbus su 'khor lo zlum po cha lnga pa zhig bris te steng gi cha dum bu gnyis su byas nas gcig la lha dang/cig shos la mi 'bri ba dang/'og gi cha gsum du byas pa'i cha gcig la dud 'gro/dbus su dmyal ba/cig shos la yi dwags 'gro dgos te 'dul ba lung las/sgo khang du 'khor ba'i 'khor lo'o/_/cha lnga par bya'o/_/steng du lha dang mi rnams so/_/rdzus te skye ba'i sems can zo (991) chun rgyud mo bzhin du 'chi 'pho ba dang skye ba dag kyang ngo/_/zhes gsungs pa ltar ro/_/'khor lo zlum po de'i dbus su 'dod chags mtshon byed bya phug ron gyi gzugs dang zhe sdang mtshon byed sbrul dang gti mug mtshon byed phag pa'i gzugs brnyan 'bri ba ni bcom ldan 'das kyis dbus su 'dod chags dang zhe sdang gti mug phug ron dang sbrul phag gi rnam par ro/_/zhes gsungs pa dang mthun no/_/de yang rig pa'i dbang phyug gis de nyid sa ni nyes rnams kyi/_/rgyu ni gti mug yin par gsungs/_/zhes pa dang slob dpon zla ba grags pas nyon mongs skyon rnams ma lus 'jig tshogs la/_/lta las byung ba blo yis mthong gyur cing/_/bdag ni 'di yi yul du rtogs byas nas/_/rnal 'byor pa yis bdag ni 'gog par byed/_/ces gsungs pa ltar gti mu ma rig pa'am 'jig lta ni 'khor ba'i sems can rnams srid pa 'khor bar skye byed kyi rgyu'i rtsa ba yin pa dang yang rnam 'grel las gang zhig bdag mthong de la ni/_/nga zhes lta tu zhen par 'gyur/_/zhen pas bde la sred gyur te/_/sred pas skyon rnams sgrib par byed/_/yon tan mthong bas yongs sred pa/_/nga yi zhes 'di'i sgrub byed len/_/de na bdag la mngon chags pa/_/de srid de ni 'khor bar 'gyur/_/bdag yod na ni gzhan du shes/_/bdag gzhan cha las 'dzin dang sdang/_/'di dag dang yin yongs 'brel las/_/nyes pa thams cad 'byung bar 'gyur zhes gsungs pa ltar bdag tu mthong ba'i 'jig lta yod na rang bde ba 'dod cing sdug bsngal mi 'dod pa dang gzhan la bde ba byung na mi bzod pa dang sdug bsngal byung na dga' zhing de dag gi rgyu sgrub chen sgo gsum gyi las ngan sna tshogs pa dag bsags te 'khor ba'i gnas 'dir yang dang yang du 'khor nas mi zad pa'i sdug bsngal rgyun mi chad du myong dgos par gsungs pa ltar gti mug mtshon byed phag pa'i khar 'dod chags mtshon byed phug don dang/_/zhe sdang mtshon byed sbrul gnyis bcug pa ni 'dul ba las snga ma de gnyis gti mug gis za bar ro zhes gsungs pa dang mthun par bkod cing 'khor lo de'i phyi'i mtha' 'khor du thog ma'i mi rag pa nas bzung rga shi'i rten 'brel gyi bar bris pa ni bcom ldan 'das kyis khor ra khor yug tu rten cing 'brel bar 'gyur ba'i yan lag bcu gnyis dang thams cad mi rtag pa nyid kyis bzung bar ro/_/zhes gsungs pa dang de rnams ji ltar 'bri ba'i tshul ni dang po ma rig pa'i rten 'brel rgan mo long ba lta bu dang gnyis pa 'du byed kyi rten 'brel rdza mkhan gyis rdza bzo ba lta bu dang gsum pa rnam shes kyi rten 'brel spre'u lta bu dang bzhi pa ming gzugs kyi rten 'brel skyes bur grur 'jug pa lta bu dang lnga pa skyed mched kyi rten 'brel ni yul 'khor ram khang stong lta bu dang drug pa reg pa'i rten 'brel ni skye pa dang bud med 'o byed pa lta bu dang bdun pa tshor ba 'i rten 'brel ni mig gam pus po la mda' zug pa lta bu dang brgyad pa sred pa'i rten 'brel gyi skyes bu chang 'thung ba lta bu dang dgu pa len pa'i rten 'brel ni me tog gam shing tog 'thu ba lta bu bcu pa srid pa'i rten 'brel ni sbrum ma'am byas sgo nga rum pa lta bu dang bcu gcig pa skye ba'i rten 'brel ni ma las bu skye ba lta bu bcu gnyis pa rga shi'i rten 'brel ni rgan po dang shi ba'i rnam pa dang ro 'khur ba'i rnam pa lta bu 'bri dgos pa yin te (bka' gdams pha chos )las ma rig rgas po long ba ste/_/'du byed dag ni rdza mkhan bzhin/_/rnam shes spre'u lta bu ste/_/ming dang gzugs ni grur 'jug 'dra/_/skye mched yul 'khor ston pa ste/_/reg pa 'o byed 'dra zhes gda'/_/tshor ba mig la mda' brgyab ste/_/sred pa chang 'thung 'dra zhes gda'/_/skye ba ma las bu skyes 'dra/_/rga shi ro 'khur 'dra zhes gda'/_/zhes gsungs so/_/de yang rgad mo (992) long ba de gar 'gro dang 'dir 'gro ci bya gtol med par 'khyams pa ltar ma rig pa la brten nas 'gro ba rnams khams gsum gyi 'khor ba 'dir sdug bal sna tshogs myong bas na ma rig pa rgas mo long ba lta bu dang rdza mkhan gyis 'khor lo bskor nas rdza'i snod sna tshogs bzo ba ltar dge mi dge'i las sna tshogs la brten nas 'khor ba'i skye ba mi 'dra ba sna tshogs len pas 'du byed rdza mkhan dang 'dra ba dang khang pa sge'u khung drug yod pa'i nang du spre'u zhig bcu pa na de'i sge'u khung so sor rgyugs nas blta bar byed pa ltar rnam shes de mig la sogs pa'i sgo drug bar phyi nas yul sna tshogs la spyod pas na rnam shes spre'u dang 'dra ba dang gru'i yo byad thams cad tshang na chu'i pha rol sogs su 'gro zhing ma tshang na 'gro mi nus pa ltar mang gzugs ci rigs pa'i rten 'brel tshogs pa la brten nas 'khor ba 'dir skye zhing de dag cha tshang bar gnyis tsam la brten nas 'khor bar skye zhing longs spyod sogs la spyod mi nus pas ming gzugs kyi rten 'brel gru dang 'dra ba dang khang pa stong par phyi nas bltas na mi yod pa 'dra ba zhig 'ong yang don du su yang med pa dang 'dra bar skye mched drug gi rten 'brel grub ma thag phyi nas bltas na rnam shes yod 'dra yang don du rang 'bras rnam shes da dung grub med pas khang stong dang 'dra ba dang 'o byed pa'i tshe phan tshul 'phrad na byed dgos pa las ma 'phar na mi 'ong ba ltar reg pas yul dbang rnam shes gsum 'dus nas ya la gyi 'gyur ba gcod pas na de dang 'dra zhing mig gam pus mo la mda' 'phog pa na de la thag tshor zhing sdug bsngal myong bltar tshor bas kyang yul yid du 'ong mi 'ong bar ma gang rung 'phrad ma thag par myong bas na de dang rab dang chang la dga' ba'i mi de tshang ji tsam btungs kyang ma ngoms par 'thung snying 'dod du 'gro ba ltar sred pas kyang lus longs spyod la nam yang ma ngoms par chags par byed pas de dang 'dra ba dang spre'u shing rtse 'dzegs nas shing tog snga ma'i ro tshor zhing mig gis mthong tshad lag pas len zhing za bar byed pap+latar len pas kyang sred pas chags pa'i yul de la don gnyer chen po byed pas spre'u shing tog len pa dang 'dra zla dgu ngo bcu song bam song bar nye ba'ip+sabarul ma de bu skye ba'i rkyen thams cad tshang bas bu skye ba la mngon du phyogs pa ltar bcu pa srid pa'i rten 'brel srid pa phyi ma 'grub pa'i las kyi nus pa mthu can du byas te yang srid phyi ma 'grub pas na bud med sbrum ma dang 'dra bud med sbrum ma las bud ngos su skyes pa bzhin skye ba'i rten 'brel yang yang srid phyi mar dngos su mtshams sbyar bas de dang 'dra na tshod rab tu rgas pa'i rgas 'khogs rnams de'i sdug bsngal gyis yongs su mnar ba dang 'chi ba'i tshe phong po dur khrod du bskyal ba sogs byed pa ltar rga shi'i rten 'brel grub pa'i tshe yang de ltar byed pas na de dang 'dra bar gsungs so/_/de dag 'khor lo'i rnam pa 'chi bdag gi kha dang rkang lag gis dam bu bzung bar bris pa ni las dang nyon mongs pa'i dbang gis srid pa 'dir skye ba len pa tha dag mthar 'chi bdag gi dbang du ma song ba med pa dang de lta bu'i khams gsum 'khor ba'i sems can rnams sdug bsngal gsum po gang rung gis rgyun chad med par gdung pa nang ngan song gsum gyis sdug bsngal gyi sdug bsngal mtshon par byed cing 'dod pa'i lha dang mi gnyis kyis 'gyur ba'i sdug bsngal dang gzugs khams kyi lha rnams kyis khyab pa 'du byed kyi sdug bsngal mtshon par byed pa sogs de dag ni sdug bsngal 'khor gyi nyes dmigs dang kun 'byung 'khor ba'i 'jug rim mtshon par byed pa yin 'khor pa mya ngan las 'das pa mtshon byed 'khor lo'i rtse mor ston pa mnyam med bcom ldan 'das kyi phyag g.yas pa'i mdzub mos zla ba'i dkyil 'khor nya gang ba lta bu'i thig le dkar po zhig ston pa'i rnam par 'bri bar gsungs la mdog (993) dkar ba ni 'gog bden de nyid rang gi spang bya'i skyon thams cad dang bral bar mtshon zhing de phyag gis ston pa ni 'gog bden de ston pa sangs rgyas kho na la rag las so zhes pa'ang sangs rgyas des ji ltar bsten pa der 'gro bar rigs so zhes mtshon par byed cing lam gyi bden pa mtshon pa'i phyir 'khor lo'i 'og tu brtsams par bya zhing dbyung par bya/_/sangs rgyas bstan pa 'jug par bya/_/'dam bu'i khyim la glang chen bzhin/_/'chi bdag sde ni gzhom par bya/_/gang zhig rab tu bag yod pas/_/chos 'dul 'di la spyod gyur pa/_/skye bo'i 'khor ba rab spangs te/_/sdug bsngal tha mar byed par 'gyur/_/zhes pa'i tshigs bcad 'bri bar gsungs 'khor lo de nyid zlum bur bris pa la dgon pa yod de ma rig pa nas rga shi'i bar rten 'brel yan lag bcu gnyis dang 'khor ba'i 'gro ba lnga rnams zo chun gyi 'phrul 'khor ram mgal me'i 'khor lo ltar snga phyi bar ma chad du 'khor bar shes pa'i ched du yin la rten 'brel yan lag bcu gnyis 'khor lo'i mthar 'bri ba de ni dag las brgal na 'khor ba las thar la de dag las ma brgal na 'khor ba las nang yang mi 'da' bar shes pa'i phyir yin no/_

{{#arraymap:srid pa'i 'khor lo

|; |@@@ | | }}