thang stong rgyal po

thang stong rgyal po

rang byung drug pa'i lcags mo glang (1361)lor gtsang la stod g.yas ru byang ma'i chab 'og 'o ba lha rtse rin chen ldings (ngam rim rdzong khongs mdo spe chus )la zhing pa'i khyim tshang zhig tu sku bltams/rab byung brgyad pa'i shing mo sbrul (1485)lor gtsang stong ri bo cher sku gshegs/dgung grangs brgya dang nyi shu rtsa lnga 'tsho zhing bzhes par nges/thang stong rgyal po'i yab rdo rje rgyal mtshan dang/yum rgya gar lha mo gnyis la rigs kyi myu gu lcam sring drug byung ba ste se ro dpal dang/slob dpon dpal tshul/'phan po/snga dar/khro bo dpal ldan/lcam mo dpal 'dzin rdo rje ma bcas yin pa las lnga pa khro bo dpal ldan zhes pa ni phyis thang stong rgyal por 'bod pa de yin/thang stong rgyal po byis pa'i dus nas spyang grung 'dzoms la phan sems che ba/rig pa rno bas pha ma gnyis kyis khong dgon pa byang sdings su chos skyong dpal ba'i drung du klog yig slob par bskyal/gang des snying rus chen pos slob gnyer mdzad pas ring por ma thogs par bod yig dang/lany+tsa/wartu sogs brda sprod rig pa'i gnas la shin tu mkhas par gyur/de nas ma yi re ba ltar dgon pa byang sdings su nyi ma seng ge'i drung du rab tu byung/mdog stod skya ri'i dgon par dka' lnga pa dpal 'byor shes rab kyi drung du bsnyen par rdzogs/mtshan brtson 'grus bzang por btags/ngam rim chos sder mkha' pa blo gros rdo rje dang/dkon mchog dar ma las sde snod kyi rig lam mang po gsan/de rjes sa skyar dkar bzhi'i grwa skor la byon/de nas gangs bu ler dar ma dpal ba las chu'i dka' thub kyi gdams pa dang/lha gdong pa bsod nams mchog dang/kun spungs rin chen rgyal mtshan/red mda' ba gzhon nu blo gros/bya phur ba sogs las gsang sngags gsar rnying dang/mer rlung gi sgom thabs sogs man ngag du ma gsan nas gcig tu ma nges pa'i bden pa'i gnas su lo mang ring sgom sgrub la gzhol/de nas bal yul du phebs nas b+ha ro ma nu d+ha ras gser dngul sogs cha rkyen du mdzad nas 'phags pa shing kun la sku dkar gsol zhing/bya rung kha shor la nyams gso legs po mdzad/lo bco brgyad tsam ring bal yul dang rgya gar phyogs 'byon bzhud kyis rdo rje gdan dang/zangs gling sogs la phebs/grub thub mang po la chos gsan/rdo rje gdan dang nye ba'i gsang ba rdo rje phug tu sngags rnying ma'i grub thob skal ldan rdo rje grags pa zhes pa las rnying ma'i chos skor ma lus pa gsan/nyams rtogs khyad par can rgyud la 'khrungs/slar bod la phebs nas zab chos de dag gter du sbas/de nas yum rgya gar lha mo 'das pa'i gdung rus la sangs rgyas byang sems mang po'i sa par btab nas mchod rten brtsigs pa dang/gsung rten gser bris kyi mdo sdud pa/sku rten la bris thang bzhengs pa bcas ni rten bzhengs kyi thog ma yin gsungs/thang stong rgyal po zhes mtshan thog tshul ni/khyab gdal chen po'i thang chen na/_/stong nyid rtogs pa'i rnal 'byor pa/_/'jig rten rgyal po lta bur bzhugs/_/de phyir thang stong rgyal po thob/_/ces gtsang rgyal sde'i thang khar bzhugs pa'i dus de nas yongs grags su gyur/thang stong rgyal po ni gnas mchog kun tu rgyu ba'i rnal 'byor pa zhig kyang yin pas thengs gcig tshal gung thang nas lha sar 'byon pa'i lam bar lha gdong shan khar gru dpon la gla rngan gnang rgyu ma byung bas la khar jag pa dang chu khar gnyan dpon gyi dper ltar gru dpon gyi dpe ltar gru dpon gyis khong gi dbu la shan skya las gsum gzhus te chu nang du bskyur bas thugs yin shin tu pham pa zhig byung ba ma zad/nyam thag gi skye bo bgrang las 'das pa zhig kyang 'di dang 'di 'dra'i brnyas bcos dang dka' sdug myong dgos pa shugs kyis mkhyen nas slar thugs kyis ma bzod par chu klung brgal mi btub pa rnams la lcags kyi zam 'dzugs rgyu'i mi phyed pa'i dam bca' thugs la bkod/de nas 'bangs du mas btsal ba'i gser zho brgya tham pa phyag rdzas su bsnams te kong por lcags 'tshol bar phebs/de ltar rim bzhin dad 'dus kyi slob ma lnga bcu tsam byung ba rnamasar+khid de snga rjes su kong yul steng rtsa dang/b+ha kha/smin mo sgango gas la phebs shing/sa cha de tsho'i mar tshogs la lcags zam 'dzugs pa'i dgos pa dge mtshan dril bsgrags te lcags kyi slong mo mdzad pa dang dus mtshungs rang nyid 'khor bcas ljags kha sngog 'don gyi las la zhugs/lhag par kong po sman mo sgang du tshogs khang ka ba bcu gnyis zla ba gcig la grub nas ljags kyi gter kha stobs che ba bton/kong po ba rnams kyis yul ba la dmigs rten mdzad/mgar ba mang po bsags nas lcags brdungs dgos dgongs pa'i tshe kong po ba don grub rgyal pos ljags khur po bcu gsum phul ba sogs lcags sha cang mang po byung bar kun dga' sogs mkhar ba mang po dang lhan cig tu bzo mdzad/zhal bco brgyad kyi ring la lcags thag 'dom bco brgyad yod pa bzhi grub pas mtshon lcags gug rkang bu stong phrag mang po bzo rdung mdzad/de dag skyel 'dren gyi mdzo g.yag kyang kong po ba rnams la skul ma gnang ste thog mal kho nar mdzo nyis brgya bzhi bcu la lcags bkal nas dbus gtsang phyogs su brdzang/thang stong rgyal po rang yang gtsang stod du phyir phebs nas 'bul ba byung tshad lcags la bsgril te ljags gug rkang bu brdungs nas rkang bu bco lnga la dos tshang byas pa'i lcags phur stong phrag gcig dang sum brgya byung ba pa gro ba rnams kyis ma bskul dang blangs kyi sgo nas phag ri bar bskyal/ljags phur nyis brgya tham pa dpal chu bo rir brdzangs/lcags phur stong phrag gcig dang brgya la stong byang la drangs/gzhan yang dbus gtsang khams gsum dang mon yul sogs la phebs nas lcags mang po bsgrubs/de rjes slar yang kong yul la phebs par chab dkar nag sogs kong po'i yul gru khag la lcags kyi gter kha mi gcig pa mang po brdol ba stabs 'grigs pas lcags kyi 'bul ba mtha' yas pa byung ba dang dus mtshungs snga nas kong po rtsa gong du ched du mas nas bzhag pa'i slob ma rnams kyis kyang thang stong rgyal po kong yul tsa kon dpal gyi gnas gsar du phebs pa'i sku gdong du lcags gug rkang bu das mgo sum brgya dus gcig tu spungs/de nas thang stong rgyal po la stod phyogs su phyir logs phebs rjes dpon slob ma chos sgron kong tsa gong la mngags pa ltar de gar lcags gug rkang bu'i phung pho ri chung tsam yod pa rnams kong po la tshor rngan pa chen po gnang nas brdzangs pas nya mgo gru khar phebs/de ltar thang stong rgyal pos yul gru mang por slong mo mdzad pa'i lcags dang rang nyid 'khor bcas kyis lcags kha sngog 'don gnang nas byung ba'i lcags rnams lcags gug rkang bu khri phrag du ma bzo skrun mdzad de lcags zam 'dzugs yul gyi sa cha khag la drangs so/_/lcags zam 'dzugs sa lha gdong shan khar phebs skabs sku ngal chen po phrad yod pas thog mar skyid chu'i gru kha 'di nyid du lcags zam 'dzugs rgyu'i dam bca' bkod yod pa ltar dgung grangs bdun cu zhes pa rab byung bdun pa'i lcags pho khyi (1420)lor lha sar phebs nas sde pa skyid shod pa dang khul de'i ser skya kun la gtsang po'i lho byang gnyis su rdo gsog pa'i skul ma gnang bar lcags zam 'dzugs mi thub zer ba sogs ma 'dod pa'i gtam sna tshogs byung yang/mi ser rnams kyis rdo ba mang du bsags nas chu'i byang chu zam rten brtsigs shing/lho phyogs su brag la lcags phur btab nas lcags thag gi sne gnyis bkal/lcags zab la 'dogs byed thag pa 'bul mkhan ma byung bar sde pa skyid shod pa la thang stong rgyal pos kho bos shar kong po'i yul nas lcags 'di tsam 'khyer yod kyang khyed kyis thag pa tsam zhig kyang mi ster ba bsam pa chud ces gsungs pa dang/mthar skyid shod phu mda'i mi ser rnams kyis thag pa mi khur brgya phul ba lcags la btags pa bcas lo de rang la lcags zab legs par grub/dus de nas bzung grub thob lcags zam pa zhes snyan pa'i grags pa phyogs kun tu khyab par gyur to/_/gzhan yang yar lung nya mgo gru kha'i lcags zab 'dzugs pa'i tshul ni mdung shin tu ring ba la 'phyar dar gyis mdzes pa gtsang po'i dbus su btsugs/lho byang gnyis ka la rdo shin tu dkon yang bye ma'i gser nas rdo bton te shan dang ko ba rnams su bcug /dar chen gyi drung du slebs pa dang rdo rnams chu klung chen po po la bskyur/zam 'bum legs par grub/lcags rnams sbrel nas dbus gtsang thams cad kyi chu dril ba'i rgya mtshor mer ba lta bu'i byang gi phyogs la zam mig sum cu rtsa gnyis dang bcas pa rang byung brgyad pa'i shing mo sbrul (1485)lo'i hor zla bdun pa'i tshes bco lnga'i yan la legs par grub pa bcas 'di ni thang stong rgyal pos 'dzugs par mdzad pa'i mtha' mjug gi ljags zam de yin/thang stong rgyal pos 'dzugs skrun gnang ba'i lcags zam rnams khag gsum la dbye chog pa te thad kar jus 'don sne khrid kyis bskrun pa lha sa skyid chu'i lcags zam lta bu dang/jus 'god dang/gzhi 'ding ba/lcags thag 'then pa sogs 'gag rtsa'i gnas skabs su rang nyin ngo ma bzhugs shing/bar gyi bya ba bu slob rnams sgrub tu bcug pa chu bo ri'i lcags zam lta bu'o/_/gang des dbus gtsang khams gsum la bsdoms lcags zam lnga bcu nga brgyad/shan chen dang gru 'dres pa brgya dang bco brgyad/shing zam drug cu tham pa/sku'i rten rgyab mtho sum cu so bdun che tshad dang/chung tshad mkhyid gang las byas pa'i rin po che gser dngul byur ru mi men spos shel dung rnams las grub pa brgya phrag du ma/'jim pa las grub pa rgyab mtho lnga bcu nga lnga nas mtho gsum ma'i bar stong phrag lnga/gyang ris ras bris bsam gyis mi khyab pa'i 'du khang dang gtsug lag khang brgya dang nyi shu/gsung gi rten gser las grub pa'i bka' 'gyur zhig gi mgo byas bka' 'gyur bco brgyad/bstan 'gyur bco lnga/thugs kyi rten dpal ri bo che'i mchod rten chen po'i phyogs re la pho 'dom bzhi bcu yod pa che tshad dang phyogs re la 'dom brgyad yod pas chung tshad byas pa'i mchod rten brgya dang bcu gcig /dben gnas thar pa gling la sogs pa sgrub sde mang po dang sems can gyi srog skyob pa/sbas yul dang mtha' 'khob rnams su gnas sgo 'byed pa sogs dang/thog mar lcags zam gyi mthun rkyen sgrub byed du bod kyi lha mo'i zlos gar gsar gtod gnang ba dang/thang stong rgyal pos 'dzugs skrun gnang ba'i lcags zam de rnams bzo dbyibs kyi thad nas bshad du dpyang zam yin pa dang/de yang ring tshad la spyi khri brgya lhag tsam dang thung ba'i gras la spyi khre lnga bcu tsam du yod/zheng tshad la lar spyi khre gnyis tsam dang/mar che bar spyi khre khang dang spyi skar lnga bcu'i tshad du yod par snang/zam pa rgyag yul gyi sa bab dang/gtsang po'i zheng tshad/gting tshad sogs la gzhigs te mi 'dra ba'i khyad par yod pa ni/gtsang po kha zheng che yang gting tshad ha cang zab mo med la 'bab rgyun gzar tshad kyang chen po med pa'i rigs la chung klung gi dbus su zam 'bum brtsigs yod pa dang/gting tshad zam la chu 'gril che zhing/'bab rgyun gzir po'i rigs la lcags thag yug gcig gis sprel ba de la yang lcags sne gnyis ka zam rngur la brten pa 'am/gzhogs gcig phrag rir ring tshad spyi khre gnyis tsham dang sbom tshad spyi skar drug tsam yod pa'i lcags phur btab nas ljid tshad rten byed rdo rtsig gi stegs bu sra brtan brgyab yod/lto bar bu ga phug pa'i rdo sgor mor bar mtshams nges ngan dang bcas star du bsgrigs par lcags thag brgyus te mtshams mtshams la rgyab bkag lcags phur btab nas rdo chen sgo mo de rnams zam rngur dang zam 'bum gyi dkyil du btsud de g.yag g.yon rdo rtsig gis bsdoms nas ljid tshad brten thub pa bzos yod/zam gdung ma 'phred du bkal yod pa de la mi ser tshos gnya' shing zhes 'bod srol 'dug /lcags thag 'khyom pa'i skabs brdar shugs che bas rdo la ma reg par gdung ma de dag gis lcags thag la zon skyor gyi phan cha yod 'dug cing/gdung ma brdar zad du gyur pa'i tshe gsar du brje chog /so ma'i thag pas ljags thag phun tshul sbrel ba'i dra mig gi steng du rdog shing zhes pa pang leb bting nas ci bder bgrod chog pa yod/gzhan yang lcags thag gnyis gshib dang bzhi sbrags sna tshogs yod pa ma zad/lcags thag sbom 'dra min yod pa las 'grul bzhud che zhing zam thag ring ba'i gras la byis pa lo brgyad lon pa'i lag ngar tsam dang/thung ba'i rigs la de las cung zad phra ba yod/lcags gug rkang bu'i 'grig kha mig btsums pa ltar mthud ka gang yin ma sngon mi thub pa ma zad/lcags rnams zhun ha cang dag po yod pa'i thog lu gu brgyud du sbrel ba'i lcags gug rkang bu stong phrag mang po kong gcig tu blugs pa lta bu'i bzo bkod gcig mtshungs 'dzam sha dod po bcas 'dug /lo ngo brgya phrag mang po'i ring la char rgyun drag po'i 'og tu gnas kyang bca' mi rgya gar dang lcags kyi rang mdog ma nyams par yod pa sogs khyad chos mang po mig lam du 'dren rgyu yod/lo rabs lnga bcu pa'i dus skabs tsam la'ang bod ljongs kyi 'grim 'grul thog la phan nu thon yod pa ma zad/'grim 'grul mi bde ba'i lung khug 'ga' zhig tu da lta yang ljags yam de tsho'i thog 'grul bzhud byed mus su yod/sngar song rang byung 'gyur ba'i lo rabs nang nyams gso dang/bdag gces med pas nyams zhig tu gyur pa dang/bod 'dir sngar song mi lo nyis stong tsam gyi sngon nas chu chen por yab pa 'dzugs pa'i rig pa dang lag rtsal yod pa tsam du ma zad/thang stong rgyal po ni dar ma dpa' ba sogs las me rlung dang chu'i dka' thub kyi gdams ngag thob rjes sbyangs pa mthar phyin mdzad myong ba zhig yin pas me rlung gip+sagom dang chu'i dkar thub lhur blangs te phung khangs kyi rang 'phel bde bgrod kyin sa pa sogs la brten nas grang ngar bzod thub pa dang chus mi tshugs pa sogs dmigs bsal gyi khyad nus thon rgyu yod pa ni phung khams kyi 'gyur ba'i rgyu mtshan yin/thang stong rgyal po ni bod rigs mi dmigs kyis rgyus mnga' che shos dang mos gus chen po zhu ba'i lo rgyus thog gi mi snang zhig yin cing/de'i rgyu mtshan gtso bo ni khong gi ku tsha gcig ring mi dmangs la phan thog yod pa'i bya ba bzang po ji snyed mdzad pa dang/lhag par lcags zam 'dzugs skrun dang lha mo gsar btod gnang ba sogs yin/gang de'i bka' drin la rjes dran zhu ched snga dus khyim tshang so sor thang stong rgyal po'i sku brnyan re bstan pa'am yang na gnas khang gsar par spo skabs thog mar thang stong rgyal po'i snang brnyan gdan 'dren pa sogs byed srol yod

{{#arraymap:thang stong rgyal po

|; |@@@ | | }}