thu'u bkwan blo bzang chos kyi nyi ma

thu'u bkwan blo bzang chos kyi nyi ma

rje 'di ni a mdo pho rod lang gru phyogs phun tshogs gling lung par pra sti'i rigs su yab dbang skyabs rgyal dang yum ba ri bzang chos mtsho skyid gnyis kyi sras su rab byung bcu gnyis pa'i me sbrul (1737)lor 'khrungs/dgung lo drug pa chu khyi lor sku gong ma gang dbang chos kyi rgya mtsho'i khrir 'khod/bde rgu ngag dbang dge legs rgya mtsho'i drung du dge bsnyen bsgrubs/dmar gtsang dpon chung blo bzang chos 'dzin las yi ge bslabs/dgung lo bcu gcig pa rab byung bcu gsum pa'i me yos (1747)lor sum pa mkhan chen ye shes dpal 'byor las rab tu byung/dgon lung byams pa gling gi chos grwar zhugs/skyes sbyangs kyi mkhyen rab thogs pa med pa'i steng du rtag gus sbyor ba'i brtson pa drug pos gsan sbyong lhur bzhes pas/rnal 'byor gyi rtsal dbyer gyi chu gter bzhin gong du 'phel/dgung lo bcu gsum pa sa sbrul (1749)lor lcang skya rol pa'i rdo rje las dge tshul bsgrubs/dgung lo bcu dgu pa shing phag (1755)lor dbus gtsang chos kyi mdun sar phebs/'bras spungs sgo mang chos grwar zhugs/kun mkhyen 'jigs med dbang po las lung chos man ngag mtha' yas pa gsan/phur bu lcog tu bla ma byams pa rin po che las 'jam dbyangs zhal lung dang bde lam gyi zab khrid/bde gsang 'jigs gsum gyi bskyed rdzogs kyi khrid res mos gnang ba gsan zhing/nyer gcig pa me glang (1757)lor rje de las bsnyen rdzogs bsgrubs/lo 'dir lcang skya rin po che dbus su phebs par bka' chos rgya che ba gsan/gzhan yang paN chen dpal ldan ye shes dang/stag phu bzhad pa'i rdo rje/'bru la mkhan chen ye shes bstan sgron/ba ri ngag dbang don grub sogs mkhas pa mang po las gsan pa phul phyin mdzad/rtag sbyor dang/gus sbyor gyi brtson pa drag pos gsan sbyong lhur bzhes pas mkhyen rab dang rnam dpyod kyi rtsal la 'gran pa'i zla dang bral bar gyur/gzhan yang snyan ngag dang/mngon brjod/sdeb sbyor/skar rtsis sogs tha snyad rig gnas kyi skor la'ang sbyangs pa mthar son/nyer gsum pa sa yos (1759)lor gzhung nas zhu lus mkhan por bskos/dgung lo nyer lnga pa lcags sprul (1761)lor mdo smad du phebs/sum pa mkhan chen sogs bla slob kyi thugs bzhed ltar dgon lung gi khrir bzhugs/me phag (1767)lor rgya nag pe cing du phebs/dpon dmangs la bka' chos gnang/gong mas 'di la ho thog thu'i go sa dang chan bzhi'i lung las phul/dgung lo so gnyis par rang dgon du phebs/gdung lo nga gcig pa me long lor bya khyung gi mkhan rabs zhe gnyis pa'i khri la phebs te lo ngo gsum bskyangs/dgung lo nga gsum par sku 'bum byams pa gling gi khrir bzhugs/dge 'dun rnams kyi 'chad nyan yar ngo'i zla ltar 'phel/rje 'di nyid kyis dgon sde mang du phyag btab/byin can gyi rten mang du bzhengs/ris med kyi bstan pa'i bya ba rgya cher mdzad/bka' rtsom la mtshon na/(lcang skya ye shes bstan pa'i sgron me dpal bzang po'i rnam thar )dang/(thu'u bkwan grub mtha'/) (bcom ldan 'das rdo rje mi 'khrugs lha dgu'i dkyil 'khor du dbang bskur ba'i cho ga gang+gA'i chu rgyun/) (gdugs dkar bzlog chen rgyas pa dang 'bring po'i lag len cho ga'i rim pa bkra shis kun 'byung/) (rje btsun nA ro mkha' spyod pa'i bskyed rdzogs kyi dmigs rim shin tu zab pa bde chen lam gyi snying po/) (rtsis kyi bstan bcos mkhas pa'i snying nor )sogs pod chung bco lnga tsam mdzad/dgung lo re drug la phebs pa rab byung bcu gsum 'i chu khyi (1802)lor sku gshegs

{{#arraymap:thu'u bkwan blo bzang chos kyi nyi ma

|; |@@@ | | }}