tshogs bsags

tshogs bsags

bsag bya'i tshogs kyi ngo bo ni chos gzugs kyi sku gnyis grub pa'i thabs su gyur pa'i dge ba thams cad shes rab ci rigs kyis bsdus pa'o/_/de la dbye yod/'dir skabs su bab pa bskal pa grangs med gsum du tshogs bsags tshul cung zhig brjod par bya ste/grangs med gsum zhes pa'i grangs med ni bgrang du med pa'i grangs med ma yin gyi grangs kyi gnas drug cu'i grangs me tshul yin zhes mkhas pa mang pos bzhes cing/grangs med gsum gyi tshogs bsags tshul la'ang theg dman gyi lugs dang thag chen gyi lugs gnyis yod pa las dang po ni/grangs med gsum la shAkya ba pa nas sangs rgyas 'od srungs kyi bar du de bzhin gshegs pa 'bum phrag gnyis dang khri phrag gsum la bsnyen bkur mdzad de tshogs bsags pa yin cing/de yang mngon par mdzod ltar na shAkya thub nas rin chen gtsug tor can 'jig rten du byon pa'i bar la grangs med dang po dang/de nas mar me mdzad 'jig rten du byung ba'i bar la grangs med gnyis pa/de nas rnam gzigs 'jig rten du byon pa'i bar la grangs med gsum pa ste/bskal chen grangs med gum du tshogs bsags par gsungs shing/mdzod las/rnam gzigs mar me rin rin gtsug /grangs med gsum gyi tha mar byung/_/dang po shAkya thub pa yin/_/zhes 'byung bltar ro/_/de min 'dul ba long sogs las gsung tshul mi 'dra ba yod pas gzhung gzhan las shes par bya'o/_/gnyis pa ni/yongs su grags pa'i dbang du byas na/sngon rgyal po'i bu gzhon nu brtson 'grus spyod ces bya bar gyur pa'i tshe/sangs rgyas phung po chen po 'jig rten du byon pa bsnyen bkur ba nas bzung te bskal pa grangs med gcig tu tshogs bsags pas sa dang po thob par gyur/de nas tshong dpon shes rab bzang du gyur pa'i sangs rgyas dkon mchog yan lag 'jig rten du byan pa la bsnyen bkur ba nas bzung grangs med gnyis pas sa bdun pa thob par gyur/de nas bram zer khye'u chos kyi sprin zhes bya bar gyur pa'i tshe sangs rgyas mar me mdzad 'jig rten du byon pa bsnyen bkur bas/des kyang bram ze khye'u 'di ma 'ongs pa'i dus su shAkya thub zhes bya bar 'gyur ro zhes lung bstan/de nas bzung ste grangs med gum pa'i tshogs bsags te sa brgyad pa mi g.yo ba nas sa bcu pa sangs rgyas sa yi bar bgrod par gsungs/ji skad du/gang tshe mar me mdzad kyis nga/_/lung bstan gyur pa de yi tshe/_/ (655) sa brgyad pa ni thob gyur te/_/dbang bcu dag kyang thob par gyur/_/ces so/_

{{#arraymap:tshogs bsags

|; |@@@ | | }}