yang log kun rdzob gnyis

yang log kun rdzob gnyis

dbu ma rang rgyud pas/shes pa rang gi mtshan nyid kyis grub par snang ba ni snang ba ltar du grub par 'dod pas shes pa yin na yang dag kun rdzob pa'i phyir yul can la yang log gnyis su'i mi phye yang/yul la snang ba ltar don byed nus pa dang mi nus kyi sgo nas yang log gnyis su 'byed do/_/thal 'gyur ba'i lugs la/kun rdzob pa'i yul yul can gang du'ang yang log gnyis su mi 'byed de/yang dag kun rdzob med pa'i phyir te/kun rdzob yin na log pa yin dgos pa'i phyir te/kun rdzob pa'i chos thams cad ni tha snyad tsam du'ang (772) gnas tshul gzhan du gnas nas snang tshul gzhan du snang ba'i rdzun pa yin pas khyab pas na dbang po'i shes pa rnams kyang rang yul 'khrul zhing ma 'khrul ba'i cha gzhan yang med pas na kun rdzob pa'i yul yul can gang la'ang yang log gnyis su mi 'byed do/_/mdor na rang rgyud pas yang dag kun rdzob 'jog pa'ang tha snyad du rang gi mtshan nyid kyis grub par khas len pa la thug cing thal 'gyur bas yang dag kun rdzob khas mi len pa'ang tha snyad du'ang rang gi mtshan nyid kyis grub pa mi bzhed pa'i gnad der thug pa yin zhes gsungs so/_/'on kyang thal 'gyur bas 'jig rten shes pa lhan skyes rags pa'i ngo la ltos te yang log gnyis su 'byed de spyir 'phral gyi 'khrul rgyus ma bslad pa'i shes pa yul dang bcas pa de 'jig rten shes ngo la ltos te yang dag dang des bslad pa'i shes pa yul dang bcas pa de 'jig rten shes ngo la ltos te log pa'i kun rdzob yin mtshan gzhi ni gzugs dang gzugs 'dzin mig shes lta bu ngad po dang me long nang gi byad bzhin gyi gzugs brnyan dang gzugs brnyan de 'dzin pa'i shes pa lta bu gnyis 'dod de dbang po gsal dang dbang po skyon ldan no/_/zhes so/_

{{#arraymap:yang log kun rdzob gnyis

|; |@@@ | | }}