zab gsang rdzogs pa chen po

zab gsang rdzogs pa chen po

gsang chen rnying ma'i chos la brgyud pa mi 'dra ba'i sgo nas gsum (1 rim brgyud bka' ma/2 nye brgyud gter ma/3 zab mo dag snang gi brgyud pa )yod pa las/dang po/ring brgyud bka' ma'i byung tshul ni/1 paN chen bi ma la mi tras rma rin chen mchog dang gnyags dz+nya na ku ma ra gnyis la (sgyu 'phrul gsang ba snying po'i )skor bshad cing bsgyur bas slob ma de gnyis las yang slob mang po byung nas gtsang stod mang mgar dang/la stod lho byang/'bri chu'i brgyud spom 'bor sgang gi sa cha rnams su dar/2 yang slob dpon d+ha na ra k+Shi tas bal po d+harma b+ho d+hi la rtsa rgyud dang/bshad rgyud sogs bshad/bru sha'i yul du khrom ru che btsan skyes la bshad cing bsgyur/de nas rim pas 'phel ba yin/3 gnyags dz+nya na ku ma ras bai ro tsa na dang g.yu sgra snying po la (rdzogs pa chen po )sems phyogs su grags pa zhus/de nas rim par 'phel bas (sems phyogs )kyi skor byung/yang bai ro tsa nas dbang mi phab mgon po la (dpal nam mkha' dang mnyam pa'i rgyud )la sogs pa rdo rje zab ma'i man ngag rnams bshad pa las (klong sde'i )skor byung/slob dpon bi ma la mi tra (snga mas )mnga' bdag rgyal po dang myang ting 'dzin bzang po gnyis la (rdzogs pa chen po snying tig )du grags pa byung yang slob dpon dga' rab rdo rjes rig 'dzin shri ri seng ha la (mkha' 'gro snying tig )gi skor bshad pa las kyang snying tig rigs mi rab zhig byung bar bshad/gnyis pa/nye brgyud gter ma ni/slob dpon pad+ma 'byung gnas la sogs 'i tshad ldan gyi skyes bu 'ga' zhig gis ma 'ongs pa'i gdul bya'i don du mchog dang thun mong gi dngos grub 'grub pa'i man ngag mang po ri dang brag sogs la gter du sbas/gter de dus nam zhig 'don dgos pa dang/'don ran pa'i dus rtags/gter 'od pa po gter ston de'i ming rus/skye yul/lo rtags/lus kyi rtags mtshan sogs gsal bar 'khod pa'i gter gyi kha byang btab/rjes su gnas dus gang zag thams cad 'dzoms pa na gter de thon nas slob ma mang por spel ba la gter chos zhes grags/spyir gter ma mang che ba rnying ma'i chos la yod cing/grub mtha' gzhan la yang yod pa 'dra bsag ter chos tshang ma rnying ma'i chos min no/_/gter ston pa po la yang dngos dang brdzus ma mang po zhig yod kyang/slob dpon pad+ma'i lung gis dngos su zin pa dang min pa bsdoms pas gter ston tshad ldan brgya lhag tsam byung skor tA la'i bla ma sku phreng lnga pa'i gsung 'bum (nya)pa'i 'jug tu (byang bdag rig 'dzin ngag gi dbang po'i rnam thar )las gter ston brgya dang bcu bdun gyi mtshan tsam gsal zhing/gter ston so so'i rnam thar zhib pa (rin chen gter mdzod )kyi pod (ka)pa'i mgor yod/gsum pa/zab mo dag nang gi skor/bla ma 'ga' zhig la yi dam gyi lhas zhal gzigs nang dngos su gsungs pa'i man ngag gi skor la zer te/'di yang sa dge sogs grub mtha' thams cad la yod/_/rnying ma'i chos byung tshul gyi skor zhib cha (deb ther sngon po )le tshan (736) gsum pa'i nang dang de las bsdus pa thu'u bkwan chos kyi nyi ma'i gsum 'bum (kha)pa (grub mtha' shel dkar me long )gi le tshan gnyis pa'i shog grangs 6nas mjug ma rdzogs bar dang 'jam dbyangs mkhyen brtse dang 'jigs med gling pas mdzad pa'i (rnying ma rgyud 'bum gyi dkar chag )bcas su gsal

{{#arraymap:zab gsang rdzogs pa chen po

|; |@@@ | | }}