zhe chen rgyal tshab 'gyur med pad+ma rnam rgyal

zhe chen rgyal tshab 'gyur med pad+ma rnam rgyal

rje 'di ni yab a gro'i rus su gtogs pa shes rab dang yum nam mkha' sgrol ma'i sras su rab byung bco lnga pa'i lcags lug (1871)lo'i bod zla 12tshes 19nyin lha thog dang sde dge'i char gtogs mtsho lung zhes pa'i gnas su 'khrungs/'jam dbyangs mkhyen brtse'i dbang pos o rgyun rab byung rdo rje'i yang srid du ngos 'dzin mdzad/mtshan 'gyur med pad ma bstan 'dzin mkhas grub rgya mtsho'i sde zhes gsol/zhe chen dgon pa bstan gnyis dar rgyan gling gi rgyal tshab bzhi par mnga' gsol/rjes nyid kyi khu bo skyid g.yang drung nas ye shes 'bri klog dang/snyan gzhung me long ma/sgra rig ka tsan dbyangs gsum/sdeb sbyor rin 'byung/rtsis dkar nag gi gzhung sogs la gsan sbyong mdzad/rdzogs chen mkhan po pad ma dam chos zod zer las dge tshul gyi sdom pa bzhes/mtshan pad ma rnam rgyal zhes gsol/dge mang mkhan po yon tan rgya mtsho las bsnyen par rdzogs/mkhyen kong rnam gnyis sogs las sems skyod sdom pa'i tshul khrims gsan/byang sems kyis yongs su gtams shing gzhan phan 'bab zhig lhur bzhes/'jam mkhon mkhyen btsa'i dbang po dang/karma rang byung rdo rje/'jam mgon kong sprul blo gros mtha' yas/zur mang drung rin po che karma chos kyang nyin byed sogs mkhas grub chen po du ma'i drung nas (707) bka' dgongs phur gsum sogs kyi bka' gter gyi dbang khrid man ngag dang rje'i lam rim chen mo sngags gsar ma'i chos skor mdzod rtsa 'grel bka' brgyud sngags mdzod rnying ma rgyud 'bum sogs sngon byung dam pa rnams kyi bka' bum khang dang nga 'grel sogs la gsan bsam rgya cher mdzad dgung lo lo nyi shu lhag tsam du bskyed rdzogs kyi gnas la thugs dam gdan du bsnun pas nyams rtogs kyi yon tan zla na 'phel sa lam gyi mngon rtogs rdzogs par brnyes dgongs pa'i gter chen brdol rdzong gser mkhyen brtse 'jam dbyangs chos kyi blo gros dang zhe chen rab 'byams drug ka kun bzang bstan pa'i nyi ma 'jam dbyangs blo gter dbang po sogs skyed chen du ma rje nyid kyi zhal slob tu gyur rje 'di nyid kyis mchod 'bul gyi las chog skor dang stod tshogs kyi skor gsol 'debs zhabs brtan gyi skor chos 'byung lo rgyus kyi skor de bzhin sgra dang snyan ngag skar rtsis skor dang zhal gdams 'grel TIk+ka'i skor bsngo smon shis brjod kyi skor sogs phyag rtsom gsum ba glegs bug bcu gsum tsam bzhugs de ltar rje 'di nyid kyis rang don du thos bsam sgom gsum dang gzhan don du 'chad rtsod rtsom gsum gyi mdzad pa lhur bzhes te dgung grangs lca bcu rtsa drug bzhes pa rab byung bco lnga pa'i me stag (1926)lo'i bod zla 5tshes 18nyin sku gshegs

{{#arraymap:zhe chen rgyal tshab 'gyur med pad+ma rnam rgyal

|; |@@@ | | }}