zhi ba lha

zhi ba lha

sangs rgyas chos lugs kyi bshad srol ltar na/zhi ba lha ni rje btsun 'jam dpal dbyangs kyis mngon sum du rjes su bzung ba zhig ste/spyi'i los dus rabs bdun pa'am brgyad pa tsam la rgya gar rdo rje gdan gyi nub phyogs yul 'khor mo bzang zhes bya bar rgyal po dge ba'i go cha zhes bya ba'i sras su 'khrungs/mtshan zhi ba'i go cha zhes btags/sku na phra mo nas rig gnas thams cad la mkhas pa'i phul du phyin/rje btsun 'jam dpal dbyangs kyis zhal gzigs/yab 'das te sang nyin rgyal srid la dbang bskur ba'i do nub bros nas na len+d+rar paN+Di ta lnga brgya'i khyu mchog rgyal ba'i lha las rab tu byung ste/mtshan zhi ba zhes btags/mkhan po las sde snod gsum la sbyangs pas mkhas pa'i phul du phyin par gyur cing rje btsan 'jam dpal dbyangs las chos gsan te mdo sngags kyi bka' dang gdams pa ma lus pa thugs su chud kyang/phyi rol dam pa ma yin pa'i skye bo rnams kyi ngor spyod lam za nyal bshang ba ma gtogs glegs lam klog pa la sogs gzhan gang yang ma mthong bas 'du shes gsum pa zhes grags/nam zhig cho 'phrul zla ba la gsung rab 'don pa'i res mos yod pa las/dge 'dun phal mos nan zhus byas pa ji bzhin dpal na len+d+ra'i dge 'dun thams cad 'dus pa'i dbus su khri la bzhugs te/mdo sngon chad grags pa zhig 'don nam/mi grags pa (700) zhig 'don zhes bka' bstsal pas sngon ma grags pa zhig gsung bar zhus pas byang chub sems dpa'i spyod pa la 'jug pa'i bstan bcos chen po gsungs te gang tshe dngos dang dngos med dag ces pa'i bar gsungs nas de phyin gsung bzhin nam mkha' la je mtho je mthor song nar mthar sku mi snang bar gsung grags pa'i sgo nas gzhung ma rdzogs kyi bar rgyun ma chad par bton te gshegs de gzung thob pa rnams kyis ji ltar zin pa bsdus pas sho lo ka stong tshang ba de yin zhes lung bstan no/_/slob dpon 'dis mdzad pa'i bstan bcos la gong du brjod pa'i spyod 'jug dang bslab btus la sogs yod do/_

{{#arraymap:zhi ba lha

|; |@@@ | | }}