zhwa dmar rtogs ldan grags pa seng ge

zhwa dmar rtogs ldan grags pa seng ge

zhwa dmar sku phreng dang po 'di nyid yab stag chung dang/yum a rgod bza'i sras su rab byung lnga pa'i chu lug (1238)lor sku bltams/dgung lo lang nas sgrol ma'i zhal gzigs pa dang/byis pa'i dus nas mngon par shes pa thogs med du byung/dgu lo bcu gsum la rje khol pa'i slob ma blo gros grags pa'i drung du dge bsnyen gyi sdom pa mnos/der lo gnyis bzhugs rjes bsnyen pa la brtson par mdzad/dgung lo bcu bdun pa la bla ma ye shes seng ge'i drung du rab tu byung/de la lhan bskyed dang/jo mo hrIHbskyed bcas gsan/khyad par du thabs lam gyi khrid zhus pas drod par can skyes/na bza' ras rkyang res chog pas dbrang gu ras par grags/de nas dbus su byon nas sa sprel (1308)lor mtshur phur phebs/der slob dpon tshul rin dang slob dpon bsod nams seng ge /gnam bar gyi slob dpon dbu ma ba bcas las gsang 'dus kyi dbang dang/lnga tshan lnga'i dbang/bde dgyes kyi dbang sogs mang du gsan/de nas gsang phur byon nas bla chos pa 'jam dbyangs shAkya gzhon nu dang/zur chos pa slob dpon blo gros mtshungs med la gtugs nas mtshan nyid kyi sde snod sa sde lnga dang/byams chos lnga dang/tshan ma rnam nges dang/sdud pa dang spyod 'jug la sogs pa mang du zhus/khyad par phar phyin gyi TIka zhig brtsams/ (718) phar phyin la mchog tu mkhas pas gtsang phyogs la grwa skor du byon te phar phyin gyi chos skad byang ba'i snyan pa thob gsang phur bzhugs dus rgya brag chos rje la zhi byed mtha' bral gsum gyi gdams pa ngo sprod dang dbu ma lugs kyi sems bskyed zhus der lo bdun bzhugs de nas sgom pa la zhugs pas nyams bzang po thon cing sgyu lus dang rmi lam la rtsal thon pa byung sa skyar phebs skabs lo tsA ba blo gros brtan pa dang mjal nas don dam bsnyen pa dang sgrub thabs rgya mtsho'i lus zhus de nas rdzong drug la byon te brag dkar dang khu byug dben pa rdzong dang brag dmar gsum du shas cher bzhugs shing thugs dam yang shin tu 'phel de'i phyogs su lo gsum bzhugs lo ril po lnga'i rab tu bde chen du thugs dam la bzhugs shing chos mang du gsan mkhan chen gzhon du byang chub dang slob dpon bkra shis rin chen la sogs pa las bsnyen par rdzogs bde chen gyi gdan sar bskos kyang zhal ma bzhes de nas gsang phur blam ston dur la nA ro mkha' spyod skor zhus de la thugs dam gyi mthil mdzad bya lo nas gnas nang btab dge 'dun yang brgya lhag tsam tshogs der 'gro don yun ring du mdzad rje 'di nyid kyis zhing khams mang du gzigs pa dang bar do mngon sum du gzigs pas de dag gi don rgya chen mdzad pa dang sgom chen pa'i gegs mang du bsal ba la sogs pa rnams ni bgrang gis mi langs mthar dgung lo drug cu re bdun bzhes pa rab byung drug pa'i sa glang (1349)lor dgongs pa zhi dbyings su gshegs rje 'di la slob ma shin tu mang po byung yang bu chen bzhir grags pa ni g.yag sde paN chen mkhas grub dar ma rgyal mtshan bcas so/_

{{#arraymap:zhwa dmar rtogs ldan grags pa seng ge

|; |@@@ | | }}