zlos gar

zlos gar

sngon byung gtam rgyud dang lo rgyus sogs kyi nang gsal ba'i mi sna dang lha 'dre sogs mtshon pa'i gzugs su byas te rang rang so so'i skad kyi sgo nas glu blangs pa dang bsam pa'i rnam 'gyur sna tshogs yang nas yang du zlos shing gar byed pa la zer/de yang mi sna so so'i bsam pa'i nyams 'gyur skyo ba dang/dga' ba dang/'jigs pa sogs dgu po rnams mtshon pa'i lus kyi rnam 'gyur dang ngag gi gdangs mi 'dra ba'i sgo nas mtshon par byed pa'i gar 'khrab pa dang chabs cig de dang bstun pa'i rol mo rigs bzhi ('bud pa'i rol mo/brdung ba'i rol mo/dkrol ba'i rol mo/rgyud kyi rol mo )la sogs pa'i ram 'degs byas pa zhig yin/zlos gar la dgos pa'i yan lag lnga ni/mdo 'dzin pa/rol mo ba/chas su bzhugs pa/bzhad gad pa/zlo gar pa bcas yin/gcig /mdo 'dzin pa ni/zlos gar der bkod 'doms byed pa po ste/'phreng ba skud par brgyus pa'i sne mor spyi la khyab pa'i phreng rdog che ba gcig yod pa der mod 'dzin pa zer ba dang 'dra/mdo 'dzin pa de men na zlos gar der go rim med pa dang sgrig khrims med par 'gyur/gnyis/rol mo ba ni/mtshon bya'i mi sna rigs mi 'dra ba'i lus kyi rnam 'gyur dang ngag gi gla dbyangs dang bstun nas rol mos ram 'debs byas pa ste/de la rol mo rigs bzhi yod/1 'bud pa'i rol mo ni/rgya gling dang/gling bu/dung/shu sgra sogs yin/2 dkrol ba'i rol mo/sbug chal/sil snyan/cha lang/ting shag /dril bu/cang te'u sogs/3 brdung ba'i rol mo/rnga chen/rnga zlum/rdza rnga kha gcig pa/rdza rnga kha gnyis ma/mkhar rnga che chung sogs/4 rgyud kyi rol mo/pi wam/sgra snyan/tam bu ra/chin rgyud nyer lnga pa sogs chin gyi rigs mi 'dra ba mang po yod/gong gsal rnams kyang mtshon byed mi sna'i lus ngag gi rnam 'gyur dgu por gang la gang 'tsham pa'i sgo nas ram 'debs byed pa yin/gsum/chas su zhugs pa ni mtshon bya'i mi sna mi 'dra ba so so'i chas su zhugs nas gar 'khrab mkhan te/de la mi sna gtso bo dang/phal pa/rams 'degs mi sna bcas gsum yod pa so sor drangs phyogs mi sna dang/ldog phyogs mi sna/bar gnas mi sna bcas gang 'khrab kyang mtshon bya'i mi sna de'i bsam blo dang/lus kyi rnam 'gyur/ngag gi gdangs bcas legs par mtshon thub min la brten nas/ltad mo mkhan tshor nyams 'gyur thon pa'i nus pa che chung mi 'dra ba yod pa de yin/dper na zlos gar mkhan 'ga' zhig gis drang phyogs mi sna mtshon mkhas po yod kyang gzhan dag mtshon mkhas po med pa sogs yod/bzhi/bzhad gad pa ni/zlos gar gyi skabs lo rgyus ring po zhig nang don du byas nas 'khrab tshe skabs skabs su grod bro ba'i gtam shod mkhan te/de yang zlos gar gyi skabs cung zad bya dka' ba'i ngag gi sgyu rtsal zhig yin/de yang drang phyogs mi snang dang/ldog phyogs mi sna/bar gnas mi snang bcas gsum kas byang chos kyang bod du lha mo 'khrab skabs ldog phyogs mi snas byas pa mang zhing/skabs re bar bcug le tshan du byas pa'ang yod/lnga/zlos gar ba ni de ni zlos gar gyi sbas ram 'degs mi sna ste gtso bo'i mi sna khag gsum la ram 'degs byas te glu blangs pa dang/lo rgyus shod pa/chas g.yogs pa sogs byed mkhan rnams yin/bod du zlo gar ni dga' rabs rgyal po srong btsan sgam po'i sngon dus nas yod par nges te rgyal po srong btsan sgom pos bal bza' dang/rgya bza' (747) btsun mor blangs skabs bod rgyal blon 'phangs dang bcas pas bsu ba dang dga' ston gyi zlos gar rgya chen po bkod pa gtsug lag khang dang po ta la'i ldebs bris su bris yod pa dang phyogs mtshungs rgyal po khri srong lde btsan gyis bsam yas gtsug lag khang bzhengs grub nas rab gnas dga' ston nyin mang po'i bar du byas skabs bod 'bangs rnams kyis bro gar klu gzhas rigs mi 'dra ba dang sgyu rtsal gyi rigs mi 'dra ba mang po bstan tshul bsam yas gtsug khang lang gi 'khor sa'i ldebs bris thog bkod yod gzhan yang bod du skad grags che ba'i zlos gar a ce ha mo zer ba ni bod kyi bka' brgyud chos lugs thog mtshan snyan che ba'i grub chen lcags zam pa'ang mtshan thang stong rgyal po zhu ba khong gis bod sa gnas kyi 'grim 'grul mi bde ba'i dka' ngal sel chen lcags zam khab bcu lhag tsam gsar skrun gnang bar bzhed nas de'i rgyu chas lcags dang 'gro gron sogs sgrub pa'i ched du lho kha nas yin pa'i bu mo spun bdun la bka' bkod gnang ste bu mo gnyis kyis rngon pa dang bu mo bzhin lha mo bu mo gcig gis rol mo dkrol mkhan grub thob rang nyid kyis rnga bdun mkhan mdzad de lha mo'i tshogs pa dang po de btsugs de nas byung ba'i dngos rdzas rnams kyis mthun rkyen byas te lcags zab lnga bcu nga brgyad 'dzugs par gnang bar brtan ming la a lce lha mo zer ba'i zlas gar tshogs pa de byung zhing de nas rim bzhin mo tshogs pa mang du song nas dus rabs bco brgyad pa yas mas su slebs skabs bod du skad grags che ba'i lha mo'i tshogs pa skyor mo lung pa rgyang mkhar ba shangs pa gcung pa 'bri gung pa bcas byung nas sde srid sangs rgyas rgya mtshos po ta la'i pho brang dmar po bzhengs grub pa'i rab gnas kyi nyin lha mo tshogs pas nor bzang gi gzhung 'khrab ston byas tshul (gser gdung 'dzam gling rgyan gcig gi dkar chag )nang bshad yod gzhan yang khams kyi ral pa dang chab mdo'i bro mnga' ris dang 'bang thang gi skor gzhas tshig rgyag 'bras dkar shel grong 'brong rtsed 'bag seng sogs mi rigs kyi khyod chos ldan pa'i zlo gros dang de'i 'khrab gzhung yang mang po yod yang snyan ngag gi gzhung las bshad pa'i zlos gar ni skad rigs mi 'dra ba bzhi'i sgo nas brtsams pa'i rtsom yig dang skad rigs bzhi'i sgo nas 'khrab pa'i zlos gar lta bu ste lha'i rigs la saM skr-i ta'i skad gyi nas gtam smra ba dang glu len pa nas lha srin da brgyan gzhan pa'i skad kyi sgo nas gtam smra ba dang glu len pa ni pi sha tsa'i skad de sha za'i skad dang bran g.yog pho mo dang bzhad gad mkhan la sogs pas gzhan la bsnyad 'dogs pa dang 'gran zla byed pa sogs kyi skabs a wa b+h+ma sha ste zur chag gi skad dang bud med kyi rigs phal che ba'i gtam smra ba dang gling len pa sogs kyi skabs yul mi rang bzhin pa'i skad kyi sgo nas brjod pa sogs bshad bod du zlos gar gyi ltad mo'i rigs la skad rigs bzhi tshang ba de 'dra med kyang skad rigs bzhi'i sgo nas brtsams pa'i rtsom yig ni gung thang bstan pa'i sgron mes mdzad pa'i (zlos gar gyi bstan bcos yang dag lam du bkra shis pa'i rol rtsed/) ces pa zhig yod pa de'i nang rgya dang sog po rgya gar bod bcas kyi cho smra ba bzhis rang rang so so'i skad kyi sgo nas chos gtam gleng res byas pa'i rnam pa dang gzhan yang zlos gar gyi rig pa'i gzhung lugs lta bur brtsams pa ni sa skya paN chen kun dga' rgyal mtshan gyis mdzad pa'i (rol mo'i bstan bcos )dang de'i 'grel pa ngor mkhan chen bsod nams lhun grub kyis mdzad pa zhig kyang yod la bstan 'gyur gyi nang slob dpon tsan+d+ra go mis mdzad pa'i ('jig rten kun tu dga' ba'i zlo gar )dang slob dpon dga' ba'i lhas mdzad pa'i (klu kun tu dga' ba'i zlos gar )sogs bod skad du bsgyur ba yang yod do/_

{{#arraymap:zlos gar

|; |@@@ | | }}