Dictionaries/Bod rgya shen sjar gyi shes jai rnam drangs kun btus tshig mdzod/2190

Tibetan	གྲུབ་ཆེན་བརྒྱད་ཅུ་གྱ་བཞི།
Tibetan Alternate
Tibetan Definition	སངས་རྒྱས་ཆོས་ལུགས་ཀྱི་བཤད་སྲོལ་ལ། གསང་སྔགས་ཀྱི་ལམ་ལ་བརྟེན་ནས་ཐུན་མོང་གི་དངོས་གྲུབ་བརྒྱད་དམ། སྐུ་ཚེ་དེ་ལ་སངས་རྒྱས་པའམ། མཆོག་གི་དངོས་གྲུབ་གང་རུང་ཐོབ་པ་ལ་གྲུབ་ཐོབ་དང་གྲུབ་ཆེན་ཟེར། གྲུབ་ཆེན་འདི་རྣམས་དུས་སྐབས་གང་དུ་བྱུང་བ་ན། ཇོ་ནང་ཏཱ་ར་ན་ཐས་བརྩམས་པའི་《རྒྱ་གར་ཆོས་འབྱུང་》ལས། ནང་པའི་སློབ་དཔོན་གྲུབ་ཐོབ་བརྒྱད་ཅུ་རྩ་བཞིར་གྲགས་པ་ཕྱེད་ལྷག་ཙམ་སློབ་དཔོན་ཆོས་གྲགས་ཀྱི་དུས་མན་ཆད་ནས་རྒྱལ་པོ་ཙ་ན་ཀས་སྲིད་དབང་བཟུང་བ་ཡན་ཆད་དུ་བྱོན་པ་དང༌། རྒྱལ་པོ་གོ་པཱ་ལ་ནས་རཱ་མ་པཱ་ལའི་བར་པཱ་ལ་བདུན་བརྒྱུད་ཀྱི་རིང་གསང་སྔགས་ཀྱི་ལམ་ལ་བརྟེན་ནས་གྲུབ་པ་ཐོབ་པ་ཤིན་ཏུ་མང་བར་བྱོན་ཞེས་བཤད་པ་ལྟར་ན། གྲུབ་ཐོབ་བརྒྱད་ཅུ་རྩ་བཞིའི་ནང་གི་མང་ཆེ་བ་བོད་ཀྱི་རབ་བྱུང་གོང་གི་ཤཱཀྱུའི་འདས་ལོ་(འདིའི་ནང་གི་ཤཱཀྱའི་འདས་ལོ་རྣམས་ཁ་ཆེ་པཎ་ཆེན་ཤཱཀྱ་བྐྲིའི་ལུགས་ཀྱི་འདས་ལོ་གཞིར་བཟུང་བ་ཡིན）1165 ལོ——བོད་ཀྱི་རབ་བྱུང་གསུམ་པའི་མཇུག་བར་དང་། སྤྱི་ལོའི་དུས་རབས་བདུན་པ་ནས་དུས་རབས་བཅུ་གཉིས་པའི་མཇུག་བར་གྱི་ལོ་དྲུག་བརྒྱ་ཐམ་པའི་རིང་དེར་བྱུང་བར་མངོན། འདིར་གྲུབ་ཐོབ་བརྒྱད་ཅུ་རྩ་བཞིའི་མིང་ཙམ་སྨོས་ན། 1. ལུ་ཨི་པ། ཉ་ལྟོ་བ། 2. དྷ་རི་ཀ་པ། སྨད་འཚོང་ལ་གཡོག་བྱེད་པ། 3. ཌིམ་ཀེ་པ། 4. ལི་ལ་པ། 5. བིར་ཝ་བ། དཔལ་ལྡན་ཆོས་སྐྱོང་། 6.ཊོམ་བྷི་བ། 7. ཤ་ཝ་རི་པ། རི་དྭགས་རྔོན་པ། 8. ས་ར་ཧ་པ། བྲམ་བྲེས་ར་ཧ་པ། 9. ཀོ་ཀ་ལི་བ། ཉལ་པོ་ལ་དགའ་བ། 10. མི་ན་པ། ཉ་པ། 11. གོ་རཀྵ་པ། རྐང་ལག་མེད་པ། 12. ཙ་འུར་ཁ་པ། བ་ལང་སྐྱོང་། 13. བི་ན་པ། རོ་མོ་ལ་ཆགས་པ། 14. རཧྣ་ཨ་ཀ་ར་ཤནྷི། རིན་ཆེན་འབྱུང་གནས་ཞི་བ། 15. ཏོག་ཙེ་པ། འཇོར་ཐོགས་མཁན། 16. ཧཎྚི་པ། ཐགས་མཁན། 17. ཙ་མ་རི་པ། ལྷམ་མཁན། 18. ཁངྒ་པ། རལ་གྲི་ཅན། 19. ཀླུ་སྒྲུབ་སློབ་དཔོན། ཀླུ་སྒྲུབ། 20. ཀཧྞི་པ། ནག་པོ་སྤྱོད་པ། 21. ཀ་ན་རི་པ། སློབ་དཔོན་ཨརྱ་དེ་བ། 22. ཐེ་གེ་ན་པ། བརྫུན་ལ་དགའ་བ། 23. ཏེ་ལོ་པ། ཏིལ་བརྡུང་མཁན། 24. ནཱ་རོ་པ། པཎ་ཆེན་ནཱ་རོ་པ། 25. ཤ་ལི་པ། སྤྱང་ཀི་པ། 26. ཙ་ཏ་པ། ཆོས་སློང་མཁན། 27. བྷ་ཧ་པ། 28. དྷོ་ཁན་དྷི་པ། 29.ཨ་ཛུ་ཀི ལེ་ལོ་ཅན། 30. ས་ཀ་ལ་པ། སྨྱོན་པ། 31. ཌོམ་བི་བ། ཁྲུས་མཁན། 32. མེ་ཀོ་པ། དུར་ཁྲོད་པ། 33. ཀ་མ་རི་པ། མགར་བ། 34. ཛ་ལན་དྷ་ར་པ། འབར་བ་འཛིན། 35. ར་ཧུ་ལ། སྒྲ་གཅན་འཛིན། 36. དྷ་རྨ་པ། ཆོས་སྨྲ་བ། ། 37. དྷོ་ཀ་རི་པ། སྣོད་འཁུར་བ། 38. མེ་དྷ་ནི། ཞིང་པ། 39. སདྷ་ཛ་ལ། 40. དྲིལ་བུ་པ། 41. ཨ་ཡོ་གི 42. ཙ་ལོ་གི 43. གུ་ཧུ་རི་པ། བྱ་པ། 44. ལུ་ཙི་ཀ ཙོག་འདུག་ལྐོག་ལངས། 45. ཀམ་ཀ་ལ། གདུ་བུ་པ། 46. ཀམ་པ་ལི། ལ་ཝ་པ། 47. བྷ་དེ་པ། 48. ཏེན་ཏ་པ། ཆོ་ལོ་པ། 49. ཀུ་ཀུ་རི་པ། ཁྱི་ལ་དགའ་བ། 50. ཀུ་ཛྙ་ལི། ལྟག་ཝ་ཅན། 51. དྷརྨ་པ། ཐོས་ཤེས་ཅན། 52. མ་དྷི་ལ། ང་རྒྱལ་ཅན། 53. ཨ་ཙི་ཎྟ། ཤིང་འཚོང་མཁན། 54. བྷ་ལ་ཧ། 55. ན་ལི་པ། འདམ་གྱིས་གམ་གོས་པའི་པདྨ། 56. བྷུ་སུ་ཀུ་པ། འདུ་ཤེས་གསུམ་པ། 57. ཨིནྡྲ་བོ་དྷི། བྱང་ཆུབ་དབང་པོ། 58. ལེགས་སྨིན་ཀ་ར། དེའི་སྐུ་མཆེད་(མོ） 59. ཛ་ལེནྡྲ་པ། འབར་བའི་དབང་པོ། 60. ནི་ར་གུ་ན། ཡོན་ཏན་མེད་པ། 61. ཙ་བ་རི་པ། འཁུར་པ་འཚོང་བ། 62. ཙ་པ་ཀ 63. བྷི་ཁ་ན། 64. ཏིལ་བརྡུང་པ། 65. ཀུ་མ་རི། 66. དུ་མེ་བ། 67. མ་ཎི་བྷ་དྲ་ (མོ） 68. རྣལ་འབྱོར་མ་མེ་ཁ་ལ། 69. དེའི་སྐུ་མཆེད་(མོ) 70. ཀ་ན་ཀ་པ། མུ་ཅོར་སྨྲ་བ། 71. ཀུན་ཐ་ལི་པ། འཚེམ་བུ་པ། 72. དྷ་པུ་རི་པ། ཀུ་ཤའི་ཐག་པ་གཅུ་མཁན། 73. ཨུ་དྷ་རི་པ། རྫུ་འཕྲུལ་གྱིས་འཕུར་མཁན། 74. ཀ་པཱ་ལི་པ། ཐོད་པ་ཅན། 75. ཀི་ར་པ། སྲིད་དམག་ལ་དགའ་བ། 76. མཚོ་སྐྱེས་རྡོ་རྗེ། 77. སྭརྦ་བྷ་ག་ལ། མཐོང་ཚད་ཟ་བ། 78. ན་ག་བོ་དྷི། ཀླུ་བྱང་ཆུབ། 79. ཁུང་ལི་པ། བྲིས་སྐུ་འཆང་བ། 80. པ་ན་ཧ། མཆིལ་ལྷམ་ཅན། 81. ཀོ་ཀ་ལི་པ། བྱ་ཀོ་ཀ་ལི་ལ་དགའ་བ། 82. ཨ་ན་ཀ ལུས་བཟང་པ། 83. སམུནྡྲ། ཚོང་བྱེད་མཁན། 84. བྱ་རི་པ། བཅུད་ལེན་མཁན་བཅས་ཡིན། སྤྱིར་གསང་སྔགས་བླ་མེད་ཀྱི་ལམ་ལ་བརྟེན་ནས་གྲུབ་པ་ཐོབ་པ་ནི་སློབ་དཔོན་ཀླུ་སྒྲུབ་ཀྱི་དུས་ཁོ་ནར་ལྔ་སྟོང་ལྷག་ཙམ་བྱུང་བར་བཤད་ཅིང་། ཡོངས་གྲགས་སུ་གྲུབ་ཐོབ་བརྒྱད་ཅུ་རྩ་བཞི་དང་གྲུབ་ཐོབ་བརྒྱད་ཅུ་ཞེས་གྲགས་པ་ནི། བླ་མ་རྡོ་རྗེ་གདན་པས་ཚོགས་འཁོར་མཛད་པའི་སྐབས་དངོས་སུ་བྱོན་པའི་གྲུབ་ཐོབ་ཀྱི་གྲངས་ལ་བརྒྱད་ཅུ་བྱུང་བར་བརྟེན་ནས་མིང་དེ་ལྟར་གྲགས་པ་ཡིན་ཟེར་སྲོལ་ཡོད།
Tibetan Source
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)	（宗）八十四大成就者：从公元七世纪到十二世纪末大约共六百年间，古印度龙树、静命、笛洛巴等八十四位成就者（或称大阿闍黎），通常也称八十大成就者，后来也有八十五大成就者之说。同时，各种佛书上记载的人名也均有差异。 此条引自藏文《红史》注释，此八十四位大成就者之人名，多属古印度之读音，可意譯者极少，故譯名從略。
Chinese (Traditional)	（宗）八十四大成就者：從公元七世紀到十二世紀末大約共六百年間，古印度龍樹、靜命、笛洛巴等八十四位成就者（或稱大阿闍黎），通常也稱八十大成就者，後來也有八十五大成就者之說。同時，各種佛書上記載的人名也均有差異。 此條引自藏文《紅史》註釋，此八十四位大成就者之人名，多屬古印度之讀音，可意譯者極少，故譯名從略。
Chinese Definition
Page Number