Sheja Dzo Chapter 6.3 Wylie: Difference between revisions

From Rangjung Yeshe Wiki - Dharma Dictionary
Jump to navigation Jump to search
mNo edit summary
No edit summary
Line 1: Line 1:
Sheja Dzo ([[shes bya mdzod]]), ''[[The Treasury of Knowledge]]'', by [[Jamgon Kongtrul]].
'''[[Assemblage of Sugatas]]''' [[bde gshegs 'dus pa]]
 
This file was typed by [[Phinjo Sherpa]] at [[Rangjung Yeshe Translations & Publications]] office in Boudhanath, Nepal. Thanks for the sponsorship to Peter ___ and Christoph ___, two student of [[Khenpo Tsultrim Gyamtso Rinpoche]].
 
There is still need for more spellcheck and hyperlinks. [[Erik Pema Kunsang]]
 
 
===Sheja Dzo Chapter 6.3 volume2 3.===
rgyu mtshan nyid theg pa rnam par gzhag pa'i skabs/ skabs gsum pa rgyu mtshan nyid kyi theg pa rnam par gzhag pa la gnyis/ spyir bstan pa dang/ bye brag tu dbye'o/ <br>
/dang po ni/ nang ba'i theg gsum rgyal bs rnam par gzhag/ grub mtha' bzhi po gang zag so so yi/ /rang blos lta ba mthar thug grub don te/ /rang (aa: 222 ba) sde nang pa sangs rgyas pa la theg pa gsum dang/ grub mtha' smra ba bzhi zhes yongs su grags pa las theg pa gsum ni rgyal ba nyid kyis gsung rab rnams su rnam par gzhag cing bskal bzang 'di'i rgyal ba byon dang 'byon 'gyur thams cad kyi bstan pa yin no/ <br>
/de'ng spyir theg pa zhes pa khur dang ldan pa'i glang po che sogs la grags pa yang khur khyer nas bgrod par bya ba'i don gyis <br>
<br>
===Sheja Dzo Chapter 6.3 volume2 (page 443)===
<br>
yin la/ de bzhin du rang dang gzhan don gyi khur khyer nas go 'phang mchog tu bgrod par byed pas theg pa zhes par bzhag cing/ de'ng 'dis bgrod pa rgyu lam dang 'dir bgrod pa 'bras bu'i theg pa zhes dang/ rang gzhan gnyis ka'i don sogs khur chen po dang ldan pas theg chen dang/ rang don 'ba zhig pa'i khur chung ngu dang ldan pas theg dman du bzhag pa'o/ <br>
/grub mtha' bzhi'ng sngags kyi tshul las ni dpal brtag pa gnyis pa'i lta ba rim 'jug gi skabs su/ de la bye brag smra ba bsta/ /mdo sde pa yang de bzhin te/ /rnal 'byor spyod pa de las phyis/ /de rjes dbu ma bstan par bya/ zhes gsungs pa dang/ dus 'khor ye shes le'ur bcom ldan 'das kyi zhal bzhi las grub mtha' smra ba bzhi byung bar gsungs pas mtshon dgos pa'i dbang gis ming tsam gsungs pa yod kyang theg gsum bzhin du gzhi lam 'bras gsum gyi rnam par gzhag pa ma bstan pa dang/ rig byed bzhi po'ng dus kyi 'khor lo'i zhal bzhi las byung bar gsungs kyang de dag sangs rgyas kyis rnam par gzhag par mi 'grub pa dang/ shing rta'i srol 'byed ston pa las phyis su byung ba'i gang zag rnas kyis byas pa'i phyir grub mtha' bzhi po ni gang zag so so'i rang blos rnam par dpyad pa'i lta ba mthar thug gi grub don te/ des na kun mkhyen rong ston chen pos/ grub mtha'i don ni/ blang dor gyi don (aa: 223 na) la rnam par dpyod pa zhugs pa'i gang zag rang rang gi 'dod pas yongs su dpyad pa'i don yin la/ sgra don ni/ rang rang ge lugs kyi lung rigs kyis grub pa de las phar nam yang 'gro sa med pa'i don la bshad do/ <br>
/zhes gsungs pa ltar ro/ <br>
/gnyis pa la gnyis/ the gpa chung ngu'i rnam gzhag dang/ theg pa chen po'i rnam gzhag go/ <br>
dang po la gnyis/ mdor bstan/ rgyas bshad do/ <br>
/<br>
<br>
===Sheja Dzo Chapter 6.3 volume2 (page 444)===
<br>
dang po ni/ theg pa dman la nyan thos rang rgyal gnyis/ /zhes so/ <br>
/gnyis pa la gnyis/ nyan thos kyi theg pa dang/ rang sangs rgyas theg pa'o/ <br>
/dang po la drug sgra don nges tshig gang la 'jug sgo/ <br>
bsrung bya'i sdom pa/ rtog bya'i lta ba/ 'thob bya'i 'bras bu/ rab tu dbye ba'o/ <br>
/dang po ni/ gzhan brten thos sgrog nyan thos/ /zhes pa ste/ de'ng lett sbyar skad du/ shra ba ka zhes pa nyan pa dang thos pa gnyis ka la 'jug pas nyan thos zhes bya ba yin te/ bu ddha sangs pa dang rgyas pa gnyis ka la 'jug pas sangs rgyas zhes brjod pa ltar ro/ <br>
/rnam pa gcig tu na/ gzhan brten thos sgros ces pas/ slob dpon gzhan la brten zhing de las thos pa dag yul gzhan la sgrog pas thos sgrog gam nyan thos zhes bya'o/ <br>
/gnyis pa gang la 'jug pa'i sgo bshad pa la gnyis/ rnam grangs kyi sgo nas mdor bstan/ mtshan nyid kyi sgo nas rgyas par bshad pa'o/ <br>
/dang po ni/ 'jug pa'i sgo/ <br>
/sdug bsngal kun 'byung 'gog lam bden pa bzhi/ /chos rjes bzod shes bcu drug rnam pa can/ /de la nyan thos rnams 'jug pa'i sgo ni/ sdug bsngal bden pa/ kun 'byung bden pa/ 'gog pa'i bden pa/ lam gyi bden pa ste 'phags pa'i bden pa bzhi la re re la'ng chos bzod/ chos shes/ rjes bzod/ rjes shes sbyar ba'i shes rnam skad cig ma bcu drug gi sgo nas 'jug go/ <br>
9aa: 223 ba) gnyis pa la gsum/ thun mong du bshad pa/ bden bzhi so sor bshad pa/ spyi mtshan bsdus te bstan pa'o/ <br>
dang po la bzhi/ ngo bo/ <br>
mtshan nyid/ grangs dang go rim/ nges tshig go/ <br>
dang po ngo bo ni/ snga ma'i nyon gyis bskyed phung po'i rgyun/ /'byung <br>
<br>
===Sheja Dzo Chapter 6.3 volume2 (page 445)===
<br>
'byur nyer len rgyur gyur las nyon mongs/ /gnyen pos spang bya bcom pa'i spangs pa dang/ /spong thobnus pa'i ye shes ngo bo'o/ <br>
/de'ng skye ba snga ma'i las nyon gyis bskyed pa'i nyer len gyi phung po'i rgyun rnams sdug bsngal bden pa'i ngo bo/ <br>
'byung 'gyur nyer len gyi phung po'i rgyur gyur pa'i las nyon rnams kun 'byung gi bden pa'i ngo bo/ <br>
gnyen po lam gyis spang bya kun 'byung bcom pa'i spangs pa ni 'gog bden gyi ngo bo/ <br>
kun 'byung spong bar nus shing 'gog pa thob par nus pa'i 'phags pa rnams kyi ye shes ni lam bden gyi ngo bo'o/ <br>
/de'i dang po gnyis kyis kun nas nyon mongs pa'i 'khor ba'i rgyu 'bras ma lus pa bsdus shing/ phyi ma gnyis kyis rnam par byang ba mya ngan las 'das pa'i rgyu 'bras ma lus pa bsdus so/ <br>
/gnyis pa mtshan nyid ni/ bstan dang mi mthun med pa mtshan nyid don/ /bsdu ba las/ bstan dang mi mthun pa med pa'i mtshan nyid kyi don can/ zhes gsungs pa ltar/ kun 'byung gis bskyed pa'i 'bras bu zag pa dang bcas pa'i phung po bstan pa dang mthun pa sdug bsngal bden pa'i mtshan nyid/ sdug bsngal nyer len gyi phung po skyed byed bstan pa dang mthun pa kun 'byung bden pa'i mtshan nyid/ de bzhin nyid glo bur gyi dri mas dag pa bstan pa dang mthun pa 'gog bden gyi mtshan nyid/ thar par bgrod pa'i 'jug ngogs bstan pa dang mthun pa lam bden gyi mtshan nyid do/ <br>
/gsum pa grangs dang go rim nges pa ni/ rgyu 'bras gnyis phrug grangs dang go rim nges/ /shes bya spang bya thob bya thob bya bsten par bya/ /bden pa bzhir byas pala (aa: 224 na) 'khor ba dang myang 'das gnyis su nges shing/ de re rer rgyu 'bras phrugs rer yod pas gnyis phrugs su nges te/ 'khor ba la'ng 'bras bu sdug bsngal dang rgyu kun 'byung gnyis/ myang 'das la'ng 'bras bu <br>
<br>
===Sheja Dzo Chapter 6.3 volume2 (page 446)===
<br>
'gog pa dang rgyu lam bden gnyis su nges pas na bden pa bzhir grangs nges la/ shes bya thams cad bden bzhir bsdu ba ni ma yin te/ nam mkha' dang so sor brtags min gyi 'gog pa dang ma dag pa'i de bzhin nyid dang/ yongs su dag pa'i 'jig rten gyi khams la sogs pa rnam pa bzhi po gang du'ng ma 'dus pa'i phyir ro/ <br>
/go rim ni/ yul can mngon par rtogs pa'i rim pa dang mthun par yul bden pa bzhi bstan pa yin te/ mdzod las/ bden pa ji ltar mngon rtogs rim/ /zhes so/ <br>
/de yang 'khor ba sdug bsngal gyi phung po ni nad dang 'dra bar shes par bya ba dang/ de'i rgyu las dang nyon mongs pa'i kun 'byung ni nad kyi rgyu dang 'dra bar spang bar bya ba dang/ sdug bsngal mtha' dag las grol ba'i 'gog pa ni nad med pa'i bde ba dang 'dra bar thob par bya ba dang/ de'i thabs su lam zag med sgom pa ni sman bzang po dang 'dra bar bstan par bya ba rtogs pa'i phyir te/ rgyud bla ma las/ nad ni shes bya nad kyi rgyu ni spang bya la/ /bder gnas thob bya sman ni bstan par bya ba ltar/ /sdug bsngal rgyu dang de 'gog pa dang de bzhin lam/ /zhes bya spang bya rig par bya zhing bstan par bya/ /zhes gsungs pa ltar ro/ <br>
/bzhi pa nges tshig ni/ rang rang ngo bor mi bslu bden par brjod/ /thun mong du rang rang gi ngo bo rnam pa bzhi bzhir bden zhing mi bslu bar gnas pas de rnams kyi rang bzhin ji lta bar mthong na phyin ci ma log pa'i blo skye bas na 'phags pa'i bden pa zhes bya la/ khyad par du so so'i nges tshig ni/ mdzod 'grel las/ gnod pa'i bdag nyid yin pa'i phyir sdug bsngal ba'o/ <br>
/kun 'byung ba'i tshul (aa: 224 ba) gyis kun 'byung ba'o/ <br>
/phung po zhig pa'i phyir 'gog pa'o/ <br>
/bgrod pa'i don gyis lam mo/ <br>
/zhes pa ltar ro/ <br>
/gnyis pa bden pa so sor bshad pa la bzhi las/ shes bya sdug bsngal <br>
<br>
===Sheja Dzo Chapter 6.3 volume2 (page 447)===
<br>
bden pa/ spang bya kun 'byung bden pa/ thob bya 'gog pa'i bden pa/ bsten bya lam gyi bden pa'o/ <br>
/dang po la gnyis/ rang bzhin gtan la dbab pa/ ngo bo'i sgo nas dbye bsdu'o/ <br>
/dang po ni/ khams gsum sa dgu sems can skye ba'i gnas/ /der skyes 'gro ba sdug bden rang bzhin te/ /mngon pa kun btus las/ sdug bsngal gyi bden pa gang zhe na/ de ni sems can skye ba dang skye ba'i gnas kyis kyang rig par bya'o/ <br>
/zhes gsungs te/ gzugs khams bsam gtan bzhis phye bas sa bzhi/ gzugs med khams skye mched bzhis phye bas sa bzhi/ gdod khams sa mtshungs gcig ste khams gsum por sems khyis phye ba'i sa dgu la brten pa snod kyi 'jig rten sems can gang du skye ba'i gnas dang/ gyo ba bcud kyi 'jig rten der skyes pa'i 'gro ba thams cad sdug bsngal gyi bden pa'i rang bzhin du shes par bya'o/ <br>
/gnyis pa ngo bo'i sgo nas dbye bsdu ni/ ngo bo brgyad drug gsum mam gnyis su 'du/ /sdug bsngal la ngo bo'i sgo nas dbye na/ skye ba dang rga ba dang na ba dang 'chi ba ste nang la brten pa'i sdug bsngal bzhi dang/ mi sdug pa dang phrad pa dnag/ sdug pa dang bral ba dang/ gang 'dod pa btsal gyis ma rnyed pa ste phyi la brten pa'i sdug bsngal gsum dang/ tshas mngon pa las/ mdor na nye bar len pa'i phung po lnga ni sdugbsngal lo/ <br>
/zhes pa ltar thams cad kyi rgyur gyur pa'i gnas ngan len gyi sdug bsngal gcig ste brgyad do/ <br>
/de dag kyang bsdu na/ rga nad 'chi gsum na tshod dang khams dang srog 'gyur ba yin pas 'gyur ba'i sdug bsngal 9aa: 225 na) gcig tu bgrang ba dang/ lhag lnga ste drug go /de'ng bsdu na/ sdug bsngal brgyad kyi skye rga na 'chi bzhi dang mi sdug pa dang phrad pa lnga sdug bsngal myong bar 'gyur ba'i chos kyi rang gi mtshan nyid yin pas sdug bsngal <br>
<br>
===Sheja Dzo Chapter 6.3 volume2 (page 448)===
<br>
gyi sdug bsngal/ sdug pa dang bral ba dang 'dod pa btsal gnyis mi rnyed pa gnyis bde ba myong bar 'gyur ba'i chos 'gyur ba'i rang gi mtshan nyid yin pas 'gyur ba'i sdug bsngal/ gnas ngan len nyer len gyi phung po lnga ni bde sdug las ma grol zhing mi rtag pa nyid rjes su 'brel tre grub pa dang bde ba ma yin pas 'du byed kyi sdug bsngal te de gsum du 'du'o/ <br>
/de las kyang bsduna/ brgyad kyi dang po bdun ni rtogs par sla bas 'jig rten pa'i shes pas kyang sdug bsngal du rig cing de'i yul yin pa'i phyir kun rdzob kyi bden par sdug bsngal ba dang/ mdzod 'grel las/ byis pa lag mthil 'dra ba yis/ /'du byed sdug bsngal spu mi rtogs/ /'phags pa mig dang 'dra ba yis/ /de yis shin tu yid kyang 'byung/ /zhes pa ltar/ brgyad pa de ni 'jig rten pas rtogs par dka' la/ 'jig rten las 'das pa'i shes pas sdug bsngal du rig cing de'i yul yin pas don dam pa'i bden par sdug bsngal ba ste de gnyis su 'du'o/ <br>
/gnyis pa spang bya kun 'byung bden pa la gnyis/ mdor bstan/ rgyas bshad do/ <br>
/dang po ni/ nyon mongs zag bcas las rnams kun 'byung bden/ /chos mngon pa las/ kun 'byung bden pa gang zhe na nyon mongs pa dang nyon mongs pa'i dbang gis byung ba'i las so/ <br>
/zhes te/ chags sogs nyon mongs thams cad dang des kun nas bslangs pa'i dbang gis byung ba'i las zag pa dang bcas pa rnams te/ de dag las sdug bsngal ba kun 'byung ba'i gzhir gyur pa'i phyir kun 'byung bden pa zhes bya'o/ <br>
/gnyispa la gnyis/ nyon mongs kun 'byung dang (aa: 225 ba) las kyi kun 'byung ngo/ <br>
dang po la gsum/ 'byung rgyu/ ngo bo/ <br>
rab dbye'o/ <br>
/dang po ni/ phra rgyas yul dmigs tshul min yid byed rgyu/ /de'ng mdzod las/ phra rgyas spangs par ma gyur dang/ /yul ni nye bar gyur pa dang/ /<br>
<br>
===Sheja Dzo Chapter 6.3 volume2 (page 449)===
<br>
tshul bzhin ma yin yid byed las/ /nyon mongs rgyu ni tshang ba yin/ /zhes te/ nyon mongs pa gang yin kyang rgyu'i rkyen rigs phra mo las rnam smin rgyas 'byur gyi phra rgyas te sa bon ma spangs pa dang/ dmigs pa'i rkyen yul sdug mi sdug sogs nye bar gyur pa dang/ bdag po'i rkyen yul de dag la'ng mi sdug pa la sdug par 'dzin pa sogs tshul bzhin ma yin pa yid la byed pa gsum las skye bar 'gyur ba yin ni/ /gnyis pa ngo bo ni sems byung rab tu ma zhi'i mtshan nyid can/ /sems las byung ba'i chos gang zhig 'byung ba na rnam gyeng dang phyin ci log dang rgod pa dang rmugs pa dang bag med pa dang 'dzem pa med pa rnams las gang yang rung bas rab tu ma zhi ba'i mtshan nyid can du 'byung ba ste/ byed las ni de byung bas sems kyi rgyud rab tu ma zh bar byed pa'o/ <br>
/gsum pa rab dbye ni/ rtsa nyon nye nyon lta ba'i kun slong gis/ /zhes rtsa ba'i nyon mongs pa drug /de'i lta ba la lngar dbye bas bcu/ rtsa nyon ltar nyon mongs par mi byed kyang de dang nye bar nyon mongs par byed pa'i don can gyi nye nyon nyi shui ste/ de dag gi mtshan nyid gong du smos pa ltar ro/ <br>
/spyir nyon mongs pa thams cad sdug bsngal kun 'byung ba'i rgyu kun 'byung yin kyang 'khor ba'i rgyu'i gtso bo'i rtsa bar gyur pa ni ma rig pa'o/ <br>
/'o na chos mngon pa sogs las kun 'byung sred pa la bshad pa ci zhe na/ sred pa ni yang srid de ma thag tu 'phen par byed pa dang/ 'khor bar nying mtshams sbyor ba'i rgyu'i gtso bor gyur pa'i phyir de skad du bshad de/ (aa: 226 na) rnam 'grel las/ mi shes sred pa'i rgyu yin kyang/ /ma brjod sred pa nyid bshad pa/ /rgyu ni 'phen par byed phyir dang/ /de ma thag phyir las kyang yin/ /zhes pa ltar ro/ <br>
/des na ma rig pas rgyu byas/ sred pas mtshams sbyar gyis kun nas bslangs te las kyi <br>
<br>
===Sheja Dzo Chapter 6.3 volume2 (page 450)===
<br>
kun 'byung du grub bo/ <br>
/gnyis pa las kyi kun 'byung la gnyis/ ngo bo dang/ de'i dbye ba'o/ <br>
/dang po ni/ sems pa'i las dang des bskyed lus ngag las/ /zhes las la sems pa'i las dang bsam pa'i las gnyis kyi dang po ni/ dge mi dge gang yang rung ba'i las mngon par 'du byed pa'i rgyu'i kun slong gi sems pa yid kyi las 'ba' zhig pa dang/ gnyis pa ni/ sems pa des bskyed pa'i las mngon par 'du byed bzhin pa'i dus kyi kun slong gi bsam pa lus ngag yid gsum ga dang 'brel ba'o/ <br>
/gnyis pa dbye ba la gnyis te/ ngo bo'i sgo nas dbye ba dang/ dbye tshul gyi sgo nas gzhan bstan pa'o/ <br>
/dang po la gnyis/ rtsa bas mdor bstan/ 'grel pas kha bskangs te/ rgyas par bshad pa'o/ <br>
dang po ni/ bsod nams min dang bsod nams mi gyo ba/ /zhes las kyi lam thams cad bsdu na/ /bsod nams ma yin pa'i las sdig pa/ bsod nams kyi las dge ba/ mi gyo ba'i las zag bcas kyi ting nge 'dzin gsum du 'du'o/ <br>
/gnyis pa la gsum/ bsod nams min pa/ bsod nams/ mi gyo ba'i las bshad pa'o/ <br>
dang po ni/ mi dge ba'i las lam ji snyed pa rigs sam gtso bor bsdus na lus kyi gsum/ ngag gi bzhi/ yid kyi gsum ste bcur 'du zhing/ de las dang po srog gcod pa ni/ yan lag lnga dang ldan pa ste/ gzhi rang las rgyud tha dad pa'i sems can/ bsam pa der 'du shes shing ma 'khrul pa/ sbyor ba dug mtshon rig (aa: 226 ba) sngags sogs kyis rang gis gsod pa'm gzhan la gsod 'jug pa/ nyon mongs ni dug gsum dang sbyir 'brel ba las khyad par rdzogs byed zhe sdang/ mthar thug ni bsad bya de rang ma shi ba'i sngon du shi ba'o/ <br>
/de lngas ni srog gcod kyi las lam rdzogs la/ <br>
<br>
===Sheja Dzo Chapter 6.3 volume2 (page 451)===
<br>
yan lag ci rigs ma tshang bas ni nyes pa byung yang las lam ma rdzogs pa ste 'di nyid 'og ma rnams la'ng shes par bya'o/ <br>
/'di la dbye na sha la sred pa lta bu 'dod chags kyi sgo nas dang/ khon zhugs pa lta bu zhe sdang gi sgo nas dang/ mchod sbyin lta bu gti mug gi sgo nas srog gcod pa ste gsum mo/ <br>
/srog gcod pa'i nang nas pha mang yin la dgra bcom pa yang yin pa de'i srog bcod pa sdig che'o/ <br>
/ma byin len ni/ gzhi gzhan gyis bzung ba'i rdzas/ dkon mchog la bsngos pa'i yo byad/ mi ma yin gyi nor lta bu/ bsam pa gyo sgyu'i sems dang mthu dang 'jab bus len par 'dod pa'i kun slong/ sbyor ba rang ngam bgyid du bstsal ba/ nyon mongs dug gsum spyi dang khyad par rdzogs byed 'dod chags dang ser sna/ mthar thug ni rdzas de dag gnas nas spos sam ma spos kyang rung thob blo nam skys pa'o/ <br>
/'di la dbye na bsnyad med btsan phrogs lta bu mthu'i sgo nas/ khang pa 'bugs pa lta bu 'jab bu'i sgo nas/ bre srang log pa lta bu gyo sgyu'i sgo nas ma byin par len pa ste gsum mo/ <br>
ma byin len gyi nang nas dkon mchog gi rdzas brku ba sdig che'o/ <br>
/log gyem ni/ gzhi rang gi chung ma dang/ gzhan gyis ched du byin pa sogs min pa'i bdun brgyud tshun gyi nye du/ bdag po can gyi chung ma/ khrims kyis srung b'ai dge slong ma sogs bgrod bya ma yin pa/ dkon mchog gi rten drung sogs yul ma yin pa/ gso sbyong sbrum ma zla mtshan ldan cing nyin mo sogs dus ma yin pa rnams dang/ bsam pa bsgrod bya min pa (aa: 227 na) la bsgrod 'dod kyi kun slong/ sbyor ba las de rtsom pa/ nyon mongs dug gsum dang khyad par rdzogs byed 'dod chags/ mthar thug ni dbang po gnyis reg pa las byung ba tshor bde nyams su myong ba la sred pas bdag gir byas pa'o/ <br>
/'di la dbye na ma sring lta bu rigs kyis bsrung ba dang/ gzhan gyi chung ma lta bu bdag pos bsrung ba dang/ dge slong ma lta bu chos <br>
<br>
===Sheja Dzo Chapter 6.3 volume2 (page 452)===
<br>
kyis bsrung ba ste gsum mo/ <br>
'dod log gi nang nas ma yang yin la dgra bcom pa yang yin pa la log par spyod pa sdig che'o/ <br>
/de dag ni lus kyi las rnam pa gsum mo/ <br>
/rdzun smra ba ni/ gzhi rang las tha dad pa'i yul/ bsam pa gzhan bslu sems kyis ma mthong ba la mthong zhes pa lta bu smra 'dod kyi kun slong/ sbyor ba ni las de lus ngag gi rnam pa rig byed du thon pa/ nyon mongs ni dug gsum gang rung gis rdzogs pa/ mthar thug ni pha rol pos don go ba'o/ <br>
/'di'i sbyor ba ngag gi rnam pa rig byed kho nar ma nges te/ lus kyi brda las rdzun du 'gyur ba gso sbyong gi tshe gnas brtan gyis yang dag dris pa na ltung ba dang bcas bzhin du cing yang ma smras pa las rdzun smrar 'gyur ba sogs so/ <br>
/'di la dbye na mi'i chos bla ma lta bu pham pa'i rdzun/ bdag gzhan la phan gnod yod pa lta bu rdzun chen po/ <br>
phan gnod med pa lta bu rdzun phra mo ste gsum mo/ <br>
rdzun gyi nang nas de bzhin gshegs pa la skur pa btab pa dang/ bla ma'i dbu gyogs pa sdig che'o/ <br>
/phra ma ni/ gzhi pha rol po mthun pa/ bsam pa dbye bar 'dod pa/ sbyor ba las rtsom pa/ nyon mongs gsum las khyad par rdzogs byed zhe sdang/ mthar thug pha rol pos don go ba'o/ <br>
/mi mthun pa bsdum par rtsom pa slar mi bsdum pa'i bsam sbyor byed pa'ng 'dir gtogs so/ <br>
/'di la dbye na mdza' ba ngos su 'byed pa lta bu'i btsan phra/ gzhogs (aa: 227 ba) spong byas nas dbye ba lta bu'i gzhogs phra/ skog tu dbyen byed pa lta bu'i lkog phra ste gsum mo/ <br>
/phra ma'i nang nas dge 'dun gyi dbyen byed pa sdig che'i/ /tshig rtsub ni/ gzhi sems can gyi rgyud du gtogs pa/ bsam pa mi snyan pa brjod 'dod kyo kun slong/ sbyor ba ngag gi rnam par rig byed du thon pa/ nyon mongs gsum dang rdzogs byed zhe sdang/ mthar thug pha rol pos thos shing don go ba'o/ <br>
/'di la dbye na gzhan la ngos su ngan mtshang <br>
<br>
===Sheja Dzo Chapter 6.3 volume2 (page 453)===
<br>
smra ba lta bu ngor rtsub pa/ kyal ka dang bsres nas gzhan la tshig ngan smra ba lta bu gzhogs te rtsub pa/ gzhan gyi mdza' bo sogs la ngan mtshangs smra ba lta bu brgyud nas rtsub pa ste gsum mo/ <br>
/tshig rtsub kyi nang nas pha ma'm 'phags pa la tshig rtsub smra ba sdig che'o/ <br>
/ngag 'khyal ni/ gzhi sngar dang 'dra/ bsam pa bag med pas cal col mang po smra 'dod kyi kun slong/ sbyor ba ni kha gsags dang glu sogs ngag gi rig byed du thon pa/ nyon mongs ni dug gsum dang khyad par rdzogs byed gti mug mthar thug ni pha rol pos thos pa'o/ <br>
/'di la dbye na mu stegs pa'i bzlas brjod lta bu log pa'i ngag kyal/ bre mo'i gtam lta bu 'jig rten pa'i ngag kyal/ snod min la chos 'chad pa lta bu bden pa'i ngag kyal te gsum mo/ <br>
/ngag kyal gyi nang nas chos 'dod pa gyeng ba sdig che'o/ <br>
de dag ni ngag gi las rnam pa bzhi'o/ <br>
/brnab sems ni/ gzhi pha rol po'i phyi nang gi rdzas/ bsam pa gzhan gyi phun tshogs dang yo byad la re ba dang smon pa'i kun slong/ sbyor ba der yang yang sems pa/ nyon mongs gsum dang rdzogs byed 'dod chags/ mthar thug ni las de yang dang yang du byed cing khrel dang ngo tsha dor nas gnyen po bsten pa med pa'o/ <br>
/'di la dbye na rang gi cho rigs la zhen pa lta bu bdag gi la brnab sems pa/ pha rol (aa: 228 na) po'i phun tshogs la chags pa lta bu gzhan gyi la brnab sems pa/ sa 'og gi gter la smon pa lta bu gnyis ka ma yin pa la brnab sems pa ste gsum mo/ <br>
/brnab sems kyi nang nas spong ba'i rnyed pa la brnab sems pa sdig che'o/ <br>
/gnod sems ni/ gzhi sngar ltar/ bsam pa gsod brdeg sogs gnod par byed 'dod pa'i kun slong/ sbyor ba der sems bzhin pa'i gnas skabs/ nyon mongs gsum dang rdzogs byed zhe sdang/ mthar thug de la yon tan du lta zhing gnyen po sten 'dod med pa'o/ <br>
/'di la dbye na gyul ngo sogs su gzhan <br>
<br>
===Sheja Dzo Chapter 6.3 volume2 (page 454)===
<br>
bsad sems lta bu zhe sdang gi cha las byung ba'i gnod sems/ 'gran zla sogs la bnod sems lta bu phrag dog gi cha las byung ba'i gnod sems/ gnod byed slar 'dud kyang mnar sems pa lta bu khon 'dzin gyi cha las byung ba'i gnod sems te gsum mo/ <br>
/gnod sems kyi nang nas mtshams med pa bsham pa sdig che'o/ <br>
/log lta ni/ gzhi dge mi dge'i chos rnams/ bsam pa ni dge sdig med par dang rgyu 'bras phyin ci log tu lta ba sogs kyi kun slong/ sbyor ba dir yang yang sems pa'i gnas skabs/ nyon mongs gsum las rdzogs byed gti mug mthar thug las de grub cing gnyen po med pa'o/ <br>
/'di la dbye na/ dge sdig bde sdug gi rgyur mi 'dod pa lta bu las 'bras la log lta/ lam bden nyams su blangs kyang 'gog bden thob par mi 'dod pa lta bu bden pa la log lta/ dkon mchog la skur 'debs lta bu dkon mchog la log lta ste gsum mo/ <br>
log lta'i nang nas lta ba mchog 'dzin sdig che'o/ <br>
/de dag gi 'bras bu lan'ng gsum las/ rnam smin gyi 'bras bu ni rgyu chung ngu spyad pa las 'bras bu chen po smin pa ste/ rgyu des 'bras bu'i cha tsam yang mtchon mi nus par smin pa las de skad ces bya'o/ <br>
/de'ng (aa: 228 ba) kun slong drag pos 'phangs pa'i las mi dge ba de dang de chen por spyad pa las 'bras bu dmyal ba/ 'bying du spyad pas yi dwags/ chung ngur spyad pas dud 'gror 'phen par byed la/ rgyu mthun dang bdag po'i 'bras bu ni mtho ris kyi rten la'ng smin par 'gyur ba las/ rgyu mthun la byed pa rgyu mthun dang myong ba rgyu mthun gnyis las/ dang po ni/ sngon las kyis 'phangs pa'i las de dang de skyes thob kyis byed par spro zhing byed pa'o/ <br>
/gnyis pa ni/ rin chen phreng ba las/ gsod pa yis ni tshe thung 'gyur/ /rnam par 'tshe bas gnod pa mang/ /brku ba yis ni longs spyod phongs/ /byi bo byed pas dgra zlar bcas/ /rdzun tu smra bas skur ba <br>
<br>
===Sheja Dzo Chapter 6.3 volume2 (page 455)===
<br>
ste/ /phra ma yis ni bshes dang bye/ /rtsub mo nyid kyis mi snyan thos/ /ma 'brel ba yis tshig mi btsun/ /brnab sems yid la re ba 'joms/ /gnod sems 'jigs pa sbyin par bshad/ /log par lta bas lta ngan nyid/ /ces 'byung ba ltar ro/ <br>
/bdag po'i 'bras bu ni/ phyi'i yul la smin par 'gyur ba ste/ de nyid las/ phyi rol gzhi chung gnod pa mang/ /rdul 'khrims dri nga mtho dman can/ /tshwa sgo can dang log pa dang/ /'bras bu phra kha chung ngam med/ /ces gsungs pa ltar ro/ <br>
/'bras bu de rnams smin pa'i snga phyi yang/ mdzod 'grel las/ las ni 'khor bar lci gang dang/ /nye ba gang dang goms pa gang/ sngon byas gang yin de las ni/ snga ma snga ma rnam smin 'gyur/ /zhes pa ltar ro/ <br>
/mi dge ba bcu po de bdag nyid kyis spyad pa las las lam rdzogs par 'gyur ba ma zad/ bsam sbyor mtshungs na dmag gi 'du ba'i nang du mi gcig gis srog gcod kyi las byas na der 'dus pa thams cad la las lam rdzogs par 'gyur te/ mdzod las/ dmag la sogs pa don gcig (aa: 229 na) phyir/ /thams cad byed pa po bzhin ldan/ /zhes 'byung ba'i nges pa las te/ /ma byin pa len pa'i ched du jag chom sogs la 'dus pa rnams la'ng mtshungs pa dang/ yid kyi gsum ma gtogs de rnams gzhan bgyid du bstsal ba las kyang las lam rdzogs par 'gyur zhing/ gzhan gyis bgyis pa la rjes su yi rang ba las kyang cha mthun gyi las kyis gos par 'gyur te/ ji ltar dge ba gzhan gyis spyad pa la rjes su yi rang bsgoms pas dge rtsa mnyam du thob par gsungs pa lta bu'o/ <br>
/yang las de dag nyon mongs pa'i sgo nas zhe sdang/ 'dod chags/ gti mug gis sbpyad pa dang/ grangs kyi sgo nas dpag med/ mang po/ <br>
nyung ngur spyad pa dang/ yul gyi sgo nas mchog 'bring/ tha ma la brten pas rim bzhin dmyal ba/ yi dwags/ dud 'gror skye bar 'gyur te/ <br>
<br>
===Sheja Dzo Chapter 6.3 volume2 (page 456)===
<br>
mdor na rin chen phreng bar/ 'dod chags zhe sdang gti mug gsum/ /des bskyed las ni mi dge ba/ /mi dge ba las sdug bsngal kun/ /de bzhin ngan 'gro thams cad do/ <br>
/zhes pa ltar ro/ <br>
/de dag gang du yod na dmyal ba dang sgra mi snyan ma gtogs 'dod khams pa rnams la bcu ga ci rigs su tshang bar yod cing/ khams gong ma rnams na mi dge ba thams cad med la/ mi'i gling gzhan rnams la'ng 'khor los sgyur ba rnams byon dus su de'i bsod nams kyi shugs kyis mi dge bcu ga mngon gyur du med do/ <br>
/gnyis pa bsod nams kyi las kyang gtso bor bsdu na/ de nyid las/ mi gsod pa dang rku spong dang/ /gzhan gyi chung ma spong ba dang/ /log dang phra ma rtsub nyid dang/ /ma 'brel smra ba yang dag sdom/ /chags dang gnod sems med pa ba/ /nyid kyi lta ba yongs spong ba/ /'di dag las lam dkar bcu ste/ /zhes pa ltar srog gcod spong ba'i (aa: 229 ba) sems pa nas log lta spong ba'i sems pa'i bar ro/ <br>
/nyon mongs ma zad gzhi bsam sbyor ba mthar thug bzhi ni 'di rnams la'ng sbyar du yod do/ <br>
/las de khyad par can du 'gyur ba ni/ srog gcod spangs pa tsam las sdom pas bsdams pa dang/ srog skyob pa dang/ tshe spel ba'i thabs sbyin pa sogs kyis dge ba'i las khyad par can du 'gyur te 'og ma rnams la'ng sbyar ro/ <br>
/de dag gi 'bras bu'ng rnam smin dang rgyu mthun dang bdag 'bras rnams mi dge ba bcu'i 'bras bu yid du mi 'ong ba las bzlog ste yid du 'ong ba kho na 'byung ba rnams rim pa bzhin shes par bya'o/ <br>
/'di la'ng yul mchog dman dang grangs mang nyung gi khyad par ni gong bzhin no/ <br>
/mdor na/ ma chags zhe sdang gti mug med/ /des bskyed las ni dge ba yin/ /dge las bde 'gro thams cad dang/ /skye ba kun tu bde ba dag /ces pa ltar ro/ <br>
/<br>
<br>
===Sheja Dzo Chapter 6.3 volume2 (page 457)===
<br>
gsum pa mi gyo ba'i las ni/ rang sa las rnam smin gzhan du mi gyo zhing mnyam par gzhag pa'i sa pa yin pa dang sa 'og ma'i skyon gyis mi gyo ba'i phyir mi gyo ba'i las zhes bya la/ de'ng/ de nyid las/ bsam gtan tshad med gzugs med kyis/ /tshangs sogs bde ba myong bar byed/ /ces pa ltar bsam gtan bzhin dang gzugs med bzhi'i snyoms 'jug dngos gzhi khyad par can gyi sems pa la brjod de/ gong du mngon mtho'i lam gyi skabs su brjod pa ltar ro/ <br>
/gnyis pa dbye tshul gyi sgo gzhan pa ni/ 'phen rdzogs myur bul byas bsags stobs che chung/ /snang tshul mthun min sgo nas khams gsum sbyor/ /bka' dang bstan bcos rnams las las 'bras kyi rnam par gzhag pa rgya cher gsungs pas dbye sgo'i rnam grangs gzhan yang mang ba las gtso bor (aa: 230 na) 'phen rdzogs mu bzhi las dbye ba/ rnam smin myur bul gyis dbye ba/ byas bsags yin min gyis dbye ba/ las stobs che chung gis dbye ba/ ji ltar snang tshul gyis dbye ba/ rigs mthun mi mthun gyis dbye ba rnams su yod cing/ rgyu las kyi kun 'byung de la brten nas 'bras bu sdug bsngal khams gsum du nying mtshams sbyor ro/ <br>
/de'ng go bde bar brjod na/ dang po ni/ 'phen byed dge bas 'phangs kyang rdzogs byed sdig pas rdzogs pa mi dbul po lta bu/ 'phen byed sdig pas 'phangs kyang rdzogs byed dge bas rdzogs pa klu 'byor ldan lta bu/ 'phen rdzogs gnyis ka mi dge bas byas pa dmyal ba lta bu/ 'phen rdzogs gnyis ka dge bas byas pa 'khor los sgyur ba lta bu ste bzhi'o/ <br>
/gnyis pa ni/ mthong chos myong 'gyur zhes pa zhing mchog dang bsam sbyor drag pos 'phangs pa'i las mthong ba'i chos 'di nyid la smin pa lhas byin gyis bcom ldan 'das la sen mos dug rtsom par gzas pa las de nyid du dmyal ba'i me grub pa <br>
<br>
===Sheja Dzo Chapter 6.3 volume2 (page 458)===
<br>
lta bu/ skyes nas myong 'gyur zhes pa skye ba 'di'i phyi mar skyes pa'i de ma thag tu rnam smin myong bar 'gyur ba mtshams med pa dang nye ba'i mtshams med pa lnga'i las lta bu/ lan grangs gzhan la myong 'gyur zhes pa skye ba gsum pa phan chad nas brgya stong gi bar du rnam smin myong bar 'gyur ba'i las lta bu ste gsum mo/ <br>
/gsum pa ni/ de'ng las dkar po la mchon na byas la bsags pa zhes pa dad pas dkon mchog mchod pa lta bu/ ma byas la bsags pa zhes gzhan gyi dge ba la rjes su yi rang ba lta bu/ byas la ma bsags pa zhes pa sems gyeng ba'i bzlas brjod lta bu/ gnyis ka min pa ni go sla ste las nag po la'ng shes par bya'o/ <br>
/bzhi' pa ni/ spyir spang byas 'bras bu 'phangs kyang gnyen pos bsgyur bar nus pa'i phyir (aa: 230 ba) gnyen po'i las stobs che ba'o/ <br>
/lnga pa ni/ las mthun snang ba bsags pa las snod kyi 'jig rten gyi snang ba zhing de'i 'gro ba rnams la phyogs gcig tu 'char ba lta bu snang 'gyur thun mong ba'i las dang/ sems can rang rang gi las snang gis bsgrubs pa'i gnas lugs longs spyod so sor tha dad par bde sdug nyams su myong ba lta bu myong 'gyur thun mong min pa'i las gnyis so/ <br>
/drug pa ni/ gcig tu dkar ba zhes pa dad pas bla ma mchod pa lta bu bsam pa dang sbyor ba gnyis ka rigs mthun gcig tu dkar bas dge ba'i las lam rdzogs pa/ gcig tu gnag pa zhes pa gsod sems kyis srog gcod pa lta bu bsam sbyor gnyis ka rigs mthun gcig tu gnag pas mi dge ba'i las lam rdzogs pa/ 'dres ma zhes pa mang po skyob phyir gsod pa lta bu bsam pa dkar la sbyor ba gnag pa dang/ gsod phyir sbyin pa gtong ba lta bu bsam pa gnag la sbyor ba dkar ba rnams so/ <br>
/gsum pa thob bya 'gog pa'i bden pa bshad pa la gnyis/ spyi don mdor bstan/ rang bzhin gtan la dbab pa'o/ <br>
/dang po ni/ lam gyis bral <br>
<br>
===Sheja Dzo Chapter 6.3 volume2 (page 459)===
<br>
thob 'gog pa de bzhin nyid/ /med dgag rdzas grub ma grub bye mdos 'dod/ /lam bsgoms pa las dri ma dang bral ba thob pa ni 'gog pa'm de bzhin nyid ces bya ste/ de'ng dgag bya dang grangs mnyam pa'i bkag pa tsam gyi med dgag rdzas su grub pa dang/ gnyen po bsgoms pas spang bya nam mkha' la 'ja' yal ba ltar gyur pa'i med dgag rdzas su ma grub pa gnyis su rim bzhin bye smra dang mdo sde pas 'dod do/ <br>
/gnyis pa ni/ rang bzhin mtshan nyid zab sogs bcu gnyis so/ <br>
/rang bzhin ni/ chos mngon pa las/ 'gog pa'i bden pa gang zhe na/ mtshan nyid dang/ zab pa dang/ brda dang/ don (a: 231 na) dam pa dang/ yongs su ma rdzogs pa dang/ yongs su rdzogs pa dang/ rgyan med pa dang/ rgyan dang bcas pa dang/ lhag ma dang bcas pa dang/ lhag ma med pa dang/ khyad par 'phags pa dang/ rnam grangs kyis kyang 'gog pa'i bden pa bstan par rig par bya'o/ <br>
/zhes pa ltar bcu gnyis kyi sgo nas rgyas par bshad pa ltar las 'dir ngo ti tsam bshad na/ de la mtshan nyid kyis bstan pa ji lta bu zhe na/ chos nyid de bzhin nyid la 'gog pa dang/ lam zag med kyis 'gog pa dang/ spang bya nyon mongs mi 'byung zhing 'gog pa ste/ de'ng gzhi gang du 'gog pa dang/ thabs gang gis 'gog pa dang/ dgag bya gang 'gog pa rnams yin la/ mdor na chos dbyings rang bzhin gyis dag pa la lam bsgoms pas glo bur gyi dri ma 'gag pa ni 'gog pa'i mtshan nyid do/ <br>
/zab pas ji lta bu zhe na/ 'du byed zag bcas de dag gi 'jig pa ma yin dgag dngos por gyur pa las 'gog pa de gzhan zhe kyang mi bya ste/ gzhan yin na chos can dang chos nyid ma 'brel bar 'gyur bas so/ <br>
/gzhan yin zhes kyang mi bya ste/ de dag mtshan nyid mi mtshungs shing mtshungs na 'gog pa'ng kun nas nyon mongs pa can du 'gyur <br>
<br>
===Sheja Dzo Chapter 6.3 volume2 (page 460)===
<br>
bas so/ <br>
/de gnyis ka yin zhes kyang mi bya ste/ skyon de gnyis kar 'gyur bas so/ <br>
/de gnyis ka ma yin zhes kyang mi bya ste/ so so rang gis rig par bya ba yin pas gtan nas med pa ma yin pa'o/ <br>
/de ltar mi bya ba'i rgyu mtshan ci'i phyir zhe na 'gog pa'i bden pa ni mu bzhi'i spros pa mtha' dag med pa'i dbyings yin pa'i phyir ro/ <br>
/brdas ji lta bu zhe na/ 'jig rten pa'i lam gyis spang bya'i sa bon smad cing mgo mnan pas 'gog pa gang yin pa ste/ de tsam la'ng 'gog par 'dogs pa 'gog (aa: 231 ba) pa de'i rnam grangs su gtott pa la dgongs nas/ ma lus par 'gags pa de'i yan lag gam cha shas kyis mya ngan las 'das par gsungs pa'o/ <br>
/don dam pas ji lta bu zhe na/ 'jig rten las 'das pa 'phags pa'i shes rab kyis spang bya'i sa bon kun tu bcom ste slar mi skye ba'i tshul gyis 'gog pa gang yin pa'o/ <br>
/yongs su ma rdzogs pas ji lta bu zhe na/ rghyun du zhugs pa'i 'bras bys bsdus pa'i mthong spang thams cad 'gags pa'm/ lan gicg phyir 'ong ba'i 'bras bus bsdus pa'i 'dod khams kyi sgom spang drug 'gags pa'm/ phyir mi 'ong b'ai 'bras bus bsdus pa'i 'dod khams kyi sgom spang thams cad 'gags pa yang rung ste 'phags pa slob pa rnams kyi 'gog pa gang yin pa'o/ <br>
/yongs su rdzogs pas ji lta bu zhe na/ dgra bcom pa'i 'bras bus bsdus pa 'phags pa mi slob pa rnams kyi spang bya ma lus pa zad pa'i 'gog pa gang yin pa'o/ <br>
/rygan med pas ji lta bu zhe na/ shes rab kyi nyon sgrib tsam las rnam par grol ba'i dgra bcom pa rnams kyi 'gog pa gang yin pa ste mngon shes sogs kyi rgyan med pa'o/ <br>
/rgyan dang bcas pas ji lta buzhe na/ nyon mongs pa dang snyoms 'jug gi sgrib pa gnyis ka'i cha las rnam par grol ba 'chi 'pho dang skye ba rig pa dang sngon dang phyi mtha' dang zag zad shes pa'i rig pa gsum dang mngon shes drug sogs yon <br>
<br>
===Sheja Dzo Chapter 6.3 volume2 (page 461)===
<br>
tan brgyad dang ldan pa'i dgra bcom pa rnams kyi 'gog pa gang yin pa'o/ <br>
/lhag ma dang bcas pa ji lta bu zhe na/ nyon mongs thams cad spangs kyang tshe ma 'phos pas sngar gyi rnam smin phung po 'dod gzugs na lnga dang gzugs med na bzhi'i lhag ma dang bcas pa'i 'gog pa gang yin pa'o/ <br>
/lhag ma med pas ji (aa: 232 na) lta bu zhe na/ nyon mongs thams cad spangs shing tshe 'phos pas rnam smin phung po'i lhag ma med pa'i 'gog pa gang yin pa'o/ <br>
/khyad par du 'phags pas ji lta bu zhe na/ sangs rgyas byang sems rnams kyi shes rab dang snying rje la brten nas srid zhi'i mtha' gnyis la mi gnas pa'i myang 'das kyis bsdus pa'i 'gog pa gang yin pa ste/ sems can thams cad la mthar thug gi phan pa dang gnas skabs kyi bde ba'i rgyur nye bar gnas pa'i phyir ro/ <br>
/rnam grangs kyis ji lta bu zhe na/ ma lus par spangs pa dang/ nges par spangs pa dang/ byang bar gyur pa dnag/ zad pa dang/ 'dod chags dang bral ba dnag/ 'gog pa dnag/ rnam par zhi ba dang/ nub pa zhes bya ba'i ming gi rnam grangs du ma dang pa'o/ <br>
/zhes pa ltar ro/ <br>
/bzhi pa bsten bya lam gyi bden pa ni/ gang la zhugs nas go 'phang bgrod byed lam/ /tshogs sbyor mthong sgom mi slob lnga yis bsdus/ /gang la brten pa'm zhugs nas mya ngan las 'das pa'i go 'phang sgrub par byed pa'i thabs de ni lam gyi ngo bo yin la/ de la theg pa che chung rnams nas dbye bsdu mang du bshad kyang/ tshogs lam/ sbyor lam/ mthong lam/ sgom lam/ mi slob pa'i lam lnga yis thams cad bsdus pa shes par bya'o/ <br>
/'di dag gi rnam gzhag rgyas pa 'og tu lam bshad pa'i skabs su 'byung bar 'gyur ro/ <br>
/gsum pa spyi mtshan bsdus te bstan pa la bzhi/ sdug kun 'gog lam mo/ <br>
/dang po ni/ mi rtag sdug bsngal stong pa bdag med pa/ /sdug bden <br>
<br>
===Sheja Dzo Chapter 6.3 volume2 (page 462)===
<br>
spyi'i mtshan nyid bsdu na/ mi rtag sdug bsngal/ stong pa/ bdag med pa bzhi ste/ de'ng gang 'dus byas yin pa de mi rtag pa'i mtshan nyid can dang/ gang mi rtag pa de sdug bsngal ba'i mtshan nyid can dang/ gang sdug bsngal ba de stong pa'i mtshan nyid 9aa: 232 ba) can dang/ gang stong pa de bdag med pa'i mtshan nyid can no/ <br>
/zhes rnal 'byor pa rnams rnam pa 'di bzhis dpyad par bya'o/ <br>
/de bzhi'i nges tshig gam sgra'i don ni/ mdzod 'grel las/ de la rkyen la rag lus pa'i phyir mi rtag pa'o/ <br>
/gnod pa'i bdag nyid yin pa'i phyir sdug bsngal ba'o/ <br>
/bdag gir lta ba'i mi mthun pa'i phyogs kyis stong pa'o/ <br>
/bdag tu lta ba'i mi mthun pa'i phyogs kyis bdag med pa'o/ <br>
/zhes so/ <br>
rnam pa de bzhi khong du chud pa na/ /rtag pa dang bde ba dang bdag gir dang bdag tu lta ba rnams kyi gnyen por 'gyur ba yin no/ <br>
/gnyis pa ni/ rgyu dang kun 'byung rab skye rkyen dang ni/ /kun 'byung gi spyi mtshan rgyu dang/ kun 'byung/ rab skye/ rkyen bzhi ste/ de'ng las dang nyon mongs pa de dag kyang srid pa skye ba phyi ma 'brub pa'i bag chags sa bon 'jog pa'i byed rgyu yin pa'i phyir rgyu'i mtshan nyid can du dang/ /sems can las kyi bag chags bsags pa de dang de dag lha la sogs pa'i sems can gyi rigs drug po de dang der nang phan tshun cha byad dang rigs 'dra bar 'byung ba'i byed rgyu yin pa'i phyir kun 'byung ba'i mtshan nyid can du dang/ so so rang rang gi rgyu tha dad du nges par 'byung ba dang 'gro ba dang skye gnas la sogs pa rnam pa tha dad du 'byung ba dang 'gro ba'i mchog tu srid pa'i rtse mor 'byung ba'i byed rgyu yin pa'i phyir rab tu skye ba'i mtshan nyid can du dang/ sngar ma thob pa'i lus gzhan dang gzhan thob pa dang thob zin pa'i lus gzhan dang gzhan du 'da' ba'i byed rgyu yin pa'i phyir rkyen gyi mthsan nyid can du rigs par bya ba <br>
<br>
===Sheja Dzo Chapter 6.3 volume2 (page 463)===
<br>
rnams so/ <br>
/de bzhi'i nges tshig ni/ mdzod 'grel las/ sa bon gyi chos kyi tshul gyis rgyu'o/ <br>
/'byung ba'i tshul gyis kun 'byung ba'o/ <br>
/'brel ba'i tshul gyis rab tu skye ba'o/ <br>
/mngon par sgrub pa'i tshul gyis na rkyen te/ (aa: 233 na) dper na 'ji ba'i gong bu dang thal zhar dang 'khor lo dang the gu dang chu rnams 'dus pa las bum pa mngon par sgrub pa de bzhin no/ <br>
/zhes so/ <br>
/de dag kyang rgyu med dang/ rgyu gcig pu dang/ rgyu 'gyur ba dang/ blo sngar btang bar bya ba spyad pa'i log lta'i gnyen por 'gyur ba yin no/ <br>
/gsum pa ni/ 'gog pa zhi ba gya nom nges par 'byung/ 'gog pa'i spyi mtshan 'gog pa/ zhi ba/ gya nom/ nges 'byung bzhi ste/ de la 'gog pa ni sdug bsngal 'byung ba'i rgyu nyon mongs pa rnams dang bral ba'i mtshan nyid can dang/ zhi ba ni ma zhi bar byed pa 'du byed sdug bsngal nyer len gyi phung po rnams dang bral ba'i mtshan nyid can dang/ gya nom ni nyon mongs pa dang bral bas gtsang ba dang sdug bsngal dang bral bas bde ba'i dngos po yin pa'i mtshan nyid can dang/ nges 'byung ni slar mi ldog par song bas rtag pa dang don dam par dge bas gzhan la phan pa'i gzhi yin pa'i mtshan nyid can rnams su rigs par bya ba'o/ <br>
/de bzhi'i nges tshig ni/ mdzod 'grel las/ 'brel ba med pas 'brel ba zhig pa'i phyir 'gog pa'o/ <br>
/'dus byas kyi mtshan nyid gsum dang bral b'ai phyir zhi ba'o/ <br>
/dge ba'i phyir gya nom pa'o/ <br>
/yin brtan pa'i mchog yin pa'i phyir nges par 'byung ba'o/ <br>
/zhes so/ <br>
de bzhi bsgoms pas/ thar pa med do/ <br>
sdug bsngal la thar pa yin no/ <br>
bsam gtan gyi bde ba ni gya nom pa'o/ <br>
/thar pa ni gtan du ba ma yin no snyam pa'i log par lta ba las nges par 'byung ba yin no/ <br>
/gzhi pa ni/ lam rigs sgrub dang nges 'byin spyi mtshan no/ <br>
/lam gyi <br>
<br>
===Sheja Dzo Chapter 6.3 volume2 (page 464)===
<br>
spyi mtshan/ lam/ rigs pa/ sgrub pa/ nges par 'byin pa bzhi/ de la lam ni/ maarga 'tshol ba la'o/ <br>
/zhes pa'i byings las bsgrubs pas chos kyi dbyings de kho na'i don 'tshol zhing rtogs par byed pa'i mtshan nyid can (aa: 233 ba) dang/ rigs pa ni rigs pa ma yin pa nyon mongs pa'i gnyen po byed pa'i mtshan nyid can dang/ sgrub pa ni 'dus byas rtag par 'dzin pa la sogs pa'i phyin ci log las bzlog nas de kho na nyid rtogs pa la 'jog cing sems phyin ci ma log par sgrub pa'i mtshan nyid can dang/ nges par 'byin pa ni 'dus ma byas shing rtag pa gtan du ba'i mya ngan las 'das pa'i gnas su 'gro ba'i mtshan nyid can rnams su shes par bya'o/ <br>
/de bzhi'i nges tshig ni/ mdzod 'grel las/ bgrod pa'i don gyis lam mo/ <br>
/rigs pa dang ldan pa'i phyir rigs pa'o/ <br>
/yang dag par sgrub pa'i don gyis sgrub pa'o/ <br>
/shin tu yang dag par 'da' bar byed pa'i phyir nges par 'byin par byed pa'o/ <br>
/zhes so/ <br>
/de bzhi bsgoms pas/ lam med do/ <br>
lam 'di ngan no/ <br>
/gzhan yang lam yin no/ <br>
/lam 'di'ng ldog go snyam du log par dpyad pa'i lta ab'ai gnyen por 'gyur ba yin no/ <br>
/bden bzhi'i rnam par gzhag pa 'di dag theg pa thun mong gi shes byar yang 'gyur bas na kun btus las kyang rnam grangs 'ga' zhig btus pa yin cing/ spyir kun btus nyid kyang rje btsun grags pas ni mdo sde pa'i gzhung yin par ljon shing las zhib par gsungs so/ <br>
/gsum pa bsrung bya'i sdom pa ni/ bsrung bya'i sdom pa nges 'byung so thar khrims/ /nyan thos de gnyis rang rgyal dang bcas pas bsrung bar bya ba'i sdom pa ni nges 'byung gi bsam pas kun nas bslangs pa'i gzhan gnod gzhir bcas spong ba'i sems pa mtshungs ldan dang bcas pa'i so so thar ba'i tshul khrims te/ de'i tshul zhib par gong du bshad zin to/ <br>
/'di dag tu mtshungs <br>
<br>
===Sheja Dzo Chapter 6.3 volume2 (page 465)===
<br>
par ldan tshul la mngon pa gong 'og gnyis bzhed pa mi 'dra 'o/ <br>
/bzhi pa rtogs bya'i lta ba ni/ lta ba gang zag bdag (aa: 234 na) med gtso bor rtogs/ /nyan thos pas lta ba ni gang zag gi bdag med gtso bor rtogs pa yin te/ de'ng mu stegs byed kyis btags pa'i gang zag gi bdag rtag pa gcig pu gtsang ba byed pa po rang dbang can zhes pa de med pa'o/ <br>
/de lta bu'i gang zag gi bdag yod par 'dzin pa'i blo 'grul pa yin te/ yul med pa'i blo yin pa'i phyir/ thag khra la sbrul du 'dzin pa bzhin no/ <br>
/de'ng phung po ni gang zag gi bdag ma yin te/ mi rtag pa dang du ma dang mi gtsang ba yin zhing byed pa po min la gzhan dbang du gyur pa'i phyir/ phung po las gzhan du'ng gang zag gi bdag med de/ gang zag ni phung po'i rgyun rgyu las dang nyon mongs pas gang zhing zag pa la btags nas bzhag pa'i phyir/ gzhan yang/ mdzod las/ bdag med phung po tsam nyid do/ <br>
/zhes pa ltar/ gang zag gi bdag tu 'dzin pa'i blo ni phung po'i rgyun tsam la dmigs nas skye ba'i phyir/ 'dir gtso bo'i sgras/ rgyan stug dang lang gshegs sogs las nyan rang gis chos kyi bdag med pa ma rtogs par gsungs pa ni bsgoms pas mngon sum du ma byas pa la dgongs shing/ kha cig tu bdag med gnyis ka rtogs par bshad pa ni/ thos pa dang bsam pa dang 'dris pa'i shes bzhin des khams gsum na spyod pa'i nyon mongs pa spong ba'i grogs byed pa la dgongs pas so/ <br>
/des na nyan rang gis chos kyi bdag med rtogs par bzhed pa klu sgrub yab sras dang/ ma rtogs par bzhed pa thogs med sku mched kyi dgongs pa yin par bod kyi mkhas pa kha cig gis bzhed cing/ de dag gis nyan rang rnams bdag med gnyis ka rtogs par 'dod od/ /lnga pa 'thob bya'i 'bras bu ni/ myang 'das mi skye'i chos can 'dus ma <br>
<br>
===Sheja Dzo Chapter 6.3 volume2 (page 466)===
<br>
byas/ /ma yin dgag dang med dgag bye mdos 'dod/ /lhag bcas 'dus byas ma byas 9aa: 234 ba) brgyad cu dgu/ /'bras bu bzhi dang lhag med rgyun chad do/ <br>
/theg pa gsum ga'i thob bya'i 'bras bu myang 'das su mtshungs kyang/ 'dir 'gog pa'i myang 'das te/ de'i ngo bo ni/ rig pa drug cu pa'i 'grel pa las/ 'on kyang rgyu dang rkyen las dang nyon mongs pa ma tshang ba las gzugs la sogs pa'i mtshan nyid dngos po'i rang gi ngo bo slar mi skye ba gang yin pa de mya ngan las 'das pa'o/ <br>
/zhes nyan thos pa'i 'dod pa phyogs sngar mdzad pa ltar 'dod la/ de'ng 'dus byas 'dus ma byas gnyis las 'dus ma byas so/ <br>
/de la kha che bye smras 'dus ma byas gsum/ yul dbus kyi bye smra rnams de bzhin nyid bsnan nas bzhir 'dod par bshad cing/ de bzhi las/ bye brag smra bas lhag bcas brtags 'gog dang lhag med brtags min 'gog tu 'dod pa dang/ mdo sde pas nyon mongs pa med pa brtags 'gog dang phung po med pa brtags min 'gog tu 'dod par thub pa dgongs gsal las bshad cing/ gnyis ka 'dus ma byas su mthun pa la khyad par ni bye brag smra bas ma yin dgag dang/ mdo sde pas med dgag tu 'dod par mdzod 'grel las bshad/ de dag gi don kyang bye smra ni rdzas su yod par smra ba ste dngos po yod par 'dod pa'o/ <br>
/mdo sde pa ni rdzas su med par smra ba ste dngos po med par 'dod pa'o/ <br>
/'di la lhag bcas dang lhag med gnyis su bzhag pa'i lhag bcas ni/ nyon mongs pa ma lus par spangs kyang phung po'i rgyun ma chad pa ste/ de'ng 'dus byas brgyad cu rtsa dgu dang 'dus ma byas brgyad cu rtsa dgu'm/ dge sbyong gi 'bras bu bzhi yin pa dang/ lhag med ni/ dgra bcom pa nyon mongs pa ma lus par spangs pa tshe'i 'du byed btang zhing phung po'i rgyun chad pas sdug bsngal lam phung po'i lhag ma cung zad kyang ma (aa: 235 na) lus par mar me shi ba lta bu'o/ <br>
/<br>
<br>
===Sheja Dzo Chapter 6.3 volume2 (page 467)===
<br>
dgra bcom pa grongs phan chad rig pa phyi ma mtshams mi sbyor bar nyan thos sde gnyis ka 'dod do/ <br>
/drug pa rab tu dbye ba la gsum/ grub mtha'i sgo nas/ sde pa'i sgo nas/ 'bras bu'i sgo nas dbye ba'o/ <br>
/dang po la gnyis/ dbye ba dngos/ de'i 'dod pa brjod pa'o/ <br>
/dang po ni/ grub mtha' bye brag smra dang mdo sde pa/ /nyan thos kyi theg pa la rang rang gi zhe 'dod kyis btags pa'i grub mtha' mi 'dra b'ai khyad par phra mo mang du yod kyang/ rags pa gtso che ba'i sgo nas phye bas bye brag tu smra ba dang mdo sde pa gnyis su byung la/ de'ng gnas brtan byang bzang gis/ dus gsum dag rdzas kyi bye brag tu yod par smra bas sam/ bye brag tu bshad pa chen po'i gzhung dang mthun par smra bas de dag la de skad ces bya'o/ <br>
/zhes 'byung zhing/ sde pa rnams las gzhi thams cad yod par smra ba'i bye brag yin par bshad do/ <br>
/mdo sde pa ni/ snga ma de nyid kyis/ 'di ni sgo drug pa dang 'phags pa bzang po spyod pa la sogs pa'i mdo sde rnams sgra ji bzhin par khas len cing mdo sde de dag gi rjes su 'brang bas mdo sde pa ste/ ming gzhan dpes ston pa la mkhas pas dpes ston pa'o/ <br>
/zhes so/ <br>
/gnyis pa 'dod pa brjod pa la gnyis/ 'dod pa mthun pa dang/ mi mthun pa'o/ <br>
/dang po ni/ thun mong theg chen gsung rab khas mi len/ /rtag gcig bdag spangs byed po las su smra/ /nyan thos sde gnyis ka thun mong du theg chen gyi gsung rab 'khor lo bar pa dang/ tha ma gnyis rgyal ba'i bka' ma yin no zhes zer zhing khas mi len te/ 'di lta longs sku rtag tu bzhugs pa'i phyir dang/ byang sems bde bar 'gro ba'i phyir dang/ ji skad du/ bdag med mchog gi bdag thobnas/ /zhes bdag mchog 'dod pa'i phyir dang/ <br>
<br>
===Sheja Dzo Chapter 6.3 volume2 (page 468)===
<br>
nyan rang lhag med du zhugs tshar ba bslangs 9aa: 235 ba) nas slar yang 'tshang rgya dgos pa'i phyir chos kyi sdom bzhi dang 'gal ba dang/ sangs rgyas kyi bstan pa la sde pa bco brgyad las med pa la der ma 'dus pa'i phyir dang/ thun mong gi 'dul ba la mi snang/ mdo sde la mi 'jug chos nyid dang 'gal ba'i sgo nas sde snod gsum du ma 'dus pa'i phyir/ zhes zer la/ chos kyi bdag dang shes sgrib mi 'dod pas bdag med gnyis dang sgrib gnyis/ kun gzhi dang nyon yid mi 'dod pas rnam shes chogs brgyad/ theg chen gyi mdo shin tu rgyas pa'i sde snod mi 'dod pas de nas 'byung ba'i sa bcu/ sangs rgyas sa las dang sdug bsngal lhag yod pa'i sgo nas skyon kun zad du mi 'dod pas gnas gyur/ 'og min gyi longs sku mi 'dod pas sku gsum dang ye shes bzhi sogs mi 'dod cing khas mi len no/ <br>
/sde gnyis ka'i gzhi'i skabs su/ phyi rol pas brtags pa'i bdag rtag pa gcig pu rang dbang can la sogs pa ni thag pa'i sbrul bzhin du kun rdzob tu'ng mi 'dod pa dang/ phyaa dang dbang phyug sogs snod bcud byed pa po gzhan med pa dang/ 'jig rten tshogs las las skyes/ /zhes gang byed pa po ni las su 'dod pa dang/ phung po lnga/ khams bcom brgyad/ skye mched bcu gnyis/ skye gnas bzhi/ 'gro ba lnga/ khams dang reg pa dang sems pa dang rnam par shes pa'i zas te zas bzhi sogs kyis rab tu dbye ba sogs mthun par 'dod do/ <br>
/gang la dmigs na zag pa rgyas min phyir/ /'dus byas zag bcas lam bden 'dus ma byas/ /zag med chos yin gzhig dang sel byed kyis/ /der 'dzin 'dor rung dngos dang rgyun dag ni/ /kun rdzob yod pa don dam don byed min/ /mi 'dor rdul phran cha med skad cig sems/ /don dam yod pa de la don byed yin/ /gzhi'i shes bya'i gtso bo zag bcas (aa: 236 na) dang zag med kyi bden gnyis 'jog tshul <br>
<br>
===Sheja Dzo Chapter 6.3 volume2 (page 469)===
<br>
yang mthun te/ chags bcas kyi blo gang gis chos de'i rang bzhin shes nas de la dmigs pas zag pa nyon mongs rnams dmigs pa dang mthungs ldan lnga po gang rung gi sgo nas rgyas shing gnas par 'gyur ba dang/ gang la dmigs na de dag rgyas par mi 'gyur ba'i phyir/ rim bzhin lam bden las gzhan pa'i 'dus byas mtha' dag zag bcas kyi mtshan gzhi dang/ lam bden dang 'dus ma byas rnams ni zag med chos kyi mtshan gzhi yin no/ <br>
/bden gnyis kyi 'jog tshul yang/ mdzod las/ gang la bcom dang blo yis gzhan/ /bsal na de glo mi 'jug pa/ /bum chu bzhin du kun rdzob tu/ /yod de don dam yod gzhan no/ <br>
/zhes te/ chos gang la gzhig byed kyis gzhig pa dang/ sel byed kyi blos cha gzhan bsal bas der 'dzin gyi blo 'dor du rung ba ni kun rdzob bden pa ste/ de'ng snod bcud sogs dngos po rags pa rnams ni phyogs cha dang bcas shing blos cha gzhan bsal du rung bas rdzun pa dang/ lo zla zhag sogs dus gsum du rnam par brtags pa'i rgyun ni cha dbye bar rung bas mi bden pa ste/ kun rdzob yod pa de dag don dam par don byed nus pa ma yin no/ <br>
/cha bsal bas der 'dzin gyi blo mi 'dor ba rdul phra rab ni phyogs kyi cha med pas dngos po rtsom byed bden par grub pa dang/ nang 'dzin pa'i sems kyang skad cig ma dus kyi rgyun rtsom byed du yod pa ni don dam bden pa ste/ don dam du yod pa de dag ni de la ste don dam par don byed nus pa'o/ <br>
/bum pa sogs kun rdzob yin pa'i rgyu mtshan ni/ bum pa sogs kyis don dam par don byed mi nus te/ don dam par yul rang ngos nas don byed nus pa de ni rang 'dzin 'khrul med skyed par byed pa'i don chos rang gi 9aa: 236 ba) mtshan nyid la 'dod na/ bum pa sogs de dag brda sogs nang gi yan lag la ltos pa'i blo gros kun rdzob yin pa'i phyir/ zhes so/ <br>
/'dus byas skye tshul lam <br>
<br>
===Sheja Dzo Chapter 6.3 volume2 (page 470)===
<br>
'bras phal cher mthun/ /spyir sems sems byung gi mtshan nyid yul gyi ngo bo dang khyad par tsam 'dzin pa dang/ gzugs can gyi 'byung 'gyur 'byung ba las dang/ shes rig gi rdzas mtshungs ldan lngas mtshungs pa dang/ ldan min gyi dngos po gnas skabs can gyi gzugs sems las skye ba ste 'dus byas kyi skye tshul rnams dang/ lam dang 'bras bu'i skabs su/ yul blang dor bden pa bzhi'i mtshan gzhi dang/ mtshan nyid kyi gtso bo dang/ yul can la tshogs sbyor mthong sgom mi slob lam ste lam lnga dang/ skye bu zung bzhi dang gang zag ya brgyad kyi grangs dang spangs rtogs phal che ba dang/ byang chub sems dpa' dang por thugs bskyed tshul/ br du tshogs bsags tshul/ mthar 'tshang rgya tshul/ de'ng srid pa tha ma pa rgyal bu don grub kyi dus grangs med gsum gyi tshogs rdzogs kyang so skye tshogs lam pa 'ching ba kun ldan yin pa dang/ 'og min du sangs rgyas pa sogs mi 'dod pas/ byang chub kyi shing drung du srod la bdud dpung bye ba phrag so bdun btul nas/ tho rengs sbyor lam stan gcig pa nas zad mi skye shes pa'i bar gyi spangs rtogs thams cad bden bzhi mi rtag sogs bcu drug rtogs pa'i lam kho nas thob cing/ de'i sngon du ring 'phur skyes dang lhag spyod las 'jig rten pa'i bsam gtan gyi man ngag blangs te ci yang med min las 'dod chags dang bral zin pa'i chags bral sngon song gi sangs rgyas yin pa dang/ de bzhin du dge 'dun nyi shu'i spangs rtogs kyi 'jog tshul dang spangs rtogs las nyams tshul phran tshegs tsam ma gtogs phal che ba dang/ bsam gtan bzhi dang 9aa: 237 na) gzugs med bzhi dang tshad med bzhi sogs kyi yon tan phal che ba dang/ sangs rgyas kyi sa na sngon las kyis 'phangs pa'i rnam smin gyi phung po dang zag bcas las kyi lhag ma sogs sdug bsngal gyi bden pa yod pa dang/ nyan rang sangs rgyas te lhag med kyi myang <br>
<br>
===Sheja Dzo Chapter 6.3 volume2 (page 471)===
<br>
'das gsum ga shing zad kyi me bzhin rig pa rgyun chad pa rnams kyang mthun par 'dod pa yin no/ <br>
/gnyis pa 'dod pa mi mthun pa la gnyis/ bye smra dang mdo sde pa'o/ <br>
/dang po ni/ mi mthun bye smras sde bdun bka' ru 'dod/ /rdul phran cha med sil bu bar dang bcas/ /rigs mthun bya ba gcig byed re'u gsing bzhin/ /dbang pos don mthong shes pas de la 'dzin/ /gzung 'dzin rgyu 'bras phal cher dus mnyam skye/ /bye mdo gnyis kyi grub mtha' mi mthun pa'i khyad par mdzod las mang du byung ba che long du bsdus te bshad na/ bye brag smra bas mngon pa sde bdun mdo las dngos su gsungs pa ched du brjod pa'i tshom ltar dgra bcom pa so sos bsdus pas bka' yin ces dang/ lung sogs chos kyi phung po ni ming gi phreng ba ldan min 'du byed kyis bsdus par 'dod/ gzugs kyis bsdus pa rnams ni 'byung ba dang 'byung 'gyur ram yang na rdul phra rab dang bcas pa yin la/ phra rab kyis rags pa rtsom pa na dbus rdul la phyogs drug gi rdul gyis bskor ba yang rdul phran cha med sil bu bar stong dang bcas pa rdzas su grub pa/ rigs mthun cing bya ba gcig byed pa ni gyag rnga dang ne'u gsing bzhin te/ rdul phra rab sil bu so sor gnas kyang mi 'jig pa ni las sam rlung gis gzung bar 'dod pa ltar/ rags pa yang de rnams 'dzin par byed pa'i rlung gis phyogs gcig tu bsdus pa dang/ shes pas yul'dzin tshul yang/ dbang shes kyis rang yul skam pas 9aa: 237 ba) lcags sbram ltar rnam med thug phrad rjen cher du 'dzin la/ de'ng dbang pos don gyi rang mtshan mthong nas shes pas 'dzin pa dang/ de'ng 'das pa dnag ma 'ongs pa rnam shes bskyed pa'i bya ba mi byed pa'i phyir gzung 'dzin rgyu 'bras phal cher dus mnyam du skye bar 'dod do/ <br>
/gzhi lnga dus gsum byang 'das rdzas yod dand/ /'dus ma byas <br>
<br>
===Sheja Dzo Chapter 6.3 volume2 (page 472)===
<br>
rtag 'gog bden dngos por smra/ /shes pa gzhan rig la sogs rtsa ba ni/ /gsung rab la brten che bzhi sogs kyis phyes/ /shes bya'i gzhi lnga/ dus gsum myang 'das rnams dang/ khyad par ldan min 'du byed rnams gang gi gnas skabs la bzhag pa'i gnas skabs can las don gzhan rang rkya thub pa'i rdzas yod dang/ 'dus ma byas gsum rtag par 'dod cing/ de'ng ngo bos ma grub pa'i shes bya 'jog ma shes nas yongs gcod du grub pa'i rdzas sam dngos por khas len gyi/ 'dusma byas dngos por 'dod pa dang don byed nus pa'i 'dus byas kyi dngos por nam yang mi 'dod de/ 'dus ma byas la de dag med/ /ces de la rgyu 'bras gnyis med par 'dod pa'i phyir ro/ <br>
/yang dgra bcom nyams nas phyir 'ong sogs su 'gyur ba dang/ 'gog bden dbang po lnga'i thob byar dang/ chos thams cad kyi mchog tu dnag/ bral ba'i rdzas sogs su gsungs pas dngos po yin par smra ba dang/ ral gri rang gis rang mi gcod pa bzhin du shes pa la rang myong rang rig mi 'dod pas shes pa thams cad gzhan rig tu 'dod pa dang/ sogs khongs nas/ gang zag gi bdag bkag tsam gyi med dgag la de bzhin nyid du 'jog mi shes pa sogs 'dod pa thun mong ma yin pa mang po 'byungba zhib par mdzod las shes par bya ba las 'dir smos su mi lang ngo/ <br>
/grub mtha' 'di'i rtsa ba ni gsung rab nyid las ci rigs par gsungs (aa: 238 na) pa la brten te btsun pa chen po bzhi dang/ kha che 'dus bzang/ btsun pa go cha mtha' yas sogs kyis gsal bar phyes par grags so/ <br>
/gnyis pa ni/ dpe ston sde pas phal cher de las ldog rdul phran reg la ma 'byur pu sti ltar/ dbang po bem po phyi don lkog na mo/ <br>
/shes pas mthong min rnam pa don du myong/ /dpe ston pa ste mdo sde pas bye smra las phal <br>
<br>
===Sheja Dzo Chapter 6.3 volume2 (page 473)===
<br>
cher ldog pa'i tshul gyis smra bas bshad ma thag pa de dag ni mdo sde pas mi 'dod de/ ji skad du/ ye shes la 'jug ka tya'i bus/ /rab tu byed pa dbyig bshes kyis/ /chos kyi phung po shaa ri'i bus/ /gdags pa'i bstan bcos modgal bus/ /rnam shes tshogs ni lha skyid kyis/ /bgro ba'i rnam grangs gsus po ches/ /khams kyi tshogs ni gang pos byas/ /zhes mngon pa sde bdun dgra bcom pa de dag so sos rang dbang du brtsams pas bstan bcos yin par 'dod pa dnag/ lung chos kyi phung po sgra rang gi mtshan nyid gzhung lugs kyi tshad dang mnyam pa gzugs kyi phung pos bsdus pa dnag/ gzugs ni snga ma ltar la rtsom byed rdul phra rab dang des brtsams pa'i rags pa gnyis yin la/ rdul phra rab rnams ni bskor ba ma 'byar la bar med pas reg par 'du shes pa po ti bsdams pa ltar 'dod pa dnag/ dbang po ni bem po yin pa'i phyir don mthong byed ma yin la/ phyi don ni lkog na mo zhes pa 'das pa yin pa'i phyir rnam shes kyis mthong ba ma yin/ des na rnam pa zhes pa don gyis gtad pa'i shes pa nyid snang ba yin la/ don 'gag kyang des bzhag pa'i shes pa'i rnam pa don dang 'dra bar myong bas de myong bar gdags shing/ shes pas yul 'dzin pa rnam pas bar du chod par 'dzin pa dang/ gzung 'dzin rgyu 'bras dus mnyam du min par snga phyir 'dd do/ <br>
/'di la phyi don lkog na mo zhes zer la 'di (aa: 238 ba) dang sems tsam rnam bden pa gnyis snang ba shes pa yin par mtshungs kyang gtod byed phyi don yod med kyis 'byed pa'o/ <br>
/gzugs sems tshor 'du sems pa rdzas su yod/ /gzhan rnams btags yod mkha' sogs med par dgag /rang rig gzhan rig dus gsum btags dngos sogs/ /dge 'dun srung dang dpal len sogs kyis bzhed/ /shes bya'i gzhi lnga las gzugs sems gnyis dang sems byung tshor 'du gnyis sam sems pa dang gsum rnams <br>
<br>
===Sheja Dzo Chapter 6.3 volume2 (page 474)===
<br>
rdzas yod yin gyi/ gzhan mtha' dag cha la btags pa'i btags yod kyi dngos po dang dngos med du 'dod pa dang/ nam mkha' sogs 'dus ma byas gsum rtag par 'dod mod kyang mi rtag pa bkag tsam gyi med dgag yongs gcod du ri rwa dang 'dra bar ngo bo ma grub pa'i shes bya tsam du 'dod pa dang/ rang mi gsal na gzhan yang gsal mi nus pa bzhin du shes pa kha nang du bltas pa'i myong ba rang rig dang phyir bltas pa'i myong ba gzhan rig gnyis su 'dod la/ de'ng shel dag pa la snang ba'i tshon gyi kha dog shel gyi ngo bo yin pa ltar rang dang ngo bo gcig pa'i don gye rnam par rig pas rang rig mtshan nyid pa dang don rig btags pa bar 'dod pa dang/ dus gsum yang rdzas grub tu med par blos btags kyi dngos por 'dod pa dnag/ sogs khongs nas/ lhag bcas dang lhag med kyi myang 'das kun gnyen pos spang bya bkag pa'i med dgag cang med par 'dod pa dang/ dgra bcom pa mthong chos bder gnas kyi bsam gtan tsam las nyams par 'dod pas nyams pa'i chos can zhes bya yi 'bras bu las nyams par mi 'dod pa dang/ 'gog bden gzugs dang tshor ba bzhin du ngo bo dang mig sogs bzhin du nus pa tshad mas ma dmigs pa'i phyir dang/ mdo las (aa: 239 na) bral ba dang zad pa dang nub pa dang dgag pa'i sgras gsungs pas dngos med du 'dod pa dang/ gang zag gi bdag bkag tsam gyi med dgag la de bzhin du 'jog shes pa ste/ grub mtha' 'di'ng rtsa ba rgyal ba'i gsung rab mdo sde rnams la brten cing/ btsun pa chen po dge 'dun srung dang dpal len sogs kyis bzhed pa ste/ zhib par mdzod kyi rang 'grel las rtogs par bya'o/ <br>
/gnyis pa sde pa'i sgo nas dbye ba la gsum/ rtsa b'ai sde pa bzhi/ gyes pa bco brgyad/ gnyis su bsdu ba'o/ <br>
/<br>
<br>
===Sheja Dzo Chapter 6.3 volume2 (page 475)===
<br>
dang po ni/ rtsa ba'i sde pa thams cad yod par smra/ /phal chen gnas brtan mang pos bkur ba bzhi/ /nyan thos sde pa la slob dpon so so'i bzhed pas gcig dang gnyis dang gsum du bshad pa sogs dbye bsdu mang yang yongs grags su rtsa ba'i sde pa bzhi ste/ thams cad yod par smra ba/ dge 'dun phal chen pa/ gnas brtan pa/ mang pod bkur ba bzhi'o/ <br>
/de la gzhi thams cad yod par smra ba zhes bya ba ni sde pa thams cad kyi gzhi yin pa dang shes bya'i gzhi lnga rdzas yod du smra bas de ltar grags la/ sde pa de ni gsung rab sang skrii ta legs sbyar gyi skad du 'don/ mkhan po rgyal rigs bslab pa la gus pa sgra gcan 'dzin las brgyud/ snam sbyar snam phran dgu yan nyer lnga man la rtags 'khor lo dang padma/ ming dpal dang bzang po dang snying po gsum gyi mtha' can/ grub mtha' dus gsum rdzas su yod pa dng/ 'dus byas thams cad skad cig ma dang/ gang zag gi bdag med pa dang/ grangs med gsum gyis 'tshang rgya ba sogs bzhed do/ <br>
/phal chen pa zhes pa ni gyes pa'i tshe dge 'dun phal che ba phyogs gcig tu gnas pas yin la/ sde pa de ni phra krii ta rang bzhin gyi skad/ mkhan po bram ze'i rigs sbyangs yon la gnas pa'i mchog 'od srung/ snam (aa: 239 ba) phran bdun nas nyer gsum man la rtags dpal be'u/ ming ye shes dang sbas pa'i mtha' can/ grub mtha' bdag phung tha dad pa dang/ bden pa cig car mthong ba dang/ chos mchog las kyang nyams srid pa dang/ dbang pos yul mi 'dzin pa sogs su 'dod do/ <br>
/gnas brtan pa zhes pa ni gnas brtan 'phags pa'i rigs yin par smra bas der grags la/ sde pa de ni pi shaa tshi sha za'i skad/ mkhan po smyig ma mkhan gyi rigs mtha' 'khob 'dul ba'i mchog ka taa ya na/ snam phran lnga nas nyer gcig man la rtags dung/ ming 'byung gnas dang go cha'i mtha' can/ grub mtha' sangs rgyas legs sbyar <br>
<br>
===Sheja Dzo Chapter 6.3 volume2 (page 476)===
<br>
ma gsungs pa dang/ 'gog snyoms la sems yod pa dang/ log shes med pa dang/ grangs med bcu yan dang sum cu man gang rung gis 'tshang rgya ba sogs 'dod do/ <br>
/mang gkur ba zhes pa ni slob dpon skye bo mang pos bkur sti byas pa'i rigs 'dzin pas yin la/ sde pa de ni a ba bhang sha zur chag gi skad/ mkhan po 'dreg mkhan gyi rigs 'dul ba 'dzin pa'i mchog nye bar 'khor/ snam sbyar gnas brtan pa dang mthun/ ming 'bangs dang sde'i mtha' can/ grub mtha' brjod du med pa'i bdag yod pa dang/ shes bya thams cad brjod du yod med gnyis su sdud pa dng/ 'dus byas rgyun brtan pa rnams 'jig byed don gzhan gyis 'jig pa dang/ mthong lam skad cig bcu gnyis man yin pa sogs la 'dod do/ <br>
/de dag rnams so thar gyi mdo bklag tshul dang/ bcas ltung gi rnam gzhag kyang mi 'dra ba yod cing/ rtsa ba'i gzhi phal chen sde pa yin par bshad pa'ng yod cing/ ming brje ba'ng da lta la yin gyi sngon chog la med do/ <br>
/gos dang mtshan gyi dbye ba sogs jo bo rje'i gsung (aa: 240 na) sgros las byung bar bshad do/ <br>
/dgyes rdor brtag pa phyi ma'i le'u bzhi par 'khor lo bzhi dang sde pa bzhi sbyar ba dang/ dus kyi 'khor lo'i zhal bzhi nas sde pa bzhi gsungs par bshad pas kyang rtsa ba'i sde pa bzhir 'dod pa'i phyogs 'di khungs che ba yin no/ <br>
/gnyis pa ni/ lnga bdun gsum gsum gyes pa bcom brgyad de/ /rtsa ba'i sde pa bzhi las gyes pa bco brgyad byung ba'i tshul/ slob dpon dul ba'i lhas mdzad pa'i sde pa tha dad bklags pa'i 'khor lo las/ shar dang nub dang gangs rir gnas/ /'jig rten 'das par smra ba'i sde/ /btags par smra ba'i <br>
<br>
===Sheja Dzo Chapter 6.3 volume2 (page 477)===
<br>
sde pa dang/ /lnga tshan dge 'dun phal chen pa/ /gzhi kun pa dang 'od srung sde/ sa ston sde dang chos srung sde/ /mang thos gos dmar slob ma dang/ /rnam par phye ste smra ba'i sde/ /thams cad yod apr smra ba yin/ /rgyal byed tshal gnas 'jigs med gnas/ /gtsug lag khang chen gnas brtan pa/ sa sgrogs ri dang srung ba pa/ /gnas ma bu yi sde rnams ni/ /kun gyis bkur ba rnam pa gsum/ /yul don slob dpon bye brag gis/ /tha dad rnam pa bco brgyad gsungs/ /zhes dge 'dun phal chen pa lnga/ thams cad yod smra bdun/ gnas brtan pa gsum/ mang bkur ba gsum ste bcom brgyad du bshad pa rnams so/ <br>
/de'ng bzhugs gnas yul dang/ grub mtha'i don 'dod tshul dang/ srol 'byed slob dpon tha dad pa'i rjes 'brangs su gyur pas mi 'dra ba 'ba' zhig byung yang/ thams cad rnam par grol ba'i lam la khyad par med pa ni/ rgyal po krii krii'i rmi lam lung bstan gyi mdo las/ rgyal po chen po khyod kyi rmi lam du mi bco brgyad kyis ras yug gcig bgos kyang ras snga ma ma nyams par mi re res thob par mthong ba ga g yin pa de ni shaakya thub pa'i (aa: 240 ba) bstan pa rnam pa bco brygad du gyes par 'gyur yang/ rnam par grol ba'i ras yug ni nyams par mi 'gyur ba de'i snga ltas yin no/ <br>
/zhes gsungs pas de dag la bzang ngan khyad par med pa shes dgos so/ <br>
/gsum pa ni/ gnyis su bsdu ba dngos dang/ zhar byung rnam par brtatt pa'o/ <br>
/dang po ni/ bdag tu smra dng bdag med smra ru 'dus/ /sde pa bco <br>
<br>
===Sheja Dzo Chapter 6.3 volume2 (page 478)===
<br>
brgyad kyang bsdu na bdag smra dang bdag med smra ba gnyis su 'du ste/ mang bkur nang tshan gnas ma bu pa sogs sde pa lnga yis brjod du med pa'i bdag 'dod cing/ de yang gang zag ste phung po dang gcig tha dad rtag mi rtag sogs su brjod du med kyang rang rkya thub pa'i rdzas yod du 'dod la/ bye smra'i nang tshan sde pa gzhan kun dang mdo sde pa'ng bdag med 'dod pas so/ <br>
/de'ng rtog ge 'bar ba las/ de rnams las sngar bstan pa'i dge 'dun phal chen pa la sogs pa brgyad dang/ phyis bstan pa'i gnas brtan pa dang/ thams cad yod par smra ba dang/ mang ston pa dnag/ chos mchog pa dnag/ 'od srungs pa rnams ni bdag med par smra ba yin te/ mu stegs pa'i 'dod pas btags pa'i bdag dang bdag gis ni stong pa yin pa dang/ chos thams cad ni bdag med par smra ba yin no/ <br>
/lhag ma gnas ma bu pa la sogs pa sde pa lnga ni gang zag tu smra ba yin te/ gang zag ni phung po dag las de nyid dang gzhan du brjod du med par rnam par shes par bya ba/ 'khor bar 'gyur ba yongs su gsal bar bya ba yin no zhes zer ro/ <br>
/zhes gsungs so/ <br>
/gnyis pa ni/ theg chen 'gog dang bden grub 'dod sogs skyon/ /gzhan rnams ma nor rang sa'i lugs yin no/ <br>
/nyan thos sde pa 'di dag gis theg pa chen po 'gog pa ni zab 9aa: 241 na) rgyas blor ma shong bar rtog ge nyid kyi shes rab dang mos pa dang bsod nams zhan pa'i dbang gis yin par gsungs pa ltar/ don dam bden pa rdzas grub tu 'dod pa la sogs pa'ng gsung rab kyi dgongs pa ma rtogs pa'i skyon dang bcas pa yin pas/ mdo sde rgyan sogs las theg chen bka' sgrub rgyas par gsungs shing/ bye smra'i rdzas yod mdo sde pas bkag la/ de'i brtags yod sems tsam pas lung rigs mang pos bkag pa dang/ khyad par brjod med kyi bdag ni lta ba ches dman <br>
<br>
===Sheja Dzo Chapter 6.3 volume2 (page 479)===
<br>
pas dus 'khor rtsa 'grel/ dbu ma 'jug pa sogs las kyang legs par bkag pa yin la/ gzhi lam 'bras bu'i rnam gzhag spyi rnams ni gong ma dang mi mthun pa ltar snang yang ma nor ba nyan thos rang sa'i lugs yin pas yon tan dang ldan pa'o/ <br>
/gsum pa 'bras bu'i sgo nas dbye ba la gnyis/ mdor bstan/ rgyas bshad do/ <br>
/dang po ni/ rnam pa bcu drug bsgoms pas lam lnga po/ <br>
/byang phyogs kyis bgrod 'bras bu rnam bzhi 'thob/ /sangs rgyas 'jig rten du byon cing chos gsungs pa'i bstan pa la gnas shing bsgrub pa'i phyir/ thog mar so thar ris bdun nam brgyad kyi tshul khrims la gnas pas mtshan nyid dang ldan pa'i bshes gnyen las nyan thos dang rjes su mthun pa'i gsung rab yan lag dgu sde snod gsum gyis bsdus pa dbang po'i rim pa dang 'tshams par thos shing/ thos nas bsam/ bsam don bden bzhi mi rtag pa sogs rnam pa bcu drug bsgoms pas/ nyan thos kyi tshogs sbyor sogs lam lnga byang phyogs so bdun gyis rim par bgrod de 'bras bu rgyun zhugs/ lan cig phyir 'ong/ phyir mi 'ong dgra bcom pa sd=te rnam pa bzhi thob pa'i/ /gnyis pa la gnyis/ rim lgyis pa zhib par bshad/ thod rgal (aa: 241 ba) dang cig car ba 'phros don du bshad pa'o/ <br>
/dang po la bzhi/ rgyun zhugs/ phyir 'ong/ phyir mi 'ong/ dgra bcom pa'o/ <br>
/de'i dang po la gnyis/ rgyun zhugs zhugs pa dang/ 'bras gnas so/ <br>
/dang po ni/ rgyun zhugs zhugs pa 'dod nyon ye ma spangs/ bzhi lnga spang srid drug pa spang mi srid/ /skad cig bco lnga gang yang rung la gnas/ /dad dang chos rjes 'brang gnyis/ /zhes pa ste/ nyan thos rgyun zhugs kyi 'bras bu la zhugs pa de'i spangs pa'i par ni/ 'dod nyon gtan ma spangs pa <br>
<br>
===Sheja Dzo Chapter 6.3 volume2 (page 480)===
<br>
nas bzhi pa lnga pa'i bar spangs pa'ng srid/ drug pa gtan ma spangs pa ste 'di'i bras zhugs kyis drug pa spangs mi srid pa'o/ <br>
/rtogs pa'i khyad par ni/ mthong lam la sdug bsngal chos bzod/ chos shes/ rjes bzod/ rjes shes nas/ kun 'byung dang/ 'gog pa dang/ lam la'ng chos bzod/ chos shes/ rjes bzod/ rjes shes kyi bar re re bzhin sbyar ba'i skad cig ma bcu drug las/ skad cig dang po bco lnga gang rung la gnas pa dbang brtul dad pa'i rjes 'brang dang/ dbang rnon chos kyi rjes 'brang gnyis so/ <br>
/gnyis pa ni/ 'bras gnas pa/ /skad cig bcu drug pa la rtogs pa thob/ /dbang po brtul rno skye ba bdun dang gnyis/ /rgyun zhugs 'bras gnas kyi spangs pa'i khyad par snga ma dang 'dra/ rtogs pa'i khyad par skad cig ma bcu drug pa lam gyi rjes shes la rtogs pa thob pa'o/ <br>
/'di la dbyen dbang po brtul rno/ <br>
skye ba len tshul gyis bzhir 'gyur te/ dang po ni/ zhugs pa'i skabs kyi dbang brtul gnas gyur pa dad pas mos pa dang/ dbang rnon gnas gyur pa mthong bas thob pa gnyis so/ <br>
/gnyis pa skye ba len tshul srid pa lan bdun pa dang/ rigs nas rigs su (aa: 242 na) skye ba zhes skye ba gnyis len pa gnyis yod pa las/ dang po ni/ rgyun zhugs 'bras gnas yin pa gzhir bzhag nas/ 'dod nyon gtan ma spangs pa de lha'i rten la thob na lha'i skye ba bdun/ mi'i bdun/ de gnyis kyi bar srid bdun bdun te nyi shu rtsa brgyad dang/ mi'i rten la thob na'ng mi'i lan bdun/ lha'i bdun/ bar srid bdun bdun te nyer brgyad las lan cig phyir 'ong gi zhugs par 'gro/ <br>
'di la srid pa lan bdun pa zhes zer ba ni bdun tshan du chos mtshungs pa'i phyir te/ dper na gnas bdun la mkhas pa dang shing lo ma bdun pa bzhin no/ <br>
/'di la bzhed tshul gzhan yang yod do/ <br>
/gnyis pa rigs nas rigs su skye ba ni/ rgyun zhugs 'bras gnas yin pa gzhir <br>
<br>
===Sheja Dzo Chapter 6.3 volume2 (page 481)===
<br>
byas nas/ 'dod nyon gsum pa dang bzhi pa spangs pa'ng srid/ lnga pa gtan ma spangs pa de lha mi'i rten gang la thob pa de'i skye ba rigs mthun gnyis len no/ <br>
/gnyis pa lan cig phyir 'ong ba la gnyis te/ phyir 'ong zhugs pa dang/ 'bras gnas so/ <br>
/dang po ni/ de yis bsgoms pas phyir 'ong zhugs par 'gyur/ /drug pa spangs shing/ /zhes pa ste/ rgyun zhugs 'bras gnas des lan cig phyir'ong gi 'bras bu thob pa'i phyir du de'i lam sgom pa la brtson par byas pa na phyir 'ong zhugs par 'gyur la/ des nyuon mongs drug pa nam spangs pa'i tshe 'bras gnas su 'gro'o/ <br>
/gnyis pa ni/ dgu pa gtan ma spangs/ /bras gnas bar chad gcig pa phyir 'ong nges/ /'bras gnas de'i nang tshan tshe gcig bar chad pa zhes bya ba yod de/ de la spangs rtogs gnyis las/ spangs pa la 'dod nyon bdun pa dang brgyad pa spangs srid/ dgu pa gtan ma spangs pa'o/ <br>
/rtog pa ni sngar bzhin no/ <br>
/lan (aa: 242 ba) cig phyir 'ong zhes pa 'dod par lan cig phyir 'ong ba'i rigs can yin yang phyir mi 'ong gi lam la brtson na der 'gro la/ nang tshan tshe gcig bar chd gcig pa yin na nges par phyir 'ong ngo/ <br>
/gsum pa phyir mi 'ong la gnyis te/ phyir mi 'ong zhugs pa dang/ 'bras gnas so/ <br>
/dang po ni/ 'brel chags brtson pas phyir mi 'ong la zhugs/ lan cig phyir 'ong 'brs gnas des phyir mi 'ong gi 'bras bu thob par bya ba'i phyir de'i lam la 'brel chags su brtson par byas pas phyir mi 'ong zhugs par 'gyur ba yin no/ <br>
/gnyis pa ni/ dgu pa spangs pas 'bras gnas gzugs su 'gro /br do skyes nas 'da' dng gong du 'pho/ <br>
/gzugs med nyer 'gro mthong zhi lus mngon byed/ /phyir mi 'ong zhugs pa des 'dod nyon dgu pa nam <br>
<br>
===Sheja Dzo Chapter 6.3 volume2 (page 482)===
<br>
spangs pa'i tshe de'i 'bras gnas su 'gyur zhing/ de la bzhi/ gzugs su nyer 'gro/ <br>
gzugs med nyer 'gro/ <br>
mthong chos la zhi/ lus mngon byed do/ <br>
/dang po la gsum ste/ bar dor 'da' ba/ skyes nas 'da' ba/ gong du 'pho ba'o/ <br>
'dang po ni/ phyir mi 'ong 'bras gnas yin pa gzhir byas nas/ tshangs chen ma gtogs pa'i gzugs khams bcu drug gang yang rung ba'i rten gyi bar do la mya ngan 'da' ba'i rigs can no/ <br>
/gnyis pa la'ng gsum/ skyes nas 'da' ba/ 'du byed bcas pa/ 'du byed med pa'o/ <br>
/dang po ni/ tshangs chen ma gtogs pa gzugs khams bcu drug gang rung gi rten la skyes pa tsam gyis mya ngan las 'da' ba'i rigs can no/ <br>
/gnyis pa ni/ rten de rnams su skyes nas lam la 'bad rtsol dang bcas te 'da' ba'i rigs can no/ <br>
/gsum pa ni/ der skyes nas lam la zhugs pa tsam las 'bad rtsol med par 'da' ba'i rigs can no/ <br>
/(aa: 243 na) gsum pa gong du 'pho ba la gnyis te/ 'og min du 'pho ba dang/ srid rtser 'pho ba'o/ <br>
/dang po la gsum ste/ 'phar ba/ phyed 'phar/ kun 'pho'o/ <br>
/dang po ni/ phyir mi 'ong 'bras gnas de skye ba phyi ma tshangs ris su skyes/ de las 'og min gyi rten du 'phar te mya ngan las 'da' ba'i rigs can no/ <br>
/gnyis pa ni/ de lta bu de skye ba phyi ma la tshangs ris/ de las gtsang gnas bzhi gang rung/ de las 'og min du skyes nas mya ngan las 'da' ba'i rigs can no/ <br>
/gsum pa ni/ de lta bu de skye ba phyi ma tshangs chen ma gtogs pa'i gzugs khams bcu drug gi gnas thams cad du rim gyis skyes shing shi 'phos nas mthar 'og min gyi rten la mya ngan las 'da' ba'i rigs can no/ <br>
/gnyis pa srid rtser 'pho ba ni/ de lta bu de skye ba phyi ma tshangs ris su skyes/ de las srid pa'i rtse mo'i rten du 'phos te mya ngan las 'da' ba'i rigs can no/ <br>
/gnyis pa gzugs med nyer 'gro ni/ de lta <br>
<br>
===Sheja Dzo Chapter 6.3 volume2 (page 483)===
<br>
bu de skye ba phyi mar gzugs med dang po gsum gang rung du skyes nas mthar srid rtse'i rten la mya ngan las 'da' ba'i rigs can no/ <br>
/'di la'ng/ gzugs med gang du shi ba de na'o/ <br>
/zhes pas bar dor 'da' ba'i rigs can mi 'byung yang skyes nas 'da' ba gsum dang 'phar gsum sogs sngar bzhin 'byung ngo/ <br>
/gsum pa mthong chos la zhi ni/ phyir mi 'ong 'bras gnas thob pa'i rten de nyid la mya ngan las 'da' ba'i rigs can no/ <br>
/bzhi pa lus mngon byed ni/ 'gog snyoms mngon du byas nas mya ngan las 'da' ba'i rigs can no/ <br>
/bzhi pa dgra bcom pa la gnyis te/ dgra bcom zhugs pa dang/ dgra bcom 'bras gnas so/ <br>
/dang po ni/ srid nyon dgu pa spang phyir dgra bcom zhugs/ /phyir mi 'ong 'bras gnas de srid nyon dgu pa spong pa'i phyir (aa: 243 ba) du zhugs pa ni dgra bcom zhugs pa zhes bya'o/ <br>
/gnyis pa ni/ de spangs khams sgsum 'cings grol 'bras gnas la/ /gnyis ka shes rab cha las rnam par grol/ /rdzu 'phrul mngon shes rgyan can rgyan med dang/ /nyer len phung po'i lhag bcas lhag med dbye/ /srid nyon dgu pa de nam spangs na khams gsum gyi kun spyod 'ching ba las grol te dgra bcom 'bras gnas su 'gro ba yin te/ de la dbye na gsum/ spangs pa'i sgo nas dbye na/ gnyis ka'i cha las rnam grol dang shes rab kyis rnam grol gnyis kyi snga ma ni nyon sgrib dang snyom p'jug gi sgrib pa gnyis ka las rnam par grol ba dang/ phyi mi ni nyon sgrib 'ba' zhig las rnam par grol ba'o/ <br>
/yon tan gyi sgo nas rnam par dbye na/ rang sa'i zag bcas kyi rdzu 'phrul gyi mngon shes sogs dang ldan pa rgyan can dang/ mi ldan pa rgyan med gnyis dang/ rnam grol gyi sgo nas dbye na/ sdug bsngal nyer len gyi phung po'i lhag ma dang bcas pa dang/ de nyid phrad cing mthar phyin pas lhag med dgra bcom zhes dbye'o/ <br>
/<br>
<br>
===Sheja Dzo Chapter 6.3 volume2 (page 484)===
<br>
gnyis pa thod rgal dang cig car ba 'phros don du smos pa ni/ skyes bu zung bzhi gang zag ya brgyad de/ /thog mthar cig car bar gnyis thod rgal yod/ /de ltar spyir 'bras bu bzhi po la skyes bu zung bzhi dang/ bye brag nang gses su zhugs 'bras gnyis rer dbye bas gang zag ya brgyad du grags pa ste/ de dag gi thog mtha' gnyis la cig car ba dang/ bar pa gnyis la thod rgal ba'i gzhag mtshams yod cing/ spang bya cig car ba ni nyan thos dang thun mong ba la med kyi/ theg chen thun mong min pa'i chos mngon pa las gsungs so/ <br>
/gnyis pa rang sangs rgyas kyi theg pa la gnyis te/ nyan rang gi khyad par (aa: 244 na) dang/ rang rgyal gyi rnam gzhag go/ <br>
/dang po ni/ rang rgyal myur ba srid pa gsum gyis thar/ /bse ru bskal brgyas che chung zab par skye/ /nyan rang gnyis theg dman tsam du mtshungs kyang/ rgyu dang 'bras bu'i sgo nas khyad par che ste/ rgyu ni mdzod las/ myur ba srid pa gsum gyis thar/ /bse ru bskal pa brgya yi rgyus/ /zhes pa ltar ro/ <br>
/'bras bu la rigs kyi khyad par ni/ rang rgyal gyi rigs can nga rgyal che bas sangs rgyas dang nyan thos kyis stong pa'i 'jig rten du slob dpon dang 'gran zla med par rang gcig pu byang chub mngon du byed 'dod pa dang/ nyon mongs pa rang bzhin gyis shas chung bas 'du 'dzi la mi dga' bar dben pa don du gnyer ba/ snying rje shar chung bas gzhan don la mi spro bar sems las chung ngur gnas pa/ nyan thos las shes rab zab pas gzhan gyis bstan ma dgos par rang gis shes nas byang chub mngon du byed pa'o/ <br>
/lam gyi khyad par bden bzhi mi rtag pa sogs bcu drug gi steng du rten 'brel bcu gnyis kyi 'jug ldog dang/ gang zag gi bdag med kyi steng du gzung ba rang bzhin med par rtogs pa ste bdag med phyed dang gnyis kyi sgo nas rtogs ris la khyad par ===Sheja Dzo Chapter 6.3 volume 2 (page 485)===
<br>
yod par gsungs pa rnams so/ <br>
/gnyis pa rang rgyal gyi rnam gzhag la drug ste/ sgra don nges tshig gang la 'jug sgo/ <br>
bsrung bya'i sdom pa/ rtogs bya'i lta ba/ thob bya'i 'bras bu/ rab tu dbye ba'o/ <br>
/dang po ni/ sgra don gzhan la ltos min rang byang chub/ /rang sangs rgyas zhes pa'i sgra don ni/ slob dpon gzhan la ma ltos par rang gi byang chub rgyas zhes pa'i sgra don ni/ slob dpon gzhan la ma ltos par rang gi byang chub rang gi shes rab kyi rtsal gyis mngon du byed pas na rang byang chub ces ye (aa: 244 ba) shes rtogs pas rgyan rtogs pa zhes bya ba'ng blo gros mi zad pas bstan pa'i mdo 'grel las 'byung ngo/ <br>
/gnyis pa gang la 'jug sgo spyir bstan/ sgom tshul bye brag tu bshad pa'o/ <br>
/dang po ni/ 'jug sgo phyi yi rgyu 'bras dper byas nas/ /nang gi rten 'brel lugs 'byung lugs ldog ste/ /rang rgyal 'jug pa'i sgo ni rten 'brel yan lag bcu gnyis kyi sgo nas 'jug ste/ de'ng phyi nang gnyis kyi phyi'i rten 'brel la rgyu'i rten 'brel sa dang chu dang me dang nam mkha' dang dus so/ <br>
/'bras bu'i rten 'brel la rtsa ba dang sdong po dang yal ga dang lo ma dang me tog dang 'bras bu'o/ <br>
/de'ng rgyu yod na 'bras bu rnams 'byung ba'i lugs 'byung dnag/ rgyu ldog na 'bras bu rnams ldog pa'i lugs ldog dper byas nas/ nang gi rten 'brel ni keng rus la brtags te keng rus 'di rga shi las byung/ de ltar rim gyis 'khor ba'i rtsa ba ma rig pa'i bar du rtogs te lugs 'byung dang/ ma rig pa ldog pas 'du byed ldog pa nas rga shi'i bar du ldog pas te lugs ldog gi rten 'brel rtogs par byed ba'o/ <br>
/gnyis pa ni/ de yang 'khor 'das 'byung ldog phrugs gnyis ldan/ /<br>
<br>
===Sheja Dzo Chapter 6.3 volume 2 (page 486)===
<br>
rten 'brel de'ng 'khor 'das kyi 'byung ldog phrugs gnyis dang ldan par bsgom pa ste/ dang po ni/ kun nas nyon mongs pa'i dbang gis 'khor bar 'jug tshul gyi lugs dang mthun pa ni rim pa ji lta ba ste/ mdo las/ ma rig pa'i rkyen gyis 'du byed/ 'du byed kyi rkyen gyis rnam par shes pa/ zhes pa nas/ skye ba'i rkyen gyis rga shi dang mya ngan dang smre sngags 'don pa dang sdug bsngal ba dang yid mi bde ba dang 'khrugs pa rnams 'byung ste/ de ltar sdug bsngal gyi phung po chen po 'ba' zhig pa 'di 'byung bar 'gyur ro/ <br>
/zhes (aa: 245 na) gsungs pa lta bu dang/ lugs ldog ni rim pa ldog pa ste/ rga shi la sogs pa skye ba las 'byung/ skye ba srid pa las/ srid pa len pa las 'byung zhes pa nas/ 'du byed ma rig pa las 'byung zhes pa'i bar yin zhing/ de dag kyang rim pa'i sgo nas cha gnyis su phye ba ma gtogs don ni 'khor ba'i rgyu 'bras la yid ches bskyed par mtshungs pa nyid do/ <br>
/gnyis pa ni/ rnam par byang ba'i dbang gis mya ngan las 'das par 'jug tshul gyis lugs dang mthun pa ni/ yas rim gyis ma rig pa 'gag na 'du byed 'gag 'du byed 'gag na rnam par shes pa 'gag ces pa nas/ skye ba 'gag na rga shi la sogs pa 'gag ces pa dang/ lugs ldog ni skye ba 'gag na rga shi 'gag srid pa 'gag na skye ba 'gag ces pa nas/ ma rig pa 'gag na 'du byed 'gag ces pa'i bar te rim pa tsam ma gtogs don ni mya ngan las 'das pa 'thob tshul du gcig pa nyid do/ <br>
/des ni rtsa ba ma rig pa 'gag na sdug bsngal mtha' dag las grol bar 'gyur bas de spang ba'i ched du yang dag pa'i ye shes skyed par byed pa'o/ <br>
/gsum pa bsrung bya'i sdom pa ni/ sdom pa so thar/ /zhes pa ste rang rgyal gyi sdom pa'ng so so thar ba'i khrims te nyan thos dang 'dra'o/ <br>
/bzhi pa rtogs bya'i lta ba ni/ gang zag bdag med dang/ /gzung don <br>
<br>
===Sheja Dzo Chapter 6.3 volume 2 (page 487)===
<br>
rang bzhin med rtogs/ /zhes pa ste/ sa sde las 'dis nyan thos dang 'dra bar gang zag gi bdag med tsam rtogs par bshad kyang/ mngon rtogs rgyan las/ gzung don rtogs pa spong phyir dang/ /'dzin pa mi spongs phyir dang ni/ /rten gyis bse ru lta bu'i lam/ /yang da gbsdus par shes par bya/ /zhes gsungs pa ltar/ gang zag gi bdag med par rtogs pa'i steng du chos kyi bdag (aa: 245 ba) gi phyogs gcig gzung ba'i don rang bzhin med par rtogs pa phal mo che bzhed pa mthun no/ <br>
/lnga pa thob bya'i 'bras bu ni/ lhag bcas lhag med kyi myang 'das gnyis te 'di yang nyan thos dang 'dra ba na 'dir zur du dbye ba ma byas so/ <br>
/drug pa rab tu dbye ba la gnyis/ bse ru lta bu dang/ tshogs na spyod pa'o/ <br>
dang po ni/ dbang rnon ni/ /srid mthar smon lam gsum gyis mtshams sbyar nas/ /bsnyen rdzogs bzhi pa'i rab mtha' khyad can brten/ /rnam pa bcu drug bsgoms pas stan gcig tu/ /sbyor lam drod nas dgra bcom bar du 'thab/ /rang rgyal bse ru lta bu ni shin tu dbang po rnon po yin te/ dud 'gro bse la rwa gcig las med pa ltar 'du 'dzi gyeng bas 'jigs nas gcig pur gnas pas der gtags la/ bskal chen brgyar sangs rgyas 'byung ba mnyes par byas nas tshogs bsags/ phung po dang/ khams dang/ skye mched dang/ rten 'brel dang/ gnas yin min dng/ bden pa ste bslab par bya ba'i gnas drug la mkhas par byas nas srid pa tha ma pa'i tshe/ sangs rgyas dang nyan thos kyis stongs pa'i 'jig rten du skye ba dang/ slob dpon sogs la ma bsten par rang gis byang chub mngon du byed pa dang/ ngag gi rnam par rig byed sogs kyi sgo nas ma yin par lus kyi brda chos kyi rnam rig gis gzhan don du 'gyur bar smon pa ste/ smon lam gsum gyis mtshams sbyar ba las/ skye ba tha mar sangs rgyas dang nyan thos kyis ma bzung ba'i 'jig rten du dmangs rigs ma yin pa'i <br>
<br>
===Sheja Dzo Chapter 6.3 volume 2 (page 489)===
<br>
rigs gsum gang rung du skyes/ rten de la sngon gyi smon lam gyi dbang gis mkhan slob med par bsnyen par rdzogs nas/ bsam gtan bzhi pa'i rab mtha' khyad par can la brten te bden bzhi mi rtag pa (aa: 246 na) sogs bcu drug bsgom pa las/ stan thog gcig tu sbyor lam nas zad mi skye shes pa'i dgra bcom gyi ye shes kyi bar 'thob pa'o/ <br>
/'di ni nyan thos kyi lugs yin la/ /theg chen gyi chos mngon pa las ni drod nas zad mi skye shes pa'i bar du skye ba brgyud dgos par bshad do/ <br>
/gnyis pa tshogs na spyod pa ni/ tshogs spyod chung du dbang brtul chen po 'bring/ /skye ba gnyis brgyud rnam thar yid byed can/ /sgra med lus kyi sgo nas chos ston mdzad/ /rang rgyal tshogs spyod ces pa ne tsho ltar khyus lding ba la bshad pa'i phyir zla grogs dang bcas te sgom pa gzhir byas nas/ tshogs spyod chung ngu tshogs bsags sngar dang 'dra ba las/ srid pa tha ma pa'i tshe gnas drug la mkhas par byas te bzod 'bring man bskyed/ lam lhag ma bskyed pa'i phyir slar yang gnas drug la mkhas par byas te smon lam gsum gyis mthsams sbyar ba las key ba phyi ma 'bras bu ji ltar rigs pa mngon du byed pa'i rigs can te 'di ni dbang po brtul po'o/ <br>
/tshogs spyod chen po ni/ snga ma dang 'dra ba las srid pa tha ma'i tshe gnas drug la mkhas par byas pas bden pa mthong/ 'bras bu dang po gsum khang rung mngon du byas/ dgra bcom pa thob par ma nus pas de thob ched slar gnas drug la mkhas par byas te smon lam gsum gyis mtshams sbyar bas/ skye ba phyi ma la ji ltar rigs pa'i 'bras bu mngon du byed pa'i rigs can te 'di ni dbang po 'bring po ste/ de dag skye ba gnyis re brgyud pa'o/ <br>
/'di gsum ga'ng rten 'brel zab mo dang rnam thar sgo gsum yid la byed cing/ gzhan ma dad pa bzlog pa'i ched du rdzu 'phrul yang ci rigs par ston la/ zhi ba dang/ (aa: 246 ba) dul bas bsod snyoms la <br>
<br>
===Sheja Dzo Chapter 6.3 volume 2 (page 489)===
<br>
'jug pa na sgra med pa lus kyi rnam par rig byed sgo nas rten 'brel sogs rtogs par 'gyur ba'i chos ston par yang mdzad do/ <br>
/spyir sa sde las nyan rang gnyis dbang po dang 'bras bu la mchog dman yod kyang/ lam gyi rnam gzhag phal cher mthungs pas sde snod logs su yod par ma bshad pa bzhin rgya bod kyi gzhung phal che bar nyan rang gnyis kyi grub mtha' gcig tu bsdu ba mang la/ ma skyes dgra'i 'khyod pa bsal ba'i mdo dang dus kyi 'khor lo las rang sangs rgyas kyi sde snod logs su yod par gsungs pa bzhin gzhung 'ga' zhig las de gnyis kyi grub mtha' so sor dbye bar mdzad mod/ 'dir ni nyan rang gi grub pa'i mtha' phal che ba gcig kyang/ mi gcig pa'i khyad par yang shin tu mang ba dang/ gsung rab spyi'i skad du yang theg pa gsum zhes grags pas na nyan rang gnyis kyi grub mtha'i rnam gzhag so sor byas pa yin no/ <br>
/gnyis pa theg pa chen po'i rnam par gzhag pa la gnyis/ theg pa che chung gi khyad par brjod/ theg chen dngos nyid rnam par gzhag pa'o/ <br>
/dang po ni/ bdag med gnyis rtogs bsam sbyor pha rol phyin/ /sgrib gnyis kun spangs srid zhi'i mthar mi gnas/ /chen po bdun ldan/ /ces pa ste/ theg pa chen po'i tshul rnam par gzhag pa la thog mar theg pa che chung la khyad par ci yod snyam na/ mi bskyod yab sras 'di ltar du bzhed de/ lta ba rtogs pa'i khyad par/ bsam sbyor bslab bya'i khyad par/ spang bya spong ba'i khyad par/ thob bya 'bras bu'i khyad par/ chen po bdun gyi khyad par ro/ <br>
/dang po ni/ gang zag gi bdag med pa rtogs pa'i steng du chos kyi bdag med pa gsal zhing rdzogs par rtogs pa theg (aa: 247 na) chen dang/ ma rtogs pa theg dman te/ dbu ma la bstod pa las/ mtshan ma med pa ma rtogs par/ /khyod kyis thar pa med par gsungs/ /de phyir khyod kyis theg chen las/ /de ni tshang bar bstan <br>
<br>
===Sheja Dzo Chapter 6.3 volume 2 (page 490)===
<br>
pa lags/ /zhes pa ltar ro/ <br>
/gnyis pa ni/ byams snying rje byang chub sems kyi bsam pas kun nas bslangs te sbyor ba pha rol tu phyin pa drug la bslab pa dang mi bslab pa'i khyad par te/ slob dpon dpa' bos/ bse ru lta bu rnams la ni/ /pha rol phyin drug ming yang med/ /bcom ldan nyag gcig pha rol phyin/ /drug ni spyi la bzhugs pa lags/ /zhes pa ltar ro/ <br>
/gsum pa ni/ nyon sgrib mtha' dag spong nus rung shes sgrib mtha' dag spong mi nus pa theg dman dang/ sgrib gnyis bag chags dang bcas pa mtha' dag spong bar nus pa theg chen no/ <br>
/bzhi pa ni/ thabs dang shes rab dman pas zhi ba mya ngan las 'das pa tsam 'dod pa theg dman dang/ mngon rtogs rgyan las/ shes pas srid la mi gnas shing/ /snying rjes zhi la mi gnas pas/ /zhes pa ltar shes rab zab pa dang thabs rgya che bas srid zhi'i mtha' la mi gnas pa'i mya ngan las 'das pa 'dod pa'm sgrub pa theg pa chen po'o/ <br>
/lnga pa ni/ mdo sde rgyan las/ dmitt pa che ba nyid dang ni/ /de bzhin sgrub pa gnyis dag dang/ /ye shes brtson 'grus rtsom pa dnag/ /thabs la mkhas par gyur pa dnag/ /yang dag sgrub pa chen po dang/ /sangs rgyas phrin las chen po ste/ /chen po 'di dang ldan pa'i phyir/ /theg chen zhes ni nges par brjod/ /ces gsungs te de dag kyang rim pa ltar theg chen gyi sde snod rgya chen po la dmigs pa dang/ rang gzhan gnyis ka'i don sgrub pa dang/ bdag (aa: 247 ba) med pa gnyis ka rtogs pa dang/ bskal pa grangs med gsum du gus sbyor gyi brtson 'grus rtsom pa dng/ 'khor ba yongs su mi gtong zhing kun nas nyon mongs pa med pas lus ngag gi mi dge ba bdun gnang ba lta bu dang/ stobs dang mi 'jigs pa dang sangs rgyas kyi chos ma 'dres pa yang dag par sgrub pa dang/ lhun gyis grub cing rgyun mi chad pa'i phrin las rnams yin la/ de bdun dang ldan pa ni theg chen dang mi ldan pa <br>
<br>
===Sheja Dzo Chapter 6.3 volume 2 (page 491)===
<br>
ni theg dman no/ <br>
/gzhan yang sdud pa las/ /gtong ba che dang blo che ba dang mthu che dang/ /rgyal ba rnams kyi theg chen mchog la zhugs pa dang/ /go cha chen po bsgos shing bdud kyi sgyu 'dul ba/ /de yi phyir na sems dpa' che zhes rab tu brjod/ /ces dang/ theg bsdus las/ shes bya'i gnas dang mtshan nyid der 'jug dang/ /de yi rgyu 'bras de rab dbye ba dang/ /bslab pa gsum dang de 'bras spangs pa dang/ ye shes theg pa mchog gyur khyad par 'phags/ /zhes gsungs pas mtshon gsung rab dgongs 'grel dang bcas pa las mtha' yas pa 'byung ngo/ <br>
/gnyis pa theg pa chen po dngos kyi rnam gzhag la gnyis te/ rgyu mtshan nyid phar phyin theg pa dang/ 'bras bu gsang sngags rdo rje theg pa'o/ <br>
/dang po la gnyis/ mtshan nyid mdor bstan/ rnam gzhag rgyas par smos pa'o/ <br>
dang po ni/ sangs rgyas theg pa che/ /mtshan nyid rgyu yis/ /zhes pa ste/ theg pa 'dir zhugs na sangs rgyas su bgrod par byed pa'i stobs yod pa dang/ shes rab rgya che zhing spyod yul yangs pa dang/ mngon mtho'i dga' ba dang/ nges legs kyi bde ba thams cad 'thob par byed pas theg pa chen po zhes bya ste/ sdud pa las/ ci phyir 'di ni byang chub theg chen bya zhe na/ /(aa: 248 na) de gang zhon nas sems can thams cad mya ngan zlo/ <br>
/theg pa 'di ni mkha' 'dra gzhal med khang chen te/ /dga' skyid bde ba mngon par thob byed theg pa'i mchog /ces gsungs pas so/ <br>
/gzhan yang mthar thug gi 'bras bu zung 'jug rdo rje 'chang gi go 'phang la dngos su sbyor ba'i lam 'khor dang bcas pa mchon par byed pas na mtshan nyid ces dang/ 'bras bu'i mthar thug mi gnas pa'i mya ngan las 'das pa'i zung 'jug gi ye shes la ltos te de'i rgyu'i phyed tsam du sbyor bar byed pas na rgyu'i theg pa zhes bya ba sogs su brjod pa yin no/ <br>
/<br>
<br>
===Sheja Dzo Chapter 6.3 volume 2 (page 492)===
<br>
byed sgra ni tshig phyi ma drang ba'i don to/ <br>
/gnyis pa rnam gzhag dngos la gnyis/ bslab bya nyams len spyir bstan/ grub mtha'i dbye ba bye brag tu bshad pa'o/ <br>
/dang po la gsum/ slob pa po'i gang zag bslab bya sbyor ba phyin drug dngos gzhi zhi lhag bshad pa'o/ <br>
/dang po ni/ bgrod byed gang zag ni/ /blo chen dbang po rim gsum/ /zhes pa ste/ spyir theg pa chen po'i lam gyis bgrod par byed pa'i gang zag ni/ theg pa chen po'i rigs rkyen gyis sad pa/ bsam pa byang chub kyi sems gnyis bskyed pa/ sbyor ba byang chub kyi spyod pa rlabs po che la spyod nus pa'i blo che ba gzhir byas/ dbang po brtul rnon shin tu rnon po'i rim pa gsum du yod pa las dbang po brtul po ni shes rab kyi pha rol tu phyin pa la mos shing bzod pa yod du zin kyang sbyin sogs dng po lnga la sbyod pa na sher phyin gyis zin par spyod mi nus pa ste/ 'di la byang chub sems dpa' las dang po ba yang zer ro/ <br>
/dbang po rnon po ni sbyin sogs sher phyin gyis zin par spyod pa'o/ <br>
/shin tu rnon po ni sbyin sogs sher phin khyad par can so so rang rig gi mngon sum (aa: 248 ba) gyis ngo bo nyid du in par spyodnus pa'o/ <br>
/gnyis pa ni/ sems bskyed nas/ /sbyor ba pha rol phyin pa drug la bslab/ /de yang ngo bo mtshan nyid nges tshig dang/ /dbye bsdu yang dag gtso khyad slob pa'i tshul/ /'bras bu drang nges rim pas shes par bya/ /dbang po rim pa gsum kas thun mong du bslab par bya ba'i gnas ni byang chub tu sems bskyed de byang chub kyi spyod pa la bslab pa yin la/ de'ng gtso bor sbyor ba pha rol tu phyin pa drug la bslab par bya ste/ 'di dag gi don 'ga' zhig byang sdom skabs su smos zin kyang/ 'dir yang mdo tsam smos na/ dang po ngo bo ni/ rin chen phreng ba las/ sbyin pa rang nor yongs gtong ba/ /tshul khrims <br>
<br>
===Sheja Dzo Chapter 6.3 volume 2 (page 493)===
<br>
gzhan la phan byed pa'o/ <br>
/bjod pa khro ba spangs pa ste/ /brtson 'grus dge ba yongs 'dzin pa'o/ <br>
/bsam gtan rtse gcig nyon mongs med/ /shes rab bden don gtan la 'bebs/ /zhes so/ <br>
/gnyis pa mtshan nyid ni/ ser sna sogs rang rang gi mi mthun phyogs nyams pa/ 'khor gsum rnam par mi rtog pa'i ye shes ngang ldan pa/ spyod pas gzhan don rdzogs pa/ re res kyang sems can gyi rgyud smin pas mtshan nyid bzhi dang ldan pa ste/ rgyun las/ sbyin pa mi mthun phyogs nyams dang/ /rnam par mi rtog ye shes ldan/ /'dod pa thams cad yongs rdzogs byed/ /sems can rnam smin byed rnam gsum/ /zhes sogs gsungs pa ltar ro/ <br>
/gsum pa nges tshig ni/ de nyid las/ dbul ba 'dor ba rbya ba dang/ /bsil ba thob dang khro bzod dang/ /mchog sbyor ba dang yid 'dzin dang/ /don dam shes pa'i phyir bshad do/ <br>
/zhes 'byung ba ltar/ dbul ba 'dor ba sbyin pa'i (aa: 249 na) nges tshig tu bzhag pa la sbyin pa'i skad dod daa na ste/ daa ni daa ri draa'i sgra las dbul ba sogs la 'jug na ni sel ba'i dgag tshig ste dbul ba sel zhing 'dor bas sbyin pa la 'jug pa ltar kun la shes par bya'o/ <br>
/bzhi pa dbye bsdu gnyis las/ dbye ba ni byang sdom skabs su smos pa ltar rtsa ba'i dbye ba bco brgyad po re re la'ng sems can gyi don du byed pa dang/ sems can la mi gnod apr byed pa dang/ bya dka'i sdug bsngal bzod par byed pa dang/ bya ba gzhan gyis bar ma chod par byed pa dang/ sems ma yengs par byed pa dang/ thams cad stong pa dang sgyur ma lta bur shes par byed pa ste drug drug dang ldan pas brgya rtsa brgyad dam/ yang na/ mngon rtogs rgyan las/ sbyin pa la sogs rnam drug la/ /de dag so sor bsdus pa yis/ /go <br>
<br>
===Sheja Dzo Chapter 6.3 volume 2 (page 494)===
<br>
cha'i sgrub pa gang yin de/ drug tshan drug gis ji bzhin bshad/ /ces pa ltar/ sbyin pa'i sbyin pa/ sbyin pa'i tshul khrims sogs drug po re re yang drug drug dang ldan pas sum cu rtsa drug tu'ng dbyer yod do/ <br>
/bsdu ba ni/ rgyan las/ sbyin dang tshul khrims bsod nams kyi/ /tshogs yin shes rab ye shes kyi/ gsum po gzhan ni gnyis ka'i ste/ /lnga char yang ni ye shes tshogs/ /zhes gsungs pa ltar tshogs gnyis sam/ shes rab kyis zin na lnga ga'ng ye shes kyi tshogs su 'gyur ro/ <br>
/yang na dang po lnga thabs dang/ drug pa shes rab ste thabs shes gnyis su'ng 'du ba yin no/ <br>
/lnga pa ni/ lan dang rnam smin la mi re bas sbyin pa yang dag par 'gyur ba sogs te/ rgyan las/ re ba med pa'i sbyin pa dang/ /yang srid mi 'dod tshul khrims dang/ /thams cad la ni bzod pa dnag/ /(aa: 249 ba) yon tan kun 'byung brtson 'grus dang/ /de bzhin bsam gtan gzugs med min/ shes rab thabs dang ldan pa ni/ /pha rol phyin pa drug po la/ /brtan pa rnams kyis yang dag sbyor/ /zhes so/ <br>
/drug pa gtso bo ni/ sbyin pa'i nang nas dam pa'i chos kyi sbyin pa gtso bor gyur pa sogs shes par bya ste/ de nyid las/ chos sbyin tshul khrims dag pa dang/ /mi skye bzod pa thob nyid dang/ /theg chen brtson 'grus rtsom pa dang/ /mtha' la snying rje ldan gnas dang/ /shes rab blo ldan rnams kyis ni/ pha rol phyin pa gtso bor 'dod/ /ces gsungs shing/ de dag kyang 'khor dang bcas pa'i dbang du na dam pa drug ldan du nyams su blang dgos te/ de'ng rten dam pa byang chub kyi sems dang ldan pa/ dngos po dam pa sbyin sott kyi dngos po phyogs re ba min par ris med pa/ ched du bya ba dam pa gzhan don du sbyor ba/ thabs dam pa 'khor gsum mi rtog pa'i shes rab kyis zin pa/ <br>
<br>
===Sheja Dzo Chapter 6.3 volume 2 (page 495)===
<br>
bsngo ba dam pa bla na med pa'i byang chub tu dug med pa'i bsngo bas rgyas 'debs pa/ dag pa dam pa sgrib pa gnyis kyi dngos gnyen du spyod pa rnams so/ <br>
/bdun pa khyad par la'ng gnyis/ mi mthun pa dang gnyen po'i khyad par ni/ longs spyod la chags pa sbyin pa'i mi mthun phyogs nyams pa'i skal ba can yin la/ ma chags pa gnyen po khyad par du 'gyur ba'i skal ba can sogs te/ longs spyod chags dang nyams bcas dang/ /nga rgyal nyid dang bsod nyams dang/ /ro myang b dang rnam rtog ni/ /brtan pa rnams kyi nyams pa'i rgyu/ /de dag gnyen po la gnas pa'i/ /byang chub sems dpa' rnams kyis ni/ /de las bzlog phyir khyad par gyi/ /skal can chos su shes 9aa: 250 na) par bya/ /zhes gsungs so/ <br>
/bcos ma dang yang dag pa'i khyad par yang/ sprul pa dnag ni tshul 'chos dang/ /bzhin gyi mdzes ni ston pa dang/ /de bzhin phra la 'jug pa dang/ /lus dang ngag ni zhi ba dang/ /de bzhin smra mkhas phun sum tshogs/ /de dag sgrub dang bral ba ni/ /byang chub sems dpa' rnam dag gi/ yang dag min pa nyid du bshad/ /bzlog pa rab tu sbyor rnams kyis/ /de dag yang dag nyid du bshad/ /ces gsungs pa ltar ro/ <br>
/brgyad pa slob tshul ni/ so so'i phan yon dang mi mthun phyogs kyi nyes dmigs shes pa'i sgo nas re re'ng phar phyin drug ldan du nyams su len par bya ste/ sbyin pa la mtshon na/ lus longs spyod dge rtsa bcas gtong ba sbyin pa/ de'i tshe nyan rang gi yid byed sdom pa'i tshul khrims dang/ rnam mkhyen gyi chos la mos shing bzod pa dang/ de nyid gong 'phel gyi phyir 'dun pa bskyed pa'i brtson 'grus dang/ theg dman dang ma 'dres pa'i sems rtse gcig pa'i bsam gtan dnag/ sbyin bya sbyin byed sbrin po rnams sgyur ma ltar shes pa'i shes rab ste <br>
<br>
===Sheja Dzo Chapter 6.3 volume 2 (page 496)===
<br>
drug tshan tshang bar byed pa'o/ <br>
/dgu pa 'brs bu la gnas skabs su/ rin chen phreng ba las/ sbyin pas longs spyod khrims kyis bde/ /bzod pas gzugs bzang brtson pas brjid/ /bsam gtan gyis zhi blo yis grol/ /zhes gsungs pa ltar ro/ <br>
/mthar thug bsod nams kyi tshogs sangs rgyas kyi gzugs sku'i dngos rgyu dang/ ye shes kyi tshogs chos sku'i dngos rgyu dng/ brtson 'grus ni gnyis ka'i grogs su 'gyur te sku gnyis thob par byed pa'o/ <br>
/bcu pa grangs nges ni/ phar phyin drug tu nges pa ni byang chub sems dpa'i sgrub pa'i chos thams cad (aa: 250 ba) mdor bsdu na bslab pa gsum du 'dus pa'i nges pa las yin te/ rgyan las/ bslab gsum dbang du mdzad nas ni/ rgyal bas pha rol phyin pa drug /yang dag bshad de dang po gsum/ /tha ma gnyis kyis rnam pa gnyis/ /gcig ni gsum char la yang gtogs/ /zhes gsungs so/ <br>
/yang na mngon mtho dang nges legs kyi dbang du byas pa ste/ de la mngon mtho'i don du gsum ni longs spyod kyi din du sbyin pa/ lus kyi don du tshul khrims/ 'khor gyi don du bzod pa'o/ <br>
nges legs kyi gsum ni/ zhi gnas kyi don du bsam gtan/ lhag mthong gi don du shes rab/ yon tan 'phel ba'i don du brtson 'grus so/ <br>
/bcu gcig pa go rim ni/ de nyid las/ sna ma la brten phyi ma skye/ /dman dang mchog tu gnas phyir dang/ /rags pa dang ni phra ba'i phyir/ /de dag rim pas bstan pa yin/ /zhes pa ltar rgyu mtshan gsum gyis sbyin pa sogs de dag rim par bstan pa yin no/ <br>
/gsum pa dngos gzhi zhi lhag bshad pa ni/ dngos gzhi zhi gnas rtse gcig sems dang ni/ /chos rab rnam 'byed lhag mthong rim bzhin bsgom/ /<br>
<br>
===Sheja Dzo Chapter 6.3 volume 2 (page 497)===
<br>
lam gyi dngos gzhir/ mdo rgyan las/ yang dag dmigs pa la brten nas/ /sems la sems ni 'jog phyir dang/ /chos rab rnam par 'byed pa'i phyir/ /zhi gnas dang ni lhag mthong yin/ /zhe gsungs pa ltar/ zhi gnas kyi ting 'dzin sems rtse gcig pa dnag/ chos rab rnam 'byed so sor rtogs pa'i shes rab kyi lhag mthong thog mar go rim bzhin bsgom/ mthar rang gi ngang gis mnyam du 'jug pa'i zhi lhag zung 'brel gyi ting nge 'dzin bsgoms pas srid zhi'i 'ching ba las grol ba mi gnas pa'i myang 'das thob par 'gyur te/ dgongs 'grel las/ skye ba po 9aa: 251 na) yis lhag mthong dang/ /zhi gnas goms par byas na ni/ gnas ngan len gyi 'ching ba dnag/ /mtshan ma'i 'ching ba las grol 'gyur/ /zhes gsungs so/ <br>
/'di dag gi rnam gzhag rgyas pa sgom rim skabs su 'byung ngo/ <br>
/gnyis pa grub mtha'i dbye ba bye brag tu bshad pa la gnyis/ ming mdor bstan/ mtshan nyid rgyas par bshad pa'o/ <br>
/dang po ni/ grub mtha' sems tsam dbu ma gnyis su gnas/ /rgyu mtshan nyid kyi theg pa de la grub mtha' rnam par rig pa smra ba sems tsam pa dang/ ngo bo nyid med par smra ba dbu ma pa gnyis su gnas so/ <br>
/gnyis pa la gnyis/ sems tsam pa dang/ dbu ma'i lugs bshad pa'o/ <br>
/dang po la gsum/ sgra don nges tshig gzhi bdun du bsdu ba rab tu dbye ba bshad pa'o/ <br>
/dang po ni/ rnam shes bden grub smra ba'i sems tsam pas/ /zhes sems las gzhan pa'i dngos po ni gang yang med la sems rnam rig tsm ni bden pa'i dngos por grub par 'dod pas sems tsam pa'm rnam rig pa ste/ brgyad stong pa las/ kye rgyal ba'i sras dag khams gsum po 'di dag ni sems <br>
<br>
===Sheja Dzo Chapter 6.3 volume 2 (page 498)===
<br>
tsam ste/ zhes pa'i lung gi don dngos po dang mthun pa ltar tshul bzhin yid la byed pas spyod pas na rnal 'byor spyod pa zhes kyang grags so/ <br>
/gnyis pa la gnyis/ mdor bstan/ rgyas bshad do/ <br>
/dang po ni/ theg chen lam kun gzhi bdun dag tu sdud/ /sems tsam pas theg pa chen po'i lam mtha' dag gzhi bdun du sdud de/ shes bya'i gnas dang mtshan nyid der 'jug dang/ /de yi rgyu 'bras de rab dbye ba dang/ /bslab pa gsum dang de 'bras spangs pa dang/ /ye shes theg pa mchog gyur khyad par 'phags/ /zhes chos mngon pa'i mdo las gsungs pa lta bu'o/ <br>
/gnyis pa rgyas (aa: 251 ba) par bshad pa la bdun/ shes bya'i gnas/ de'i mtshad nyid/ de'i don la 'jug pa/ de'i rgyu 'bras/ de'i rab dbye/ bslab pa gsum/ sbyangs pa'i 'bras bu'o/ <br>
/dang po ni/ shes bya'i gnas ni kun gzhi'i rnam par shes/ /de la shes bya'i gnas ni kun gzhi'i rnam par shes pa ston te/ chos thams cad kyi rgyu rten cing 'brel bar 'byung ba la mkhas par bya ba'i phyir ro/ <br>
/de gtan la dbab pa la bzhi'/ /dang po kun gzhi yod pa'i rgyu mtshan ni/ mdo dgongs pa nges par 'grel pa las/ len pa'i rnam par shes pa zab cing phra/ /sa bon thams cad chu yi klung bzhin 'bab/ /bdag tu rtog par 'gyur na mi rung zhes/ /di ni byis pa rnams la ngas ma bstan/ /zhes so/ <br>
/gnyis pa mtshan nyid ni/ chos mngon pa'i mdo las/ thog ma med pa'i dus kyi dbyings/ /chos rnams kyi ni gnas yin te/ /de yod pas na 'gro kun dang/ /mya ngan 'das pa 'thob par 'gyur/ /zhes gsungs pa ltar kun nas nyon mongs pa'i chos thams cad kyi bag chags la brten nas sa bon yongs su 'dzin pa ldan pas kun nas nyon mongs pa'i chos thams cad skye ba'i rgyun gyur pa'o/ <br>
/thams cad du 'gyur bas ma bsgribs pa'ng yin la/ dge ba dang <br>
<br>
===Sheja Dzo Chapter 6.3 volume2 (page 499)===
<br>
mi dge ba gang du'ng ma grub pa yin pas lung du ma bstan pa'ng yin no/ <br>
/gsum pa nam ldog na 'khor bar gnas kyi bar du 'jug la dgra bcom thob na ldog ste/ de ni rgyun 'bab chu bo bzhin/ /dgra bcom nyid na de ldog go /zhes bshad pa lta bu'o/ <br>
/yang sangs rgyas pa na gnas 'gyur ba'i tshul gyis ldog ste/ ji skad du/ kun gzhi'i rnam shes gang yin pa/ /de ni me long ye shes gyur/ /zhes gsungs so/ <br>
/(aa: 252 na) bzhi pa byed po dbang phyug sogs dang mi 'dra ba'i khyad par ni/ dbang phyug la sogs pa ni thams cad kyi byed pa po gcig pu/ bdag rtag pa la sogs pa 'dod la/ kun gzhi ni sems can re re bzhin yod pa dang/ ngo bo nyid rnam par 'byed pa'i rten cing 'brel 'byung skad cig ma'i rang bzhin du 'dod pas khyad par 'phags so/ <br>
/gnyis pa de'i mtshan nyid la gsum/ gdags gzhi gzhan dbang/ gdags bya kun brtags/ khyab byed yongs grub bo/ <br>
/dang po ni/ mtshan nyid gsum las de byung gzhan gyi dbang/ /yang dag min rtog bag chags dpang las skyes/ /skad cig mi sdod snga mas dbang du sgyur/ /mtshan nyid gsum du dbyer yod pa las/ dang po kun gzhi'i rnam par shes pa de nyid las byung ba gzhan dbang ni/ phung khams skye mched kyi chos su snang ba'i gzung cha'i rnam pa dang/ 'dzin cha'i rnam par snang ba yang dag pa ma yin pa'i kun tu rtog pa zhes bya ste/ rang gi bag chags sa bon gyi rigs 'dra snga ma'i dbang las skyes pa'i phyir rgyu dang/ rang gi ngo bo grub dus kyi skad cig gnyis par mi sdod pa'i phyir ngo bo dang/ rang gi rigs 'dra phyi ma skyed cing phyi ma'ng snga mas dbang du sgyur ba'i phyir 'bras bu bcas gsum ka gzhan dbang yin no/ <br>
/mdor na kun brtags kyi gdags gzhir gyur cing kun gzhi'i cha yin pa/ yang dag pa ma yin pa'i kun rtog khams gsum pa'i mtshan nyid can gyi rnam par rig pa tsam pa ngo <br>
<br>
===Sheja Dzo Chapter 6.3 volume2 (page 500)===
<br>
bo rdzas su grub cing 'khrul ngor rgyu dang rkyen las byung ba'o/ <br>
/gnyis pa ni/ gdags gzhi rdzas yod de steng phyin ci log /bdag dang bdag gir ba sogs kun tu brtags/ kun brtags ni/ bshad ma thag pa ltar gdags gzhi gzhan dbang rdzas yod de steng yid kyi rnam par shes pa kun tu rtog pa des gang zag dang/ (aa: 252 ba) chos phyin ci log tu sgro btags nas bdag dang bdag gi ba dang ming dang rgyu mtshan la sogs pa kun tu brtags pa ste/ don dam par rdzas gang du'ng med bzhin du snang ba skra shad ltar blo 'khrul pa'i gzung bya 'ba' zhig pa/ gang la dmigs na thar pa'i mi mthun phyogs su gyur cing brtags pa'i cha ci yang med pa ri bong gi rwa lta bu'o/ <br>
/gsum pa ni/ btags yod dgag pyas stong pa'i 'dus ma byas/ /gnyis stong shes pa mi rtog don dam yod/ /yongs grub ni/ btags yod kyi dgag bya kun brtags kyis stong pa'i 'dus ma byas/ gzung 'dzin gnyis stong gi shes pa rnam par mi rtog pa rnam par dag pa'i dmigs pa de las gzhan du med par yongs su grub pa ste/ de'ng kun brtags ni btags pa tsam du yod pa ste dngos por ma grub pa'i phyir ro/ <br>
/gzhan dbang ni rdzas su yod pa ste don byed nus pa'i phyir ro/ <br>
/yongs grub ni don dam par yod pa ste rnam par mi rtog pa'i yul yin pa'i phyir ro/ <br>
/des na mdo las med pa'i rnam grangs bstan pa rnams kyis kun brtags bstan pa'o/ <br>
/sgyu ma rmi lam smig rgyu la sogs par bstan pa rnams kyis gzhan dbang ngo/ <br>
/rna par mi rtog pa dang 'dus ma byas bstan pa rnams kyis yongs grub bo/ <br>
/de dag la slob dpon rnams kyis dbye bsdu sna tshogs gsungs kyang bod phal cher la grags che ba/ kun brtags la mtshan nyid chad pa'i kun brtags don la ma grub kyang rtog pas btags pa bdag lta dang rdzas grub lta bu/ rnam grangs pa'i kun brtags rtog pa la snang <br>
<br>
===Sheja Dzo Chapter 6.3 volume2 (page 501)===
<br>
ba'i don spyi rnams dang rtog med dbang shes la gzung 'dzin gnyis snang lta bu/ gzhan dbang la ma dag gzhan dbang ni bag chags kyi dbang gis khams gsum pa'i sems dang (aa: 253 na) sems byung gnyis med gnyis su snang ba/ dag pa gzhan dbang myong ba gnyuis med kyi shes rig dang 'phags pa rnams kyi rjes shes snang la ma zhen pa/ yongs grub la 'gyur med yongs grub 'khrul gzhi gzhan dbng dang 'khrul pa kun brtags gnyis kas stong ba'i chos nyid med dgag de bzhin nyid 'dus ma byas/ phyin ci ma log pa'i yongs grub gzung 'dzin gnyis kyis stong pa'i shul na gnyis med kyi shes pa rang rig bden pa rdzas su grub pa zhig go /'khor dang bcas pa'i dbang du na lam dang lam gyi dmigs pa thams cad 'di'i khongs su 'du'o//de dag tha snyad kyi dbang du byas na kun brtags ni tha snyad dngos dang/ gzhan dbang ni tha snyad kyi gzhi dang/ yongs grub ni tha snyad dang bral ba nyid do/ <br>
/tha snyad la 'jug pa'i dbang du byas na kun brtags ni gnyis snang 'khrul lpar 'jug pa dnag/ gzhan dbang ni de dang bral ba'i don can du 'jug pa dang/ yongs grub ni de bzhin nyid du 'jug pa'o/ <br>
/de dag gi dpe ni sgyu ma lta bu ste/ sprul byed sngags dang sprul gzhi shing bu lta bu ni rtsa b'ai sems dang de bzhin nyid de/ de las glang por snang ba'i rnam pa ni gzhan dbang dang/ glang po ni kun brtags dang/ de la de med pa ni yongs grub tu gsal bar gsungs so/ <br>
/gsum pa 'jug pa ni/ der 'jug ma zhum gsum dang spong ba bzhi/ /gus pa dang gis dmigs pa med shes dang/ /kun rtog spong zhing yang dag mthong ba yis/ /mos spyod mthong sgom mthar phyin pa la 'jug /mtshan nyid der don rtogs pa'i phyir 'jug pa la bzhi/ gang zag gang 'jug na/ theg pa chen po la tshogs gnyis bsags pa can 'jug rgyu gang gis 'jug na/ dge <br>
<br>
===Sheja Dzo Chapter 6.3 volume2 (page 502)===
<br>
ba'i rtsa ba stobs bskyed pa sems can thams (aa: 253 ba) cad sangs rgyas thob par bya ba'i sems dang/ pha rol tu phyin pa la 'jug pa'i sems dang/ bdag gis gang la'ng thogs pa meng do zhes ma zhum pa'i sems gsum dang/ nyan thos dang rang rgyal yid la byed pa spangs pa dang/ theg pa chen po la som nyi spangs pa dang/ chos la phyogs 'dzin spangs pa dang/ rnam par rtog pa spangs pa ste spangs pa bzhi dang/ zhi gnas dang lhag mthong la gus pa dag gis 'jug go /tshul ji ltar 'jug na/ thos pa'i bag chags kyi sgo nas ming/ dngos po/ <br>
ngo bo nyid/ bye brag gi dbye ba btsal te mtshan nyid gsum po dmigs pa med par shes pa ste/ de'ng thams cad btags yod tsam du shes pa dnag/ rnam par rig pa tsam du shes pa dang/ rnam rig tsam gyi 'du shes kyang bzlog pas de gsum la rim bzhin 'jug ste mdor na kun brtags pa'i 'khrul pa yongs su shes/ gzhan dbang gi kun rtog spong zhing yongs grub mngon du mthong pas lam la 'jug go /gnas skabs sam dus gang du 'jug na/ mos spyod kyis tshogs sbyor gnyis/ mthong lam sgom lam mthar phyin pa'i lam rnams la rim gyis 'jug pa'o/ <br>
/bzhi pa de'i rgyu 'bras ni/ de yi rgyu 'bras phyin drug spyod gnas pas/ /'jug pa de'i lam gyi rim pa thog mar skye ba'i rgyu dang/ mthar phyin pa'i 'bras bu'i tshul du'ng gyur pa pha rol tu phyin pa drug gi spyod pa la gnas pa'i sgo nas so/ <br>
/lnga pa rab tu dbye ba ni/ rim bgrod sa bcu'i tshul rnams rab tu dbye/ /pha rol tu phyin pa drug gis rnam par rig pa la 'jug pa'i tshul la rab tu dga' ba la sogs pa'i sa bcu'i tshul rnams rab tu dbye ba 'byung ste/ de'ng phar phyin gyis sa bsrod pa'i tshul/ sa rnams thob tshul/ dus ji (aa: 254 na) srid <br>
<br>
===Sheja Dzo Chapter 6.3 volume2 (page 503)===
<br>
kyis bsrod pa'i tshul rnams kyis bsdus pa'o/ <br>
/drug pa bslab pa gsum ni/ bslab bya lhag pa'i bslab pa rnam pa gsum/ /gong du smos pa'i phar phyin drug po'ng bslab pa gsum du 'du zhing de nyid byang chub sems dpa' rnams kyis bslab bya'i gnas yin te/ de la lhag pa tshul khrims kyi bslab pa ni sdom pa'i tshul khrims sogs rnams pa gsum ste theg pa dman pa las sems bskyed sogs kyis khyad par du gyur pas lhag pa zhes pa'i sgra sbyar ba'o/ <br>
/lhag pa'i sems kyi bslab pa ni/ phar rol tu phyin pa bsgom pa dang/ sems can smin par bya ba dang/ sangs rgyas kyi chos thams cad bsgrub pa'i phyir byang chub sems dpa'i ting nge 'dzin dpa' bar 'gro ba la sogs pa la spyod pa'o/ <br>
/lhag pa'i shes rab kyi bslab pa ni/ mtshan ma dang rnam par rtog pa thams cad spangs te/ rnam par rtog pa med par lhun gyis grub pa dang/ rjes sgyur ma lta bur spyod pa ni shes rab kyi pha rol tu phyin pa ste spyir byang chub sems dpa'i bslab bya tshad med kyang bsdu na de dag rnams su 'du'o/ <br>
/bdun pa sbyangs pa'i 'bras bu ni/ 'bras bu spangs dang ye shes phun tshogs so/ <br>
/de las byung ba'i 'bras bu ni/ spangs pa phun sum tshogs pa nyon mongs pa dang shes bya'i sgrib pa bcom pa dang/ ye shes phun sum tshogs pa ngo bo nyid dang/ longs spyod rdzogs pa/ sprul pa'i sku ste sku gsum po de dag gi ngo bo'm mtshan nyid chos kyi sku dang bcas pa/ de'ng gnas gyur pa/ dkar po'i chos kyi gzhi yin pa/ gnyis su med pa/ rtag pa/ bsam gyis mi khyab pa ste yan lag lnga dang ldan cing/ de las sangs rgyas kyi chos tshad med bsam gyis mi khyab pa 'phro ba'i gnas su gyur pa'o/ <br>
/sa lam sogs kyi don kha cig 'og tu 'chad par 'gyur zhing zhib tu (aa: 254 ba) rtogs par 'dod na rje btsun grags pa'i ljon shing sogs bod gzung snga ma rnams su rtogs par bya'o/ <br>
/<br>
<br>
===Sheja Dzo Chapter 6.3 volume2 (page 504)===
<br>
'di dag kyang bod snga ma rnams kyi 'dod pa gzhir bzhag tu bkod pa ste byams chos dang thogs med sku mched kyi gzhung sems tsam du 'dod pa'i lugs so/ <br>
/gsum pa rab tu dbye ba bshad pa la gnyis/ spyir bshad pa dang/ dbye ba dngos so/ <br>
/dang po ni/ rang bzhed rtsa ba rnam rig las gzhan pa'i/ /phyi don cung zad ma grub rmi lam bzhin/ /sems tsam pa spyi'i rang bzhed kyi rtsa ba rnam par rig pa tsam las gzhan pa'i phyi rol gyi don cung zad tsam yang grub pa med pa rmi lam gyi snang ba bzhin du 'dod de/ gzugs la sogs pa'i don dang de'i skye 'gag sogs thams cad skra shad dang/ zla ba gnyis snang ltar sems snang 'ba' zhig yin pa'i phyir dang/ phyi rol gyi don bden par yod na 'phags pa'i mnyam gzhag rnam par mi rtog pa'i ye shes kyi ngor yod dgos pa las de'i ngor med pa'i phyir dang/ chu klung gi dngos po gcig nyid las bzang ngan gyi dbang gis lha la bdud rtsi/ mi la chu/ yi dwags la rnag khrag tsha dmyal bas khro chur mthong ba sogs rigs drug gi snang ba 'phral gyi 'khrul rgyus ma bslad pa la'ng so so tha dad par snang ba'i phyir ro/ <br>
/gzhan yang lung dang rigs pa'i tshul mang pos phyi don bkag ste rnam rig tsam du bsgrub par mdzad do/ <br>
/gnyis pa la gnyis/ dngos dang/ zhar byung ngo/ <br>
/dang po la gnyis/ rnam bden pa/ rnam rdzun pa'i dbye ba'o/ <br>
/dang po la'ng gnyis/ spyir rnam bden pa'i bzhed pa dang/ de'i bye brag dbye ba'o/ <br>
/dang po ni/ de la 'dod tshul gnyis yod rnam bden pa/ /snang ba gzung bya'i sems su bden par 'dod/ sems tsam smra ba de la grub mtha'i gtso bo rnam bden rdzun (aa: 255 na) gyi 'dod tshul gnyis su yod pa'i dang po rnam bden pa ni/ phyi rol gyi don bden dngos su grub pa med kyang don du rtog pa'i bag chags las shel tshon can <br>
<br>
===Sheja Dzo Chapter 6.3 volume2 (page 505)===
<br>
bzhin shes pa nyid don gyi rnam pa can du skye bar 'dod pas/ gzugs can du snang ba mtha' dag snang mkhan gyi sems nyid bag chags 'khrul pa'i dbang gis rgyangs chad kyi don du snang ba tsam yin gyi/ yin lugs gzung bya'i sems su bden pas na 'gog bden yang spang bya dang bral ba'i sems la 'jog pa sogs mdo las phung khams skye mched ji snyed gsungs pa kun sems kyi chos su bden pa ste sems nyid du 'dod pas ming yang rnam bden pa zhes grags so/ <br>
/gnyis pa de'i dbye ba brjod pa la gsum/ sgo nga phyed tshal pa/ gzung 'dzin grangs mnyam pa/ sna tshogs gnyis med pa'o/ <br>
/dang po ni/ de yang shes rnam rang char bden pa dang/ /zhes shes pa'i rnam pa gzung ba'i yul dang 'dzin pa'i shes pa gnyis sgo nga gshags pa ltar phyed ma dang/ de'ng rnam pa gzung char bden la shes pa 'dzin char bden par 'dod pa yin te/ slob dpon dze taa ris/ yang kha cig ni nang du snang ba'i rnam par shes pa de nyid kyang gzhan yin la phyi rol tu snang ba de nyid kyang gzhan yin te de gnyis kyang so so rang rig pa tsam yin pa'i phyir ro/ <br>
/kun tu rtog pa de gnyis kyi stobs kyis byung bas gzung ba dang 'dzin pa'i ngo bo gnyis su sgro btags so/ <br>
/zhes so/ <br>
/gnyis pa ni/ gzung rnam ji snyed 'dzin shes de snyed dang/ /dkar dmar la sogs pa'i rdzas tha dad pa'i gzung ba'i rnam pa ji snyed pa 'dzin pa'i shes pa yang rdzas tha dad pa de snyed du grangs mnyam zhing/ snang yang dkar dmar sna tshogs du mar snang la bden yang snang tshogs de rnams rdzas so sor bden pa ltar snang mkhan dbang shes kyang (aa: 255 ba) rdzas du ma'i ngo bor bden par 'dod pa yin te/ dbu ma rang 'grel las/ gang dag bde ba la sogs pa ltar sngon po la sogs pa'i rnam pa rnams kyang myong ba'i bdag nyid kho na ste/ shes pa de dag ni mang la de dag kyang rigs mthun pa sha stag ste/ rigs mi mthun pa'i<br>
<br>
===Sheja Dzo Chapter 6.3 volume2 (page 506)===
<br>
shes pa du ma cig car 'byung ba bzhin du 'byung ngo zhes smra/ /zhes 'byung ba ltar ro/ <br>
/gsum pa ni/ sna tshogs snang yang ngo bo gnyis med smra/ /shes pa gcig kho na dkar dmar sogs su snang ba yin pas na snang ba sna tshogs du mar snang yang thams cad shes pa cha med kyi ngo bor bden pas gnyis med par 'dod pa yin te/ dbu ma rang 'grel las/ gang dag nor bu gzi bzhin du rnam par shes pa gcig kho nas sna tshogs pa'i ngo bo blangs so zhes smra ba/ zhes 'byung ba ltar ro/ <br>
/gnyis pa rnam rdzun pa la'ng gnyis/ 'dod pa spyir bshad pa/ bye brag tu dbye ba'o/ <br>
/dang po ni/ rnam rdzun snang ba mig girab rib bzhin/ /med pa gsal snang mi bden rdzun pa ste/ /gnyis stong shes pa gcig pu bden par 'dod/ /sems tsam rnam rdzun pa rnams ni/ dkar nag la sogs pa'i snang ba thams cad mig btsir bas zla ba gnyis su snang ba dang/ mig rab rib can la skra shad 'dzag pa ltar med bzhin du snang ba'i med pa gsal snang don la mi bden rdzun pa rmi lam sgyu ma lta bu yin te gal te shes par bden pa yin na gzugs sogs yul rig par 'gyur ba las mi rig pa'i phyir/ gzung 'dzin gnyis stong gi shes pa rang rig rang gsal shes gong gya' dag pa lta bu don gyis kha ma bsgyur zhing snang ba'i dri mas ma gos pa de nyid gcig pu bden par 'dod de/ mdor na shes pa ni shel (aa; 256 na) gong dag pa ltar snang ba'i dri mas ma gos shing/ snang ba ni skra shad 'dzag pa ltar med bzhin du snang ba'i rdzun par 'dod pa ming yang rnam med pa'm rnam rdzun par grags so/ <br>
/gnyis pa ni/ snang bas shes ngor gos dang ma gos dang/ /sangs rgyas sa na gnyis snang yod med kyi/ /'dod pas dri bcas dri bcas dri med gnyis su dbye/ /rnam shes 'di rnams bde sdug sogs kyi 'dzin rnam de nyid du don la gnas kyang ma rig <br>
<br>
===Sheja Dzo Chapter 6.3 volume2 (page 507)===
<br>
pa'i mthus phyi rol gyi gzung ba'i rnam par snang bas rnam shes rang gi ngo bo rnam pa rdzn pa des gos par smra bas rnam rdzun dri bcas pa dang/ don dam par phyi'i rnam pas gos pa med par rnam shes 'di dag gi ngo bo shel gong dag pa lta bu yin yang de so skyes rtogs mi nus par sangs rgyas kho nas mkhyen par smra bas rnam rdzun dri med pa zhes bya la/ yang dkar dmar du snang ba 'di sangs rgyas kyi sa la yod kyang 'khrul par mi 'gyur te rdzin pa la rdzun par rtogs pa'i phyir/ des na don dang shes pa de nyid dang gzhan du brjod du med pa'o zhes sangs rgyas kyi sa na gnyis snang yod par 'dod pa dang/ dkar dmar du snang ba 'di shes pa'i ngo bor bden na sangs rgyas la yang snang bar 'gyur ba las mi snang ba'i phyir/ des na shes pa don la 'brel ba med bzhin du snang ba'o zhes sangs rgyas kyi sa na gnyis snang med par 'dod pas dri bcas dang dri med gnyis su dbye bar bshad do/ <br>
/mdor na sems tsam rnam bden pa rnams ni sgo lnga'i dbang shes la phyi rol don du snang ba thams cad nang shes pa'i rdzas su bden par 'dod cing/ rnam rdzun pa rnams ni sgo lnga'i dbang shes la don du snang ba thams cad nang sems gyi rdzas su mi bden gyi rdzun pa'm btags pa'i yod pa zhig tu 'dod par lkshmaa'i (aa: 256 ba) sogs mkhas pa mang pos bshad pa ltar shes par bya'o/ <br>
/sems tsam de gnyis ka'ng gzung 'dzin gnyis las grol ba'i rnam shes cha med skad cig re re ba don dam pa'i bden par 'dod pas rnam rig pa'm sems tsam pa zhes bya dgos kyi/ don snang sems su 'dod pa 'ba' zhig la der byas na mdo sde pa la khyab ches shing rnam rdzun pa la ma khyab pa'i skyon du 'gyur ro/ <br>
/zhes krma phrin las pas gsungs so/ <br>
/gnyis ka'ng gzung 'dzin gnyis med kyi shes pa rang rig rang gsal don dam pa nyid gnyis snang gyi sgrib pas bsgribs pas 'phags chos thob pa'i tshe yang de nyid gnyis <br>
<br>
===Sheja Dzo Chapter 6.3 volume2 (page 508)===
<br>
snang dang bral ba tsam du 'dod do/ <br>
/bod las kyis 'di dag tu slob dpon dbyig gnyen gyi gsung lung du drangs pa ni/ des ye shes bden grub tu zhal gyis bzhes pa dang/ 'dir rnam shes bden grub smra ba de gnyis kyi dbye ba mi 'byung bar 'khyog por smra ba'i skyon du zad do/ <br>
/gnyis pa zhar byung la gnyis/ de dag bzhed pa po'i slob dpon/ de 'gag tshul lo/ <br>
/dang po ni/ sngon gyi slob dpon lnga brgya sogs kyi srol/ /bod rnams mgrin gcig tu mngon rtogs rgyan ma gtogs pa'i byams chos gzhan rnams kyis sems tsam bstan zer/ /kha cig gis rgyud bla ma dbu ma'i don du gnas par 'dod/ bka' 'khor lo tha ma'ng sems tsam 'ba' zhig pa las dbu ma mi bstan par 'dod/ shing rta'i srol 'byed thogs med sku mched dang de dag gi gzhung thams cad sems tsam yin cing rnam bden rdzun sogs de'i rjes 'brang du byung/ phyogs glang yab sas kyis rnam bden rdzun gnyis ka'i phyogs bzhed/ ces dang/ yang 'phags pa klu sgrub kyis kyang de gnyis ka'i phyogs bzhed (aa: 257 na) ces sogs dang/ thogs med dbu ma pa'i slob dpon yin kyang bstan bcos sems tsam du brtsams pa la 'gal ba med de dbyig gnyen gyi mngon mdzod lta bu'o/ <br>
/zhes sogs rang rang gi 'dod pa sna tshogs su smra zhing/ jo nang chos rje kun mkhyen chen pos/ 'khor lo tha ma dang byams chos bar pa rnams kyis bod rnams kyis 'dod pa'i dbu ma de mi ston kyang rgyal ba sras dang bcas pas bzhed pa'i dbu ma de ston/ 'phags pa'i gzhung rig tshogs la sogs pa'i dgongs pa'ng bod rnams kyis 'dod pa de ni phyogs re tsam las mthar thug min gsungs/ jo nang rje btshun chen po rjes 'brang dang bcas pas kyang thogs med sku mched dbu ma'i slob dpon dang de'i grub mtha' dbu ma chen por dam 'cha'/ 'o na sems tsam pa srol 'byed kyi <br>
<br>
===Sheja Dzo Chapter 6.3 volume2 (page 509)===
<br>
slob dpon gang yin ce na/ sngon gyi btsun pa chen po a bi trka la sogs pa theg chen gyi slob dpon lnga brgya dang/ sogs khongs nas/ de'i rjes 'brang 'ga' zhig dang/ phyis su'ng rnam rig tsam du smra ba 'ga' zhig byung ba'i srol lo/ <br>
/zhes bzhed do/ <br>
/gnyis pa ni/ dngos smra'i skyon rnams 'phags zhabs gzhung gis bkag/ snang ba la 'khrul pas khyab par 'dod pa'i rnam rdzun pa man gyis 'khrul pa dang bya byed mtha' dag 'jog pa ni gzhi rten bden grub med par ma shes pa'i phyir dngos por smra ba zhes grags la/ dgag gzhi bden grub re'i steng du grub mtha' 'og ma 'og mas brtags pa'i dgag bya re gkag mod kyang/ mthar dngos pro smra ba rnams kyi grub mtha'i blo skyon yongs su rdzogs pa rnams 'phags zhabs kyi gzhung rig pa'i tshogs dang/ de'i rjes 'brang bcas pas legs par bkag nas/ 'khrul pa gzhi med la bya byed 'jog par mkhyen pa dbu ma pa'i khyad chos (aa: 257 ba) rab tu gsal bar mdzad do/ <br>
'/de'i phyir/ lta 'dod mdor bstan las/ bye brag smra dang mdo sde dang/ /rnal 'byor spyod pa'i gzhung rnams su/ /cung zad bden dang mi bden kyang/ /thams cad bden pa dbu ma'i lugs/ /zhes gsungs so/ <br>
/sems tsam dang dbu ma'i khyad par yang/ gzhi lam 'bras bu'i sgo nas khyad par che ba sogs 'ga' zhig smra yang/ gzung 'dzin gnyis kyis stong pa'i shes pa rang rig rang gsal don dam grub par 'dod pa dang mi 'dod pa theg chen sde gnyis kyi khyad par gyi gtso bo yin te/ ye shes snying po kun btus sogs las/ gzung dang 'dzin pa rnam grol ba'i/ /rnam par shes pa don dam yon/ /ces sems tsam pa'i grub mtha' 'chad skabs su gsungs pa dang/ rnam shes de yang don dam du/ /yod par mkhas rnams mi bzhed de/ zhes dbu ma pa'i grub mtha' 'chad skabs su gsungs pa <br>
<br>
===Sheja Dzo Chapter 6.3 volume2 (page 510)===
<br>
ltar ro/ <br>
/gnyis pa dbu ma'i rnam par gzhag pa la bdun/ sgra don nges tshig gang la 'jug sgo/ <br>
bsrung bya'i sdom pa/ rtogs bya'i lta ba/ thog bya'i 'bras bu/ rab tu dbye ba/ gzhi lam 'bras gsum mdor bsdu ba'o/ <br>
/dang po ni/ mtha' las rnam grol dbu ma grub mtha'i mchog /yod med skye 'gag la sogs pa'i mtha' thams cad las rnam par grol bas gang la'ng dmigs pa med par sma ba ni dbu ma pa zhes bya ste/ dkon brtsegs las/ tshes thams cad la rtag par mi rtog go /mi rtag par mi rtog go /rtag ces bya ba de ni mtha' gcig go /mi rtag ces bya ba de ni mtha' gnyis so/ <br>
/mtha' gnyis kyi dbus gang yin pa de ni dpyad du med pa/ bstan du med pa/ rten ma (aa: 258 na) yin pa/ snang ba med pa/ rnam par rig pa med pa/ gnas med pa ste 'od srungs 'di ni dbu ma'i lam chos rnams yang dag par so sor rtog pa'i/ /zhes dang/ dbu ma rgyan chung las/ yod pa ma yin med pa'ng min/ /gnyis kyang ma yin gnyis med min/ /mtha' bzhi dag dang bral ba la/ /dbu ma pa zhes rab tu brjod/ /ces pa ltar ro/ <br>
/gnyis pa gang la 'jug sgo ni/ 'jug sgo bden pa gnyis ste ma dpyad ngor/ /snang yang bden par ma grub shes pa yis/ /blang dor legs spyad kun rdzob bden par dang/ /gang la'ng blang dor dgag sgrub ma mchis par/ /snang tsam nyid nas stong par shes pa yis/ /don dam la 'jug tshogs gnyis zung du sbrel/ /dbu ma pa rnams 'jug pa'i sgo ni/ rang bzhin gtso che ba'i dbang du byas nas chos thams cad bden pa gnyis su bsdus te 'chad la/ de'ng ma brtags ma dpyad pa'i snang ba 'di rnams ji ltar snang yang de'i ngo bor bden par ma grub par shes pas/ kun rdzob rten 'brel tsam du byang chub kyi sems <br>
<br>
===Sheja Dzo Chapter 6.3 volume2 (page 511)===
<br>
kyis kun nas bslangs te sgyu ma lta bu'i blos sbyin sogs kyi dge ba rgya chen po sgrub cing mi dge ba spong ba'i tshul gyis blang dor ma 'chol bar legs par spyod de kun rdzob bden pa la 'jug la/ yang dag par chos gang la'ng blang dor dang dgag sgrub dang spang blang ma mchis par snang tsam nyid nas de dang de'i rang bzhin gyis stong par shes pa'i sgo nas don dam pa'i bden pa la 'jug cing/ de ltar bden pa gnyis kyi sgo nas 'jug pa de yang lta spyod dam thabs shes sam tshogs gnyis zung du 'brel ba'i tshul gyis 'jug pa yin no/ <br>
/gsum pa bsrung bya'i sdom pa ni/ bsrung bya byang chub sems dpa'i sdom pa ste/ /(aa: 258 ba) bsrung bya ni byang chub sems dpa'i sdom pa'i tshul khrims te/ de'ng don dam par spros mtshan dang bral ba'i shes rab chen pos byin gyis brlabs te nyams su len pa yin no/ <br>
/bzhi pa rtogs bya'i lta ba ni/ rtogs bya kun rdzob chos rnams chu zla lta/ /med bzhin snang la don dam spros mtshan kun/ /nyer zhi'i bden gnyis phyin ci ma log rtogs/ /dbu ma pas rtogs bya'i lta ba ni/ kun rdzob tu chos thams cad chu zla ltar med bzhin du snang ba dang/ don dam par spros pa dang mtshan ma thams cad nye bar zhi ba'i tshul gyiss bden pa gnyis kyi gnas lugs phyin ci ma log par dpyis phyin du rtogs pa yin no/ <br>
/lnga pa thob bya'i 'bras bu ni/ 'bras bu zhi ba sku gnyis mngon du byed/ /rang rang gi thob bya'i 'bras bu mthar thug mya ngan las 'das pa yin par theg pa gsum ga 'dra la/ 'on kang dbu ma pa ni nyon mongs pa dang phung po 'gags pa tsam la myang 'das su mi 'dod kyi/ spros pa thams cad nye bar zhi ba'i tshul gyis dag pa dang ma dag pa'i chos rnams kyi de kho na nyid phyin ci ma log par mngon sum du byas pa la 'dod de/ rtsa she las/ spangs pa med pa thob med <br>
<br>
===Sheja Dzo Chapter 6.3 volume2 (page 512)===
<br>
pa/ /chad pa med pa rtag med pa/ /'gag a med pa skye md pa/ /de ni mya ngan 'das par brjod/ /ces dng/ dpe med par bstod pa las/ khyod kyis kun nas nyon mongs dang/ /rnam byang ro gcig nyid du mkhyen/ /chos kyi dbyings dang dbyer med pas/ khyod ni kun nas rnam dag gyur/ /ces sogs mang du 'byung ba ltar ro/ <br>
/myang 'das la'ng lhag bcas dang lhag med gnyis su 'jog pa la theg chen ltar na/ gser 'od dam pa las/ sku gnyis ni lhag ma dang bcas pa'o/ <br>
/chos kyi sku ni lhag ma med pa'o/ <br>
/zhes pa ltar (aa: 259 na) 'phags pa klus kyang sku gsum la 'jug pa'i sgor gsungs te/ de'ng spros pa nye bar zhi ba'i myang 'das thob pa na tashogs gnyis yongs su rdzogs pa'i mthu las rang don du chos kyi sku dang gzhan don du gzugs kyi sku gnyis mngon du gyur nas rnam par mi rtog bzhin du nor bu rin po che ltar gdul bya rygud dag pad par gsungs so/ <br>
/drug pa rab tu dbye ba la gnyis/ /mdor bstan/ rgyas bshad do/ <br>
/dang po ni/ dbye sgo mang yang mdo sngags dbu ma gnyis/ /dbu ma'i grub mtha' smra ba de dag la'ng nang gses dbye ba'i tshul rgya bod gnyis su 'ga' zhig bshad de/ de la kha cig mdo sde spyod pa'i dbu ma dang/ rnal 'byor spyod pa'i dbu ma dang/ 'jig rten grags sde spyod pa'i dbu ma gsum du 'dod de/ dang po ni/ tha snyad du phyi rol gyi don yod par 'dod pa ste legs ldan 'byed sogs so/ <br>
/gnyis pa ni/ tha snyad du phyi don med par 'dod pa ste zhi ba 'tsho sogs so/ <br>
/gsum pa ni/ 'jig rten la grags pa 'ba' zhig gi gzhan ngor phyi don 'dod pa ste zla ba gags pa sogs so/ <br>
/yang kha cig don dam 'dod tshul gyi sgo nas sgyu ma rigs grub pa dang rab tu mi gnas par smra ba gnyis te/ dang po ni/ myu gu sogs kyi chos can dang bden med kyi snang ba tshogs pa don dam <br>
<br>
===Sheja Dzo Chapter 6.3 volume2 (page 513)===
<br>
bden par 'dod pa ste ka ma la shii la sogs so/ <br>
/phyi ma ni/ snang ba la spros pa rnam par bcad pa'i yongs gcod don dam bden par 'dod pa ste sangs rgyas bskyangs sogs so/ <br>
/slob dpon shaanti pas kun rdzob shes pa'i rnam par smra ba dang/ kun rdzob bag chags su smra ba'i dbu ma pa gnyis su dbye/ slob dpon me tri pas/ sgyu ma ltar gnyis med du smra aba dang/ chos thams cad rab tu mi gnas par smra ba gnyis kyi dbye ba mdzad/ kha che'i mkhas pa lakshmis ni mdo (aa: 259 ba) sde pa'i dbu ma/ rnal 'byor spyod pa'i dbu ma/ rgyal ba'i yum gyi dbu ma gsum du dbye bar bshad pa sogs don dam stong tshul dang/ khyad par kun rdzob zhal gyis bzhes tshul la brten dbye sgom mi 'dra ba mang yang mdor bsdu na mdo dang sngags kyi dbu ma'i tshul gnyis su nges pa yin no/ <br>
/gnyis pa la gnyis/ thun mong mdo lugs kyi dbu ma dang/ zab mo gsang sngags kyi dbu ma'o/ <br>
/dang po la'ng gnyis/ ming gi sgo nas mdor bstan/ mtshan nyid kyi sgo nas rgyas par bshad pa'o/ <br>
/dang po ni/ mdo lugs ngo bo nyid med rnal 'byor spyod/ /gtso phal phra rags la sogs brda yang sbyor/ /bod du rang stong gzhan stong zhes su grags/ /theg pa chen po'i mdo sde rnams kyi dgongs pa 'grel pa'i tshul lam lugs srol cung zad mi 'dra ba'i dbang gis ngo bo nyid med par smra ba'i dbu ma dang/ rnal 'byor sbyod pa'i dbu ma pa gnyis su rigs nges shing/ de dag la kha cig gis dbu ma pa grtso phal gnyis kyi brda sbyar la/ slob dpon bha bya sogs kyis phyi ma la phra ba nang gi dbu ma dang/ snga ma la rags pa phyi'i dbu ma zhes pa'i brda la sogs pa yang sbyor zhing/ bod du jo nang chos rje kun mkhyen chen po phyin chad nas dbu ma rang stong gzhan stong gi lugs zhes yongs su gags so/ <br>
/gnyis pa mtshan nyid kyi sgo nas rgyas par bshad pa la gnyis/ rang <br>
<br>
===Sheja Dzo Chapter 6.3 volume2 (page 514)===
<br>
stong/ gzhan stong ngo/ <br>
/dang po la gnyis/ dbye ba mdor smos/ rnam gzhag zhib mor bshad pa/o/ <br>
/dang po ni/ snga mar rang rgyud pa dang thal 'gyur gnyis/ /snga mar smos pa ngo bo nyid med par sma ba'i dbu ma pa la'ng legs ldan 'byed kyi rjes 'brang tha snyad du chos thams cad skye ba med a dang stong pa nyid la sogs pa rang lugs su khas blangs nas/ tshul (aa: 260 na) gsum dngos stobs kyis grub pa;'i rang rgyud kyi gtan tshigs gtso bor sgrub byed du 'god pa'i phyir rang rgyud pa zhes bya dang/ zla grags kyi rjes 'brang skye med dang stong nyid la sogs pa gzhan gyi log rtog dgag pa'i gzhan ngo 'ba' zig tu khas len cing/ tshul gsum dngos stobs kyis grub pa'i gtan tshigs rang rgyud pa med pas dngos smra ba la nang 'gal ston pa'i thal 'gyur tsam gtso bor 'god pa'i phyir thal 'gyur ba zhes grags pa gnyis su yod do/ <br>
/gnyis pa rnam gzhag zhib mor bshad pa la gsum/ thal rang thun mong ba'i lugs/ de gnyis kyi khyad par/ de dag so so'i lugs so/ <br>
/dang po la gnyis/ bdag med gnyis/ rigs pa'i tshul lo/ <br>
/dang po ni/ thun mong lta ba'i 'byung gnas gang zag dang/ /sgrib rtsa chos kyi bdag gnyis rigs pas bkag /dbu ma thal rang gnyis thun mong du lta ba dang nyon mongs pa thams cad kyi 'byung gnas bdag tu lta ba gang zag gi bdag dang/ sgrib pa gnyis kyi rtsa ba phyi nang gi chos thams cad rang mtshan du bden par zhen pa chos kyi bdag gnyis lung dang rigs pa'i rnam grangs mang pos bkag nas bdag med gnyis la sems mnyam par 'jog pa ste/ de dag gi tshul bsam sgom gyi skabs su cung zad rgyas par 'byung ngo/ <br>
/gnyis pa rigs pa'i tshul ni/ chos can steng du dgag bya btags ap dang/ /bsgrub bya la yang don dang tha snyad gnyis/ /gtan tshigs rgyu 'bras gnyis ka ngo bo la/ /dpyod byed bzhi yis dngos smra'i <br>
<br>
===Sheja Dzo Chapter 6.3 volume2 (page 515)===
<br>
yod mtha' sel/ snang tsam la dpyod rten 'brel rigs pa yis/ /mtha' gnyis bsal ba'i don dam mi mthun med/ /de la thog mar chos can ces pa ni rtsod gzhi yin la/ de'ng rgol phyir rgol gnyis ka'i tshad (aa: 260 ba) mas ma grub cing/ dngos po zhes pa lta bu rags pa dang/ myu gu zhes pa lta bu phra ba gang yang rung ba lugs 'dir bsgrub par bya ba'i mi mthun phyogs dngos por zhen pa skye nbar 'gyur ba rnams so/ <br>
/dgag bya ni/ chos can de'i steng du rnam par dpyad na snang ba dang brtags pa'i dgag bya gnyis su nges pa las/ re zhig snang ba ni 'gog par rigs pa ma yin te/ dper n mig rab rib kyis bslad pa rnams ji srid mig skyon dang ma bral ba de srid du skra shad dang zla ba gnyis sogs kyi snang ba mi ldog pa bzhin du/ ji srid nyon mongs pa can ma yin pa'i ma rig pa ma spangs pa de srid du tshogs drug gi snang ba sgyu ma lta bu 'di mi ldog pas de nyid rigs pas dgag mi nus pa'i phyir ro/ <br>
/dgag dgos pa yang ma yin te/ zhes pa rnams ni snang ba las byung ba min par de la zhen pa las byung ba yin pa'i phyir te/ dper na sgyu ma mkhan rang gis sprul pa'i na chung la mi chags pa bzhin du snang ba yod kyangh zhen pa med na mi 'ching ba'i phyir dang/ byis pa rnams sgyu ma'i na chung la chags pa skye ba ltar mngon par zhen pa las nyon mongs 'phel ba'i phyir ro/ <br>
/ched kyis bkag na nyes par yang 'gyur te/ snang ba bkag na stong nyid dngos po med pa'i don can du 'gyur zhing/ stong nyid sgom pa'i rnal 'byor pa'ng cang med kyi bkag pa yid la byed pas cahad mthar ltung ba'i pyir ro/ <br>
/de bas na kun btags pa 'ba' zhig 'gog par byed de/ de ni thag pa la sprul bzhin du blos zhen pa tsam ma gtogs don la ma zhugs pas dgag par nus pa'i phyir dang/ rnam 'grel las/ 'di yul sun dbyung med pa ni/ /de spong bar ni nus ma yin/ /zhes gsungs (aa: 261 na) pa <br>
<br>
===Sheja Dzo Chapter 6.3 volume2 (page 516)===
<br>
ltar yul ma gkag par yul can dgag mi nus pa dngos po'i mtshan nyid yin pas/ brtags pa ma bkag par yang de'i yul can gyi mngon par zhen pa dgag mi nus la/ de ma bkag par yang kun nas nyon mongs pa mi ldog ste de ni de'i rtsa ba can yin pa'i phyir ro/ <br>
/des na dbu ma pas dgag bya ni btags pa kho na yin la de la'ng rnam pa gnyis te/ gcig ni tha snyad tsam du grub pa dgag par bya ba yin la/ gzhan ni don la grub pa dgag par bya ba yin gyi tha snyad du ma yin pa gang yin pa'o/ <br>
/dang po rang gzhan gyi grub mtha' sma ba rnams kyis bdag dabng chos su kun brtags pa gang yin pa rnams te de dag ni kun rdzob kyi bden par yang ma grub par gong du bshad pa ltar ro/ <br>
gnyis pa ni/ 'jig rten na grags pa'i tha snyad rten cing 'brel bar 'byung ba rgyu dang rkyen 'di tsam pa nyid do/ <br>
/'di la'ng 'jig rten na dngos su grags pa song zhig 'dug cig zo zhig la sogs pa dang/ dngos su ma grags kyang/ grags rung gi tha snyad rgyu 'bras dang sa lam spang gnyen sogs gsung rab la grags pa rnams so/ <br>
/de la 'jig rten pa'i tha snyad du grags pa de nyid tha snyad tsam du dgag par mi bya ba'i tshul yang gong du snang sel gyi skabs su smos pa ltar ro/ <br>
/bsgrub bya la'ng don sgrub pa dang tha snyad sgrub pa gnyis las/ don sgrub pa la yang rgol ba'i shes 'dod tha dad pa'i dbang gis dngos po'i rang bzhin med pa'i med par ggag pa dang/ rang bzhin tsam gyi dgag bya de med pa'i med par dgag pa gnyis yod la/ de'ng chos can rang bzhin gyis grub pa dang bden pa sogs bkag tsam gyi med par dgag pa ni 'dir bsgrub bya yin te/ dper na snang ba 'di yang dag pa'i rang bzhin du yod pa ma yin te/ zhes sam/ (aa: 261 ba) ji ltar brtags pa de ltar du med do zhes pa lta bu'i med dgag rnam gcod dgag bya chad tsam spros dang bral tsam de nyid ma gtogs <br>
<br>
===Sheja Dzo Chapter 6.3 volume2 (page 517)===
<br>
yongs gcod kyi bsgrub bya gang yang med pa'o/ <br>
/de med pas gzhan gyis brtsad du yang med do/ <br>
/rtsod zlog las/ gal te ngas dam bcas 'ga' yod/ /des na nga la skyon de yod/ /nga la dam bca' med pa'i phyir/ /nga ni skyon md kho na yin/ /gal te mngon sum la sogs pa'i/ /don gyis 'ga' zhig dmigs na ni/ /sgrub pa'm zlog par bya na de/ /med phyir nga la klan ka med/ /ces so/ <br>
/de la med fpar dgag pa'i don ni ci yang ma yin pa la bya ste/ mdo las/ ci yang ma yin chos 'di sum lshes pa/ /de ni chos rnams kun la chags med 'gyur/ /zhes pas sgra rtog gi mthun zad nas ngal ba ngal sos pa lta bu yin par bshad do/ <br>
/dgag sgrub kyi don mdor na/ byas pas sgra mi rtag par sgrub pa na sgra rtag par sgro 'dogs pa'i shes pa ni bya dngos dang/ sgra mi rtag par sgro 'dogs pa'i shes pa ni bsgrub bya dngos te/ 'di la dgongs nas/ klu sgrub zhabs kyis/ rang bzhin med pa go bar byed pa yin gyi skye ba sel ba ma yin no/ <br>
/zhes so/ <br>
sgrub byed gtan tshigs ni/ spyir dbu ma'i rigs pa'i rtags kyi tshul la dgag pa 'god pa dang sgrub pa 'god pa gnyis las/ dang po la rgyu la rnam par dpyad nas 'gog pa rdo rje gzegs ma/ 'bras bu la dpyad nas 'gog pa yod med skye 'gog rgyu 'bras gnyis ka la dpyad nas 'gog pa mu bzhi skye 'gog rang gi ngo bo la dpyad nas 'gog pa gcig dang du bral te bzhi yod pa'i dang po ni saa lu ljang bpa'i mdo dang phyi ma ni lang gzshegs las gsungs shing bar pa gnyis kyang mdo ci rigs nas (aa: 262 na) 'byung la/ 'di bzhis dngos smra bas rang bzhin gyis yod par sgro 'dogs pa sel bas yod mtha' spong ba'o/ <br>
/de bzhi yang rim pa bzhin du rgyu la dpyad pa ni/ myu gu skye na bdag las sam gzhan las sam gnyis ka las sam gnyis ka las sam rgyu med las kye zhes dbyad pas rigs ngor gang las kyang mi skye bas skye med du sgrub pa'o/ <br>
/'bras <br>
<br>
===Sheja Dzo Chapter 6.3 volume2 (page 518)===
<br>
bu la dpyod pa ni myu gu skye na sa bon gyi skabs yod pa skye'm med pa skye zhes dpyad pas/ sa bon gyi skabs yod pa skye na myu gu sa pon las ma skyes pa dang/ rgyu la ma ltos par grub zin pas rgyu la dgos pa med pa dang/ med pa skye na ri rwa bzhin du rgyus nus pa ci yang byar med pa dang/ gnyis yin rigs pa des khegs shing gnyis min mi srid pas don la myu gu skye med du sgrub pa'o/ <br>
/rgyu 'bras gnyis ka la dpyod pa ni 'khrul ngor sa bon gcig las myu gu gcig ces dang/ rkyen gsum las mig shes gcig ces dang/ pha gcig las bu du ma dang/ sa bon chu lud du ma las ston thog du ma zhes sogs 'gal ba med mod/ rigs ngor ni mu bzhi'i nang nas rgyu gcig kho na las 'bras bu gcig kho na dang/ rgyu gcig nyid las 'bras bu du ma dang/ rgyu du ma las 'bras bu gcig kho na dang/ rgyu du ma las 'bras bu du ma 'byung ba mi 'thad de/ rigs ngor gcig nyid mi rigs la des du ma bden grub kyang khegs pas skye med sgrub pa'o/ <br>
/ngo bo la dpyod pa ni myu gu lta bu bden pa'i gcig dang bden pa'i du mas dben pa'i rtags kyis bden med du sgrub pa ste/ gcig du bral gyi rigs pa 'di ni nang pa'i grub mtha' bzhi po thams cad kyi dgag bya bden grub 'gog pa'i rigs pa'i rtsa ba yin zhing/ de'i phyir dbu ma rtsa bar skye 'gag rtag chad 'gro l'ong don gcig pa dang tha dad pa ste brgyad po bkag pa bstan (aa: 262 ba) bcos kyi mdor bstan du gsungs pa la gzhan drug po gcig dang tha dad dgag pa la rag las shing/ gcig dang tha dad dgag pa ni gcig du bral nyid do/ <br>
/rtags kyi tshul la sgrub pa dgod pa ni snang tsam la dpyod pa rten 'brel gyi rigs pa ste klu'i rgyal po ma dros pas zhus pa las 'byung/ de ni rten cing 'brel 'byung gi rtags kyis myu gu lta b bden med du sgrub pa ste/ 'di nyid sgrub rtags su bzhags pa dngos bstan gyi dbang du byas kyi <br>
<br>
===Sheja Dzo Chapter 6.3 volume2 (page 519)===
<br>
don du na 'di yang dgag bya bden pa 'gog lpas dgag rtags su 'gyur la/ 'di ni dbu ma pas bden stong sgrub pa'i rigs pa'i rgyal po yin te rtag chad gnyis ka'i mtha' sel bas so/ <br>
/de yang rten cing 'brel par 'byung ba yin pa'i phyir tha snyad du med pa ma yin pas chad mtha' sel zhing/ rang rgyu dang rkyen gzhan la rag las pas rtag pa dang ngo bo nyid kyis grub pa'i don mi gnas pa'i phyir rang bzhin med par grub pas rtag mtha' sel lo/ <br>
/de ltar du ma dros pas zhus pa las/ mkhas pas rten 'byung chos rnams rtogs 'gyur te/ /mthar lta ba la brten par yongs mi byed/ /ces so/ <br>
/'di dag gi skabs su/ dngos po'i rang bzhin shes bya la mi srid pas khyab par bya ba dang khyab par byed pa'i 'brel pa med pa'i phyir ldog pa'i khyab pa med kyang/ spyir bum pa yod na bum pa gcig gam du ma gang yang rung bar grub pa'i khyab pa nges pa lta bu dang/ mthun pa'i dpe sgyu ma dang gzugs brnyan la sogs pa sbyor zhing/ gtan tshigs de la brten pa'i rjes dpag gis gzhal bya ni gtan tshigs de bsgrub par bya ba nyid yin te/ tshul de dag dang don dam bden pa'i gnas la thal rng gnyis mi mthun pa med do/ <br>
/gnyis pa de dag gi khyad par bshad pa ni/ kun rdzob rtsod ngag la (a: 263 na) sogs khyad par mang/ /thal rang gnyis kas bden gnyis rnam par 'jog par byed cing don dam bden pa la ni gong smos ltar mi mthun pa cung zad kyang med de/ gzhan du na dngos po'i gnas lugs du ma med pas gang yang rung ba zhig dbu ma ma yin par thal bar 'gyur ba'i phyir/ kun rdozb kyi bden pa rnam par 'jog pa de la mi mthun pa yin te/ de'ng rang rgyud pa rnams ni kun rdzob kyi rnam gzhag 'jig rten pa'i tha snyad kyi rjes su mi 'brang ste/ 'jig rten pa rnams ni rigs pas dpyad pa med pa kho nar rang gar tha snyad la <br>
<br>
===Sheja Dzo Chapter 6.3 volume2 (page 520)===
<br>
'jug pas 'khrul pa srid pa'i phyir ro snyam du bsams nas/ rnam rig pa dang mdo sde pa la sogs pa rigs pa shes pa rnams dang rjes su mthun par kun rdzob rnam par 'jog par byed cing rnam rig pa sogs don dam pa'i bden pa las nyams kyang kun rdzob kyi bden pa las ma nyams par 'dod/ thal 'gyur ba ni dper na shing la 'dzeg pa mi mkhas pa'i rang bzhin can dag khyad par du 'gro bar 'dod pas shing gi yal ga 'og ma btang nas gong ma snyegs pas ma sleb ste bar ma do'i gyang sar lhung ba ltar dngos smra ba rnams kyang de kho na nyid 'tshol ba'i bsam pas 'jig rten gyi tha snyad las 'das shing yang dag pa'i don yang ma rtogs par bar ma dor rtag chad kyi mthar lhung bas bden pa gnyis ka las nyams par smra ste/ 'jug pa las/ 'phags pa klu sgrub zhabs kyi lam las ni/ phyi rol gyur la zhi ba'i thabs bde do/ <br>
/de dag kun rdzob de nyid bden las nyams/ /bden gnyis nyams las thar pa 'grub yod min/ /zhes bshad pa'i phyir ro/ <br>
/de bas na slob dpon de dag ni grub mtha' smra ba gzhan gyi rjes su mi 'brang bar 'jig rten pa kho na'i tha snyad kyi rjes su 'brangs nas kun rdzob kyi bden pa 'jog par byed de/ (aa: 263 ba) ji ltar don dam pa'i bden pa la 'phags pa rnams kho na tshad ma yin pa ltar kun rdzob kyi bden pa 'jog pa la yang 'jig rten pa kho na tshad ma yin pa'i phyir snyam du dgongs pa yin no/ <br>
/mdor na 'jig rten pas ni bdag dang gzhan las zhes bya ba la sogs pa'i rnam par dpyod pa 'jug pa med par byas nas rgyu las 'bras bu 'byung ngo zhes 'di tsam zhig rtogs pa yin la/ thal 'byur ba yang kun rdzob de ltar rnam par gzhag pa mdzad pa yin no/ <br>
/tha snyad du khas len pa'i tshul yang mi 'dra ste/ rang rgyud pa rnams kun rdzob kyi bden pha tha snyad du rang lugs su khas len par byed la/ thal 'gyur ba rnams ni don dam dang tha snyad gang du yang rang lugs <br>
<br>
===Sheja Dzo Chapter 6.3 volume2 (page 521)===
<br>
su rnam par gzhag par bya ba cung zad kyang med kyi/ 'on kyang dgos pa'i dbang kho nar kun rdzob kyi bden pa yang 'jig rten gzhan ngo 'ba' zhig tu khas blangs pa ma gtogs tha snyad tsam du yang rang gi lugs yin par khas mi len te/ de nyid las/ ji ltar khyod kyis gzhan dbang dngos 'dod ltar/ /kun rdzob kyang ni bdag gis khas ma blangs/ /'bras phyir 'di dag med kyang yod do zhes/ /'jig rten ngor byas bdag ni smra bar byed/ /ces gsungs pa'i phyir ro/ <br>
/gzhan yang rtsod pa byed pa'i tshe rang rgyud kyi slob dpon rnams rang lugs ma bzhag par gzhan lugs kho na 'gog par byed pa ni sun 'byin phyin ci log tu rgol ba yin pas mi rigs pa'i phyir dang/ rang gi 'dod pa stong nyid dang skye med sogs tshad mnas ma grub par gzhan gyi dngos po rnams la skye ba rang bzhin yod par 'dod par thal ba tsam gyis dgag mi nus pa'i phyir/ tha snyad du skye med rang lugs kyi dam bca' sgrub byed kyi gtan tshigs dang/ dpe sott tshad mas grub pa'i rang lugs 'ga' zhig 'dod par (aa: 264 na) bya ba yin te/ rang lugs kyi dam bca' gzhan gyis 'dod pa'i rtags kyis sgrub par mi nus pa'i phyir zhes 'dod do/ <br>
/thal 'gyur ba rnams ni gal te rang gi dam bca' yod na gzhan gyi skyon brjod kyi dogs pas rang lugs mi 'jog cing/ gzhan lugs la zhe sdang ba'i bsam pas thal ba tsam gyis 'gog na sun 'byin phyin ci log tu rgol ba'i gyo sgyu can du 'gyur na'ng/ dbu ma la ni rang la bzhag par bya ba'i phyogs cung zad kyang med na de'i sgrub byed 'tshol ba'i ngal ba 'dis ci zhig bya/ yang dag par ni gzhan dgag pa yang min te dgag bya'i chos cung zad cig dmigs na de nyid 'gog par yang rigs mod kyi/ dgag bya'i dngos po skra rtse brgyar gshags kyi tshad tsam yang ma dmigs na de la su zhig dgag pa smra bar byed de/ shes rab la 'jug pa las/ dgag sgrub gnyis <br>
<br>
===Sheja Dzo Chapter 6.3 volume2 (page 522)===
<br>
ka dgag 'ba' zhig /dngos la dgag sgrub gang yang med/ /ces pa ltar ro/ <br>
/gang yang bstan bcos rnams su gzhan gyi 'dod pa bkod nas rigs pa'i dpyad pa du ma mdzad pa de ni gzhan lugs la zhe sdang ba'm rtsod pa la dga' ba'i phyir ma yin gyi/ rtog pa'i dra bas bcings pa'i skye bo 'di dag mngon zhen zlog pa'i phyir gzhan ngo 'ba' zhig tu mdzad pa yin te/ 'jug pa las/ bstan bcos las dpyad rtsod la chags pa'i phyir/ /ma mdzad rnam grol phyir na de nyid bstan/ /gal te de nyid rnam par bshad pa na/ /gzhan gzhung 'jig par 'gyur na'ng nyes pa med/ /ces so/ <br>
/de bas na dbu ma'i bstan bcos rnams las rigs pa'i rnam par dpyad ap ji snyed cig byas pa de dag ni pha rol gyi sgro skur gyi rtog pa zlog pa'i 'bras bu can kho na yin gyi/ sgro skur bsal nas gnas lugs kyi don rtogs pa 'ba' zhig rnam par dpyad (aa; 264 ba) pa'i mthu las skye ba ni ma yin te/ gnas lugs ni thos bsam gyis dpyad pa'i yul ma yin pa'i phyir/ de skad du yang/ de nyid las/ so so skye bo rnams ni rtog pas bcings/ /mi rtog rnal 'byor pa ni grol bar 'gyur/ /rtog rnams log par gyur pa gang yin de/ /rnam par dpyod pa'i 'bras bur mkhas rnams gsungs/ /zhes so/ <br>
/thal 'gyur gyi lugs 'di la gzhan gyis rgol du med pa ma zad 'dis gzhan phyogs ma lus pa sun 'byin par nus te/ 'di'i rigs pa la gzhan gyis skyon spong gi lan gang dang gang btab pa de dang de dag bsgrub bya dang mtshungs par nus pa med pa'i phyir/ mdor na thal 'gyur ba rnams ni rang rgyud la grub pa'i dngos po stobs zhugs kyi gtan tshigs mi 'dod de sgrub pa'i dngos po stobs zhugs kyi tshad ma med pa'i phyir ro/ <br>
/gzhan ngor phyogs gnyis kyi dgag sgrub ni 'jig rten la grags pa'i tshad ma bzhi dang rtags bzhis byed/ rang rgyud pa rnams ni rang rgyud la grub pa'i dngos po stobs zhugs kyi rtags <br>
<br>
===Sheja Dzo Chapter 6.3 volume2 (page 523)===
<br>
dang tshad ma khas len te/ des na snga mas rang la yongs gcod kyi bsgrub bya gang yang med la gzhan gyi khas len 'gegs pa dang/ rang rgyud pa ni tshul gsum tshad mas grub pa las byung ba'i spros pa gcod byed kyi rigs pa la brten nas gzhan gyi khas len 'gegs pa'o/ <br>
/sogs khongs nas gzhan yang 'di gnyis la gzhi'i skabs su kun rdzob la yang log gam bden rdzun gyi dbye ba mi 'dod pa dang 'dod pa yul thams cad rdzun pa dang blo thams cad 'khrul par 'dod pa dang mi 'dod pa la sogs pa/ lam gyi skabs su'ng thos bsam gyi tshe dgag bya bkag shul du bsgrub bya mi sgrub pa dang sgrub pa/ (aa: 265 na) lta ba khas len mi 'dod pa dang 'dod pa sogs phran bu dang/ 'bras bu'i skabs su rang rgyud pa kha cig de bzhin gshegs a la gnas gyur pa'i ye shes gyu ma lta bu khas blangs nas de la kun rdzob sgyu ma lta bu snang yang 'khrul par mi 'gyur te bden 'dzin med pa'i phyir sangs rgyas la ma dag las snang yod pa dang/ thal 'gyur ba dag snang ba ni nyon mongs pa can ma yin pa'i ma rig pa'i bag chags las byung bas 'khrul pa yin la de bzhin gshegs pas 'khrul pa ma lus pa spangs pas snang ba'i 'jug pa nye bar zhi ba'i phyir las snang gtan med par 'dod pa sogs khyad par phran bu mang du yod do/ <br>
/gsum pa de dag so so'i lugs bshad pa la gnyis/ rang rgyud pa'i rnam gzhag thal 'gyur ba'i rnam gzhag go /dang po la gnyis/ bye brag gi dbye ba smos/ rnam gzhag mdo tsam du 'chad pa'o/ <br>
/dang po la'ng gnyis/ mdo sde spyod pa'i dbu ma pa dang/ rnal 'byor spyod pa'i dbu ma pa'i lugs so/ <br>
/dang po ni/ klu sgrub dgongs 'grel legs ldan rjes 'brang bcas/ /rang gi 'dod pa stong sogs khas blangs nas/ /tshul gsum dngos stobs grub pa'i gtan tshigs 'god/ /phyi don mdo sde pa dang rjes su mthun/ /de la spyir 'phags <br>
<br>
===Sheja Dzo Chapter 6.3 volume2 (page 524)===
<br>
pa klu sgrub kyi gzhung dbu ma rtsa ba shes rab kyi dgongs pa 'grel pa'i tshul mang du byung yang gtso bo thal rang gnyis su gyes pa yin te/ de'ng bstan bcos kyi thog mar/ ji skad du/ bdag las ma yin gzhan las min/ /gnyis las ma yin rgyu med min/ /dngos po gang na yang/ /skye ba nam yang yong ma yin/ /zhes pa 'di yin la/ 'di'i don 'chad thul la/ slob dpon sangs rgyas bskyangs kyis ni/ mtha' bzhi skye med kyi dam bca' bzhis 9aa: 265 ba) log phyogs la sun 'byin par mjad kyi/ dngos phyogs la sgrub byed 'god par mi mdzad/ de'i rjes su slob dpon legs ldan 'byed kyis ni/ slob dpon sangs rgyas bskyangs kyi sun 'byin brjod tshul la skyon brjod par mdzad cing/ rtsa ba'i sbyor ba rang rgyud du 'god pa dang/ phyogs chos kyang rang rgyud kyi sgo nas sgrub par mdzad do/ <br>
/de'i rjes su zla ba'i zhabs kyis ni/ legs ldan 'byed kyis sangs rgyas bskyangs la skyon brjod pa rnams mi 'jug pa'i tshul dang/ legs ldan 'byed nyid don dam dpyod byed kyi rigs pa 'chad pa'i skabs su rang rgyud kyi gtan tshigs khas len pa skyon dang bcas par bshad nas/ thal 'gyur gyi shing rta'i srol rgyas par phye ba yin no/ <br>
/de la rang rgyud lugs zhal gyis bzhes pa'i slob dpon bha bya'm legs ldan byed dang dpal sbas dang ye shes snying po dang zhi ba 'tsho dang ka ma la shii la dang grol sde dang seng bzang dang ye shes zhabs dang mar me mdzad bzang po dang sman zhabs dang thag na sogs shin tu mang yang/ rigs bsdu na/ mdo sde sbyod pa'i dbu ma dang rnam 'byor sbyod pa'i dbu ma gnyis su yod de/ de ltar 'byed pa'i rgyu mtshan yang legs ldan byed kyis klu sgrub kyi gzhung la gzhan ngor phyi rol gyi don tha snyad tsam du khas len pa rags pa phyi'i dbu ma pa dang/ tha snyad du shes pa tsam las ma gtogs pa phyi'i don med par khas len pa phra ba nang gi dbu ma pa gnyis su <br>
<br>
===Sheja Dzo Chapter 6.3 volume2 (page 525)===
<br>
yod ces gsungs la/ mdo sde spyod pa'i dbu ma pa ni rags pa phyi'i dbu ma pa yin te/ mtshan gzhi ni legs ldan zhabs rjes 'brang dang bcas pa'o/ <br>
/de dag gis rang gi 'dod pa stong nyid dang skye med sogs tshad mas bsgrub par khas blangs nas/ de dag tshad mas bsgrub pa'i phyir tshul gsum (aa: 266 na) dngos po stong zhugs kyis grub pa'i sgrub byed kyi gtan tshigs 'god pa dang/ tha snyad tsam du phyi'i don khas len zhing de dag gi rnam gzhag kyang mdo sde pa dang rjes su mthun par mdzad do/ <br>
/gnyis pa ni/ zhi 'tsho la sogs shes pa tsam zhig las/ /phyi don mi bzhed rnam gzhag sems tsam ltar/ /gnyis pa rnal 'byor sbyod pa'i dbu ma pa ni legs ldan 'byed kyi gsungs ltar na phra ba nang gi dbu ma pa yin te/ mtshan gzhi ni zhi ba 'tso la sogs pa'o/ <br>
/de dag gis rang rgyud kyi dam bca' 'god tshul snga ma dang khyad par med la/ tha snyad du shes pa tsam zhig khas len cing phyi rol gyi don khas mi len la de'i rnam gzhag kyang rnal 'byor spyod pa sems tsam pa dang mthun par mdzad do/ <br>
/gnyis pa de dag gi grub mtha'i rnam gzhag mdo tsam du 'chad pa ni/ chos rnams kun rdzob 'khrul blo'i shes ngor yod/ /don dam ma 'khrul blo ngor yod pa min/ /rigs pas 'gog nus mi nus mtshan nyid can/ /bden gnyis ngo bo gcig la ldog pa ni/ /tha dad don byed nus dang mi nus kyis/ /yang dag log pa'i kun rdzob rnam par gzhag /dbu ma pas shes bya'i chos rnams bden pa gnyis su sdud cing/ de la shes bya ni dbye gshi/ bden pa gnyis ni dbye sgo ste 'dir rang rgyud pa'i lugs kyis kun rdzob ni 'khrul bcas kyi blo'i shes ngor yod pa/ de'i mtshan gzhi bum pa lta bu/ don dam ni ma 'khrul pa'i blo ngor dpyad na yod pa ma yin pa/ de'i mtshan gzhi bum pa bden pas stong pa lta bu/ bden pa ni blo 'khrul ma 'khrul so so'i yul du mi bslu ba'i don chos gang zhig rang bzhin med <br>
<br>
===Sheja Dzo Chapter 6.3 volume2 (page 526)===
<br>
pa ste rang gi ngo bo bden pas stong pa ni bden pa tsam gyi mtshan nyid/ gang zhig rigs pas dpyad mi bzod pa 9aa: 266 ba) ste 'gog nus pa kun bden gyi mtshan nyid/ rigs pas dpyad bzod pa ste 'gog mi nus pa don dam bden pa'i mtshan nyid/ de lta bu'i bden pa gnyis po la spyir mtshan nyid kyi ldog pa ttsam yang tha dad med pa ming gi rnam grangs dang/ ngo bo tha dad pa dang/ dngos po gzhan dang de nyid du'ng brjod du med pa gcig pa bkag tsam gyi tha dad dang/ ngo bo gcig la ldog pa tha dad par 'dod pa rnams su mchis pa las/ lugs 'dir phyi ma bzhed mkhan mang zhing/ kun rdzob la dbye bna/ snang la don byed nus pa dang/ snang la don byed mi nus pa gnyis kyis yang dag kun rdzob dang log pa'i klun rdzob ces rnam par bzhag ste/ de'ng snang ba dang mthun par don byed nus pa/ rgyu las kyes pa/ brtags pas dben pa/ rang rang gi rigs la mthun par snang ba ste mtshan nyid bzhi dang ldan pa'i gzugs la sogs pa'i chos ni yang dag kun rdzob ste so so'i don byed nus par yod la/ snang yang don byed mi nus pa skra shad 'bab pa dang zla ba gnyis su snang ba la sogs pa'i log pa'i kun rdzob ni don byed nus par med pas rab tu dbye ba'o zhes 'dod do/ <br>
/bden dngos bkag pa'i rnam gcod med dgag sgrub/ /skye sogs 'gog pa don dam rnam grang pa/ /spros pa nyer zhi mthar thug don dam nyid/ /kun gzhi mi 'dod shes pa tshogs drug 'dus/ /'bras bu ye shes snang ba sgyur 'drar bzhed/ /shes bya de dag gi steng du bden dngos kyui 'dzin stangs bkag pa'i mi ldan rnam gcod kyi med dgag sgrub pa'i don dam pa la'ng yang dag pa skye ba la sogs pa bgag tsam las skye med kyi spros pa las ma grol ba rnam gangs pa'i don dam dang/ skye ba dang skye med la sogs pa'i spros pa mtha' dag nye bar zhi ba mthar thug gi (aa: 267 na don pa nyid de gnyis su dbye <br>
<br>
===Sheja Dzo Chapter 6.3 volume2 (page 527)===
<br>
ba bden gnyis las gsungs so/ <br>
/de dag gi slob dpon phal che ba ni kun gzhi mi 'dod cing shes pa tshogs drug tu 'dus par bzhed la/ rnal 'byor spyod pa'i dbu ma pa kha cig kun gzhi sogs tshogs brgyad 'dod pa'ng yod la/ lam mthar phyin pa'i 'bas bu sku dang ye shes kyi snang ba rang rgyud pa sgyu ma dang 'dra bar yod pa bzhed pa yin no/ <br>
/gnyis pa dbu ma thal 'gyur ba'i rnam gzhag 'chad pa la bzhi/ zla ba'i bzhed srol mdor smos/ gzhung phyi mo'i dbu ma 'chad tshul spyir bstan/ /gzhi lam 'bras gsum bye brag tu dbye/ grub mtha'i don gso bor bsdu ba'o/ <br>
/dang po ni/ zla grags lugs srol mthsan ma'i spros bcod la/ /khyad 'phags mchog ste gtan tshigs rang rgyud med/ /gzhan ngor tsam las rang lutt khas len bral/ /'phags pa'i gzhung gi dgongs 'grel sangs rgyas bskyangs kyi lugs gsal bar mdzad pa slob dpon zla ba grags pa'i lugs srol ni mtshan ma'i spros pa gcod pa la khyad par 'phags shing mchog tu gyur pa ste dbu ma thal 'gyur ba'i mtshan gzhi'o/ <br>
/sgrub byed kyi gtan tshigs tshul gsum dngos stobs kyis sgrub pa'i rang rgyud pa 'god pa med cing/ skye med dang stong nyid sogs gzhan gyi log rtog dgag pa'i phyir gzhan ngor khas len cing dngos smra ba la nang 'gal ston pa'i thal 'gyur tsam las rang lugs bsgrub bya med pas khas len dang bral ba'o/ <br>
/'jig rten la grags mngon rjes lung nyer 'jal/ /gzhan grags rjes dpag 'gal brjod thal 'gyur dang/ mtshungs pa'i mgo snyoms dang ni ma grub pa/ /tshad ma bzhi dang rtags bzhis dgag sgrub byed/ /des na rang lugs su med par dgag pa dang ma yin dgag gnyis kas dgag sgrub byar med kyang (aa: 267 ba) gzhan ngor 'jig rten la grags pa'i mngon sum/ rjes dpag lung/ nye bar 'jal ba bzhi dang/ gzhan la grag pa'i <br>
<br>
===Sheja Dzo Chapter 6.3 volume2 (page 528)===
<br>
rjes dpag 'gal ba brjod pa'i thal 'gyur/ rgyu mtshan mtshungs pa'i mgo snyoms/ sgrub byed bsgrub bya dang mtshungs pa'i ma grub pa bzhi ste/ tshad ma bzhi dang rtags bzhis dgag sgrub byed do/ <br>
/'dir chos rje go ram pas/ bdag skye 'gog pa la 'gal ba brjod pa/ gzhan skye 'gog pa la rgyu mtshan mtshungs pa/ gnyis ka las skye ba 'gog pa la sgrub byed bsgrub bya dang mtshungs pa/ rgyu med las skye ba 'gog pa la gzhan la grags kyi rjes dpag go zhs gsungs pa la/ gser mdog pa don yod dpal bas/ kun mkhyen yin kyang da dung dbu ma la thugs sbyong byed dgos pa'i brda ste/ de'ng 'gal ba brjod pa'i thal 'gyur gyis ni/ gzhan gyi khas blangs kyi rtags la mi 'dod pa'i thal ba 'phen pa yin la/ rgyu mtshan mtshungs pa'i mgo snyoms kyis ni/ thal 'gyur de'i khyab pa rgol ba gzhan gyi blo ngor dpe'i steng du nges par byed/ sgrub byed bsgrub bya dang mtshungs pas ni/ thal ba de ltar 'phangs pa la gzhan gyis tsher ma 'byin mi nus par bstan pa yin no/ <br>
/thal 'gyur gsum po des gzhan la gags kyi phyogs chos dang khyab pa rgol ba pha rol po'i blo ngor bsgrubs nas/ gzhan la grags kyi gtan tshigs kyis gzhan ngor rjes dpag skyed par byed do/ <br>
/zhes 'chad do/ <br>
/des na thal 'gyur ba'i thun mongs ma yin pa'i rigs pa bzhi po 'di mtha' bzhi'i skye ba re re 'gog pa la'ng sbyar bar bzhed cing/ 'di rigs pa rnams kyi gtso bo yin pas cung zad zhib par brjod na/ de'ng thog mar grangs can gyis bdag las skye bar khas len la bdag las skye ba zhes pa'i don ni/ dngos po (aa: 268 na) rnams rgyu'i dus na yod pa kho na skye'i med pa ni mi skye ste/ dper na/ til la til mar snga nas yod pa'iu rgyu mtshan gyis til mar 'byung ba yin la/ bye ma la til mar sngar nas med pa'i rgyu mthsan gyis mi 'byung ba bzhin no/ <br>
/zhes 'dod/ de dgag pa la rigs pa bzhi las/ dngos <br>
<br>
===Sheja Dzo Chapter 6.3 volume2 (page 529)===
<br>
po rnams chos can/ skye ba don med du thal/ rgyu'i dus su grub zin pa'i phyir/ zhes pa ni 'gal ba brjod pa'i thal 'gyur ro/ <br>
/de la khyab pa ma nges so zhe na/ skye ba thug med du thal/ grub zin kyang skye ba'i phyir zhes pa ni rgyu mtshan mtshungs pa'i mgo snyuoms so/ <br>
/gal te de gnyis mi mtshungs te/ 'jim gong gi gnas skabs kyi bum pa ni skye la/ mngon par gsal ba'i bum pa ni mi skye ba/ de gnyis la mngon par gsal mi gsal gyi khyad par yod pa'i phyir zhe na/ 'jim gong gi gnas skabs na mngon par mi gsal ba'i bum pa yod do zhes pa ni rtsa ba'i bsgrub bya dang mtshungs zhes pa ni sgrub byed bsgrub bya dang mtshusngs pa'i ma grub pa'o/ <br>
/des na phyi nang gi dngos po rnams chos can/ bdag las mi skye ste/ yod pa'i phyir zhes pa ni gzhan la grags kyi rjes dpag go /rang sde dngos por smra ba rnams gzhan las kye bar khas len pa la/ sa myug gnyis rang bzhin gyis gzhan ma yin par thal/ sa bon las myu gu skye ba'i phyir zhes pa ni 'gal ba brjod pa'i thal 'gyur ro/ <br>
/de la khyab pa ma ngs so zhe na/ 'o na me lce las kyang mun pa 'thug po 'byung bar thal/ rang bzhin gyis gzhan yin kyang skye ba'i phyir zhes pa ni rgyu mtshan mtshungs pa'i mgo snyoms so/ <br>
/de la skye ba'i nus pa yod med kyi khyad par yod do zhe na/ de ni rtsa ba'i bsgrub bya dang mtshungs so zhes pa ni sgrub byed bsgrub bya dang mtshungs pa'i ma grub pa'o/ <br>
/(aa: 268 ba) des na sa bon las myu gu mi skye ste/ sa myug gnyis rang bzhin gyis gzhan yin pa'i phyir/ zhes pa ni/ gzhan la grags kyi rjes dpag go /gcer bu pa ni bdag gzhan gnyis ka las skye bar 'dod de/ rdza bum de 'jim pa'i bdag nyid las skye ba ni bdag las skye ba'i don dang/ rdza mkhan dang srad bu dang chu la sogs pa las skye ba ni gzhan las kye ba'i don no zhes zer/ de 'gog pa'i rigs pa ni/ bdag gzhan re re ba las skye ba 'gg pa'i rigs pa de dag gis <br>
<br>
===Sheja Dzo Chapter 6.3 volume2 (page 530)===
<br>
khegs pa yin te/ 'jug pa las/ gnyis las kye ba'ng rigs pa'i ngo bo ma yin gang gi phyir/ bshad zin nyer pa de dag thog tu bab pa yin phyir ro/ <br>
/zhes bshad pa'i phyir/ rgyang 'phen pa ni/ 'jig rten 'di rgyu med pa las skye bar 'dod de/ de dgag pa la bzhi/ dang po ni/ 'jig rten 'di chos can/ mngon sum gyis gzung du med par la`thal/ rgyu med pa'i phyir zhes pa ni 'gal ba brjod pa'o/ <br>
/de la khyab pa ma nges so zhe na/ nam mkha'i ungpa la'i dri mdog kyang gzung du yod par thal/ rgyu med kyang gzung du yod pa'i phyir/ zhes pa ni rgyu mtshan mtshungs pa'i mgo snyoms so/ <br>
/de gnyis la ngo bo yod med kyi khyad par yod do zhe na/ de ni rtsa b'ai bsgrub bya dang mtshungs so zhes pa ni sgrub byed bsgrub bya dang mtshungs pa'i ma grub pa'o/ <br>
/des na 'jig rten 'di chos can/ rgyu med las mi skye ste/ res 'ga' skye ba'i phyir zhes pa ni gzhan la grags kyi rjes dpag go/ <br>
/tha snyad 'jal blor 'grul pa'i shes pas khyab/ /yang log kun rdzob don byed mi byed mnyam/ /bden gnyis 'jog byed 'khrul bcas 'khrul med de/ /mdor na rig tshogs 'grel byed mthar thug go/ <br>
/gzhan yang lugs srol 'di la tha snyad 'jal ba'i blo la (aa: 269 na) 'khrul shes kyis khyab pa dang/ byang chub sems 'grel las/ rmi lam sad pa'i gnas skabs la/ /don byed pa la khyad par med/ /ces gsungs pa star/ sgyu ma rmi lam gyi rta glang dang rta glang dngos sam ri mor bris pa'i ba dang ba dngos la 'khrul ngor don byed mnyam dang rigs ngor mi byed mnyam dang/ 'jig rten kun rdzob dang rlal 'byor kun rdzob gnyis kyi dngos po la yang log yod kyang de rang lugs min la/ rang lugs rnal 'byor kun rdzob la yang log med pas tsam por 'dod pa dang/ bden pa gnyis 'jog byed kyang kun rdzob kyi ngo bo blo 'khrul pa dang bcas pa'i ngor rdzun snang/ don dam gyi ngo bo blo 'khrul pa med pa'i <br>
<br>
===Sheja Dzo Chapter 6.3 volume2 (page 531)===
<br>
ngor snang ba ste/ mthong ba rdzun pas rnyed pa'i rnyed don snga ma'i mtshan nyid/ sbyir ma rig pa/ byed brag bden /dzin/ khyad par so skye'i rgyud kyi ma rig pa ni de'i mtshan gzhi/ mthong ba yang dag pas nyed pa'i rnyed don phyi ma'i mthsan nyid/ ma rig pa'i 'gal zlar gyur pa'i bden med mngon sum du rtogs pa'i ye shes ni de'i mtshan gzhi ste/ 'jug pa las/ dngos kun yang dag rdzun pa mthong ba yis/ /dngos rnyed ngo bo gnyis ni 'dzin par 'gyur/ /yang dag mthong yul lgang de de nyid de/ /mthong ba rdzun pa kun rdzob bden par gsungs/ zhes so/ <br>
/gzhan yang de nyid las/ rab rib mthu yis skra shad la sogs pa'i/ /ngo bo log pa gang zhig rnam btags pa/ /de ni bdag nyid gang du mig dag pas/ /mthong ste de nyid de bzhin 'dir shes gyis/ /zhes gsungs la/ de'i don ni/ ma rig pa'i dbang gis rten 'brel sna tshogs su snang ba kun rdzob bden pa'i mtshan nyid dang/ snang ba de 'phags pa'i ye shes kyis cir yang ma gzigs pa'i dbyings de don dam pa'i mtshan nyid de/ /dper na/ 'jig rten na rab rib can la (aa: 269 ba) skra shad du snang ba kun rdzob kyi dpe dang/ de nyid rab rib med pa'i mig gis cir yang ma mthong ba ni don dam pa'i dpe'o/ <br>
/mdor na lugs srol 'di ni dbu ma rigs tshogs kyi dgongs pa 'grel byed mthar thug yin par bod kyi mkhas pa phal mo che bzhed do/ <br>
/gnyis pa gzhung phyi mo'i dbu ma 'chad pa la gnyis/ /spyir bstan pa dang/ bye brag tu bshad pa'o/ <br>
/dang po ni/ zab mo stong pa nyid kyi gtam gyi gzhi/ /gzhung kun phyi mo 'phags pa yab sras lugs/ /gnas skabs gsum gyis 'chad ces mkhas rnams smra/ /de bzhin gshegs pa'i chos kyi 'khor lo mtha' dag gi snying po/ <br>
/zab mo stong pa nyid kyi gtam phyin ci ma log pa'i gzhi/ dbu ma'i gzhung lugs kun gyi phyi mo 'phags pa yab sras kyi lugs rnams 'chad <br>
<br>
===Sheja Dzo Chapter 6.3 volume2 (page 532)===
<br>
pa na/ ma brtags ma dpyad pa'i gnas skabs dang/ rig shes kyis cung zad dpyad pa'i gnas skabs dang/ brjod bral gyis legs par dpyad pa'i gnas skabs te gnas skabs gsum la sbyar na 'chad pa dang nyams su blang shin tu bde bas man ngag dam pa yin ces stag tshang lo tsaa dang/ de'i rjes su byung ba'i mkhas pa phal che ba rnams mgrin gcig tu smra'o/ <br>
/gnyis pa bye brag tu bshad pa ni/ gzhi dang spyod phyogs 'bras bu ma dpyad ngor/ /kun rdzob tha snyad dag dang bstun te sbyar/ /bdag med don dam cung zad dpyad ngor bzhag /legs par dpyad pas spros pa kun zhi'o/ <br>
/spyir 'khor lo bar pa dang sgos klu sgrub yab sras kyi gzhung las gzhi phung khams skye mched/ lam spyod pa thabs phyogs/ 'bras bu sku dang phrin las sogs ni ma brtags ma dpyad pa'i ngor grags pa/ 'jig rten kun rdzob kyi tha snyad dag dang bstun te sbyar la/ de'ng phal cher 'jig rten la grags tshar ba'm grags (aa: 270 na) rung gi tshul gyis 'jig rten kun rdzob dang/ mnyam rjes kyi snang tshul sogs kha cig rnal 'byor kun rdzob dang bstun pa'ng yod do/ <br>
/dgag bya bdag gnyis bkag nas skye med dang stong nyid dang don dam bden pa rnam par 'jog pa'i skor rnams ni cung zad dpyad pa rigs shes kyi ngor rnam par bzhag la/ yum gyi dngos bstan phal che ba lta bu yod med dang rtag mi rtag dang stong mi stong la sogs pa gang du'ng ma grub cing cir yang gzung du mi rung bar gsungs pa lta bu dang/ bstan bcos rtsa she las kyang/ stong ngo zhes kyang mi brjod de/ /mi stong zhes kyang mi bya zhing/ /gnyis dang gnyis min mi bya ste/ /gdags pa'i don du brjod par bya/ /zhes pa'i rkang pa dang po gsum po lta bu mang du gsungs pa rnams ni legs par dpyad pa'i gnas skabs la sbyar te bshad pas phan tshun 'gal ba cung zad kyang med par 'gyur ro/ <br>
/dbu ma shes <br>
<br>
===Sheja Dzo Chapter 6.3 volume2 (page 533)===
<br>
rab la 'jug pa las/ ye nas skye med ngang 'di la/ /dgag bya med la bsgrub bya med/ /mya ngan 'das dang ma 'das pa/ /skye med ngang du khyad par med/ skye med nyid kyang ma yin te/ /skye ba'i dngos po med phyir ro/ <br>
/kun rdzob med la don dam med/ /sangs rgyas med la sems can med/ /lta aba med cing bsgom bya med/ /spyod pa med cing 'bras bu med/ /de yi blo ni bsgom bya ste/ /rtog med blo ni rang zhi gzhag /ngos bzung med cing gyeng ba med/ /mtshan ma med cing gsal bar sgom/ /zhes gsungs pa yang shin tu dpyad pa'i gnas skabs te dbu ma thal 'gyur ba'i bzhed pa mthar thug pa'o/ <br>
/gnas skabs de gsum la sbyor dgos pa'i rgyu mtshan yang rim pa bzhin du/ ma brtags ma dpyad pa'i blang dor gyis bsod nams min pa dang por bzlog nas mtho ris kyi lam dang/ cung zad dpyad (aa: 270 ba) pa'i nyams len gyis bar du bdag lta gnyis bzlog nas thar pa'i lam dang/ legs par dpyad pa'i nyams len gyis tha mar lta ba'i spros pa kun bzlog nas thams cad mkhyen pa'i lam mthar phyin par 'gyur ba'i phyir ro/ <br>
/zhes bshad do/ <br>
/gsum pa gzhi lam 'baras gsum bye brag tu bshad pa la gsum/ gzhi dbu ma bden gnyis zung 'jug lam dbu ma thabs shes zung 'jug 'bras bu dbu ma sku gnyis zung 'jug go dang po la gnyis/ dngos dang/ sgrub byed kyi tshul lo/ <br>
/dang po ni/ 'jig rten kun rdzob bden pa thabs yin te/ /don dam bden pa thabs byung nyid du gsungs/ /'jig rten pa'i tha snyad du grags pa kun rdzob bden pa ma dpyad pa'i gnas skabs su blos btags nas smra ba ni don dam rtogs pa'i thabs su gyur pa yin te/ don dam bden pa ni thabs de las byung ba nyid du gsungs shing/ 'di ni dbu ma pa rnams kyi shes bya'i gzhi yin la/ de gnyis zung du 'jug pa'i tshul yang bod snga ma rnams kyi gsungs <br>
<br>
===Sheja Dzo Chapter 6.3 volume2 (page 534)===
<br>
las/ snang bas las lam mi 'dor zhing/ /stong pas mngon zhen mi skye ba/ /bden gnyis zung 'jug dbu ma'i lam/ /ma nor mchog 'di mnyan par bya/ zhes bshad pa ltar ro/ <br>
/gnyis pa de dag sgrub byed kyi tshul bshad pa ni/ kun rdzob 'jig rten gzhan grags rjes su brjod/ /de'ng kun rdzob nges byed chos can spyi'i rnam gzhag ni/ rtag chad dang rdul phran cha med gnyis stong shes pa bden grub sogs grub mtha'i skyon rnams ma yin pa'i 'jig rten la grags pa'i tshad ma dang tshad min yang log gi bden rdzun sogs gzhan grags kyi rjes su brjod pa tsam mdzad do/ <br>
/don dam chos kyi bdag med gtan tshigs lnga/ /gang zag bdag med (aa: 271 na) rnam bdun rigs pas sgrub/ /don dam bden pa nges byed kyi tshad ma'i dang po ni bsam byung khyad par can rigs shes rjes dpag yin la/ de'ng gtam tshigs la brten cing de la gsal ba'i dbye ba mang yang rigs bsdu na/ thams cad kyang don la dgag bya bden pa 'gog pa'i dgag rtags kho nar nges pa'i phyir rtog ge dang sgo bstun na sgrub rtags mi srid de/ dper n sgyu ma lta bu yin te/ rten 'brel yin pa'i phyir zhes pa yang dngos bstan sgrub rtags ltar snang yang don dam nges byed du mi 'gro zhing bsgrub byar song tshod ni bden stong nyid yin no/ <br>
/dgag rtags la 'brel zla ma dmitt pa dang 'gal zla dmigs pa gnyis la rten 'brel gyi rtags ni phyi ma dag gzhan rnams snga ma'i/ /de'ng rtags chen lnga ni thal rang thun mong pa yin pa'i phyir/ 'dir yang chos kyi bdag med sgrub byed kyi gtan tshigs ni ngo bo la dpyod pa gcig du bral gyi gtan tshigs sogs lnga kho na'o/ <br>
/gang zag gi bdag med sgrub byed don dam nges byed kyi gtan tshigs ni gcig ste/ dpe zhing rtag la dpyod pa rnam bdun rigs pas gang zag gi bdag med sgrub pa rigs pa'i rgyal po'o/ <br>
/'dir yang zhib par smos na/ dang po gtan tshigs lnga'i ngo bo la dpyod pa <br>
<br>
===Sheja Dzo Chapter 6.3 volume2 (page 535)===
<br>
gcig dand du bral ni rnam par thar pa'i sgo stong pa nyid ston pa ste/ de'ng rtatt dgod pa ni/ myu gu lta bu'i chos kun chos can/ bden par med de/ bden pa'i gcig dang du mas dben pa'i phyir/ dper na me long gi gzugs brnyan bzhin no/ <br>
/rtags de'i chos can ni/ ma brtags ma dpyad pa'i snang tsam kho na ste/ de la grub pa'i phyogs chos ni bden pa'i gcig min te cha bcas yin pa'i phyir/ bden pa'i du ma ni min te rtsom byed bden pa'i gcig med pa'i phyir/ khyab pa ni/ bden na gcig dang du ma gang rung yin pas khyab ste/ de gnyis phan tshun spangs 'gal yin pa (aa: 271 ba) dang khas kyang blangs pas 'grub bo/ <br>
/gnyis pa rgyu la dpyod pa dngos smra'i log rtog gi brag ri 'jig pa rdo rje bzegs ma lta bu'i gtan tshigs ni rnam par thar pa'i sgo mtshan ma med pa ston pa ste/ dang po rtags dgod pa ni/ myu gu chos can/ bden pa'i skye ba med de/ rang dang gzhan dang gnyis ka dang gnyis min las skye ba med pa'i phyir/ dper na gzugs brnyan bzhin no/ <br>
/gnyis pa sgrub tshun khyab pa ni/ dngos stobs sam yul ngos sam dpyad ngo'm skye ba la mtha' bzhi gang rung las ma 'das pas rtogs sla bar dgongs nas gzhung du rgyas par ma gsungs/ phyogs chos sgrub pa la bzhi las/ dang po bdag skye med pa'i rtags sgrub ni/ grangs can pas myu gu ni gtso bo'i rnam 'gyur tsam dang/ gtso bo ni de'i rang bzhin yin pas rang gi rang bzhin grub zin rtag dngos shig las skyes par 'dod la/ de lta na myu gu skyes stobs kyis sa bon 'gags pa mi 'thad pas sa bon skye ba thug med dang/ rgyu sa bon ma 'gags pa de 'dod na 'bras bu myu gu'i skye ba dang mdog dbyibs mi rnyed pa dang/ rang nyid las rang nyid skye na bya byed mtha' dag gcig tu 'gyur ba sogs so/ <br>
/gnyis pa gzhan skye med pa'i rtags sgrub ni/ dngos smra mkhas pa dag gis grangs can 'dod pa'i bdag skye 'gog tshul ni <br>
<br>
===Sheja Dzo Chapter 6.3 volume2 (page 536)===
<br>
legs kyang/ shes rigs don mthun rnams rkyen bzhi ga dang/ dngos po phal cher rgyu dang bdag po'i rkyen las skye zhing/ de'ng rgyu 'bras gnyis ka blos btags tsam min par yul rang ngos nas grub pa brtags shing dpyad mthar skye bas gzhan skye tshad mas grub pa yin zhes smra'o/ <br>
/'di 'gog pa'i rigs pa mang yang gzhan las kye ba mi srid pa dang/ skye ba la gzhan mi srid pa gnyis su 'dus pa'i dang po ni/ rgyu min pa (aa: 272 na) kun las 'bras bu min pa kun skye bar 'gyur te/ nas dang saa lu'i sa bon gnyis ka yang saa lu'i myu gu las rang gi ngo bos grub pa'i gzhan du mtshungs pa'i phyir ro/ <br>
/khyab ste de 'dra'i gzhan du grub na phan tshun rag ma las pa'i da lta ba rwa gyas gyon bzhin du 'gyur la/ de lta yin bzhin du yang rgyu 'bras su 'gyur na saa lu'i sa bon gyi nyer len gyis nas kyi myu gu mi bskyed pa'i don med pa'i phyir ro/ <br>
/skye ba la gzhan mi srid pa ni/ myu gu sa bon las skye bar 'dod na de gnyis rdzas gzhan tha dad du yang 'dod mi rung ste/ rdzas gzhan pa'i tshul yul ngos nas grub pa ni dus mnyam min pa la mi srid cing rgyu 'bras dus mnyam rigs pas khegs pa'i phyir te/ rgyu 'bras 'gag skye srang mda'i mtho dman ltar dus gcig pa mi srid pa'i phyir gzhan yang rgyu 'bras dus mnyam la 'bras bu yod pa skyed dam med pa skyed brtags pas kyang khegs so/ <br>
/gsum pa gnyis skye med pa'i rtags sgrub ni/ de gnyis khegs pa'i shugs la khegs pas 'gog byed rgyas par ma gsungs so/ <br>
bzhi pa rgyu med dgag pa ni/ rgyu med las skye na dngos po rnams dus thams cad du skye ba'm gtan mi skye bar 'gyur ba sogs ha cang thal zhing/ nam mkha'i padma bzhin du snang mi rung du 'gyur ba las rgyu 'bras gsal bar snang ba'i mthong ba dang 'gal ba dang/ skye ba snga phyi med par sgrub par 'dod nas lus sems 'byung ba'i bdag nyid der 'dzin pa'i grub mtha' 'khrul <br>
<br>
===Sheja Dzo Chapter 6.3 volume2 (page 537)===
<br>
pa ni 'byung ba 'dzin pa'i mngon sum 'khrul pas grub par rgya cher gsungs so/ <br>
/gsum pa gzhan skye 'gog pa las 'phros pa 'bras bu la dpyod pa yod med skye 'gog ni rnam par thar pa'i sgo nas smon pa med pa ston pa ste/ kha cig 'bras bu rgyu dus na yod pa'm med pa gang skye zhe na/ rang rgyud pa tha snyad du phyi (aa: 272 ba) ma khas len par grags mod kyang/ 'bras bu rgyu dus su yod na gzhan la ltos par grub zin pas rgyus ci bya zhing/ gtan med na ri rwa ltar rgyus ci yang byar med la/ gnyis yin mi 'thad pas gtan tshigs de legs par grub bo/ <br>
/bzhi pa rgyu 'bras gnyis ka la dpyod pa mu bzhi skye 'gog ni/ gong du bstan pa ltar 'khrul ngor ni sa bon gcig las myu gu gcig ces sogs mi 'gal yang/ rigs ngor ni rgyu gcig kho na las 'bras bu gcig kho na 'byung ba sogs mu bzhi skye ba mi 'thad de/ rigs ngor gcig nyid mi rigs la des du ma bden grub kyang khegs pas so/ <br>
/lnga pa dbu ma ba rnams kyis bden med sgrub pa'i rigs pa'i rgyal po rten 'brel chen po'i rtags ni/ rtsa she las/ rten cing 'byung ba gang yin pa/ /de ni ngo bo nyid kyis zhi/ /zhes gsungs te/ myu gu chos can/ bden par ma grub ste/ rten cing 'brel 'byung yin pa'i phyir/ zhes so/ <br>
/'di la'ng rtags pa'i mtha' sel tshul dang/ chad pa'i mtha' sel tshul gnyis las/ dang po ni/ phyi nang gi dngos po 'did dag chos can/ don dam par yod pa ma yin te/ rten 'brel yin pa'i phyir/ gnyis pa ni/ yang de chos can/ tha snyad du med pa ma yin te/ rten 'brel yin pa'i phyir zhes pa'o/ <br>
/de ltar lnga po 'di dag thal 'gyur bas ni gzhan la grags su 'dod cing/ rang rgyud pas ni rang rgyud kyi gtan tshigs su 'dod do/ <br>
/mdor na lugs 'dir bdag dang gzhan la sogs pa bzhi'i sgo nas skye ba ni cung zad kyang med la skye ba yod par ni 'jig rten na grags pas de ltar bshad de/ 'jug pa <br>
<br>
===Sheja Dzo Chapter 6.3 volume2 (page 538)===
<br>
las/ gang phyir 'jig rten sa bon tsam btab nas/ /bdag gis bu 'di skyed ces smra byed cing/ /zhing yang btsungs so snyam du rtogs des na/ /(aa: 273 na) gzhan las skye ba 'jig rten las kyang med/ /ces so/ <br>
/gnyis pa gang zag bdag med sgrub pa rnam bdun shing rta'i rigs pa ni/ 'jug pa las/ shing rta rang yang lag las gzhan 'dod min/ /gzhan min ma yin de ldan yang ma yin/ /yan lag la med yan lag dag der med/ /'dus tsam ma yin dbyibs min ji bzhin no/ <br>
/zhes shing rta rang gi yan lag gzer bu sogs las gzhan ma yin pa sogs lna po'i steng du tshogs pa dang dbyibs la dpyad pa ste brtags don rnam pa bdun gyis btsam na shing rta de rang gi yan lag nyid dang de las gzhan du mi rnyed pa bzhin du/ bdag kyang phung po las gzhan nam phung po nyid du brtags don rnam pa bdun gyis btsal na mi rnyed cing/ de la dbyibs dang tshogs pa ni dbyibs can dang tshogs pa can las gzhan du mi rnyed pas zhar la khyegs so/ <br>
/don dam dngos nyid blo 'das spros mi 'jug/ /mtha' brgyad sel sogs spros gcod tha snyad tsam/ /de ltar gtan tshigs kyis bsgrub pa de nyid kun rdzob gzhan sel gyi sgo nas don dam sgrub pa lta bu ma yin te/ don dam pa dngos nyid ni blo dang smra rtog gi yul las ring du 'das pas blo'i spros pa gang yang mi 'jug pa'i phyir/ des na skye 'gag rtag chad/ 'gro 'ong/ gcig tha dad de mtha' brgyad kyi spros pa sel ba la sogs pa'i choga spros pa rnams ni kun rdzob kyi spros pa gcod pa la gzhan gags dang sgo bstun pa'i tha snyad tsam du sbyar ba yin no/ <br>
/dam bca' blo yin blo ni kun rdzob ste/ /de phir dam bca' khas len rang rgyud med/ /skye med sogs kyang <br>
<br>
===Sheja Dzo Chapter 6.3 volume2 (page 539)===
<br>
dam bca' ma yin te/ /gdod nas ma gub dngos zhen bzlog pa'i phyir/ /de bzlog dngos med 'dzin pa'ng spang bar gsungs/ /ji tsam du dam bca' ba de thams cad/ (aa: 273 ba) ni blo'i byed pa yin cing/ blo ni 'khrul shes kun rdzob pa yin pa de'i phyir thal 'gyur ba la dam bca' dang khas len rang rgyud pa med la/ skye med dang spros bral la sogs pa rnams kyang rang ryud kyi dam bca' 'god pa ma yin te/ tshig tu brjod pa ni chos dang gang zag la sogs pa gdod nas ma grub kyang phyi rol pa dang rang sde;i dngos smra ba rbnams sgro skur gyi mthar ltung bas dngos por zhen pa bzlog pa'i phyir dang/ dngos zhen de nyid bzlog nas dngos med du 'dzin pa'i blo nyid kyang spong ba'i phyir blo 'das dang 'dzin med la sogs pa gsungs te/ zhi ba lhas/ gang tshe dngos dang dngos med dag/ /blo yi mdun na mi gnas pa/ /de tshe rnam pa gzhan med pas/ /dmitt pa med par rab tu zhi/ /zhes gsungs pa ltar ro/ <br>
/grub mthar skye med spros bral zhir zhugs las/ /dzin stangs med pa nan gyis gsungs pa yin/ /lugs 'di'i rigs pas dpyad pa'i grub mthar yang skye med spros pa thams cad dang bral ba'i zhi bar zhugs pa las/ dmigs gtad kyi 'dzin stangs med pa 'phags pa yab sras thams cad kyis nan gyis gsubngs pa yin no/ <br>
/gnyis pa lam dbu ma thabs shes zung 'jug ni/ thabs shes zung sbyor mngon sum rtogs pa yi/ /ye shes rjes thob rten sogs dbye ba yi/ /sa bcu rim bgrud/ /ces pa ste/ slob dpon zla ba'i zhabs kyis/ mdo sde sa bcu pa nas gsungs pa'i thabs kyi cha dang/ rtsa ba shes rab nas gsungs pa'i shes rab kyi cha gnyis zung 'jig tu sbyar nas bshad pa yin la/ de sbyor ba'i tshul yang/ sa bcu dang pha rol tu phyin pa bcu rim gyis sbyar nas bshad cing/ don dam pa'i ngo bo ni/ spros pa mtha' dag dang bral ba'i chos nyid mngon sum <br>
<br>
===Sheja Dzo Chapter 6.3 volume2 (page 540)===
<br>
(aa: 274 na) du rtogs pa'i ye shes shig yin la/ chos nyid rtogs tshul ni/ 'phags pa'i ye shes kyis chos rnams kyi ngo bo cir yang ma gzigs pa la chos nyid rtogs pa'i tha snyad mdzad pa yin te/ ma mthong ba nyid de mthong bar/ /shin tu zab pa'i mdo las gsungs/ /zhes gsungs lpa ltar ro/ <br>
/ye shes de la rjes thob kyi cha nas sbyin sogs kyi yon tan gyi rten du gyur pa la sogs pa'i dbye bas cung zad phye ba yin gyi/ ye shes de'i rang gi ngo bo la ni dbye ba yod pa ma yin te/ ye shes dang chos nyid dbyer med cing/ chos nyid kyi ngo bo la dbye ba med pa'i phyir no/ <br>
/gsum pa 'bras bu dbu ma sku gnyis zung 'jug ni/ sku gnyis zung 'jug bzhed/ /ces pa ste/ dngos btags ma phye ba'i sgo nas chos kyi sku dang gzugs kyi sku las/ dang po'i ngos 'dzin ni/ sgrib gnyis bag chags dang bcas a ma lus par spangs pa'i dbyings nam mkha' lta bu zhig la chos kyi sku zhes bya ste/ dbu ma 'jug pa las/ shes bya'i bud shing skam po ma lus pa/ /bsregs pas zhi de rgyal rnams chos sku ste/ /de tshe skye ba med cing 'gag pa med/ /sems 'gag pa de sku yis mngon sum mdzad/ /ces gsungs pa ltar ro/ <br>
/'o na lugs 'di la sangs rgyas kyi sa na ye shes yod dam med ce na/ 'di la rje btsun grags pa'i zhabs kyis ni/ slob dpon zla ba grags pa'i lugs la sangs rgyas kyi sa na ye shes med par 'dod pa ni/ slob dpon dang sangs rgyas gnyis ka la skur ba 'debs pa yin no/ <br>
/zhes gsungs/ chos rje sa skya pannddi ta ni don dam par sangs rgyas kyi sa na yod med las 'das shing/ tha snyad du ye shes de sems sems byung la 'dod na/ sangs rgyas kyi sa na med de/ sangs rgyas la 'khrul pa zad pa'i phyir zhes (aa 274 ba) gsungs/ rje mi bskyod zhabs dang/ zi lung pann chen sogs kyis don dam par sangs rgyas kyi sa na <br>
<br>
===Sheja Dzo Chapter 6.3 volume2 (page 541)===
<br>
ye shes yod med las 'das shing/ tha snyad du ni ye shes yod par bzhed de/ mkhyen bzang khyod kyis skad cig gcig gis shes bya thams cad mkhyen/ zhes pas so/ <br>
/'o na sangs rgyas kyi ngos 'dzin chos nyid nam mkha' lta bu zhig la byed na/ sangs rgyas kyis gzhan don mi byed pa yin nam zhe na/ de ni sangs rgyas kyi sngon gyi smon lam dang/ gdul bya'i bsod nams kyi dbang gis gzugs sku gnyis las gzhan don rgyun mi chad du 'byung ba yin te/ dper na yid bzhin gyi nor bu dang/ dpag bsam gyi shing rnams la rnam par rtog pa med kyang/ gzhan gyis gsol ba btab na dgos 'dod 'byung ba bzhin te/ 'jug pa las/ zhi sku dpag bsam shing ltar gsal gyur cing/ /yid bzhin nor bu ji bzhin rnam mi rtog/ /'gro sgrol bar du 'jig rten 'byor slad rtag /de ni spros dng bral la snang bar 'gyur/ /zhes gsungs pa ltar ro/ <br>
/bzhi pa grub mtha'i don gtso bor bsdu ba ni/ rtog ges btags spong dngos kun ming rkyang tsam/ /'dus byas slu chos slu med mya ngan 'das/ /srid rtsa bden 'dzin des bskyed nyon sgrib yin/ /theg gsum gzigs tshul mtshungs phyir mthong lam gcig /shes bya nub pas sangs rgyas gzhan snang tsam/ /grub mtha' 'di yi khyad chos gtso bo'o/ <br>
/lugs 'di'i grub mtha'i khyad par mang yang gtso che ba lnga ste/ rigs ngor lta zhog dbu ma rang lugs kyi dang 'jig rten lugs gnyis ka'i tha snyad tsam du'ng rang rgyud pa man chad kyi rtog ges btags pa'i tshad ma dang tshad min gyi rnam gzhag kun spong ste/ phyi nang rgyu 'bras kyi chos kun (aa: 275 na) yul rang ngos nas tha snyad tsam du'ng ma grub pa'i blos brtags ming rkyang btags yod nyid du bzhed pa ste/ rmi lam dang sad pa'i rta glang la bden rdzun mtshungs par bshad pa dang/ /'dus byas yin na rang grub dus kyi skad cig gnyis par mi sdod cing skad cig la bya byed med <br>
<br>
===Sheja Dzo Chapter 6.3 volume2 (page 542)===
<br>
pas/ rigs pas dpyad mi bzod pa ma zad rigs ngor grub pa tsam yang med pas slu chos rdzun pas khyab pa'i phyir 'dus byas dang tshad grub kyi gzhi mthun med par bzhed la/ legs par dpyad na myang 'das dand de las lhag pa'i chos kyang rang ngos nas grub pa med mod/ cubng zad dpyad ngor slu ba med pa ni mya ngan 'das pa bden gcig pu/ /gang tshe sangs rgyas rnams gsungs pa/ /zhes pa ltar myang 'das kho na yin par bzhed pa dang/ /srid pa'i rtsa ba ni bden 'dzin yin la de dang des bskyed pa'i chags sogs nyon mongs 'khor bcas thams cad nyon sgrib kho na yin gyi/ 'khor gsum rnam par rtog pa gang/ /de ni shes bya'i sgrib par 'dod/ /ces dang/ shes sgrib gzung 'dzin gyi rnam rtog brgya rtsa zhes sogs bden 'dzin dang shes sgrib kyi gzhi mthun gtan mi bzhed de/ ji srid phung por 'dzin yod pa/ /zhes sogs ltar bden 'dzin 'khor ba'i rtsa bar nges pa'i phyir/ zhes bzhed la/ 'dis ni nyan rang la chos kyi bdag med rtogs pa med du mi rung ba yang grub bo/ <br>
/theg pa gsum gyi mthong lam la skad cig bcu drug dang bco lnga dang bcu gnyis dang bzhi sogs du ma med de/ 'jug pa las de nyid yul can blo gros 'di yang tha dad 'gyur ba ma yin te/ zhes theg gsum chos nyid gzigs tshul gcig par bzhed pa dang/ /sangs rgyas kyi gzugs sku dang phrin las bsam yas brjod kyis mi lang ba rnams yid bzhin (aa: 275 ba) gyi nor bu dang mkha' lding gi mchod sdong bsgrubs pa bzhin du rtog pa med par ma zad/ sems bskyed pa tsam yang mi dgos par sngon gyi smon lam dang gdul bya'i las bzang po'i dbang gis de dang de'i gzhan snang gi rnam rol kho na yin te/ /sangs rgyas rang ngor 'phags pa lhas/ /ma rig rmongs pa'i gnyid sad na/ /'khor ba 'di dag mi dmigs so/ <br>
/zhes shes pa dang shes bya'i snang ba mtha' dag nub pa'i phyir sangs rgyas <br>
<br>
===Sheja Dzo Chapter 6.3 volume2 (page 543)===
<br>
gzhan snang tsam du bzhed pa rnams so/ <br>
/bod phyi rabs pa rnams kyis/ lutt 'dir dgag phyogs kyi dam bca' bzhi/ sgrub phyogs kyi dam bca' bzhi ste thun mng ma yin pa'i dam bca' chen po brgyad lyod par bshad de/ dang po ni/ tha snyad du'ng rang gi mtshan nyid kyis grub par khas mi len pa/ tha snyad du'ng rang rgyud kyi gtan tshigs khas mi len pa/ tha snyad du'ng rang rig khas mi len pa/ tha snyad du'ng kun gzhi khas mi len pa rnams so/ <br>
/gnyis pa bzhi ni/ phyi rol gyi don khas len pa/ bden 'dzin lla nyon sgrib kyis khyab pa/ zhig pa dngos por khas len pa/ nyan rang 'phags pas chos kyi bdag med rtogs pa rnams so/ <br>
/de la gser mdog pann chen yab sras rnams ni/ nyan rang 'phatt pas chos kyi bdag med rtogs zhes pa'i ming tsam zhig ma gtogs gzhan bdun po dbu ma thal 'gyur bas rmi lam du'ng mi rmi ba'i grub mtha' yin gsungs/ rje brgyad pa'ng phgal cher de dang mtshubngs pa bzhed do/ <br>
/gnyis pa dbu ma gzhan stong gi lugs 'chad pa la gsum/ lugs srol spyir bstan/ rnam gzhag bye brag tu 'chad/ 'phros don snying la gdams pa'o/ <br>
/dang po ni/ byams pa'i dgongs pa thogs med mched kyis bkral/ /rnal 'byor (aa: 276 na) spyod dang don dam rnam nges kyi/ /lugs gnyis lta ba'i ngo bor khyad med kyang/ /theg gsum la sogs byams chos dang po'i lugs/ /mthar thug theg gcig ma rig bag chags sa/ /zag med las skye rgyud bla'i dgongs pa ste/ /thun mong thun min spros gcod don dam tshul/ /rje btsun byams pa'i chos sde thogs med sku mched kyis bkral ba'i grub mtha' spyi phyogs glang dang blo brtan sogs slob brgyud bzang la mang ba rnams kyis rgya cher bshad/ thun mong ma yin pa'i grub mtha' slob ma mchog rnams snyan nas snyan du brgyud pa'i tshul gyis gnas pa/ bod du lo tsaa ba gzu btsan gnyis las <br>
<br>
===Sheja Dzo Chapter 6.3 volume2 (page 544)===
<br>
brgyud/ grub chen yu mo sogs kyis yig cha'i srol thog mar gtod cing/ rgyal ba'i dbang po rang byung rdo rje/ kun mkhyen dri med 'od zer sos kyi gsung rab rnams su lta ba'i gnad thun mong ma yin pa de ches gsal bar mdzad cing de'ng nges don mthar thug tu gsal bar zhal gyis bzhes la/ khyad par gzhan stong dbu ma zhes pa'i seng ge'i sgra sgrog pa ni/ chos rje kun mkhyen dol po pa chen po ste/ phyis su gser mdog pann chen dang/ rje btsun sgrol ba'i mgon po sogs kyis kyang grub mtha'i gnad thun mong ma yin pa ches gsal ba'i shing rta'i srol chen po dbye bar mdzad par snang gno/ <br>
/de dag gi bzhed srol la'ng nang gses phra rags kyi khyad par ci cigs mchis kyang gtso bor bsdu na/ byams chos dang po gsum gyi 'chad tshul rnal 'byor spyod pa'i dbu ma pa dang/ rgyud bla ma'i 'chad tshul don dam rnam par nges pa'i dbu ma pa gnyis su yod pa zi lung pann chen bzhed/ de'ng lugs gnyis lta ba'i ngo bo la khyad par cher med kyang/ mthar thug theg pa gsum du bshad pa dang/ sogs khongs nas (aa: 276 ba) rgyud bla nas 'byung ba'i 'char tshul 'ga' zhig mi mdzad pa ni byams chos dang po'i lugs lyin la/ mthar thug theg pa gcig tu bshad pa dang/ ma rig bag chags kyi sa dang/ zag med las kyi skye ba len pa zhes bya ba'i 'chad tshul rnams ni rgyud bla ma'i dogngs pa yin te/ de dag kyang gdul bya thun mong dang thun mong ma yin pa gnyis la thos bsam gyi spros pa gcod pa dang/ sgom pas don dam rnam par nges pa'i 'chad tshul du shes par bya'o/ <br>
/mthar thug theg gsum 'chad pas dbu ma'i gzhung du mi 'gyur ba bod phal mo ches 'chad kyang/ phyogs 'di 'dzin pa'i slob dpon dag gis ni/ nyan rang lhag med du mya ngan las 'das nas theg pa chen po'i lam du mi 'jug par bshad pa tsam gyis dbu ma ma yin par 'chad mi nus te/ dbu mar 'jog <br>
<br>
===Sheja Dzo Chapter 6.3 volume2 (page 545)===
<br>
pa ni lta ba'i cha nas yin la/ mkhas pa'i dbang po padma'i ngang tshul sogs kyis/ shes bya thams cad stong pa nyid du ro gcig pa dang/ sems can thams cad la khams bde bar gshegs pa'i snying pos khyab pa dang/ thams cad 'tshang rgya bar rung ba dbu ma pa'i khyad chos su bshad pa de dag 'di la'ng yod pa'i phyir ro gsungs/ jo nang kun mkhyen chen pos/ byams chos sde lnga kar lta ba mi 'dra ba med/ rang stong gi lta ba mngon rgyan nas ma bshad/ mthar thug theg gsum dang rigs chad gang du'ng 'chad pa med gsungs nas gzhan stong dbu ma la mchog dman gyi dbye ba 'di gnyis mi mdzad do/ <br>
/bod rnams kyis byams pa'i gzhung gsum gyi dbu ma'i lugs 'di la sems tsham rnams rdzxun pa'i lugs zhes 'chad kyang / spyir sems tsam pa gzhir byas kyi rnam bden rdzun gyi tha snyad ni bod rnams kyis rang dgar btags par zad (aa: 277 na) la/ don snang gi shes pa don du snang ba'i rnam pa bden pa dang rdzun par sgrub pa'i skabs gnyis tsam zhig ni gzhung rnams su 'byung ngo/ <br>
/khyad par pann chen shaak mchog pa'i zhal nas/ rgyud bla ma'i lta ba sems tsam gyi lta ba yin par 'dod na/ de der sgrub byed kyi lung dang rigs pa ni yod pa ma yin te/ lugs 'di la tshad mar gyur pa'i lung dang rigs pa ni mi 'byung/ srol gzhan nas drngs pa'i lung dang rigs pa la sgrub pa dang sun 'byin par byed na ni/ dbu ma'i lta ba ma nor bar khas len pa'i dbu ma pa ni mi rnyed pa'i phyir dang/ rje btsun byams pa dang thogs med kyis dbu mar bshad pas der mi 'grub na ni/ bstan pa 'di la tshad mar gyur pa'i dpang po gzhan mi rnyed pa'i phyir/ legs ldan 'byed dang ka ma la shrii las ni/ 'phags pa yin pa dang/ bde bar gshegs pas lung bstan pa'i gtan tshigs kyis klu sgrub kyi gzhung lugs dbu mar bsgrubs la/ de ni 'di la'ng yod pa'i phyir ro/ <br>
/yongs grub don dam pa'i bden <br>
<br>
===Sheja Dzo Chapter 6.3 volume2 (page 546)===
<br>
par bshad pas dbu mar mi 'gyur na ni/ stong nyid med dgag gi cha don dam pa'i bden par 'dod pa'i bod snga phyi mang po dang dbu ma pa nyid du zi ltar 'gyur/ de bas na byams pa dang thogs med kyi rang lus la ni/ byams pa'i chos phyi ma nas bstan pa'i dbu ma 'di nyid las logs su gyur pa'i dbu ma'i lta ba ston byed kyi bka' dang bstan bcos gzhan yod par mi 'chad pa ni/ byams pa'i gzhung rtsa ba kho nar ma zad/ bsdu ba bzhi dang/ sdom rnam gnyis kyi gzhung bklags pa tsam gyis shes par 'gyur ba yin te/ chos thams cad ngo bo nyid med par ston pa'i mdo sgra ji bzhin pa ma yin pa nyid du gsal bar bshad pa dang/ de sgra ji bzhin par khas blangs na chad par smra ba (aa: 277 ba) nyid du 'gyur ro/ <br>
/zhes lugs 'di nyid las gsal bar 'gyur ba'i phyir ro/ <br>
/zhes sogs gsungs so/ <br>
/gnyis pa rnam gzhag bye brag tu 'chad pa la gsum/ bden pa gnyis gtan la 'bebs tshul/ sems tsam gyi skyon las grol tshul/ rang stong gzhan stong khyad par 'byed tshul sogs bshad pa'o/ <br>
/dang po ni/ dang po yang dag min rtog kun rdzob yod/ /gzung 'dzin blos btags tsam lyin yod pa min/ /spros bal ye shes de yi chos nyid tshul/ /de la glo bur dri ma'ng 'bral rung yod/ /de'ng dbus mtha' rnam 'byed las/ yang dag ma yin kun rtog yod/ /de la gnyis po yod ma yin/ /stong pa nyid ni 'di la yod/ /de la yang ni de yod do/ <br>
/stong pa ma yin mi stong min/ /de lta bas na thams cad bshad/ /yod pas med pas yod pas na/ /de ni dbu ma'i lam yin no/ <br>
/zhes gsungs te/ dang po kun rdzob kyi spros pa gcod pa'i dbang du byas nas/ snang ba sna tshogs par 'char ba'i shes pa yang dag min rtog tsam ni kun rdzob tu yod la/ de la snang ba'i gzung cha dang 'dzin cha <br>
<br>
===Sheja Dzo Chapter 6.3 volume2 (page 547)===
<br>
ni blos btags pa tsam yn pa'i phyir/ kun rdzob tu'ng yod pa ma yin no/ <br>
/des na kun rdzob bden pa'ng mtha' gnyis las grol ba yin te/ kun rtog kun rdzob tu yod pa tsam khas blangs pas med mtha' dang chad mtha' las grol la/ gzung cha 'dzin cha sogs ltos chos sgro btags thams cad las 'das pas rtag mtha' dang yod mtha' las grol ba yin no/ <br>
spros bral stong pa nyid kyi ye shes de ni/ rnam shes yang dag min rtog de la chos nyid de la chos nyid kyi tshul du bden par yod cing/ dri bcas kyi skabs na chos nyid de la rnam shes de chos can dri ma glo bur ba (aa: 278 na) bral rung/ spang bya dri ma bden med kyi ngo bor yod ces bya ste/ des na don dam bden pa'ng mtha' gnyis dang bral ba zhes bya ste/ stong nyid bden grub dang/ kun rtog sogs gzung 'dzin gnyis bsdus kyi chos thams cad bden med yin pa'i hyir/ yod med rtag chad kyi mtha' las 'das pa yin no/ <br>
kun rdzob 'khrul snang tsam yin ngo bos stong/ /chos nyid 'gyur med ngo bos stong pa min/ /de lta bas na kun rdzob gzung 'dzin ni 'khrul pa'i snang bar shar ba tsam ma gtogs rang gi ngo bos grub rgyu med pa'i phyir rang gi ngo bos stong la/ rang gzhan gnyis kyis zlas phye ba'i gzhan gyi ngo bor grub pa shes bya la mi srid pa'i phyir/ rnam pa kun tu stong pas mi stong pa min la/ ye shes chos nyid de ni rang gi ngo bos gdod ma nas grub cing nam du'ng 'gyur ba med pa'i phyir rang gi ngo bos stong pa ma yin zhing rtag tu yod pas so/ <br>
/kun brtags med la gzhan dbang kun rdzob yod/ /yongs grub kun rdzob med kyang don dam yod/ /'o na mdo rnams su chos dbyings de'ng stong par gsungs pa ma yin nam zhe na/ spyir stong pa dang stong nyid yin kyang/ rng gi ngo bos stong pa yin mi dgos te/ ye shes rang las gzhan gyi mtshan nyid can spros pa'm gzung 'dzin thams cad kyis stong pas stong nyid ces bya'o/ <br>
/de la kun brtatt/ <br>
<br>
===Sheja Dzo Chapter 6.3 volume2 (page 548)===
<br>
gzhan dbang/ yongs grub ste mtshan nyid gsum las kun brtags ni nam mkha' la sogs pa dngos med thams cad dang/ rnam rtog la shar ba'i gzugs sogs yul gyi snang cha rnams dang/ ming la don du zhen pa dang/ don la ming du 'khrul ba'i ming don gyi 'brel ba dang/ phyi nang mtha' dbus/ che chung bzang ngan phyogs dus sogs blos sgro btags kyis gzung bya thams cad do/ <br>
/gzhan dbang ni gzung 'dzin gyi dngos por snang ba'i (aa: 278 ba) rnam par shes pa tsam ste/ ma rig pa'i bag chags kyi gzhan dbang du gyur pa'i snang ba yin pa'i phyir ro/ <br>
/yongs grub ni rang rig rang gsal spros pa thms cad dang bral ba de yin te/ chos nyid dang chos dbyings dang/ de bzhin nyid dang/ don dam pa rnams ming gi rnam grangs so/ <br>
/de la gzhan dbang dang kun brtags gnyis bden par med mnyam dang/ 'khrul snang yin mnyam dang/ kun rdzob dang rdzun pa yin mnyam yin kyang/ mtshan nyid so sor dbye dgos pa ni/ kun brtags kun rdzob tu'ng med la/ gzhan dbang kun rdzob tu yod pa yin cing/ yongs grub ni kun rdzob tu med la don dam du yod pas bden par yod pa'o/ <br>
/de gsum btags yod rdzas yod spros med yod/ /med dang yod dang don dam stong pa nyid/ /mtshan nyid skye ba don dam ngo bo med/ /mtshan nyid de gsum yang kun brtags ni btags pas yod pa dang/ gzhan dbang ni rdzs su yod pa dang/ yongs grub ni de gnyis su yod pa min yang spros med du yod pa'o/ <br>
/de bzhin du/ kun brtags ni med pa'i stong nyid/ gzhan dbang ni yod pa'i stong nyid/ yongs grub ni don dam stong nyid ces bya ste/ ruje btsun gyis/ med pa'i stong pa nyid shes shing/ /di bzhin yod pa'i stong nyid dang/ rang gzhin stong pa nyid shes na/ /stong nyid shes pa zhes brjod do/ <br>
/zhes so/ <br>
/gzhan yang kun brtags ni mtshan nyid ngo bo nyid med pa/ gzhan dbang ni skye <br>
<br>
===Sheja Dzo Chapter 6.3 volume2 (page 549)===
<br>
ba ngo bo nyid med pa/ yongs grub ni don dam ngo bo nyid med pa ste/ ngo bo nyid ni rnam gsum gyi/ /ngo bo nyid med rnam gsum la/ brten nas chos rnams thams cad ni/ rang bzhin med par bstan pa yin/ /ces gsungs so/ <br>
/de phyir shes bya thams cad stong nyid kyis/ /khyab cing (aa: 279 na) yongs grub rang ngo kun rdzob kyi/ /chos dang ma 'brel mtshan mtshon gzhi gsum spangs/ /spros bral rtag pa cha med kun 'gror bzhed/ /rnam gzhag gzhan dag sems tsam pa dang mthun/ /de'i phyir 'di'i lugs su shes bya thams cad la stong pa nyid dang ngo bo nyid med pas khyab par bzhed cing/ yongs grub bden grub tu yod na de la skye 'gag gnas gsum/ 'gro 'ong 'gyur ldog phyogs dus gcig dang du ma sogs yod dam zhe na ma yin te/ de rnams yod na bden med yin pas khyab cing/ 'di ni kun rdzob kyi chos de rnams gang dang yang ma 'brel ba ste/ skye 'gag gnas gsum 'gro 'ong mned cing/ gcig du ma/ rgyu dang 'bras bu ma yin pa/ rang gi ngo bos mtshan nyid/ mtshon lbya/ mtshan gzhi gsum ka spangs shing phyogs dus sogs spros pa thams cad dang bral ba'i phyir rang bzhin gyis rtag pa/ de la dum bu tha dad dbye ru med pa'i phyir cha med yin la/ chos thams cad kyi chos nyid yin pa'i phyir kun 'gro dang kun khyab tu bzhed cing/ gzhi lam 'bras bu'i rnam gzhag gzhan dag phal mo che sems tsam pa dang mthun par smra'o/ <br>
/gnyis pa ni/ rnam rdzun rnam shes ngo bo bden grub smra/ /blo yi yul gyur 'dir ni ye shes nyid/ /bden grub bzhed kyang 'dus ma byas pa'i phyir/ /don dam dngos por smra ba'i skyon las grol/ /bod du grags pa'i sems tsam rnam rdzun pa'i lugs su kun gzhi'i rnam par shes pa'i ngo bo bden grub tu smra bar bshad pas rnam shes ni blo'i yul du gyur pas dngos por smra ba yin la/ <br>
<br>
===Sheja Dzo Chapter 6.3 volume2 (page 550)===
<br>
lugs 'dir ni rnam shes las 'das pa spros pa thams cad dang bral ba'i ye shes kyi ngo bo nyid bden grub tu bzhed kyang/ spros bral gyi ye shes de 'dus ma byas yin pa'i phyir don dam gyi (aa: 279 ba) bden a dngos por smra ba'i skyon thams cad las grol bar gsungs so/ <br>
/gsum pa ni/ gzhan stong rang stong kun rdzob stong tshul dang/ /mnyam gzhag spros mtha' 'gog la khyad par med/ /rjes thob tha snyad chos nyid yod med dang/ /dpyad mthar ye shes bden grub ma grub khyad/ /don dam bden pa'ng rang bzhin ma grub pa'i/ /med dgag tsam ni bem stong yin par 'dod/ /gnyis stong ye shes rang rig nyid la 'jog /mdo sngags mtshams sbyor zab mo'i lta bar bzhed/ /dbu ma gzhan stong dang rang stong gnyis su gratt pa gnyis kar kun rdzob kyis bsdus pa'i chos thams cad stong pa nyid du gtan la 'bebs pa'i tshul dang/ mnyam gzhag tu spros pa'i mtha; thams cad 'gog pa la khyad par med kyang/ rjes thob grub mtha' shan 'byed pa'i skabs tha snyad kyi khas len tsam du chos nyid de bzhin nyid yod do zhes pa dang/ med do zhes pa'i shes brjod kyi tha snyad 'dogs tshul dang/ don dam dpyod byed kyi rigs pas dpyad pa mthar thug pa'i tshe na gnyis med kyi ye shes bden par grub pa dang ma grub pa'i lta ba'i khad par yod do/ <br>
/des na gzhan stong smra ba rnams kyis ni/ kun brtags gzhan dbang gnyis kun rdzob/ yongs grub don dam bden par bzhed cing de'ng bden par ma grub pa'i med dgag tsam du lta ba ni bem stong ste kun rdzob kyi stong tshul yin gyi don dam stong pa nyid kyi gnas lugs ni ma yin par 'dod cing/ de ni mdor na gzung 'dzin gnyis tong gi ye shes so so rang rig pa la 'jog lugs 'di ni rgyud sde chen po rnams kyi dgongs pa dang ches mthun pas mdo sngags gnyis mtshams sbyor ba'i zab mo'i lta ba dbu <br>
<br>
===Sheja Dzo Chapter 6.3 volume2 (page 551)===
<br>
ma'i lugs srol rnams kyi rtse mor sor pa'ng bzhed do/ <br>
/'dir gzhan gyis brtags (aa: 280 na) pa'i mtha' bsal ba snying po bsdus pa/ rje btsun sgrol pa'i mgon po'i gsung las/ gzhan dag ldkar gshegs pa las/ bde gshett snying po mtshan dpe can yod na mu stegs pa'i bdag dang mtshungs par 'gyur ba min nam zhes zhus pas/ lan du/ mi mtshungs te stong pa nyid yin pa'i phyir zhes gsungs pas bde gshegs snying po bden med yin cing/ mtshan dpe sogs yod na mu stegs pa'i lugs su 'gyur bas/ nam mkha' ltar cir yang ma grub pa zhig la bde gshegs snying po zhes lbya'o/ <br>
/zhes zer ba ni stong nyid yin tshad bden med kyi don dang/ rnam med cir yang ma grub pa tsam la ngos 'dzin pa rang gi grub mtha' ngan pa la zhen pa'i blo skyon yin cing/ mdo las kyang/ mu stegs dang mi mtshungs pa'i rgyu mthsan stong nyid yin par bkod kyi mtshan dpe med pa ma bkod pa'i phyir/ mtshan dpe gsal rdzogs lkyi bde gshegs snying po drang don du bshad zer ba yang rdzun gyis 'jig rten bslu ba tsam ldu zad do/ <br>
/yang snying po rtag par 'dod pa mu stegs kyi lugs so zer ba yang snying po'i mdo rnams la dgag pa byed par zad la/ rtag pa'i don rgyun gyis rtag pa la 'dod pa'ng lmi 'thad de/ rgyun gyis rtag pa tsam ni 'khor ba dang bzung 'dzn kun yang yin pa'i phyir dang/ rgyun gyis rtag pa tsam gyis rtag pa'i go chod na 'dus byas thams cad kyang rtag par 'gyur ro/ <br>
/dang po dri bcas yin pa phyis dri med du 'gyur bas mi rtag pa yin no snyam lna/ chos dbyings kyi ngos nas dang po dri bcas ma yin la/ phyis dri med d song ba yang ma yin mod/ dri bcas dang dri med du 'gro tshul ni gang zag gi rgyud la ltos nas yin pa'i phyir/ sxems can lgnas skabs 'gyur bas chos nyid gnas skabs 'gyur bar mi 'gro'o/ <br>
/sems can gyi rgyud la sangs (aa: 280 ba) rgyas kyi ye <br>
<br>
===Sheja Dzo Chapter 6.3 volume2 (page 552)===
<br>
shes yod pa ni mi 'thad do snyam na/ sangs rgyas ye shes sems can tshogs zhutt phyir/ /zhes dngos su gsungs pa dang 'gal lo/ <br>
/sems can gyi rgyud la sangs rgyas kyi yon tan yod pa mi 'thad de/ dper mtshon na/ gnas dang gnas ma yin pa mkhyen pa'i stobs sems can gyi rgyud la yod na/ gnas dang gnas ma yin pa thams cad sems can gyis shes par thal lo/ <br>
/zhes zer ba'ang yang dag pa ma yin te/ sems can gyi rgyud yin tshad sangs rgyas yin no zhes kho bo cag ni mi 'dod pa'i phyir dang/ sems can gyi rgyud la sangs rgyas dang de'i yon tan bzhugs pas der thal na/ gdan khri la sangs rgyas bzhugs pa na/ gdan khris kyang shes bya thams cad shes par thal bar 'gyur ram/ des na sems can gyi rgyud rnam par shes pa'i tshogs brgyad sangs rgyas ga la yin cing/ de la gzhugs pa'i sangs rgyas kyang kun rdzob rten brten pa'i tshul gyis bzhugs pa ma yin la/ don dam chos nyid kyi tshul gyis bzhugs pa yin no/ <br>
/zhes gsungs so/ <br>
/gsum pa 'phros don snying la gdams pa ni/ /bod ston phal cher lugs 'di sems tsam zhes/ /byams gzung thogs med mched bcas dman par 'dzin/ /thub bstan nam mkha'i rgyan gyur nyi zla ni/ /shing rta gnyis kyi gzhung lugs kho na ste/ /gzhung phran rgyu skar brag cha'i rjes zlos kyi/ /phyogs zhen spangs nas mtshungs par 'jug par rigs/ /bod kyi ston pa snga phyi phal mo che rnams dang/ rgya gar du'ng pannddi ta phal pa kha cig gis lugs 'di sems tsam pa'i grub mtha'o zhes dbu ma'i gral nas 'bud par ma zad/ mkhas pa de dag gi dgongs pa ji lta bar longs par bshad srol gyi rjes su zlo bar rlom pa du ma dag gis/ (aa: 281 na) rje btsun byams pa'i gzhung lugs dang/ 'phags pa thogs med sku mched bcas sems tsam pa'o zhes 'phags pa klu sgrub sogs <br>
<br>
===Sheja Dzo Chapter 6.3 volume2 (page 553)===
<br>
dang mchog dman chen por yod lpar 'dzin cing de la brten nas chos spong gi las mtha' yas pa zhig kyang bsags par gyur to/ <br>
/thub bstan nam mkha'i rgyan gcig pu ba nyi zla gnyis dang mtshungs pa ni shing rta chen po gnyis kyi gzhung lugs kho na las gzhan du ma mchis pas/ de dag dang bstun na pannddi ta phal pa'i gzhung phran rgyu skar dang mtshungs pa rnams brag cha ltar rjes su zlos te ltar snang gi lung rigs mang pos dgag sgrub kyi spros pa lhur len cing/ phyogs rer zhen nas nyi tshe bar bshad pa'i 'bras bu rang gzhan mang po nyes pa'i gyang sa la sbyor bar byed pa de dag spangs nas/ shing rta gnyis kyi lugs mchog ni gcig gis gcig la 'gal ba 'du ba ma yin par phyi dang nang gi bdag nyid du gtso bor gnas pa'i phyir thos bsam sgom pa'i gnas la mtshungs pa kho nar 'jug par rigs so/ <br>
/de ltar yang ma haa pannddi ta shaakya mchog ldan gyi zhal nas/ thott med bzhed gzhung kun gzhi'i chos lugs dang/ /stong nyid gsum gyi rnam gzhag 'di med na/ /tshul chen gzhung gi sbyang gzhi sbyong byed dang/ /phyi nang gzhan gsum rnam gzhag gang gis 'chad/ /gnyis med ye shes ngo bos stong pa'i tshul/ /thal rang gzhung gis phye ba 'di med na/ /zab gsal ye shes bden par 'dzin pa dang/ /gya nom lhar zhen rtog pa gang gis spong/ /zhes dang/ bstan pa 'di la dbu ma ni rnam pa gnyis te/ rje btsun byams pa'i gzhung gi nges don gyi snying por gyur pa mthar thug pa dang/ klu grub zhabs kyi gzhung gi nges don gyi snying por gyur pa mthar thug pa'o/ <br>
/dang po ni/ gzung 'dzin gnyis med kyi (aa: 281 ba) ye shes so/ <br>
/de gang du 'byung ba ni rgyan gnyis 'byed gnyis dang/ rgyud bla ma'i bstan bcos su'o/ <br>
/lta ba de dbu ma'i lam du sgrub pa ni dbus dang mtha' rnam par 'byed pa'i bstan bcos so/ <br>
/de ji ltar yid la byed pa'i rim pa ston pa ni chos dang chos dang nyid rnam par 'byed pa'i <br>
<br>
===Sheja Dzo Chapter 6.3 volume2 (page 554)===
<br>
bstan bcos su'o/ <br>
/gnyis pa ni/ spros pa'i mtha' thams cad bkag pa'i med par dgag pa tsam mo/ <br>
de gang du 'byung ba'i bstan bcos ni rigs pa'i tshott yin la/ bstod pa'i tsogs su 'byung ba ni byams pa'i chos dang mthun no/ <br>
/de dag gang gis gtan la 'bebs pa'i srol 'byed ni gnyis te/ klu sgrub zhabs dang/ thogs med zhabs so/ <br>
/ji ltar gtan la lphab pa'i tshul ni gnyis te/ bden pa gnyis ngo bos stong par gtan la 'bebs pa rang stong gi lugs dang/ kun rdzob kyi ngo bo tsam zhig rang stong du gtan la phab pas don dam la spros pa chod pa gzhan stong gi lugs gnyis so/ <br>
/yang mngon rtogs rgyan gyi dgongs pa rang stong ltar 'chad pa 'phags seng gi lugs dang/ rigs tshogs kyi dgongs pa gzhan stong ltar 'chad pa 'jis med chos skyong zhabs kyi lugs gnyis kyang yod do/ <br>
/mdor na srol 'byed de bzhi ka'ng dbu ma'i lam nyid du mtshungs pa yin te/ de thams cad kyang tshad ldan gyi gzhung lugs dag las dbu ma'i lugs nyid du gsal bar gsungs pa'i phyir ro/ <br>
/de'ng rang stong gi tshul de dbu ma'i lam nyid du thal rang du smra ba'i slob dpon rnams kyis bshad pa yin te/ ji skad du/ rten cing 'brel bar 'byung ba gang/ /de ni stong pa nyid du bshad/ /de ni brten nas brtags pa ste/ /de ni dbu ma'i lam lyin no/ <br>
/zhes pa'i stong pa nyid de dbu ma rang stong la 'chad pa'i phyir/ gzhan stong gi tshul de dbu ma'i lam nyid du (aa: 282 na) thogs med sku mched kyis bzhed pa yin te/ ji skad du/ yod pas med pas yod pas na/ /de ni dbu ma'i lam yin no/ <br>
/zhes pa'i skabs kyi stong pa nyid de gzhan stong gi tshul la bzhed pa'i phyir/ de la gangs can pa dag 'di snyam du/ grub mtha' bzhi'i ya gyal du gyur pa'i dbu ma ni spyir thal rang gi srol gnyis dng/ de las kyang lches mchog tu gyur pa ni thal 'gyur bas phye ba'i lam kho na yin te/ ji skad du/ de nyid <br>
<br>
===Sheja Dzo Chapter 6.3 volume2 (page 555)===
<br>
bshad zin zab mo 'jigs rung 'di ni sngon goms nyid las skye bo yis/ /nges par rtogs 'gyur 'di ni gsan rgya che yang gzhan gyis thugs su chud mi 'gyur/ /zhes bshad pas so snyam na/ de la mgo mtshungs dang/ rnal ma'o/ <br>
/dang po ni/ 'o na dbu ma'i mchog tu gyur pa de gzhan stong gi tshul kho na la 'chad rigs par gyur te/ thogs med zhabs kyis de la der bshad cing/ rang stong gi tshul gyi lta ba de la skur ba 'debs pa'i lta ba dang/ dbang tha ma'i lta br bshad pa'i phyir/ des don ngos 'dzin pa'i skabs 'dir/ zla ba grags pa'i lung gis don gang zhig la dgag sgrub bya bar nus pa'i don de la thogs med zhabs kyi lung gis kyang dgag sgrub nus par mtshungs pa yin te/ mdo sde rnams kyi drang ba dang nges pa'i don 'byed pa'i slob dpon du lung bstan pa'i phyir/ mdor na 'phags yul du grub mtha' smra ba bzhi'i rtse mor gyur pa'i dbu ma de su yin la rtsod pa dang bcas pa yin te/ theg pa chen po'i slob dpon zla ba grags pas ni gzhan stong gi tshul de dbu mar mi 'chad cing/ bstan pa 'di la theg pa chen po'i slob dpon rtsod pa med cing 'gran zla thams cad dang bral ba'i slob dpon 'phags pa thogs med zhabs kyis ni rang stong gi tshul de dbu ma'i gzhung lugs ma yin par 'chad pa'i phyir/ gnyis pa ni/ klu sgrub kyi (aa: 282 ba) dgongs pa 'chad pa la rang stong gi 'chad lugs mchog tu 'gyur zhing/ rje btsun byams pa'i dgongs pa 'grel pa la gzhan stong gi tshul de mchog tu zab pa'i phyir/ phan tshun du gcig gi lung rigs kyis cig shos 'gog par mi nus so/ <br>
/de las gzhan du na thogs med zhabs kyi lung rigs dbang btsan par bya dgos te/ 'phags pa'i go 'phang brnyes shing nges don 'byed par lung bstan nas theg pa chen po'i srol 'byed kyi thog ma yin pa'i phyir/ zla ba grags pas kyang/ thogs med zhabs kyi 'chad tshul de klu sgrub zhabs kyi <br>
<br>
===Sheja Dzo Chapter 6.3 volume2 (page 556)===
<br>
dgongs pa ma yin par 'chad pa yin gyi/ thogs med zhabs kyis dbu ma'i don khong du ma chud par mi 'chad do/ <br>
/zhes sogs gsungs so/ <br>
/slob dpon 'di dag gis sems tsam pa dang rnam par rig par smra ba'ang tha dad du dbye ste/ tshul gnyis gcig sgrub las/ rnam rig pa dang sems tsam pa don gcig tu 'chad pa ni/ rig pa dang ye shes mtha' dag la sems sems byung gis khyab par khas len pa'i bod mang po'i 'grul pa de dang/ ye shes dang rnam shes kyi khyad par mi 'byed pa'i 'khrul pa de dagn/ bka' tha ma'i chos skad ji bzhin du ma bslab pa'i nyes pas kun nas bslangs pa yin te/ rnam rig pa dang sems tsam pa don gcig tu 'dod pa khyod kyis kyang/ ji skad du/ chos kyi dbyings las ma gtogs pa'i/ /'di ltar chos yod ma yin te/ /zhes pa'i lung de dang/ thog ma med pa'i dus kyi dbyings/ /chos rnams kun gyi gnas yin te/ /zhes pa'i mdo de dang/ /nga yis 'di kun khyab pa ste/ /'gro ba'i rang bzhin gzhan ma mthong/ /zhes dang/ rin chen sems las phyir phyogs pa'i sangs rgyas med cing sems can med/ (aa: 283 na) cs pa'i rgyud tshig de kha ton du byed pa'i don bsam pa nyid las dam bca' de mi 'thad pa nyid du go nus pa'i phyir ro/ <br>
/de'i shes byed kyang lung de dag nas byung ba'i chos dbyings dang zhes bya ba de/ gnyis su med pa'i ye shes dang rang bzhin chos sku la 'chad dgos par gzhung lugs de dang dag nyid du gsal ba'i phyir/ zhes sogs rgyas par 'byung ngo/ <br>
/grub mtha' 'di la dbu ma'i mtshan ni mdo nyid nas kyang gsungs te/ don dam pa stong nyid kyi mdo las/ gang na gang med pa de ni des stong pa nyid yin la/ 'di la lhag ma gang yin pa de ni 'dir yod pa ste/ 'di ni dbu ma'i lam stong pa nyid la lta ba yang dag pa phyin ci ma log pa'o/ <br>
/zhes sogs mnang du 'byung zhing/ dbu lma rgyan las/ de phyir gzugs <br>
<br>
===Sheja Dzo Chapter 6.3 volume2 (page 557)===
<br>
sogs sems nyid de/ /phyi rol nyid du mi 'dod do/ <br>
/sems tsam la ni brten nas su/ /phyi ril dngos med shes par bya/ /tshul 'dir brten nas de la yang/ /shin tu bdag med shes par bya/ /zhes dang/ klu'i bshes kyi sku gsum la 'jug pa las/ dbu ma'i lam zhes bya ba yang/ rnam rig tsam nyid ma gtogs pa/ /rigs pas brtags na 'dir gzhan ni/ /rnam pa kun tu mi 'thad do/ <br>
/zhes dang/ shaanntti pa'i dbu ma'i rgyan las/ byams pa thogs med kyis bshad cing/ klu sgrub kyang ni bzhed pa yi/ /tshad ma lung dang ldan pa yi/ /bden pa gnyis 'dir bshad par bya/ /zhes sogs 'byung ngo/ <br>
/gnyis pa zab mo gsang sngags kyi dbu ma bshad pa ni/ zab mo sngags kyi dbu ma chos kun gshis/ /rang bzhin 'od gsal bde chen khyad par can/ /gsal stong bde stong zung 'jug ye shes te/ /rim lnga sems 'grel sogs su gsal bar bstan/ /zab mo gsang sngags kyi tshul las byung ba'i dbu ma ni/ (aa: 283 ba) snyis med kyi ye shes gtso che bas rnal 'byor spyod pa'i dbu ma dang mthun shas che ste/ 'khor lo tha mar rgyas par gsungs pa'i sems kyi rang bzhin 'od gsal spros pa dang mtshan ma mtha' dag gis stong zhing rang gi ngo bo chos nyid kyi rig pa rang rig gi mtshan nyid can gdod ma nas chos thams cad kyi gshis tshul du lhun gyis grub pa gang yin pa de nyid gtso bor gtan la 'bebs shing nyams su len pa'i phyir ro/ <br>
/de'ng rang bzhin gyis 'do gsal ba/ bde ba chen pos khyad par du byas pa/ e yig stong pa nyid dang/ phong yig snying rje chen po/ <br>
gsal stong bde stong sogs zung du 'jug pa'i ye shes te/ de'i don rgyas pa rim lnga dang sems 'grel skor gsum sogs su gsal zhing rgyas par bstan pas de dag tu shes par bya dgos so/ <br>
/'dir thun mong gi bshad tshul mdor bsdus pa ni/ de la'ng bskyed rim dang 'brel ba'i dbu ma dang/ rdzogs rim dang 'brel ba'i dbu ma gnyis kyi/ dang po la'ang lha <br>
<br>
===Sheja Dzo Chapter 6.3 volume2 (page 558)===
<br>
sgrub pa'i gzhi dang/ des bsgrubs pa'i lha spros med du 'char ba'i tshul gnyis las/ dang po gzhan stong gi 'chad tshul ltar gnyis med kyi ye shes las grub pa yin te/ stong pa'i ngang las byung ba'i sa bon dang phyag mtshan ni chos dbyings ye shes las ma 'das pa'i phyir ro/ <br>
/des bsgrubs pa'i lha spros med du 'char tshul ni thog mar gsal stong gi sgo nas gtan la 'bebs te/ de la gsal ba ni rten brten par bcas pa'i lha'i dkyil 'khor gyi mtshan nyid dang skye mched thams cad gsal bar snang ba de'o/ <br>
/stong pa ni gsal snang de nyid la mtshan mar zhen na 'khor ba las ma 'das pa'i phyir gang du'ng mi 'dzin zhing cir yang mi rtog pa'o/ <br>
/rtog pa bkag tsam ni mya ngan las 'das pa yin mod kyang zung ' jug tu ma slebs pas (aa: 284 na) na dug bcas las ma 'das pa'o/ <br>
/des na zung 'jug gi sgo nas nyams su blangs nye lha'i snang ba de nyid gsal ba'i dus su stong zhing stong pa'i dus su'ng gsal bar shar bas gsal stong zung du 'jug pa'o/ <br>
/de la ni man ngag las 'khor 'das dbyer med ces bya zhing/ de'i tshe na yul snang stong zung 'jug dang shes pa gsal stong zung 'jug tu skye/ de las lang's pa'i rjes thob tu ni lha'i nga rgyal dang ma bral bas mtshan bcas kyi rnal 'byor la 'jug go/ <br>
/rdzogs rim dang 'brel ba'i dbu ma la'ang bskyed rim la zhen pa spong ba dang/ rdzogs rim dngos kyi ye shes gnyis la/ dang po ni/ rten brten pa'i dkyil 'khor thams cad ril 'dzin nam rjes gzhig gi sgo nas bsdus la ci yang mi dmigs pa'i ngang du 'jog pa ste/ 'di ni rang stong gi tshul dang rtog pa'i spros pa 'gog pa la mchog tu gyur kyang/ rang rig pa'i ye shes kyis myong byar ma bstan pa'i phyir/ rdzogs rim gyi ye shes dngos ma yin no/ <br>
/rdzogs rim dngos kyi ye shes la'ang gang nyams su myang bya dang/ myong byed kyi thabs dang/ mngon du gyur pa'i rim pa gsum las/ myang bya ni rang rig lhan cig byed pa bde ba hen po'i ye shes so/ <br>
/myong byed ni rang byin <br>
<br>
<br>
<br>
===Sheja Dzo Chapter 6.3 volume2 (page 559)===
<br>
rlabs kyi rim pa dang rang rig pa'i ye shes zhes bya zhing/ rtog bral ma 'khrul pa'i ye shes yin pas na dug med kyi lta ba yin mod/ dang por skyes tsam gyi tshe 'phags pa'i sar sleb pa ni ma yin te mtshon byed dpe'i ye shes su zad pa'i phyir/ 'di la ni bde stong zung 'jug gi ye shes dang zhu bde lhan skyes kyi ye shes zhes bya'o/ <br>
/'di yang bsdus rgyud thun mong ba rnams kyi dband du byas mod thun mong ma yin pa dus kyi 'khor lo'i dgongs pa dang sbyar ba'i zab gnad khyad par can ni gzhan du shes par bya'o/ <br>
/de ltar (aa: 284 ba) mdo snags kyi dbu ma'i dbye tshul de dag kyang yul can rtogs ris kyis khyad par du byas pa yin gyi/ yul spros bral gyi rang ngos nas khyad par med par gsungs so/ <br>
/bdun pa dbu ma rnams kyi bstan bya mdor bsdu ba ni/ kun rdzob ji ltar snang la skur mi 'debs/ /gnas lugs spros mtha' kun dang bral ba gzhi/ /shes rab zab mos mtshan mar 'dzin pa spong/ /snying rjes gzhan don bsod nams gsog pa lam/ /zhi ba chos sku mthar phyin gzugs kyi skus/ /rtog med 'gro don mdzad pa 'bras bu ste/ /dbu ma rnams kyi bstan bya der 'dus so/ <br>
/de ltar dbu ma'i lugs srol thams cad kyi bstan bya ma lus pa mdor bsdu na/ kun rdzob ji ltar snang ba la skur ba mi 'debs pas chad pa'i mtha' las grol zhing/ don dam pa'i gnas lugs spros pa'i mtha' thams cad dang bral bas rtag pa'i mtha' las grol ba ste de nyid gzhi dbu ma bden gnyis zung 'jug yin no/ <br>
/shes rab kyis chos gang la'ng mtshan mar mi 'dzin pas rtag pa'i mtha' las grol zhing/ snying rjes gzhan don du tshogs rgya chen po gsol pas chad pa'i mtha' las grol ba ste de nyid ni lam dbu ma tshogs gnyis zung 'jug yin no/ <br>
spros lpa'i mtshan ma thams cad nye bar zhi ba'i chos kyi sku brnyes pas rtag pa'i mtha' las grol zhing/ /gzugs sku gnyis kyis gdul bya mchog dman gyi don 'khor ba ji srid ma stong gi bar du mdzad as chad pa'i mtha' <br>
<br>
===Sheja Dzo Chapter 6.3 volume2 (page 560)===
<br>
las grol ba ste de nyid ni 'bras bu dbu ma sku gnyis zung 'jug yin te/ dbu ma thams cad kyi bstan bya'i don ni de gsum du 'du'o/ <br>
/rgyu mtshan nyid kyi theg pa rnam par gzhag pa skabs gsum pa'i 'grel pa'o/ <br>
/<br>
 
 
[[Category:Rimey Literature]]

Revision as of 10:41, 3 January 2006

Assemblage of Sugatas bde gshegs 'dus pa

Retrieved from "https://rywiki.tsadra.org/index.php?title=Sheja_Dzo_Chapter_6.3_Wylie&oldid=197902"