lo chen bE ro ts'a na

//shes rab kyi pha rol tu phyin pa brgyad stong pa/ bam po drug pa/ kO shi ka gzhan yang rigs kyi bu'am rigs kyi bu mo gang la la zhig gis 'dzam bu'i gling gi sems can de dag thams cad phyir mi 'ong ba'i

@67b 'bras bu la bkod na kO shi ka de ci snyam du sems/ ci rigs kyi bu'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo / /bcom ldan 'das kyis bka' stsal pa/

kO shi ka de bas kyang rigs kyi bu'am rigs kyi bu mo 'di chos bsod nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas nas/ mngon par dad pas mngon par dad pa la/ rab tu rtog pas rab tu rtog pa la/ lhag

par mos pas lhag par mos pa la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la lhag pa'i

bsam pas byin nam/ chung ngu na bri ba dang klag pa la yang snyom las med par sgrub pa dang / brtson pas de la 'dzin du 'jug pa dang yang dag par ston pa dang yang dag par 'god pa dang yang dag par gzengs stod pa dang yang dag par rab tu dga' bar byed pa dang / tshig

gis mtshon pa dang rnam par mtshon pa dang rjes su mtshon pa dang de la 'di'i don yang dag par ston pa dang/ de la 'di skad du rigs kyi bu khyod tshur sheg byang chub sems dpa'i las 'di la slobs shig /khyod kyis lam 'di la bslabs shing spyad de 'bad na myur du bla na med pa yang dag

par rdzogs pa'i byang chub mngon par rdzogs par 'tshang rgya bar 'gyur ro/ /mngon par rdzogs par sangs rgyas nas kyang sems can gyi khams gzhal du med par rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur

ro zhes smra zhing de ltar de'i sems rnam par sbyong ba dang the tshom med par byed pa dang tshig 'di skad du rigs kyi bu khyod 'di lta ste shes rab kyi pha rol tu phyin pa dang ldan pa'i chos de dag nyid thob bar gyis shig ces zer na/ kO shi ka rigs kyi bu'am rigs kyi bu mo snga med bas 'di nyid bsod

@68a */ /nams ches mang du skyed do/ /de ci'i phyir zhe na/ kO shi ka 'di las phyir mi 'ong pa'i 'bras bu rab tu 'byed do/ /kO shi ka yang 'dzam bu'i gling gi sems can thams cad phyir mi 'ong ba'i 'bras bu la bkod pa'i bsod nams mngon par 'du byed pa lta zhog /

kO shi ka gling chen po bzhi pa'i 'jig rten gyi khams na sems can ci snyad yod pa de dag thams cad kyang rigs kyi bu'am rigs kyi bu mo gang la la zhig gis phyir mi 'ong ba'i 'bras bu la bkod pa dang / kO shi ka yang gling chen po bzhi pa'i 'jig rten gyi khams kyi sems can thams cad phyir mi

'ong ba'i 'bras bu la bkod pa'i bsod nams mngon par 'du byed pa lta zhog /kO shi ka stong spyi phud kyi 'jig rten gyi khams na sems can ci snyeng yod pa de dag thams cad kyang rigs kyi bu'am rigs kyi bu mo gang la la zhig gis phyir mi 'ong ba'i 'bras bu la bkod pa dang / kO shi ka

yang stong spyi phud kyi 'jig rten gyi khams kyi sems can thams cad phyir mi 'ong ba'i 'bras bu la bkod pa'i bsod nams mngon par 'du byed pa lta zhog /kO shi ka stong gnyis pa bar ma'i 'jig rten gyi khams na sems can ci snyed yod pa de dag thams cad kyang rigs kyi bu'am rigs

kyi bu mo gang la la zhig gis phyir mi 'ong ba'i 'bras bu la bkod pa dang / kO shi ka yang stong gnyis pa bar ma'i 'jig rten gyi khams kyi sems can thams cad phyir mi 'ong pa'i 'bras bu la bkod pa'i bsod nams mngon par 'du byed pa lta zhog /kO shi ka stong gsum gyi stong chen

po'i 'jig rten gyi khams na sems can ci snyed yod pa de dag thams cad kyang rigs kyi bu'am rigs kyi bu mo gang la la zhig gis phyir mi 'ong ba'i 'bras bu la bkod pa dang / kO shi ka yang stong gsum gyi stong chen po'i 'jig rten gyi khams kyi sems can thams cad phyir mi 'ong ba'i

'bras bu la bkod pa'i bsod nams mngon par 'du byed pa lta zhog /kO shi ka stong gsum gyi stong chen po'i 'jig rten gyi khams gang g'a'i klung gi bye ma snyed na sems can ci snyed yod pa de dag thams cad kyang rigs kyi bu'am rigs kyi bu mo gang la la zhig gis phyir mi 'ong ba'i

@68b 'bras bu la bkod na/ kO shi ka de ci snyam du sems ci rigs kyi bu'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo/ /bcom ldan 'das kyis bka' stsal pa/ ko shi ka

de bas kyang rigs kyi bu'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas nas/ mngon par dad pas mngon par dad pa la/ rab tu rtog pas rab tu rtog pa la/ lhag par mos

pas lhag par mos ba la/ sems dang bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la lhag pa'i bsam pas byin nam/

chung ngu na bri ba dang klag pa la yang snyom las med par sgrub pa dang / brtson pas de la 'dzin du 'dug pa dang yang dag par ston pa dang yang dag par 'god pa dang yang dag par gzengs stod pa dang yang dag par rab tu dga' bar byed pa dang / tshig gis mtshon pa dang rnam par

mtshon pa dang rjes su mtshon pa dang de la bde'i don yang dag par ston pa dang / de la 'di skad du rigs kyi bu khyod tshur sheg byang chub sems dpa'i lam 'di la slobs shig /khyod kyis lam 'di la bslabs shing spyad da ? 'bad na myur du blan med pa yang dag par rdzogs pa'i byang chub

mngon par rdzogs par 'tshang rgya bar 'gyur ro/ /mngon par rdzogs par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de

ltar de'i sems rnam par sbyong ba dang the tshom med par byed pa dang / tshig 'di skad du rigs kyi bu khyod 'di lta ste shes rab kyi pha rol tu phyin pa dang ldan pa'i chos de dag nyid thob par gyis shig ces zer na/ kO shi ka rigs kyi bu'am rigs kyi bu mo snga ma de bas 'di nyid bsod nams

@69a */ /ches mang du skyed do/ /de ci'i phyir zhe na/ kO shi ka 'di las phyir mi 'ong ba'i 'bras bu rab tu 'byed do/ /kO shi ka gzhan yang 'dzam bu'i gling na sems can ci snyed yod pa de dag thams cad rigs kyi bu'am rigs kyi bu mo gang la la zhig gis dgra bcom pa nyid la

bkod na/ kO shi ka de ci snyam du sems ci rigs kyi bu'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo/ /bcom ldan 'das kyis bka' stsal pa/ kO shi ka de bas kyang rigs kyi bu

'am rigs kyi bu mo 'di ches bsod nams mang du skyed de/ gang shes rab kyi pha rol tu phyin pa 'di chung ngu na glegs bam du yang chud par byas nas/ mngon par dad bas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang

bas sems dang ba la/ lhag pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la lhag pa'i bsam pas byin nam/ chung ngu na bri ba dang klag pa la yang snyom las med

par sgrub pa dang brtson pas de la 'dzin du 'jug pa dang / yang dag par ston pa dang yang dag par 'god pa dang yang dag par gzengs stod pa dang yang dag par rab tu dga' bar byed pa dang tsheg gis mtshon pa dang rnam par mtshon pa dang rjes su mtshon pa dang de ya 'di'i don yang dag par

ston pa dang / de la 'di skad du rigs kyi bu khyod tshur sheg byang chub sems dpa'i lam 'di la slobs shig /khyod kyis lam 'di la bslabs shing spyad de 'bad na myur du blan med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /mngon par rdzogs

par sangs rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam bar sbyong ba dang the tshom med par byed pa dang / tshig 'di

@69b skad du rigs kyi bu khyod 'di lta ste shes rab kyi pha rol tu phyin pa dang ldan pa'i chos de dag nyid thob par gyis shig ces zer na/ kO shi ka rigs kyi bu'am rigs kyi bu mo snga ma de bas 'di nyid bsod nams ches mang du skyed do/ /de ci'i phyir zhe na/ ko shi ka 'di las dgra bcom

pa nyid kyang rab tu 'byed do/ /de la 'di ltar rigs kyi bu khyod ci lta ci ltar shes rab kyi pha rol tu phyin pa la slob pa de lta de ltar khyod kyis mthar gyis sangs rgyas kyi chos rnams 'thob par 'gyur zhing bla na med pa yang dag par rdzogs pa'i

[*LINE BREAK?] byang chub dang nye bar 'gyur ro/ /khyod kyis bslab pa 'di la bslabs shing spyad de 'bad na rgyun du zhugs pa'i 'bras bu rab tu 'byed par 'gyur ro/ /lan cig phyir 'ong ba'i 'bras bu rab tu 'byed par 'gyur ro/ /phyir mi 'ong ba'i 'bras bu rab tu 'byed par 'gyur ro/ /dgra bcom pa nyid rab tu 'byed par 'gyur ro/ /rang sangs rgyas

nyid rab tu 'byed par 'gyur ro/ /yang dag par rdzogs pa'i sangs rgyas nyid rab tu 'byed par 'gyur ro zhes spro ba 'phel bar byed par 'gyur ro/ /kO shi ka yang 'dzam bu'i gling gi sems can thams cad dgra bcom pa nyid la bkod pa'i bsod nams mngon par 'du byed pa lta zhog/

kO shi ka gling chen po bzhi pa'i 'jig rten gyi khams na sems can ci snyed yod pa de dag thams cad kyang rigs kyi bu'am rigs kyi bu mo gang la la zhig gis dgra bcom pa nyid la bkod pa dang / kO shi ka yang gling chen po bzhi pa'i 'jig rten gyi khams kyi sems can thams cad dgra

bcom pa nyid la bkod pa'i bsod nams mngon par 'du byed pa lta zhog /kO shi ka stong spyi phud kyi 'jig rten gyi khams na sems can ci snyed yod pa de dag thams cad kyang rigs kyi bu 'am rigs kyi bu mo sang ? la la zhig gis dgra bcom pa nyid la bkod pa dang / kO shi ka yang

stong spyi phud kyi 'jig rten gyi khams kyi sems can thams cad dgra bcom pa nyid la bkod pa'i bsod nams mngon par 'du byed pa lta zhog /kO shi ka stong gnyis pa bar ma'i 'jig rten gyi khams na sems can ci snyed yod pa de dag thams cad kyang rigs kyi bu'am rigs kyi bu

@70a */ /mo gang la la zhig gis dgra bcom pa nyid la bkod pa dang / kO shi yang stong gnyis pa bar ma'i 'jig rten gyi khams kyi sems can thams cad dgra bcom pa nyid la bkod pa'i bsod nams mngon par 'du byed pa lta zhog /kO shi ka stong gsum gyi stong

chen po'i 'jig rten gyi khams na sems can ci snyed yod pa de dag thams cad kyang rigs kyi bu'am rigs kyi bu mo gang la la zhig gis dgra bcom pa nyid la bkod pa dang / kO shi ka yang stong gsum gyi stong chen po'i 'jig rten gyi khams kyi sams can thams cad dgra bcom pa

nyid la bkod pa'i bsod nams mngon par 'du byed pa lta zhog /kO shi ka stong gsum gyi stong chen po'i 'jig rten gyi khams gang g'a'i klung gi bye ma snyed na sams can ci snyed yod pa de dag thams cad kyang rigs kyi bu'am rigs kyi bu mo gang la la zhig gis dgra bcom pa nyid la bkod na/

kO shi ka de ci snyam du sems ci rigs kyi bu'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo/ /bcom ldan 'das bsod nams kyi phung po de'i grangs su bgyi sla pa ma lags te/

bcom ldan 'das bsod nams gyi phung po de bgrang bar yang dper yang dpes bstan par bgyi bar yang rten du yang nye ba'i rgyur yang bgyi bsla ba ma lags so/ /bcom ldan 'das kyi bka' stsal pa/ kO shi ka de bas kyang rigs kyi bu'am rigs kyi bu mo 'di ches bsod nams mang du skyed

de; gang shes rab kyi pha rol tu phyin pa 'di chung dun glegs bam du yang chud par byas nas/ mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang pa la/ lhag pa'i bsam pa phun sum

tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems bskyed pa'i byang chub sems dpa' la lhag pa'i bsam pas byin nam/ chung ngu na brib dang klag pa la yang snyom las med par sgrub pa dang / brtson pas de la 'dzin du 'jug pa dang /

@70b yang dag par ston pa dang yang dag par 'gong pa dang yang dag par gzengs stod pa dang yang dag par rab tu dga' bar byed pa dang / tshig gis mtshon pa dang rnam par mtshon pa dang rjes su mtshon pa dang de la 'di'i don yang dag par ston pa dang / de la 'di skad du rigs kyi bu

khyod tshur sheg byang chub sems dpa'i lam 'di la slobs shig /khyod kyis lam 'di la bslabs shing spyad de 'bad na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /mngon par rdzogs par sangs rgyas nas kyang sems

can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par sbyong pa dang the tshom med par byed ba dang / tshig 'di skad du rigs kyi bu khyod

'di lta ste shes rab kyi pha rol tu phyin pa dang ldan pa'i chos de dag nyid thob par gyis shig ces zer na/ de bas 'di nyid bsod nams ches mang du skyed do/ /de ci'i phyir zhe na/ kO shi ka 'di las dgra bcom pa nyid rab tu 'byed do/ /de la 'di ltar rigs kyi bu khyod ci lta ci ltar shis

rab kyi pha rol tu phyin pa la slob pa de lta de ltar khyod mthar gyis sangs rgyas kyi chos rnams thob par 'gyur te bla na med pa yang dag par rdzogs pa'i byang chub dang nye bar 'gyur ro/ /byod 'di la bslabs shing spyad de 'bad na rgyun du zhugs pa'i 'bras bu rab tu 'byed par 'gyur ro/ /lan cig

phyir 'ong ba'i ba'i 'bras bu rab tu 'byed par 'gyur ro/ /phyir mi 'ong ba'i 'bras bu rab tu 'byed par 'gyur ro/ /dgra bcom pa nyid rab tu 'byed par 'gyur ro/ /rang sangs rgyas nyid rab tu 'byed par 'gyur ro/ /yang dag par rdzogs pa'i sangs rgyas nyid rab tu 'byed par 'gyur ro

zhes spro ba 'phel par byed par 'gyur ro/ /kO shi ka gzhan yang 'dzam bu'i gling gi sems can ci snyed yod pa de dag thams cad rigs kyi bu'am rigs kyi bu mo gang la la zhig gis rang sangs rgyas nyid la bkod na/ kO shi ka de ci snyam du sems ci rigs kyi bu'am rigs kyi bu mo de

@71a */ /de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo/ /bcom ldan 'das kyis bka' stsal pa/ kO shi ka de bas kyang rigs kyi bu'am rigs kyi bu mo 'di ches bsod nams

mang du skyed de/ gang shes rab kyi pha rol tu phyin pa 'di chung du na glegs bam du yang chud par byas nas/ mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag

pa'i bsam pa phun sum tshogs pas lhag pa'i bsam pa phun sum tshogs pa la/ byang chub tu sems bskyed pas byang chub tu sems skyed pa'i byang chub sems dpa' la lhag pa'i bsam pas byin nam/ chung ngu na bri ba dang klag pa la yang snyom las med par sgrub pa dang /

brtson pas de la 'dzin du 'jug pa dang yang dag par ston pa dang yang dag par 'god pa dang yang dag par gzengs stod pa dang yang dag par rab tu dga' bar byed pa dang tshig gis mtshon pa dang rnam par mtshon pa dang rjes su mtshon pa dang de la 'di'i don yang dag par ston pa dang / de

la 'di skad du rigs kyi bu khyod tshur sheg byang chub sems dpa'i lam 'di la slobs shig /khyod kyis lam 'di la bslabs shing spyad de 'bad na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /mngon par rdzogs par sangs

rgyas nas kyang sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par spyod pa dang the tshom med par byed pa dang / tshig 'di skad

du rigs kyi bu khyod 'di lta ste shes rab kyi pha rol tu phyin pa dang ldan pa'i chos de dag nyid thob par gyis shig ces zer na/ de bas 'di nyid ches bsod nams mang du skyed do/ /de ci'i phyir zhe na/ kO shi ka 'di las rang sangs rgyas nyid rab tu 'byed do/ /de la 'di ltar rigs kyi bu

@71b khyod ci lta ci ltar shes rab kyi pha rol tu phyin pa la slob par gyur pa de lta de ltar mthar gyis khyod sangs rgyas kyi chos rnams thob par 'gyur ro/ /bla na med pa yang dag par rdzogs pa'i byang chub dang nye bar 'gyur ro/ /khyod bslab pa 'di la slob cing spyad de 'bad na rgyun du zhugs pa'i

'bras bu rab tu 'byed par 'gyur ro/ /lan cig phyir 'ong ba'i 'bras bu rab tu 'byed par 'gyur ro/ /phyir mi 'ong ba'i 'bras bu rab tu 'byed par 'gyur ro/ /dgra bcom pa nyid rab tu 'byed par 'gyur ro/ /rang sangs rgyas nyid rab tu 'byed par 'gyur ro/ /yang dag par rdzogs

pa'i sangs rgyas nyid rab tu 'byed par 'gyur ro zhes spro ba 'phel bar byed par 'gyur ro/ /kO shi ka yang 'dzam bu'i gling gi sems can thams cad rang sangs rgyas nyid la bkod pa'i bsod nams mngon par 'du byed pa lta zhog /kO shi ka gling chen po bzhi ba'i 'jig rten gyi khams na

sems can ci snyed yod pa de dag thams cad kyang rigs kyi bu 'am rigs kyi bu mo gang la la zhig gis rang sangs rgyas nyid la bkod pa dang / kO shi ka yang gling chen po bzhi pa'i 'jig rten gyi khams kyi sems can thams cad rang sangs rgyas nyid la bkod pa'i bsod nams mngon par 'du byed

pa lta zhog /kO shi ka stong spyi phud kyi 'jig rten gyi khams na sems can ci snyed yod pa de dag thams cad kyang rigs kyi bu 'am rigs kyi bu mo gang la la zhig gis rang sangs rgyas nyid la bkod pa dang / kO shi ka yang stong spyi phud kyi 'jig rten gyi khams kyi sems can thams cad rang sangs rgyas

nyid la bkod pa'i bsod nams mngon par 'du byed pa lta zhog /kO shi ka stong gnyis pa bar ma'i 'jig rten gyi khams na sems can ci snyed yod pa de dag thams cad kyang rigs kyi bu 'am rigs kyi bu mo gang la la zhig gis rang sangs rgyas nyid la bkod pa dang/ kO shi ka yang

stong gnyis pa bar ma'i 'jig rten gyi khams kyi sems can thams cad rang sangs rgyas nyid la bkod pa'i bsod nams mngon par 'du byed pa lta zhog /kO shi ka stong gsum gyi stong chen po'i 'jig rten gyi khams na sems can ci snyed yod pa de dag thams cad kyang rigs kyi bu 'am rigs kyi bu

@72a */ /mo gang la la zhig gis rang sangs rgyas nyid la bkod pa dang/ kO shi ka yang stong gsum gyi stong chen po'i 'jig rten gyi khams kyi sems can thams cad rang sangs rgyas nyid la bkod pa'i bsod nams mngon par 'du byed pa lta zhog /kO shi ka stong gsum

gyi stong chen po'i 'jig rten gyi khams gang g'a'i klung gi bye ma snyed na sems can ci snyed yod pa de dag thams cad kyang rigs kyi bu 'am rigs kyi bu mo gang la la zhig gis rang sangs rgyas nyid la bkod na/ kO shi ka de ci snyam du sems ci rigs kyi bu 'am rigs kyi bu mo de de'i gzhi

las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo/ /bcom ldan 'das kyis bka' stsal pa/ kO shi ka de bas kyang rigs kyi bu 'am rigs kyi bu mo 'di ches bsod nams mang du skyed de/ gang

shes rab kyi pha rol tu phyin pa 'di chung ngu na glegs bam du yang chud par byas nas/ mngon par dad pas mngon par dad pa la/ rab tu rtog pas rab tu rtog pa la/ lhag par mos pas lhag par mos pa la/ sems dang bas sems dang ba la/ lhag pa'i bsam pa

phun sum tshogs pas lhag pa'i bsam pa phun sum tshogs pa la/ byang chub tu sems bskyed bas byang chub tu sems bskyed pa'i byang chub sems dpa' la lhag pa'i bsam pas byin nam/ chung ngu na bri ba dang klag pa la yang snyom las med par sgrub pa dang / brtson pas de la 'dzin du

'jug pa dang / yang dag par ston pa dang yang dag par 'god pa dang yang dag par gzengs stod pa dang yang dag par rab tu dga' bar byed pa dang / tshig gis mtshon pa dang rnam par mtshon pa dang rjes su mtshon pa dang de la 'di'i don yang dag par ston pa dang / de la 'di skad

du rigs kyi bu khyod tshur sheg byang chub sems dpa'i lam 'di la slobs shig /khyod kyis lam 'di la bslabs shing spyad de 'bad na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /mngon par rdzogs par sangs rgyas nas kyang

@72b sems can gyi khams gzhal du med pa rnams phung po yang dag par zad pa bla na med pa 'di lta ste yang dag pa'i mtha' rab tu 'byed pa la mngon par 'dul bar byed par 'gyur ro zhes smra zhing de ltar de'i sems rnam par sbyong ba dang the tshom med par byed pa dang / tshig 'di skad du rigs kyi bu

khyod 'di lta ste shes rab kyi pha rol tu phyin pa dang ldan pa'i chos de dag nyid thob par gyis shig ces zer na de bas 'di nyid bsod nams ches mang du skyed do/ /de ci'i phyir zhe na/ kO shi ka 'di las rang sangs rgyas nyid rab tu 'byed do/ /de la 'di ltar rigs kyi bu khyod ci lta ci ltar shes

rab kyi pha rol tu phyin pa la slob par 'gyur ba de lta de ltar mthar gyis khyod sangs rgyas kyi chos rnams thob par 'gyur ro/ /bla na med pa yang dag par rdzogs pa'i byang chub dang nye bar 'gyur ro/ /khyod bslab pa 'di la slob cing spyad de 'bad na rgyun tu zhugs pa'i 'bras bu rab tu

'byed par 'gyur ro/ /lan cig phyir 'ong ba'i 'bras bu rab tu 'byed par 'gyur ro/ /phyir mi 'ong ba'i 'bras bu rab tu 'byed par 'gyur ro/ /dgra bcom pa nyid rab tu 'byed par 'gyur ro/ /rang sangs rgyas nyid rab tu 'byed par 'gyur ro/ /yang dag par rdzogs pa'i sangs

rgyas nyid rab tu 'byed par 'gyur ro zhes spro ba 'phel bar byed par 'gyur ro/ /kO shi ka gzhan yang 'dzam bu'i gling gi sems can ci snyed yod pa de dag thams cad rigs kyi bu 'am rigs kyi bu mo gang la la zhig gis bla na med pa yang dag par rdzogs pa'i byang chub tu sems bskyed

du bcug pa dang/ kO shi ka rigs kyi bu 'am rigs kyi bu mo gzhan gang zhig gis de dag thams cad bla na med pa yang dag par rdzogs pa'i byang chub tu sems bskyed du bcug nas de dag la shes rab kyi pha rol tu phyin pa 'di bris te byin pa dang / kO shi ka rigs kyi bu 'am rigs kyi bu

mo gang la la zhig gis 'di ni shes rab kyi pha rol tu phyin pa 'di la slob par 'gyur zhing rnal 'byor du byed par 'gyur te 'di nyid kyis shes rab kyi pha rol tu phyin pa 'di sgom pa dang 'phel ba dang rgyas pa dang yangs par gyur pas sangs rgyas kyi chos rnams yongs su rdzogs par byed par 'gyur

@73a */ /ro snyam pas/ phyir mi ldog pa'i byang chub sems dpa' sems dpa' chen po la shes rab kyi pha rol tu phyin pa 'di nye bar gtad na rigs kyi bu 'am rigs kyi bu mo snga ma de bas 'di ches bsod nams mang du skyed do/ /de ci'i phyir zhe na/ 'di ni nges pa kho nar bla

na med pa yang dag par rdzogs pa'i byang chub mngon par rdzogs par sangs rgyas nas sems can rnams kyi sdug bsngal mthar 'byin par 'gyur ro/ /kO shi ka yang 'dzam bu'i gling gi sems can thams cad bla na med pa yang dag par rdzogs pa'i byang chub tu sems bskyed pa'i bsod

nams mngon par 'du byed pa lta zhog /kO shi ka gling chen po bzhi pa'i 'jig rten gyi khams na sems can ci snyed yod pa de dag thams cad rigs kyi bu 'am rigs kyi bu mo gang la la zhig gis bla na med pa yang dag par rdzogs pa'i byang chub tu sems bskyed pa dang/ kO shi ka

yang gling chen po bzhi pa'i 'jig rten gyi khams kyi sems can thams cad bla na med pa yang dag par rdzogs pa'i byang chub tu sems bskyed pa'i bsod nams mngon par 'du byed pa lta zhog /kO shi ka stong spyi phud kyi 'jig rten gyi khams na sems can ci snyed yod pa de dag thams cad

kyang rigs kyi bu 'am rigs kyi bu mo gang la la zhig gis bla na med pa yang dag par rdzogs pa'i byang chub tu sems bskyed pa dang/ kO shi ka yang stong spyi phud kyi 'jig rten gyi khams kyi sems can thams cad bla na med pa yang dag par rdzogs pa'i byang chub tu sems bskyed pa'i bsod

nams mngon par 'du byed pa lta zhog /kO shi ka stong gnyis pa bar ma'i 'jig rten gyi khams na sems can ci snyed yod pa de dag thams cad kyang rigs kyi bu 'am rigs kyi bu mo gang la la zhig gis bla na med pa yang dag par rdzogs pa'i byang chub tu sems bskyed pa dang / kO shi

ka yang stong gnyis pa bar ma'i 'jig rten gyi khams kyi sems can thams cad bla na med pa yang dag par rdzogs pa'i byang chub tu sems bskyed pa'i bsod nams mngon par 'du byed pa lta zhog /kO shi ka stong gsum gyi stong chen po'i 'jig rten gyi khams na sems can ci snyed yod pa

@73b pa de dag thams cad kyang rigs kyi bu 'am rigs kyi bu mo gang la la zhig gis bla na med pa yang dag par rdzogs pa'i byang chub tu sems bskyed pa dang / kO shi ka stong gsum gyi stong chen po'i 'jig rten gyi khams kyi sems can thams cad bla na med pa yang dag par rdzogs pa'i

byang chub tu sems bskyed pa'i bsod nams mngon par 'du byed pa lta zhog /kO shi ka stong gsum gyi stong chen po'i 'jig rten gyi khams gang g'a'i klung gi bye ma snyed na sems can ci snyed yod pa de dag thams cad kyang rigs kyi bu 'am rigs kyi bu mo gang la la zhig gis bla na med pa

yang dag par rdzogs pa'i byang chub tu sems bskyed du bcug pa dang / kO shi ka rigs kyi bu 'am rigs kyi bu mo gzhan gang la la zhig gis de dag thams cad bla na med pa yang dag par rdzogs pa'i byang chub tu sems bskyed du bcug nas de dag la shes rab kyi pha rol tu phyin pa 'di bris te

byin pa dang / kO shi ka rigs kyi bu 'am rigs kyi bu mo gang la la zhig gis 'di ni shes rab kyi pha rol tu phyin pa 'di la slob par 'gyur zhing rnal 'byor du byed par 'gyur te/ de ltar na 'di'i shes rab kyi pha rol tu phyin pa 'di lhag par sgom pa dang 'phel ba dang rgyas pa dang yangs par

gyur pas yongs su rdzogs par 'gyur ro snyam pas phyir mi ldog pa'i byang chub sems dpa' sems dpa' sems dpa' chen po la shes rab kyi pha rol tu phyin pa 'di nye bar gtad na kO shi ka rigs kyi bu 'am rigs kyi bu mo snga ma de pas 'di ches bsod nams mang du skyed par 'gyur ro/ /de ci'i phyir zhe na/

'di ni nges par bla na med pa yang dag par rdzogs pa'i byang chub mngon par rdzogs par sangs rgyas nas sems can rnams kyi sdug bsngal mthar 'byin par 'gyur ro/ /kO shi ka gzhan yang 'dzam bu'i gling gi sems can ci snyed yod pa de dag thams cad bla na med pa yang dag par rdzogs pa'i

byang chub las phyir mi ldog par gyur la/ de dag nyid la rigs kyi bu 'am rigs kyi bu mo gang la la zhig gis shes rab kyi pha rol tu phyin pa 'di glegs bam du bri bar byas nas byin zhing nye bar gtad de/ don dang bcas shing yi ge dang bcas pa ston na/ kO shi ka de ci snyam du sems ci

@74a */ /rigs kyi bu 'am rigs kyi bu mo de de'i gzhi las bsod nams mang du skyed dam/ brgya byin gyis gsol pa/ bcom ldan 'das mang ngo bde bar gshegs pa mang ngo/ /bcom ldan 'das bsod nams kyi phung po de grangs su bgyi bar slab ma lags te/ bcom

ldan 'das bsod nams kyi phung po de bgrang bar yang dper yang de bas bstan par bgyi bar yang rten du yang rgyur yang bgyi bar slab ma lags so/ /bcom ldan 'das kyis bka' stsal pa/ kO shi ka de bas kyang rigs kyi bu 'am rigs kyi bu mo 'di tshes bsod nams mang du skyed de/ gang

gis phyir mi ldog pa'i byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa de dag la/ shes rab kyi pha rol tu phyin pa 'di glegs bam du bri ba byas nas byin zhing nye bar gtad de don dang bcas shing

yi ge dang bcas pa nye bar ston pa dang shes rab kyi pha rol tu phyin pa 'di la 'doms shing rjes su ston pa'o/ /kO shi ka yang 'dzam bu'i gling gi sems can thams cad phyir mi ldog par gyur pa la shes rab kyi pha rol tu phyin pa 'di nye bar gtad pa'i bsod nams mngon par 'du byed pa lta zhog/

kO shi ka gling chen po bzhi pa'i 'jig rten gyi khams na sems can ci snyed yod pa de dag thams cad kyang bla na med pa yang dag par rdzogs pa'i byang chub las phyir mi ldog par gyur la de dag la yang rigs kyi bu 'am rigs kyi bu mo gang la la zhig gis shes rab kyi pha rol tu phyin pa 'di glegs

bam la bri ba byas nas byin zhing nye bar gtad la don dang bcas shing yi ge dang bcas pa nye bar ston pa dang/ kO shi ka yang gling chen po bzhi pa'i 'jig rten gyi khams kyi sems can thams cad phyir mi ldog par gyur pa la shes rab kyi pha rol tu phyin pa 'di nye bar gtad pa'i bsod nams

mngon par 'du byed pa lta zhog /kO shi ka stong spyi phud kyi 'jig rten gyi khams na sems can ci snyed yod pa de dag thams cad kyang bla na med pa yang dag par rdzogs pa'i byang chub las phyir mi ldog bang gyur la de dag la yang rigs kyi bu 'am rigs kyi bu mo gang la la zhig gis shes rab kyi

@74b pha rol tu phyin pa 'di glegs bam la bri ba byas nas byin zhing nye bar gtad de don dang bcas shing yi ge dang bcas shing yi ge dang bcas pa nye bar ston pa dang/ kO shi ka yang stong spyi phud kyi 'jig rten gyi khams kyi sems can thams cad phyir mi ldog par gyur pa la shes rab kyi pha rol tu phyin pa 'di nye bar

gtad pa'i bsod nams mngon par 'du byed pa lta zhog /kO shi ka stong gnyis pa bar ma'i 'jig rten gyi khams na sems can ci snyed yod pa de dag thams cad kyang bla na med pa yang dag par rdzogs pa'i byang chub las phyir mi ldog par gyur la de dag la rigs kyi bu 'am rigs

kyi bu mo gang la la zhig gis shes rab kyi pha rol tu phyin pa 'di glegs bam la bri ba byas nas byin zhing nye bar gtad de don dang bcas shing yi ge dang bcas shing yi ge dang bcas pa nye bar ston pa dang / kO shi ka yang stong gnyis pa bar ma'i 'jig rten gyi khams kyi sems can thams cad phyir mi ldog

par gyur pa la shes rab kyi pha rol tu phyin pa 'di nye bar gtad pa'i bsod nams mngon par 'du byed pa lta zhog /kO shi ka stong gsum gyi stong chen po'i 'jig rten gyi khams na sems can ci snyed yod pa de dag thams cad kyang bla na med pa yang dag par rdzogs pa'i byang chub las

phyir mi ldog par gyur la de dag la rigs kyi bu 'am rigs kyi bu mo gang la la zhig gis shes rab kyi pha rol tu phyin pa 'di glegs bam la bri ba byas nas byin zhing nye bar gtad de don dang bcas shing yi ge dang bcas pa nye bar ston pa dang / kO shi ka yang stong gsum gyi stong chen

po'i 'jig rten gyi khams kyi sems can thams cad phyir mi ldog par gyur pa la shes rab kyi pha rol tu phyin pa 'di nye bar gtad ba'i bsod nams mngon par 'du byed pa lta zhog /kO shi ka stong gsum gyi stong chen po'i 'jig rten gyi khams gang g'a'i klung gi bye ma snyed na sems can ci

snyed yod pa de dag thams cad kyang bla na med pa yang dag par rdzogs pa'i byang chub las phyir mi ldog par gyur la de dag la yang rigs kyi bu 'am rigs kyi bu mo gang la la zhig gis shes rab kyi pha rol tu phyin pa 'di glegs bam la bri ba byas nas byin zhing nye bar gtad de don dang bcas shing

@75a */ /yi ge dang bcas pa nye bar ston na/ kO shi ka de ci snyam du sems ci rigs kyi bu 'am rigs kyi bu mo de de'i gzhi las gsod nams mang du skyes dam/ brgya byin gyis gsol pa/ bcom ldan 'das mang ngo bde bar gshegs pa mang ngo/ /bcom ldan 'das bsod

nams kyi phung po de grangs su bgyi bar sla ba ma lags te/ bcom ldan 'das bsod nams kyi phung po de bgrang bar yang dper yang dpes bstan par bgyi bar yang rten du yang rgyur yang bgyi bar sla ba ma lags so/ /bcom ldan 'das kyis bka' stsal pa/ kO shi ka de bas kyang rigs

kyi bu 'am rigs kyi bu mo 'di ches bsod nams mang du skyed de/ gang gis phyir mi ldog pa'i byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa de dag la shes rab kyi pha rol tu phyin pa 'di glegs bam

du bri ba byas nas byin zhing nye bar gtad de don dang bcas shing yi ge dang bcas pa nye bar ston cing shes rab kyi pha rol tu phyin pa 'di 'doms shing rjes su ston pa dang/ kO shi ka de nas byang nub sems dpa' sems dpa' chen po gzhan zhig byung ste de 'di skad du bdag ni 'di dag bas ches myur

du bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes zer te/ kO shi ka rigs kyi bu 'am rigs kyi bu mo gang zhig gis mngon par shes pa shi tu myur ba'i byang chub sems dpa' sems dpa' chen po de la shes rab kyi pha rol tu phyin pa 'di 'doms

shing rjes su ston na rigs kyi bu 'am rigs kyi bu mo snga ma de bas 'di nyid ches bsod nams mang du skyed do/ /de nas bcom ldan 'das la lha rnams kyi dbang po brgya byin gyis 'di skad ces gsol to/ /bcom ldan 'das byang chub sems dpa' sems dpa' chen po ci lta ci ltar bla na med pa

yang dag par rdzogs pa'i byang chub nye bar gyur pa de lta de ltar shes rab kyi pha rol tu phyin pa la gdams par bgyi zhing rjes su bstan par bgyi ba lags so/ /de lta de ltar shes rab kyi pha rol tu phyin pa la gdams par bgyi ba dang rjes su bstan par bgyi ba lags pas de bzhin nyid la nye bar

@75b 'gyur ro/ /de bzhin nyid la nye bar gyur na gang dag gi gos dang bsod snyoms dang mal cha dang stan dang bro 'tshal ba'i gsos sman dang yo byad rnams yongs su spyad pa de dag gi bya ba byas pa de dag 'bras bu chen po dang sman yon chen por bgyid pa des na de bsod nams ches mang

du skyed do/ /de ci'i slad du zhe na/ bcom ldan 'das byang chub sems dpa' sems dpa' chen po de bla na med pa yang dag par rdzogs pa'i byang chub dang nye bar 'gyur pa 'di ni de lta bu nyid lags pa'i slad du'o/ /de nas tshe dang ldan pa rab 'byor gyis lha rnams kyi dbang po brgya

byin la 'di skad ces smras so/ /kO shi ka gang khyod byang chub sems dpa'i theg pa pa'i gang zag rnams la spro ba sbyin pa dang yongs su 'dzin pa dang rjes su sten par byed pa ni legs so legs so/ /kO shig khyod kyi bya ba ni 'di yin te/ 'phags pa nyan thos gang zhig sems can

thams cad rjes su 'dzin par byed 'dod pa des ni byang chub sems dpa' sems dpa' chen po rnams bla na med pa yang dag par rdzogs pa'i byang chub la spro ba 'phel bar byed pa dang yongs su 'dzin par byed pa dang rjes su sten par byed pa de ltar 'di bya ba yin no/ /de ci'i phyir zhe na/

byang chub sems dpa' sems dpa' chen po rnams kyi bla na med pa yang dag par rdzogs pa'i byang chub ni 'di las skyes te/ gal te byang chub sems dpa' sems dpa' chen po rnams kyis byang chub kyi sems 'di ma bskyed du zin na byang chub sems dpa' sems dpa' chen po de rnams bla na

med pa yang dag par rdzogs pa'i byang chub la slob par yang mi 'gyur zhing pha rol tu phyin pa drug la slob par yang mi 'gyur lam bslabs na ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur bzhig na/ gang gi phyir de ltar byang chub sems dpa'

sems dpa' chen po byang chub sems dpa'i bslab pa pha rol tu phyin pa drug po 'di dag la slob ste de'i phyir byang chub tu sems bskyed do/ /de'i phyir bla na med pa yang dag par rdzogs pa'i byang chub mngon par rdzogs par 'tshang rgya'o/ /'phags pa shes rab kyi pha rol tu phyin pa

@76a */ /brgyad stong pa las/ bsod nams kyi rnam grangs kyi le'u zhes bya ste lnga ba'o// //de nas byang chub sems dpa' sems dpa' chen po byams pas gnas brtan tshe dang ldan pa rab 'byor la 'di skad ces smras so/ /'phags pa rab 'byor gzhan

yang byang chub sems dpa' sems dpa' chen po'i rjes su yi rang ba yongs su bsngo ba dang ldan pa'i bsod nams bya ba'i dngos po gang yin pa dang / gang yang sems can thams cad kyi sbyin pa las byung ba'i bsod nams bya ba'i dngos po dang tshul khrims las byung ba'i bsod nams bya

ba'i dngos po dang bsgoms pa las byung ba'i bsod nams bya ba'i dngos po gang yin pa de dag las byang chub sems dpa' sems dpa' chen po'i rjes su yi rang ba yongs su bsngo ba dang ldan pa'i bsod nams bya ba'i dngos po 'di nyid mchog ces bya'o dam pa zhes bya'o gtso bo zhes bya'o rab ces

bya'o mchog rab ces bya'o gya nom pa zhes bya'o bla ma zhes bya'o bla na med pa zhes bya'o/ /gong na med pa zhes bya'o mnyam pa med pa zhes bya'o/ /mi mnyam pa dang mnyam pa zhes bya'o/ /de skad ces smras pa dang / gnas brtan tshe dang ldan pa rab 'byor gyis byang chub sems dpa'

sems dpa' chen po byams pa la 'di skad ces smras so/ /byams pa yang byang chub sems dpa' sems dpa' chen po gang gis thams cad nas thams cad du song ba'i phyogs bcu'i 'jig rten na stong gsum gyi stong chen po'i 'jig rten gyi khams gzhal du med pa'i gzhal du med pa/

grangs med pa'i grangs med pa/ tshad med pa'i tshad med pa/ bsam gyis mi khyab pa'i bsam gyis mi khyab pa/ mtha' yas mu med pa yod pa rnams kyi phyogs re re'i stong gsum gyi stong chen po'i 'jig rten gyi khams re rer 'das pa'i dus na gzhal du med pa'i gzhal du med pa/

grangs med pa'i grangs med pa/ tshad med pa'i tshad med pa/ bsam gyis mi khyab pa'i bsam gyis mi khyab pa/ mtha' yas mu med pa'i de bzhin gshegs pa dgra bcom pa yang dag par rdzogs pa'i sangs rgyas/ lam chad pa 'jug pa chad pa/ spros pa dang srid par

@76b 'dren pa chad pa mchi ma zad pa tsher ma bcom pa khur shin tu bor ba bdag gi don rjes su thob pa srid par sbyor ba yongs su zad pa yang dag par kun shes pas sems shin tu rnam par grol ba sems thams cad kyi dbang dam pa'i pha rol tu son pa/ phung po lhag ma med pa'i mya ngan las

'das pa'i dbyings su yongs su mya ngan las 'das pa de dag gi sems dang po bskyed pa nas bzung ste bla na med pa yang dag par rdzogs pa'i byang chub mngon par rdzogs pa'i sangs rgyas pa'i bar dang / phung po lhag ma med pa'i mya ngan las

'das pa'i dbyings su yongs su mya ngan las 'das pa'i bar dang / dam pa'i chos nub par ma gyur ba'i bar te/ de dag gi bar gyi sangs rgyas bcom ldan 'das de rnams kyi tshul khrims kyi phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes gzigs

pa'i phung pa dang / pha rol tu phyin pa drug dang ldan pa'i dge ba'i rtsa ba gang dag yin pa dag dang / sangs rgyas kyi yon tan phun sum tshogs pa dang ldan pa'i dge ba'i rtsa ba rnams dang / stobs dang mi 'jigs pa'i pha rol tu phyin pa dang ldan pa'i dge ba'i rtsa ba dang / de bzhin

du mngon par shes pa'i pha rol tu phyin pa dang ldan pa dang yongs su shes pa'i pha rol tu phyin pa dang ldan pa dang / smon lam gyi pha rol tu phyin pa dang ldan pa dang / thams cad mkhyen pa'i ye shes phun sum tshogs pa dang ldan pa'i dge ba'i rtsa ba gang yin pa rnams dang / phan par

bzhed pa gang yin pa dang byams pa chen po gang yin pa dang snying rje chen po gang yin pa dang sangs rgyas kyi yon tan gzhal du med pa grangs med pa gang yin pa dang / bla na med pa yang dag par rdzogs pa'i byang chub gang yin pa dang / bla na med pa yang dag par rdzogs pa'i byang chub

kyi bde ba gang yin pa dang/ chos thams cad la dbang phyug gi pha rol tu phyin pa gang yin pa dang / zil gyis ma non pa dpag tu med pa dang thams cad zil gyis non pa'i rdzu 'phrul mngon par 'du byed pa'i mchog gang yin pa dang / sgrib pa med pa ma chags pa thogs pa med pa

@77a */ /mnyam pa med ba mi mnyam pa dang mnyam ba dpe med dpag ga tu med pa de bzhin gshegs pa'i yang dag pa ci lta ba'i ye shes kyi stobs gang yin pa dang stobs kyi nang na sangs rgyas kyi ye shes kyi stobs gang yin pa dang / sangs rgyas kyi ye shes dang gzigs pa

gang yin ba dang/ stobs bcu'i pha rol tu phyin pa gang yin pa dang / mi 'dzigs pa bzhi mchog tu yongs su rdzogs par khong du chud pa gang yin pa dang / chos thams cad don dam par mngon par sgrub pas chos khong du chud pa gang yin pa dang / chos kyi 'khor lo rab tu

bskor ba gang yin pa dang / chos kyi sgron ma thogs ba dang chos kyi rnga rdung ba dang chos kyi dung 'bud pa dang chos kyi dung sgrogs ba dang chos kyi ral gri 'debs pa dang chos kyi char 'bebs pa dang chos kyi mchod sbyin sbyin pa dang chos kyi sbyin pas sems can thams cad yang dag par tshim

par mdzad cing yang dag par stobs pa dang/ gang yang chos bstan pa de dag dang sangs rgyas kyi chos rnams sam rang sangs rgyas kyi chos rnams sam nyan thos kyi chos rnams la/ gang dag btul ba dang bslabs pa dang mos par gyur ba dang nges par gyur ba dang rdzogs pa'i byang

chub la gzhol bar gyur pa gang dag yin pa de dag thams cad kyi dge ba'i rtsa ba gang yin pa rnams dang / sangs rgyas bcom ldan 'das de dag gis byang chub sems dpa' sems dpa' chen po gang dag bla na med pa yang dag par rdzogs pa'i byang chub tu lung bstan pa de dag gi pha

rol tu phyin pa drug dang ldan pa'i dge ba'i rtsa ba gang yin pa rnams dang / gang zag rang sangs rgyas gyi theg pa can gang dag rang sangs rgyas kyi byang chub la lung bstan pa de dag thams cad kyi dge ba'i rtsa ba gang yin pa rnams dang / gang zag nyan thos kyi theg pa can rnams kyi sbyin pa

las byung ba'i bsod nams bya ba'i dngos po dang tshul khrims las byung ba'i bsod nams bya ba'i dngos po dang bsgoms pa las byung ba'i bsod nams bya ba'i dngos po gang yin pa dang / slob pa'i zag pa med pa'i dge ba'i rtsa ba gang yin pa rnams dang / mi slob pa'i zag pa med

@77b ba'i dge ba'i rtsa ba gang yin pa rnams dang / so so'i skye bo gang dag gis chos de dag la dge ba'i rtsa ba bskrun pa rnams dang / sangs rgyas bcom ldan 'das de dag gi 'khor bzhi po dge slong rnams dang dge slong ma rnams dang dge bsnyen rnams dang dge bsnyen ma rnams kyi sbyin pa las

byung ba'i bsod nams bya ba'i dngos po dang tshul khrims las byung ba'i bsod nams bya ba'i dngos po dang bsgoms pa las byung ba'i bsod nams bya ba'i dngos po gang yin pa rnams dang / der sangs rgyas bcom ldan 'das chos ston pa de dag la lha dang klu dang gnod sbyin dang dri za dang lha ma

yin dang nam mkha' lding dang mi'am ci dang lto 'phye chen po dang mi dang mim yin pa gang dag dang byol song gi skye gnas su song ba'i sems can gang de dag thams cad kyis dge ba'i rtsa ba bskrun pa gang yin pa rnams dang/ sangs rgyas bcom ldan 'das de dag yongs su mya ngan las 'da'

la yang gang gis dge ba'i rtsa ba bskrun pa gang dag yin pa dang / sangs rgyas bcom ldan 'das de dag yongs su mya ngan las 'das pa la yang gang gis dge ba'i rtsa ba bskrun pa gang dag yin pa dang / sang rgyas bcom ldan 'das la brten pa dang chos la brten pa dang dge 'dun

rnams la brten pa dang yid kyis bsgoms pa'i gang zag dag la brten nas dge ba'i rtsa ba bskrun pa gang yin pa'i dge ba'i rtsa ba de dag thams cad ma lus shing lus pa med par gcig tu mngon par bsdus te bsdoms shing gzhal nas rjes su yi rang ba'i mchog gis rjes su yi rang ste/ dam pa dang

gtso bo dang rab dang rab mchog dang gya nom pa dang bla ma dang bla na med ba dang gong na med pa dang mnyam pa med pa dang mi mnyam pa dang mnyam pa'i rjes su yi rang bas rjes su yi rang la de ltar rjes su yi rang nas rjes su yi rang ba dang ldan pa'i bsod nams bya ba'i dngos po de bla na med pa yang dag par rdzogs

pa'i byang chub tu yongs su bsngo'o zhes bla na med pa yang dag par rdzogs ba'i byang chub sgrub par gyur cig snyam pas ngag tu brjod par bya ba yin te/ de la gang zag byang chub sems dpa'i theg pa can dag dngos po gang dag dang dmigs pa gang dag dang rnam pa gang dag gis yongs su

@78a */ /bsngo zhing sems de skyed pa na cig dngos po de dag dang dmigs pa de dag dang rnam pa de dag ci ltar mtshan mar byas pa de bzhin du dmigs sam/ de skad ces smras pa dang / byang chub sems dpa' sems dpa' chen po byams pas gnas brtan tshe dang ldan pa rab

'byor la 'di skad ces smras so/ /btsun pa rab 'byor dngos po de dag dang dmigs pa de dag dang rnam pa de dag ci ltar mtshan mar byas pa de bzhin du mi dmigs so/ /de skad ces smras pa dang / gnas brtan tshe dang ldan pa rab 'byor gyis byang chub sems dpa' sems dpa' chen

po byams pa la 'di skad ces smras so/ /gal te de dngos po med pa dang dmigs ba med pa la dmigs par byed cing mtshan mar byed na ci ltar 'di 'du shes phyin ci log pa dang sems phyin ci log pa dang lta ba phyin ci log par mi 'gyur/ de ci'i phyir zhe na/ 'di ltar 'dod chags

kyang dngos po med bzhin du mi rtag pa la rtag pa dang sdug bsngal ba la bde ba dang bdag med pa la bdag dang mi sdug pa la sdug par rnam par brtags shing kun tu brtags nas 'du shes phyin ci log pa dang sems phyin ci log pa dang lta ba phyin ci log par 'byung ngo/ /gzhan yang

dngos po ci lta ba dang dmigs pa ci lta ba dang rnam pa ci lta ba bzhin du byang chub kyang de bzhin sems kyang de bzhin yin na de ltan chos thams cad dang khams thams cad kyang de bzhin no/ /gal te yang dngos po ci lta ba dang dmigs pa ci lta ba dang rnam pa ci lta ba bzhin du byang chub kyang

de bzhin sems kyang de bzhin yin na/ des na dngos po gang dag dang dmigs pa gang dag dang rnam pa gang dag gis sems gang zhig bla na med pa yang dag par rdzogs ba'i byang chub tu yongs su sngo bar byed pa 'am/ rjes su yi rang ba dang ldan pa'i bsod nams bya ba'i dngos po gang

zhig bla na med pa yang dag par rdzogs pa'i byang chub gang du yongs su sngo bar byed/ de nas byang chub sems dpa' sems dpa' chen po byams pas tshe dang ldan pa gnas brtan rab 'byor la 'di skad ces smras so/ /'phags pa rab 'byor 'di ni theg pa la gsar du zhugs pa'i

@78b byang chub sems dpa' sems dpa' chen po'i mdun du bshad par mi bya bstan par mi bya'o/ /de ci'i phyir zhe na/ de la gang dad pa tsam dang dga' ba tsam dang mos pa tsam dang gus pa tsam dang yod pa de dag thams cad kyang 'jig par 'gyur ro/ /'phags pa rab 'byor phyir mi

ldog pa'i byang chub sems dpa' sems dpa' chen po'i mdun du 'di bshad par bya'o nye bar bstan par bya'o/ /byang chub sems dpa' sems dpa' chen po gang dge ba'i bshes gnyen gyis nye bar brtan par gyur pa de yang 'di la mi 'gong kun tu mi zhum bag mi tsha/ bag 'khums

par mi 'gyur 'di'i yid phyir phyogs par mi byed bcom zhing phyir phyogs par mi 'gyur mi dngang kun tu mi skrag kun tu skrag pa dang ldan par mi 'gyur ro/ /de ltar byang chub sems dpa' sems dpa' chen pos rjes su yi rang bar byas nas rjes su yi rang ba dang ldan pa'i bsod nams bya ba'i dngos po thams cad mkhyen pa nyid du yongs su bsngo bar bya'o//