lha sras mu rub btsad po

//shes rab kyi pha rol tu phyin pa ba rgyad stong pa/ bam po bcu bzhi pa/ rab 'byor 'di lta ste dper na skyes bu shes rab 'chal pa'i rang bzhin can zhig rgya mtsho'i gru mig tshags ma byas shing ma bcom pa bcing ba bcings nas ring du lon pa zhig chu'i nang du drangs nas der rdzas bskyas te gang zhing khal gyis non pa'i nang du zhugs par gyur na/ rab 'byor gru de ni 'di lta ste

'di lta bur 'jig pa'i chos can du 'gyur te chu'i pha rol du ma rgal bar de'i rdzas kyang gzhan du 'gyur la gru de yang gzhan du 'gro bar rig par bya ste/ de ltar ded dpon thabs mi mkhas pa 'chal pa'i shes rab can de nor chen po dang bral ba dang phrad par 'gyur te rin po che'i 'byung

gnas chen po las yongs su nyams bar 'gyur ro/ /rab 'byor de bzhin du byang chub sems dpa' la la zhig bla na med pa yang dag par rdzogs pa'i byang chub mngon par rdzogs par 'tshang rgya bar dad pa yod bzod pa yod sred pa yod 'dun pa yod brtson 'grus yod bag byed pa

yod mos pa yod lhag pa'i bsam ba yod gtong ba yod gus par byed pa yod dga' ba yod mgu ba yod dang ba yod rab tu dga' ba yod brtson pa mi gtong ba yod kyang/ de shes rab kyi pha rol tu phyin pas yongs su ma bzung zhing thabs mkhas pa dang bral bar gyur na rab 'byor

byang chub sems dpa' de ni thams cad mkhyen pa'i rin po che'i 'byung gnas mthob pa nyid du bar mdor chud zos shing yi gsod par 'gyur te/ rang gi don chen po las yongs su nyams par 'gyur zhing gzhan gyi don chen po'i rin po che'i phung po las yongs su nyams par

@160b 'gyur te/ 'di lta ste/ thams cad mkhyen pa'i don chen po'i rin po che'i 'byung gnas las yongs su nyams par 'gyur bar rig par bya'o/ /rab 'byor yang byang chub sems pa'i bar ma dor chud za ba gang zhe na/ 'di lta ste nyan thos kyi sa 'am rang sangs rgyas

kyi sa'o/ /rab 'byor 'di lta ste dper na ded dpon mkhas pa'i rang bzhin can gyis rgya mtshor 'jug pa'i gru bcing ba legs par bcings mig tshags bya ba legs par byas nas bcos par bya ba legs par bcos te chu'i nang du drangs nas rdzas bskyas te gang bar byas

nas legs par bshams shing mthun pa'i rlung dang sbyar te de gang du 'gro bar 'dod pa'i phyogs su mthar gyis song na/ rab 'byor gru de ni chus 'jig par mi 'gyur gyi gru de ni gang du 'gro bar bya ba'i phyogs der phyin par 'gyur zhing ded dpon de yang rnyed pa chen po 'di lta ste

'jig rten gyi rin po chen dag dang ldan par 'gyur ro zhes rig par bya'o/ /rab 'byor de bzhin du byang chub sems dpa' sems dpa' chen pos bla na med pa yang dag par rdzogs pa'i byang chub mngon par rdzogs par 'tshang rgya bar dad pa yod bzod pa yod sred pa yod 'dun

pa yod brtson 'grus yod bag byed pa yod mos pa yod lhag pa'i bsam pa yod gtong ba yod gus par byed pa yod dga' ba yod mgu ba yod dang ba yod rab tu dga' ba yod brtson pa mi gtong ba yang yod la/ de shes rab kyi pha rol tu phyi pas yongs su bzung zhing thabs

mkhas pa dang ma bral bar gyur na rab 'byor byang chub sems dpa' sems dpa' chen po de ni bar mdor chud zos bar mi'gyur zhing yi gsod par mi 'gyur te/ byang chub sems dpa' sems dpa' chen po de ni bal med pa yang dag par rdzogs pa'i byang chub la gnas par

'gyur bar rig par bya'o/ /de ci'i phyir zhin/ rab 'byor de ni 'di ltar yin te byang chub ba sems dpa' sems dpa' chen po gang dag bla na med ba yang dag par rdzogs pa'i byang chub mngon par rdzogs par rdzogs par 'tshad rgya bar dad pa yod bzod pa yod sred pa yod 'dun pa yod

@161a */ /brtson 'grus yod bag byed pa yod mos pa yod lhag pa'i bsam pa yod gtong ba yod gus par byed pa yod dga' ba yod mgu ba yod dang ba yod rab tu dga' ba yod brtson pa mi gtong ba yang yod la/ de'i chos 'di dag shes rab kyi pha rol tu phyin pas yongs su

bzung zhing thabs mkhas pa dang ma bral na de ni gang gis thams cad mkhyen pa nyid du 'gyur ba'i chos mngon du byed cing bla na med pa yang dag par rdzogs pa'i byang chub mngon par rdzogs par 'tshang rgya bar yang dag par zhugs par 'gyur pa ma gtogs par nyan thos kyis 'am rang

sangs rgyas kyi sar mi sgrub bo/ /rab 'byor 'di lta ste dper na/ skyes bu 'ga' zhig skyes nas lo brgya nyi shu lon pa zhig rgan po rgas shing 'khogs bar gyur la/ de'i lus la rlung las gyur pa 'am mkhris pa las gyur pa 'am pad kan las gyur pa 'am 'dus pa las gyur

pa'i nad 'ga' zhig gis btab na rab 'byor de ji snyam du sems skyes bu de yang ma brten par khri las ldang nus sam/ rab 'byor gyis gsol pa bcom ldan 'das de ni ma lags so/ /bcom ldan 'das kyis bka' stsal pa/ rab 'byor gal te skyes bu de khri las ldang

nus par gyur kyang da rgas pa de dang nad des bcom pas rgyang grags gcig srid dam rgyang grags gnyis srid du 'gro ba'i stobs med do/ /gal te skyes bu de khri las ldang nus kyang 'gro bar bya bar stobs med do/ /rab 'byor de bzhin du byang chub sems dpa' sems dpa'

chen pos bla na med pa yang dag par rdzogs pa'i byang chub mngon par rdzogs par 'tshang rgya bar dad pa yod pa dang bzod pa yod pa dang sred pa yod pa dang 'dun pa yod pa dang brtson 'grus yod pa dang bag byed pa yod pa dang mos pa yod pa dang lhag pa'i bsam pa yod pa dang gtong

ba yod pa dang gus par byed pa yod pa dang dga' ba yod pa dang mgu pa yod pa dang dang pa yod pa dang rab tu dga' pa yod pa dang ? ? pa mi gtong pa yod par gyur kyang/ de shes rab kyi pha rol tu phyin pas yongs su ma bzung zhing thabs mkhas pa dang bral bar gyur pas la la

@161b zhig bla na med pa yang dag par rdzogs pa'i byang chub mngon par rdzogs par 'tshang rgya par bya ba la yang dag par zhugs su zin kyang rab 'byor yang 'di ltar byang chub sems dpa' de ni bar ma dor chud zos shing yi gsod par 'gyur te/ 'di lta ste nyan thos kyi sa 'am rang sangs

rgyas kyi sa la gnas par 'gyur bar rig bar bya'o/ /de ci'i phyir zhe na/ de ni 'di ltar shes rab kyi pha rol tu phyin pas yongs su ma gzung ba dang thabs mkhas pa dang bral ba'i phyir ro/ /rab 'byor 'di lta ste dper na skyes bu skyes nas lo brgya nyi shu lon par gyur pa rgan

po rgas shing 'khogs pa de nyid kyi lus la rlung las gyur pa 'am mkhris pa las gyur pha 'am bad ? kan las gyur pa 'am 'dus pa las gyur pa'i nad 'ga' zhig gis btab ste de'i g.yas dang g.yon gyi phyogs gnyis nas skyes bu stobs dang ldan pa gnyis kyis legs par brten

zhing 'jur bcug cing legs par bzung nas de la 'di skad du kye skyes bu khyod gang du 'gro bar bya ba'i gnas der khyod kyis ma phyin gyi bar du khyod bdag cag gnyis kyis brten pas lam du bang ma dor rdeg 'chos pa'i 'jigs par mi 'gyur gyis/ khyod gang du 'gro 'dod pa der

song shig ces bsgo na khri de las ldang nus par 'gyur ro/ /rab 'byor de bzhin du byang chub sems dpa' sems dpa' chen pos bla na med pa yang dag par rdzogs pa'i byang chub mngon par rdzogs par 'tshang rgya bar bya ba la dad pa yod pa dang bzod pa yod ? ba dang sred pa yod

pa dang 'dun pa yod pa dang brtson 'grus yod pa dang bag byed pa yod pa dang mos pa yod pa dang ltag pa'i bsam pa yod pa dang gtong pa yod pa dang gus par byed pa yod pa dang dga' ba yod pa dang mgu pa yod pa dang dang pa yod pa dang rab tu dga' ba yod pa dang brtson pa mi

gtong ba yod par gyur la/ /de shes rab kyi pha rol tu phyin pas yongs su bzung zhing thabs mkhas pa dang ma bral bar gyur na/ /rab 'byor byang chub sems dpa' sems dpa' chen po de ni par ma dor chud zos par mi 'gyur yi gsod par mi 'gyur te/ byang chub sems

@162a */ /dpa' sems dpa' chen po de ni 'di lta ste de'i gnas nas bla na med pa yang dag par rdzogs pa'i byang chub kyi gnas rjes su thob nus par rig par bya'o/ /'phags pa shes rab kyi pha rol tu phyin pa brgyad stong pa las dpe'i le'u zhes bya ba ste bcu bzhi

pa'o// /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po las dang po pas shes rab kyi pha rol tu phyin pa la ji ltar gnas par bgyi ci ltar bslab

par bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po las dang po pa shes rab kyi pha rol tu phyin pa la slob par 'dod pas dge ba'i

bshes gnyen dag la bsnyen par bya bsten par bya bsnyen bkur bya'o/ /gang dag shes rab kyi pha rol tu phyin pa 'di la 'doms shing rjes su ston par 'gyur ba dang gang dag shes rab kyi pha rol tu phyin pa'i don 'di lung 'bogs ba de dag ni rab 'byor byang chub sems dpa' sems dpa' chen

po de'i dge ba'i bshes gnyen du rig par bya'o/ /de la 'di skad du rigs kyi bu khyod tshur shog sbyin pa'i pha rol tu phyin pa la rnal 'byor du gyis shig/ /de bzhin du tshul khrims kyi pha rol tu phyin pa dang bzod pa'i pha rol tu phyin pa dang brtson 'grus kyi pha rol tu phyin pa dang bsam gtan

gyi pha rol tu phyin pa dang shes rab kyi pha rol tu phyin pa la rnal 'byor du gyis shig /rigs kyi bu khyod sbyin pa gang dang gang nyid byin pa de dag thams cad bla na med pa yang dag par rdzogs pa'i byang chub tu yongs su bsngos shig /rigs kyi bu khyod kyis bla na med pa yang dag par

rdzogs pa'i byang chub gzugs su ma snyems shig /de bzhin du tshor bar ma yin 'du shes su ma yin 'du byed rnams su ma yin rigs kyi bu khyod bla na med pa yang dag par rdzogs pa'i byang chub rnam par shes bar ma snyems shig /de ci'i phyir zhe na/ rigs kyi bu khyod thams cad

@162b mkhyen pa nyid ni mi bsnyems pa'o/ /de bzhin du khyod tshul khrims gang dag gang nyid srung ba dang / de bzhin du sbyar te rigs kyi bu khyod bzod pa gang dang gang nyid sgrub pa dang rigs kyi bu khyod brtson 'grus gang dang gang nyid rtson pa dang rigs kyi bu khyod bsam gtan gang dang gang nyid

la mnyam par 'jog pa dang rigs kyi bu khyod shes rab gang dang gang nyid yongs su sbyong bar byed pa de dag thams cad bla na med pa yang dag par rdzogs pa'i byang chub tu yongs su bsdos ? shig /rigs kyi bu khyod bla na med pa yang dag par rdzogs pa'i byang chub la gzugs sa ma snyems

shig /de bzhin du tshor bar ma yin 'du shes su ma yin 'du byed rnams su ma yin rigs kyi bu khyod bla na med pa yang dag par rdzogs pa'i byang chub la rnam par shes par ma snyems shig /de ci'i phyir zhe na/ rigs kyi bu thams cad mkhyen pa nyid ni mi bsnyems pa'o/ /rigs

kyi bu khyod nyan thos kyi sa 'am rang sangs rgyas kyis la 'dod par ma byed cig ces shes rab kyi pha rol tu phyin pa'i don lung 'bogs te/ rab 'byor de ltar byang chub sems dpa' sems dpa' chen po las dang po pa dge ba'i bshes gnyen dag gis mthar gyis shes rab kyi pha rol tu

phyin pa la gzhug par bya'o/ /rab 'byor gyis gsol pa/ bcom ldan 'das byang chub sems dpa' sems dpa' chen po gang dag bla na med pa yang dag par rdzogs pa'i byang chub tu mngon par rdzogs par 'tshang rgya bar yang dag par zhugs shing de lta bu'i ngo bo'i sbyin pa la brten de

lta bu'i ngo bo'i tshul khrims dang da lta bu'i ngo bo'i bzod pa dang de lta bu'i ngo bo'i brtson 'grus dang de lta bu'i ngo bo'i bsam gtan dang de lta bu'i ngo bo'i shes rab la brten nas yongs su mya ngan las 'das pal rang dbang du gyur pa lags kyang yongs su mya ngan las 'das pa mi 'tshal gyi/

'on kyang sems can gyi khams shin tu sdug bsngal ba mthong nas bla na med pa yang dag par rdzogs pa'i byang chub mngon par rdzogs bar 'tshang rgya bar 'tshal te 'khor bar skrag par mi bgyid pa ni dka' ba bgyid pa lags so/ /de skad ces gsol pa dang / bcom ldan 'das

@163a */ /kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no de de bzhin te/ rab 'byor byang chub sems dpa' sems dpa' chen po gang 'jig rten la phan pa'i phyir zhugs pa dang 'jig rten la bde ba'i phyir dang 'jig rten la snying brtse

ba'i phyir zhugs pa dang / bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi skyob par 'gyur bar bya'o 'jig rten gyi skyabs su 'gyur bar bya'o 'jig rten gyi gnas su 'gyur bar bya'o 'jig rten gyi dpung gnyen du 'gyur bar

bya'o 'jig rten gyi gling du 'gyur par bya'o 'jig rten gyi snang bar 'gyur bar bya'o 'jig rten gyi yongs su 'dren par 'gyur bar bya'o 'jig rten gyi rten du 'gyur bar bya'o snyam ste/ de lta bu'i ngo bo'i bla na med pa yang dag par rdzogs pa'i byang chub tu brtson 'grus rtsom pa de dka' ba byed pa

yin no/ /rab 'byor ci ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi skyob par 'gyur zhe na/ rab 'byor 'khor ba na sbyod pa'i 'jig rten gyi sdug bsngal ji snyed yod pa

de dag las de skyob par byed cing sdug bsngal de dag spang ba'i phyir 'bad par byed la brtson 'grus rtsom pa ste/ rab 'byor de ltar na byang chub sems dpa'i sems dpa' chen po bla na med pa yang dag par rzdogs pa'i byang chub mngon par rdzogs par sangs rgyas nas 'jig rten

gyis skyob par 'gyur/ /rab 'byor ci ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi skyabs su 'gyur zhe na/ rab 'byor sems can gang skye ba'i chos can rga ba'i chos can na

ba'i chos can 'chi ba'i chos can mya ngan dang smre sngags 'don pa dang sdug bsngal ba dang yid mi bde ba dang 'khrug pa'i chos can gyi sems can de dag skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa las

@163b yongs su thar bar byed pa ste/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi skyabs su 'gyur ro/ /rab 'byor ci ltar na byang chub sems dpa' sems

dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi gnas su 'gyur zhe na/ rab 'byor gang de bzhin gshags pa dgra bcom pa yang dag par rdzogs pa'i sangs rgyas sbyor ba med par bya pa'i phyir sems can rnams

la chos ston te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi gnas su 'gyur ro/ /rab 'byor gyis gsol pa/ bcom lan 'das ci ltar na

sbyor ba ma mchis pa lags/ bcom ldan 'das kyis bka' stsal pa/ rab 'byor gzugs kyi 'brel pa med pa gang yin pa de ni gzugs kyi spyor ba med pa'o/ /gzugs kyi sbyor ba med pa gang yin pa de ni gzugs kyi 'brel pa med pa'o/ /gzugs kyi

'brel pa med pa gang yin pa de ni gzugs kyi skye ba med pa dang 'gag pa med pa'o/ /gzugs kyi skye ba med pa dang 'gag pa med pa gang yin pa de ni gzugs kyi sbyor ba med pa'o/ /gang gzugs la sbyor ba med pa 'di ni gzugs kyi 'brel pa med pa'o gzugs kyi 'brel

pa med pa 'di ni gzugs kyi sbyor ba med pa'o/ /de bzhin du tshor pa dang 'du shes dang 'du byed rnams dang / rab 'byor rnam par shes pa'i 'brel pa med pa gang yin pa de ni rnam par shes pa'i sbyor ba med pa'o/ /rnam par shes pa'i sbyor ba med pa gang yin pa de ni rnam

par shes pa'i 'brel pa med pa'o/ /rnam par shes pa'i 'brel pa med pa gang yin pa de ni rnam par shes pa'i skye ba med pa dang 'gag pa med pa'o/ /rnam par shes pa'i skye ba med pa dang 'gag pa med pa gang yin pa de ni rnam par shes pa'i sbyor ba med pa'o/ /rnam

@164a */ /par shes pa'i sbyor ba med pa gang yin pa 'di ni rnam par shes pa'i 'brel pa med pa'o/ /rnam par shes pa'i 'brel pa med pa 'di ni rnam par shes pa'i spyor ba med pa'o/ /rab 'byor de ltar na chos thams cad ni sbyor ba med pa 'brel pa med pa'o zhes rnam par

shes pas mthong pas sbyor pa med par 'gyur ro/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi gnas su 'gyur ro/ /rab 'byor ci ltar na/

byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi dpung gnyen du 'gyur zhe na/ rab 'byor gzugs kyi pha rol gang yin pa de ni gzugs ma yin rab 'byor pha rol ci lta bar

gzugs kyang de bzhin te/ de bzhin du tshor ba dang 'du shes dang 'du byed rnams dang rab 'byor rnam par shes pa'i pha rol gang yin pa de ni rnam par shes pa ma yin rab 'byor pha rol ci lta ba bzhin du rnam par shes pa'ang de bzhin te/ rab 'byor gzugs dang tshor ba dang 'du

shes dang 'du byed rnams dang rnam par shes pa'i pha rol ci lta ba chos thams cad kyang de bzhin no/ /rab 'byor gyis gsol pa/ bcom ldan 'das gal te gzugs dang tshor ba dang 'du shes dang 'du byed rnams dang rnam par shes pa'i pha rol ci lta ba chos thams cad kyang

de bzhin no/ /bcom ldan 'das byang chub sems dpa' sems dpa' chen po dag gis chos thams cad mngon par rdzogs par sangs rgyas pa nyid ma lags sam/ de ci'i slad du zhe na/ bcom ldan 'das 'di la rnam par rtog pa gang yang ma mchis pa'i slad du'o/ /bcom

ldan 'das kyis bka' stsal pa/ rab 'byor de de bzhin no de de bzhin te/ pha rol gang yin pa de la rnam par rtog pa gang yang med de rab 'byor rnam par rtog pa med pa'i phyir byang chub sems dpa' sems dpa' chen po dag gis chos thams cad mngon par rdzogs par sangs

@164b rgyas pa nyid yin te/ rab 'byor 'di yang byang chub sems dpa' sems dpa' chen po rnams kyi mchog tu dka' ba byed pa yin no/ /gang de ltar chos thams cad la nges par sems shing mngon du yang mi byed zhum par yang mi byed par/ 'di ltar bdag cag gis chas

'di dag mngon par rdzogs par sangs rgyas par bya'o/ /'di ltar bla na med pa yang dag par rdzogs pa'i byang chub mngon par rdzogs par sangs rgyas nas chos 'di dag bstan par bya'o/ /rab tu bshad par bya'o snyam na/ rab 'byor de ltar na byang chub sems dpa' sems

dpa' chen po bla na med pa yang dag par rdzogs pa'i byang chub sems dpa' sems dpa' chen po bla na med pa rten gyi dpung gnyen du 'gyur ro/ /rab 'byor ci ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs

par sangs rgyas nas 'jig rten gyi gling du 'gyur zhe na/ rab 'byor 'di lta ste dper na 'bab chu 'am rgya mtsho dag gi nang na phyogs gang chus yongs su bskor bar gyur ba ni gling zhes bya'o/ /rab 'byor de bzhin du gzugs ni sngon gyi mtha' dang phyi ma'i mtha' yongs su chad

pa'o/ /de bzhin du tsho rab dang 'du shes dang 'du byed rnams dang rab 'byor de bzhin du rnam par shes pa ni sngon gyi mtha' dang phyi ma'i mtha' yongs su chad pa ste/ rab 'byor yongs su chad pa 'dis chos thams cad sngon gyi mtha' dang phyi ma'i mtha' yongs su chad pa yin no/ /

rab 'byor chos thams cad kyi yongs su chad pa gang yin pa 'di ni zhi ba'o 'di ni gya nom pa'o 'di ni yongs su mya ngan las 'das pa'o/ /'di ni ci lta ba bzhin no 'di ni phyin ci mi log pa ste/ rab 'byor de ltar na byang chub sems dpa' sems dpa' chen po bla na med pa yang dag par

rdzogs pa'i byang chub mngon par rdzogs bar sangs rgyas nas 'jig rten gyi gling du 'gyur ro/ /rab 'byor ci ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi snang bar 'gyur zhe na/

@165a */ /rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas dus ring por ma rig pa'i sgo nga'i sbubs dang ling tog gis yongs su khebs pa'i sems can mun pas zil gyis non pa

rnams shes rab kyis snang bar byed cing mi shes pa'i mun pa mun nag thams cad sel bar byed de/ rab 'byor de ltar na byang chub sems dpa' sems dpa' chen po rnams bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi snang

bar 'gyur ro/ /rab 'byor ci ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi yongs su 'dren par 'gyur zhe na/ rab 'byor 'di la byang chub sems dpa' sems

dpa' chen po dag bla na med pa yang dag par rdzogs pa'i byang chub mngon par rdzogs bar sangs rgyas nas gzugs rang bzhin gyis skye ba med pa dang 'gag pa med par chos ston to/ /de bzhin du tshor ba dang 'du shes dang 'du byed rnams dang rnam par shes pa rang bzhin gyis

skye ba med pa dang 'gag pa med par chos ston to/ /so so'i skye bo'i chos rnams kyang rang bzhin gyis skye ba med pa dang 'gag pa med par chos ston to/ /nyan thos kyi chos rnams kyang rang bzhin gyis skye ba med pa dang 'gag pa med par chos ston to/ /rang sangs rgyas

kyi chos rnams kyang rang bzhin gyis skye ba med pa dang 'gag pa med par chos ston to/ /byang chub sems dpa'i chos rnams kyang rang bzhin gyis skye ba med pa dang 'gag pa med par chos ston to/ /sangs rgyas kyi chos rnams kyang rad bzhin gyis skye ba med pa dang 'gag pa

med par chos ston to/ /chos thams cad kyang rang bzhin gyis skye ba med pa dang 'gag pa med par chos ston to/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig

@165b rten gyi yongs su 'dren par 'gyur ro/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi rten du 'gyur zhe na/ rab 'byor 'di la byang chub sems dpa'

sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten la gzugs ni nam mkha'i rten can no zhes chos ston par 'gyur/ de bzhin du tshor ba dang 'du shes dang 'du byed rnams dang rnam par shes pa yang

nam mkha'i rten can no zhes chos ston par 'gyur ro/ /rab 'byor de bzhin du chos thams cad kyang nam mkha'i rten can 'gro ba med pa 'od ba med pa nam mkha' dang mtshungs pa ste/ ci ltar nam mkha' 'ong ba med pa 'gro ba med pa ma byas pa rnam par mi 'gyur ba mngon par

'dus ma byas pa mi gnas pa yang dag par mi gnas pa rnam par mi gnas pa ma skyes pa ma 'gags pa de bzhin du rab 'byor chos thams cad kyang 'ong ba med pa 'gro ba med pa ma byas pa rnam par mi 'gyur ba mngon par 'dus ma byas pa mi gnas pa yang dag par mi gnas

ba rnam par mi gnas pa ma skyes pa ma 'gags pa/ nam mkha' dang mtshungs pa'i phyir rnam par mi rtog pa'o/ /de ci'i phyir zhe na/ rab 'byor gzugs kyi stong pa nyid gang yin pa de ni 'ong ba'am 'gro ba med do/ /de bzhin du tshor ba dang 'du shes 'du byed

rnams dang rab 'byor rnam par shes pa'i stong pa nyid gang yin pa de ni 'ong ba'am 'gro ba med de/ rab 'byor de bzhin du chos thams cad kyi stong pa nyid ni 'ong ba'am 'gro ba med do/ /de ci'i phyir zhe na/ /rab 'byor chos thams cad ni stong pa nyid kyi rten can te de dag rte

de las mi 'da'o/ /rab 'byor chos thams cad ni mtshan ma med pa'i rten can te de dag rten de las mi 'da'o/ /rab 'byor chos thams cad ni smon pa med pa'i rten can te de dag rten de las mi 'da'o/ /rab 'byor chos thams cad ni mngon par 'du mi byed pa'i rten can te

@166a */ /de dag rten de las mi 'da'o/ /rab 'byor chos thams cad ni 'byung ba med pa'i rten can te de dag rten de las mi 'da'o/ /rab 'byor chos thams cad ni skye ba med pa'i rten can te de dag rten de las mi 'da'o/ /rab 'byor chos thams cad ni dngos po med pa'i

rten can te de dag rten de las mi 'da'o/ /rab 'byor chos thams cad ni rmi lam gyi rten can te de dag rten de las mi 'da'o/ /rab 'byor chos thams cad ni bdag gi rten can te de dag rten de las mi 'da'o/ /rab 'byor chos thams cad ni mu med pa'i rten can te de dag rten de

las mi 'da'o/ /rab 'byor chos thams cad ni zhi ba'i rten can te de dag rten de las mi 'da'o/ /rab 'byor chos thams cad ni mya ngan las 'das pa'i rten can te de dag rten de las mi 'da'o/ /rab 'byor chos thams cad ni dbyung du med pa'i rten can te de dag rten de las mi

'da'o/ /rab 'byor chos thams cad ni 'ong ba med pa'i rten can te de dag rten de las mi 'da'o/ /rab 'byor chos thams cad ni 'gro ba med pa'i rten can te de dag rten de las mi 'da'o/ /rab 'byor chos thams cad ni mi g.yo ba'i rten can te de dag rten de las mi 'da'o/ /

rab 'byor chos thams cad ni gzugs kyi rten can te de dag rten de las mi 'da'o/ /rab 'byor de bzhin du chos thams cad ni tshor ba dang 'du shes dang 'du byed rnams dang rnam par shes pa'i rten can te de dag rten de las mi 'da'o/ /rab 'byor chos thams cad ni dgra

bcom pa dang rang sangs rgyas nyid dang bla na med pa yang dag par rdzogs pa'i byang chub kyi rten can te de dag rten de las mi 'da'o/ /de bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas

chos thams cad ni nam mkha'i rten can no zhes chos ston to/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gyi rten du 'gyur ba yin no/ /rab 'byor

@166b gyis gsol pa/ bcom ldan 'das shes rab kyi pha rol tu phyin pa zab mo 'di su dag gis 'tshal bar 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po sngon gyi de bzhin gshegs pa dgra bcom pa yang dag

par rdzogs pa'i sangs rgyas rnams kyi drung du spyad par gyur pa dge ba'i rtsa ba yongs su smin pa gang yin pa'i byang chub sems dpa' sems dpa' chen po de dag gis shes rab kyi pha rol tu phyin pa zab mo 'di shes par 'gyur bar rig par bya'o/ /rab 'byor gyis gsol

pa; bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa zab mo 'di 'tshal bar 'gyur ba de dag gi ngo bo nyid ji lta bu lags/ bcom ldan 'das kyis bka' stsal pa/ rab 'byor byang chub sems dpa' sems

dpa' chen po gang dag shes rab kyi pha rol tu phyin pa zab mo 'di shes par 'gyur ba de dag ni 'dul ba las byung ba dben pa'i rang bzhin can no/ /rab 'byor gyis gsol pa/ bcom ldan 'das byang chub sems dpa' sems dpa' chen po de dag ci lta bu'i rten

can kho nar 'gyur ba dang rten de dag nyid mngon par rdzogs par sangs rgyas nas sems can dag la yang rten 'di nyid ston par 'gyur zhing de dag de ltar sems can rnams kyi rten du 'gyur pa lags sam/ de skad ces gsol pa dang / bcom ldan 'das kyis tshe dang ldan pa

rab 'byor la 'di skad ces bka' stsal to/ /rab 'byor de de bzhin no de de bzhin te/ rab 'byor byang chub sems dpa' sems dpa' chen po de dag ni 'di lta bu'i rten can du 'gyur ba dang rten 'di dag mngon par rdzogs par sangs rgyas nas sems can dag la rten 'di dag

ston par 'gyur zhing/ de dag de ltar sems can rnams kyi rten du 'gyur te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas sems can gzhal du med pa grangs

@167a */ /med pa dag gi rten du 'gyur ro/ /rab 'byor gyis gsol pa/ bcom ldan 'das sems can gzhal du ma mchis grangs ma mchis pa dag yongs su mya ngan las bzla'o zhes/ go cha 'di bgos pa'i byang chub sems dpa' sems dpa' chen po ni

dka' ba bgyid pa lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no de de bzhin te/ sems can gzhal du med grangs med pa dag yongs su mya ngan las bzla'o zhes

gang gis go cha 'di bgos pa'i byang chub sems dpa' sems dpa' chen po ni dka' ba byed pa'o/ /rab 'byor gzhan yang byang chub sems dpa' sems dpa' chen po go cha chen po bgos pa'i go cha de ni gzugs dang 'brel pa yang ma yin gzugs kyi don du 'brel pa yang ma yin

de bzhin du tshor ba dang 'du shes dang 'du byed rnams dang rnam par shes pa dang 'drel pa yang ma yin rnam par shes pa'i don du 'brel pa yang ma yin/ nyan thos kyis dang 'brel pa yang ma yin nyan thos kyi sa'i don du 'brel pa yang ma yin/ rang sangs rgyas kyi sa dang 'brel pa

yang ma yin rang sangs rgyas kyi sa'i don du 'brel pa yang ma yin/ sangs rgyas kyi sa dang 'brel pa yang ma yin sangs rgyas kyi sa'i don du 'brel pa yang ma yin no/ /de ci'i phyir zhe na/ rab 'byor kye ma byang chub sems dpa' sems dpa' chen po go cha chen po bgos pa'i go cha 'di

ni chos thams cad dang ma 'brel pa'o/ /rab 'byor gyis gsol pa/ bcom ldan 'das 'di ltar byang chub sems dpa' sems dpa' chen po go cha chen po bgos pa shes rab kyi pha rol tu phyin pa zab mo la de ltar spyod pa des gnas gsum la re bar mi bgyi ste/ gsum gang zhe na/

'di lta ste nyan thos kyi sa 'am rang sangs rgyas kyi sa 'am sangs rgyas kyi sa'o/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor khyod don gyi dbang ci zhig mthong na 'di skad du 'di ltar byang chub sems dpa'

@167b sems dpa' chen po go cha chen po bgos pa shes rab kyi pha rol tu phyin pa zab mo la de ltar spyod pa des gnas gsum la re bar mi bya ste/ gsum gang zhe na 'di lta ste nyan thos kyi sa 'am rang sangs rgyas kyi sa 'am sangs rgyas kyi sa'o zhes zer/ rab 'byor byang chub sems

dpa' sems dpa' chen po go cha chen po bgos pa shes rab kyi pha rol tu phyin pa zab mo la de ltar spyod pa de nyan thos kyi sa 'am rang sangs rgyas kyi sa la re ba 'di ni gnas med cing go skabs med do/ /'on kyang gang gis sems can thams cad kyi don du go cha chen po bgos pa 'di ni

sangs rgyas kyis nyid la re bar bya'o/ /rab 'byor gyis gsol pa/ bcom ldan 'das shes rab kyi pha rol tu phyin pa ni zab ste/ de ni sus kyang bsgom par bgyi ba ma lags de ni gang gis kyang bsgoms par ma gyur gang gis kyang sgom par mi byed gang gis kyang

sgom par mi 'gyur bsgom par bgyi ba yang cung zad ma mchis gang du bsgom par bgyi ba yang ma mchis so/ /de ci'i slad du zhe na/ bcom ldan 'das shes rab kyi pha rol tu phyin pa la chos gang yang yongs su grub pa ma mchis pa'i slad du'o/ /bcom ldan 'das 'di lta ste

shes rab kyi pha rol tu phyin pa sgom pa 'di ni nam mkha' bsgom pa lags so/ /bcom ldan 'das 'di lta ste shes rab kyi pha rol tu phyin pa sgom pa 'di ni chos thams cad mi bsgom pa lags so/ /bcom ldan 'das 'di lta ste shes rab kyi pha rol tu phyin pa sgom pa 'di ni ma chags

pa bsgom pa lags so/ /bcom ldan 'das 'di lta ste shes rab kyi pha rol tu phyin pa sgom pa 'di ni mtha' las pa bsgom pa lags so/ /bcom ldan 'das 'di lta ste shes rab kyi pha rol tu phyin pa sgom pa 'di ni dngos po ma mchis pa bsgom pa lags so/ /bcom ldan

'das 'di lta ste shes rab kyi pha rol tu phyin pa sgom pa 'di ni yongs su gzung ba ma mchis pa bsgom pa lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no de de bzhin te/ /

@168a */ /rab 'byor de lta bas na shes rab kyi pha rol tu phyin pa zab mo'i gnas pas gnas pa'i byang chub sems dpa' sems dpa' chen po ni bla na med pa yang dag par rdzogs pa'i byang chub las phyir mi ldog par brtag par bya'o/ /rab 'byor 'di ltar byang chub

sems dpa' sems dpa' chen po shes rab kyi pha rol tu phyin pa zab mo 'di la mngon par chags par mi byed pa dang / 'di ltar gzhan gyis smras pa dang gzhan gyis bgros bdag la mngon par chags par mi byed pa dang / 'di ltar byang chub sems dpa' sems

dpa' chen po pha rol gyi dad pa'i phyir mi 'brang ba dang / rab 'byor 'di ltar byang chub sems dpa' sems dpa' chen po shes rab kyi pha rol tu phyin pa zab mo 'di bshad pa la mi 'god kun tu mi zhum mi dang nga kun tu mi skrag kun tu skrag pa dang ldan par mi 'gyur/ nem nur mi

byed the tshom mi za rmongs par mi 'gyur zhing/ rtogs par byed mos par byed de shes rab kyi pha rol tu phyin pa mthong ba dang thos par dga' bas na rab 'byor 'dis sngon gyi mthar yang shes rab kyi pha rol tu phyin pa yongs su dris par rig par bya'o/ /de ci'i phyir zhe na/ rab

'byor 'di ltar shes rab kyi pha rol tu phyin pa zab mo 'di bshad pa la mi dngang kun tu mi skrag kun tu skrag pa dang mi ldan pa'i phyir ro/ /rab 'byor gyis gsol pa/ bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab mo 'di

bshad pa la mi dngang kun tu mi skrag kun tu skrag pa dang ldan par mi 'gyur na/ bcom ldan 'das rnam pa gang gis des shes rab kyi pha rol tu phyin pa bye brag tu brtags pha lags/ bcom ldan 'das kyis bka' stsal pa/ rab 'byor thams cad mkhyen pa nyid la gzhol ba'i

rgyud kyis byang chub sems dpa' sems dpa' chen pos shes rab kyi pha rol tu phyin pa bye brag tu brtags pa yin no/ /rab 'byor gyis gsol pa/ bcom ldan 'das ci ltar thams cad mkhyen pa nyid la gzhol ba'i rgyud bye brag tu brtags pa lags/ bcom ldan 'das kyis

@168b bka' stsal pa/ rab 'byor nam mkha' la gzhol ba'i rgyud dang rab 'byor nam mkha' la 'bab pa dang rab 'byor nam mkha' la phyogs pa'i rgyud kyis thams cad mkhyen pa nyid la gzhol ba'i rgyud bye brag tu brtags pa yin no/ /rab 'byor yang thams cad mkhyen pa nyid la gzhol

ba'i rgyud kyis bye brag tu brtags pa gang yin pa de ni bye brag tu brtags pa'o/ /de ci'i phyir zhe na/ rab 'byor thams cad mkhyen pa nyid ni gzhal du med pa'o/ /rab 'byor thams cad mkhyen pa nyid ni tshad ma med pa'o/ /rab 'byor gzhal du med pa dang tshad ma med pa

gang yin pa de ni gzugs ma yin tshor ba ma yin 'du shes ma yin 'du byed rnams ma yin rnam par shes pa ma yin/ thob pa ma yin mngon par rtogs pa ma yin khong du chud pa ma yin lam ma yin lam gyi 'bras bu ma yin ye shes ma yin rnam par shes pa ma yin skye ba ma yin 'jig

pa ma yin 'byung ba ma yin 'grib pa ma yin 'gag pa ma yin sgom pa ma yin rnam par sgom pa ma yin te/ sus kyang ma byas gang nas kyang ma 'ongs gang du yang mi 'gro yul gang du yang mi gnas phyogs gang du yang mi gnas te/ gzhan du na gzhal du med pa tshad med pa zhes bya ba de lta bu'i

grangs su 'gro'o/ /nam mkha' gzhal du med pa'i phyir thams cad mkhyen pa nyid gzhal du med pa ste/ gzhal du med pa gang yin pa de ni sus kyang mngon par rdzogs par 'chang rgya bar mi nus te gzugs kyis ma yin tshor bsam yin 'du shes kyis ma yin 'du byed rnams kyis

ma yin rnam par shes pas ma yin/ sbyin pa'i pha rol tu phyin pas ma yin tshul khrims kyi pha rol tu phyin pas ma yin bzod pa'i pha rol tu phyin pas ma yin brtson 'grug kyi pha rol tu phyin pas ma yin bsam gtan gyi pha rol tu phyin pas ma yin te/ shes rab kyi pha rol tu phyin

pas mngon par rdzogs par 'tshang rgya bar mi nus so/ /de ci'i phyir zhe na/ rab 'byor gzugs nyid thams cad mkhyen pa nyid do/ /de bzhin du tshor ba nyid dang 'du shes nyid dang 'du byed nyid rnams dang rab 'byor rnam par shes pa nyid ni thams cad mkhyen pa nyid do/ /

@169a */ /rab 'byor sbyin pa'i pha rol tu phyin pa nyid ni thams cad mkhyen pa nyid do/ /de bzhin du tshul khrims kyi pha rol tu phyin pa nyid dang bzod pa'i pha rol tu phyin pa nyid dang brtson 'grus kyi pha rol tu phyin pa nyid dang bsam gtan gyi pha rol tu phyin pa nyid dang rab 'byor

shes rab kyi pha rol tu phyin pa nyid ni thams cad mkhyen pa nyid do/ /de nas lha rnams kyi dbang pho brgya byin 'dod pa na spyod pa'i lha'i bu rnams dang bcas pa dang mi mjed kyi bdag po tshangs pa yang gzugs na spyod pa'i lha'i bu rnams dang bcas te bcom ldan 'das ga la ba der

dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod do/ /phyogs gcig tu 'khod pa dang lha rnams kyi dbang po brgya byin 'dod pa na spyod pa'i lha'i bu rnams dang bcas

pa dang mi mjed kyi bdag po tshangs pa yang gzugs na spyod pa'i lha'i bu rnams dang bcas pas bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa ni zab pa'o/ /bcom ldan 'das shes rab kyi pha rol tu phyin pa ni gting dpag dka'

ba'o/ /bcom ldan 'das shes rab kyi pha rol tu phyin pa ni blta dka' ba'o/ /bcom ldan 'das shes rab kyi pha rol tu phyin pa ni rtogs par dka' ste/ don gyi dbang 'di gzigs nas kyang de bzhin gshegs pa dgra bcom pa yang dag par rdzogs pa'i sangs rgyas

bla na med pa yang dag par rdzogs pa'i byang chub mngon par rdzogs par sangs rgyas nas byang chub kyi snying po la bzhugs pa na/ brtson pa chud ba la thugs gzhol bar mdzad de chos bstan pa la gzhol bar ma mdzad do/ /de skad ces gsol pa dang / bcom ldan 'das

kyis lha rnams kyi dbang po brgya byin dang 'dod pa na spyod pa'i lha'i bu rnams dang mi mjed kyi bdag po tshangs pa dang gzugs na spyod pa'i lha'i bu rnams la 'di skad ces bka' stsal to/ /lha'i bu dag de de bzhin te de de bzhin no/ /lha'i bu dag kye ma shes rab kyi pha rol tu phyin pa 'di

@169b ni zab pa'o/ /lha'i bu dag shes rab kyi pha rol tu phyin pa 'di ni gting dpag dka' ba'o/ /lha'i bu dag shes rab kyi pha rol tu phyin pa 'di ni blta dka' pa'o/ /lha'i bu dag shes rab kyi pha rol tu phyin pa 'di ni rtogs par dka' ste/ don gyi dbang 'di gzigs nas kyang de

bzhin gshegs pa dgra bcom pa yang dag par rdzogs pa'i sangs rgyas bla na med pa yang dag par rdzogs pa'i byang chub mngon par rdzogs par sangs rgyas ma thag tu byang chub kyi snying po la bzhugs pa na/ kye ma chos zab mo 'di ngas mngon par rdzogs par sangs rgyas so snyam pas brtson

pa chung ba la thugs gzhol bar mdzad de chos bstan pa la gzhol bar ma mdzad do/ /gang du sus kyang mngon par rdzogs par sangs ma rgyas su yang mngon par rdzogs par 'tshang rgya bar mi 'gyur su yang mngon par rdzogs par 'tshang mi rgya ba 'di ni chos kyi zab pa yin no/ /nam

mkha' zab pa'i phyir chos 'di zab bo/ /bdag zab pa'i phyir chos 'di zab bo/ /chos thams cad 'ong ba med pa'i phyir chos 'di zab bo/ /chos thams cad 'gro ba med pa'i phyir ngas mngon par rdzogs par sangs rgyas pa'i chos 'di zab pa yin no/ /de skad ces bka'

stsal pa dang / bcom ldan 'das la lha rnams kyi dbang po brgya byin dang 'dod pa na spyod pa'i lha'i bu dag dang mi mjed kyi bdag po tshangs pa dang gzugs na spyod pa'i lha'i bu dag gis 'di skad ces gsol to/ /bcom ldan 'das ngo mtshar to bde bar gshegs pa rmad du byung ba'o/

bcom ldan 'das chos 'di ni 'jig rtan thams cad dang mi mthun par bstan te/ bcom ldan 'das chos thams cad mi bzung ba'i slad du chos 'di bstan pa lags na 'jig rten dag ni 'dzin pa la spyod do/ /'phags pa shes rab kyi pha rol tu phyin pa brgyad stong pa las lha'i le'u zhes bya ste bco lnga pa'o//