Windsor Viney: Difference between revisions

From Rangjung Yeshe Wiki - Dharma Dictionary
Jump to navigation Jump to search
No edit summary
mNo edit summary
 
Line 1: Line 1:
Sheja Dzo ([[shes bya mdzod]]), ''[[The Treasury of Knowledge]]'', by [[Jamgon Kongtrul]].
'''Windsor Viney''' ([['gyur med blo gsal]]),


This file was typed by [[Phinjo Sherpa]] at [[Rangjung Yeshe Translations & Publications]] office in Boudhanath, Nepal. Thanks for the sponsorship to Peter ___ and Christoph ___, two student of [[Khenpo Tsultrim Gyamtso Rinpoche]].
Kitchener, Ontario, Canada


There is still need for more spellcheck and hyperlinks. [[Erik Pema Kunsang]]
Freelance editor of scholarly books, Ph.D. candidate in (western) philosophy, long-time student of Buddhism with current interest in the [[Bon Tradition|Bön]] ([[bon]]) tradition.


 
[[Category:Translators]]
===Sheja Dzo Chapter 3.2 volume1 (page 355)===
<br>
2 lung gi chos 'khor bye brag tu phye ba'i skabs/ skabs gnyis pa lung gi chos 'khor bye brag tu bshad pa la gnyis/ bzhed pa speir bstan pa/ chos 'khor bye brag tu bshad pa'o/ <br>
/dang po ni/ ston pa mngon sangs rgyas te bdun phrag bdun/ /rdzogs mthar chos 'khor bskor nas myang 'das bar/ /theg dman 'ba' zhig gsungs zhes nyan thos smra/ /theg chen pa rnams 'khor lo gsum du bzhed/ /ston pa bcom ltan 'das shaakya'i dbang po byang chub kyi snying por mgnon par rdzogs par sangs rgyas nas zhag bdun phrag bdun tu chos ma gsungs la/ <br>
<br>
===Sheja Dzo Chapter 3.2 volume1 (page 356)===
<br>
zhag grangs zhe dgu rdzogs pa'i mthar tshangs pas gsol ba btab ste pha ra nnaa sir chos kyi 'khor lo thog mar bskor nas mya ngan las 'das kyi bar du theg dman nyan thos kyi sde snod bden pa bzhi'i tshul las brtsams pa 'ba' zhig gsungs so/ <br>
/zhes nyan thos seendha pa pa rnams de skad du smra zhing/ 'khor lo phyi ma gnyis kyi rnam gzhag khas mi len no/ <br>
/theg chen pa rnams ni chos kyi 'khor lo rim pa gsum du bskor bar bzhed cing de'i tshul rgyas par 'chad par 'gyur ro/ <br>
/gnyis pa la gsum/ chos 'khor gyi ngo bo/ <br>
nges tshig /rnam par dbye ba'o/ <br>
/dang po la'ng gnyis/ spyir chos 'khor gyi ngo bo/ <br>
bye brag lung chos kyi mtshan nyid do/ <br>
/dang po ni/ chos 'khor ngo bo dam chos mi mthun gcod/ /spyir chos kyi 'khor lo zhes bya ba ston pas gsungs pa'i dam pa'i chos gang zhig /mi mthun phyogs 'joms shing gcod pa'i nus pa can no/ <br>
/bye smras mthong lam mdo sdes mthong sgom dang/ /mi slob lam ston chos (om 99 na) kyi rnam grangs bcas/ /de'ng bye brag tu smra ba rnams kyis mthong lam kho na chos 'khor du 'dod de/ mdzod las/ chos kyi 'khor lo mthong ba'i lam/ /myur bar 'gro sos/ zhs bshad pa ltar/ 'khor los sgyur ba'i 'khor lo rin po che' ni 'dong bar 'dod pa'i sar myur du 'gro ba dang/ yul gzhan 'dor zhing gzhan du 'jug pa dang/ grong dang grong rdal sogs ma rgyal ba las rgyal ba dang/ rgyal ba rnal du 'god pa dang/ gnas la lar 'phar zhing la lar 'bab pa ltar/ skad cig bco lngas bden pa rtogs pa'i phyir myur du 'gro ba dang/ bar chad med lam 'dor ba dang/ rnam grol lam mgnon du bya ba'i <br>
<br>
===Sheja Dzo Chapter 3.2 volume1 (page 357)===
<br>
phyir 'jug pa'm/ bden pa'i dmigs pa gzhan 'dor zhing/ gzhan du 'jug pa dang/ bar chad med lam gyis 'jigs lta sogs nyon mongs pa ma rgyal ba rnams las thob pa gcod pa'i sgo nas rgyal bar byed pa dang/ rnam grol lam gyis nyon mongs bral ba'i thob pa dang/ lhan cig skyes pa'i sgo nas rgyal ba rnal du dgod pa dang/ gzugs dang gzugs dang gzugs med pa'i khams la dmigs nas 'phar ba dang/ 'dod pa'i khams la dmigs nas 'bab pa la sogs pa rnams kyi phyir/ chos 'khor ni mthong lam kho na'o zhes so/ <br>
/mdo sde pa rnams kyis ni/ mthong sgom mi slob lam gsum ga de ston par byed pa'i chos kyi rnam grangs dang bcas pa chos 'khor du 'dod de/ slob dpon rgyal po'i sras kyis/ de lta bas na chos kyi rnam grngs de nyid chos kyi 'khro lo yang yin te/ chos kyi 'khor lo rab tu ston pa'i phyir ro/ <br>
/zhes dang/ mthong ba dang sgom pa dang mi slob pa'i lam yang chos kyi 'khor lo yin te/ gdul bya'i skye bo'i rgyud la 'jug pas 'khor lo zhes bya ba'i phyir ro/ <br>
/zhes pshad pas so/ <br>
/theg chen lam lnga gsung rab kun la 'jog theg chen pa ltar na tshogs lam nas mi slob lam gyi bar (om 99 ba) lam lnga po thams cad chos kyi 'khor lo yin te/ dbu ma pa chos bshes kyis/ chos kyi 'khor lo kha cig ni tshogs kyi lam mo/ <br>
/kha cig ni sbyor ba'i lam mo/ <br>
/kha cig ni bar chad med pa'i lam gyi bar ro/ <br>
/zhes bshad cing rnam grol gyi lam lyang chos kyi 'khor lo thams cad kyi mchog tu gyur pa ste/ rgya cher rol ba'i mdor byams pa chos kyi 'khor lo de ni gting mi dmigs pa'i phyir zab pa'o/ <br>
/zhes pa la sogs pa rgya cher gsungs pas so/ <br>
/lam de dag brjod byar ston pa'i gsung rab kun kyang chos kyi 'khor lor 'jog pa ste/ slob dpon dbyig gnyen gyis/ kun rdzob kyi ngo bo bstan pa'i rang bzhin gyi 'khor lo ni chos kyi 'khor lo yin no/ <br>
/zhes dang/ sher phyin <br>
<br>
===Sheja Dzo Chapter 3.2 volume1 (page 358)===
<br>
dang mngon pa sogs kyi ming yang gzhung lugs la 'jug pa mi 'gal ba bzhin du 'dir yang rigs pa'i phyir ro/ <br>
/yang na chos 'khor dngos rtogs pa'i chos dang tshogs sbyor gyi lam de'i yan lag yin zhing/ gsung rab ni de dag gzhan rgyud la rga bar byed pa'i phyir chos 'khor bskor ba zhes bya bar bshad kyang 4) legs pa'i phyogs gcig yin no/ <br>
/gnyis pa ni/ lung gi ngo bo ngag gi rnam rig ste/ /rgyal ba'i ye shes 'gro sems dag pa las/ /gdul bya'i shes pa ming tshig yi ger snang/ /bye mdos ming tshig phung po gnyis su smra/ /de la bye brag lung gi chos 'khor gyi ngo bo ni/ ston pas gsungs pa'i dam chos gang zhig mya ngan las 'das pa'i rgyu 'bras ngo bo nyid gsum gang rung brjod bya'i gtso bor gyur pa ngag gi rnam par snang ba'i rnam rig go /de'i mtshan gzhi'ng/ bdag rkyen sangs rgyas kyi ye shes dang/ rgyu rkyen gdul bya'i 'gro ba rnams kyi rgyud dag pa gnyis la brten nas gdul bya de'i shes pa ming tshig yi ge'i rnam par snang ba nyid yin gyi/ bcom ldan 'das la ngag kun nas slong ba'i bag chags mi mnga' ba'i phyir dang/ (om 100 na) nang gi shes pa phyi rol gyi sgrar zhen pa'i ma rig pa med pa'i phyir don dam par de bzhin gshegs pas bshed pa'i dbang gis bstan pa ni ma yin no/ <br>
/de lta bas na theg chen gyi mdo sde 'ga' zhig las/ bde bar gshegs pas chos tshig 'bru gcig kyang ma bstan par bshad pa'ng don 'di la dgongs so/ <br>
/theg dman pa dag gis de ltar mi 'dod de/ mdzod las/ gang rnams thub pas gsungs de dag /tshig gm ming yin de dag ni/ gzutt dang 'du byed dag tu 'dus/ /zhes bshad pa ltar/ bye smras gsung rab kyi ngo bo ming tshig yi ge'i tshogs pa sgra spyi'i phreng bar 'dod pas ldan min 'du byed dang/ mdo sde pas de sgra rang mtshan par 'dod pas gzugs phung ste dngos <br>
<br>
===Sheja Dzo Chapter 3.2 volume1 (page 359)===
<br>
po'i mtha' gsnyis su smra bar byed do/ <br>
/gnyis pa nges tshig ni/ nges tshig dharma tskra'i sgra phyi ma/ /rtogs pa 'pho dang lung gi chos phung tshogs/ /legs sbyar gyi skad du dharma tskra zhes bya ba dharma'i sgra bshad gong du song/ tskra'i sgra 'pho ba dang tshogs pa la'ng 'jug pas rtogs pa'i chos 'khor gdul bya'i rgyud la 'pho ba ltar snang ba'i phyir dang/ lung gi chos 'khor chos kyi phung po mang po'i bdag nyid yin pa'i phyir de skad ces bya ste/ chos bshes kyis kyang/ 'khor lo ni gdul bya'i rgyud la 'pho bar snang bas na'm/ tshogs kyi don gyi phyir 'khor lo ste sgra'i don ni de dag dang nye ba'i phyir ro/ <br>
/zhes so/ <br>
/yang ming gi rnam grangs tshangs pa'i 'khor lo zhes bya ba'ng/ mdzod las/ de nyid tshangs tshul tshangs pa yi/ /'khor lo tshangs pas bskor phyir ro/ <br>
/zhes 'byung ba ltar ro/ <br>
/gsum pa rnam par dbye ba la gnyis/ thun mong dang/ thung mong ma yin pa'o/ <br>
/de'i dang po la gnyis/ spyi dang so so'i rnam gzhag go/ <br>
/dang po ni (om 100 ba) dbye na dang po bden bzhin bar pa ni/ /mtshan nyid med dang tha ma legs par phye/ /nges 'byung rnam thar phyir mi ldog pa'i gtam/ /zhir 'jug smin dang lung ston thob phyir gsungs/ /bsod nams ma yin bdag dang lta kun zlog /lung gi chos de la dbye na chos kyi 'khor lo rnam pa gsum zhs theg chen pa rnams la grags shing grub pa ste/ de'ng bka' dang po bden pa bzhi'i chos 'khor/ bar pa mtshan nyid med pa'i chos 'khor/ tha ma legs par rnam par phye ba'i chos 'khor ro/ <br>
/de'ng gzungs kyi <br>
<br>
===Sheja Dzo Chapter 3.2 volume1 (page 360)===
<br>
dbang phyug rgyal pos zhus pa'i mdo las/ de bzhin gshegs pas yongs su ma dag pa'i sems can gyi khams rig nas mi rtag pa dang/ sdug bsngal ba dang/ bdag med pa dang/ mi sdug pa yid 'byung bar 'gyur ba'i gtam gyis 'khor ba la mgnon par dga' ba'i sems can rnams yid 'byung bar byed/ phags pa'i chos 'dul ba la 'jug par byed do/ <br>
/de tsam gyis de bzhin gshegs pa brtson 'grus rgyun mi gcod cing/ de'i 'og tu stong pa nyid dang/ mtshan ma med pa dang/ smon pa med pa'i gtam gyis de bzhin gzhegs pa'i tshul khong du chud par byed do/ <br>
/de tsam gyis kyang de bzhin gshegs pa brtson 'grus rgyun mi gcod kyi/ de'i 'og tu phyir mi ldog pa'i 'khor lo'i gtam dang 'khor gsum yongs su dag pa'i gtam gyis sems can de dag de bzhin gshegs pa'i yul la 'dzud do/ <br>
/zhes chos 'khor gsum la gtam gsum gyis bstan par mdzad de/ dang po 'khor ba las yid nges par 'byung ba'i gtam dang/ gnyis pa rnam thar sgo gsum gyi gtam dang/ gsum pa phyir mi ldog pa'i 'khor lo'i gtam mo/ <br>
/de ltar 'jog pa'i rgyu mtshan ni/ gdul bya byang chub mchog tu dkri ba'i rim pas bzhag pa ste/ rgyud bla ma las/ 'jig rten zhi ba'i lam la 'jug pa dang/ /rab tu smin dang lung ston rgyu yi gzugs/ /zhes (om 101 na) bshad pa ltar/ dang po gdul bya 'khor ba la chags pa rnams yid 'byung ba'i gtam gyis bskul nas shi ba'i lam la 'jug pa dang/ de nas stong nyid kyi gtam gyis theg pa chen por yongs su smin pa dang/ de nas phyir mi ldog pa'i 'khor lo'i gtam gyis de bzhin gshegs pa'i yul la 'jug cing lung ston pa chen po 'thob par byed pa'i phyir gsungs so/ <br>
/gzhan yang 'phags pa lhas/ bsod nams ma yin dang por zlog /bar du bdag ni zlog pa dang/ /tha mar lta gzhi kun zlog pa/ /gang gis shes de mkhas pa yin/ /zhes bshad pa'ng <br>
<br>
===Sheja Dzo Chapter 3.2 volume1 (page 361)===
<br>
chos 'khor gsum la sbyor bar bzhed de rgyas par phyi nas 'byung ngo/ <br>
/gnyis pa so so'i rnam gzhag la gsumk/ 'khor lo dang po/ <br>
bar pa/ tha ma'o/ <br>
/dang po ni/ bden bzhi lan gsum bzlas pa bcu gnyis te/ /de la dang po bden bzhi'i chos 'khor gyi mtshan nyid ni/ ston pas gsungs pa'i dam chos gang zhig theg chen gyi lam stegs su dgongs nas gtso bor theg dman gyi rigs can rnams la bstan pa'o/ <br>
/de'i mtshan gzhi ni/ nyan thos rnams la grags pa'i 'dul mngon mdo sde'i gsung rab rnams te lung sde bzhi sogs so/ <br>
/de dag la ci'i phyir bden bzhi'i chos 'khor zhes bya zhe na gtso bor bden pa bzhi las brtsams te dman pa la mos pa rnams drang ba'i phyir lta spyod yang dag par ston pas na de skad ces bya'o/ <br>
/de'ng 'khor lo dang po'i dngos gzhi yul pha ra nnaa si drang srong lhung ba ri dwags kyi nags su 'khor lnga sde bzang po la bden bzhi lan gsum du bzlas pa rnam pa bcu gnyis kyi 'khor lo bskor ba'i tshul bstan pa de yin te/ de'i tshul yang bye brag smra bas/ bden bzhi'i ngo bo bstan pa/ bya ba bstan pa/ 'bras bu bstan pa'i tshul gyis bzlas pa gsum/ bzlas pa re re lan'ng yi ge /shes pa/ rig pa/ blo skyes so zhes bzhi bzhi dang bcas pa'i rnam pa bcu gnyis su bstan par bzhed/ mdo sde pas/ bden bzhi rang (om 101 ba) gi ngo bo la dmigs pa'i tshul gyis bzlas pa dang po/ <br>
bya ba'i ngo bo la dmigs pa'i tshul gyis bzlas pa gnyis pa/ mthar thug pa la dmigs pa'i tshul gyis gsum pa ste/ bzla bya ni bden bzhi'i chos kyi rnam grangs nyid yin zhing/ bzlas pa gsum la bden pa bzhi so sor ngo bo bya ba 'bras bu rnams la dmigs pa'i rnam pa bzhir 'gyur ba'i phyir rnam pa bcu gnyis yin no zhes 'dod pa ni 'thad pa'i phyogs so/ <br>
/chos 'khor de'i <br>
<br>
===Sheja Dzo Chapter 3.2 volume1 (page 362)===
<br>
dngos kyi dgos pa lnga sde bzang pos dgra bcom thob pa sogs dang/ khyad par gyi dgos pa de nas brtsams 'bras bu'i bstan pa rdzogs kyi bar 'bras bu bzhi thob pa sa chen po'i rdul tsam byung ba de'i phyir ro/ <br>
/'di las bzhan pa bden bzhi'i chos 'khor du gtogs pa rnams ni 'dul lung grong khyer drug sott su thor bur gsungs pas mtshon gnas dang dus ma nges pa sna tshogs pa'o/ <br>
/gnyis pa ni/ mtshan nyid med la dngos bstan rnam thar gsum/ sbas don mngon rtogs brgyad po yan lag bcas/ 'khor lo bar pa'i mtshan nyid ni/ ston pas gsungs pa'i dam chos gang zhig theg pa chen po'i lam dngos la dgongs nas gtso bor theg chen pa'i rigs can rnams la bstan pa'o/ <br>
/de'i mtshan gzhi ni/ yum rgyas 'bring bsdus gsum sogs sher phyir gyi mdo sde gtso bor gyur pa rnams so/ <br>
/de dag la ci'i phyir mtshan nyid med pa'i chos kyi 'khor lo zhes bya zhe na/ gzugs nas rnams mkhyne gyi bar gyi chos thams cad rang rang gi mthsna nyid shin tu dben pa'i smra bsam brjod bras gyi de kho na nyid ston par snang ba'i phyir de skad ces bya'o/ <br>
/de'ng gnas rgyal po'i khab bya rgod phung po'i ri la 'khor rnams pa bzhi dang byang chub sems dpa'i tshogs dpag tu med pa rnams la/ dngos bstan rnam par thar pa'i sgo gsum las brtsams te zab mo stong pa nyid kyi tshul bstan pas spas don mngon rtogs brgyad gdul bya'i (om 102 na) rgyud la ji ltar skye ba'i rim pa yan lag gi don bdun cu dang bcas pa legs par rtogs pa'i thabs su sgo gsum rnams grangs bcu gcig gi sgo nas 'chad par mdzad do/ <br>
/de la rnam thar sgo gsum ni/ gzhi stong pa nyid/ lam mtshan ma med pa/ 'bras bu smon pa med pa'o/ <br>
/sbas don mngon rtogs brgyad ni/ mngon rgyan las/ shes rab pha rol phyi pa ni/ /dngos po brgyad kyis yang dag bshad/ /rnam kun mkhyen nyid lam shes nyid/ /<br>
<br>
===Sheja Dzo Chapter 3.2 volume1 (page 363)===
<br>
de nas thams cad shes pa nyid/ /rnams kun mngon rdzogs rtogs pa dang/ /rtse mor phyin dang mthar gyis pa/ /skad cig gcig mgnon rdzogs byang chub/ /chos kyi sku dang de rnam brgyad/ /ces pa ltar dang/ don bdun cu ni/ rnam mkhyen mtshon byed kyi chos bcu/ lam shes mtshon byed bcu gcig gzhi shes mtshon byed dgu /rnam rdzogs sbyor ba mtshon byed bcu gcig /rtse sbyor mtshon byed chos brgyad/ mtahr gyis pa'i sbyor ba mtshon byed bcu gsum/ skad cig ma'i sbyor ba mtshon byed bzhi/ 'bras bu chos sku mtshon byed kyi chos bzhi rnams so/ <br>
/de dag ston byed sgo gsum ni/ 'go smos pas go ba rnams kyi ngor bsdus te bstan pa'i sgo/ <br>
spros pa tsam gyis go ba rnams kyi ngor 'bring du bstan pa'i sgo/ <br>
tshig la 'chel ba rnams kyi ngor rgyas par bshad pa'i sgo rnams so/ <br>
/rnam grangs bcu gcig ni/ shaa ri'i bu/ rab 'byor/ brgya byin/ yang rab 'byor/ byams pa/ yang rab 'byor/ brgya byin/ rab 'byor/ byams pa/ rab 'byor/ kun dga' bo rnams go rim bzhin du dris lan sogs kyis bstan pa rnams so/ <br>
/'khor lo 'di'i dgos pa ni dngos su bskor ba'i tshul bstan yul gyi gdul bya nges par rgyud grol ba 'di la stos dgos pa rnams de bzhin gshett pa'i yul la 'jug pa dang/ brgyud nas sems can thams cad kyi lta ba ngan pa'i sgrib gyogs bsal nas chos thams cad (om 102 ba) kyi gnas lugs phyin ci ma log par mngon sum du rtogs nas mtha' gnyhis la rab tu mi gnas pa'i mya ngan las 'das pa chen po 'thob pa'i phyir ro/ <br>
gsum pa ni/ tha mas mtshan nyid rnam gsum gtso bor ston/ /'khor lo tha ma'i mtshan nyid ni/ ston pas gsungs pa'i dam chos gang zhig mthar thug pa'i don la dgongs nas gtso bor phyir mi ldog pa'i byang chub sems dpa' rnams la bstan pa'o/ <br>
/de'i mtshan gzhi ni/ phal po che dang lang kar <br>
<br>
===Sheja Dzo Chapter 3.2 volume1 (page 364)===
<br>
gshegs pa sogs de bzhin gshegs pa'i snying po'i gtam gtso bor ston pa'i phyogs kyi gsung rab rnams yin no/ <br>
/de dag la ci'i phyir legs par rnam par phye ba'i chos 'khor zhes bya zhe na/ gzugs nas rnam mkhyen gyi bar gyi chos thams cad kun brtags gzhan dbang yongs grub ste mtshan nyid gsum du legs par phyes nas gtso bor gsungs pa'i phyir de skad ces bya'o/ <br>
/de la 'khor lo tha ma'i dngos gzhi ni/ /don dam par tshad gzung ci zhig kyang/ rang re byis pa rnams kyi mthong thos kyi yul tsam du'ng ri ma la ya dang/ byang chub kyi snying po dang/ yangs pa can sogs su dus ma nges par gsungs pas 'di nyid kho na'o zhes mtha' gcig tu gzhag dka' mod kyi gong smos rnams dang dkon mchog brtsegs pa sogs tshigs don gnyis ka rgyas pa'i phyogs rnams ni der bzhag par 'os shing/ de'ng theg pa che chung gi mdo sde phal che ba zhig las dgongs pa can du gsungs pa mang po 'di dag tu gsal bar bstan pa shas che ste/ dper na 'dul ba'i mdor/ dge slong dag gis rung ba'i sha bza' bar gnang ba/ rnam gsum dag pa'i sha 'di ni/ /ma brtags pa dang ma bslangs dang/ /ma bskul ba ni yong med pas/ /de phyir sha ni mi za'o/ <br>
/zhes sogs kyis dgongs pa can du bstan pa sogs mang ba'i phyir ro/ <br>
/gnyis pa de dag chos phung du rnam par gzhag (om 103 na) pa ni/ thams cad chos kyi phung po zhes bya ste/ /de yang brgyad khri dang ni bzhi stong ngo/ <br>
/de ltar lung gi chos thams cad la spyir chos kyi phung po zhes bya ste/ brjod bya don dang rjod byed kyi tshig du ma spungs pa'i phung por snang ba'i phyir ro/ <br>
/de'ng mdzod las chos phung brgyad khrir bshad cing mdzod ttiikra tu sde pa kha cig brgyad khri bzhi stong du 'dod pa'ng bshad la theg chen pa rnams kyis phyi ma 'dod pa ni yongs su grags pa ltar ro/ <br>
/de ltar yang/ kun mkhyen dri med 'od zer <br>
<br>
===Sheja Dzo Chapter 3.2 volume1 (page 365)===
<br>
gyis/ gnyen po rnam grangs kyi sgo nas dbye na chos kyi phung po brgyad khri bzhi stong ste/ sgron gsal las/ thub pa chen pos chos phung po/ <br>
/brgyad khri bzhi stong gsungs pa las/ /zhs gsungs so/ <br>
/phung po'i tshad la nyan thos 'dod tshul gsum/ /chos kyi phung po re re'i tshad la 'dod tshul mang yang/ nyan thos kyi 'dod tshul gtso bo gsum ste/ sde pa kha cig gis ni bye smras bka' dang/ mdo sde pas bstan bcos su 'dod pa'i mngon pa sde bdun gyi nang tshan/ chos kyi phung po shaa ri'i bus/ /zhes bshad pa de la gzhung tshad shlo ka drug stong yod pas/ de chos phung gcig gi tshad yin zhing brgyad khri'i nang nas de tsam zhig lus kyi gzhan ni nub bo zhes zer ro/ <br>
/yang sde pa kha cig gis ni/ phung po khams dang skye mched dang/ rten 'brel la sogs pa'i rnam grangs re re'i gtam rdzogs pa ni chos phung re re'i tshad du 'gyur zhing dbye ba'ng de ltar byas par 'dod do/ <br>
/yang kha cig nyon mongs pa 'dod chags/ zhe sdang/ gti mug /nga rgyal/ log lta/ the tshom rnams nang gses su dbye ba dang/ phan tshun sbyor ba sogs kyis brgyad khrir 'gyur la/ de dag re re'i gnyen por chos phung re rer bstan cing/ rang rang gi gnyen po'i bya ba yongs su rdzogs par ston pa'i gtam ni de'i tshad du 'dod do/ <br>
/gzhan dag glang po rab brtan (om 103 ba) rgyab tshad bzhed/ /de las gzhan dag theg pa chen po pa dag gi dbang du byas te/ naa ga bo dhi la sogs pa ni/ chos gang zhig gi ming tshig lha'i gos ltar srab pa'i gro ga'm taa lar/ skra'i rtse mo'i cha shas kyis mtha' rgyags med par bris pa/ glang po che dar ma'i rgyab non pa'i tshad la phung po gcig tu bzhed cing/ tshig gsal las theg pa bla na med pa'i dbang du byas te dbang po'i glang po che rab brtan gyis bkur bar 'os pa'i snag tshwas ni chos kyi phung po gcig 'bri bar nus so zhes gsungs te/ de ltar byas na mdo gang *<br>
<br>
===Sheja Dzo Chapter 3.2 volume1 (page 366)===
<br>
dag las 'phags pa lhas byin gyis glang po che lnga stong gis bkur bar bya ba'i glegs bam rnams kha ton du rjod par byed do zhes gsungs pa 'di yang rigs par 'gyur ro/ <br>
/zhes bshad cing mdo gang dag las zhes pa'i mdo ni drin lan bsab mdor grags pa de nyid do/ <br>
/gnyis pa thun mong ma yin pa gsang sngags kyi chos 'khor bshad pa la lnga/ bya rgyud/ spyod rgyud/ rnal 'byor rgyud/ bla med rgyud/ gsungs tshul gzhan bshad pa'o/ <br>
/dang po ni/ rgyud sde bzhi las bya rgyud 'og min dang/ /ri rab rtse mor 'jam dpal sogs la gsungs/ /gsang sngags rdo rje theg pa la rgyud sde rnam pa bzhir grags pa'i thog mar bya ba'i rgyud ni gnas 'og min du dkyil 'khor la bkod pa dang sangs rgyas byang sems dpag tu med pa'i 'khor la gtso bor gsungs shing/ ri rab kyi rtse mo sum cu rtsa gsum dang mi yul sogs su 'jam dpal sogs gtso bor gyur pa'i 'khor la ci rigs par gsungs pa dang/ dpung bzang gi rgyud lcang lo can du gsungs par bshad pa sogs kyang yod do/ <br>
/de'ng ston pas zhal nas gsungs pa dang/ ston pa'i mthus 'jam dpal/ spyan nas gzigs/ phyag rdor sogs kyis bshad pa dang/ 'jig rten pa'i lha la sogs pas smras pa/ ston pas byin gyi brlabs pa sott ci ritt par mchis so/ <br>
/gnyis pa ni/ spyod rgyud (om 104 na) rnam snang zhing dang zhing bar ma/ /rtsa gsum sogs su sras bcas rgyal la ste/ /gsung ba po ni mchog gi sprul sku'o/ <br>
/spyod pa'i rgyud ni gnas rnam snang sangs rgyas pa'i zhing khams me tog gi snying po'i rgyan bkod pa dang/ de'i zhing khams bar ma dang lcang lo can la sogs pa'i gnas su 'khor dkyil 'khor la bkod pa dang sras dang bcas pa'i rgyal ba rgya mtsho la bstan pa ste/ bya spyod gnyis ka'ng gsung ba po'i ston pa ni <br>
<br>
===Sheja Dzo Chapter 3.2 volume1 (page 367)===
<br>
mchog gi sprul pa'i sku nyid kyi rnam pas so/ <br>
/gsum pa ni/ rnal 'byor rgyud ni ston pa 'og min du/ /sangs rgyas las sprul longs sku chung ngu yis/ /ri rab rtse mor dkyil 'khor sprul pa dang/ /gzhan 'phrul dbang byed la sogs ma nges gsungs/ /rnal 'byor rgyud ni ston pa 'og min du longs spyod rdzogs skur sangs rgyas nas longs sku chung ngu'm/ sprul sku'i rnam snang ri rab kyi rtse mor gshegs nas de bzhin gshegs pa'i dkyil 'khor chen por sprul bshad mdzad pa'i tshul gyis gtso bor gsungs shing/ gzhan ni gzhan 'phrul dbang byed kyi gnas sogs su ma nges par bstan par mdzad do/ <br>
/bzhi pa ni/ bla med gsang 'dus ston pas bdud btul rjes/ /dga' ldan yang na gzhan 'phrul gnas su gshegs/ /dkyil 'khor sprul nas mkha' khyab 'khor la gsungs/ /a ldkaa ra kun snying dag gis bzhed/ /rnal 'byor bla na med pa'i rgyud rnams las pha rgyud gsang ba 'dus pa ni/ ston pa nam phyed la sangs rgyas pa'i tho rangs bdud btul te dga' ldan du byon nas der sku'i 'byung ba chen po las gzhal yas khang sprul/ phung khams sogs las dkyil 'khor bkod pa'i lha rnams sprul te 'khor nam mkha' khyab pas bcom ldan 'das la gsol ba btab pas 'dud chags can rjes su bzung ba'i phyir gsungs par bzhed cing/ rab tu sgron gsal las kyang dga' ldan du gsungs par bshad/ yang na khyab 'jug sogs kyi rgyud la dga' ba'i skye bo 'dod chags can (om 104 ba) rnams kyi don du gzhan 'phrul dbang byed kyi gnas su gshegs nas dkyil 'khor sprul te mkha' khyab kyi 'khor la gsungs pa'ng bshad do/ <br>
/snga ma ni pnntti ta a ldkaar ka laa sha dang/ phyi ma yo ga'i shing rta pa chen po slob dpon kun dga' snying po dag gis bzhed pa yin no/ <br>
/bod <br>
<br>
===Sheja Dzo Chapter 3.2 volume1 (page 368)===
<br>
sogs ston pa mnyan yod bzhugs pa'i tshe/ /indra bhuu tis gsol btab o rgyan gshegs/ /sprul pa'i dal du dbang rgyud gnang bar gsungs/ /bod kyi mkhas pa rnams dang sogs khongs nas rgya gzhung kha cig nas kyang ston pa mnyhan yod na bzhugs pa'i tshe o rgyan gyi rgyal po indra bhuu tis bcom ldan 'das kyi che ba'i yon tan thos nas spyan 'dren pa'i gsol btab pas ston pa 'khor bcas byon pa la mchod de srid pa las thar par gsol ba las/ rab tu byung zhig gsungs pa la 'dod yon spyod bzhin du 'thsang rgya ba zhig zhus pas/ ston pas sprul sku'i snang ba bsdus te dpal gsang ba 'dus pa'i dkyil 'khor sprul nas/ indra bhuu ti sogs nyan pa'i skal pa can rnams la dbang bskur rgyud bstan nas rdo rje chos la rgyud gtad par bshad do/ <br>
/gshed skor bdud dpung 'dul tshe gsang gsum gyi/ /rdo rje las byung dkyil 'khor sprul sogs mang/ /gzhin rje gshed kyi skor ni/ ston pa mngon par byang chub pa'i dus bdud dpung rnams kyis bar du gcod pa'i tshe ston pas bdud chen po las mchog tu rgyal ba zhes pa'i ting nge 'dzin la bzhugs te/ sku gsung thugs kyi rdo rje las khro bo gshin rje gshed phyung nas dkyil 'khor sprul te bdud thams cad btul nas rgyud rgyas par gsungs/ sogs khong nas shed skor so so la gleng gzhi yod pas mang ste/ ston pa gshin rje gshed lha bcu gsum dang bcas pa'i 'khor tshogs mang po dang thabs gcig tu bzhugs nas bsdus rgyud gsungs/ ston pa rdo rje btsun mo'i bha ga zhes pa chos 'byung gi nang gi gzhal yas khang na (om 105 na) gti mug rdo rje sogs dang lhan cig bzhugs pa'i tshe phyag rdor la nyan par gdams pas des zhus nas gshed dmar gsungs so/ <br>
/dgyes rdor bdud 'joms tshe na chos 'byug du/ /rtsa ba'i rgyud bstan bshad rgyud bzhan du'o/ <br>
/ma rgyud dgyes pa rdo rje ni/ rdo rje phreng ba'i 'grel par gnas dzmbu'i gling du <br>
<br>
===Sheja Dzo Chapter 3.2 volume1 (page 369)===
<br>
sprul pa'i skus ma ga dhaar bdud bzhi 'joms pa'i dus gsungs par bshad la/ de yang rdo rje btsun mo'i bha ga zhes pa chos 'byung ste/ de'i anng du gnas pa'i gzhal yas khang du ston pa bcom ldan 'das 'khor 'jig rten dang 'jig rten las 'das pa du mas bskor te bzhugs pa la/ rdo rje snying po dang bdag med ma la sogs kyis zhus nas rtsa rgyud rgyas pa dang bsdus rgyud brtag gnyis gsungs/ ston pa gzhal yas khang gi dbus su 'khor los sgyur ba lnga'i lha tshogs dang 'jig rten dang 'jig rten las 'das pa'i 'khor dang bcas te bshad rgyud rdo rje gur gsungs te dus rtsa rgyud las gzhan du'o/ <br>
/bde mchog thog ma med nas rgyal bas gsungs/ /gnyis ldan dus su 'bras bu'i he ru kas/ /dzmbu'i gling du 'khor la bskyar nas bshad/ /rtsod dus drag po chung ma 'khor bcas khyis/ /gnas yul dus khrod rnams la dbang byed tshe/ /sprul pas btul nas dkyil 'khor bkod de gsungs/ /'khor lo bde mchog gi rgyun rnams ni thog ma med pa'i dus nas sangs rgyas thams cad kyis bstan par bshad pa dang/ thog ma med par ston pa 'di sangs rgyas nas bstan par bzhed pa dang/ gnyis ldan gyi dus drag po'i 'jigs byed btul ba'i gnas dzambu'i gling 'dir ston pa sprul pa'i sku 'bras bu'i he ru kas 'khor sangs rgyas byang sems rigs lnga'i dpa' bo dang dpa' mo/ <br>
sdud pa po gsang bdag /drag po 'jigs byed 'khor dang bcas pa rnams la dbang bskur zhing rgyud bskyar nas bstan par bshad pa dang/ rtsod ldan gyi dus drag po 'jig byed dbang phyug chen po zhi rgyas (om 105 ba) dbang drag gi sku bzhi chung ma dang bcas pas ri rab kyi byang shar dang dbus dang gzhan 'phrul dbang byed dang ma ga dhaa rnams su gnas te yul nyer bzhi dang dur khrod brgyad rnams de'i rjes 'jug gi lha dang dri za dang gnod spyin dang srin po dang klu dang mi ma yin rnams bzhi bzhir dbye bas <br>
<br>
===Sheja Dzo Chapter 3.2 volume1 (page 370)===
<br>
nyer bzhi dang/ mi'm ci bzhi dang phra men bzhi ste brgyad kyis bzung nas dzambu'i gling thams cad dbang du bsdus shing las log pa la rang yang zhugs nas gzhan yang 'god par byed pa'i dus/ ston pa rdo rje 'chang byang chub pa lngas mgnon par rdzogs par sangs rgyas te chos kyi dbyings kyi ngang nas 'og min du sangs rgyas byang sems dpag tu med pa la 'od gsal lhan cig skyes pa'i chos bstan/ drag po dbang phyug 'khor bcas 'dul ba'i dus la bab par mkhyen te sprul sku'i 'bras bu'i he ru kar bzhengs nas ri rab kyi rtse mor byon pa la rigs lnga'i rgyal bas gzhal yas khang dang dpa' bo dpa' mo la sogs pa'i lha rnams sprul te phul bas ston pa nyid lons sku'i ting nge 'dzin la bzhugs nas gdul bya la gzigs te gling bzhi bye ba phrag brgyar dkyil 'khor gyi 'khor lo sna tshogs pa spros/ dzambu'i gling 'dir bde mchog zhal bzhi phyag bcu gnyis par sprul nas 'jigs byed dang dus mtshan zhabs 'og tu mnana zhing btul/ sprul pa'i 'khor rnams kyis kyang yul nyer bzhi dang dur khrod brgyad bzung ba'i ma rungs pa rnams btul/ ri rab kyi rtse mor bcom ldan 'das gzhal yas khang du 'khod de 'khor dkyil 'khor la 'khod pa dang sangs rgyas byang sems re rab kyi rdul dang mnyam pa dang/ drag po'i 'jigs byed 'khor bcas dang/ skal pa dang ldan pa'i lha mi dang bcas pa la rdo rje rnal 'byor mas zhus te rtsa rgyud dang/ phyag rdor gyis zhus te bshad rgyud rnams gsungs par bzhed pa dang/ gzhan yang bshad tshul sna tshogs pa snang ngo/ <br>
/dus 'khor mya ngan (om 106 na) 'das pa'i snga logs kyi/ /nag nyar dpal ldan 'bras spungs mchod rten gyi/ /'og tu chos dbyings gsung dbang steng mar ni/ dpal ldan rgyu skar dkyil 'khor legs sprul nas/ /zla bzang la sogs skal ldan 'khor la gsungs/ /dpal dus kyi 'khor lo ni ston pa mya ngan las 'das pa'i tshul <br>
<br>
===Sheja Dzo Chapter 3.2 volume1 (page 371)===
<br>
bstan pa'i snga logs kyi lor nag pa'i nya la sangs rgyas kyi mthus lho phyogs dpal ldan 'bras spungs kyi mchod rten du gshegs te 'og tu chos dbyings gsung gi dbang phyug dang steng du dpal ldan rgyu skar gyi dkyil 'khor legs par sprul nas rdo rje seng ge'i khri la bzhugs te dkyil 'khor la bkod pa'i 'khor nams dang/ zhu ba po rgyal po zla ba bzang po dang gzhan yang rgyal po dgu bcu rtsa drug la sogs pa skal pa dang ldan pa'i 'khor nams la rtsa ba'i rgyud kyi rgyal po stong phrag bcu gnyis pa gsungs so/ <br>
/'di ni kun mkhyen rang byung zhabs sogs bod kyi dus 'khor ba yongs grags rnams kyi lugs ltar bshad kyi/ jo nang rje btsun chen po rjes 'brangs dang bcas pa rnams ni ston pa sangs rgyas pa'i phyi lor gsungs par bzhed do/ <br>
/lnga pa ni/ 'bras spungs kho nar rgyud sde ma lus pa/ /bstan par bzhed dang kun rdzob don dam gyi/ /tha dad gnas su 'khor lo'i mgon po'i skur/ /bzhengs te ston 'khor dbyer med bde chen dang/ /naa da'i dbyangs kyis dus kun bsgrags pa'o/ <br>
/bshad ma thag pa de rnams kyang phyogs re ba'i dbang du byas pa yin gyi gzhan du na theg pa chen po sogs gsang sngags kyi tshul ni zab pa dang rgya che ba'i mthar thug pa yin pa'i phyir/ 'di kho nar zad kyi 'di las gzhan ma gsungs so zhes smra bar mi nus te/ dpal ldan 'bras spungs kyi mchod rten kho nar rgyud sde ma lus pa rdzogs par bstan par bzhed pa'ng yod cing de la'ng phyogs 'dir ma byon pa'i rgyud sde du ma'i lung khungs grub (om 106 ba) thob brgyad pa'i bshad rgyun las byung bar grags pa dang/ 'og min dang/ dga' ldan dang/ ri rab kyi rtse dang/ om tyan dang/ dpal ldan 'bras spungs kyi mchod rten la sogs pa gnas kyi bye brag kun rdzob pa'i dbye ba bstan pa dang/ rdo rje btsun mo'i bha ga dang/ bde ba chen po'i gnas dang/ <br>
<br>
===Sheja Dzo Chapter 3.2 volume1 (page 372)===
<br>
chos kyi 'byung gnas thar pa chen po'i pho brang sogs spros mtshan gyi yul thams cad las 'das pa chos kyi dbyings 'gyur ba med pa don dam pa'i gnas rnams su ston pa dpal 'khor lo sdom pa dang/ dgyes pa rdo rje dang/ dus kyi 'khor lo la sogs pa dkyil 'khor rgya mtsho'i 'khor lo'i mgon po'i skur bzhengs te/ ji skad du/ 'chad pa po nga chos kyang nga/ /rang gi tshogs ldan nyan pa nga/ /'jig rten ston pa bsgrub bya nga/ /'jig rten 'jig rten 'das pa nga/ /zhes pa ltar ston 'khor tha mi dad pa bde ba chen po gcig gi rang bzhin las/ rdo rje naa da mi shigs pa'i sgra'i gsang ba chen pos chos kyi 'khor lo dus rtag tu bskor zhing bsgrags par shes par bya'o/ <br>
/lunggi chos 'khor bye brag tu dbye ba'i skabs gnyis pa'i 'grel pa'o/ <br>
/<br>
 
 
[[Category:Rimey Literature]]

Latest revision as of 07:17, 3 January 2006

Windsor Viney ('gyur med blo gsal),

Kitchener, Ontario, Canada

Freelance editor of scholarly books, Ph.D. candidate in (western) philosophy, long-time student of Buddhism with current interest in the Bön (bon) tradition.

Retrieved from "https://rywiki.tsadra.org/index.php?title=Windsor_Viney&oldid=420240"