User:Rooster

Sheja Dzo (shes bya mdzod), The Treasury of Knowledge, by Jamgon Kongtrul.

This file was typed by Phinjo Sherpa at Rangjung Yeshe Translations & Publications office in Boudhanath, Nepal. Thanks for the sponsorship to Peter ___ and Christoph ___, two student of Khenpo Tsultrim Gyamtso Rinpoche.

There is still need for more spellcheck and hyperlinks. Erik Pema Kunsang

Sheja Dzo Chapter 2.3 volume1 (page 300)

skabs gsum pa sprul pa'i sku'i mdzad pa bshad pa la gsum/ mdzad pa'i tshul spyir bshad pa/ mdzad pa bcu gnyis bye brag tu bstan pa/ theg pa che chung gi rnam dbye 'phros don du smos pa'o/
/dang po ni/ mchog gi sprul sku'i mdzad pa brgya la sogs/ /thun min don thob dbang gis tshad med kyang/ /thun mong la grags mdzad pa bcu gnyis te/ /sangs rgyas kyi rnam thar dang phrin las ni nam mkha' ltar rgya che bas 'phags pa rnams kyi spyod yul du'ng ma gyur na so skye'i blo yis phyogs tsam yang dpog pa lta ci smos/ 'on kyang sangs rgyas kyi zhing 'dir mchog gi sprul pa'i

Sheja Dzo Chapter 2.3 volume1 (page 301)

sku'i rnam par rol ba gdul bya thun mong du snang ba las brtsams te mdzad pa'i tshul 'di lta bu'o zhes gtam du gleng ba'i gzhir gyur pa yin pas/ mdo sde rin po che rnams las 'phags bod kyi mkhas pa rnams kyis gtso che ba dag bsdus te mdzad pa'i rnam grangs brgya rtsar bshad pa la sogs pa dang/ thun mong ma yin pa theg pa chen po dang sngags kyi tshul las 'byung ba dang/ rjes dpag gi rigs pas don thob tu 'jog par 'os pa sogs tshad (om 72 na) med pas mtha' gcig tu sangs rgyas kyi mdzad pa 'di kho na'o zhes kha tshon gcod par mi nus kyang/ theg pa che chung gi gdul bya thun mong la yongs su grags pa ni mchog gi mdzad pa bcu gnyis zhes bya ste/ de'ng rgyud bla ma las/ thugs rje chen pos 'jig rten mkhyen/ /'jig rten kun la gzigs nas ni/ chos kyi sku las ma gyos par/ /sprul pa'i rang bzhin sna tshogs kyis/ /skye ba mngon par skye ba dang/ /dga' ldan gnas nas 'pho ba dang/ /lhums su 'jug dang bltams pa dang/ /bzo yi gnas la mkhas pa dang/ /btsun mo'i 'khor dkyes rol ba dang/ /nges 'byung dka' ba spyod pa dang/ /byang chub snying por gshegs pa dang/ /bdud sde bcom dang rdzogs par ni/ /byang chub chos kyi 'khor lo dang/ /mya ngan 'das par gsegs mdzad rnams/ /yongs su ma dag zhing rnams su/ /srid pa ji srid gnas par ston/ /ces gsungs pa ltar ro/
/gnyis pa la dga' ldan gyi gnas nas 'pho ba sogs bcu gnyis rim par 'chad pa'i dang po ni/ dga' ldan gnas su dam pa tog dkar pos/ /chos sgo brgya bstan gzigs pa rnam lngas 'phos/ /bdag cag gi ston pa 'di sangs rgyas 'od srung gi sbyan sngar bram ze'i khye'u bla mar gyur nas tshangs par spyod pa spyad de dga' ldan gyi gnas su lha'i bu dam pa tog dkar po zhes bya ba skye ba

Sheja Dzo Chapter 2.3 volume1 (page 302)

gcig gis thogs pa'i byang chub sems dpar sku 'khrungs pa yan chad skye ba mngon par skye ba'i sprul pa'i skus byang chub kyi spyod pa rdzogs nas/ mchod pa'i rol mo las gzhan don du bskul ba'i sgra gsan pa na chos kyis mtho ba zhes bya ba'i khang bzang du byang chub sems dpa' rang dang skal ba mnyam pa rnams dang bka'i bgro ba mdzad cing chos ston pa'i gnas su/ dad pa ni chos snang ba'i sno ste bsam pa mi phyed par 'gyur ro zhes pa la sogs pa chos snang ba'i sgo brgya rtsa brgyad bstan nas la thod dang cod pan byams pa'i dbu la bzhag nas khyod ni nga'i 'og tu mngon par (om 72 ba) rdzos par 'tshang rgya bar 'gyur ro zhes lung bstan cing dga' ldan du chos ston pa po'i rgyal tshab tu dbang bskur nas gzigs pa rnam pa bzhi'm lnga yis 'jig rten la gzigs nas dpyid zla tha chung skar ma sa gas nya ba'i tshes bco lnga rgyu skar rgyal dang ldan pa'i dus sbyor la dga' ldan gyi gnas nas 'pho bar mdzad do/
/gnyis pa ni/ 'dzam gling tshe lo brgya par yul dbus su/ /rgyal rigs yab dang sgyu 'phrul lhums su zhugs/ /de'ng mi'i gling gzhan gsum las khyad par du 'phags pa dzmbu'i gling/ tshe lo brgyad khri pa yan chad longs spyod kyi 'byor ba che bas yid 'byung bar dka' zhing/ lo brgya pa man chad kyang snyigs ma lnga ha cang bdo bas mi khom par snang bas de dag gi skon med pas skye dgu gdul sla bar gyur pa'i dus tshe lo brgya pa/ rtsod dus la ltos te yul gyi skyon gyi cha nas smad du med pa dbus 'gyur 'chang gi yul/ /jig rten 'dir res 'ga' rgyal rigs dang res 'ga' bram ze'i rigs mtso bor bkur ba las da lta rgyal rigs bkur bas mang bkur gyi rgyal brgyud rigs phun sum tshogs pa'i yon tan drug cu rtsa bzhis brgyan pa yab rgyal po zas gtsang ma dang/ yum yang bud med kyi yon tan sum cu rtsa gnyis kyi brgyan pa lha mo sgyu 'phrul

Sheja Dzo Chapter 2.3 volume1 (page 303)

chen mo la gzigs nas/ glang po che'i phrul gu thal kar mche ba drug pa'i tshul gyis yum gso sbyong blangs pa'i glo gyas par zhugs nas lhums su tsandan gyi khang bu brtsegs par byis pa zla drug lon pa'i tshad tsam pa na bza' dang bcas pa skyil mo krung gis bzhugs te stong gsum gyi zil dang ro bcud tshangs pa chen pos phul ba bzhes nas sku lus brtas par mdzad do/
/de la gzigs pa bzhi ni/ gling dang dus dang yum dang rigs te gong du smos pa ltar la/ gzigs pa lnga ni/ rgyal rigs dang/ yul dbus dang/ tshe lo brgya (om 73 na) pa'i dus/ shaakya'i rigs brgyud/ byang chub sems dpa' zla ba bcur lhums su 'dzin par nus pa'i yum ste lnga la gzigs pa lung dang mngon 'byung nas gsungs shing/ snyigs ma lnga ni/ tshe dang/ dus dang/ lta ba dang/ sems can dang/ nyon mongs pa'o/
/de yang tshe'i snyigs ma dang dus kyi snyigs mas srog dang yo byad rgud par byed/ nyon mongs pa dang lta ba'i snyigs mas dge ba'i phyogs rgyud par byed/ sems can gyi snyigs mas gzugs rgud par byed cing/ gzhan yang nad med pa dang/ stobs dang/ blo dang/ brtson 'grus dang/ bsam gtan nyams par byed pa'o/
/gsum pa ni/ ngo mtshar mtshan ma bye ba snyed dang bcas/ /lumbi nii yi tshan du don grub bltams/ /lhums su zla ba bcu tshang bar bzhugs pa'i tshe lha mi khrags khrig sum cu rtsa drug theg pa gsum la smin par mdzad de bltams pa'i snga ltas sum cu rtsa gnyis dang/ gling chen po bye ba phrag bzhi'i dbus su a shwtthaa'i ljon pa skye ba dang/ gling phran rnams su tsndan gyi tshal skye ba dang/ ser skya'i grong gi khor yug tu bde ba'i 'byor pa tshad med pa rang bzhin gyis 'byung ba sogs ngo mtshar ba'i mtshan ma bye ba khrag khrig 'bum phrag snyed kyis zhing thams cad yongs su gtams pa dang bcas/ lumbi nii'i skyed mos tshal du

Sheja Dzo Chapter 2.3 volume1 (page 304)

dbo zla'i tshes brgyad rgyu skar rgyal dang ldan pa'i dus su yum la gnod pa med par dku gyas brtol te mtshan dpe'i dkyil 'khor gsal ma thag tshangs pa dang brgya byin la sogs pa lha klu rnams kyis mchod cing bsnyen bkur/ phyogs bzhir zhabs kyis goms pa bdun bdun bor te stong chen po'i sems can thams cad dbugs dbyung ba'i gsung dbyangs phyung/ yab rgyal pos bltams pa'i ngo mtshar las brtsams te gzhon nu don thsms cad grub pa zhes bu ba'i mtshan phul/ ser skya'i gzhir ma ma sum cu rtsa gnyis kyis bskyed (om 73 ba) bsrings/ shaakya gtum po gzu lum can rnams kyi nang du thub pa bzhin gnas pas mtshan gnyis pa shaakya thub pa zhes btags/ shaakya rnams kyi lha gnod sbyin shaakya 'phel sogs 'jig rten skyong ba thams cad kyis zhabs la phyag byas pas yab kyis mthsan gsum pa lha'i yang lha zhes pa btags/ drang srong nag po nyon mongs med kyis sangs rgyas su 'gyur ba lung bstan to/
/bzhi pa ni/ yig rtsis ri mo 'phong stobs brtag dpyad gtam/ /lugs mang sgyu rtsal bzo yi gnas la mkhas/ /byang chub sems dpa' shes bya'i gnas thams cad kyi mthar son kyang gdul bya grangs med pa smin pa'i slad du yi ge slob pa'i grar byon te yig mkhan kun gyi bshes gnyen las slob pa ltar mdzad cing des ming tsam yang ma thos pa mang po bstan pa dang/ dkung lo bcu drug rdzogs pa na shaakya lag na be con gyi bu mo lha mo dpal chen mo'i sprul pa sa 'tsho ma rgyal ba'i ru mtshon tu bzhag nas shaakya gzhon nu lnga brgya dang rtsal 'gran pa'i thog mar rtsis pa chen po shaakya srid sgrub dpang du btsugs te grangs kyi gnas 'gran pa la dbang po dang bcas pa kun gyis byang chub sems dpa'i cha tsam la'ng 'gran par ma nus shing/ de bzhin du ri mo'i 'du byed dang/ 'phong dang stobs dang brtag dpyad dang gtam dang rkyal dang bang dang 'degs

Sheja Dzo Chapter 2.3 volume1 (page 305)

mchongs la sogs pa lugs srol shin tu mang po'i sgyu rtal dang bzo'i gnas yod do cog la shin tu mkhas pas sus kyang 'gran zla med par gyur te/ lhas byin la sogs pa rigs pa dang stobs kyi nga rgyal can rnams kyang dul bar mdzad do/
/lnga pa ni/ yon tan kun tshang sa 'tsho grags 'dzin sogs/ /btsun mo drug khri'i 'khor rol smin par mdzad/ /gzugs bzang dar bab dregs pa dang bral zhing gtong la dga' ba sogs bud med rin po che'i yon tan kun tshang ba sa 'tsho (om 74 na) grags 'dzin/ ri dwags skyes te so so 'khor nyi khri dang bcas pa btsun mo drug khri'm brgyad khri bzhi stong gi tshogs kyis 'chi med 'dun sa lta bu'i glu dbyangs rol mo'i sgra la sogs pa bkod pa phul du byung bas mchod cing/ de dag gi nang du rtse zhing rol ba la sogs thabs la mkhas pa'i mdzad pas btsun mo'i 'khor de dag thams cad kyang byang chub tu yongs su smin par mdzad do/
/drug pa ni/ rga na 'chi dang tshangs spyod gzigs sogs kyis/ /nges 'byung rab tu byung nas dur smrig bzhes/ /dgung lo nyer dgu pa la grong khyer gyi sgo bzhir rgas pa dang/ na ba dang/ 'chi ba dang/ tshangs skyod rab tu byung ba rnams gzigs shing phyogs bcu'i rgyal ba rnams kyis glu dbyangs sil snyan gyi sgras bskul zhing byin gyis brlabs pa dang/ rang nyid kyi smon lam gyi mthus rgyal srid btsun mo'i 'khor rnams la skyo ba'i tshul bstan te nges par 'byung ba'i thugs skyes pa na/ da ni zhag bdun la rab tu ma byung na 'khor los sgyur ba'i rgyal por 'gyur ro zhes mtshan mkhan rnams kyis lungs bstan pa thos nas/ shaakya rnams kyis stobs ci yod pas mel tshe byas te bsrungs pa na/ tha skar zla ba'i nya'i mthsan morr grags 'dzin ma'i mngal du rdo rje sems dpa'i

Sheja Dzo Chapter 2.3 volume1 (page 306)

sprul pa sras sgra gcan 'dzin bzang po byin gyis brlabs te/ nam phyed na chibs pa sngags ldan la chibs/ zham 'bring ba 'dun pa dang brgya byin la sogs lha bye ba phrag stong mang pos mchod cing nam mkha'i lam nas dpag tshad bcu gnyis kyi shar phyogs 'das pa yangs pa can tu gshegs nas gtsugs phud rang nyid kyis bcad de rab tu byung/ lha yis phul ba'i na bza' dur smrig bzhes/ 'dun pa chibs bcas slar log nas yab dang btsun mo rnams kyi mya ngan bsang/ gtsug phud dang kaa shi kaa'i na bza' lha rnams kyis khyer te mchod pa chen pos (om 74 ba) mchod do/
/bdun pa ni/ srid rtse'i snyoms 'jug mngon mdzad chu klung ngogs/ /lo drug skyil krung gcig gis dka' ba spyad/ /byang chub sems dpa' khyim nas khyim med par rab tu byung ba'i rjes su yangs pa can du gshegs te sgyu rtsal shes kyi bu ring 'phur dang/ rgyal po'i khab tu rangs byed kyi bu lhas spyod gnyis las bsam gtan gyi gdams ngag nod cing de dag gi rtogs pa'i mthar thug ci'ng med pa dang yod min med min gyi skye mched de srid rte'i snyoms 'jug mthar thug pa tshegs chung dus mngon par mdzad kyang zag bcas nyer len dang bcas pa'i bsam gtan snyoms 'jug ting nge 'dzin rnams sun dbyung zhing des mi grol bar bstan pa dang/ lus kyi rgyu'i lung bstan cing log pa'i brtul zhugs can rnams kyang 'dun cing des mi grol bar bstan pa la sogs pa dgos pa mang po nye bar gzigs nas/ chu klung nee rnydza na'i ngogs su lo drug tu skyil mo krung gcig gis 'das/ rgya shug gi 'bru/ nas 'bru gcig /til 'bru gcig rnams nyin rer gsol ba dang chu thigs gcig kyang mi gsol ba la sogs pa'i dka' ba spyad cing/ lus ngag gi dka' thub la snying po med pas spyod pa des kyang byang chub rdzogs par mi nus par bstan pa'i phyir/ slar kha

Sheja Dzo Chapter 2.3 volume1 (page 307)

zas rags pa gsol bas sku stobs dang ldan cing mdzes par gyur pas dge spyong mdzes par mtshan tu grags so/
/brgyad pa ni/ 'o thug gsol nas mtshan dpe 'od du 'bar/ /rtswa yi stan bsnams byang chub snying por gshegs/ /de nas phyag dar khrid kyi gos las chos gos spyar mar mdzad pa bzhes shing grong mi dga' byed ma'i bu mo legs skyes ma la lhas lung bstan pa bzhin ba stong gi 'o ma lan bdun du nying khur byas pa'i 'o thug sbrang rtsi can gsol ma thag tu gser gyi mdog dang/ 'od 'dom gang la sogs mtshan dpe rnams rab tu gsal zhing 'od du 'bar bar gyur cing/ (om 75 na) rtswa 'tshong bkra shis las rtswa bslangs te ltan gyi phyir bsnams nas/ mi bskyod stabs dang dbang po'i mchod sdong 'dra/ /zhes pa la sogs pa'i lnga bcu rtsa gcig gis byang chub snying por gshegs pa na/ sa gzhi thams cad 'khr ba'i snod bzhin du sgra 'byin/ stong gsum gyi bdag po tshangs pa dbang sgyur gyis 'jig rten 'di bkod pa chen pos kun nas brgyan pa la sogs pa lha rnams dang phyogs bcu'i byang chub sems dpa' rnams kyis phyogs bcu'i sangs rgyas kyi zhing mang por rang rang gi tshogs gnyis kyi stobs tshad med pa'i bkod pas brgyan/ sangs rgyas kyi zhing thams cad skyod pa'i 'od zer dpag tu med pas dmyal ba la sogs pa'i 'gro ba rnams dbugs dbyung zhing klu nag po bya ba tshe bskal par gnas shing dmus long du gyur bpa/ sangs rgyas 'jig rten du byon pa'i tshe mig thob pa de'ng mig bye zhing snang ba mthong/ tshaa sha'i khyu rnams snyan par sgrogs shing mkha' la gyas su bskor/ thub mchog nyid kyis kyang dus gsum gyi sangs rgyas kyi zhing yod do cog gi byang chub snying po'i rgyan bkod pa ji snyed pa rnams de nyid du snang bar mdzad/ rtsaa'i rtse mo rnams nang du bstan nas bting ba'i steng du skyil mo krung bcas nas zhal shar

Sheja Dzo Chapter 2.3 volume1 (page 308)

du gzigs/ sku drang por bsrang/ dran pa mngon du bzhag nas bzhugs so/
/dgu pa ni/ shin tu mi bzad gyon can bdud kyi sde/ /nyon mongs dang bcas byams pa'i mthu yis bcom/ /de nas bdud las rgyal ba dang bdud ris kyi lha'i bu dge rtsa can rnams smin par mdzd pa'i slad du smin mtshams nas 'od zer spros te bdud kyi gnas gyos shing bskul bas/ sdig can rang nyid kyis rmi ltas mi bzad pa mthong ba sogs 'jigs skrag sngangs shing shin tu mi bzad pa'i sems skyes te/ dpag tshad brgyad cu'i khor yug gang ba'i dpung gi tshogs dran pa tsam gyis snying 'gas par nus pa'i bkod pa (om 75 ba) 'jigs su rung ba dang/ stong gsum kun nas gyon can de 'dra bye ba phrag brgya rnams kyang lhan cig tu lhags te mtshon cha'i char phab cing gdug pa'i dbugs spros pas/ de dag thams cad byang chub snying po mdzes pa'i mchod sprin gyi bkod pa sha stag tu gyur nas mthu rdugs te/ bsod nams de tsam gyis thar pa mi thob pas bzhengs su gsol ba na/ bskal pa dpag tu med par tshogs gnyis bsgrubs shing mthar son pa'i dpang po sa'i lha mo 'khor dang bcas pas zhus/ slar sred ma dang dga' ma sogs bdud kyi bu mo rnams kyis kyang 'dod pa'i gyo sgyus bslu bar brtsams kyang thugs gyo bar ma nus te gyon can bdud kyi sde 'khor dang bcas pa rnams tshar bcad cing/ de dag las dge rtsa smin pa'i lha'i bu tshad med pa dag gi nyon mongs pa rnams par bcom ste byang chub tu smin par mdzad pa sogs mdor na byams pa'i ting nge 'dzin kho nas bdud kyi dmag mi 'khrugs phrag gcig byang chub kyi snying por bzhugs pa'i nam srod 'khor de nyid du btul bar mdzad do/
/bcu pa ni/ bsam gtan bden bzhi rten 'brel rim gzigs nas/ /rdo rje lta bus mngon par rdzogs byang chub/ /nam gyi gung la bsam gtan bzhi

Sheja Dzo Chapter 2.3 volume1 (page 309)

por rim gyis snyoms par zhugs/ lha'i spyan sogs mngon par shes pas bden pa bzhi dang/ rten 'brel lugs 'byung lugs ldog gi rim pa legs par gzigs nas/ nam gyi cha smad skya rengs 'char ka rnga rdung ba'i dus su skyes bu'i khyu mchog kha lo sgyur ba bla na med pa des 'phags pa'i ye shes kyi stobs bskyed pas shes par bya ba dang mngon du bya ba gang ci'ng rung/ de thams cad sems kyi skad cig gcig dang ldan pa'i shes rab kyis rig pa gsum thob cing/ spang bya phra zhing phra ba'ng rdo rje lta bu'i ting nge 'dzin gyis bcom nas chos kun gyi dbyings su bla na med pa yang dag par rdzogs pa'i byang chub tu mgnon (om 76 na) par rdzogs par sangs rgyas so / /de'i nub mo kho nar grags 'dzin ma la sras sgra gcan 'dzin dang/ bdud rtsi zas kyi bu kun dga' bo'ng btsas shing zla ba sgra gcan gyis zin to/
/de nas de bzhin gshegs pa shing taa la bdun srid kyi nam mkha' la 'phags te/ lam gyi rgyun ni chad do zhes bya ba la sogs pas ched du brjod par mdzad/ stong gsum 'di'ng rnam pa drug tu gyos shing phyogs bcu'i 'dren pa rnams kyis legs so gsungs nas chos kyi dga' ba bskur/ stong gsum gyi lha rnams kyis mchod cing bstod de zhag bdun du skyil krung ma bshigs par byang chub kyi shing la gzigs nas bsam gtan gyi bde bas dgyes par mdzad/ bdun phrag gnyis par stong gsum rgyang ring du 'chag/ bdun phrag gsum par byang chub kyi snying po la spyan mi 'dzum par gzigs/ bdun phrag bzhi par shar nub kyi rgya mtsho'i bar du mi ring bar 'chag /bdun phrag lnga par klu btang bzung gi gnas su bzhugs/ bdun phrag drug pa la de nas shing nya gro lha'i drung du bzhud/ bdun pa'i tshe shing sgrol rgyu'i drung du bzhugs pa na lhas bskul te tshong pa ga gon dang bzang po gnyis kyis bsod snyoms kyi thog mar phul ba la rgyal chen bzhis rdo'i lhung bzed bzhi phul ba

Sheja Dzo Chapter 2.3 volume1 (page 310)

gcig tu byin gyis brlabs par blangs nas gsol te/ lha yi bkra shis don grub cing/ /sogs kyi bkra shis mdzad nas sangs rgyas su lung bstan to/
/theg pa chen po'i lugs su 'di dag gi skabs su bkod pa bsam gyis mi khyab pa dang/ zhag bdun phrag bdun gyi skabs su sangs rgyas phal po che'i chos kyi sgo 'byed pa sogs thun mong ma yin pa'i tshul ches mang ngo/
/bcu gcig pa ni/ tshangs sogs gsol btab nges dang ma nges gnas/ /drang nges chos kyi 'khor lo rim gsum bskor/ /rdzogs pa'i sangs rgyas shing sgrol rgyu'i drung du bzhugs pa'i tshe rang gis brnyes pa'i chos zab (om 76 ba) mo de 'jig rten pa kun gyis mi rtogs par dgongs te/ zab zhi spros bral 'od gsal 'dus ma byas/ /bdud rtsi lta bu'i chos shig bdag gis rnyed/ /su la bstan kyang go bar mi nus pas/ /mi smra nags 'dab nyid du gnas par bya/ /zhes gsungs te thugs las chung ngur bzhugs pa na/ sangs rgyas kyi mthus tshangs pa btsug phud can 'khor 'bum phrag drug cu rtsa brgyad kyi 'khor dang lhan cig tu 'ongs nas chos ston par gsol ba btab kyang ma gnang ba na brgya byin grogs su sbran te lan gsum du gsol ba btab pas gdul bya rnams kyi dbang po'i rim pa legs par gzigs te ma nges pa'i sems can rnams las brtsams te bdud rtsi'i sgo dbye bar zhal gyis bzhes pa na de bzhin gshegs pas chos kyi 'khor lo bskor ro zhes pa'i sgra tshangs ris kyi bar du grags so/
de nas tha ra nnaa sir bsod snyoms mdzad cing drang srong lhung ba ri dwags kyi nags su gshegs pa'i tshe lnga sde bzang pos mdun bsus te de dag tshur shog gis dge slong gi dngos por gyur nas sa phyogs der seng ge'i khri chen po stong byung ba dang khri dang po gsum la bskor ba mdzad cing khri bzhi pa la skyil mo krung gis bzhugs pa'i tshe phyogs bcu'i 'jig rten tu snang ba chen pos khyab pa

Sheja Dzo Chapter 2.3 volume1 (page 311)

dang chos nyan par skul ba'i sgra'ng byung ba na lha'i bu bung chub sems dpa' sems bskyed ma thag tu chos kyi 'khor lo bskor ba zhes bya bas dzambu chu gser las grub pa'i 'khor lo rtsibs stong pa phul ba sogs byang chub sems dpa' dang lha dpag tu med pa dag kyang 'dus pa la chu stod zla ba'i tshes bzhir bden pa bzhi'i ngo bo dang/ bya ba dang 'bras bu'i tshul gyis lan gsum du bzlas te rnam pa bcu gnyis su bskor ba'i chos bstan pas lnga sde bzang pos dgra bcom thob/ 'jig rten na dkon mchog gsum gyi thog ma byung/ de nas rim par ri bo ga ya dang (om 77 na) spos ngad ldang/ rgyal po'i khab/ bya rgod phung po'i ri/ mnyan yod rgyal byed kyi tshal/ ko sa la/ ser skya'i gzhi/ yangs pa can gyi grong khyer la sogs pa nges pa dang/ lha dang klu'i gnas/ rdo rje rin po che'i khang pa sogs ma nges pa'i gnas ci rigs pa rnams su drang ba dang nges pa'i don las brtsams te thog mtha' bar du dge ba'i chos kyi 'khor lo chen po rim pa gsum du bskor/ mchog zung la sogs pa 'khor rnam pa bzhi bgrang ba las 'das pa 'bras bu rnam pa bzhi la bkod/ theg pa chen po'i rigs can gyi lha dang mi grangs med pa byang chub tu lung bstan/ mnyan du yod par 'jig rten dang 'jig rten las 'das pa'i cho 'phrul chen po bstan/ sum cu rtsa gsum du yum sgyu 'phrul chen po'i ched du dbyar gnas par mdzad cing grong khyer gsal ldan tu lha las babs/ dpal ldan 'bras spungs kyi mchod rten la sogs par gdull bya thun mong ma yin pa rnams la sngags kyi theg pa bstan pa sogs 'dul bzhi'i cho 'phrul bsam brjod kyi yul las 'das shing/ mdor na dgung lo nyer dgur khab tu bzhugs/ lo drug tu dka' ba spyad/ dgung lo so lnga par sangs rgyas nas dgung lo brgyad cu tham pa'i bar dbyar gnas pa bzhi'i bcu rtsa lnga mdzad nas chos kyi 'klhor lo bla na med pa bskor to/
/

Sheja Dzo Chapter 2.3 volume1 (page 312)

bcu gnyis pa ni/ mi gnas mya ngan 'das pa'i tshul bstan cing/ /sku gdung 'jig rten kun tu rgyas par mdzad/ /de ltar mdzad pa mthar phyin pa'i skabs sku tshe'i 'du byed ni btang/ 'tsho ba'i 'du byed ni byin gyis brlabs nas ltas chen po snang bar gyur pa dang lhan cig grong khyer yangs pa can la sott par rim gyis gshegs te slad ma'i dus chos dang chos ma yin pa rnam par dbye ba na/ mdo sde dan mthun/ 'dul ba la snang/ chos nyid dang mi 'gal na ston pa'i bstan par zungs shig pa sogs gdams nas mgar ba'i bu tshunda las bshos kyi (om 77 ba) tha ma gsol te grong khyer rtswa can du shing saa la zung gi bar tha ma'i gzims khri la seng ge'i nyal stabs kyis bzhugs te snang ba'i 'du shes dang/ dran pa dang shes bzhin gyi 'du shes dang/ mya ngan las 'das pa'i 'du shes thugs la mdzad/ kun dga' bo la ngo mtshar rmad du byung ba'i chos bzhi tshan gsum bstan cing zhal gyi gdams pa bstsal/ dri za'i rgyal po rab dga' dang kun tu rgyu rab bzang sogs btul/ zla ba phyed phyed du so sor thar pa'i mdo 'don pas ston pa'i mdzad pa mdzad pa sogs gdams nas lugs 'byung dang lugs ldog gi bsam gtan la snyoms par zhugs nas/ slar bsam gtan bzhi pa'i rab mtha' la brten nas zhi ba mi gyo ba'i spyan dang ldan pa brnyes te mi gnas pa'i dbyings su mya ngan las 'das pa'i tshul bstan/ zhag bdun du lha dang mi'i mchod pa rgya chen pos mchod cing sku gdung gyad kyis dbu rgyan btags pa'i mchod rten gyi drung du spyan drangs te sa'i steng du zla med pa'i nyan thos chen po bzhi la sogs pas mchod cing me rang 'bar du gyur pas gdung rnams yungs 'bru lta bu'i ring bsrel gyi phung por gyur pa ma ga dhaa'i rgyal po ma skyes dgra dang/ yangs pa can gyi li tstsha bii la sogs pa rnams kyis cha brgyad du bgos te so so'i yul du mchod rten brtsigs shing dus ston chen por

Sheja Dzo Chapter 2.3 volume1 (page 313)

btsugs nas mchod pa rgya chen pos mchod/ tshems mche ba bzhi po sum cu rtsa gsum pa dang/ grong khyer sgra sgrogs klu'i rgyal po sogs kyis so sor thob nas mchod/ ma skyes dgra'i gdung skal rnams phyis chos rgyal mya ngan med kyis blangs te dzmbu'i gling du mchod rten bye ba nub gcig la bzhengs pa dang/ ma 'ongs pa na de dag nor bu tog gi blo gros su gyur nas don mdzad pa sogs mdor na sku gdung yang 'jig ren kun tu rgyas shing 'phel bas sangs rgyas kyi mdzad pa mtha' yas pa mdzad do/
/(om 78 na) gsum pa ni/ nyan thos lugs la cho 'phrul nyin gcig pa/ /theg chen lugs su nyin zhag bco lngas mtshon/ /chos 'khor sku tshe'i tshad sogs 'dra min rlabs/ /che chung khyad par che yang thun mong gi /gdul byar snang rnams nyan thos dbang btsan par/ /'chad dus rnam dbye ma 'dres phyed dgos la/ /'dir ni sa bcu'i dbang phyug lung ltar bshad/ /sangs rgyas kyi mdzad pa 'dul mdo las 'byung ba rnams theg pa chen chung so so'i dbang gis mi mthun pa mang ste/ /dper na nyan thos lugs la cho 'phrul chen po nyin gcig pa lung phran tshegs las bshad pa dang/ theg chen pa rnams kyi lugs su nyin zhag bco lnga pa mdo sde mdzangs blun las 'byung bas mtshon te chos kyi 'khor lo bskor ba'i tshul dang/ sku tshe'i tshad kyang thun mong du brgyad cu tham par bzhugs shing/ nges don gyi gsung rab rnams las/ sangs rgyas mya ngan yongs mi 'da' / /chos kyang nub par mi 'gyur te/ /zhes pa'i tshul rgya cher bshad pa sogs 'dra min dang/ rlabs che chung gi khyad par shin tu che yang thun mong gi gdul bya yongs kyi ngor snang ba rnams ni nyan thos kyi lugs 'di yin pa'i phyir de nyid dbang btsan pas sor bzhag ste/ 'chad pa'i dus su'ng de gnyis rnam dbye ma 'dres par phyed par dgos kyi bsre 'dres su

Sheja Dzo Chapter 2.3 volume1 (page 314)

'chad par bya ba ma yin la/ mdzad pa bcu gnyis kyi rnam grangs bgrang tshul yang 'phags pa klu sgrub kyis rin chen phreng bar gsungs pa dang/ des mdzad par grags pa'i bstod rnying dang/ bod 'dir mkhas pa dag gis sbyar ba ci rigs par snang ba las 'dir ni sa bcu'i dbang phyug rgyal tshab byams pa'i lung gong du drangs pa de'i rjes su 'brangs te dpal ldan dpa' bo gtsug lag phreng bas bstod pa'i tshigs su bcad pa sbyar ba dang mthun par bshad pa'o/
/'dir rje btsun thams cad mkhyen pa taa ra naa tha'i gsung rab mdzad pa mthong ba don ldan las/ de bzhin gshegs pa'i (om 78 ba) rnam par thar pa sde snod gsum las byung mnyam yin yang/ theg pa chen chung gi dbye ba phyed dgos par snang ste/ 'phags pa rgya che rol ba las/ ston pa dga' ldan du bzhugs pa nas chos 'khor thog mar bskor ba'i bar rgyas par 'byung ba lta bu theg chen gyi lugs yin pas de'i rjes 'thud par 'dod na/ 'dus pa rin po che tog las 'byung ba'i mchog zung gi lo rgyus dang/ dkon mchog brtsegs pa'i nang gi yab sras mjal ba'i mdo las 'byung ba'i lo rgyus dang/ mdzangs blun nas bshad pa'i cho 'phrul chen po dang/ mya ngan las 'das pa'i skor rnams myang 'das chen po las 'byung ba sogs/ mdor na theg chen gyi mdo kho na las kha bskang na shin tu legs par 'gyur la/ yang mngon par 'byung ba'i mdo dang/ 'dul ba nas 'byung ba ni theg pa thun mong dang nyan thos kyi sde snod kyi lugs yin pas de las mthun par spro na mdo sde las brgya pa dang/ rtogs brjod brgya pa sogs theg dman gyi mdo sde thor bu pa rnams las 'byung ba rnams kho nas kha bskang na legs par 'gyur gyi/ gnyis po phan tshun gcig la gcig bsres na mi 'grig cing gnyis ka ma yin par 'gyur bas mi legs so/
/mdzangs blun dang dran pa nyer gzhag la sogs pa nyan thos kyi sde snod yin par

Sheja Dzo Chapter 2.3 volume1 (page 315)

phyogs 'di na grags 'dug kyang/ yin pa ni nges par theg pa chen po'i sde snod nyid yin pas/ mdzangs blun las 'byung ba'i cho 'phrul chen po'i rnam gzhag ni theg chen nyid kyi lugs yin te/ de yang nyan thos lugs la cho 'phrul nyin gcig pa dang/ theg chen lugs la zhag bco lnga yin no/
/des mtshon pa gzhan kun la yang mi 'dra ba'i khyad par shin tu mang ngo/
/de yang sangs rgyas 'jig rten du byon pa'i skabs kyi log lta can dang mu stegs byed dang tha na dud 'gro tshun chan yul nye ba na gnas shing rung ba rnams kun gyi thun mong du snang ba'i mdzad phrin ni/ theg pa thun mong lugs (om 79 na) sam nyan thos lugs 'di yin la/ theg chen thun mong ma yin pa'i ched du bya ba'i gdul bya rnams kyi snang ngor ji ltar shar ba'i tshul ni theg chen gyi mdo las 'byung ba rnams yin pas de dag la spyir yang rnam grangs mi 'dra ba dang/ sgos su rlabs che chung gi khyad par cher yod pas tshul gnyis don la mi 'gal yang 'chad tshul ma 'dres par byed dgos la/ de'i phyir bod kyi phyogs 'dir thams cad mkhyen pa gnyis par grags pas kyang/ mdzad pa bcu gnyis kyi dang po bcu gcig rgya rol dang bstun/ tha ma lung phran tshegs nas 'byung bas kha 'gengs mdzad do/
de ni shin tu 'greigs par mthong la/ des mtshon pa'i gzhan yang mang ngo/
lugs de gnyis las spyir theg chen gyi lugs nyid rgya che ba dang/ bsam gyis mi khyab pa'i ye shes kyi spyod yul dang/ gdul bya mchog gi snang ngor yin pa dang/ gsang ba chen po'i rnam par thar pa yin pa dang/ theg chen pa rang nyid kyi mtho dma'i khyad par sogs rgyu mtshan du mas mchog yin mod/ 'on kyang skye bo kun gyi mthun snang du grub pa dang/ sku tshe'i tshad dang/ snga phyi'i dus dang/ yul phyogs de dang der zhabs kyis gcags so ma gcags so zhes sogs dpyad pa sna tshogs pa 'jug pa'i gzhi ni

Sheja Dzo Chapter 2.3 volume1 (page 316)

lugs thun mong ba 'di kho na yin gyi/ theg chen lugs ni min te bsam gyis mi khyab pa'i spyod yul yin pas na/ yul dang/ dus dang/ mdzad pa rnams la 'di kho na'o zhes tshad bzung dka' ba'i phyir ro/
/de'i phyir gtam rgyud kyi sbyor ba 'chad pa'i tshul la theg pa thun mong gi lugs 'di nges par gnad che bar shes so/
/zhes gsungs so/
/sprul pa'i skus zhing 'dir mdzad pa bcu gnyis bstan par bshad pa skabs gsum pa'i 'grel pa'o/
/