Sheja Dzo Chapter 1.1 Wylie: Difference between revisions

From Rangjung Yeshe Wiki - Dharma Dictionary
Jump to navigation Jump to search
mNo edit summary
No edit summary
Line 1: Line 1:
This file was typed by [[Phinjo Sherpa]] at [[Rangjung Yeshe Translations & Publications]] office in Boudhanath, Nepal. Thanks for the sponsorship to Peter ___ and Christoph ___, two student of [[Khenpo Tsultrim Gyamtso Rinpoche]].
'''Drikung Chetsang''' ([['bri gung che tshang]]).


There is still need for more spellcheck and hyperlinks. [[Erik Pema Kunsang]]


*A Brief Biography of His Holiness, [[Drikung Kyabgon Chetsang Rinpoche]]


===Sheja Dzo Chapter 1.1 Volume1 (page 171)===
[[Category:Drikung Kagyu]]
<br>
bar du dge ba gzhung gi don/ dang po/ <br>
gdul zhing snod bcud kyi 'jig rten rim par phye ba/ 1. zhing khams spyir bstan pa theg pa chen po'i lugs ltar bshad pa'i skabs/ rtsa ba'i gnyis pa bar du dge ba gzhung gi don la gnyis/ mdor bstan pa dang/ rgyas par bshad pa'o/ <br>
/dang po ni/ sgron me'i bskal pa gang du snang ba'i zhing/ /ston po sangs rgyas bstan pa lung rtogs gnyis/ /rdzam-bu'i gling du gnas shing rgyas pa na/ /tshul gnas thos bsam sgom la rim sbyor bas/ /lam bgrod 'bras bu'i mthar son bstan bcos lus/ /pha rol phyin bcu'i grangs su rnam par gzhag/ /ces pa ste/ thog mar dkon mchog rin po che 'byung ba'i gzhi sgron me'i bskal pa bzang po gang du snang ba'i zhing bstan pa/ zhing khams de la gdul bya rnams 'dul byed dkon mchog gi gtso bo ston pa sangs rgyas gang zhig byon pa/ de'i bstan pa lung rtogs gnyis (OM 6 ba) kyi chos kyi 'khor lo ji ltar byung ba/ de nyid rdzam-bus mtshan pa'i gling mchog 'dir ji tsam du 'phel zhing rgyas pa/ sangs rgyas kyi bstan pa gnas pa na de la <br>
<br>
===Sheja Dzo Chapter 1.1 Volume 1 (page 172)===
<br>
'jug pa'i go rim gyi thog ma so byang sngags kyi tshul khrims la ji ltar bslab cing gnas pa/ de la brten nas thos pas sgro 'dogs bcad pa/ bsam pas rnam par nges pa/ sgom pas gtan la dbab pa rnams la rim par sbyor bas sa dang lam rnams legs par bgrod cing thar pa dang thams cad mkhyen pa'i 'bras bu'i mthar thug par son par 'gyur bas/ bstan bcos kyi lus yongs su rdzogs pa'i rim par phye ba ni/ pha rol tu phyin pa bcu'i grangs su rnam par bzhag pa'o/ <br>
/zhes so/ <br>
/'dir cung zad dbye na rim par dbye ba so so'i don/ grangs nges/ go rim/ bsdus don dang bzhi las/ dang po ni 'og tu rim dbye so so'i skabs su rgyas par 'chad par 'gyur la/ gnyis pa ni thos pa rgya chung ba'i blo gros gsar bu bdag gis shes par bya ba'i gnas ni rim dbye bcu la skabs bzhi bzhi'i yan lag gis brgyan pa 'dir grangs nges su bzhag ste/ de las mang mi dgos shing nyung na mi 'du ba'i phyir ro/ <br>
/gsum pa go rim 'di ltar du nges pa'i gtan tshigs ni smos ma thag pa ltar ro/ <br>
bzhi pa ni skabs bzhi bcu po de'ang bsdu na bslab pa gsum gyi don bshad par 'du ste/ rim pa lnga pas lhag pa tshul khrims kyi bslab pa ston/ drug pa dang bdun pas shes rab/ brgyad pas sems sam ting nge 'dzin gyi bslab pa gtso bor ston/ dang po nas bzhi pa'i bar shes rab kyi yan lag /dgu pa dang bcu pa ni brgyad pa'i don mthar phyin pa las byung bas de'i yan lag tu 'du ste/ des na bslab pa gsum legs par ston pa'i bstan bcos zhes bya'o/ <br>
/gnyis pa rgyas par bshad pa la rim par dbye ba bcu so (om 7 na) sor rgyas par bshad pa'i thog mar 'dul zhing 'jig rten ji ltar snang ba'i rim par phye ba ste gnas dang po la skabs bzhi/ zhing khams spyir bstan pa theg chen pa'i lugs ltar brjod pa/ 'jig rten bye brag tu bstan pa theg dman pa dang thun <br>
<br>
===Sheja Dzo Chapter 1.1 Volume 1 (page 173)===
<br>
mong du brjod pa/ dus kyi 'khor lo'i lugs dmigs su bsal ba/ 'khor ba 'grub byed rgyu rkyen spyir bstan pa'o/ <br>
/dang po la gnyis/ rgyu rkyen gang las byung ba/ zhing gi bkod pa dngos bstan pa'o/ <br>
/dang po la'ng gnyis/ mdor bstan/ rgyas bshad do/ <br>
/dang po ni/ thog ma'i rgyu rkyen spyi dang bye brag ni/ zhes pa ste/ gdul bya dang 'dul byed kyi rten 'brel tshogs pa las byung ba'i zhing khams rgya mtsho thog mar 'byung ba'i rgyu dang rkyen spyi dang bye brag pa rnams kyi tshul ni/ zhes gleng bslangs nas/ gnyis pa la gnyis/ gdul bya 'dul byed kyi rten 'brel spyir bstan/ zhing gi rgyu rkyen bye brag tu smos pa'o/ <br>
/dang po ni/ ji srid nam mkha'i dbyings dang sems can khams/ /de srid rgyal ba'i thugs rje 'gro ba'i las/ 'dzad pa med pas gdul bya 'dul byed kyi/ /rten 'brel bsam mi khyab par snang ba ste/ /gdul bya'i rigs khams nye bar sad pa na/ /'dul byed zhing dang sku yi bkod pa shar/ /'dul thabs cho 'phrul tshad las 'das par ston/ /ces pa ste/ ji srid nam mkha'i dbyings la mthar thug pa med pa dang/ sems can gyi khams kyang de bzhin du mtha' mi mgnon pa de srid du rgyal ba rnams kyi thugs rje'i stobs dang 'gro ba rnams kyi las dang nyon mongs pa 'dzad pa med pas/ gdul bya 'gro ba'i khams dang 'dul byed sangs rgyas kyi thugs rje dag chos nyid kyi rten 'brel bsam gyis mi khyab pa'i mthus nye bar snang ba yin te/ de'ang chos kyi dbyings las gdul bya sems can gyi rigs sam khams de lhan skyes ma rig pas rgyu byas/ kun brtags glog bur ba'i rkyen gyis mtshams (om 7 ba) sbyar nas nye bar sad de khams gsum du sred len gyis sbyor ba na/ 'dul byed sangs rgyas rnams kyi thugs rje'ang mtshungs ldan du skyes te rten zhing khams dang brten pa sku'i bkod pa bsam gyis mi khyab pa rtsol med lhun grub tu <br>
<br>
===Sheja Dzo Chapter 1.1 Volume 1 (page 174)===
<br>
shar/ 'dul thabs kyang thun mong du snang ba'i cho 'phrul chen po bzhi la sogs pa tshad dang blo las 'das par ston par mdzad do/ <br>
/gnyis pa ni/ chos kyi dbyings las gzhan du mi 'gyur yang/ /byin rlabs smon lam las dang chos nyid kyis/ /thob pa'i rgyu las zhing khams rgya mtshor snang/ /zhes pa ste/ bde bar gshegs pa rnams kyis so so rang gi gzigs pa'i yul chos thams cad kyi dbyings bsam brjod la sogs pa mtshan ma'i yul las shin tu 'das pa/ rgyar ma chad cing phyogs su ma lhung ba de nying las rnam pa gzhan du cung zad kyang mi 'gyur zhing/ rdzas gzhan gyis gos pa'ng ma mchis bzhin gshegs pa'i byin rlabs dang/ byang chub sems dpa' rnams kyi zhing sbyong ba'i smon lam gyi khyad par dang/ sems can rnams kyis las kyi tshogs mngon par bsags pa dang/ chos nyid kyis rab tu thob pa la sogs pa rgyu dang rkyen sna tshogs pas zhing khams rgya mtsho 'byams klas par snang ste/ sangs rgyas phal po che las/ sangs rgyas ye shes yul ni bsam yas pas/ /byin rlabs rnam 'phrul de dag 'di lta bu/ /zhing rnams rgya mtsho bstan pa mtha' dbus med/ /rnam par snang mdzad chos kyis yongs su sbyangs/ /byang chub sems ni kun gyi bsam pa bzhin/ /smon lam rgya mtsho bsam yas rnam sbyangs shing/ /sems can las rnams rgya mtsho bsam yas pas/ /phyogs kun zhing rnams rgya mtsho thams cad 'byung/ /byang chub sems dpa' kun gyi rnam 'phrul dang/ /thams cad mkhyen pa nyid la 'jug pa'i sgos/ /smon lam rgya mtsho thams cad mgnon (om 8 na) bsgrubs shing/ /nam mkha'i dbyibs la 'byams klas zhing 'byung ngo/ <br>
/spyod pa rgya mtsho mtha' dang dbus med rnams/ /spyod cing tshad med bde gshegs yul la 'jug /phyogs kyi zhing rnams rgya mtsho kun sbyong zhing/ /bskal pa mtha' yas zhing rnams re rer sbyong/ /sems can khams dbyings bsam <br>
<br>
===Sheja Dzo Chapter 1.1 Volume 1 (page 175)===
<br>
gyis mi khyab pa'i/ /las kyis zhing rnams rgya mtsho thams cad 'byung/ zhes pas bstan to/ <br>
/gnyis pa zhing bkod dngos la gsum/ stug po bdod pa'i zhing khams spyir bstan/ gzhi dang snying po me tog gis brgyan pa'i zhing bye brag tu bshad/ de las mi mjed kyi 'jig rten khyad par du dbye ba'o/ <br>
de'i dang po la gnyis/ zhing khams spyir bstan/ khyad par bye brag tu smos pa'o/ <br>
dang po ni/ glo bur dri mas bral ba'i 'og min ni/ /khams gsum las 'das ye shes ris med pa/ /rang snang lhun grub stug po gdod pa ru/ /rnam par snang mdzad ye shes gang chen mtsho'i/ /ba spu re la bye ba phrag brgya'i zhing/ /zhes pa ste/ gang gi che glo bur gyi dri mas dbyings rang bzhin rnam dag la bral ba de'i tshe dbyings dang ye shes dbyer med cing sangs rgyas pa gang du brnyes pa de nyid gyi sa la 'og min zhes brjod pa de ni gnas phyogs gcig tu chad pa med de/ gang na gnyid du song ba'i gnas der rmi lam gyi snang ba 'byung ba bzhin no/ <br>
/de'ang gdul bya'i 'khrul snang bag chags kyis ma bsdus pas khams gsum las shin tu 'das pa rang snang rnam par dag pa'i zhing ye shes kyi gzhal yas khang phyogs dang ris su ma chad cing bkod pa tshad med pa dang ldan pa/ rang gi ngo bos snang ba'i longs spyod yongs su rdzogs pa'i rgyan yo byad mchod sprin mtha' dag lhun gyis grub pas bar mtshams ma mchis par stug po bkod pa'i gnas de ru/ sangs rgyas rnams kyi longs spyod lhun gyis rdzogs pa'i sku rnam par snang mdzad/ (om 8 ba) kun tu zhal ye shes gang chen mtsho'i sku'i ba spu'i khung bu re re la'ng bye ba phrag brgya brgya'i zhing khams kyi bkod pa dang ldan na gzhan lta ci smos te zhing khams rab 'byams rgya mtsho sku bcig la'ng rdzogs pa dang/ rdul gcig gi steng na zhing rdul grangs snyed kyi zhing yang snang zhing/ sku gcig la sku <br>
<br>
===Sheja Dzo Chapter 1.1 Volume 1 (page 176)===
rab 'bums rgya mtsho 'du ba dang/ sku re res kyang sku dang zhing rab 'byams rgya mtshor khyab par snang ba sogs spyod yul las 'das pa'i cho 'phrul chen pos bzhugs te/ ji skad du/ de ltar ma lus thams cad phyogs su yang/ /skra tsam khyon la dus gsum tshad snyed kyi/ /sangs rgyas rgya mtsho zhing rnams rgya mtsho dang/ /bskal pa rgya mtshor spyod cing rab tu 'jug /ces gsungs pas so/ <br>
/gsnyis pa ni/ gnas dbyibs rgya tshad bkod pa bsam mi khyab/ /ces pa ste/ de la dang po gnas kyi khyad par ni/ phal chen las/ zhing rnams rgya mtsho la la dri med 'od ces nam mkha'i dbyings la gnas/ /snang ba'i snying po 'od can nor bu'i rgya mtsho dag la legs par gnas/ /zhing rnams rgya mtsho mtha' dang dbus med rgya chen pdma'i rgya mtsho dag la gnas/ /zhing khams rgya mtsho'i dbyings rnams la la sangs rgyas byin la gnas/ /zhes pa ltar 'byung ba bzhi/ sems can gyi las/ sangs rgyas kyi byin rlabs sogs la brten cing/ gnas lugs kyang snrel zhi/ spyi'u tshugs/ rnal ma sogs ci rigs yod do/ <br>
/gnyis pa dbyibs kyi khyad par ni/ /la la zlum po la la zur gsum ste/ /de dag la la phyogs ni gru bzhir gnas/ /nor bu padma 'khor lo yan lag brgyad/ /kun khyang las rnams rgya mtshos rnam par bris/ /zhes so/ <br>
/gsum pa rgya ni/ ngur smrig gi rgyal mtshan gyi 'jig rten nas/ pamo'i dpal gyi bar 'jig rten bcu po gong nas gong du bcu 'gyur gyis che (om 9 na) la yon tan mang ba dang/ da lta mngon dga' dang bde ba can sogs rgya chen la mi mjed kyi zhing 'di dang/ de las kyang sangs rgyas skar ma la dka' ba'i zhing mthe bo can sogs shin tu khyon chung ba dang/ ma 'ongs mgon po kun tu gzigs kyi zhing khams rdul bral yang dag bsags la tshad med par bstan pa sogs mang ngo/ <br>
/bzhi pa yun tshad ni/ zhing rnams la la bskal pa tsam/ /la la bskal pa bcu pa ste/ /zhing <br>
<br>
===Sheja Dzo Chapter 1.1 Volume 1 (page 177)===
<br>
rnams la la rdul mnyam pa'i/ /bskal pa bye bar brjod pa yin/ /zhes pa ltar ro/ <br>
/lnga pa rgyan dang bkod pa'i khyad par ni/ zhing gi rgyan mang bye ba yis/ /zhing rnams la la rnam par bres/ /rgyan dang tshul rnams tha dad par/ /sna tshogs mig yon lta bur snang/ /zhes sogs 'byung la gzhan yang/ /zhing rnams la lar sangs rgyas med/ /zhing rnams la lar sangs rgyas bcas/ /la la'i zhing na sangs rgyas gcig /la lar sangs rgyas mang po'i/ /zhes sangs rgyas kyi khyad par dang/ zhing rnams la lar 'od med de/ /zhes mun pa'i 'jigs pas skyi gya' ba nas/ la lar lha'i 'od/ de bzhin du/ khyim gyi 'od/ nyi zla'i 'od/ rang gi 'od/ shing gi 'od/ ri'i 'od/ nor bu'i 'od/ mar me'i 'od/ sangs rgyas kyi 'od rnams dang/ zhing rnams la lar padma'i 'od/ /spos chu'i 'od dang ldan pa'ng yod/ /smon lam dbang gis rnam par sbyangs/ /zhes 'od kyi khyad par dang/ stong gsum 'di gling bzhi pa du mar bcad la bde ba can sogs lag mthil ltar kun tu mnyam pas gling bzhir bcad ma bcad kyi khyad par dang/ bcad pa la'ng tshad che chng mi 'dra ba du ma dang/ mngon par dga' ba'i zhing na lha rnams mmi la smon pa sogs longs spyod kyi khyad par dang/ lhun po'i bye brag rnams dang/ sems can kha cig nyon mongs pa (om 9 ba) dang ldan la/ kha cig tu rnam par dag pa'i lus can sogs brten pa'i khyad par te/ gzhan yang bsam gyis mi khyab pa'i tshul du gnas so/ <br>
/gnyis pa bye brag tu bshad pa la gnyis/ rags pa bshad pa dang/ zhib tu bstan pa'o/ <br>
/dang po ni/ phyag mthil rdul phran gcig nang 'jig rten khams/ /rgya mtsho'i nang chud 'jig rten khams mang dbus/ /gzhi dang snying po me tog brgyan zhing gnas/ /zhes pa ste/ ye shes gang chen mtsho rnam par snang mdzad de'i phyag mthil gyi rdul phran gcig gi nang du 'jig rten khams <br>
<br>
===Sheja Dzo Chapter 1.1 Volume 1 (page 178)===
<br>
rgya mtsho de bzhin gshegs pa'i phyag gi mthil gyi snying po rab tu gnas pa zhes bya bar/ ston pa'ng ye shes gang chen mtsho nyid du bstan te rnam par rol pa bsam gyis mi khyab pa'i gnas 'di lta bu ni sa chen po la gnas pa'i byang chub sems dpa' dang sangs rgyas nyag gcig gi spyod yul lo/ <br>
/'jig rten gyi khams rgya mtsho de'i nang du chud pa'i 'jig rten gyi khams shin tu mang po'i dbus su sangs rgyas rnam par snang mdzad sprul sku'i zhing khams gzhi dang snying po me tog gis brgyan pa'i zhing 'di gnas par gsungs so/ <br>
/gnyis pa ni/ de yang 'og min bar gyi gling bzhi pa'i/ /'jig rten bye ba phrag brgya stong gsum che/ /de nas gong du dung phyur phrag bcu bcur/ /bsgres pas rab 'byams mtshams sbyor rgyud rgya mtsho/ <br>
/snying po me tog brgyan zhing so so yang/ /rgya mtsho la brten khor yug bcas pa ste/ /mchog gi sprul sku gcig gi 'dul zhing yin/ /gzhi dang snying po me tog gis brgyan pa'i zhing de la ji tsam zhig yod ce na/ de'ang gling bzhi ri rab khor yug dang bcas pa rlung dkyil nas srid rtse'i 'og min la thug gi bar gyi gnas de la gling bzhi pa'i 'jig rten gyi khams zhes bya/ de nas de tsam gyi bar stong gi nam mkha/ 'das pa na de dang 'dra ba'i 'jig rten gyi khams (om 10 na) gcig gnas pa la gcig nas gnyis su bgrangs pa'i stong du longs pa na khor yug gcig gis bskor ba stong dang po/ <br>
de dag bsdoms pa gcig tu brtsis pa stong la mu khyud gcig gis bskor ba stong gnyis pa/ de stong la khor yug chen pos bskor ba stong gsum pa ste/ gling bzhi pa'i 'jig rten gyi khams bye ba phrag brgya la stong gsum gyi stong chen po'i 'jig rten gyi khams gcig ces bya'o/ <br>
'dir mngon pa ba rnams kyis tshangs pa'i 'jig rten man chad bgrang yang/ 'dir ni rgya rol dang gser 'od dam pa sogs kyi lung gi rjes su 'brang ba'o/ <br>
/de nas rim par gong nas <br>
<br>
===Sheja Dzo Chapter 1.1 Volume 1 (page 179)===
gong du dung phyur phrag bcu bcur bsgres pas 'jig rten gyi grangs rtogs par 'gyur te/ de'ang stong chen po bye ba phrag brgya rab 'byams mtshams sbyor gyi 'jig rten/ de bye ba phrag brgya rab 'byams rgyud kyi 'jig rten/ de bye ba phrag brgya rab 'byams rgya mtsho'i 'jig rten/ de lta bu dung phyur phrag bcur longs pa na gzhi dang snying po me tog gis brgyan pa'i zhing gcig yin la/ de rnams kyang so sor rgya mtsho chen po la brten cing khor yug re res bskor ba dang/ thams cad kyi mthar khor yug chen pos bskor ba dang bcas pa ste/ de tsam zhig ni chog gi sprul pa'i sku gcig gi 'dul zhing yin la dbang po dman pa'i ngor stong gsum tsam zhig tu gsungs so/ <br>
/gsum pa khyad par du dbye ba la gnyis/ mi mjed ngos bzung/ de las 'phros pa'i don bshad pa'o /dang po ni/ de yi khor yug chen nang spos chu'i mtshor/ /nor bu'i padma bzhis brten 'jig rten khams/ /nyer lnga brtsegs mar gnas pa'i bcu gsum pa/ /mi mjed ces grags/ /zhes pa ste/ gzhi snying me tog gis brgyan pa de'i khor yug chen po'i nang du gang chen mtsho'i dbyings kyi spyos chu'i rgya mtsho brjod du med pa'i sangs rgyas kyi zhing gi rdul snyed kyi dbus su spyos chu'i rgya mtsho ze ba yid 'ong la gnas pa'i nor bu'i padma (om 10 ba) chen po bzhis brten pa'i 'jig rten gyi khams kyi rgyud nyi shu rtsa lnga brtsegs mar gnas pa/ so so'i bar bar du zhing gi rdul phra rab kyi 'jig rten brtsegs mar gnas pas mtshams chod pa/ de'i bcu gsum pa mi mjed ces grags pa'i stong gsum gyi 'jig rten 'di yin te/ mi mjed kyi skad dod/ saa ha zhes pa ldan pa bzod pa nus pa rnams la 'jug pas/ zhing 'dir skyes pa'i sems can rnams nyon mongs pa dang sdug bsngal la mi mjed pa' ma de dag dang shin tu ldan pa ste/ mi mjed pa ni sran bzod pa'i don yin la/ zhing 'di'i byang chub <br>
<br>
===Sheja Dzo Chapter 1.1 Volume 1 (page 180)===
<br>
sems dpa' rnams kyang snying stobs lhag par bzod cing dpa' bas phul du byung bas de ltar du grags so/ <br>
/gnyis pa ni/ stong gsum 'di la yang/ /khebs ldan lhag pa rdul bsal rnam 'byung sogs/ /zhing rdul bcu gsum snyed kyi 'jig rten gyis/ /rab bskor dbyibs zlum rdo rje bzhi yis mtshan/ /sna tshogs rlung dkyil padmo'i drwa bar gnas/ /mi mjed stong gsum pa'i 'jig rten 'di kho na la'ng/ shar na khebs ldan/ lhor lhag pa/ nub na rdul bsal/ byang du rnam 'byung/ mtshams rnams su/ phan byed/ kun song/ yongs su dga' ba/ 'pho byed/ steng 'og tu dbyangs sgrogs dang mi che ba zhes bya ba la sogs pa sangs rgyas kyi zhing rdul bcu gsum grangs snyed kyis kun nas rab tu bskor zhing dbyibs zlum po rdo rje bzhi'i sa mtshams can/ kha dog sna tshogs pa'i rlung gi dkyil 'khor gyis bzung ba padmo'i drwa ba la gnas so/ <br>
/'di yi ston pa'ng rnam par snang mdzad de/ /gtsang gnas 'og min dag tu khyab par bzhugs/ /stong gsum 'di'i ston pa'ng longs sku rnam par snang mdzad chen po las sprul ba/ gtsang ma'i gnas kyi 'og min dag tu khyab par bzhugs shing dbang phyug chen po rnams kyi dbus su chos ston par (om 11 na) mdzad pa'i sprul pa rgya chen po'i sku zhig ste/ dbu ma pa chos bshes kyis/ sku 'di 'ng smon lam mam tshogs kyi 'phen pa'ma bzhed pa tsam gyis phye ba'i 'og min gyi gnas gcig kho nar mngon par rdzogs par 'tshang rgya ba'i phyir rnam pa rab tu mang po'i longs spyod rdzogs sku 'og min rnams na gnas pa ni sprul pa'i sku 'ba' zhig rgya chen por snang bar zad do/ <br>
/zhes bshad do/ <br>
/gling bzhi 'di ni bcom pa dang ldan zhes/ /'di la'ng gling bzhi gzhan pa bcu yis bskor/ /mi mjed de'i dbus su tshud pa'i gling bzhi pa'i 'jig rten 'di ni btsom pa dang ldan pa zhes grags la/ 'di kho na la'ng 'dab chags su shar <br>
<br>
===Sheja Dzo Chapter 1.1 Volume 1 (page 181)===
<br>
nas 'og gi bar rim bzhin gling bzhi gzhan pa/ shin tu srung/ dga' ba/ bjod dka'/ snying po dam pa/ gnyen ldan/ sa bzang/ seng ge yod pa/ rnam bsags/ nor 'dzin/ 'od 'phro ldan zhes pa bcu yis bskor bar gsungs so/ <br>
/de dag chags 'jig dus mnyam byed par gsungs/ /sa bcu'i dbang phyug kho na'i spyod yul lo/ <br>
/theg pa thun mong du yongs su grags pa ni stong gsum pa'i 'jig rten tsam zhig chags 'jig mnyam du byed par bstan cing/ gzhan du gzhi snying me tog gis brgyan pa'i zhing la gnas pa'i zhing rgya mtsho lta bu mcheg gi sprul pa'i sku gcig gis rnam par rol ba'i zhing de dag chags 'jig dus mnyam byad par gsungs shing/ 'di lta bu'i gnas lugs rgya che ba ni sa bcu'i dbang phyug rnams kho na'i spyod yul las nyan thos sogs kyi blor mi shong ngo/ <br>
/zhing khams spyir bstan pa theg pa chen po'i lugs ltar brjod pa skabs dang po'i 'grel pa'o/ <br>
/<br>
 
[[Category:Rimey Literature]]

Revision as of 05:14, 3 January 2006

Drikung Chetsang ('bri gung che tshang).


Retrieved from "https://rywiki.tsadra.org/index.php?title=Sheja_Dzo_Chapter_1.1_Wylie&oldid=197840"