Sheja Dzo Chapter 3.3 Wylie: Difference between revisions

From Rangjung Yeshe Wiki - Dharma Dictionary
Jump to navigation Jump to search
No edit summary
 
No edit summary
Line 1: Line 1:
Sheja Dzo ([[shes bya mdzod]]), ''[[The Treasury of Knowledge]]'', by [[Jamgon Kongtrul]].
co-operating conditions [ry]
 
This file was typed by [[Phinjo Sherpa]] at [[Rangjung Yeshe Translations & Publications]] office in Boudhanath, Nepal. Thanks for the sponsorship to Peter ___ and Christoph ___, two student of [[Khenpo Tsultrim Gyamtso Rinpoche]].
 
There is still need for more spellcheck and hyperlinks. [[Erik Pema Kunsang]]
 
 
===Sheja Dzo Chapter 3.3 volume1 (page 372)===
<br>
3. bka' yi bsdu ba rnams bshad pa'i skabs/ skabs gsum pa bka'i bsdu ba bshad pa la gsum/ bka' bsdu dang po/ <br>
bar pa/ tha ma'o/ <br>
/dang po la bzhi/ bsdu ba bya ba'i dgos pa/ theg dman/ theg chen/ rdo rje theg pa bsdus tshul so so'i zhar byung bstan pa'i gnas tshad dang bcas pa'o/ <br>
/dang po ni/ ston pa 'das pa'i phyi lor lha rnams kyis/ /'phya ba sel dang bstan pa yun gnas phyir/ /ston pa mchog zung 'khor dgra bcom pa du ma dang bcas mya ngan las 'das pa'i phyi lor bka'i bsdu ba dang po byung ste/ de'ng lha rnams kyis bcom ldan 'das dang dge slong dbang yod pa dag kyang 'das pas bcom ldan 'das kyi mdo sde dand 'dul ba dang ma mo dag mi sgrogs so zhes 'phya bar byed pa sel ba dang/ ma 'ongs pa'i dus kyi dge slong rnams (om 107 na) brjed ngas che ba sogs kyis tshig don 'dzin par mi nus pa la <br>
<br>
===Sheja Dzo Chapter 3.3 volume1 (page 373)===
<br>
phan gdags shing bstan pa rin po che yun ring du gnas par bya ba'i phyir bsdu ba mdzad pa yin no/ <br>
/gnyis pa ni/ nya gro dha yi phug tu dgra bcom pa/ /lnga brgya 'dus te kun dga' nye bar 'khor/ /lod srung gsum gyis mdo 'dul mgnon pa bsdus/ /de yang 'od srung chen pos rtswa can nyid du dgra bcom pa gang po la dge 'dun sdus shig par bsgos pas/ des gnnddi brdungs pa dang ba lang bdag ma gtogs pa yul tha dad na gnas pa'i dge slong thams cad 'dus so/ <br>
/ba lang bdag sum cu rtsa gsum du 'gog snyoms la gnas pa gang po 'bod du phyin pas sangs rgyas ma bzhugs par shes nas mya ngan las 'das/ de phyin chad su'ng myangan las mi 'd' ba 'od srung chen pos khrims su bcas nas/ rgyal po ma skyes dgrass yo byad bstabs te 'od srung chen po sogs dge slong lnga brgyar gcig gis lhag pa ma ga dhaa'i nya gro dha'i phug tu 'dus nas dbyar gnas par khas blangs so/ <br>
/de'i tshe sngon bcom ldan 'das kyis 'od srung chen po la bzhugs gdan gyi phyed bstabs te/ ma mo'i sde snod gtso bor gyur pa'i bstan pa mtha' dag dang/ sgra gcan 'dzin dang kun dga' bo sogs 'khor bzhi dang bcas pa btang nas rgyal tsab tu dbang bskur ba yin pa dang/ bye brag tu mdo'i sde snod kun dga' bo dang/ 'dul ba nye bar 'khor la gtad pa yin na'ng/ dge slong lnga brgya las gzhan thams cad dgra bcom pa yin la/ kun dga' bo kho na slob pa rgyun zhugs yin pa'i phyir chags bral du ma gyur na chos bgro ba'i 'os ma yin pas/ 'od srung chen pos de tshul ji lta bus 'dul bar gzigs te nyes pa brgyad glengs nas bskrad pa dang/ kun dga' bo mya ngan dang bcas te mchog gi 'dus pa las phyir byung ste brii dzi'i ljongs su dbyar tshul la zhugs nas brii tshi'i bu sogs 'khor bzhi la chos ston pa na brii <br>
<br>
===Sheja Dzo Chapter 3.3 volume1 (page 374)===
<br>
dz'i bus dgra bcom pa thob ste/ mngon (om 107 ba) par shes pas mkhan po'i sems la bltas pa dang/ de 'dod chags dang ma bral ba'i slob par mthong ste smras pa/ go tam khyod ni bag med ma mdzad par/ /shing drung thibs por brten nas mya ngan 'das/ /thugs la bzhag ste bsam gtan mdzod cig dang/ /ring por mi thogs zhi ba'i gnas thob 'gyur/ /zhes bskul ba'i gdams ngag la brten nas rab tu bsgrims pas kun dga' bos dgra bcom pa nyid thob bo/ <br>
/de nas kun dga' bo'ng nya gro dha'i phug tu phyin nas dgra bcom pa lnga brgyad dang lhan cig tu gnas pa'i tshe 'od srung chen po dang dgra bcom pa rnams kyis chos bsdu bar bgros te thog mar kun dga' bo gsol gnyis kyi las kyis mdo sde sdud pa por bskos/ dgra bcom pa lnga brgyas snam sbyar bting ba'i khri la kun dga' bo bzhugs te byang chub snying po'i phyogs su rnam par bltas nas sangs rgyas rjes su dran bzhin tu thal mo sbyar te sgras khyab par byas nas/ 'di skad bdag gis thos pa'i dus gcig na zhes gleng gzhi nas brtsams mdo sde thams cad rdzogs par bshad pa dang/ dgra bcom pa de dag bsam gtan bzhi la snyoms par zhugs nas smon shes kyis bltas te ting nge 'dzin las langs nas phan tshun nges par byas/ de nas nye bar 'khor 'dul ba sdud pa por bskos te de nyid seng ge'i khri la 'dzegs pa dang/ 'od srungs kyis bcom ldan 'das kyis dang por bslab pa'i gzhi gang du bcas des smras pa pha ra nnaa ser ro/ <br>
/gang dag gi don du/ dge slong lnga sde'i ched du ste/ gang gi phyir/ 'di lta ste sham thabs zlum por bgo bar bya'o/ <br>
/zhes bslab pa bca' bar mdzad do/ <br>
/zhes sogs dri lan gyi sgo nas 'dul ba yongs su rdzogs par bsnyad pa dang/ de dag gis mgnon par shes pas bltas te phan tshun nges par byas/ de nas 'od srung chen pos rang nyid ma bskos par seng ge'i khri la <br>
<br>
===Sheja Dzo Chapter 3.3 volume1 (page 375)===
<br>
'khod de/ tshe dang ldan pa dag ma mo lta bu ma mo (om 108 na) lta bu zhes bya ba de bdag kho nas smra bar bya ste/ ma mo lta bu ni shes bya'i mtshan nyid rab tu gsal bar byed pa yin te/ 'di ltar dran pa nye bar gzhag pa bzhi dang/ zhes sogs bshad nas dgra bcom pa rnams kyis phan tshun tu nges par byas nas sa bla'i lha rnams kyis kyang ched du brjod pa 'og min gyi bar du yud tsam gyis grags te bka' bsdu ba de la lnga brgyas yang dag par bsdus pa zhes grags so/ <br>
/de yang phung po rten 'brel byang phyogs lung/ /ring po bar ma gcig las 'phros sogs bzhags /'dul dang mngon pa dag kyang de bzhin no/ <br>
/de'ng bsdu ba'i tshul ji ltar zhe na/ mdo sde rnams ni phung po dang rab tu ldan pa phung por/ skye mched du ldan pa skye mched du/ rten cing 'brel 'byung 'phags pa'i bden pas rig pa dang yang dag par ldan par ldan pa ni de gleng gzhi dang ldan par nyan thos kyi bshad pa mang ba ni nyan thos kyi bshad par/ sangs rgyas kyi bshad ba mang ba ni sangs rgyas kyi bshad par/ byang phyogs so bdun dang ldan pa lam gyi yan lag tu/ yang dag par brjod pa mang ba yang dag par brjod pa'i sder/ tshigs bcad dang ldan pa yang dag par ldan pa'i lung rnams su so sor bsdus shing/ gang mdo sde dang po ni lung ring por/ bar ma ni lung bar mar/ tshig gcig nas tshig bcu'i bar ni gcig las 'phros pa'i lung sogs so bzhag go/ <br>
'dul ba'ng ltung ba sde lnga/ rtsod pa zhi byed kyi chos bdun/ bcas pa dang rjes bcas/ so sor spang ba dang gnang ba/ gsol ba'i las/ gzhi bcu bdun sott sde sder bsdu ba dang so sor dbye ba'i sgo nas gzhung du byas shing/ mngon pa'ng sde tshang tu bsgril ba'i tshul de bzhin tu mdzad do/ <br>
/de ltar bka' bsdu dang por grags pa 'di ni nyan thos pa rnams dang thun mong gi sde snod bsdu ba'i dngos gzhi yin no/ <br>
/bstan pa'i gnas tshad lo grangs stong du bshad/ /nyan <br>
<br>
===Sheja Dzo Chapter 3.3 volume1 (page 376)===
<br>
thos kyi (om 108 ba) lugs 'di la bstan pa'i gnas tshad 'dul ba lung phran tshegs las bshad pa ltar gtso che ba lo grang phrag gcig tu gnas par 'dod cing/ de'ng lnga brgya ni bstan pa dngos dang lnga brgya ni gzugs brnyan tu gyur pa'o/ <br>
/ring mtha' dga' ba'i bshes kyi rtogs brjod las yar 'phel drug brgya'i bar du gnas pa'ng bshad de rags pa tsam 'og tu 'byung ngo/ <br>
/gsum pa ni/ thun min theg pa che rnams ga nghaa'i/ /lto phyogs dri med 'byung ba zhes bya'i rir/ /byang sems 'bum phrag bcu 'dus rdo rje 'dzin/ /byams dang 'jam dpal mdo 'dul mngon pa bsdus/ /thun mong ma yin pa'i bsdu ba la rgyu'i theg pa chen po'i sde snod rnams ni 'phags yul gyi mkhas pa dag gis yul ma ga dhaa na grong khyer rgyal po'i khab kyi lho phyogs/ bi ma la sang bha ba zhes bya ba'i ri la byang chub sems dpa' 'bum phrag bcu 'dus te/ phyag na rdo rjes ni mdo sde/ byams pas ni 'dul ba/ 'jam dpal gyis mngon pa rnams bsdus par bshad do/ <br>
/rtog ge 'bar ba las kyang/ theg pa chen po sangs rgyas kyis gsungs pa yin te/ rtsa ba'i sdud pa byed pa po kun tu bzang po dang/ 'jam dpal dang/ gsang ba'i bdag po dang/ byams pa la sogs pa rnams kyis bsdus pa'i phyir ro/ <br>
bdag cag gi rtsa ba'i sdud par byed pa nyan thos ni ma yin te/ theg pa chen po'i gsung ni de dag gi yul ma yin pa'i phyir ro/ <br>
//zhes bshad do/ <br>
/lugs 'dir bstan pa'i gnas tshad mang na yang/ /yongs) grags lnga brgya phrag bcu da lta ni/ /lung gi le'u yin gsungs klong chen sogs/ sgrub dus gsum las shes rab skabs su bzhed/ /theg pa chen po'i lugs 'dir thun mong la snang ba'i dbang du byas nas tshad ring thung mdo sde so so'i dgongs pa ltar bshad pa dang/ thun mong ma yin pa'i dbang du byas nas tshad med par gsungs pa sogs mang du snang (om 109 na) na'ng/ ljongs 'di'i <br>
<br>
===Sheja Dzo Chapter 3.3 volume1 (page 377)===
<br>
dpyod ldan rnams la yongs su grags shing don la gnas par bzhed pa ni lnga brgya phrag bcu ste lnga stong du gnas pa nyid la/ de las da lta'i skabs su 'bras bu dang sgrub pa'i skabs yol nas lung gi le'u'i skabs yin par gsungs shing/ kun mkhyen klong chen pa sogs ni lung dang sgrub pa go brjes nas sgrub dus gsum las tshul khrims dang sems kyi dus rdzogs zin ns shes rab kyi bslab pa gtso bor sgrub pa'i skabs su slebs par bzhed do/ <br>
/bstan pa'i gnas tshad snga phyi thams cad kyi bzhed pa snying por dril na/ lo chen dharma shriis/ mdo lugs bstan pa'i gnas tshad ni/ /bskal bzang 'dul lung phran tshegs dang/ /'phags pa blo gros mi zad pas/ /bstan pa'i mdo yi 'grel pa dang/ /gser phreng can gyi rtogs brjod dang/ /mdzod 'grel rnams las thub pa'i bstan/ /dngos btags lnga brgya lnga brgya lnga brgya ste/ /lo stong bar du gnas par gsungs/ /snying rje padma dkar po las/ /dngos stong btags pa lnga brgyar bshad/ /zla ba'i nyi mas zhus pa'i mdor/ /nyis stong gnas par gsungs pa dang/ /chos nyid rang ngo mi gyo bar/ /tha dad snang ba'i mdo dang ni/ /rdo rje gcod pa'i 'grel pa las/ /nyis stong lnga brgyar gnas par gsungs/ /dga' ba'i shes kyi rtogs brjod las/ /skye dgu'i tshe lo yar 'phel gyi/ /drug brgyu'i bar du gnas par bshad/ /dangsshddra se na'i 'bum ttiikra dang/ /dbyig gnyen zhabs kyi gnod 'joms dang/ slob dpon 'jam dpal grags pa rnams/ lnga stong bar du gnas par bzhed/ /de yang lnga brgya phrag bcu las/ /lnga brgya dang por dgra bcom dang/ /de bzhin gnyis par phyir mi 'ong/ /gsum pa la ni rgyun zhugs te/ /ye shes khong chud le'u gsum/ /de nas lnga brgya phrag gsum la/ /rim par shes rab ting 'dzin dang/ /tshul (om 109 ba) khrims bslab pa gtsor ston gsum/ sgrub pa'i dus kyi le'u zer/ /de nas lnga brgya phrag <br>
<br>
===Sheja Dzo Chapter 3.3 volume1 (page 378)===
<br>
gsum la/ /mngon pa mdo sde 'dul ba rnams/ /ston pa mang du 'byung bas na/ /lung gi le'u gsum du grags/ /bcu pa lnga brgya tha ma la/ /rab byung rtags tsam ma gtogs pa/ /lta spyod rnal ma med pa'i phyir/ /rtags tsam 'dzin pa'i le'ur bzhed/ /de las gzhan rnams dgongs pa can/ /lnga stong don la gnas par zung/ /zhes gsungs pa ltar ro/ <br>
/de dag 'das lus blta ba'i gzhi sangs rgyas kyi 'khrungs lo'i rnam grangs dang/ 'das lus rnam grangs tha dad pa ni gser rnying gi mkhas pa dag gis mdzad pa'i bstan rtsis kyi yig cha du ma las khong du chud par bya'o/ <br>
/'dir bstan pa gnas mi gnas kyi mtshams 'dzin kyang/ bslab pa gsum rjod byed sde snod dang bcas pa la slob pa yod med dang/ las brgya rtsa gcig gi cho ga'i lag len nub ma nub dang/ nyan thos kyi rtags dang cha lugs tshul bzhin 'dzin pa yod med la ltos pa yin gyi/ nges don gyi dbang du byas na mdo sde gser 'od dam pa las/ sangs rgyas mya ngan yongs mi 'da'/ /chos kyang nub par mi 'gyur te/ /sems can yongs su smin mdzad phyir/ /yongs su mya ngan 'da' bar ston/ /sangs rgyas bcom ldan bsam mi khyab/ /de bzhin gshegs pa rtag pa'i sku/ /sems can rnams la phan pa'i phyir/ /gkod pa rnam pa sna tshogs ston/ /zhes gsungs pa dang/ snga 'gyur yid bzhin rnam par bkod pa'i rgyud las/ sems can kun gyi tshogs chen po/ <br>
/ji srid rnam par gnas de srid/ /sangs rgyas sprul pa rgyun mi 'chad/ /grol ba'i chos kyang nub pa med/ /ces gsungs pa ltar ro/ <br>
/bzhi pa ni/ bya spyod rnal 'byor rgyud rnams sum rtsen byang/ /lcang lo can tu phyag na (om 110 na) rdo rjes bsdus/ /rgyud sde bzhi las bya ba'i rgyud ni/ gtso bor sum rtsen te sum cu rtsa gsum gyi gnas kyi mtha' ri rab kyi byang phyott kyi lcog lcang lo can na sa bcu'i byang chub sems dpa' kun tu bzang po dang/ <br>
<br>
===Sheja Dzo Chapter 3.3 volume1 (page 379)===
<br>
rdo rje chos la sogs pas bla gos lnga brgya gting ba'i steng du phyag na rdo rje gzhugs te/ 'di skad bdag gis thos pa zhes sogs bshad pa'i tshul gyis bsdus pa yin te/ gtsug tor gdugs dkar gyi 'grel pa shuu raadga pharmas mdzad pa las de ltar du bshad pa'i phyir/ spyod pa'i rgyud kyang lag na rdo rje dang kun tu bzang po sogs kyis bsdus par gsal te snga ma des de ltar bshad pa dang/ phyag na rdo rje dbang bskur ba'i rgyud las ston pas gsang ba'i bdag por dbang bskur cing bstan pa gtad pa'i tshul sogs 'byung ba'i phyir ro/ <br>
/rnal 'byor rgyud ni lcang lo can du rdo rje 'chang sa bcu'i dbang phyug gi tshul bstan pa phyag na rdo rje nyid kyis kun tu bzang po la sogs pa byang chub sems dpa' chen po rnams kyis gsol ba btab pa'i ngor bsdus pa yin te/ slob dpon kun dga' snying po'i yo ga'i 'grel par tshul de gsal bar bshad pa'i phyir ro/ <br>
/bla med zhu ba po dang gtad pa des/ /bsdus shing ston pa pos kyang sdud sogs las/ /bye brag ma rgyud rdo rje mkha' 'gro rnams/ /dri ba dris lan tshul gyis gtan la phag/ /brtag pa gnyis pa rdo rje snying pos te/ /dus 'khor rtsa rgyud zla ba bzang po dang/ bsdus rgyud 'jam dpal grags pas snying por dril/ /rnal 'byor bla na med pa'i rgyud sde rnams ni rgyud thog mar zhu ba po dang rgyud gang la gtad pa des bsdus pa/ dper na dus 'khor ma'i rgyud chos rgyal zla ba bzang pos bsdus pa lta bu mang zhing/ dpal gsang ba grub pa'i rgyud las/ 'di yi sdud par byed pa po/ <br>
/gzhan dag yod pa ma yin zhes/ /bdag nyid 'ba' zhig smra bar byed/ /zhes gsungs pa ltar/ rgyud (om 110 ba) ston pa pos kyang bsdus par bshad pa sogs yod pa las/ bye brag ma rgyud 'ga' zhig ni rdo rje phag mo sogs rnal 'byor ma rnams kyis rdo rje'i gnas rnams su dri ba dang dris lan gyi tshul gyis gtan la phag pa mkha' 'gro rgya mtsho las <br>
<br>
===Sheja Dzo Chapter 3.3 volume1 (page 380)===
<br>
bshad pa dang/ dgyes pa rdo rje'i rtsa ba'i rgyud brtag pa gnyis pa ni sa bcu'i dbang phyug rdo rje snying pos bsdus shing 'grel pa'ng mdzad pa dang/ dus kyi 'khor lo'i rtsa ba'i rgyud stong phrag bcu gnyis pa chos rgyal zla ba bzang pos bsdus shing 'grel chen stong phrag drug cu'ng mdzad/ bsdus pa'i rgyud ni 'phatt pa 'jam dpal gyi sprul pa'i sku rdo rje'i rigs ldan 'jam dpal grags pas rtsa ba'i rgyud las snying por dril te phreng 'dzin gyi sdeb sbyor gyis bcings pa'i le'u lnga par mdzad pa sogs mtha' yas so/ <br>
/kun kyang gsang bdag rnam par rol ba'i phyir/ /sdud po gcig cing gsang chen bstan pa ni/ /yun ring khyad par ma rgyud nub pa med/ /ston pa po de dag kyang gsang ba'i bdag po dngos sam de'i rnam par rol ba mtshan gzhan du bstan pa tsam yin pa'i phyir thams cad kyang sdud pa po ni gsang ba'i bdag po nyid du gcig ste/ pha rgyud la mtshon na gsang ba 'dus pa las rdo rje chos la rgyud gtad par gsungs shing/ rdo rje chos ni phyag na rdo rje la rgyud gtad cing dbang bskur ba'i mtshan du zla ba bzang po sogs bzhed cing/ sdud pa po'ng de yin par bshad pa dang/ ma rgyud phal che ba gsang bdag dngos kyis bsdus par gsungs shing indra bhuu ti rdo rje snying po zla ba bzang po rnams kyang gsang bdag gi sprul pa 'ba' zhig tu nges pa'i phyir ro/ <br>
/de ltar gsang chen sngags kyi bstan pa ni gnas gcig tu nub kyang gcig tu snang ba dang/ thun mong du ma grags kyang skal ldan dag gi ngor snang ba sogs yun ring por gnas shing/ khyad par rnal 'byor ma'i rgyud rnams nam du'ng nub pa med par gnas par (om 111 na) gsungs te/ mkha' 'gro rgya mtsho las/ shes rab rgyud ni rab byung nyid/ /rang gi rang bzhin rtag tu gnas/ /byang chub phyogs kyi chos rnams su/ /mi 'jig go 'phang rjes 'gro ba/ /bskal pa bsreg pa'i dus su ni/ gzhan du khong nas yang dag gnas/ <br>
<br>
===Sheja Dzo Chapter 3.3 volume1 (page 381)===
<br>
zhes gsungs so/ <br>
/gnyis pa bka' bsdu bar pa ni/ ston pa gshegs nas brgya dang bcu lon tshe/ /rung ba min pa'i gzhi bcu sun dbyung phyir/ /grang pa la sogs dgra bcom bdun brgya ni/ /kusma pu ri'i gtsug lag khang du 'dus/ /bdun brgyas yang dag brjod pa zhes bya ba/ /cha shas bsdu bar mdzad cing/ zhes pa ste/ ston pa zhi bar gshegs nas lo grangs brgya dang bcu lon pa'i tshe yangs pa can gyi dge slobng rnams kyis rus ba ma yin pa'i gzhi bcu byas te/ de'ng ji skad du/ hu lu hu lu yi rangs dang/ /kun spyod snod dang lan tshwa dang/ /lam dang sor gnyis dkrug dang 'dirng/ /gser gyi rung ba dag dang bcu/ /zhes pa ste/ chos min gyi las byas shing mjug tu thal mo brdabs te hu lu hu lu zhes brjod pa'm/ yang na/ dge 'dun lhag ma rnams rjes su yi rangs byed bcug pas dag go zhes pa dang/ sa gzhi 'di kun gyis spyod rung bas nyes pa med pa yin zhes khyim pa bzhin du ssa brkod ba dang/ na bar gyur na chang snod srin bu pad pas 'jib pa ltar gzhib nas chang btung rung ba dang/ lan tshwa 'debs na zas kyi ro 'gyur bas dus min gyi kha zas za rung ba dang/ zas spangs zin nas rgyang grags phyed tsam lam du brgal nas slar yang zar rung ba dang/ zas spangs nas lhag po byas mi dgos par slar sor mo gnyis kyis red nas zar rung ba dang/ 'o ma dang zho gnyis bre gang re bsress te dkrugs nas phyi dro 'thung rung ba dang/ gding ba rnying pa nas bde bar gshegs pa'i mtho gang lhan mi dgos zhes pa dang/ dge tshul gyi mgo la khri'u bcing/ de'i steng du me tog gi phreng (om 111 ba) bas brgyan pa'i lhung bzed bzhag ste/ <br>
<br>
===Sheja Dzo Chapter 3.3 volume1 (page 382)===
<br>
gser dngul sogs 'bul ba der 'phen bcol na phyis dge slong rang nyid kyis reg chog par 'dod pa bcas rung ba ma yin pa'i gzhi bcu sbyad nas 'di ni chos yin/ 'dul ba yin/ ston pa'i bstan pa yin no zhes bsgrags pa de dag sun dbyung zhing bstan pa'i dri ma bsal ba'i slad du/ rnam thar brgyad dang ldan pa'i dgra bcom pa grags pa la sogs pa gnyis ka'i cha las rnam par grol zhing mang du thos pa'i dgra bcom pa bdun brgya/ kusma pu ri zhes bya ba'i gtsug lag khang du 'dus te li tstsha bii'i rigs las byung ba'i rgyal po dga' byed ces bya bas sbyin bdag byas te dngos po bcu bsgrags nas/ de dag mdo sde la mi 'jug /'dul ba la mi snang/ chos nyid dang 'gal bas dor bar bya bar bcas te mi rung bar spyad pa rnams bsnyil bas/ 'di la bdun brgyas yang dag par brjod pa zhes grags shing cha shas kyi bsdu ba mdzad do/ <br>
/gsum pa bka' bsdu tha ma ni/ de yi rjes/ /dge slong ma haa de ba slob mar bcas/ /gzhi lnga bsgrags pas rtsa ba'i sde bzhi dang/ /de las gyes pa bco brgyad nyid du gyur/ /de'i rjes gtad rab bdun po sogs rdzogs pa'i phyis zhig na yul ma ru tta'i tshong dpon gyi bu lha chen po zhes pa mtshams med gsum byas pa zhig rang gi sdig pa gsang ste kha cher phyin nas rab tu byung/ sde snod gsum ga byang bar shes nas dben par ting nge 'dzin la brtson pa ni bdud kyis byin gyis brlabs te dgra bcom par grags shing rnyed bkur dang grags pa 'phel nas 'khor mang po dang bcas gtsug lag khang 'dam bu can du 'ongs pa na dge slong rnams kyis so thar gyi mdo res mos su 'don pa'i tshe/ lha chen pos mdo bton pa'i mjug tu/ lha rnams ma rig pa yis slus/ /lam ni sgra yi rgyun las byung/ /the tshom can rnams gzhan gyis 'jug /'di ni sangs rgyas bstan pa (om 112 na) yin/ /zhes bton pas 'phags pa rnams <br>
<br>
===Sheja Dzo Chapter 3.3 volume1 (page 383)===
<br>
dang dge slong rgan po mang du thos pa dag gis mdo'i tshig ma yin no zhes brjod pa na/ gzhon pa phal cher lha chen po'i grogs byas te rtsod par gyur cing/ gzhan yang des bka'i don la log par brtags pa mang du byas so/ <br>
/de shi nas de'i slob ma bzang po zhes pas kyang bka'i don la brgal brtag dang the tshom gyi gnas mang po bskyed nas gzhan la lan gdab pa dang/ mi shes pa dang/ yid gnyis dang/ yongs su brtag pa dang/ bdag nyid gso ba ste gzhi lnga yons su bsgrags pas dge 'dun so so'i skye bo rnams the tshom dang yid gnyis kyis bstan pa la mi mthun par zing zing por gyur te mdo 'don pa'ng sna tshogs su gyur cing dgra bcom pa rnams kyis kyang rtsod pa zhir ma btub/ de dag shi ba na dge slong rnams kyis shes so/ <br>
/de'i rjes su dge slong klu zhes bya bas kyang gzhi lnga bsgrags pas slar yang dge 'dun gyi rtsod pa cher bskyed nas phal chen pa/ thams cad yod smra ba/ gnas brtan pa/ mang bkur ba ste rtsa ba'i sde pa bzhir gyes/ klu'i slob ma yid brtan ces bya bas kyang gzhi lnga bsgrags te rtsod pa rgya cher bskyed pas rtsa ba'i sde pa bzhi po dag kyang rim gyis gyes nas bco brgyad du gyur te/ /de las gyes pa bco brgyad ni/ sde pa tha dad bklag pa'i 'khor lo las/ shar dang nub dang gangs rir gnas/ /'jig rten 'das par smra ba'i sde/ /btags par smra ba'i sde pa dang/ /lnga tshan dge 'dun phal chen pa/ /gzhi kun pa dang 'od srung sde/ /sa ston sde dang chos srung sde/ /mang thos gos dmar slob ma dang/ /rnam par phye ste smra ba'i sde/ /thams cad yod par smra ba yin/ /rgyal byed tshal gnas 'jigs med gnas/ /gtsug lag khang chen gnas brtan pa/ /sa sgrogs ri dang srung ba pa/ /gnas ma bu yi sde rnams ni/ /kun gyis bkur ba rnam pa gsum/ /yul don slob dpon bye brag (om 112 ba) gis/ /tha dad rnam pa bco brgyad <br>
<br>
===Sheja Dzo Chapter 3.3 volume1 (page 384)===
<br>
gsungs/ /zhes pa ltar yin zhing/ 'di skabs rtsa ba'i sde pa'i grangs dang/ de las gyes tshul sogs sde pa rnams kyi 'dod tshul mi 'dra ba yod mod kyi 'dir bkod pa ni thams cad yod smra nyid kyi lugs ltar ro/ <br>
/rtsibs logs la sogs dgra bcom lnga brgya dang/ /btsun pa bzhi brgya rgyal po ka nishkas/ /spyan drangs gyes pa bkar bsgrubs snge snod gsum/ /yi ger bkod de bka' bsdu gsum par mdzad/ /de'i tshe 'phags pa rtsibs logs zhes bya ba mang du thos pa mthar phyin pa gtso bor gyur pa'i dgra bcom palnga brgya dang/ ba su mi dra la sogs pa'i btsun pa bzhi brgya rnams dang/ byang chub sems dpa' lnga brgya rnams kyang rgyal po ka nishkas spyan drangs/ kha che'i yul du rna rgyan gyi gtsug lag khang gsar du bzhengs pa la bzhugs su gsol zhing bsnyen bkur te/ gyes pa bco brgyad po thams cad krii kii'i rmi lam lung bstan gyi mdo las/ rgyal po chen po khyod kyis ras yug gcig mi bco brgyad kyis bgos kyang ma ral ba rmi lam du mthong ba gang yin pa de ni de nyid kyi bstan pa sde bco brgyad du gyes par gyur kyang rnam par grol pa'i ras ni ral bar bya bar mi nus te de'i snga ltas yin no/ <br>
/zhes pa'i lung gis bkar bsgrubs shing chos mngon pa rnam par bshad de 'di la bka' bsdu gsum par grags/ de'i tshe 'dul ba thams cad yi ger bkod/ mdo sde dang mdon pa sngar yi ger ma 'khod pa rnams kyang yi ger bkod/ bkod pa rnams la dag ther byas so/ <br>
/'di skabs kha che ba rnams kyis 'di ltar 'dod pa las yul dbus kyi mkhas pa dag gis ni dzaa lndha ra'i gdon par ku sa na zhes bya ba'i gtsug lag khang du de ltar bka' bsdu gsum pa mdzad par bzhed do/ <br>
/bka'i bsdu ba rnams bshad pa skabs gsum pa'i 'grel pa'o/ <br>
/(om 113 na) <br>
 
 
[[Category:Rimey Literature]]

Revision as of 10:35, 3 January 2006

co-operating conditions [ry]

Retrieved from "https://rywiki.tsadra.org/index.php?title=Sheja_Dzo_Chapter_3.3_Wylie&oldid=197899"