Sheja Dzo Chapter 6.1 Wylie: Difference between revisions
No edit summary |
BenTremblay (talk | contribs) m (s / gnyisyod / gnyis yod - this from word frequency; please check) |
||
| Line 1: | Line 1: | ||
[[ | Sheja Dzo ([[shes bya mdzod]]), ''[[The Treasury of Knowledge]]'', by [[Jamgon Kongtrul]]. | ||
This file was typed by [[Phinjo Sherpa]] at [[Rangjung Yeshe Translations & Publications]] office in Boudhanath, Nepal. Thanks for the sponsorship to Peter ___ and Christoph ___, two student of [[Khenpo Tsultrim Gyamtso Rinpoche]]. | |||
There is still need for more spellcheck and hyperlinks. [[Erik Pema Kunsang]] | |||
===Sheja Dzo Chapter 6.1 volume2 (page 300)=== | |||
<br> | |||
la tshig gi skyon gyis ma bslad pa la sogs pa rnams so/ <br> | |||
/gsum pa yid bzo la gnyis/ mchog dang/ phal pa'o/ <br> | |||
dang po ni/ yid bzo mchog ni legs gsung thos bsam sgom/ /yid kyi bzo gnas su gyur pa mchog gam khyad par can ni/ (aa: 151 na) legs par gsungs pa'i bka' dang/ de'i dgongs pa 'grel bar byed pa'i bstan bcos khyad par du 'phags pa rnams la dang po thos pas blang dor gyi mig phyed pa/ bar du legs par bsam pas the tshom gyi sgro 'dogs chod pa/ tha ma tshul bzhin bsgoms pas gnas lugs kyi don gtan la pheb pa rnams so/ <br> | |||
/gnyis pa ni/ phal pa rig gnas bco brgyad sgra tshad sogs/ /sa gzhi rin chen ljon shing rta glang gter/ /pho mo brtag pa brgyad dang thun mong du/ /lugs kyi bstan bcos sgyu rtsal drug cu bzhi/ /sde bzhi la sogs rnam grangs ci snyed do/ <br> | |||
/yid bzo phal pa ni/ mdzod kyi rang 'grel du/ rol mo 'khrig thabs 'tsho tshis grangs dang sgra/ /gso spyad chos lugs bzo 'phongs gtan tshig dang/ rnal 'byor thos pa dran pa skar ma'i spyad/ /tshis mig 'phrul 'khor sngon rabs sngon byung rigs/ 'di dag rig pa'i gnas chen bco brgyad yin/ /ces bshad pa rnams dang/ gong du smos pa'i sgra dang tshad ma la sogs pa rnams dang/ brtag pa brgyad du grags pa/ sa gzhi dang chu brtag pa slob dpon du ha ras byas pa'i 'bum dkar nag khra gsum gyi rgyud la sogs pa lta bu dang/ rin po che brtag pa pannddi ta ma haa o ssha dhis mdzad pa'i bstan bcos dang/ de las 'phros nas bod du byas pa dpyad don pad dkar chun po sogs snga phyi du mar byung ba rnams dang/ mi'i nor bu gsang sngags nang gi shung bzed ka paa la'ng der gtogs pas de'i tshul rgyud chen sdom pa 'byung ba sogs las gsal bar gsungs pa ltar bod kyi mkhas pa rnams kyi yig cha dang/ rgyud bam ri thod mkhar/ sger rgyud dur <br> | |||
<br> | |||
===Sheja Dzo Chapter 6.1 volume2 (page 301)=== | |||
<br> | |||
khrod thod nag lung lha mo gnas mkhar sogs la brten pa'i man ngag gter ma'i phyogs las kyang 'byung ba rnams dang/ lzon shing dang glang po brtag pa bod du ma 'gyur la/ sa (aa: 151 ba) 'og gi gter brtag pa'ng rgyud sde 'ga' zhig las phyogs mtshon gsungs pa tsam las rgya gzhung khungs thub ma 'gyur/ rta brtag pa drang srong gis byas pa'i sha li ho tra dang/ gru gu seng mdo 'od chen gyis bsgyur ba'i me long skor gsum dang/ rgyal po khri srong lde'u btsan la sott pa rje blon bcu gsum gyis byas pa'i bstan bcos so so ba rnams dang/ mi dpyad thor bu dang khyad par rgyud sde las bshad pa'i rnal 'byor pho mo brtag pa/ gsang sngags rnying ma'i mkha' 'gro brtag 'bum las bshad pa'i bud med brtag pa bcas brgyad dang/ shes rab sdong bur/ mi yi chos lugs legs spyad na/ /lha yul 'gro ba thag mi ring/ /lha dang mi yi them skas la/ /'dzegs na thar pa gam na yod/ /ces gsungs pa ltar gtsug lag gnyis kyi thun mong rtsa ba'm thog mar 'jug pa'i gzhi lugs kyi bstan bcos bshes pa'i spring yig shes rab brgya pa/ shes rab sdong bu/ skye bo gso thig tshigs su bcad pa'i mdzod/ tshigs su bcad pa brgya pa/ dri ma med pa'i dris lan/ tsa na ka'i rgyal po'i lugs kyi bstan bcos ma su rakshas mdzad pa dang/ de dag thams cad kyi snying po bsdus pa sa skya'i legs bshad/ gzhan yang bod du rgyal ba te ne dang 'brom ston pas mdzad pa'i lha chos mi chos gnad kyi phreng ba sogs la'ng mkhas par bya dgos pa dang/ gzhan yang sgyu rtsal drug cu rtsa bzhi ni/ bye brag rtogs byed du/ bzo la sogs par gtogs pa sum cu ni/ yi ge lag rtsis/ grangs/ rtsis chen/ thor tshugs/ gom stabs/ lcags kyos bsgyur thabs/ ral gri'i thabs/ zhags pa gdab pa/ mda' bo che 'phen pa/ mdun du bsnur ba/ phyir bsnur ba/ bcad pa/ dral ba/ dbug pa/ <br> | |||
<br> | |||
===Sheja Dzo Chapter 6.1 volume2 (page 302)=== | |||
<br> | |||
rgyang nas 'phog pa/ sgra grags par 'phog pa/ gnad du 'phog pa/ (aa: 152 na) mi tshor bar 'phg pa/ tshabs che bar 'phogs pa/ mchongs pa/ gyad kyi 'dzin stangs/ bang/ rkyal/ brgal ba/ glang po che'i gnyar zhon pa/ rta la zhon pa/ shing rta'i thabs/ mda' gzhu/ gyad stobs dang sum cu'o/ <br> | |||
/rol mo'i bye brag bco brgyad ni/ gar mkhan/ bro/ <br> | |||
rnga bo che/ rdza rnga/ rnga phran/ rnga chen po/ <br> | |||
'khar rnga/ pi wang rgyud gcig pa/ rdza rnga kha gcig pa/ lcags kyi sil khrol/ 'khar ba'i sil khrol/ pi wang rgyud gsum pa/ rnga mu kunda/ sil snyan glu dbyangs dang bstun pa/ pheg rdob/ rol mo'i sgra/ pi wang/ gling bu dang bco brgyad do/ <br> | |||
/glu dbyangs kyi nges pa bdun ni/ bar ma/ drang srong/ sa 'dzin/ drug ldan/ lnga pa/ blo gsal/ 'khor nyan dang bdu no/ <br> | |||
/gar gyi cha byad dgu ni/ sgeg pa/ dpa' ba/ mi sdug pa/ drag shul/ bzhad gad/ 'jigs rung/ snying rje/ rngams pa/ zhi ba dang dgu'o/ <br> | |||
/zhes bshad cing/ slob dpon tshul khrims bskyangs kyis lung phran tshegs kyi rgya cher 'grel du'ng de dang 'dra min gsungs pa la sogs pa rnams bzo gnas phal pa gtso bor yid sngon du 'gro ba'i bya ba can yin la/ de thams cad kyang bsdu na sde bzhir 'du ba yin te/ de la nor ram don gyi sde ni thos pa la sogs pa dang/ rdzas kyi dngos po tshong dang rin po che la sogs pa longs spyod brtson pas sgrub cing/ bsags pa rnams bsrung ba'o/ <br> | |||
/'dod pa'i sde ni/ ngan 'gro ma yin pa lha mi sogs kyi 'dod pa'i yon tan yul la nye bar spyod pa'o/ <br> | |||
/chos kyi sde ni/ mngon mtho mtho ris gsum dang/ nges legs byang chub gsum gyi rgyu ste dkar po'i chos mtha' yas pa'i/ thar pa'i sde ni/ sdug bsngal rgyu bcas las ldog pa'i theg pa gsum gyi byang chub bo/ <br> | |||
/dang po gnyis 'khor ba'i dbang du byas te/ 'dod pa don du gnyer ba dag de'i rgyur nor sgrub pa dang/ phyi ma gnyis myang <br> | |||
<br> | |||
===Sheja Dzo Chapter 6.1 volume2 (page 303)=== | |||
<br> | |||
'das kyis dbang 9aa: 152 ba) du byas te/ thar pa don gnyer rnams chos sgrub pa la brtson pa'i phyir rgyu 'bras gnyis kyi tshul du gnas pa'o/ <br> | |||
/sogs khongs nas shes bya'i rnam grangs ji snyed thams cad yid kyi bzor 'dus te/ kun mkhen dri med 'od zer gyis/ 'gro ba drug dang skye ba rnam pa bzhi/ /bzhi drug dus bcu dngos po bcu bdun dang/ /yo byad bcu bzhi rjes su spyod pa brgyad/ /.'jig rten spyod bcu gtam ni rnam pa gsum/ /nyes rtsom nyer gnyis de bzhin sems can rigs/ /drug cu rtsa gsum dus brgyad 'jug pa bzhi/ /'tsho ba drug dang kun nas bsrung ba drug /nga rgyal bdun dang rgyas pa rnam pa bdun/ /tha snyad bzhi dang tha snyad mang po'i gzhi/ /mkhas pa drug dang bka' yi dngos po dgu/ /'khor gyi dngos po brgyad la sogs par grags/ /zhes pa la sogs pa gsungs so/ <br> | |||
/bzhi pa gso ba rig pa bshad pa la gnyis/ dgos pa dang 'brel ba'i bshad bya ngos bzung/ gso rig dngos kyi tshul bshad pa'o/ <br> | |||
/dang po ni/ lus srog gso ba'i rig pa kun gyi bcud/ /pal ldan rgyud chen bdud rtsi snying po'i lus/ /rten lus dang brten pa srog bcas mi na bar gnas shing na ba gso bar byed pa'i rig pa ston pa'i gzhung lugs mtha' yas kyang/ de dag thams cad kyi bcud/ dpal ldan bdud rtsi snying po yan lag brgyad pa gsang ba man ngag gi rgyud chen po zhes bya ba/ go sla/ don bzang/ yan lag brgyad kyi don rdzogs par ston cing mchog dman kun la phan pa rlabs su che bas bod du 'gyur ba'i bka' dang bstan bcos rnams kyi nang nas ngo mtshar rmad du byung ba 'di'i lus rnam par gzhag pa rags pa cam shes na/ gso dpyad kun gyi don bde blag tu mthong bar 'gyur bas mdo tsam bshad par bya ba yin no/ <br> | |||
/gnyis pa la gnyis/ rgyud bzhi'i lus mdor bstan/ gso ba'i tshul <br> | |||
<br> | |||
===Sheja Dzo Chapter 6.1 volume2 (page 304)=== | |||
<br> | |||
bzhi rgyas par (aa: 153 na) bshad pa'o/ <br> | |||
/dang po la bzhi/ rtsa rgyud/ bshad rgyud/ man ngag /phyi ma'i rgyud kyi lus mdor bstan pa'o/ <br> | |||
/dang po ni/ rtsa ba gnas lugs ngos 'dzin gso ba ste/ /rtsa ba thugs kyi rgyud du/ gnas lugs nad gzhi/ ngos 'dzin rtags/ gso byed thabs kyi rtsa ba gsum/ dang po la rnam par ma gyur pa lus chu lta bu dang/ rnam par gyur par nad chab rom lta bu'i sdong po gnyis/ lus kyi yal ga nad dang lus zung dri ma gsum/ nad la srog 'dzin sogs rlung lnga/ 'ju byed sogs mkhris pa lnga/ sten byed sogs bad kan lnga/ sha khrag tshil rus rkang dang khu ba ste dwangs ma bdun/ bshang gci rngul ba'i dri ma gsum ste lo 'dab nyi shu rtsa lnga/ nad kyi yal ga rgyu rkyen 'jug sgo rten gnas rgyu lam ldang dus 'bras bu ldog rgyu mdor dril bcas dgu/ rgyu dug gsum/ rkyen dus gdon zas dang spyod lam bzhi/ sha pags rtsa rus don snod de 'jug sgo drug gnas lus kyi stod smad bar gsum/ lus zung dri ma dbang po don snod lnga po so sor rlung mkhris bad kan rgyu ba'i lam bco lnga/ na so gsum yul gsum dus gsum ste ldang dus dgu/ 'tsho ba gsum zad pa sogs 'bras bu srog gcod kyi nad dgu/ rlung mkhris bad kan zhi ma zhi gnyis gnyis bzhi ru ldog pa'i rgyu bcu gnyis/ de dag mdo don dril ba tsha grang gnyis su 'dus pa ste lo 'dab drub cu rtsa gsum/ gnyis pa la lta reg dri ba'i sdong po gsum/ lta ba'i yal ga lce dang chu la lta ba gnyis/ de re re la nad gsum gyis dbye bas lo 'dab drug reng pa'i yal ga nad gsum dang lo 'dab de mtshungs gsum/ dri ba'i yal ga slong rkyen na lugs goms pa'i sgo nas dri ba gsum/ yang la rtsub pa/ rno zhing tsha ba/ lci la snum pa'i zas dang spyod lam gyis rim bzhin rlung mkhris bad kan slong ba sogs dri <br> | |||
<br> | |||
===Sheja Dzo Chapter 6.1 volume2 (page 305)=== | |||
<br> | |||
ba'i dbye bas lo 'dab nyi shu rtsa dgu/ gsum pa la zas (aa: 153 ba) spyod sman dpyad kyi sdong po bzhi/ zas kyi yal ga zas gsum skom gsum ste drug rlung zas bcu bzhi/ mkhris zas bcu gnyis/ bad kan zas skom dgu ste lo 'dab sum cu so lnga/ spyod lam gyi yal ga rang rang dang sbyar ba'i gnyen po gsum/ re re la gnas dang spyod lam gyis dbye ba'i lo 'dab drug sman gyi yal ga rlung sman sogs gsum la ro nus gnyis gnyis dbye bas drug rlung la khu ba dang sman mar/ mkhris par thang dang cur ris/ bad kan la ril bu tres sam ste zhi byed drug rlung 'jam rtsi/ mkhris pa bshal/ bad kan skyugs kyis sbyong ba ste/ sbyong byed gsum bcas dril bas bco lnga/ rlung la ro mngar skyur lan tshwa gsum/ nujs pa snum lci 'jam pa gsum sogs gzhan gnyis la'ng de bzhin sbyar bas bco brgyad/ khu ba gsum/ /sman mar lnga/ thang dang phye ma bzhi bzhi/ ril bu gnyis/ tres sam lnga/ sbyong byed snga ma la gsum/ bar ma la bzhi/ phyi ma la gnyis te dril bas dgu/ snga phyi bsdoms pas lo 'dab lnga bcu tham pa/ dpyad kyi yal ga rlung mkhris bad kan gyi dpyad gsum/ snga ma la bku mnye dang hor gyi me btsa' gnyis/ bar ma la rngul dbyung gtar ga chu'i 'phrul 'khor/ phyi ma la dug dang me btsa' bcas lo 'dab bdun te/ mdor na gso yul nad gzhi la rnam grangs brgyad cu rtsa brgyad/ ngos bzung brtag pa la sum cu so brgyad/ gso byed gnyen po'i thabs dgu bcu rtsa brgyad kyi nang du gso ba rig pa'i don ma lus pa gtan la dbab nas mya ngan med pa'i ljon shing gi dpe dang sbyar bar mdzad de/ de ltar legs par shes shing lag tu blangs pas nad med pa dang tshe ring ba gnyis me tog chos dang nor dang bde bas 'byor pa 'bras bu'i mthun dper sbyor ba ni rygud nyid las/ rtsa ba gsum las (a: 154 na) 'dril ba'i sdong po dgu/ /gyes pa'i yal ga bzhi bcu rtsa <br> | |||
<br> | |||
===Sheja Dzo Chapter 6.1 volume2 (page 306)=== | |||
<br> | |||
bdun te/ /lo 'dab nyis brgya rtsa bzhir rgyas pa yin/ /gsal ba'i me tog 'bras bu lnga ru smin/ /'di dag rtsa ba'i rgyud kyi sdom du bshad/ /ces gsungs so/ <br> | |||
/gnyis pa ni/ /gso bya gso byed gso tshul gso bas bshad/ /bshad pa sku yi rgyud kyi bstan bya gso rig thams cad tshul bzhir dril ba ni 'og tu cung zad 'chad par 'gyur ro/ <br> | |||
/gsum pa ni/ lus dang byis pa mo nad gdon mtshon dug /rgyas pa ro tsa'i man ngag yan lag brgyad/ /man ngag yon tan rgyud le'u dgu bcu rtsa gnyis yod pa las/ lus kyi bcos le'u bdun/ byis pa dang mo nad la gsum gsum/ gdon dang mtshon rma la lnga lnga/ dug la gsum/ rgas pa gso ba'i thabs bcud len la gcig ro tsa dang de'i yan lag bud med btsa' srung gi thabs la gnyis bcas kyis gso byed gnyen po'i man ngag rdzogs par bstan pa ste/ spyir lus la sogs pa de rnams gso yul gyi yan lag brgyad du yongs su grags shing/ gso dpyad che chung thams cad de las 'phros pa sha stag go/ <br> | |||
/bzhi pa ni/ nad dang gnyen po thabs su phyi mar dril/ /rgyas par bshad pa de dag gso yul gyi nad/ gso lbyed gnyen po gso ba'i thabs gsum zhes phyi ma phrin las kyi rgyud du lag len snying por dril nas bstan te/ de'ng gso yul nad la rgyas par stong dang nyis brgya/ bsdu na kun brtags gdon/ ltar snang 'phral/ yongs grub tshe/ gzhan dbang sngon las kyi nad bzhi po re re la brgya dang gcig ste/ bsdoms pas bzhi brgya rtsa bzhi/ de las kyang bcos dgos shing bcos su yod pa yongs grub tshe'i nad brgya rtsa gcig gso byed gnyen po la stong dang rtsa gnyis/ mdor bsdus pas sman dpyad zas spyod bzhi/ sman la zhi byed sbyong byed gnyis/ zhi byed la bsil drod/ sbyong byed la drag dang <br> | |||
<br> | |||
===Sheja Dzo Chapter 6.1 volume2 (page 307)=== | |||
<br> | |||
'jam pa gnyis/ dpyad la 'jam rtsub (aa: 154 ba) gnyis/ zas la phan gnod gnyis/ spyod lam drag dal gnyis te mdor dril ba'i gnyen po bcur gsungs so/ <br> | |||
/gos thabs lag len sum brgya drug cu/ mdor bsdus brtag thabs gso tshul bcos thabs gsum/ dang po la reg pa rtsa/ mthong ba chu la brtag pa gnyis/ gnyis pa gso tshul rnam pa dgu/ gsum pa la/ zhi byed thang phye ril bu sde gu sman mar thal sman khanda sman chang sde tshan brgyad/ de'i log gnon rin po'i che'i sbyor ba/ thug phrad sngo sbyor gyi sde/ sbyong byed sngon 'gro snum 'chos/ bshal skyugs sna sman 'jam rtsi ni ru ha ste dngos gzhi las lnga/ log gnon rtsa sbyong ste bdun/ dpyad la gtar sreg dug lum byugs pa/ log gnon thur ma'i dpyad bcas nyi shu rtsa gsum/ thal sman sogs phyi ma lnga zhi byed rtsa ba'i sde tshan lngar 'dus pas lag len bco brgyad kyi grangs su dril ba yin no/ <br> | |||
/gnyis pa gso ba'i tshul rgyas par bshad pa la gnyis/ mdor bstan/ rgyas bshad do/ <br> | |||
/dang po ni/ gso bya gang phyir lus dang gang gso nad/ /gso byed spyod lam zas sman dpyad rnams te/ /gso thabs nad med gnas dang rnam gyur gso/ <br> | |||
/gso mkhan rtsa ba yan lag bcas pas bsdus/ /gong du smos pa'i bshad pa'i rgyud kyi sdom nyid gso rig spyi'i mdo chings chen yin pas de nyid cung zad bkrol na/ gso bya'i yul la gang gi phyir gso ba lus/ gang zhig gso ba de las 'byung ba'i nad gnyis/ gso byed kyi gnyen po spyod lam zas sman dpyad dang bzhi/ nad de gnyen pos ji ltar gso ba'i tshul lam thabs la nad med ring du gnas pa dng/ rnam gyur gso ba'i thabs gnyis/ gso byed kyi mkhan po sman pa rtsa ba bzhi la yan lag bcu gcig ldan pa dang bcas pas gso rig gi lus yongs su rdzogs pa bsdus so/ <br> | |||
/<br> | |||
<br> | |||
===Sheja Dzo Chapter 6.1 volume2 (page 308)=== | |||
<br> | |||
gnyis pa la (aa: 155 na) bzhi/ gso bya/ gso byed/ gso thabs/ gso mkhan no/ <br> | |||
/dang po la gnyis/ lus dang/ nad do/ <br> | |||
/lus la rgyu rkyen rtags kyis chags tshul rtogs/ /'dra dpe nyams sbyar lus zungs rtsa yi gnad/ /bu ga'i gnas lugs gnod bya gnod byed kyi/ /mtshan nyid las dbye 'jig ltas gtan la dbab/ /gang gi don du gso ba lus la chags pa'i rgyu dkar dmar rnam shes gsum/ 'phel ba'i rkyen lte 'khor dang bu snod kyi rtsa las byung ba'i bcud btsa' ba'i rtags dang bcas pas chags pa'i tshul rtogs/ rten khang bzang brten pa rgyal blon btsun 'bangs dang bcas pa'i 'dra dpe sbyar bas lus gnas kyi nyams shes/ nad dang dwangs snyigs sha rus la sogs pa'i ldang tshad lus zungs kyi gnas lugs/ chags srid 'brel pa tshe ste 'brel pa rtsa'i gnas lugs/ sha tshil rus pa chu rgyus don snod rtsa'i gnad bdun te gnyan pa gnad kyi gnas lugs/ phyi nang dwangs snyigs zas rgyu lam bu ga'i gnas lugs bzhis lus kyi gnas lugs rtott/ gnod bya khams la lus zungs bdun dang dri ma gsum/ gnod byed nyes pa rlung mkhris bad kan nang gses dbye ba bco lnga dang bcas so/ <br> | |||
/grub tshul rang bzhin me drod lto ba gnas pa byed las mtshan nyid kyi sgo nas lus kyi mtshan nyid rtogs/ spyir sgo gsum dge mi dge lung ma bstan la spyod cing bye brag dbang po lnga yis rang gi yul la spyod pa lus kyi las dang/ rten pho mo ma ning/ na tshod rgan byis dar ma/ rang bzhin <br> | |||
<br> | |||
===Sheja Dzo Chapter 6.1 volume2 (page 309)=== | |||
<br> | |||
nyes gsum so so'i mi/ nad rnam par ma gyur pa dang gyur pa'i dbye bas de dag rtogs/ ring ba nye ba ma nges nges pa can bzhis lus 'jig pa'i ltas gtan la dbab pa ste nang gses du ma dang bcas pa'i rnam grangs bdun gyis gang gso ba lus kyi gnas lugs la mkhas par bya'o/ <br> | |||
/gnyis pa ni/ nad la dug (aa: 155 ba) gsum nyes gsum nye ring rgyu/ /skye mched gsog ldang slong rkyen skyed byed de/ /lam drug zhugs pa'i mthsan nyid 'phel zad 'khrugs/ /rgyu dang rten dang rnam pa'i sgo nas dbye/ /gang gso ba nad la/ ring rgyu ma rig pa las byung ba'i dug gsum dang nye ba'i rgyu des bskyed pa'i nyes pa gsum ni nad kyi rgyu/ dus dbang po spyod lam dman lhag log pa skye mched kyi rkyen/ rgyu ngo bo dus kyi sgo nas gsog ldang zhi gsum byed pa gsog ldang gi rkyen/ thun mong khyad par spong rkyen te nad skyed byed kyi rkyen gsum/ nyes gsum rang gnas 'phang bya'i yul la 'phen byed kyi rkyen bzhis 'phangs pa 'jug sgo'i lam drug tu zhugs nas rang gnas su rten pa nad 'jug tshul' zhugs nas nang lus zungs dri ma gsum po ldang tshad las 'phel ba dang zad pa dang phan tshun 'khrugs pa gsum po nad kyi mtshan nyid/ sngon gyi las/ tshe 'di'i nyes pa/ de gnyis 'dres pa las 'byung ba ste rgyu'i dbye ba gsum/ skyes pa bud med byis pa rgas pa kun khyab thun mong ste rten gyi dbye ba lnga/ phyi ma la nyes pa gtso bo rigs dang gnas kyi dbye ba gsum/ nang gses dang bcas pa gnod bya nyi shu rtsa lnga la rkyang pa ldan 'dus 'dres pa'i rigs kyi <br> | |||
<br> | |||
===Sheja Dzo Chapter 6.1 volume2 (page 310)=== | |||
<br> | |||
rnam pa'i sgo nas dbye ba grangs med pa rnams ni nad kyi dbye ba ste rnam grangs lnga yi sgo nas gso bya nad kyi mtshan nyid legs par rtogs par bya'o/ <br> | |||
/gnyis pa gso byed kyi tshul bshad pa la/ spyod lam rgyun spyod dus spyod gnas skabs te/ /zas tshul bsdam dang zas tshod ran par bza'/ /sman la ro nus zhu rjes sbyor ba'i thabs/ /'jam rtsub drag dpyad de yi cha byad bcas/ /nad gso byed gnyen po rnams kyi thog mar gal che ba bya ba spyod lam gyi gnas la/ tshe rkyang 'jig rten pa dang dam pa rnams kyi rgyun tu spyod pa/ dus drug tu gsog ldang gi gnyen po bsten pa'i dus spyod/ (aa: 156 na) nad mi skye ba dang skyes pa zhi ba'i gnas skabs kyi spyod lam ste gsum/ 'tsho ba zas la/ bza' bya'i zas dang btung bya'i skom gyi tshul lam rnam grangs shes par bya ba/ lus la mi 'phrod pa bsdam par bya ba/ zas kyi tshod ran par bza' ba gsum/ sbyor ba sman la ro drug nus pa brgyad las skyes pa'i yon tan bcu bdun zhu rjes gsum rnams nad kyi 'byung ba'i gnyen por sprad pa'i ro bsdebs sbyor ba lnga bcu rtsa bdun dang rkyang pa drug bcas drug cu rtsa gsum ni so sor 'phel zad bdun cu rtsa bzhi'i gnyen por sbyar zhing/ nus par sbyor ba zhi sbyang gnyis nad rigs spyi'i gnyen por sbyor ba'i thabs la mkhas par bya ba dang/ cha byad dpyad la/ 'jam po'i dpyad dug lum byugs pa/ rtsub pa'i dpyad gtar sreg dbug pa/ drag po'i dpyad 'dral gcod 'drud dang 'byin pa bzhi/ de dag gi cha byad zug rngu brtag pa'i dpyad khab mgo sogs bcu bzhi/ zug rngu 'byin pa seng ge kha sogs skam pa'ng rigs drug sha 'dral khrag dbyung <br> | |||
<br> | |||
===Sheja Dzo Chapter 6.1 volume2 (page 311)=== | |||
<br> | |||
bye'u'i sgo 'dra sogs btsag bu'i snge drug btsag dbugs 'dren dpyad sbubs thur smyu gu la sogs thur ma dgu gce'u rngabs ra bum pa la sogs cha byad phran bu dang bcas pa ste/ de dag gis rnam par gyur pa'i nad kyi rigs snying rjes gso ba la brtson par bya'o/ <br> | |||
/gsum pa la gnyis/ nad med gnas shing 'tsho ba dang/ na ba gso bar bya'o/ <br> | |||
/dang po ni/ nad med bder gnas rgas pa'i nad las bsring/ /rnam par ma gyur pa nad med kyi tha mal gyi lus po min par gnas pa dang ring du 'tsho zhing bde bar gnas pa'i thabs mchog nad kyi rgyu rkyen spang ba la bslab/ lo zla mang du 'das pas lus zungs kyi stobs 'gribs te rten rnying nas rgas pas tshe zad par nye ba la bcud len gyi sbyor bas stobs skyed cing tshe bsring bar bya'o/ <br> | |||
/gnyis pa ni/ na ba rgyu dang (aa: 156 ba) mtshan nyid phan gnod bsten/ /ngan gyo skyon dang spang blang mu bzhis brtag /spyi dang bye brag khyad par tshul gyis gso/ <br> | |||
/thun mong khyad par gso ba'i thabs ldan bya/ /na ba gso ba'i thog mar ngos bzung rtags la mkhas par bya dgos pas/ de'ng slong byed rgyu/ mtshan nyid rtags/ phan gnod goms pa bsten pa gsum gyis nyes pa dngos su brtag ngan gyo skyon te thabs kyi sgo nas mi shes pa'i grags pa mi phog par brtag na ba thams cad 'tsho ba ma yin cing thams cad 'chi ba'ng ma yin pas gso sla ba dang gso dka' ba dang gso rung ba tsam dang spang bar bya ba ste spang blang mu bzhi'i sgo nas brtag rtogs nas ji ltar gso bar byed pa la gso tshul/ gso thabs gnyis/ dang po la gsum/ nyes gsum gsog dus zhi byed dang ldang dus sbyong byed kyis bcos shing zhi ba'i skabs su mi 'khrugs par <br> | |||
<br> | |||
===Sheja Dzo Chapter 6.1 volume2 (page 312)=== | |||
<br> | |||
bya ba spyi'i gso tshul/ ma zhur bcas pa dang rkyang pa dang gzhan dbang can gsum gang 'tshams su bcos pa bye brag gi gso tshul/ ma rtogs dogs pa dang bcas pa la sad mda' btang ba/ ngos zin nges pa rnyed nas sman dpyad dngos su sbyor ba/ gnyen po'i thog tu mi 'bab pa la nad lam du gzung ba/ sngar bcos dman lhag log pa la gnyen po bsgyur ba/ shin tu stobs chen gyi nad la gnyen po rtsal sprugs pa/ nad stobs chung ngu'i rigs la gnyen po cha yis bskyed pa/ nyes gsum rkyang pa'i nad la gnyen po gzhan gnod med pa/ ldan pa dang 'dus pa'i nad la 'du ba cha snyoms su bcos pa/ thams cad la'ng bcos bya bcos byed 'tshams shing ma nor ba ste khyad par gyi gso tshul dgu yis nad rnams gso bar bya zhing/ thun mong gso yul zungs zad sogs brta bar bya ba dang/ tsho ches sogs nyams dmad pa'i thabs gnyis/ khyad par tsha ba bsil/ (aa: 157 na) grang ba drod/ rlung snum gro sogs nyes gsum so sor gso ba'i thabs dang ldan par bya'o/ <br> | |||
/bzhi pa ni/ sman pa rgyu drug mchog gyur las la mkhas/ /rang gzhan 'phral yun bde legs 'bras bur spyod/ /gso ba'i bya ba byed pa'i sman pa'i mtshan nyid kyang rgyu drug dang ldan pa ste/ blo gros che ba blo brtan pa blo gzed pa (25) <br> | |||
<br> | |||
===Sheja Dzo Chapter 6.1 volume2 (page 313)=== | |||
<br> | |||
ste blo dang ldan pa/ byams pa dang snying rjer ldan pa bsam pa dkar ba/ blo bzhag drug gzzung bya gnyis shes pa gsum ste dam tshig dang ldan pa/ lag pa bzo ngag tshig snyan rig pa bkra ba ste rnam pa bzo ba/ bdag don bslab sbyong dang gzhan don gso dpyad la le lo med pas bya ba la brtson pa/ dam pa'i mtshan nyid ldan cing thun mong gi kun spyod legs pa sogs mi chos la mkhas pa rnams so/ <br> | |||
/de'ng rigs brgyud med cing mthong goms chung ba sogs tha ma'i skyon bcu gnyis spangs shing mchog gi yon tan rnams dang ldan pa/ thun mong sgo gsum gso dpyad kyi las dang khyad par lta sgom spyod pa'i bya ba la mkhas pa ste/ de lta bu'i tshul rnams ji skad bshad pa ltar tshad dang ldan par 'brel bas rang gzhan gnyis ka 'phral dang yun du bde legs kyi 'bras bu la spyod par 'gyur ro/ <br> | |||
/gnyis pa rig gnas chung ba bshad pa la gnyis/ mtshams sbyar ba dang/ dngos so/ <br> | |||
/dang po ni/ rig gnas chung ba lnga ru grags pa las/ /rig gnas chung ba lngar grags pa 'di la bzhed tshul 'ga' zhig snang yang/ mngon par 'byung ba'i rgyud las/ byang chub sems dpa' sems can 'dun par bya ba'i phyir gzhan dg la snyan par dngags pa'i bstan bcos dang/ ming gcig don du mar 'jug pa dang/ don gcig nyid kyang ming gi rnam grangs du mas mngon par brjod pa'i bstan bcos dang/ lci ba dang yang ba'i yi ge bsgyur ba dang spel ba'i sgo nas tshigs su bcad pa sdeb pa'i bstan (aa: 157 ba) bcos dang/ mdo 'dzin pa dang/ bzhad gad dang/ skad du ma gzhan du bsgyur bas 'gro ba dga' bar byed pa zlos gar gyi bstan bcos dang/ grangs kyi rig pas gzhal te ngo mtshar bar ston pa rtsis kyi bstan bcos rnams kyang bslab par bya <br> | |||
<br> | |||
===Sheja Dzo Chapter 6.1 volume2 (page 314)=== | |||
<br> | |||
ste/ byang chub sems dpa' de ni bla na med pa yang dag pa rdzogs pa'i byang chub thob par 'dod pa'i phyir ro/ <br> | |||
/zhes gsungs pa ltar phyis nas chab gcig bzhed par snang ba las/ zhes mtshams sbyar ba'o/ <br> | |||
/gnyis pa la lnga/ skar rtsis/ snyan dngags/ sdeb sbyor/ mngon brjod/ zlos gar ro/ <br> | |||
/dang po la bzhi/ spyi'i don/ nang gi nges pa/ phyi rol gyi brtsi ba'i gzhi/ ji ltar brtsi ba'i tshul bshad pa'o/ <br> | |||
/dang po ni/ kun rdzob blang dor ston pa'i skar rtsis ni/ /de nyid stong pa rags snang brtsi ba'i gzhi/ /rten 'brel grangs kyi rig pa rtsi ba'i tshul/ /de'ng kun rdzob kyi grangs dang gnas tshul la mi rmongs pas blang dor ma 'chug par ston par byed pa ni dgos pa'o/ <br> | |||
/dgos pa de ldan gyi skar rtsis zhes grags pa la phyi nang gi lugs gnyis las 'dir rgyud kyi rgyal po las gsungs pa'i rjes su 'brangs pa ni ches dgos pa dang bcas pa yin pas/ de ltar na thog mar nang gi nges pa shes pa gal che bas/ de kho na nyid stong pa spros bral gyi gnas lugs de/ 'khrul tshul ma rig pas bslad pa'i dbang gis yul yul can nam phyi nang sogs gnyis chos dang/ rtsa rlung thig le'm nyi zla sgra gcan gyis mtshon gsum chos sogs rags snang mtha' yas par sgro btags pa'i snang cha tsam ni so skye rnams kyi brtsi bya'i gzhi dang/ rten cing 'brel bar 'byung ba'i grangs kyi rig pa ni rtsi ba'i tshul lam rtsi byed yin no/ <br> | |||
/gnyis pa ni/ dbu ma'i dbugs las gza' yi rkang pa 'byung/ /dus bzhi'i mtha' ru de dag stong par 'jug /slar yang rtog 9aa: 158 na) pas dus kyi nges pa 'char/ /dbu ma'i dbugs ni ye shes kyi rlung ste dbu ma la brten nas rtsa gzhan mngon par skye ba ltar ye rlung la brten nas las kyi rlung 'byung ba lnga'i bdag nyid skye ba'm rgyu bar byed/ gyon rkyang ma la brten te snying stobs <br> | |||
<br> | |||
===Sheja Dzo Chapter 6.1 volume2 (page 315)=== | |||
<br> | |||
kyi rang bzhin gzung ba yul gyi cha bskyed pa nam mkha' rlung me chu sa'i rim pas zhi bza' lnga rgyu la/ gyas ro ma la brten te 'dzin pa bdag rtog gi cha gtso bor bskyed pa rdul gyi rang bzhin sa chu me rlung nam mkha'i rim pas drag gza' lnga rgyu ba'i phyir phyi rol 'jig rten gyi khams la yang me rlung gi grangs bzhin du gza' rnams kyi dal rkang myur rkang sogs 'byung gno/ <br> | |||
/dus bzhi'i mtha' ru gza' de dag stong par 'jug pa'i lo grangs sogs gong du smos pa ltar nang lus dang sbyar na skyes bu lang tsho rgyas shing nad la sogs pas ma gzir ba zhig mtshan gzhir byas te rtsa rkyang ma la brten te sna gyon nas dang por nam mkha' rlung me chu sa ste 'byung ba bskyed pa'i rim pas dkyil 'khor re la sum brgya drug cu ste dkyil 'khor lnga rgyu la/ de nas ro ma la brten te gyas su sa chu me rlung nam mkha' ste 'byung ba sdud pa'i rim pas lugs bzlog tu dkyil 'khor lnga rgyu ste/ dkyil 'khor nam 'pho chung re la sum brgya drug cu dang/ dkyil 'khor lnga rdzogs pa ni 'pho chen yin pas de la dbugs stong dang brgyad brgya 'byung/ de ltar skyed sdud kyi bya ba gnyis rdzogs pas 'pho chen gnyis kyi mtshams su nang du dbu ma la 'jug ste/ 'jig rten chags shing zhig pa'i bya ba rdzogs nas stong par gnas pa'm/ gza' rnams kyi dkyil 'khor rdzogs pa na stong pa la 'jug pa dang/ lus can rnams skye 'chi'i gnas skabs kyi 'og tu rang bzhin 'od gsal du 'jug pa la sogs pa'i don no/ <br> | |||
/tshul des gyas nas lug sogs mi mnyam pa'i khyim gyi 'pho chen drug dang/ gyon nas glang sogs mnyam (aa: 158 ba) pa'i khim gyi 'pho chen drug ste dus sbyor gyi 'pho ba bcu gnyis la dbugs nyi khri chig stong drug brgyar longs te rang dbugs kyi zhag gcig tu 'jog go /des na nang du 'pho chen gnyis la 'byung ba bskyed sdud rdzogs nas dbu mar stong pa la gzhol ba bstan pa'i don dang mu <br> | |||
<br> | |||
===Sheja Dzo Chapter 6.1 volume2 (page 316)=== | |||
<br> | |||
ste gzhug pa'i ched du mi lo stong dang nyis brgya la dbugs rer byed pa'i gtso bo nus pa'i ming can zhig yod pa ltar bzhag nas de'i dbugs grangs kyi 'pho chen gnyis rdzogs pa na phyir dus chen po gcig rdzogs shing/ de'i 'pho mtshams su dbu mar 'jug pa dang phyir gza' rnams stong pa la 'jug par sbyar nas gsungs pa'o/ <br> | |||
/stong 'jug la mtshur lugs pa rnams ni rgyud las gsungs pa'i rang rtsi nyid sgra ji bzhin par bzung la/ phug lugs pa rnams de mu stegs kyis mi rtog pa'i phyir sbas rtsis yin pas sgra ji bzhin min par bzung nas grub mtha'i zhib rtsis gsar du 'chos par mdzad do/ <br> | |||
/slar yang sems can rnams kyi kun tu rtog pa'i dbang gis rlung gis 'pho ba skye ba de bzhin phyi rol du'ng dus kyi nges par rim bzhin 'char bas/ dus bzhi so so'i zad pa me stag gi dbo zla ba'i gnam stong nya khyim gyi mthar gza' rnams kyi longs spyod rnam par dag pa la stong par zhugs pa'i tha snyad byed cing/ slar rab byung gi lo'i nag zla'i tshes gcig nas lo zla gza' skar thams cad kyi rtag pa'i longs spyod gsar du 'char ba yin no/ <br> | |||
/gsum pa ni/ nang nyid ji ltar phyi rol snang ba las/ /bgrod bya khyim skar bgrod byed gza' rnams skyes/ /nyi mas khyim spyod dus bzhi gyas su `khor/ /skar khyim go la rlung 'gros nyin zhag rer/ /gyas bskor bza' 'rnams rang 'gros yul la spyod/ /nang rdo rje'i lus kyi gnas lugs ji lta bar phyi rol du snang ba las/ thog mar bgrod bya'i yul go la'i steng (aa: 159 na) du khyim bcu gnyis rgyu skar nyer brgyad rnams chags/ de'i steng du bgrod byed gza' bcu po skyes/ gnam la nyi mas khyim bcu gnyis po gyon bskor du spyod cing sa la las kyi sa dum bu bcu gnyis su dus bzhi gyas bskor gyi tshul gyis 'pho zhing rgyu ste 'khor ba'o/ <br> | |||
/de ltar rgyu skar gyi khyim dang go la rnams ni <br> | |||
<br> | |||
===Sheja Dzo Chapter 6.1 volume2 (page 317)=== | |||
<br> | |||
rlung 'gros la brten nas nyin zhag re rer gyas su bskor cing/ gza' rnams ni rang rang gi 'gros kyis yul rgyu skar khyim gyi longs spyod la spyod pa'o/ <br> | |||
de'ng gza' gzhan ni/ rgyu skar gyi steng du rang 'gros kha shar du phyogs pas ri rab la gyon bskor gyis rgyu la/ sgra gcan ni don dam pa'i rigs pas bsod nams dang ldan pa'i phyir gza' gzhan gyi stobs 'phrog cing/ khyim gyi rlung 'gros bzhin du kha nub tu phyogs nas ri rab la gyas bskor gyis bskor zhing/ nam gru nam tha skar gyi bar lugs sdog tu spyod do/ <br> | |||
/de'ng sgra gcan ni nang du dbu ma ye shes kyi cha yin la/ de ni kun rdzob 'khrul ba'i rnam pa 'jig par byed pa rdo rje lta bu'i ting nge 'dzin gyis rtogs par bya ba yin pa'i rigs pas phyi 'jig rten gyi khams la yang gza' gzhan ni gyon du spyod cing stobs dman la/ sgra gcan bsod nams kyi stobs lhag pas so/ <br> | |||
/dus gsum tshigs mtshams mun can nyi zla phrad/ /des na rang lus la dbu ma stong pa'i rang bzhin khams sgrib thogs dang bral ba yar sna chu'i khams dpyid kyi gong bu dang mar sna me'i khams 'bar ba'i thig le dang ldan pa/ phyi nang dag pa gcig pa'i phyir sgra grcan yang lus stong pa nam mkha'i khams sgrib thogs dang bral la/ gdong chu'i rang bzhin nag po mun pa'i bdag nyid dang/ mjug ma me'i khams dmar po 'bar ba'i rang bzhin gnyis ni sgrib byed kyi nus pa can rags pa'i rnam pa ste/ nang du rdul dang snying stobs dang mun pa'i dus gsum gyi tha mar mun pa chen (aa: 159 ba) po'i rlung gis ro ma'i stobs 'phrog cing/ sa chu me rlung nam mkha' ye shes kyi khams drug rdzogs pa na rkyang ma'i stobs 'phrog pas phyi rol du zla ba gnyis la yan lag re'm/ dus rer byas pa'i dus gsum rdzogs pa'i dkar nag gi tshig mtshams su mun can nyi ma la 'jug cing/ zla ba drug rdzogs pa na zla ba la sgra bcan 'jug par snang ba dang/ khyad par nyi 'dzin la <br> | |||
<br> | |||
===Sheja Dzo Chapter 6.1 volume2 (page 318)=== | |||
<br> | |||
rten 'brel yan lag bcu gnyis rim par 'khor ba'i reg pa'i rten 'brel gnas stong la 'char ba dgos te/ de yang lug gi khyim zla nas brtsams te zla ba bcu gnyis la yan lag rer 'jog la/ yan lag re'i nyin zhag dang po la ma rig pa/ gnyis pa la 'du byed/ gsum pa la rnam shes/ bzhi pa la ming gzugs/ lnga pa la skye mched drug drug pa la reg pa/ bdun pa la tshor ba/ brgyad pa la sred pa/ dgu pa la len pa/ bcu pa la srid pa/ bcu gcig pa la skye ba/ bcu gyis pa la rga shi dang/ bcu gsum pa la ma rig pa nas nyer bzhi la rga shi dang/ yang nyer lnga la ma rig pa nas drug pa la rga shi/ bdun pa la ma rig pa nas bco brgyad pa la rga shi dang/ bcu dgu la ma rig pa nas gnam stong la rga shi'o/ <br> | |||
/mdor na gnam stong la reg pa yod pa dang rga shi yod pa spel mar 'byung ba'i reg pa yod pa'i tshe 'dzin te/ reg pa'i yan lag dbus der sgra gcan rgyu ba de yis zla ba nyi ma dag ni 'dzin par 'gyur/ /zhes so/ <br> | |||
/nyi zla rlung 'gros khyim tshes nyin zhag byung/ /dus gsum mtshams bzhi thun brgyad dus sbyr ni/ /bcu gnyis yud tsam sum cu dbugs nyi khri/ /chig stong drug brgya chu srang sum stong dang/ /drug brgya chu tshod drug cus go la 'khor/ /nyi ma dang zla ba dang rlung ste go la'i 'gros gsum la brten nas khyim zhag dang/ tshes zhag dang/ nyin zhag rnams byung zhing/ snga ma ring/ (aa: 160 na) bar ma thung/ phyi ma de gnyis kyi bar te zhib par gong du bshad zin pa ltar ro/ <br> | |||
/de'ng lo zla la sogs pa dus rnam par gzhag pa'i gtso bo ni nyi ma'i 'gros la brten pa ste/ nyin zhag gcig la dus sbyor bcu gnyis yod pa'i dus sbyor bzhi la dus re byas pa'i dus gsum dang/ dus sbyor gsum la thun mtshams re byas pa'i thun mtshams bzhi dang/ dus sbyor phyed dang gnyis la thun tshod re byas pa'i thun tshod brgyad dang/ dbyu gu lnga la dus sbyor re byas pa'i dus sbyor bcu <br> | |||
<br> | |||
===Sheja Dzo Chapter 6.1 volume2 (page 319)=== | |||
<br> | |||
gnyis dang/ chu tshod gnyis la yud tsam re byas pa'i yud tsam sum cu dang/ dbugs nyi khri chig stong drug brgya dang/ dbugs drug la chu srang du byas pa'i srang sum brgya drug cu dang/ chu srang drug cu chu tshod du byas pa'i chu tshod drug cus zhag re bzhin go la 'khor bar 'gyur la/ gza' gzhan yang de'i rjes su 'brangs pas 'jig rten du rgyu zhing legs nyes kyi 'bras bu 'byin par byed do/ <br> | |||
/'dir zhar byung lo zla'i 'go 'dzin pa'i tshul yang mdo sde nyi ma'i snying por/ bdag gis rgyu skar smin drug brjod/ /zla ba nya tshe zla rangs 'gyur/ /ston zla tha chung zhes grags pa/ /lo 'gor bdag gis brjod par bya/ /zhes dang por lo la bkod pa'i go rim gyis rgyu skar gyi dang po smin drug yin pas na smin drug gi zla bar lo 'gor gsungs shing/ 'jig rten gyi grags pas dpyid ra lo 'gor byed pa la 'dul mngon las lugs de gnyis ka dang/ tha skar gyi zla ba lo 'gor byed pa'ng 'byung zhing/ rgya rtsis pas hor zla dang po stag dpyid rar byas nas de lo 'gor 'jog kyang dus kyi 'khor lo 'dir 'jig rten chags pa'i dbang du byas pa'i lo 'go dang/ nyi khyim gtso bor byas pa'i lo 'go dang/ dgos pa gtso bor byas pa'i lo 'go ste gsum las dang po ni/ dbyar 'bring krtti'i zla ba nas 'dzin te 'jig rten chags nas cher ma lon pa ston dpyid dang nyi (aa: 160 ba) zla sogs med pa na nyi ma nab so'i bzhi gsum kartta'i khyim gyi dang po nas longs spyod skyes pas dus kyi dang po dbyar yin par gsungs pas so/ <br> | |||
/gnyis pa ni/ nyi ma lug khyim du zhugs pa'i dus te gza' skar dang dus rnams nyi ma'i rjes su 'brang zhing de'i khyim gyi dang po lug yin pas so/ <br> | |||
/gsum pa ni/ nag zla'i dkar tshes gcig nas lo 'go 'dzin pa ste dus 'khor gsungs pa'i zla ba yin pa'i phyir ro/ <br> | |||
/'di dang 'jig rten pa dang phyi rol pa ni yar ngo sngon 'gror byed la/ mngon 'grel las zla ba <br> | |||
<br> | |||
===Sheja Dzo Chapter 6.1 volume2 (page 320)=== | |||
<br> | |||
thams cad ni mar gyi ngo snga ste zhes gsungs shing/ sdom brcon dang por ngal ba ltar snang yang mthar rgyas par 'gyur ba'i chos mthun gyis sangs rgyas pa mar ngo sngon 'gro byed pa mang bas rgyud 'grel du yang phal cher mar ngo sngon 'gro byas kyang dgos pa'i dbang gis res 'ga' yar ngo sngon 'gror yang gsungs la/ yang rtsa rgyud las mar ngo sngon 'gro dang bsdus rgyud du mu stegs gzhugs phyir yar ngo sngon 'gro gsungs zhes kyang grags so/ <br> | |||
/bzhi pa ni/ gza' tshes skar sbyor byed pa'i yan lag lnga/ /gza' lnga sgra gcan tatkaal spyod tshul brtag /'bras bu lung ston rtsis phran gzhan yang bslab/ /de ltar brtsi bya'i gzhi dang rtsi byed kyi gnad rnams legs par nges nang/ nyin re la sogs pa'i nges pa ji ltar rtsi ba'i tshul ni/ nyi ma sogs res gza' bdun/ tha skar sogs res 'grogs zla skar ram tshes kyi skar ma/ nyi mas spyod pa'i rgyu skar/ sel ba la sogs pa'i sbyor ba nyer bdun/ 'pho ba'i byed pa bdun dang rtag byed bzhi ste yan lag lnga ji ltar 'char ba dang/ drag gza' gsum/ zhi gza' gnyis te gza' lnga po rgyu skar gyi yul la 'gros bzhis ji ltar rgyu ba dang/ sgra gcan gdong mjug gang du spyod pa/ tatkaal ste dus sbyor gang zhig 'char ba/ (aa: 161 na) tshes dang dus la rtsa ba dang yan lag gi dbyangs 'char ba'i tshul rnams zhib mor brtag cing/ 'bras bu bzang ngan lung ston par byed pa dus 'khor las gsungs pa dang/ gyul las rnam par gyal ba'i rgyud don dbyangs 'char ba la gtso bor brten cing man ngag gnad kyi 'khro lo rnams kyis blang dor lkog gyur mngon sum du ston pa rnams dang/ brtsi bya 'byung ba lnga la/ rtsi byed rang bzhin gzhi'i gtsug lag dang/ 'byung ba rang rgyud/ snang ba yul/ gtsod byed yid/ 'dzin pa sems kyi gab tshe bzhis bsdus pa'i ma rig 'khrul snang gi gtsug lag gnyis kyi sgo nas legs nyes lung bstan pa 'byung rtsis sam nag rtsis <br> | |||
<br> | |||
===Sheja Dzo Chapter 6.1 volume2 (page 321)=== | |||
<br> | |||
su grags pa sogs rtsis phran gzhan yang bslab par bya'o/ <br> | |||
/gnyis pa snyan ngag bshad pa la gnyis/ lus dang/ rgyan no/ <br> | |||
/dang po ni/ snyan dngags 'dod don lus la bcad lhug spel/ /grol ba rigs mdzod 'dus pa srgas bcings/ /tshigs bcad rkang bzhi lhug pa brjod dang gtam/ /spel ma gtso phal zlos gar tsambu ste/ /de'ng mdo las/ dam pa'i chos gsal bar bya ba'i phyir snyan dngags bya'o/ <br> | |||
/dkon mchog gsum la bstod pa bya'o/ <br> | |||
/de las bla na med pa'i byang chub 'thob par 'gyur ro/ <br> | |||
/zhes sogs 'byung ba ltar/ mkhas pa'i bya ba gsum gyi mchog rtsom pa bzang ngan ni snyan dngags shes mi shes kyi rjes su 'gro ldog byed pas/ 'di'i gtso bo'i don lus dang rgyan gnyis su gnas pa las/ dang po ni/ lus ni re zhig 'dod pa yi/ /don gyi rnam bcad tshig gi phreng/ /zhes gsungs pa ltar/ snyan dngags mkhan gyis brjod par 'dod pa'm bsam pa'i don ni snyan dngags kyi lus te don nges par byas nas tshigs legs par bsdebs pa la 'dod pa'i don gyis rnam par bcad pa zhes gsungs so/ <br> | |||
/(aa: 161 ba) lus de'ng tshigs su bcad pa'i tsheg bar bdun dang dgu la sogs pa dang/ ma bcad pa'i lhug pa dang/ de dag spel ma gsum du gnas so/ <br> | |||
/tshigs bcad sbyor tshul lam rigs kyi sgo nas dbye na/ grol ba/ rigs/ mdzod/ 'dus pa zhes bya ba bzhi ste/ rim bzhin tshigs bcad gcig gi nang du don gcig rang dbang can du rdzogs par ston pa dang/ brjod bya'i don gcig la shlo ka mang du tshogs shing bya tshig gcig gis gsal bar byas pa dang/ gcod mtshams dang bya tshig sna tshogs shing shlo ka'i grangs nges med pa mdzod ltar 'dus pa dang/ brjod bya'i tshig don gcig la shlo ka dang bya tshig mang po can te/ de dag kyang srga zhes pa le'u'm rab byed dam skabs du mas <br> | |||
<br> | |||
===Sheja Dzo Chapter 6.1 volume2 (page 322)=== | |||
<br> | |||
bcings pa ni snyan dangs chen po zhes ba'o/ <br> | |||
/tshigs su bcad pa de'ng mngon pa kun btus las/ rkang pa gcig nas drug pa'i bar du yod par bshad kyang snyan dngags pa'i lugs la rkang pa bzhi pa kho na yin la/ lhug pa la brjod pa dang gtam zhes ming gnyis su yod kyang slob dpon dandis de gnyis don gcig tu bzhed cing/ pandi ta rig byed rgya mtsho ni/ brjod pa'i mtshan nyid/ lhug pa'i snyan dngags gang zhig sngon byung gi gtam rgyud las drangs pa ma yin pa'i rigs brjod pa dang/ gtam gyi mtshan nyid/ lhug pa'i snyan dngags gang zhig sngon byung ba'i gtam rgyud las brtsams te brjod pa shas che ba yin zhes bzhed la/ me long du'ng/ sngon byung gtam las gyur pa'm/ /cig shos legs pa la brten nas/ /zhes 'byung ba dang mthun pas legs zhes mkhas pa snga rabs pa du ma gsung ngo/ <br> | |||
/spel ma la'ng gtso bo dang phal pa gnyis kyi dang po ni/ skad rigs bzhi tshang zhing bcad lhug spel ma'i bdag nyid can zlos gar nyid yin la/ gnyis pa ni/ skad rigs gang rung la (aa: 162 na) brten cing bcad lhug bsres pa tsambu zhs grags pa de yin pa dang/ gzhan yang rjod byed kyi sgo nas dbye na/ legs sbyar/ rang bzhin/ zur chag 'dres ma dang bzhir bshad do/ <br> | |||
/gnyis pa rgyan ni/ mdzes byed tshig sbyor thun min yon tan bcu/ /thun mong don rgyan sgra dang gab pa'i tshig /skyon spong rtsom pa 'jig rten rgyan du byed/ /me long gzhung las/ snyan dngags mdzes par byed pa yi/ /chos rnams rgyan zhes rab tu brjod/ /ces 'byung ba ltar/ ji ltar skyes bu'i lus la do shal dang dpung rgyan la sogs pas mdzes par byed pa bzhin du snyan dngags kyi lus la'ng sbyar ba la sogs pa'i don gyi rgyan gyis mdzes par byed pa'i phyir/ de lta bu'i tshig sbyor ba ni rgyan zhes bya ste/ /de'ng dandi'i gzhung las shar lho'i <br> | |||
<br> | |||
===Sheja Dzo Chapter 6.1 volume2 (page 323)=== | |||
<br> | |||
lam srol so so ba/ /sbyar ba rab dwangs mnyam nyid dang/ /snyan dang shin tu gzhon pa dang/ /don gsal ba dang rgya che dang/ /brdzid dang mdzes ldan ting nge 'dzin/ /yon tan 'di bcu pee darbha'i/ /lam gyi srog tu bshad pa yin/ /'di dag phal cher ldog pas ni/ /goo dda'i lam dag mtshon pa yin/ /ces thun mong min pa'i yon tan bcu dang/ shar lho 'dod pa mthun pa thun mong gi lam srol la don rgyan sgra rgyan gab tshig gsum ste/ de'ng/ rang bzhin brjod dang dpe dang ni/ /gzugs can gsal byed bskor ba dang/ /'gog dang don gzhan bkod pa dang/ /ldog pa can dang srid pa can/ /bsdus dang phul byung rab brtags dang/ /rgyu dang phra mo cha dang rim/ dga' dang nyams ldan gzi brjid can/ rnams grangs brjod dang kun tu phan/ /rgya che bsnyon dor sbyar ba dang/ /khyad par mtshungs par sbyor ba dang/ /'gal dang skabs min bstod pa dang/ /jol bstod nges par bstan pa dang/ /lhan cig brjod dang yons brjes shis/ /rab spel da nas (aa: 162 ba) dongs pa can/ /'di dag tshig rnams dag gi ni/ /rgyan du sngon gyi mkhas pas bstan/ /(25) <br> | |||
<br> | |||
===Sheja Dzo Chapter 6.1 volume2 (page 324)=== | |||
<br> | |||
ces don rgyan sum cu rtsa lnga nang gses kyi dbye bas du mar 'gyur ba dang/ sgra rgyan la zung ldan dang bya dka'i khyad par gnyis/ rtsed mo'i 'dun sar bzhad gad la sogs pa'i ched du nye bar mkho ba'i gab tshig gi rgyan bcu drug rnams so/ <br> | |||
/mdor na tshig rgyan thams cad rang bzhin brjod pa dang 'khyog brjod gnyis su 'du zhing/ de dag gi tshig sbyor skabs/ don nyams don 'gal don gcig pa/ /the tshom can dang rim pa nyams/ /sgra nyams gcod mtshams nyams pa dang/ /sdeb sbyor nyams dang mtshams sbyor bral/ /yul dus sgyu rtsal 'jug rten dang/ /lung rigs dag dang 'gal ba ste/ /skyon bcu de dag snyan dngags la/ /snyan ngag mkhan gyis spang bar bya/ /zhes pa ltar skyon bcu dang/ gzhan yang grong tshig dang dpe skyon la sogs pa spangs pa dang/ ji skad du/ rang bzhin gyis grub spobs pa dang/ /mang du thos pa dri med dang/ /mngon par sbyor ba mi dman pa/ /snyan ngag phun sum tshogs pa'i rgyu/ /zhes 'byung ba'i rgyu tshogs dang ldan pa'i rtsom pa ni 'jig rten gyi rgyan du byed de slob dpon dpa' bos mdzad pa'i bstod pa bzhin no/ <br> | |||
/'di la spyir btang dper brjod shar pa'i lam la dpag bsam 'khri shing dang/ lho pa'i lam la skyes rabs so bzhi pa yin zer ba 'dra rung tsam yod par snang ngo/ <br> | |||
/gsum pa sdeb sbyor bshad pa la gsum/ priitta/ dzaa ti/ ngo mtshar rtogs byed kyi sbyor ba bshad pa'o/ <br> | |||
/dang po ni/ tshig sbcad sdeb sbyor yi ge drug pa nas/ /rgyun chags bar du bgrang ba priitta ste/ /mnyam dang mi mnyam phyed mnyam dag gis bcing/ /<br> | |||
<br> | |||
===Sheja Dzo Chapter 6.1 volume2 (page 325)=== | |||
<br> | |||
snyan dngags tshigs su bcad pa la shin tu gal che ba'i rig pa ni/ ji skad du/ tshigs bcad rkang bzhi de yang ni/ priitta dzaa (aa: 163 na) ti zhes rnam gnyis/ /zhes dang/ rig de snyan dngags rgya mtsho ni/ /zab mo brgal 'dod rnams kyi gru/ /zhes 'byung ba ltar tstshandas'i sgra las drangs pa'i sdeb sbyor priitta dang dzaa ti gnyis su yod pa'i gnyis ka'ng tshigs bcad rkang bzhi pa'i dbang du byas pa ste/ dang po ni/ rkang pa bzhi kar yi ge'i grangs snyoms pa'i yi ge bgrang ba yin la/ de'ng yi ge drug pa dbyangs sgrog dang bdun pa rab dga' nas/ nyer drug pa lhag par byed ldan gyi bar nges pa can dang/ nyer bdun phan chad la rgyun chags zhes bya zhing de la'ng rgyun chags dang rab bsags dang po nas brgyad pa la sogs pa'i dbye ba mang ngo/ <br> | |||
/drug pa sogs la'ng nang gses shin tu mang ste yi ge bcu pa la mtshon na lci yang sbyor tshul gyi dbye bas rnam grangs chig stong nyer bzhi 'gyur zhing/ de rnams kyang ming gi nges pa gsal ba dbus phra/ gzhon nu rol pa dang 'dra mtshungs/ glog phreng/ dag pa'i snang ba la sogs pa dang/ gzhung du ming dngos su ma gsungs pa shin tu mang ba de dag ni briitta ste/ de la'ng nang gses su rkang pa bzhi ka yi ge'i grangs dang lci yang mtshan nyid mtshungs pa mnyam pa'i briitta ste dbus phra la sogs pa'o/ <br> | |||
/de las ldog pa ni mi mnyam pa'i briitta ste/ de la'ng kha sgo dang/ rkang bzhi 'phel dang/ steng 'gro dang/ dal gyi 'gro ba bzhi'o/ <br> | |||
/rkang pa zung gnyis mi mnyam la zung mnyam pa'i mtshan nyid lta bu'i 'dres pa ni phyed mnyam pa'i briitta ste nyer bkra la sogs pa rnams kyis bcings pas mdzes par byas pa'o/ <br> | |||
/gnyis pa ni/ phyi mo bgrang ba dzaa ti 'phags ma dang/ /ro langs dmar ser rnams la gzhan bshad 'du/ /yi ge'i ngo grangs bgrang du med pa phyi mo bgrang ba'i sdeb sbyor ni dzaa ti zhes bya ste/ snga ma yi ge brgyad yod pa la yi <br> | |||
<br> | |||
===Sheja Dzo Chapter 6.1 volume2 (page 326)=== | |||
<br> | |||
ge brgyad pa'i sdeb sbyor zhes pa lta bu'i tshab tu 'dir phyi mo brgyad tshang dgos te/ de'ng (aa: 163 ba) dbyangs thung ngu/ gsal byed dbyangs gcig pa rnams ni phyi mo gcig par bgrang/ dbyangs ring po/ <br> | |||
gsal byed dbyangs gnyis pa ste ring po dang mtshams sbyor gyi yi ge srog tu zhugs pa sogs mdor na lci ba rnams ni phyi mo gnyis par bgrang/ gsal byed srog med ni phyed par bgrang ba yin la/ de la'ng phyi mo 'god tshul dang/ rkang bzhi mnyam mi mnyam phyed mnyam gyi dbye bas dzaa ti dang/ ro langs can dang/ dmar ser can gsum gyi nang gses bcas rin 'byung gzhung du bshad cing/ thos chub sogs las cung zad 'dra min mang du bshad pa thams cad kyang ngo bo 'di dag tu 'du'o/ <br> | |||
/'di dag tu yi ge gsum re la tshogs re byas pas lci yang gi dbang gis tshogs brgyad du 'byur te/ dang po bar dang mtha' rnams su/ /lci ba nyid gyur bha dza sa/ /yang ba nyid gyur ya ra ta/ /lci ba yang nyid ma na'o/ <br> | |||
/zhes 'byung ba ltar la/ de re re la'ng dge ba dang mi dge ba ston pa'i lha re re yod par bshad de/ bha yig sa gzhi dpal ni rgyas byed dza yig chu ste 'phel ba'o ra yig me ste 'chi/ /sa yig rlung ste pha rol yul du ring por 'gro byed ta yig nam mkha' stong pa'i 'bras/ /ya yig nyi ma rgya chen nad ni len byed ma yig zla ba grags pa dri ma med/ /na yig lha ste bde ba rab ster mkhas pas tshogs rnams kyis ni 'bras bu 'dir rab bshad/ /ces pa ltar la/ de'ng dang po'i tshogs de la brtag par bshad do/ <br> | |||
/de bzhin du sdeb sbyor yi ge drug pa nas rab bsags sam rgyun chags kyi bar rnams la'ng lha re re yod par 'dod de/ sdeb sbyor gaa ya tii'i lha rta mgrin du bshad cing de'i gzugs kyang yod par snang la 'on kyang 'di dag ni phyi rol pa'i lha ru snang ngo/ <br> | |||
/gsum pa ni/ /prastaa ra 'god spyi grangs nashtta dbye/ /u dhishtta bzung yang ba adhaa brtag / (aa: <br> | |||
<br> | |||
===Sheja Dzo Chapter 6.1 volume2 (page 327)=== | |||
<br> | |||
164 na) khyad par drug dang thun mong rtog byed gcig /mnyam pa'i pritta kho na'i sbyor ba ngo mtshar ba'i rigs pas rtogs par byed pa la drug dang po yi ge gcig pa nas bzung rgyun chags kyi bar gyi lci yang spel ba'i tshul ston pa prastaa ra 'god tshul/ gnyis pa yi ge bcu pa lta bu'i sdeb sbyor re re la rnam grangs du yod ston pa spyi'i rnam grangs rtogs byed/ gsum pa spyi grangs de las gang rung zhig khol du 'don pa'i bkod bya ji ltar yod rtogs par byed pa dper na yi ge drug pa'i sdeb sbyor la spyi'i rnam grangs drug cu rtsa bzhi yod pa'i nang nas bcu bzhi pa de glo bur bkod na prastaa ra 'god mi dgos sar lci yang bde blag tu rtogs byed na shta'i cho ga /bzhi pa thog mar yi ge bcu pa las ma sa dza ga lta bu'i prastaa ra bkod/ slar 'di yi ge bcu pa'i sdeb sbyor gyi nang gses su du pa yin ces 'dri na bde blag tu rtogs pa'i thabs udhishta bzung ba/ sdeb sbyor 'di la lci ba 'ba' zhig pa du/ gcig yang ba du/ gnyis yang ba du zhes sogs 'dri na/ de rtogs byed yang ba'i bya ba/ prastaa ra'i phreng steng 'og gi gling dang bar gyi sa ji tsam 'gro ba rtogs byed la adha'i brtag pa ste mnyam pa'i priittaa khyad par du rtogs par byed pa'i cho ga drug yod cing/ britta dzaa ti thun mong du yi ge phyi mo/ <br> | |||
lci yang gi grangs rtogs par byed pa'i thabs re re la gsum gsum yod kyang spyir thun mong rtogs byed ces bsdoms pas gcig go/ <br> | |||
de dag ni slob dpon rin 'byung zhi bas mdzad pa'i gzhung las ji ltar gsungs pa'i don te/ gzhung 'di ni/ ji skad du/ mdor bsdus tshigs su bcad pa dang/ /mdo yis dper brjod bgyis pa dang/ /ma 'dres rim pas 'don pa dang/ /mthar sdod tshogs nyid yon tan yin/ /ces dmar ser can gyi gzhung las yon tan brgyad kyis 'phags par bshad pa dang/ mdzad pa po khyad (aa: 164 ba) du 'phags pas ngo mtshar ba'i gzhung yin no/ <br> | |||
/<br> | |||
<br> | |||
===Sheja Dzo Chapter 6.1 volume2 (page 328)=== | |||
<br> | |||
bzhi pa ming gi mngon brjod bshad pa la gnyis/ spyir ming gi mtshan nyid dbye ba sogs bshad pa/ bye brag mngon brjod kyi tshul bshad pa'o/ <br> | |||
/dang po ni/ thog ma'i 'dod rgyal rjes grub don dang ldan/ /dngos ming de bzhin btags ming 'dra 'brel gyi/ /rgyu mtshan las byung de nyid ldog pa'i ming/ /'brel la rgyu ming 'bras dang 'bras ming rgyu/ /tshogs pa ya gyal la btags sdog pa sogs/ /rang gi gdags gzhi yi ge du ma 'dus nas don gyi ngo bo tsam ston pa'i rjod byed ni ming gi mtshan nyid/ de btags pa'i dgos pa ni/ 'phags pa'i zhal nas/ ming du gdags par ma mdzad na/ /'jig rten thams cad rmongs par 'gyur/ /de bas rmongs pa bsal ba'i phyir/ /mgon pos ming du gdags par mdzad/ /ces gsungs pa ltar tha snyad brdar go ba ni ming la rag las pa'o/ <br> | |||
/de la'ng rgyu mtshan dang dgos pa la ma ltos par thog ma'i brda sbyar ba ni 'dod rgyal gyi ming ste/ nam mkha' sa chu la sogs pa lta bu' smra sgo las/ 'dod rgyal thog ma'i ming gang yin/ /nges tshig gzhi med chos nyid bzhin/ /ces bshad do/ <br> | |||
/sngar tha snyad grub zin pa'i ming don gzhan gyi ming du gdags pa ni rjes su grub pa'i ming ste/ de la'ng rjes grub 'dod rgyal ni sgra bshad du mi rung ba/ khyi nag po la dung zhes btags pa lta bu/ rjes grub don dang ldan pa ni sgra bshad du rung ba/ khyi dkar po la dung zhes btags pa lta bu'o/ <br> | |||
/yang ming la dbye na dngos ming dang/ de bzhin btags ming gnyis/ dang po ni 'dod rgyal thog ma'i mingdu grags pa'm dngos kyi sgra bshad gsum po gang rung tshang ba/ de la dbye na 'dod rgyal thog ma'i dngos ming/ lha zhes pa lta bu/ (aa: 165 na) rjes grub 'dod rgyal gyi dngos ming/ ljon shing la rkang 'thung zhes pa lta bu/ don ldan 'khrul med kyi dngos ming/ skyes bu dpa' ba la stag ces pa lta bu'o/ <br> | |||
/btags ming gi mtshan nyid btags <br> | |||
<br> | |||
===Sheja Dzo Chapter 6.1 volume2 (page 329)=== | |||
<br> | |||
pa'i sgra bshad lnga po gang rung tshang ba/ de la dbye na 'dra ba rgyu mtshan du byas pa/ 'brel ba rgyu mtshan du byas pa'm de las byung ba/ de gnyis ka ldog pa rgyu mtshan du byas pa'i btags ming gsum du yod/ dang po ni sman bya rog rkang zhes pa lta bu/ gnyis pa 'brel ming la rgyu ming 'bras bu la btags pa/ ma zhu ba'i nad la ma zhu ba brjod pa lta bu/ 'bras ming rgyu la btags pa sgron me'i shing ngam/ phyug po ser snang can la yi dwags su brjod pa lta bu/ tshogs pa'i ming ya gyal la btags pa skyes bu 'ga' zhigs la lha'm/ bud med kha cig gi ming du bu mo brjod pa lta bu/ de las ldog la/ ya gyal gyi ming tshogs pa la btags pa gser sogs la lcags zhes brjod pa lta bu dang bzhi'i/ /gsum pa 'dra 'brel gnyis ka las ldog pa'i ming ni/ gzhan' mig dmar la bkra shis dang/ byed pa bishta la bzang po zhes brjod pa lta bu sogs so/ <br> | |||
/gnyis pa ni/ ming gcig don mang don gcig ming mang gis/ /mngon brjod khams dang ming don khong chud bya/ /de ltar bshad pa'i ming rnams kyang ming gcig kho na don mang po la 'jug pa/ dper na/ 'chi med mdzod las/ ka: ni tshangs pa rlung nyi bdag /kang ni mgo dang chu dag la/ /zhes dang/ dbang chen gu gul 'ug pa dang/ /sprul 'dzin rnams la ko shi ka? / /zhes dang/ artha brjod bya nor tshig don/ /dgos pa dang ni ldog pa la/ /zhes dang/ anta rang ni go skabs mtshams/ /smad gossgrib dbye de yi don/ skyion bral phyi rol bdag gi ba/ skabs dbus gang gi bdag la yang/ /zhes dang/ swa sti smon bde bsod nams tshogs/ /(aa: 165 ba) zhes dang/ klu sgrub zhabs kyis/ ngag phyogs sa dang 'od zer dang/ /phyug dang mig dang rdo rje dang/ /mtho ris chu ste don dgu la/ /mkhas pas go sgra nges par bzung/ /zhes pa lta bu dang/ gzhan yang mdon brjod mu tig phreng ba dang/ dpal sgra'i snye ma <br> | |||
<br> | |||
===Sheja Dzo Chapter 6.1 volume2 (page 330)=== | |||
<br> | |||
sogs nas mtha' yas pa 'byung ba ltar legs sbyar la shin tu mang zhing/ bod skad la'ng/ gnyis skyes zhes pa'i ming/ zla ba/ bram ze/ bya sogs la 'jug pa dang/ mkha' 'gro zhes pa grub pa'i rnal 'byor ma dang/ o rgyan sogs zhing skyes kyi mi mo/ <br> | |||
nyi ma/ 'dab chags/ mda' la'ng 'jug pas mtshon te rgya cher rtogs par bya'o/ <br> | |||
/don gcig la ming mang po dang ldan pa ni/ 'chi med mdzod las/ mtho ris mi zad mi bde med/ /legs gnas sum rtsen skabs gsum gnas/ /lha yi 'jig rten zhes mtho ris kyi ming gi rnam grangs dang/ kun mkhyen bde gshegs sangs rgyas dang/ /chos kyi rgyal po de bzhin gshegs/ /kun tu bzang po bcom ldan 'das/ /bdud thul rgyal ba 'jig rten rgyal/ /mngon shes drug ldan stobs bcu pa/ /gnyis med gsung ba rnam par 'dren/ /thub dbang dpal stug ston pa'o/ <br> | |||
/zhes sangs rgyas kyi mtshan gyi rnam grangs su gsungs pa lta bu shin tu mang po rnams te/ mngon brjod de rnams kyang legs sbyar la byings kyi khams dang/ skad gnyis kar ming de'i don nam rgyu mtshan yang khong du chud par byed dgos te/ dper na legs sbyar la/ buddhaa zhes pa budhi rtogs pa'i byings la dngos po'i don kta rkyen du sbyar nas bsgrubs pas gnyid dang bral ba lta bu'i sangs pa'm shes bya'i dngos po thams cad ji bzhin du rtos pa'i don du 'gyur ba dang/ de nyis bod skad du sangs rgyas zhes sngon gyi lo tsaa ba chen po rnams kyis don la brton nas bsgyur bar mdzad de/ de'ng/ ma rig gnyid las (aa: 166 na) sangs phyir dang/ /shes bya la ni blo rgyas phyir/ /sangs rgyas padma ltar sangs rgyas/ /zhes nges tshig dang sbyar dgos pas mtshon te rjes su dpag par bya'o/ <br> | |||
/lnga pa zlos gar ni/ mtshams sbyor lnga dang 'jug pa'i yan lag dang/ /mtshan nyid bcu drug skyeg dang phreng ba sogs/ /kun dga'i ro ldan zlos gar <br> | |||
<br> | |||
===Sheja Dzo Chapter 6.1 volume2 (page 331)=== | |||
<br> | |||
dang mtshungs pa/ /sems can mgu byed spyod pa kun la bslab/ /zlos gar gyi bshad pa bod kyi rtog bzo mkhan rnams kyis bshad pa ni phal cher ji bzhin ma yin pas rjes zlos ma byas la/ kun mkhyen bstan pa'i nyin byed kyis rgya dpe dang zlos gar gyi sbyor ba'ng gzigs nas phyogs mtshon tsam gyi gsung gi rgyun ni/ spyir zlos gar la don gyi chings gsum/ mtshams sbyor gyi yan lag 'jug pa'i yan lag mtshan nyid kyi dbye ba'o/ <br> | |||
/dang po mtshams sbyor gyi yan lag ni/ brjod bya'i don gyi khyad par sde tshan mi 'dra ba rnams rjod byed kyang skad rigs sna tshogs pas lab dgos pa de dag gi bar du mtshams sbyor byed yin/ de las sgo'i mtshams sbyor ni dri ba dang/ lan gyi sgo'i mtshams sbyor ni dri lan te phan tshun dri ba dri lan gyi rnam pa byed rgyu du ma zhig yod pa'i ming dang/ snying po ni/ skabs 'gar gros byed pa lta bu'i tshig mang po phan tshun du smras pa'i mthar gros thag bcad pa'i tshul gyis gtan la phab pa la snying po zer/ mi bzod pa ni/ mtshang nas 'bru ba'i brjod pas de'i rang mtshang la phog pa'i rnam pas mi bzod pa'm chags pas gzir nas mi bzod pa'i tshul byed pa'o/ <br> | |||
/nges pa thob byed ni/ the tshom dang bcas pa'i brjod pa mang po'i mthar don gcig la nges pa rnyed pa ltar byed pa ste/ de rnams la mtshams sbyor gyi yan lag lnga zhes grags so/ <br> | |||
/gzhan yang snyan ngag me long gi rgya 'grel slob dpon ratna shriis mdzad pa las/ mtshams sbyor rnams ni sgo dang/ (aa: 166 ba) lan gyi sgo/ <br> | |||
snying po/ <br> | |||
mi bzod pa/ nges thob ste lngar bshad do/ <br> | |||
/de la nye bar len pa/ nye bar mkho ba/ yongs su 'jog pa/ rnam par sred pa/ rig pa/ thob pa/ mnyam par 'jog pa/ sgrub pa/ brnyes pa/ dbye ba/ dbye bar byed pa rnams ni sgo'i yan lag rnams so/ <br> | |||
/yongs su 'gro ba/ rnam par 'dar ba/ gdung ba/ <br> | |||
<br> | |||
===Sheja Dzo Chapter 6.1 volume2 (page 332)=== | |||
<br> | |||
rtsed mo/ <br> | |||
rtsed mo'i mdangs/ rab tu 'gro ba/ 'gl ba/ nye bar gnas pa/ ma dag pa/ skye bo 'god par rtsom pa/ yi ge bsdu ba rnams ni lan gyi sgo'i yan lag rnams so/ <br> | |||
/ma byung ba dper brjod pa/ lam gyi rang bzhin dper brjod pa'i rim pa bsdu ba/ rjes su dpag pa/ slong ba/ brtag dpyad/ gzer ba/ stobs lhag pa/ yid 'byung ba/ 'tshab pa rnams ni snying po'i yan lag rnams so/ <br> | |||
/rgol ba/ 'thor ba/ 'dzag pa/ nus pa/ phan tshun du gnas pa/ 'gro ba pa gsal ba/ 'byed pa/ 'gog pa/ 'gal ba/ len pa/ 'drid pa/ rab tu sred pa ni mi bzod pa'i yan lag rnams so/ <br> | |||
/mtshams sbyor/ 'gog pa/ spel ba/ gtan la phab pa/ smod pa gsal ba/ rab dwangs/ kun dga'/ dus/ nye bar sbyed pa/ bsam pa snga ma 'chad pa/ snyhan ngag bsdu ba/ rang gis ston pa rnams ni nges thob kyi yan lag rnams so/ <br> | |||
/zhes gsungs/ /gnyis pa 'jug pa'i yan lag la/ bhaa ra tii/ saa twa ti/ kee shi kii/ aar bha tii/ zhs pa bzhi ste/ so sor yang yan lag bzhi'o/ <br> | |||
/de la bhaa ra tii'i yan lag bzhi ni/ rab tu sred pa dang/ kun tu sgo dang/ phreng ba dang/ bzo byed ba'o/ <br> | |||
/saa twa ti yi yan lag bzhi ni/ shin tu 'jog pa/ yongs su bsgyur ba/ smra ba dang bcas pa/ 'phrag tu bzlog pa rnams so/ <br> | |||
/kee shi kii'i yan lag bzhi ni/ rtsed mo/ <br> | |||
gsal ba/ rtsed mo 'byed pa/ rtsed mor 'gro ba rnams so/ <br> | |||
/aar bha ttii'i yan lag (aa: 167 na) bzhi ni/ bsdus pa/ kun ltung/ gnas skabs 'jog pa/ kun tu 'thor ba ste/ de rnams ni 'jug pa'i yan lag go/ <br> | |||
gsum pa mtshan nyid kyi dbye ba ni/ rgya 'grel las/ rgyan/ yi ge bsdus pa/ mdzes pa/ dper brjod/ rgyu yang dag par sbyor ba/ mthong ba'i <br> | |||
<br> | |||
===Sheja Dzo Chapter 6.1 volume2 (page 333)=== | |||
<br> | |||
mtha'/ thob pa/ mngon par mtho ba/ nges par bstan pa/ nges tshig grub pa/ khyad par byed pa/ yon tan lhung ba/ phul byung/ rtog ge mtshungs pa/ tshig btus pa/ bstan pa/ nye bar bstan pa/ rnam par dpyad pa/ go ldog pa/ nyams pa/ rjes khrid/ phreng ba/ yon sbyin pa/ smod pa/ don gyi dbang/ rab tu grub pa/ dri ba/ 'god pa dang bcas pa/ re ba/ cha shas/ bsdus pa/ yon tan sgrogs pa/ ma brjod pa grub pa/ dga' ba'i tshig ste sum cu rtsa drug tu shad pa rnams dang/ gzhan yang/ sgeg pa'i yan lag dang/ phreng ba'i yan lag dang/ mtshams sbyor gzhan pa'i yan lag la sogs pa ste/ de rnams thams cad kyang gar gyi rnam 'gyur shin tu khro ba'i nyams dang/ chags pas gzer ba'i nyams dang/ mya ngan gyis sdug bsngal ba'i nyams dang/ ya mtshan pas ngo mtshar ba'i nyams sogs sngon byung gi gtam rgyud dang rjes su 'brel ba'i lus ngag gi rnam 'gyur la brten nas mngon sum lta bur nyams su myong bar byed pa ste/ de rnams kyi mtshan nyid rgyas pa ni 'dir yi ge'i las su che bas gzhan du shes par bya'o/ <br> | |||
/mdor na lus ngag gi 'gyur ba lan mang po zlos kyang yid 'phrog pa'i gar du gyur pas 'gro ba mthong thos kun dga' ba skyed pa'i ro'm nyams dang ldan pa 'phags pa'i yul du zlos gar gyi rig pa ya mtshan che bar grags kyang gangs can du de'i bstan bcos ma byung zhing thar pa don du gnyer ba la nye bar mkho ba'ng med pas/ de dang cha mtshungs pa byang chub sems dpa' rnams kyi bya ba sems (aa: 167 ba) can mgu byed kyi spyod pa kun la bslab par bya ste/ sems can mgu byed ma gtogs pa/ /sangs rgyas mnyes pa'i thabs gzhan med/ /ces gsungs pa ltar ro/ <br> | |||
/rtsa ba'i gsum pa tshur mthong 'jig rten pa'i lam rnam par gzhag pa la gnyis/ spyir bstan pa dang/ bye brag tu dbye ba'o/ <br> | |||
/<br> | |||
<br> | |||
===Sheja Dzo Chapter 6.1 volume2 (page 334)=== | |||
<br> | |||
dang po ni/ tshe 'di'i bde skyid tsam rtog tha mal pa/ /grub mthas blo bsgyur lam dang ldan pa ste/ /yang dag yang dag min pa'i lta ba mang/ /'og ma brgya las gong ma re re tsam/ /bsdu na phyi nang gnyis yod/ /ces pa ste/ spyir sems can gyi ris na shes bya'i gnas tshul dang 'jig rten phyi ma phan chad la rtog dpyod gang yang mi 'jug par tshe 'di kho na'i bde sdug gi blang dor tsam 'ba' zhig rtog pa ni tha mal pa zhes bya la/ grub mthas blo bsgyur cing shes bya la rtog dpyod cung zad zhugs pa ni lam dang ldan pa zhes bya ste 'jig rten phal pa las ches mtchog tu gyur pa'o/ <br> | |||
/des na 'jig rten na grub mthas blo kha sgyur ba rnams ni/ rang rang gi rigs pas grub cing de las 'da' bar mi nus pa la grub pa'i mtha' zhes bya zhing de nyid bden pa yin gyi/ 'jig rten na ji ltar grags pa rnams ni bden par ma nges so zhes zer te/ de skad du yang/ spyod 'jug las/ 'jig rten pa yis dngos mthong zhing/ /yang dag nyid du'ng rtog byed kyi/ /sgyu ma lta bu min pas 'dir/ /rnal 'byor pa dang 'jig rten rtsod/ /ces gsungs so/ <br> | |||
/grub mtha' smra ba de la'ng mngon mtho'i theg pa la sogs yang dag dang/ rtag chad du 'dzin pa sogs yang dag pa ma yin pa'i lta ba ni mang ste/ slob dpon sman pa'i zhabs kyis/ lta ba lnga brgya bdun cu dang/ rtog ge 'bar ba las lta ba'i rtsa ba brgya rtsa bcu dang de las phye ba sum brgya drug cu rtsa gsum dang/ ye shes nying po kun btus kyi bshad sbyar las ya mthsan can gyi lta ba dgu (aa: 168 na) bcu drug dang/ mdo sde tshangs pa'i drwa ba las lta ba drug cu rtsa gnyis dang/ dad pa cher 'byung gi mdo las dam pa ma yin pa'i lta ba nyi shu rtsa brgyad dang/ theg chen la dad par rab tu sgom pa'i mdo las lta ngan nyi shu rtsa drug gsungs pa dang/ gzhan yang 'jig tshogs la lta ba nyi shu dang/ rtog dpyod kyi lta ba las pha rol smra ba <br> | |||
<br> | |||
===Sheja Dzo Chapter 6.1 volume2 (page 335)=== | |||
<br> | |||
bcu drug dang/ lung ma bstan gyi lta ba bcu bzhi dang/ mthar 'dzin gyi lta ba bryad dam bzhi'm gnyis te yang dag pa ma yin pa'i lta ba mang du bshad pas mtshon no/ <br> | |||
/ngan song gsum dang lha mi phal mo che sogs 'jig rten phal pa brgya stong du ma'i nang du grub mtha'i lam la zhugs pa ni re re tsam du zad la/ de dag kyang 'og ma 'og ma la zhugs pa ni ches mang la gong ma gong ma la zhugs pa ni ches nyung ste/ jo bo rjes/ deng sang rgya gar na mu stegs kyi grub mtha' la mkhas pa brgya brgya'i tshe na bye brag tu smra ba'i grub mtha' shes pa re re/ de brgya brgya na mdo sde pa re re/ de brgya brgya na sems tsam rnam bden pa re re/ de brgya brgya na rnam rdzun pa re re/ de brgya brgya na zla ba grags pa'i lugs shes pa re re tsam las med/ ces gsungs pa ltar ro/ <br> | |||
/grub mtha' smra ba la nang gses bye brag gi rnam dbye ches mang yang ris mi mthun pa'i sgo nas bsdu na/ gzhan sde phyi rol mu stegs pa dang/ rang sde nang pa sangs rgyas pa gnyis su yod pas de dag gi tshul rim bzhin 'chad par bya'o/ <br> | |||
/gnyis pa bye brag tu dbye ba la gnyis/ phyi rol mu stegs pa'i lam sros mdor bstan/ mngon mtho'i theg pa rgyas par bstan pa'o/ <br> | |||
/dang po la gsum/ ngo bo/ <br> | |||
dbye ba/ de nyid rgyas par bshad pa'o/ <br> | |||
/dang po ni/ phyi pa la/ /mu stegs zhes grags/ /zhes pa se/ bstan pa 'di dang ston pa 'di las phyi rol tu phyogs te 'jig rten pa'i shes rab kyis shes bya'i gnas la dpyod kyang yin (aa: 168 ba) lugs kyi myang 'das dang rjes su mthun pa'i lam med pas phyi rol pa zhes bya/ 'on kyang de la cung zad nye bar gyur pas thar pa'i mu dang stegs la gnas pas na mu stegs zhes bya ste/ bzang spyod 'grel pa lo chen ye shes sdes mdzad pa las/ mu stegs can zhes bya ba la/ /mu stegs ni/ dper <br> | |||
<br> | |||
===Sheja Dzo Chapter 6.1 volume2 (page 336)=== | |||
<br> | |||
na chu'i rdzing bu'm mtshe'ur 'jug pa'i mur them pa byas pa lta bu'm rab brgal ba'i rab kha bde ba la mu stegs zhes bya'o/ <br> | |||
/de bzhin mya ngan las 'das pa'i mtshor 'jug pa'i mu stegs dang/ 'gor ba'i chu bo las brgal ba'i thabs lam gyi rab kha la mu stegs zhes bya ste/ gang su dag la lam de yod cing de spyod na de dag ni mu stegs can te/ zhes gsungs pa ltar ro/ <br> | |||
/mtshan nyid ni/ lta sgom spyod 'bras bzhi'i sgo nas sangs rgyas pa'i 'gal zlar gyur pa'i grub mtha' smra po'o/ <br> | |||
/gnyis pa ni/ btags sprul rang rgyud gsum/ /zhes pa ste/ spyir mu stegs tsam la btags pa ba dang/ sprul pa dang/ rang rgyud pa gsum las/ btags pa ba ni/ lang gshegs las/ ji srid sems ni 'jug pa'i bar/ /de srid 'jig rten rgyang 'phen yin/ /ces pa dang/ mdo gzhan las/ 'jig rten rgyang 'phen pa'i tshig lhur len pa'i dge sbyong rul pa sogs gsungs shing/ gnas ma bu pa dang phung po la sogs bden par smra ba rnams dang rigs chad pa'i log rtog can zhi ba'i bde ba la yid skyo ba rnams la mu stegs zhes btags pa rnams so/ <br> | |||
/sprul pa'i dbang du byas nas ni/ /bden smra'i mdo las/ yid bzhin nor bu 'ching bu phrad gyur pa/ /bden pa'i tshul du nam yang 'byung ba med/ /de bzhin sangs rgyas rin chen mu stegs can/ /zhing gcig tu ni nam yang 'byung mi 'gyur/ /mu stegs can sgo 'di ni bsam gtan dang/ /mngon shes dbang bsgyur mkhas yin shes par gyis/ /shes rab thabs kyis sbpyod (aa: 169 na) pa'i blo ldan rnams/ /rnam par 'phrul pa sna tshogs ston par byed/ /ces sogs mdo sde rnams las mang du gsungs pa rnams so/ <br> | |||
/rang rgyud pa'i dbang du byas na/ yum las/ kun tu rgyu brgya klan ka 'tshol ba'i bsam pas 'ongs pa de dag la dkar po'i chos gcig tsam yang ngas ma mthong ngo/ <br> | |||
/<br> | |||
<br> | |||
===Sheja Dzo Chapter 6.1 volume2 (page 337)=== | |||
<br> | |||
zhes sogs 'byung ba ltar ro/ <br> | |||
/gsum pa rgyas par bshad pa la gsum/ bsam gtan pa/ rtog ge pa/ zhar byung kla klo sogs spang byar bstan pa'o/ <br> | |||
/dang po ni/ phyi mar bsam gtan pa ni lnga mngon shes/ /gong du dbye ba gsum smos pa'i phyi ma mu stegs rang rgyud pa ni 'dir bshad bya'i grub mtha' ste/ de la'ng bsam gtan pa dang rtog ge pa gnyis kyi dang po ni/ bsam gtan gzugs med kyi mngon shes lnga ldan te/ slob dpon dpa' bos/ drang srong chen po lnga mngon shes/ /zhes gsungs pa ltar ro/ <br> | |||
/de yang ye shes rgyas pa dang rtog ge 'bar ba sogs nas bsam gtan dman 'bring mchog gsum gyis rim pa bzhin du bskal pa sum cu dang drug cu dang dgu bcu rjes su dran par bshad la/ de 'dra ba rnams ni 'khor ba thog ma med pa nas byung zhing/ rtog ge pa yang spyir de dang 'dra mod kyi 'chad 'gyur gyi grub mtha' phal cher ni bskal pa 'di nyid la byung ba'o/ <br> | |||
/gnyis pa la gnyis/ mdor bstan dang 'brel bar chad smra bshad/ rtag smra'i dbye ba dgod pa'o/ <br> | |||
/dang po ni/ rtog ge pa yi rtsa ba rtag chad smra/ /de la rgyang 'phen pa rnams 'gro ba gsum/ /gsal dang mi gsal sems can ngo bos byung/ /rgyu sogs ma mthong med smra tshe snga phyi/ /las sogs 'gog mtho ris tsam yang med/ /mu stegs kyi grub mtha'i dbye ba spyir ye shes snying kun btus las/ yon tan can pa/ grangs can pa/ tshangs pa ste gsum rtog ge 'bar ba las/ grangs can pa/ bye brag pa/ rig byed kyi mtha' gsang ba pa/ (aa: 169 ba) spyod pa can ste bzhi/ dus 'khor las/ tshangs pa ba/ dbang phyug pa/ khyab 'jug pa/ rgyang 'phen pa/ gcer bu ba/ skabs gzhan dru grangs can pa ste drug sa skya pa'i gzhung lugs legs bshad las/ rtag smra grangs can pa/ phur bu pa/ bye brag pa/ rig pa can pa/ gcer bu ba ste <br> | |||
<br> | |||
===Sheja Dzo Chapter 6.1 volume2 (page 338)=== | |||
<br> | |||
lnga dang/ chad smra tshu rol mdzes pa/ spyod pa pa/ rig byed kyi mtha' gsang ba smra ba/ dbu ma'i tshul du smra ba bzhi ste dgu dang/ bcom ral ba'i grub mtha' rgyan gyi me tog las/ rgyang 'phen pa sogs bcu gnyis 'og tu 'chad 'gyur ltar bshad pas mtshon gzhung lugs rnams su rnam grangs du ma 'byung yang/ rtog ge pa thams cad kyi rtsa ba rtag smra dang chad smra gnyis su 'du zhing/ de thams cad kyang thun mong du khyab 'jug dang dbang phyug dang tshangs pa lhar 'dzin pa dang/ rig byed bzhi chos su 'dzin pa dang/ bdag dang rtag dngos smra ba dang/ 'tsho ba chos su smra ba dang/ sangs rgysa pa'i lugs la sdang smras byed pa sogs su phal cher mthun no/ <br> | |||
/mu stegs byed thams cad lha de gsum la skyabs su 'gro zhing rig byed bzhi 'dzin pa dang/ nyer len bzhi las bdag tu smra ba nye bar len pa spyi'i chos yin te/ rgyang 'phen pas kyang 'byung bzhi dang rdzas gcig pa'i bdag 'dod pa'i phyir ro/ <br> | |||
/de la las 'bras med par 'dod pas 'jig rten pa'i yang dag lta ba las rgyang ring du song ba'i rgyang 'phen pa ni/ sngon gyi tshe lha dang lha min 'thab pa na lha rnams rang bzhin dge bas 'thab rtsod la spro bar ma gyur pas gsyul pham par nye ba na/ drang srong phur bus lha rnams 'thab mo la gzhug pa'i ched du chad par lta ba'i gzhung brtsams te bstan pas yid ches te lha rnams gyul las rgyal/ phyis phur bus lta ngan lha'i yul du dar bar dogs te glegs bam gdgaa'i chu fla bskur ba drang srong zhig gis rnyed nas 'phags yul du (aa: 170 na) dar/ de las btus te drang srong 'jig rten mig gis brtsams pa'i rtsa ba la 'jug stobs kyis 'grel pa byas pa'i rjes 'brangs chad smra'i ston pa snyoms 'jug pa drug rjes sgrogs pa drug rtog ge pa'm ston pa drug tu grags pa rnams so/ <br> | |||
/gzhan yang drang srong 'jig mig gis rang gi bu mo la bsgrod par 'dod nas brtsams pa'ng bshad la gang <br> | |||
<br> | |||
===Sheja Dzo Chapter 6.1 volume2 (page 339)=== | |||
<br> | |||
ltar/ dam bca' ni/ sgrub pa bzhi dang dgag pa lnga ste/ 'byung ba rgyu dus na mi gsal ba'i bdag dang/ 'bras dus na lus sems rdzas gcig tu mngon du gyur pa gsal ba'i bdag dang/ lha dang yi dwags dmyal ba med pas 'gro ba drug mi bden cing 'gro ba gsum yin te gsal ba mi dang dud 'gro/ <br> | |||
mi gsal ba 'byung bzhi ri dang shing sogs rnam shes kyi nus pa ma zad pa'i 'gro ba bcas gsum dang/ rang nyid rjes dpag mi 'dod pas gtan tshigs med kyang gzhan la grags pa'i rtags kyi dgod tshul/ bum pa chos can/ lus sems rdzas gcig pa'i skyes bu dang bum pa gang rung gi brda dang bcas pa yin te/ utpal min pa'i dngos po yin pa'i phyir/ dper na rtsig pa bzhin/ zhes sogs sgrub par byed do/ <br> | |||
/dgag pa lnga ni/ sran ma zlum zhing tsher ma rno ba sogs kyis dpes bde sdug ngo bo nyid kyis byung bas rgyu la sogs pa ma mtrhong ba ni med par smra ste/ de'ng/ tshe snga phyi 'gog pa dang/ las rgyu 'bras 'gog pa dang/ dkon mchog gsum 'gog pa dang/ ma mthong ba'i dngos po 'gog pa dang/ rjes dpag tshad ma 'gog pa'i/ /dei dag ni lta ba rnams kyi ma rung ba dang/ grub mtha' smra ba rnams kyi tha chad dang/ rmongs pa rnams kyi tshabs che shos yin pas thar pa lta ci smos/ mtho ris kyi lus rten tsam thob pa'i rgyu'ng med de 'bras bu ngan 'gro 'ba' zhig pa'o/ <br> | |||
/gnyis pa ni/ rtag par smra ba'i phyi mo grangs can pa/ /tshad ma gsum gyis de nyid 9aa: 170 ba) nyer lnga gzhal/ /khyad par lnga ldan rtsa ba'i rang bzhin bdag /gtso bo yon tan gsum snyoms de las blo/ <br> | |||
/de las nga rgyal de tsam 'byung chen lnga/ /las dang dbang po yid bcas lugs 'byung 'khor/ /rnam 'gyur lodg pas skyes bu thar par 'dod/ /mu stegs rtag par smra ba thams cad kyi phyi mo ni grangs can pa yin te/ de'ng sngon tshe lo dpag med kyi dus drang <br> | |||
<br> | |||
===Sheja Dzo Chapter 6.1 volume2 (page 340)=== | |||
<br> | |||
srong ser skya zhes pas bsti gnas su bsgoms pas mu stegs kyi thar pa thob par rlom nas rang gis mthong ba'i de nyid gzhan la bstan phyir grangs can gyi bstan bcos byas shing/ phyis rnal 'byor spyod pa dbang phyug lhar 'dzin pa'i drang srong hu klung gis kyang dbang phyug nag po'i rgyud sum cu pa dang drug pa sogs byas pas de dag ston par 'dzin la/ dbu ma la 'jug pa las/ de dbye cung zad cung zad la brten nas/ /mu stegs can rnams lugs ni tha dad gyur/ /zhes gsungs pa ltar 'di las lugs srol tha dd pa mang du gyes so/ <br> | |||
/'di'i grub mtha' ni/ mngon sum tshad ma dbang po'i 'jug pa/ rang don rjes dpag nor bdag gi 'brel ba sogs 'brel ba bdun/ gzhan don rjes dpag rnal 'byor ldan pa dang bsal te 'ongs pa gnyis te/ 'jal byed tshad ma gsum gyis gzhal bya'i shes bya de nyid nyer lnga gzhal bar 'dod de/ nyer lnga ni/ gtso bo dang chen po dang nga rgyal gsum dang/ sgra reg gzugs ro dri ste de tsam lnga/ mkha' sogs 'byung ba lnga/ rna ba pags pa mig lce sna ste nang blo'i dbang po lnga dang/ lag rkang 'phongs 'doms ngag ste phyi las kyi dbang po lnga dang/ gnyis ka'i dbang po yid de dbang po bcu gcig tha ma bdag shes rig gi skyes bu rnams so/ <br> | |||
/bsdu na gtso bo dang bdag shes rig gi skyes bu gnyis su 'du ste rang bzhin dang rang bzhin min pa gnyis so/ <br> | |||
/de la bdag gi ngo bo ni byed pa po dang za ba po gnyis las/ yul la longs spyod 9aa: 171 na) pas za ba po/ <br> | |||
'jig mi srid pas rtag pa/ gang yang mi skyed pas byed po min pa/ rdul mun snying tobs gsum gyi yon tan med pa/ yul dus thams cad la khyab pa'i phyir bya ba med pa ste khyad par ram mtshan nyid lnga dang ldan pa/ rnam 'gyur rnams kyi rtsa ba'i rang bzhin bdag shes rig gi skyes bu zhes bya'o/ <br> | |||
/gtso bo la spyi'i ngo bo ni bdag las gzhan nyer bzhi po kun la spyi ming gtso bo zhes bya zhing/ <br> | |||
<br> | |||
===Sheja Dzo Chapter 6.1 volume2 (page 341)=== | |||
<br> | |||
yul yul can gnyis las yul dang yon tan dang bem po yin no/ <br> | |||
/khyad par nyer lnga'i dang po rang bzhin rgyu'i gtso bo ni rdul mun snying stobs kyi yon tan gsum cha snyoms par gnas pa'i skabs te/ de gsum gyi mtshan nyid kyang gyo dang 'jug pa/ lci dang gyogs pa/ yang dang rab tu gsal ba'o/ <br> | |||
/'di ni rang bzhin yin gyi rnam 'gyur ma yin pas rab tu byed pa kho na yin zer ro/ <br> | |||
/gtso bo de las chen po zhes bya ba'i blo byung/ de las nga rgyal gsum byung/ de las mched pa ni/ rnam 'gyur nga rgyal las de tsam lnga/ de lnga las 'byung chen lnga/ snying stobs nga rgyal las las kyi dbang po lnga dang blo'i dbang po lnga/ gnyis ka'i dbang po yid gcig bcas/ mun can nga rgyal ni nga rgyal snga ma gnyis ka 'jug par byed pa po'o/ <br> | |||
/blo nga rgyal de tsam lnga bcas rang bzhin la ltos nas rnam 'gyur yin la/ blo chen po nga rgyal chen po sogs rang gi rnam 'gyur la ltos nas rang bzhin dubzhag gzhan bcu drug po rnam 'gyur kho nar 'dod do/ <br> | |||
/bdag shes rig gi skyes bus rnam 'gyur skyed byed rang bzhin gyi mtshang ma rig par lugs 'byung du zhen nas yul sgra sogs la longs spyod pa de srid du skyes bu de 'khor ba pa yin la/ des de la longs spyod pas sun te bsam gtan bsgom pa'i mngon shes kyis rang bzhin gyis spyod pa'i mtshang la bltas pas de ngo tsha bas skyengs nas 'bros par 'gyur la/ de dang bral bas des bskyed pa'i rnam 'gyur (aa: 171 ba) thams cad kyang skye ba'i rim pa las bzlog nas de nyid duthim ste/ bdag skyes bu 'ba' zhig gsal bar gnas pa'i tshe thar pa thob par 'dod do/ <br> | |||
/bye brag pa ni rdzas dang yon tan las/ /spyi bye 'du ba tshig gi don drug smra/ /rig pa can pa de mtshungs tshad ma bzhi/ /gsal ba'i gzugs brgyad sogs 'dod dbang phyug pa/ /gnyis pa bye brag pa ni/ drang srong gzegs can gyi rjes su 'brang ba ste/ bdag dus phyogs nam mkha' yid <br> | |||
<br> | |||
===Sheja Dzo Chapter 6.1 volume2 (page 342)=== | |||
<br> | |||
'byung ba bzhi bcas dgu po ni rdzas/ blo bde sdug 'bad pa chos chos min bya ba'i shugs bcas bdag gi yon tan dgu/ 'degs 'jog brkyang bskum 'gro ba lnga ni las/ bye brag la khyab par byed pa ni spyi/ spyi'i don rnams gsal bar byed pa bye brag rdzas rnams dngos 'brel rgyud 'brel gnyis su yod pa 'du ba ste shes bya tshig gi don drug tshad ma gsum dang sgra byung tshad ma bcas bzhis 'jal bar byed la yon tan dgu po bdag la 'du bya bar yod pa de srid du dge mi dge'i las sgrub par byed pas 'khor bar 'gyur la/ skyes bu'i tshig gi don drug shes nas yon tan dgu po rtsa ba bcas bcad pas bdag gcig pur gnas pa na thar pa thob par 'dod/ gsum par rig pa can pa ni/ shes bya tshig gi don drug de dang mtshungs la/ 'jal byed tshad ma bzhi dbang don phrad pa'i rtog pa ma 'khrul ba mngon sum tshad ma/ rjes dpag rang gzhan gnyis/ sgra byung tshad ma yid ches pa'i tshig dang nye bar 'jal ba'i dpe rnams so/ <br> | |||
/gzhal bya yin na dngos po yin pas khyab cing dngos med mi 'dod/ de la dngos po ni/ bdag lus dbang po don blo yid 'jug pa skyon srid pa phyi ma 'bras bu sdug bsngal byang grol bcu gnyis so/ <br> | |||
/bzhi pa dbang phyug pa ni/ dbang phyug 'jig rten gyi byed pa po yin te/ mun pa sel phyir nyi zla gnyis/ brtan gyo skyed phyir 'byung ba lnga/ smin par byed pa'i phyir mchod (aa: 172 na) sbyin te gsal ba'i gzugs brgyad sprul cing/ phra ba/ yang ba/ mchod par 'os pa/ bdag por gyur pa/ dbang du gyur pa/ gar yang phyin pa/ 'dod dgur sgyur ba/ dga' mgur gnas pa ste yon tan brgyad dang ldan par 'dod/ 'jig rtne pa las sogs rang dbang med cing dbang phyug mchod pa dang/ 'khrig pa bsten pas mtshon bya las 'das pa'i ye shes skyes nas grol bar 'dod de/ bye brag pa sogs gsum ka'ng dbang phyug pa'i grub mtha' smra ba'i nang gses so/ <br> | |||
/<br> | |||
<br> | |||
===Sheja Dzo Chapter 6.1 volume2 (page 343)=== | |||
<br> | |||
'jug pa bcu las rtsom sogs khyab 'jug pa/ /rig byed tshad mar khas len tshangs pa ba/ /sa 'og skyes bur ro gcig gsang ba pa/ /dngos kun sgra yi bdag nyid brda sprod pa/ /lnga pa khyab 'jug pa ni/ gcer bu pa'i ston pa gzhon nu malen sogs kyis skal ldan nor lha 'di ni thams cad mkhyen pa/ thams cad gzigs pa/ 'gro ba thams cad kyi byed pa po/ <br> | |||
thar pa sbyin par byed pa/ zhes sogs brjod la/ de rang nyid kyang/ 'di skad du/ nga ni me chu rlung yang yin/ bza' btung skye dgu'i bdag po'ng nga/ nga ni bram ze'i lus su gnas/ /spyod pa po yin sbyin po'ng yin/ /zhes pa ltar mngon pa'i nga rgyal chen po dang ldan pa'o/ <br> | |||
/rjes 'brangs rnams de'i 'jug pa bcu las rtsom pa'i lo rgyus dang/ rtag chad du lta ba 'dzin te/ de'ng 'dis nya bo chen sprul nas sngon dus kyi dbang gis rig byed bzhi rgya mtshor nub pa bton pa dang/ rus sbal du sprul te 'jig rten bteg nas gnas pa dang/ phag rgod kyi gzugs kyis tshangs pa'i 'jig rten man mnan pa dang/ mi sing ge'i stod can du sprul nas lha min dbang po 'gro ba skyob gser gyi stan can sder mos bsad pa dang/ mi'u thung du sprul nas lha min stobs ldan mchod sbyin byed pa la gom gsum gyi sa bslangs pas bslus te sa 'og tu bcug pa dang/ drang (aa: 172 ba) srong dza maa agni'i bu raa mar sprul nas rgyal bu srid sgrub sogs bsad de rgyal rigs med par byas pa dang/ rgyal po shing rta bcu pa'i bu raa ma nnar sprul nas rang gi chung ma srin po ladka mgrin bcus phrogs pa spre'u ha nu mantha la grogs bcol te srin po btul ba dang/ nag por sprul te rtsod dus su sems can gyi don byas pa dang/ sangs rgyas shaaka thub tu sprul nas sngon rgyal rigs bsad pa'i sdig pa sbyong ba'i phyir sems can bskyab pa dang/ rigs ldan bram ze'i bu karki rtse zhes pa ma 'ongs pa na 'byung bas sems can mang po btul ba'i mthar <br> | |||
<br> | |||
===Sheja Dzo Chapter 6.1 volume2 (page 344)=== | |||
<br> | |||
uds bzlog par 'gyur ro zhes 'byung ba ltar dang/ bskal pa 'jig pa'i tshe drang srong rnams ni 'di'i lto ba na gnas par 'dod do/ <br> | |||
/'di'i grub mtha' sems nyid rtag pa skye 'jig dang bral ba dngons dang dngos med gnyis ka ma yin pa bdag dam pa nor lha'i bu zhes bya bar 'dod pas rtag par smra ba dang/ khyab 'jug gis 'thab ka brlag par byed pa'i tshe med par lta ba'i tshigs bcad mang du smras pa dang/ dbu ma rgyan las khyab 'jug gi lta ba dbu ma dang cha mthun par bshad pa lta bu chad par smra ba'ng yod la/ sgom pa ni yan lag drug gi rnal 'byor sogs so/ <br> | |||
/gzhan yang 'dzin pa po/ <br> | |||
dpyod pa po/ <br> | |||
rig byed pa/ brda sprod pa/ tsa ra ka pa/ gsang ba pa sogs kyang khyab 'jug pa'i dbye ba'o/ <br> | |||
/drug pa rig byed tshangs pas dran pa yin gyis ma byas pa'i phyir rtag pa dang tshad mar khas len pa tshangs pa ba ste/ gyul ngor shi ba mtho ris su skye ba dang/ gangaa sogs la khrus byas pas sdig pa 'dzad pa dang/ tshangs pas snod bcud thams cad skyed par 'dod pa dang/ drang srong dang bram ze rnams kyang tshangs pa'i bu yin ces smra'o/ <br> | |||
/bdun pa sa 'og mun pa'i dkyil 'khor gyi 'og tu 'chi med bdud rtsi'i skyes bu zhes rtag bdag rnam shes dam pa nam mkha' dang 'dra bar (aa: 173 na) ngo bo gcig tu 'dus pa zhig yod pa de'i rnam 'gyur las snod kyi 'jig rten dang 'gro ba byung bar 'dod pa ni rig byed mtha'i gsang ba pa ste/ rig byed mthar phyin pa na chos thams cad sgyu ma lta bur mthong/ de'i tshe byed pa po'i skyes bu la lta ba goms pas mun pa sangs te gser gyi mdog can du mthong nas ro gcig tu song ba sogs kyis grol bar 'dod/ brgyad pa mngon rjes tshad ma snang yang ma nges/ rig pa kun gyi gzhi ma ni sgra'i bstan bcos yin cing rig byed rnams ni don gyi tshad ma/ dngos kun sgra'i bdag nyid/ sgra don kun gyi mthar thug yi ge om skye 'jig gnas bral <br> | |||
<br> | |||
===Sheja Dzo Chapter 6.1 volume2 (page 345)=== | |||
<br> | |||
phyogs cha med pa sgra'i tshangs pa ste/ de nyid rtag mi 'gyur yang ma rig pas rnyogs pas gzugs snang la/ snang cha bzlog na snang med sgra'i tshangs pa bdud rtsi rtogs par 'dod pa ni brda sprodpa ste ba trii ha ri sogs so/ <br> | |||
/mtshan nyid bcu gnyis sogs 'dod rgyal dpogs pa/ /tshad ma brgyad 'dod tsa ra ka pa ste/ /zhes bya bcu sogs smra ba gcer bu pa/ /de dag mngon mtho'i lam tsam yod mod kyi/ /bdag ltas thar pa sgrib phyir dor bar bya/ /dgu pa tshad ma spyi bye brag dgos pa go rim gnas gzhi spyi nges bstan dang bye brag nges bstan gleng ba rtsod pa rang rgyud dang thal 'gyur te bu gnyis dang/ tshad ma la'ng mngon rjes sgra byung nyer 'jal don gyis go ba dngos med dang drug tu 'dod cing/ bdag gis phung po'i rgyu byed pas rtag pa shed las skyes/ dri ma sems kyi rang bzhin/ de zad pas grol bar smra ba rgyal dpogs pa/ bcu pa tshad ma gong smos ltar la/ rjes dpag la 'das ma 'ongs da ltar dpogs pa gsum du dbye ba'i brgyad kyis gzhal bya sogs phal cher dpyod pa ba dang 'dra ba tsa ra ka pa/ bcu gcig pa ni/ shes bya tshig gi don dgu bdag dang bcu/ sogs khongs nas shes byed mngon rjs lung gi tshad ma gsum/ srog ldan dgur 'dod (aa: 173 ba) cing/ sa sogs srog ldan yin pas kun dga' ra ba sogs brtsigs pa sdig pa'i rygur smra ba gcer bu pa ste/ de'ng drang srong rgyal ba dam pa lhar 'dzin cing khyu mchog dang snod kyi rje sogs zad byed pa'i ston pa nyi shu rtsa lnga'i rjes su 'brangs te/ lus dka' thub kyis gdung bas sems kyi mdud pa 'jig par 'dod cing de la'ng dbyu gu gsum pa/ lo ma can sogs log pa'i brtul zhugs sum brgya re gsum tsam yod par grags la/ tshad ma gsum gyis gzhal bya dus gsum dang rdzas drug dang tshig gi don dgu dang srog ldan dgu sogs ni gzhi lam 'bras gsum gyi gzhi'o/ <br> | |||
/de la dus gsum ni 'das pa sogs so/ <br> | |||
/<br> | |||
<br> | |||
===Sheja Dzo Chapter 6.1 volume2 (page 346)=== | |||
<br> | |||
rdzas drug ni srog dang gang zad dang dus dang nam mkha' dang bsod nams dang sdig pa rnams so/ <br> | |||
/khyad par tshig gi don dgu dang srog ldan dgu ni/ drang srong rgyal bas/ srog dang zad pa sdom pa dang/ /nges par dga' dang 'ching dang las/ /dig dang bsod nams thar pa ste/ /'di rnams tshig gi don dgur 'dod/ /srog ni srog can sde tshan dgu/ /sa chu shing dang me dang rlung/ /srin bu grog ma bung ba mi/ /dbang po gcig nas lnga dng ldan/ /zhes bshad pa ltar ro/ <br> | |||
/sdom pa dang brtul zhugs dang ye shes rnams lnga lnga dang spyod pa bcu gsum dang las zad par byed pa'i dka' thub kyi thabs sna tshogs pa ni lam mo/ <br> | |||
/las zad pas 'jig rten gsum gyi steng na 'dug pa'i gnas 'jig rten 'dus pa zhes bya ba srog yod pas dngos po dang 'khor ba las thar bas dngos med kyang yin pa'i thar pa gdugs bkan pa lta bu dkar zhing dri him la yid du 'ong ba dpag tshad 'bum phrag zhe lnga'i tshad can du 'gro bar 'gyur ba ni 'bras bu yin zer ro/ <br> | |||
/'di dag so so la rang rang lugs kyi gzhi lam 'bras bu'i rnam gzhag gzhal bya 'jal byed kyi rigs pa/ thams cad mkhyen pa mi 'dod pa 9aa: 174 na) sogs nang pa 'gog pa'i lung/ lta ba dang spyod pa'i tshul du ma mchis kyang/ tshad ma rnam 'grel las/ rig byed tshad ma dang ni 'gal byed smra/ /lus la chos 'dod dang ni rigs smras dregs/ sdig pa gzhom phyir gdung ba bcom zhes pa/ /blun po shes rab 'chal ba'i rtags lnga yin/ /ces gsungs pa dang/ de dag las 'jig rten phyi ma yod par lta zhing dge sdig gi blang dor byed pa rnams la mngon mtho'i lam tsam yod mod kyi/ kun kyang bdag tu lta ba mtshungs par 'dzin pas thar pa'i lam sgrib pa la khyad par med pa'i phyir nang pa'i sgor zhugs pa rnams kyis rgyang ring du dor bar bya'o/ <br> | |||
/gsum pa zhar byung kla klo sogs khyad par spang bya gzhan bstan pa ni/ <br> | |||
<br> | |||
===Sheja Dzo Chapter 6.1 volume2 (page 347)=== | |||
<br> | |||
'tshe ba chos su smra ba'i kla klo dang/ /bod dang rgya nag sogs su gsung rab las/ /phyi rol gyur pa kun kyang ring du spang/ /gzhan yang mchog gsum la log par lta ba sogs mu stegs pa dang cha mthun pa tsam las phyi nang gnyis kar mi gtogs shing mu stegs pa las tha chad pa 'tshe ba chos su smra ba po/ <br> | |||
rgya gar nub phyogs ma kha'i yul gyi lha ra hma nna'i rjes 'brang sogs po'm kla klo stag gzig pa zhes grags pa/ bi sshi mallaa'i sngags kyis btab pa'i gri gug gis phyugs kyi mgrin pa bcad pa'i sha za bar byed cing rang gi las kyis shi ba'i sha mi za ba dang/ bya gag gi sgo nga'i btung ba 'ba' zhig 'thung ba sogs kyi brtul zhugs 'dzin pa ste deng sang 'phags yul du'ng lugs 'di kho na dar ba dang/ 'khor ba grol bar byed pa'i grub mtha' zhes bya ba las ni mtha' 'khob tu srog chags du ma gsod pa thar pa'i thabs su 'dod pa dang/ nam mkha'i lhas bsan pa zhes pa'i grub mtha' las ni gser gyi snod du grog ma rnams gser gyi khab kyis phug nas bsad na 'khor ba las grol bar 'dod pa dang/ 'jig rten pa kha cig skya bseng gi bu lnga'i ming brjod na bsod nams (aa: 174 ba) chen po 'byung bar 'dod pa dang/ bod yul du'ng dkon mchog gsum la skyabs su mi 'dzin pa bon po dang/ de las khyad par sngon gyi dus dang deng sang yang yul kha cig la dar ba'i rgyu'i bon 'tshe ba chos su smra ba rnams dang/ rgya nag tu srid pa thams cad ma haa gser gyi rus sbal las byung zer ba'i gyim shang gi lugs dang/ grangs can pa dang cha mthun pa khoong spu tse'i lta grub 'dzin pa rnams dang/ sogs khongs nas rtag chad dang 'tshe ba chos su smra ba sangs rgyas kyi gsung rab las phyi rol tu gyur pa kun kyang thar pa 'dod pa rnams kyis bag yod par byas te ring du spang dgos so/ <br> | |||
/spyir gzhung lugs rnam par dag ma dag ni/ thams snying rje chen po dang shes rab gnas lugs kyi don la zhugs <br> | |||
<br> | |||
===Sheja Dzo Chapter 6.1 volume2 (page 348)=== | |||
<br> | |||
pa'i rig shes khyad par can gtso bor ston mi ston gyis dbye ba yin pa'ng shes par bya'o/ <br> | |||
/gnyis pa mngon mtho'i theg pa rgyas par bshad pa la gsum/ mdor bstan/ rgyas bshad/ don bsdu ba'o/ <br> | |||
/dang po ni/ mngon mtho'i theg par lha dang tshangs pa gnyis/ /de la spyir blo dang ldan pa rnams kyis bsgrub par bya ba ni mngon mtho dang nges legs kyi go 'phang ste/ de dag gi mtshan nyid rim bzhin/ ngan song gi sdug bsngal las 'phral du thar pa lha mi'i bde ba rnam smin rgyu mthun gyis bsdus pa dang/ 'khor ba spyi'i sdug bsngal las gtan du grol ba thar pa mya ngan las 'das pa yin la/ de dag kyang thog mar mngon mtho'i theg pa la gnas nas phyis nges legs kyi lam mthar phyin par bsgrub dgos te/ rin chen phreng ba las/ dang por mngon par mtho ba'i chos/ /phyis ni nges par legs 'byung ba/ gang phyir mngon par mtho thob nas/ /rim gyis nges par legs pa'o/ <br> | |||
/de la mngon mtho bde ba ste/ /nges par legs pa thar par 'dod/ /ces gsungs so/ <br> | |||
/de las thog mar bsgrub bya'i mngon par mtho ba'i theg pa de la'ng lha mi'i theg (aa: 175 na) pa dang/ tshangs pa'i theg pa gnyis su yod do/ <br> | |||
/gnyis pa rgyas bshad la gsum/ thun mong gi sngon 'gro bshad pa/ lha dang/ tshangs pa'i theg pa so sor bshad pa'o/ <br> | |||
/dang po ni/ kun gyi mngon 'gro dad pa rnam gsum las/ /gtso bor las sogs yid ches 'gro ba bzhis/ /'dir dngos su mngon mtho'i theg pa'i sngon du 'gro ba bstan kyang/ zhar byung 'grel par kha skong na/ rin chen phreng ba las/ de yi sgrub pa mdor bsdu na/ /mdor na dad dang shes rab bo/ <br> | |||
/dad can nyid phyir chos la bsten/ /shes rab ldan phyir yang dag rig /'di gnyis gtso bo shes rab ste/ sngon du 'gro <br> | |||
<br> | |||
===Sheja Dzo Chapter 6.1 volume2 (page 349)=== | |||
<br> | |||
ba dad pa yin/ /zhes gsungs pa ltar mngon mtho dang nges legs gnyis ka sgrub pa'i thabs kyi gtso bo ni dd pa dang shes rab ste/ dad pa gsum las gtso bor las 'bras la yid ches pa'i dad pas kun nas bslangs te dge sdig gi blang dor byed pa'i phyir dang/ 'khor gsum mi rtog pa'i shes rab kyis 'khor ba'i rtsa ba gcod par byed pa'i phyir ro/ <br> | |||
/des na de gnyis kyi mtshan nyid ni rim bzhin rgyu mtshan khyad par can med par rang phyogs la 'dun pa dang/ gzhan phyogs la zhe sdang ba dang/ blang dor la gti mug pa dang/ rje dpon sogs la 'jugs pas 'gro ba ste log par 'gro ba bhi las ldog ste yang dag par 'gro ba bzhis blang dor gyi chos las mi 'da' ba dang/ gzhan don gtso bor byed pa'i snying rje chen po dang mi ldan pa'm ldan yang rung ste sgo gsum spyod pa 'khor gsum mi rtog pa'o/ <br> | |||
/de skad du'ng de nyid las/ 'dun dang zhe sdang 'jigs pa dang/ /rmongs pas gang zhig chos mi 'da'/ /de nyid dad pa can zhes bya/ /legs pa yi ni snod mchog yin/ /gang zhig lus ngag yid kyi las/ /rnam pa gsum du mi rtog par/ /bdag dang gzhan la phan shes nas/ /rtag tu byed pa de shes rab/ /ces so/ <br> | |||
/des (aa: 175 ba) na dad pas kun nas ma bslangs na dge ba tsam du'ng mi 'gro ba dang/ bdag med rtogs shing 'khor gsum mi rtog pa'i shes rab kyis ma zin na thar lam du gtan mi 'gro bar gsungs pa de nyid spyir shes par bya'o/ <br> | |||
/des na lam gyi theg par zhugs pa kun gyi sngon du 'gro ba ni dad pa rnam pa gsum yin la/ de las kyang gtso bor las 'bras sogs la yid ches pa'i dad pas kun nas bslangs te yang dag par 'gro ba bzhis dge ba sgrub pa ni mngon mtho'i theg pa'i sngon 'gro yin no/ <br> | |||
/gnyis pa ni/ mi dge bcu spong dge bcu 'khor bcas bsgrub/ /blang <br> | |||
<br> | |||
===Sheja Dzo Chapter 6.1 volume2 (page 350)=== | |||
<br> | |||
dor khrims gnas 'dres dang mi mthun spang/ /las lam rdzogs dang bsdams pas mtho ris su/ /rnam smin rgyu mthun bdag po'i 'bras bzang thob/ /de la 'jig rten lha mi'i theg pa ni/ ngan song la 'jigs nas mtho ris kyi bde 'bras don du gnyer bas mngon par mtho ba'i rten sgrub par byed cing/ 'jigs skyob dang legs smon tsam la bsten pa skyes bu chung ngu'i lam ste/ nyams len dngons gzhi bsam gtan gyis yongs su ma bzung ba'i dge ba bcu'i las kyi lam yin la/ de nyid mi spyod pa'i theg pa ni med pas/ theg pa kun gyi gzhir gyur pa dang sngon du 'gro ba'ng yin te/ kye rdo rje las/ dge ba bcu las brtsams nas ni/ /de yi chos ni rab tu dbye/ /zhes gsungs pa ltar ro/ <br> | |||
/'di la lang gshegs su lha'i theg pa zhes pa bgrod bya'i gtso bo'i dbang du byas nas brjod kyi/ 'khor dang bcas pa'i dbang du na 'dod pa'i bde 'gro'i lam thams cad 'du'o/ <br> | |||
/'di ni lta ba rnam par dag pa 'jig rten pha rol dang las rgyu 'bras la yid ches pa dang/ spyod pa mi dge ba bcu spong zhing dge ba bcu'i lam 'khor dang bcas pa sgrub pa dang bar ma chad par goms par byas pa las/ 'bras bu gling bzhi'i mi dang 'dod lha ris (aa: 176 na) drug gi bde ba'i mthar thug pa gzhan 'phrul dbang byed kyi bdag po'i bar du bgrod pa'o/ <br> | |||
/de dag kyang las 'bras med par lta ba sogs log lta'i gnyen po 'jig rten pa'i yang dag pa'i lta bas zin pa gal che ste/ bshes spring las/ gal te mtho ris thar pa mngon bzhed na/ /yang dag lta la goms pa nyid du mdzod/ /gang zag log par lta bas legs spyad kyang/ /thams cad rnam par smin pa mi bzad ldan/ /zhes gsungs pa'i phyir ro/ <br> | |||
/de rjes blang dor gyi gnas ma 'dzol ba'i tshul khrims la gnas pa gal che ste/ rtsa shes las/ tshul khrims kyis ni bde 'gro thob/ /ces dang/ 'jug pa las/ mngon mtho'i rgyu ni tshul khrims las <br> | |||
<br> | |||
===Sheja Dzo Chapter 6.1 volume2 (page 351)=== | |||
<br> | |||
gzhan med/ /ces gsungs pas so/ <br> | |||
/theg pa 'di'i tshul khrims la cung zad dbye na/ spyir ngo tsha khrel yod kyis kun nas bslangs te lus ngag gi bya ba ya rabs kyi tshul dang mthun pa'i spyod pa gsum la bslab dgos te/ dam pa'i rgyan las/ bkur bar 'os pa legs khur zhing/ /mgon med rnams la lhag par byams/ /byas la drin lan mi brjed pa/ /dam pa rnams kyi mdzad spyod yin/ /zhes gsungs pa ltar ro/ <br> | |||
/bye brag mi chos bcu drug la bslab ste/ 'byed pa le chung las/ dkon mchog gsum la dad pa skyo ngal med par byed pa dang/ don dam par dam pa'i chos btsal ba dng/ gtshug lag bzang po la mkhas par slob pa dang/ ci la'ng ran zhing tshod zin par bya ba dang/ ma bcol ba'i las la gtogs 'dod mi byed pa dang/ mig mtho sar blta zhing gong ma rnams kyi rjes snyeg pa dang/ dus gsum gyi pha ma la drin lan bslan pa dang phu nu dang pha tshan nand dushongs yangs che ba dang/ rim pas rgan pa la bkur sti bya ba dang/ khyim mtshes la byams par bya ba dang/ gnyen grogs kyi dge bshes la dka' las kyis phan 'dogs pa dang/ srid kyis 'brel ba'i (aa: 176 ba) nye ring la chab gang mthar dbyung ba dang/ rig byed bzo la mkhas pas gzhan la phan pa dang/ ltos pa'i mi drin gyis skyabs 'og tu gzhugs pa dng/ ngan byed kyi gros bkag nas rgyal khams bde yangs kyi gros gzhi 'ding ba dang/ las mtha' chos la gtad de phyi mar bu smad kyis byang chub kyi gzhi thob par bya'o/ <br> | |||
/zhes bshad pa ltar mi'i chos lugs gtsang ma la bslab bo/ <br> | |||
/khyad par gong du smos pa ltar srog bcod pa sogs mi dge ba bcu dngos dang brgyud nas spong zhing srog sbyin stsal ba sogs dge ba bcu ci nus su bsgrub pa ste/ lta sgom spyod pa de dag kyang las 'dres ma dang 'phen rdzogs mu mi mthun pa ni dman pa/ dge ba'i las lam rdzogs pa 'bring/ dge bcu'i las <br> | |||
<br> | |||
===Sheja Dzo Chapter 6.1 volume2 (page 352)=== | |||
<br> | |||
'khor bcas sdom pa'i ngo bo nyid du bsdams pa mchog ste/ rim pa bzhin mtho ris rnams su skyes pa na rnam smin rgyu mthun bdag po rnams kyi sgo nas mchog dman bar ma gsum gyi 'bras bu bzang po 'thob par 'gyur ro/ <br> | |||
/gsum pa la gnyis/ theg pa ngos bzung ba/ lam dngos bshad pa'o/ <br> | |||
/dang po no/ <br> | |||
gong ma'i khams la bgrod byed tshangs pa'i theg /'di la ci'i phyir tshangs pa'i theg pa zhes bya zhe na/ 'dod pa'i nyon mongs pas gtsang ba'm dag cing tshangs pas na tshangs pa dang der bgrod pa'i dbang gis theg pa zhes brjod la/ de'i phyir sgra yangs pa'i dbang du byas na 'phags pa rnams grol sdes bshad pa ltar khams gong ma gnyis kyi sas bsdus pa thams cad la tshangs pa'i sgras brjod cing der bgrod par byed pa'i lam 'khor bcas la tshangs pa'i theg pa zhes bya'o/ <br> | |||
/gnyis pa lam dngos la gnyis te/ gzugs khams kyi bsam gtan bzhi bshad pa dang/ gzugs med khams kyi snyoms 'jug bzhi bshad pa'o/ <br> | |||
/dang po la gnyis/ mdor bstan/ rgyas bshad do/ <br> | |||
/(aa: 177 na) dang po ni/ gzugs khams bsam gtan bzhi ste rgyu 'bras gnyis/ /gzugs khams psam gtan dang po/ <br> | |||
gnyis pa/ gsum pa/ bzhi pa rnams su yod de/ de re re la'ng rgyu dang 'bras bu gnyis zung re'i tshul du yod do/ <br> | |||
/gnyis pa la bzhi/ bsam gtan dang po nas bzhi pa'i bar ro/ <br> | |||
/dang po la'ng gnyis/ rgyu snyoms 'jug gi bsam gtan dang/ 'bras bu skye ba'i bsam gtan no/ <br> | |||
/dang po la gnyis/ nyer bsdogs dang/ dngos gzhi'o/ <br> | |||
/nyer bsdogs la'ng gnyis/ zhi gnas dang/ lhag mthong ngo/ <br> | |||
/dang po ni/ rgyu la nyer bsdogs zhi gnas ting nge 'dzin/ /'jig dang rgyun 'jog bslan 'jog nye bar 'jog /'dul dang zhi dang rnam zhi rtse gcig byed/ /mnyam <br> | |||
<br> | |||
===Sheja Dzo Chapter 6.1 volume2 (page 353)=== | |||
<br> | |||
'jog thabs dgus lus sems shin tu sbyangs/ bsam gtan rang sa'i 'bras bu 'thob byed dngos gzhir snyoms par 'jug nus pa'i thabs su thog mar rgyu bsgrub pa la nyer bsdogs sems zhi bar gnas pa'i thabs dgus ting nge 'dzin sgrub par gsungs te/ de la nang nyid du sems 'jog pa zhes pa sems phyi rol du gyeng ba min par gser ltar dang ba'i skur snang ba sogs ting nge 'dzin gyi spyod yul gyi gzugs brnyan dmigs pa la yid gtad de 'jog pa dang/ rgyun du 'jog pa zhes pa dmigs pa la sems 'jog pa tsam ma zad rgyun bsring ste skad cig ma snga phyi bar ma chad par 'jog pa dang/ bslan te 'jog pa zhes pa brjed de dmigs pa las sems gzhan du 'phro na'ng de ma thag tu slar nang du bkug nas dmigs pa la bslan te 'jog pa dang/ nye bar 'jog pa zhes pa sems phyir 'phros pa de ring du mi 'jog par nye bar nang du dmigs pa la 'jog pa dang/ 'dul bar byed pa zhes pa brnab sems la sogs pa'i nyon mongs pas sems rgyud rab tu ma zhi ba las dul bar byed pa dang/ zhi bar byed pa zhes pa rnam par mi rtog pa'i rba rlabs zhi bar byed (aa: 177 ba) pa dang/ rnam par zhi bar byed pa zhes pa rnam par rtog pa phra mo tsam yang zhi bar byed pa dang/ rtse gcig tu byed pa zhes pa rtsol ba chung ngus sems dang dmigs pa tha dad med par rtse gcig tu byed pa dng/ mnyam par 'jog pa zhes pa bying rgod bsal nas rtsol ba med par lhun gyis grub pa'i ngang du mnyam par 'jog pa dgus ting nge 'dzin grub pa na lus sems shin tu sbyang pa'i bde ba 'dren pas khyab cing/ shin sbyangs dang ldan pa'i ting nge 'dzin skyes pa ni 'jig rtne pa'i zhi gnas mtshan nyid par 'jog la/ de dang mi ldan pa ni zhi gnas rjes mthun pa'i mos pas spyod pa'i sa zhes bya'o/ <br> | |||
/gnys pa ni/ grub nas mtshan nyid mos dng dben las skyes/ /dga' dpyod sbyor mtha' yid la <br> | |||
<br> | |||
===Sheja Dzo Chapter 6.1 volume2 (page 354)=== | |||
<br> | |||
byed drug gis/ /sbyor mtha'i 'bras bu yid byed lhag mthong 'grub/ /zhi rags rnam pa 'jig rtne thun mong lam/ /zhi gnas mtshan nyid pa grub nas mtshan nyid rab tu rig pa yid la byed pa zhes 'dod pa skyon can dang bsam gtan dang po yon tan can du thos bsam 'dres ma'i sgo nas rtsings por rtog cing zhib mor dpyod pa dang/ mos pa las byung ba yid la byed pa zhes pa de nyid sgom byung gi ngo bor skyes pa dng/ dben pa las skyes pa'i yid la byed pa zhes pa 'dod nyon mngon gyur ba chen po gsum gyis dben pa dang/ dga' ba sdud pa yid la byed pa zhes pa 'dod nyon mngon gyur ba 'bring gsum gyis kyang spangs pa dang/ dpyod pa yid la byed pa zhes pa 'dod nyon phra mo gsum gyis kyang rgyud la gos ma gos rtog cing dpyod pa dang/ sbyor ba'i mtha' yid la byed pa zhes pa de ltar dpyod pa las 'dod nyon phra zhing phra ba yang gnyen po'i stobs kyis spangs pa ste/ de ltar yid la byed pa drug gis sbyor ba'i mtha'i 'bras bu yid la byed pa zhes 'jig rten pa'i lhag mthong mthar thug 'grub ste/ de dag ni 'og sa'i ting 'dzin skyon can (aa: 178 na) rags par lta zhing/ sa gong ma skyon med zhi br lta ba zhi rags rnam pa can nyan rang dang 'jig rten pa'i theg pa thun mong ba'i lam gyi mngon rtogs so/ <br> | |||
/gnyis pa dngos gzhi bshad pa ni/ dngos gzhi rtog dpyod dga' bde rtse gcig pa'i/ /yan lag lnga ldan bsam gtan dang po'o/ <br> | |||
/nyer bsdogs de dag gis bsam gtan dngos gzhi 'grub la/ de'ng rtog dpyod gnyis gnyen po'i yan lag dga' bde gnyis phan yon gyi yan lag /sems rte gcig pa gnas kyi yan lag ste yan lag lnga dang ldan pa ni bsam gtan dang po'i mtshan nyid do/ <br> | |||
/de la rtog dpyod gnyis ka dang ldan pa dngos gzhi tsam po dang/ rtog pa med cing dpyod pa dang bcas pa dngos gzhi khyad par can no/ <br> | |||
/gnyis <br> | |||
<br> | |||
===Sheja Dzo Chapter 6.1 volume2 Zweiter Teil von 6.1 von S.250-299.23 (page 250)=== | |||
<br> | |||
mi gyo ba'i rgyud las kyang/ bris sku tshad dang ldan pa yongs su zin pa dang/ 'dri mkhan la kho rang ji ltar 'dod pa'i yon phab pa bzhin sbyin par bya'o/ <br> | |||
/zhes dang/ rab gnas kyi rgyud du/ bzo bo ma mnyes pa'i lha la ni ye shes pa mi 'jug ste/ rab gnas kyi thog mar bzo bo mnyes par bya'o/ <br> | |||
/zhes pa la sogs mdo rgyud du ma nas bzo bo mgu ba bgyed pa sbyin bdag gi dam tshig gtso bor gsungs la/ bzo bo sun phyung ba ni lha la sun phung ba yin phyir bshes gnyen bsten pa'i tshul gyis lha bzo la dad pa dang bkur stis lha bzhin du mchod par bya'o/ <br> | |||
/deng sang sku gsung thugs rten nyo tshong byed pa na'ng bzo bo dang bdag pos yul dus dang 'tshams pa'i rin thang gang bcad pa'i dpa' bo'i rin gzhal na legs par 'gyur gyi/ bal bod kyis nyo tshong gtam pa lta bus ni gnyis ka la nyes pa chen po skyed pa'i rgyur 'gyur ba'ng zhar byung du 'phros pa'o/ <br> | |||
/gnyis pa brten pa lha'i cha tshad bshad pa la gnyis/ dam tshig bris sku/ cha tshad dngos bshad pa'o/ <br> | |||
/dang po ni/ gzhung mthun dam tshig bris sku mchog yin te/ /rgyud sde so so'i gzhung dang mthun pa'i dam tshig gi bris sku ni sku brnyan rnams kyi nang nas mchog tu gyur pa yin te/ de'ng dgyes rdor rgyud kyi brtag pa phyi ma le'u drug pa las/ 'dir ni bri mkhan dam tshig can/ /sgrub po'ng dam tshig can gyis ni/ /bris sku 'jigs pa bri ba nyid/ /skyes pa'i thod gnas kha dog lnga/ /ro yi skra yi pir nyid kyis/ /bris sku bla ma bri ba nyid/ /gang gang skud pa 'khel ba dang/ /gang gang ras yug 'thag pa dang/ /de yang dam tshig can nges pas/ /dam tshig byin rlabs rnal 'byor pas/ /zla ba zla ba'i mar ngo yi/ /bzu bzhi pa la khyim dben par/ /phyed na ma rungs sems kyis ni/ /chang (aa: 125 ba) gi btung ba cung zad las/ /lus la ni <br> | |||
<br> | |||
===Sheja Dzo Chapter 6.1 volume2 (page 251)=== | |||
<br> | |||
rang shu bsam nas/ /de bzhin gcer bur gyur pa yang/ /'gabs pa dang ni ma dag pas/ /de la dam tshig rab tu bza'/ /bzhin bzang snying rje ldan pa dang/ /gzugs la lang tsho skal bzang ma/ /me tog 'bras shing sgrub po dga'/ /rang gi phyag rgya gyon du bzhag /ces sogs bla med nas bshad pa dang/ 'jam dpal rtsa rgyud nas ras bris che chung gi cho ga shin tu rgyas pa phan yon tshad med pa dang bcas legs par bshad pa ltar bsgrub par bya ste/ sdom 'byung las/ sngags pa las ni dang po bas/ /gzugs brnyan la sogs bya ba ste/ /bris sku bsgrub na myur bar ni/ /dngos grub rgya chen thob par 'gyur/ /zhes gsungs so/ <br> | |||
gnyis pa tshad bshad pa la gsum/ spyir bshad pa/ bye brag tu bshad pa/ de las 'phros pa'i nye bar mkho ba'o/ <br> | |||
/dang po ni/ cha tshad dus kyi 'khor lor rang sor ni/ /brgya dang nyer lnga sdom 'byung brgya nyi shu/ /gdan bzhi de mtshungs dmar nag zhal tshad brgyad/ /mdo dang rgya gzhung de mthun de rjes 'brang/ /sku gzugs kyi cha tshad ni mdo rgyud rnams las nan tan du gsungs te/ de'ng rgyud kyi rgyal po dus kyi 'khor lo las/ rgyal ba'i bdag po'i gtsug tor nas ni mdzod spu'i dbus su phyed dang bcas pa nyi ma'i sor du 'gyur/ /de nas mgrin pa'i chu skyes de bzhin snying ga dang ni de nas lte gsang chu skyes de bzhin no/ <br> | |||
/zhabs kyi mthil dang rje dar brla dang dpyi yang ma nu de nyid de nyid rig byed rnams kyi ste/ /brang phyed phyed bcas nyi mas rang dpung dpung lag rnams ni mkha' mig rgyal po nyi ma'i tshad kyis so/ <br> | |||
/nyi shu rtsa lnga lhag pa'i brgya phrag gang zhig dus dang dgu yi mi rnams kyi ni 'jig rten tshad/ /rig byed phyed dang bcas pa'i gzhi dang chu gter chu gter phyed dang bcas pa'i rig byed (aa: 126 na) rig byed kyis/ /gtsug gtor mgo bo 'og tu 'gyur te <br> | |||
<br> | |||
===Sheja Dzo Chapter 6.1 volume2 (page 252)=== | |||
<br> | |||
rgyal ba'i bdag po'i dpal ldan dpral pa dag dang shangs dang ni/ /zhangs kyi 'og tu kos sko'i mtha' dang de nas mgrin pa dag ste mgrin pa'i rtsa ba'i chu skyes dbus/ /de nas snying ga lte ba gsang bar mi'i bdag po phyed bcas nyi ma rnams kyi rim par 'gyur/ /ces rang sor brgya nyi shu rtsa lnga pa kho na gsal bar gsungs shing/ de nyid dkyil 'khor sogs phyi nang gi dge sbyor yang rgyas par 'byung ngo/ <br> | |||
/bde mchog bshad rgyud sdom 'byung le'u sum cu pa las/ lha yi ri mo gzugs dag gi /khyon dang gzugs kyi mtshan nyid do/ <br> | |||
/tshangs pa'i ri mo'i gzugs kyi sngar/ /cha lnga dag ni gdan yin no/ <br> | |||
/sku ni dum bu gsum can gyi/ /zhes sogs kyis sor mo brgya nyi shu pa las dbye ba'i thal mo bcu gnyis pa/ bcu pa/ dgu pa sogs gsal bar gsungs so/ <br> | |||
/gdan bzhi'i bshad rgyud mntraa ang sa las gsungs pa'ng 'gyur khyad ma gtogs phal chen 'di dang 'dra la/ zhal tshad dgu pa gsal por ma gsungs so/ <br> | |||
/slob dpon rtna rksshi tas sdom 'byung gi 'grel par kyog bshad mdzad pa ni/ dus de tsam na ma gdhaa dang/ bal po'i yul gyi ri mo mkhan rnams la ji ltar grags pa de ltar dpyad pa med par bkod pa yin pas sdom 'byung gi rgyud don du bzung bar mi bya'o/ <br> | |||
/gshin rje gshed dmar nag gi rgyud las kyang zhal tshad brgyad pa gsungs shing/ gzhan yang shaa ri'i bus zhus pa'i mdor grags pa/ bal po'i dpe las bsgyur nges pa phyis 'gyur ba 'di las kyang/ phal cher dus 'khor gyi 'di dang mthun par gsungs la/ kri ya sa mutstshar yang mdo 'di'i lung ci rigs par drangs so/ <br> | |||
/gzhan yang sngon rabs su dar ba'i rgya gzhung du grags pa kha cig kyang de dag dang mthun zhing mthun pa'i khyad par yang phra mo yod pa ni sngar smos pa'i rgyud de dag (aa: 126 ba) gi rjes 'brang du mngon la/ de dag kha cig la phyis kyi mkhas pa rnams dgag gzhag mdzad pa la ni snying po gang yang med de/ <br> | |||
<br> | |||
===Sheja Dzo Chapter 6.1 volume2 (page 253)=== | |||
<br> | |||
bzo yi gnas dang sman gyi sbyor ba dang/ /sngags kyi cho ga chos nyid zab mo ste/ /'di dag rtog ge'i rigs pas brtag byas min/ /bdag nyid sgrog dang nga rgyal spang bar rigs/ /zhes jo nang rje btsun chen pos gsungs so/ <br> | |||
/'jal byed rang sor phyed dang bcu gsum mam/ /bcu gnyis thal mo skabs sbyar tshad lnga yi/ /dang po gnyis pa dus 'khor sdom 'byung ltar/ /gsum pa bzhi pa thal mo dgu brgyad de/ /mdo rgyud dngos bstan yin gyi bsgrims te 'bad/ /de dag la 'jal byed kyi brda khyad kyang/ sku gzugs de nyid kyi rang sor phyed dang bcu gsum mam bcu gnyis re la zhal tshad gcig zer/ zhal tshad de la mtho/ <br> | |||
thal mo/ <br> | |||
mthil/ cha chen te ming gi rnam grangs lnga/ zhal tshad che chung de dag rgyud kyi lugs gnyis skabs dang sbyar ba yin no/ <br> | |||
/rang sor gcig la cha chung/ de'i bzhi cha la rkang pa/ brgyad cha la nas zhes bya zhing/ des gzhal ba'i cha tshad rtsa ba ni rnam pa lnga ste/ dang po brgya dang nyer lnga pa/ gnyis pa brgya dang nyi shu pa gnyis dus 'khor dang sdom 'byung gi lugs ltar dang/ gsum pa dang bzhi pa ni thal mo dgu pa dang brgyad pa ste/ lha'i cha tshad bzhi po 'di dag mdo rgyud ky dngos bstan/ mkhas pa'i rig bzos ma bslad pa yin pas blo ldan rnams bsgrims te 'bad par bya'o/ <br> | |||
/gshegs sems khro dang chags bral gang 'os sbyar/ /bzhi pa shin tu khros pa rnams la'o/ <br> | |||
/thal mo drug pa phyis byung bod kyi lugs/ /cha tshad gsum po de ni gshegs pa dang gshegs ma/ sems dpa' sems ma/ dkyiil 'khor gyi gtso bo khro bo khro mo/ <br> | |||
mchog gi sprul sku chags bral gyi rnam pa can sogs gang la gang 'os rigs pas dpyad de sbyar (aa: 127 na) zhing/ cha tshad bzhi pa de nishin tu khros pa ste gshin rjes gshed dang phyag rdor la sogs pa rnams la sbyar bar bya'o/ <br> | |||
/cha tshad lnga pa thal mo drug pa'i tshad kyis nag po chen pos mtshon pho nya srin po'i gzugs can sogs 'dri <br> | |||
<br> | |||
===Sheja Dzo Chapter 6.1 volume2 (page 254)=== | |||
<br> | |||
bar bshad pa dang/ ma haa kaa la zhal tshad gsumn par bshad pa sos ni phyis byung bod kyi mkhas grub rnams kyi lugs srol yin la/ rtnarkshi ta dang bal po'i mkhas pa 'ga' zhig gis tshogs kyi bdag po sogs zhal tshad lnga pr bshad pa'ng yod do/ <br> | |||
de dag gi lag len ni 'dir brir ma ldangs pas rtogs par 'dod na rje btsun rin po che'i gsung rab sku gzugs kyi cha tshad bstan pa bde skyid 'byung gnas nyid rgya gzhung phal pa rnams las kyang khyad par 'phags pas der blta bar bya'o/ <br> | |||
/cha tshad bzhi po sbyor tshul yang de nyid las/ de bzhin gzhegs pa yab yum phyogs mtshungs shing/ /byang chub sems dpa' yab yum phyogs mtshungs la/ /rgyal ba'i rigs 'khrungs rgyal ba'i sras yin pas/ /byang chub sems dpa' sangs rgyas dang mtshungs phyir/ cha tshad gsum po 'di dag sangs rgyas dang/ /byas sems yab yum kun la gang 'os sbyor/ /ci ste so sor sbyor ba la dga' na'ng/ /phra sbom khyad par zhi khro la rigs pas/ /brgya dang nyer lnga sangs rgyas zhi ba dang/ brgya dang nyi shu he ru ka la sbyar/ /he ru ka dpal sku yi khyad par 'ga'/ /thal mo brgyad pa byed pa'i skabs kyang yod/ /spyan ma sgrol ma la sogs zhi ba mtshungs/ /rdo rje phag mo he ru kar mtshungs shing/ /gtsug tor med kyang gtsug gi nor bu de/ /de yi tshab tu sbyar bas mi rung med/ /btsug tor bral zhing nu ma bha ga dang/ /skyed phra stod zhum brla dang ro smad rgya/ /dpral ba'i zur zhum mig rgyas zur mig sogs/ /mo gzugs yin phyir lha mo (aa: 127 ba) rnams la dgos/ /yab rnams de las ldog pa'i tshul du yod/ /lhag ma cha tshad rags pa mtshungs par bya/ /sems dpa' chen po rnams kyang de dag mtshungs/ mtho dgu pa ni sems dpa' phal pa dang/ /brgya byin la sogs 'jig rten zhi ba'i lha/ /rol pa'i khro bo he ru ka las gzhan/ /de rnams so so'i rigs kyi lha mor bcas/ /de dag tshad des <br> | |||
<br> | |||
===Sheja Dzo Chapter 6.1 volume2 (page 255)=== | |||
<br> | |||
legs par bris gyur na/ /rnam grangs tshul gyis legs par 'gyur ba'ng yod/ /ces gsungs so/ <br> | |||
/dus 'khor las gsungs pa'i mi'i cha tshad ni nyan thos la 'os kyang lha'i cha tshad gral du bsdu bar ma mdzad cing/ rang rgyal gtsug tor sogs kyis 'phags pas thal mo dgu par bzhed pa dang/ /so so'i 'dra 'bag rnams ni cha tshad dang/ /mthun par mi dgos rang rang dbyibs bzhin bya/ /bzo nyes 'gog phyir cha tshad mdzad pa ste/ /skyes bu dam pas mdzad cing bzo gnad kyi/ /'phrul la legs par byang na nges pa med/ /ces gsungs so/ <br> | |||
/lha rigs chags bral 'khor los sgyur ba dang/ /zhi ba rgyan med drang srong rigs ngan tshul/ /sangs rgyas rol pa'i khro bo khro bo'i rgyal/ /sems dpa' mchog phal phyag brnyan pho nyar bsdu/ /cha tshad bgo yul lha'i rnam pa mang yang rigs kyi sgo nas bsdu ba'i tha snyad sbyor na/ rab byung gi rnam pa la chags bral gyi sku dang/ zhi ba rgyan can la 'khor los sgyur ba'i cha byad dang/ zhi ba rgyan med la drang srong gi cha byad dang rigs ngan gyi cha byad gnyis yod cing/ bde dgyes dus 'khor sogs he ru ka sangs rgyas khro bo dang/ thal mo dgu pa'i khro bo la rol pa'i khro bo phal pa'm sems dpa'i khro bo/ <br> | |||
dmar nag 'jigs gsum rta mgrin la sogs pa khro bo'i rgyal po dang/ 'jam dpal dbyangs dang spyan ras gzigs dang kun tu bzang po sos nye ba'i sras brgyad lta bu sems dpa' mchog (aa: 128 na) dang/ de dag gi sgos kyi 'khor zhi ba pho mo la byang sems phal pa dang/ nag po chen po dang/ lha mo re ma ti la sogs pa pho nya phyag brnyan zhes bya ba rnams su bsdu zhing/ drang srong ni sangs rgyas kyi mtshan gyi rnam grangs yin pas/ sangs rgys khro bo zer ba'i don yin la/ gzhan khro bo la gnod sbyin khros pa dang/ srin po khros pa dang/ gshin rje gros pa sogs kyi dbye ba byas nas nyams tha dad par dgos par bod rnams 'dod kyang nges pa <br> | |||
<br> | |||
===Sheja Dzo Chapter 6.1 volume2 (page 256)=== | |||
<br> | |||
med par gsungs so/ <br> | |||
/gnyis pa bye brag tu bshad pa ni/ 'on kyang deng sang cha tshad bcu gcig tu/ /grags che kun kyang tshangs thig sngon song nas/ /chags bral longs sku sor mo brgya nyer lnga/ /byang sems brgya dang nyi shu drang srong khros/ /thal mo bcu gnyis yum rnams thal mo dgu /gshin rje gnod sbyin brgya dang srin po khros/ /drug lnga gsum yod nyan rang mi dang mtshungs/ /tshangs sogs cha chen dgu yin gling bzhi'i mi/ /srid du mtho bdun zheng la brgyad du 'gyur/ /de dag las rlung 'gag pa'i rim par gsungs/ /dkyus kyi lag len la la gong spos kho nas khyab mod/ 'on kyuang deng sang bris 'bur thams cad la sgar sman gyi lugs srol gnyis su grags che bas/ dang po ltar na chos rje rin chen grub sogs kyis cha tshad bcu gcig tu bshad cing/ gnyis pa ltar na thig chen brgyad du grags che la/ de dag kun kyang tshangs thig sngon du song nas bcu gcig pa'i phyogs la/ cha tshad dang po sangs rgyas chags bral gyi rnam pa dang/ gnyis pa rigs lnga sogs longs sku rnams ni sor mo brgya nyer lnga pa/ gsum pa byang chub sems dpa' zhi ba rnams sor mo brgyad dang nyi shu/ bzhi pa dus kyi 'khor lo sogs drang srong khros pa'i nyams can rnams thal mo bcu gnyis pa/ lnga pa sna tshogs yum sogs dkyil 'khor dbang mo rnams dang lha mo sgrol ma sott (aa: 128 ba) rigs kyi yum rnams yid 'ong thal mo dgu pa/ drug pa gshin rje gshed sogs gshin rje khros pa dang/ bdun pa phyag na rdo rje sogs gnod sbyin khros pa rnams ni thal mo brgyad par bya ba dang/ brgyad pa srin po ltar khros pa la legs ldan nag po chen po sogs thal mo drug pa lugs 'di gshed nag gi 'grel pa nas bshad par bzhed/ tshogs bdag sogs me'u thung mtho lnga pa/ rdo rje ber can zhal gzigs la brten pa lta bu shin tu khros pa zhal tshad gsum <br> | |||
<br> | |||
===Sheja Dzo Chapter 6.1 volume2 (page 257)=== | |||
<br> | |||
pa ste nang gses gsum yod cing/ dgu pa nyan rang nyis gling 'di'i mi dang mtshungs la/ bcu pa tshangs dang brgya byin sogs 'jug rten skyong ba rnams cha chen dgu pa yin la/ de'i nang gses rnam sras sogs kha cig mtho brgyad pa'i tshad yin pa ratna rkshi tas bshad/ bcu gcig pa gling bzhi'i mi rnams kyi lus tshad ni chu zheng tshad mi mnyam pas srid du mtho bdun/ zheng la mtho brgyad du 'gyur bar dus 'khor dang slob dpon dpa' bos bshad cing/ kha cig de las ldog pa dang/ yang chu zheng mnyam pa'ng yod la/ mi'i rten can gyi bla ma sogs ni ji ltar rang gi lus kyi dbyibs byad la yod pa de ltar 'dra 'bag tu bya bar snang mod/ 'on kyang rang sems sangs rgyas su ngo sprod pa'i rtsa ba'i bla ma dam pa'i sku gzugs ni rdzogs pa'i sangs rgyas kyi sku'i tshad bzhin bya ba skyob pa 'jig rten gsum mgon gyi rdo rje'i gsung gi nges pa'o/ <br> | |||
/'bur sku rnams kyi spyi'i tshad kyang bris sku dang gcig pa yin la rgyab mdun 'khor ba'i cha tshad lhag por bsnan dgos te zhib par rje brgyad pa'i nyi ma chen po'i me long sogs las rtogs par bya'o/ <br> | |||
/lugs gnyis pa thig chen brgyad du bsdus pa'i rnam gzhag lag len sman bla don grub kyi mdzad pa'i cha tshad yid bzhin nor bu/ de las khyad par mang po'i zur chos can gya' sel sogs zhib cing rgyas pas 'dir ma spros la/ de ltar thal mo dang sor 9aa: 129 na) tshad kyi ring thung de'ng las rlung dbu mar 'gags pa dang ma 'gags pa'i rim pas khyad zhugs par gsungs so/ <br> | |||
gsum lpa de las 'phros pa'i nye bar mkho ba'i rnam gzhag bshad pa la bdun/ nyams/ rgyan/ phyag mtshan/ khri rgyab/ skyon sel/ tshon mdangs/ rnam 'gyur rnams so/ <br> | |||
/dang po ni/ mtshan dpe zhi chags khro sgeg gar gyi nyams/ /sku gzugs de dag kyang sangs rgyas longs sku dang sprul sku dag la <br> | |||
<br> | |||
===Sheja Dzo Chapter 6.1 volume2 (page 258)=== | |||
<br> | |||
mtshang bzang so gnyis dang dpe byad brgyad cu las dngos su ji ltar 'drir rung ba thams cad gsal la rdzogs pa dang/ gshegs pa sogs la zhi zhing 'dzum pa'i mdangs can/ lha mo phal cher chags shing gshon pa'i tshul/ khro bo rnams rngams shing mi sdug pa/ rol pa'i khro bo sogs khro 'dzum sgeg pa'i nyams can/ gzhan yang gar gyi nyams dgu dang ldan pa zhes 'byung ba ltar/ rgyan dang mdangs kyis sgeg pa dang/ 'gying la rol pas dpa' ba dang/ sbyan log khro gnyer gyis mi sdug pa dang/ 'dzum zhing ha ha'i sgras dgod pa dang/ hi hi dang huung phatt sgrag pas drag shul dang ldan pa dang/ so tham pa dang mgo gug cing mtshon cha phyar gdengs kyis 'jigs su rung ba dang/ spyan dmar zim zim dang gshon shas snying rje dng/ zhal gdangs rkan rdeb pas rngam pa dang/ mnyen lcug 'jam pa'i mig sna rtser bltas pas zhi ba ste/ de lta bu'i gar gyi nyams dgu las bzo bos bsgrub tu rung ba rnams dang ldan par bya'o/ <br> | |||
/gzhan yang/ zhal gyi dbyibs ni rnam pa bzhi/ /skyes bu che dang lha mo yi/ /khyim bya'i sgo nga til gyi dbyibs/ /zhes dang/ khro bo rnams kyi rnam 'gyur dbyibs/ /zlum po dag dang gru bzhi ste/ /zhes gsungs pa ltar zhal dbyibs tha dad pa dang/ sangs rgyas mnyam gzhag spyan ni gzhu yi dbyibs/ /mgron bu'm ni padma 'dab ma'i dbyibs/ utpa la 'dra zhi ma khro yi spyan/ /lha mo zhi ba'i (aa: 129 ba) sbyan ni nya lto 'dra/ /gyems ma'i mig ni 'od ma'i gzhu 'dra ste/ /shin tu khros spyan zlum dang gru bzhi'o/ <br> | |||
/zhes spyan gyi dbyibs mi 'dra ba rnams dang/ rdo rje skyil krung yongs su grags/ /byin pa gyas steng gyon pa bzhag/ pus mo smad pa padma'i stabs/ /long bu bsnol te mthe bong dag /rtse mo sprad pa la yang zer/ /gyas pa rdor skyil lta bu la/ /gyon pa gyas pa'i brla 'og gzhag /sems dpa'i skyil mo krung zhes bya/ gyon pa bkan pa'i sor <br> | |||
<br> | |||
===Sheja Dzo Chapter 6.1 volume2 (page 259)=== | |||
<br> | |||
mo rnams/ /gyas pa'i brla la ma reg tsam/ /gyas pa 'gying stabs brkyang ba ni/ /skyil krung phyed pa zhes bya'o/ <br> | |||
/gyon brkyang brang ba gdan la btsutt/ /de yi brla la gyas mthil sbyar/ /bzhengs pa'i phyed skyil gar stabs so/ <br> | |||
/gyon pa'i byin pa bskum pa las/ /gyas pa 'gying bcas dor stabs can/ /gyas brkyang bzlog pa gyon brkyang ngo/ <br> | |||
/sor mo mdun bstan rting bar du/ /khru gang sor gnyis brla byin pa/ /drang por bsrang ba sa ga'i stabs/ /de bas lus smad pus po'i bar/ /khru do ngang pa'i gsog pa ltar/ logs su brkyangs pa zlum po zer/ /sor mo bcu po mdun du bsgrigs/ /drang por bzhengs pa mnyam pa'i stabs/ /rkang gnyis khri las thur du brkyang/ /sor mo mdun bstan bzang po'i stabs/ /zhabs mthil kha sbyar bde legs can/ /tshog pur rkang gnyis mtho gang bar/ /stan la bkod pa tshog pu'i stabs/ /gyas pa'i phyed krung sor mo rnams/ /gyon pa'i lung bur gtad pa na/ /gyon rol yin zhing gyas rol bzlog /'di ni bzhengs pa la yang sbyar/ /gyon pa'i skyil krung phyed pa la/ /de dang nye bar gyas pa yi/ /pus mo drang por bzhag pa ni/ /dpa' bo'i 'dug stangs zhes bya'o/ <br> | |||
/gyon pa de bzhin (aa: 130 na) byas pa'i steng/ /pus mo gyas pa bsnyal ba las/ /rkang gyas gyon pa'i brla mthil du/ /bzhag pa dpa' mo'i 'dug stangs so/ <br> | |||
/mi mnyam rus sbal bung ba'i stabs/ /de sogs 'dir ni ma spros so/ <br> | |||
/zhes zhabs kyi stangs stabs khyad par sogs shin tu mang po rnams kyang khong du chud par bya'o/ <br> | |||
/gnyis pa ni/ chos gos rin chen rgyan brgyad dar gos gnyis/ /phyag rgya dur khrod dpal chas brdyad dam bcu/ /sprul pa'i sku chags bral gyi rnam pa can rnams la chos gos rnam pa gsum/ longs sku rnams la rin che'i rgyan brgyad de/ dbu rgyan/ snyan rgyan/ mgul rgyan/ dpung rgyan/ do shal/ se mo do/ <br> | |||
gdu bu/ ska <br> | |||
<br> | |||
===Sheja Dzo Chapter 6.1 volume2 (page 260)=== | |||
<br> | |||
rags sam 'og pag rnams la rtsa ba'i rgyan kyang zer/ de steng snyan gong utpa la/ rkang gdub gyer kha sogs nye ba'i rgyan du grags pa rnams te/ de dag kyang sngon gyi mkhas pas/ rna rgyan mgul rgyan lag gdub gsum/ /lji lji 'dra zhig dgos pa yin/ /dbu rgyan dpung rgyan rkang gdub sked/ /yang yang 'dra zhig 'dod pa yin/ /ces smra'o/ <br> | |||
/dar gos gnyis ni stod gyogs dang smad sham yin la/ rnying ma bka' mar dar gyi chas gos lngar grags te/ zi ldir/ cod pan/ gar gyi phu rung/ gsang gebs/ tshi gu'i smad dkris rnams so/ <br> | |||
/ma rgyud gtso bor gyur pa'i rgyud sde'i lha yab rnams la/ spyi bor rus pa'i 'khor lo rdo rje phyed pa'i tog dang bas pa/ rna rgyan/ mgul rgyan/ gdu bu/ ska rags/ tshangs skud dam mchod phyir thogs te phyag rgya drug dang/ de'i yum rnams la tshangs skud spangs pa'i phyag rgya lnga'i rgyan bya dgos shing/ 'di dag gi tshad dang dag pa rnal 'byor ma kun spyod kyi rgyud dang/ rdo rje mkha' 'gro nas kyang gsungs so/ <br> | |||
/khro bo spyi la dur khrod kyi chas brgyad de/ de yang bgo ba'i gos gsum ni/ mi lpags kyi gyang gzhi/ (aa: 130 ba) blang chen gyi ko rlon/ stag lpags kyi sham thabs rnams so/ <br> | |||
/gdags pa'i rgyan gnyis ni sprul dang thod pa ste/ rgyal rigs dkar khra'i dbu rgyan/ rje'u rigs ser khra'i snyan rgyan/ bram ze dmar khra'i mgul rgyan/ dmangs rigs nag khras ska rags/ /gdol rigs ljang khras phyag gdub zhabs gdub byas pa dang/ thod pa skam pos dbu rgyan/ rlon pas se ral kha/ tshal bus dpung rgyan byas pa'o/ <br> | |||
/byug pa'i rdzas gsum ni/ smin mtshams thal chen gyi tshom bu/ mkhur tshos la rkta'i thig le/ lkog mar zhag gi zo ris rnams so/ <br> | |||
/rnying ma la dpal gyi chas brgyad du grags pa ni/ ji skad du/ gzi brjid 'bar ba chu srin brjid pa'i chas/ /thabs dang shes rab zung 'brel nyi zla'i chas/ /gdug pa can sreg ye shes me <br> | |||
<br> | |||
===Sheja Dzo Chapter 6.1 volume2 (page 261)=== | |||
<br> | |||
yi chas/ /skye shi rtsad gcod mche ba zla tshes chas/ /khyab mdzad re skong rdo rje gshogs pa'i chas/ /mnga' thang yongs rdzogs rdo rje glag pa'i chas/ /sangs rgyas sar bgrod dbang gi bse grab chas/ /gnod gdug zlog byed rgya bye'u lcags kyi chas/ /zhes pa ltar brgyad dam/ mi 'gyur spyi gtsug rdo rje phyed pa/ gdug pa thal 'byin phur bu'i sham thabs gnyis bsnan pa'i dpal gyi chas bcur yang bzhed de/ snga ma ni rgyud ye shes rngam glog sogs dang/ phyi ma bka' brgyad las gtso bor bshad pa ste/ 'di dag la cung zad 'dra min 'ga' re 'byung ngo/ <br> | |||
/gsum pa ni/ phyag mtshan dang po'i rdo rje kha taang sogs/ /mkha' 'gro rgya mtsho sogs dkyil 'khor gyi gtso bo phyag mang rnams la phyag mtshan gyi dbye ba'ng du mar bshad pa las gtso bor gyur pa dang po'i rdo rje dang/ kha taang ga la sogs pa ste/ phyogs mtshon cung zad bsdu na/ phyag mtshan dang po'i rdo rje ni/ /rwa bzhi dbus la ma reg tsam/ /mdog dmar khro bo'i rdo rje rwa/ /(aa: 131 na) phyogs bzhir shin tu gyes pa'o/ <br> | |||
/kha taang rdo rje mi mgo gsum/ /bum pa rgya gram yu ba bcas/ /sku yi srid tshad nyid dang mnyam/ /dar dpyangs dril bu cang te'u 'phyang/ /ga da'i dbyugs pa dpag chen mda'i/ /wa gzhu nyid dang mtshuns pa'o/ <br> | |||
/bi lhi paa la mdung rtse rno/ <br> | |||
/rma bya'i sgro phon yu bar ldan/ /rdo rje rtse lnga'i rwa bzhi spangs/ /a ka pu tsi ka bdzra/ /mdung thung ka nnssha ya zhs pa/ /'di gnyis rdo rje rtse gcig pa/ /thod tshal rtse thod ddaa ma ru/ /drwa ba can dang drwa ba med/ /ral gyi chu gyi pe tta ka /gri gug dgra sta gtun shing dang/ /mdung ring mdung thung phug rigs gsum/ /bho ke rdza rnga rnga zlum dang/ /rnga chen daa ka pa tta ha/ /rdo rje dril bu la sogs pa'o/ <br> | |||
/bzhi pa ni/ byang phyogs dag pa'i khri 'gyogs le tshan bdun/ /phyin drug ngo bo rgyab yol rgyan drug sogs/ /bla ma'i yon tan yongs gzung gi rgyud don bzhin <br> | |||
<br> | |||
===Sheja Dzo Chapter 6.1 volume2 (page 262)=== | |||
<br> | |||
gtan khri rgyab yol dang bcas pa la/ byang phyogs kyi chos kyi sde tshan bdun dag pa'i chos dang sbyar ba khri 'khyogs le tshan bdun du grags pa ni/ khri gdong khri yi rkang khri rmang gnyis dang ba gam dang lan kan te rnam pa bdun no/ <br> | |||
/'degs byed seng ge glang po rma bya shang shang rnams dang/ nyi zla padma'i gdan rnams ni rim bzhin stobs dang dbang bcu/ /smon nas shes pa/ byang chub kyi phyogs/ don dam e/ kun rdzobs wong/ sgrib gsum gyis ma gos pa'i yon tan rnams dang sbyar ro/ <br> | |||
/phyin drug gi ngo bo rgyab yol la rgyan sna drug ste/ mkha' lding dang/ chu srin dang/ byis pa dang/ glang po che dang/ sha ra bha ste bse kha sgo dang/ klu phrug rnams kyang rim bzhin shes rab dang/ bsam gtan dang/ brtson 'grus dang/ bzod pa dang/ tshul khrims dang/ sbyin pa bcas pha rol tu phyin pa drug lugs ldog pa dang sbyar ba'o/ <br> | |||
/sogs khongs nas khri la brtsegs nyi shu rtsa gcig la (aa: 131 ba) sogs pa'i spros pa dang/ rgyab yol rgyas pa phub la zhol btags pa lta bu/ /bring po la pad 'dab lta bu/ /bsdus pa lcags rtse ma dang sgang gzhugs ma la sogs pa rgyas 'bring bsdus pa'i rnam gzhag mang zhing/ 'bring po'i tshad stag tshang lo tsaa'i dpa'byor rgya mtsho las zhib par 'byung/ phyis su khri rgyab bris 'bur gnyis ka la bzhengs pa nyung yang grub na bsod nams rlabs chen gyi rgyur 'gyur ba yin no/ <br> | |||
/bod kyi mkhas pa mang pos khri drug 'gyogs 'di rgya gar na lha khang gi sgo rgyan du yod pas lha'i rgyab yol du 'khrul nas bod du de'i rgyun 'byams pa tsam las khungs yang dag med par 'dod cing/ de bshad pa'i khungs bla ma'i yon tan yongs gzung sogs tsa mi'i rgyud gsum po yang rgyud yang dag ma yin par 'chad mod/ 'on kyang khri rgyan gyi bkod pa 'di lta bu rgya gar gyi bzo yin nges 'ga' la'ng mthong zhing khungs kyi rgyud de rgyud yang dag tu rang byung zhabs bzhed pa'i phyir <br> | |||
<br> | |||
===Sheja Dzo Chapter 6.1 volume2 (page 263)=== | |||
<br> | |||
kho bo cag ni de la tshad mar byed ces kun mkhyen dharmaa ka ras gsungs so/ <br> | |||
/lnga pa ni/ ring thung sbom phra yo sogs skyon mi ldan/ /rgyud sdom pa las/ ring ba gsum ni skyon che ste/ /os ko mkhrin pa byin pa'o/ <br> | |||
/sna dang rna ba sor mo sogs/ /gsum po thung ba nyes pa che/ /byin pa zhabs sogs mkhur ba dag/ /gsum po sbom pa skyon chen te/ /'gram pa brang dang cibs logs gsum/ /zhom pa nyes pa chen po'o/ <br> | |||
/nu ma rna ba dpral ba gsum/ /'khyog pa nyes pa chen po ste/ /brla dang dku dang nam tshong gnyis/ /gsum po zhom pa skyon che'o/ <br> | |||
/zhes sogs skyon re res nyes pa chen po so sor skyed pa'i tshul dang/ 'dir ni spyan sogs yo ba'm/ /phyag rgya phyag mtshan nor gyur na/ mya ngan sdug bsngal gyis rab gdung/ /gzugs brnyan skyon sogs mtshan nyid de/ /de phyir skyon (aa: 132 na) brtags bcos par bya/ /rgyab yol gdugs dang gdan rnams te/ /gsum po chung zhing dog pa'i skyon/ /mdza' bos mi snyan brjod pa dang/ /dpal nyams 'chi bar 'gyur ba yin/ /di dag nyes pa chen po ste/ /mkhas pas legs par brtag par bya/ /zhes sogs gsungs pa'i skyon rnams dang mi ldan pa shin tu gal che zhing/ gzhan yang tshad dang mi ldan pa'i lhar ye shes sems dpa' mi 'jug pa dang/ skyon can gyi sku gzugs de gang du yod pa'i sa phyogs kyi bzang po'i dpyad rnams kyang nyams par 'gyur ba sogs mi dge ba 'ba' zhig 'byung bar gsungs pas de lta bu ni gtsang ma'i sar dor bar bya'o/ <br> | |||
/drug pa ni/ rtsa ba yan lag tshon sbyor mdangs dang bcas/ /tshon sbyor la'ng rtsa ba'i tshon/ dkar/ ser/ dmar/ sngo/ <br> | |||
ljang gu lnga/ yan lag gi tshon 'bring po/ <br> | |||
/li khri sha kha na ros gsum/ /mon ma dud kha sa kha gsum/ /smug po rus kha gyu kha'o/ <br> | |||
/de dag re re la'ng nang gses mang du byar yod cing/ yan lag rgyas pa sum cu rtsa gnyis ni/ /dkar po dkar <br> | |||
<br> | |||
===Sheja Dzo Chapter 6.1 volume2 (page 264)=== | |||
<br> | |||
ser dkar dmar chu shl mdog /ser bo ser skya dmar ser li khri mdog/ dmar po dmar skya dmar smug rgya skag mdog /sngon po sngo skya mthing nag gyu kha mdog /lzang gu lzang ser lzang skya lzang nag go /sha kha ja kha mon kha thal kha dang/ /smug po smug nag na ros glo ba kha/ /dud kha re kha rus kha mun mdog go /zhes pa yongs grags kyi sbyor tshul te tshon gyi khyad par sogs las kyang mtha' yas par 'gyur ro/ <br> | |||
/gang ltar snum brjid bkrag gsum 'dzom na tshon sbyor legs pa'i tshad du bshad do/ <br> | |||
/mdangs la'ng btsam mdangs yungs zhi brdal 'dra/ 'bar mdangs ku sha'i rtse 'dra/ bshal mdangs 'za' tshon yal 'dra rnams dang/ bcad kyi tshul dang bcas pa rnams kyang re (aa: 132 ba) res re re ma bslad par dgos so/ <br> | |||
/bdun pa ni/ rnam 'gyur yul bkod so so'i lugs mthun no/ <br> | |||
rtsa ba'i pa tra rigs brgyad/ me ri rigs gsum gyis mtshon gzugs dang rnam 'gyur mi 'dra ba'i khyad par du ma rnams dang/ lhag par 'phags yul rgya nag bod yul sogs yul bkod so so'i lugs dang mthun par bya ste/ ji skad du/ khang bzang la sogs byang chub shing/ /me tog sna tshogs mchod pa'i sprin/ /rten 'brel ri mo rin chen phreng/ /bzo mtha' ma 'dres rang rang brgyud/ /rgya gar bzo yi khyad chos yin/ /mdzes ldan ri mo mdangs ldan par/ /bkra shis gzugs brnyan gos kyi rgyud/ /khri dang mtshar ba'i bye brag rnams/ /rgya nag bzo yi khyad chos yin/ /chu gnas srog chags mtsho dang dzing/ dri zhim nags tshal klu yi rdzas/ /sman spos lhab lhub ri mo rnams/ /kha che bzo yi khyad chos yin/ /'byung bzhi pa tra 'ja' dang sprin/ shing ljon rin chen snal ris rgyan/ /nam mkha'i srog chags lha yi rdzas/ /bal po bzo yi khyad chos yin/ /brag dang spang ri ri dwags dang/ /bla bre chun 'phyang mdzes pa'i rgyan/ /sna tshogs gzugs dang gangs ri'i khrod/ /gangs <br> | |||
<br> | |||
===Sheja Dzo Chapter 6.1 volume2 (page 265)=== | |||
<br> | |||
can bzo yi khyad chos yin/ /ces bshad pa sogs kyi rnam 'gyur lag tu longs pa dgos so/ <br> | |||
/gsum pa rten gzhal yas khang 'phros tsam smos pa ni/ rten gnas gzhal yas khang la blos bslang dang/ /bris thig yongs grags rdor phreng rjes su 'brangs/ /lha'i rten gzhal yas khang ni/ bi maa na'i sgra las gzhal du med pa ste/ mkha' 'gro rgya mtshor gzhal yas khang padma'i rnam pa can tu bshad pa dang/ theg pa chen po'i mdo sde rnams las thar pa chen po'i pho brang gi bkod pa tshad med par bshad pa sogs la 'jug cing/ 'dir lag tu blang bya rgyud sde rnams (aa: 133 na) las byang phyogs so bdun gyi dag pa sbyor ba'i ched du gru bzhi sgo bzhi rta babs dang bcas pa'i khang bzang gsungs pa kho na yin la/ de la'ng blos bslang dang/ bri cha'i rnam gzhag gnyis yod cing/ bris thig zhib cha shes na blos bsllos bslang la'ng 'bur dang gyen du bslangs pa'i khyad par sogs las spyi khog shes par 'gyur zhing/ spyir dkyil 'khor la tshad bcas dang/ tshad ma nges pa gnyis su gsungs/ dang po la'ng lha'i sgo nas tshad bzhag pa ni/ gur las/ rdo rje can gyi khru gsum ste/ sangs rgyas dkyil 'khor khru bzhi pa/ /khru lnga pa ni snang byed la'o/ <br> | |||
/gar dbang phyug gi khru drug pa/ /rta yi rgyal po khru bdun pa'o/ <br> | |||
/zhes mi bskyod rnam snang rin 'byung 'od dpag med don grub rnams kyi dkyil 'khor la khru gsum nas bdun gyi bar du gsungs pa dang/ 'dus pa rtsa rgyud kyi le'u bzhi par thugs dkyil khru bcu gnyis/ le'u bcu drug par sku dkyil khru bcu drug dang gsung dkyil nyi shu par gsungs pa lta bu ste rtsa thig gi ngos bzhi ka'i dbang du byas pa'o/ <br> | |||
/sbyin bdag gi sgo nas bzhag pa ni/ phreng bar rgyud kyi lung drangs pa las/ 'dzam bu gling gi dbang phyug gam/ /'khor los bsar ba'i rgyal po yis/ /kun nas dpag tshad mtha' ru <br> | |||
<br> | |||
===Sheja Dzo Chapter 6.1 volume2 (page 266)=== | |||
<br> | |||
ni/ /phyi rol dkyil 'khor bri bar bya/ zhes dang/ dza ya se nas/ dkyil 'khor khru ni brgyad par 'dod/ /gzhan dag rgyal po la khru brgya/ /mthar skyes rnams kyi de yi phyed. .gtso bo rnams kyi de phyed gsungs/ /tshong dpon rnams kyi khru bcu gnyis/ /sgrub po rnams kyi khru drug pa/ /zhes sbyin bdag gi 'byor pa'i khyad par la dpag par gsungs so/ <br> | |||
/gnyis pa ma nges pa'ng bzhi brgya lnga bcu pa las/ sems can bsam pa la brten nas/ /tshad la sogs pa nges mdzad kyi/. thabs shes las byung dngos grub (aa: 133 ba) la/ /tshad sogs nges pas ci zhig bya/ /de ni gru gcig nas brtsam ste/ /ji srid khru stong bar du bya/ /de ltar 'khor lo de thig gdab/ /ces dang/ rdor phreng sogs las kyang de mtshungs bshad pa ltar ro/ <br> | |||
/tshad can da lta lag len du byed pa la rgyud sde so so'i lugs srol a bha ya dang shrangdhaa ka ra'i bzhed srol gnyis yongs su grags shing/ de las kyang rdo rphreng gi rjes su 'brang ba mang la/ de'ng/ sgo tshad cha chen rnam grangs te/ /cha chen re la cha chung bzhi/ /de yi phyed la zhi bar grags/ /rdo rje phreng ba las gsungs pa'i/ /ring ba mda' yab mda' yab bar/ /dkyil 'khor 'khor dang bcas pa yi/ /nyis 'gyur cha chen nyer bzhi dang/ /cha chung dgu bcu rtsa drug go/ <br> | |||
/dadbyed go chas bzhed pa yi/ /thung ba rtsa thig rtsa thig bar/ /rtsa ba'i dkyil 'khor dngos kyi ni/ /nyis 'gyur cha chen bcu drug dang/ /cha chung drug cu rtsa bzhi'o/ <br> | |||
/rta thig dkyil 'khor dngos yin pas/ de yi brgyad cha sgo chad du/ /rgyud sde phal las gsungs bzhin grags/ /gdan bzhi sdom 'byung lnga cha dang/ /khams gsum rnam rgyal dgu cha dang/ /dkyil 'khor bkod par bcu char gsungs/ /sgo la'ng gnyis gnyis mnyam pa dang/ /gnyis mnyam gnyis mi mnyam pa dang/ /bzhi mnyma nyid dang rigs gsum bshad/ /rta babs tshad can tshad med 'dres/ /<br> | |||
<br> | |||
===Sheja Dzo Chapter 6.1 volume2 (page 267)=== | |||
<br> | |||
bar pa'i tshad la nges med kyang/ /rgyab la bris thang ci rigs 'byung/ /phyi ma zheng la sgo tshad gsum/ /dpang la nges med rin 'byung zhabs/ /'jig rten snang byed nyid du bshad/ /dang po snam bu bzhi ma ni/ /sgo tshad gcig ste rgya bod kyi/ /mkhas grub snga ma phal cher bzhed/ /phreng ba'i rta babs lugs bzhi la/ /dus kyi 'khor lo de yi lugs/ /snang bu bcu gcig tshul gsum (aa: 134 na) la/ /sgo tshad gsum pa'i rta babs la/ /gnyis mnyam dgu mnyam bya ba dang/ lnga mnyam gsum gsum mnyam pa gnyis/ /sgo tshad gcig la'ng phyi ma ltar/ /mnyam gsum lugs srol rnams su yod/ /sna tshogs rdo rje'ng yod med mang/ mkhas pa sgo drug phyin chad nas/ /gdan de nges pa can du byed/ /thog phub mchod rten mkhar thab dang/ /rgyal khab ri bo'i gur te bzhi/ /thig ring thig thung man ngag thig /mkhas pa'i lag len du ma 'byung/ /zhes pa ni dkyil 'khor bris 'bur spy'i lugs srol mdo tsam smos pa'o/ <br> | |||
/bris pa'i dkyil 'okhor la tshon rtsi'ng 'byor pa rab kyis indra nii la dang padma raa ga sogs mchog gi rin chen rnams kyi phye ma las bya dgos pa dang/ 'bring rnams kyis 'bras sogs 'bru sna tshogs kyi phye ma kha bsgyur ba dang/ tha mas me tog gi phye ma'm kham sa'm/ bla med la dur khrod kyi sol ba dang rus phye la sogs pas kyang bri bar rgyud rnams las gsungs shing/ da lta'i lag len la rdul tshon gyi bzo thabs kyang gnas dus dang bstun pa mang bas gang yang sla chos des chog tu ma song ba so so'i lag rgyun bzhin dgos pa dang/ phreng ba las/ sboms su sgo yi nyi shu char/ /re khaa yang dag drangs par bya/ /mnyam zhing drang po ma chad par/ /ji ltar rigs pa phan tshun gyi/ /bar gyi tshad ni nas tsam ste/ /'og dang steng ni ci mdzes bya/ /spom por bkyi na nad 'gyung ngo/ <br> | |||
/phra mo yis ni nor rnams nyams/ /yon po yis ni rnam par sdang/ chad na bla ma slob ma 'chi/ /gyas bskor min par bkye na ni/ /<br> | |||
<br> | |||
===Sheja Dzo Chapter 6.1 volume2 (page 268)=== | |||
<br> | |||
tshon rnams phur bus btab par 'gyur/ /zhes gsungs pa ltar bri nyes pa'i nyes dmigs rnams nges pas nan tan bskyed cing gzab ste bri dgos so/ <br> | |||
/brten pa lha mtshan dgod pa'i tshul yang kha cig gis sku kho na dgos par (aa: 134 ba) 'dod pa dang/ phal cher tshon spungs sam thig le kho nas chog par 'dod pa sogs snang mod/ dus 'khor 'grel chen las/ 'dir thams cad du rdul tshon khyi dkyil 'khor gyi nyi ma zla ba'i gdan rnams la rags pa dang phra ba dang gzhan gyi dbye bas dgod pa gsum ste/ de la gzhan gyi dbye ba ni sngags kyi sa pon dgod pa'o/ <br> | |||
/phra ba'i dbye ba ni sngags kyi sa bon yongs su gyur pa'i rdo rje la sogs pa'i mtshan ma dgod pa'o/ <br> | |||
/rags pa'i dbye ba ni rdo rje la sogs pa'i mtshan ma yongs su gyur pa'i lha'i gzugs dgod pa'o/ <br> | |||
/zhes dang/ klu byang gis/ ji ltar nus pas dkyil 'khor du/ /sa bon dgod bya yang na ni/ mtshan ma'm lha yi gzugs nyid de/ /lugs ma'm 'du byas dgos par bya/ /zhes dang/ smbu tti dang man ngag snye ma sogs las de bzhin gsungs pa dang/ spyi rgyud las/ blo dang ldan pas ma bslab par/ /phyag rgya rnams su dgod par bya/ /bslab pas kyang ni phye ba yi/ /yan lag rdzogs par rab tu dka'/ yan lag rdzogs shing rgyas byas na/ /cho ga'i las la ring du thogs/ /gzugs rnams legs par bsgrub na ni/ /mang po rnams ni zin mi 'gyur/ /yan lag nyams na byin mi rlobs/ /dngos mi 'grub pa rab tu bshad/ /de lta bas na mkhas pa yis/ /phyag rgya'i gzugs su lha rnams dgod/ /ces sogs gsungs te/ lha'i sku yongs rdzogs bris na ring du 'gor bas cho ga mi rdzogs par 'gyur la/ lha'i yan lag nyams na byin gyis mi rlob pas phyag mtshan bri ba nyid shin tu bsngags par mdzad cing/ da lta'i mkhas pa tshad ldan rnams kyi phyag len du/ gtso bo la sku/ 'khor rnams la phyag mtshan/ yang 'khor sgo ba sogs la sa <br> | |||
<br> | |||
===Sheja Dzo Chapter 6.1 volume2 (page 269)=== | |||
<br> | |||
bon dgod par mdzad pa ni shin tu legs shing spros pa 'tshams la/ yang phreng (aa: 135 na) ba las/ de la skal pa dang mi ldan pa 'dus pa na mtshan ma dang phyag rgya nyid zi ltar rigs par bri'o/ <br> | |||
/skal pa dang mi ldan pa med na lha'i sku bri bar bya zhing bris sku'm lugs ma'm bzo bos legs par 'du byas pa bzhag par bya'o/ <br> | |||
/zhes dang/ man ngag snye mar/ mu stegs can sogs ma dad pas mthong ba'i sar lha sku bri yang yum dang sbyor ba bri mi rung ba'ng bshad la/ phyag rdor dbang bskur las ni gtso bo la phyag mtshan dang/ 'khor rnams kyi gnas su thig le tsam dgod par yang bshad do/ <br> | |||
/gzhan yang mngon brjod las tshon nam yang na pir rnams kyis/ /bris pa rnams kyis rnam par spras/ /zhes gsungs pas/ sa bon sogs dkyil 'khor du dgod pa ni tshon nam pir ram smyu gus bris pas kyang rung ngo/ <br> | |||
/sgyu 'phrul lugs sogs brda don gzhan pa'ng yod/ gsang sngags snga 'gyur rdor sems sgyu 'phrul dra ba sogs bka' gter rnams las gzhal yas khang gi rnam gzhag bla med spyi khyab dang cung zad mi mthun pa'i brda dang don gyi khyad par gzhan pa'ng yod de/ gsang snying la mtshon na/ 'grel chung las/ gzhal yas gzhi dang rgyu dang rgya/ /dbyibs dang glo 'bur rtse mo dang/ /rgyan dang sgo khyud rta babs dang/ /mtshan nyid gdan gyi rnam pa ste/ /zhes dbye ba bcu gcig tu gsungs pa las/ rtse mo ni sgyu 'phrul rang lugs kyi khyad chos tog gi 'og tu dbyibs bum pa'i lto ba lta bu'i zlum po'i rnam pas bskor ba dang/ rgyan la yang/ 'og dang logs kyi rgyan dang ni/ /steng dang sgo dang phyi rol dang/ /ngo bo nyid dang bdag po'i rgyan/ /ces rnam grangs bdun yod pa dang/ rta babs la rgyu'i rta babs sgo khang gi nang sgo phub phyi nang gnyis su them skas bzhi ste bab zhon gyi rta babs brgyad du grags pa dang/ 'brs bu'i rta babs snam bu brgyad mar bshad pa sogs <br> | |||
<br> | |||
===Sheja Dzo Chapter 6.1 volume2 (page 270)=== | |||
<br> | |||
rnam par dbye ba mang ngo/ <br> | |||
/(aa: 135 ba) gnyis pa gsung rten bshad pa la gsum/ yig rigs spyir bstan/ bod kyi yi ge khyad par du dbye/ 'bri thabs bstan pa'o/ <br> | |||
/dang po ni/ gsung rten mdo las yig rigs drug cu bzhi/ /yul gling so so'i yi ge kun gyi mchog/ lnya war la sogs mgo rken kha do dang/ /khog pa kha gsum mgo rjes rags pa'o/ <br> | |||
/gsung gi rten bzo bos bzhengs par bya ba ni yi ge glegs bam yin la/ de'ng rgya cher rol pa'i mdo las yig rigs dug cu rtsa bzhir gsungs te/ de'ng/ tshangs pa kha ro sstti dang padma'i snying/ /aanga banga ma ga dhaa bkra shis/ /sor gdub saa ka ni dang swaa dhya ni/ /a hu rtsub mo 'gro lding mon yul dang/ /lho phyogs drag po grangs dang spyi'u tshugs/ /rjes mthun bha ri ddwa dang khya syaa dang/ /rgya nag hu na dbus dang rgyal gyi yig /lha klu gnod sbyin dri za mi'm ci/ /lto ';phye lha min mkha' lding bay rog skad/ ri dwags 'khor lo sa lha bar snang lha/ /nub brang shar gling 'degs bzhag rab bu bshag 'rgya mtsho rdo rje 'phrin dang rab tu 'phrin/ /rnam gzhan chungmin bstan bcos rtsis 'degs skor/ /rkang pas bris dang phyi ma'i tshig gnyis grub/ /phyi ma bcu grub bar sgrub sgra kun bsdus/ /rigs mthun rnam bsres drang srong dka' thub bdungs/ (25) <br> | |||
<br> | |||
===Sheja Dzo Chapter 6.1 volume2 (page 271)=== | |||
<br> | |||
gsal ba sa rab lta dang sman rgyu mthun/ /snying po thams cad kun tu bsdus pa'o/ <br> | |||
/de dag las tshangs pa'i yi ge la lnytsa na/ de la'ng khong seng dang sha chen gnyis/ de dang mthun pa dha ri ka'i yig rigs lnga/ mgo byen bzed na ga ra la rigs mi 'dra ba drug de'i mgo thur du bkug pa klu'i yi ge wardhu la/ rgya mtsho mtha' rnams dang drug cu rtsa bzhi po der dngos su mi 'dren pa kasmii ra mi 'dra ba gsum/ goo dda/ gha hu ra/ sindhuu/ gho la'i yig rigs gnyis/ ma ga dhaa yig ka ma ta'i yi ge pu kkang/ mrkko la'i yi ge zangs gling gi yi ge (aa: 136 na) srin po'i yi ge rnams ni bod du'ng 'dri ba'i rgyun byung bas mtshon yul gling so sor yi ge'i rigs 'dra min mtha' yas pa mchis pa kun gyi mchog ni lnya war gnyis yin la/ sogs khongs nas de dag gi 'bri tshul shes na na ga ra yig sogs la'ng dka' ba med cing/ bris thig zhib cha lag tu mi longs pas/ dkyus la mgo rke gnyis la smyu gu'i kha do/ <br> | |||
khog pa la kha gsum ste dpang smyug khams lnga/ ring cha dang po'i rgyab lag sogs min pai yig 'bru spyi zheng la rang khams gsum/ de dag kyang phal cher thog mar khong nas 'bubs shing mgo rjes su 'then pa ni 'bri tshul rags pa'o/ <br> | |||
/gnyis pa ni/ bod yig bzab chen bzab chung gzab chung 'bru che chung/ /bshur ma dkyus yig drug la thams cad 'du/ bod kyi yig rigs phyis su rim par dar ba'i rnam grangs mi 'dra ba mang yang/ rtsa ba gzab chen dang gzab chung gnyis/ 'bru chen dang 'bru chung gnyis/ bshur ma dkyus yig gnyis te drug la thams cad 'du'o/ <br> | |||
/gzab la sna ma gser leb rim pa dgu/ /gyu khri'i rjes 'brang sbal lugs mang lugs gnyis/ /bod yig gi mchog gzab ma'm dbu can la/ thog mar thu mi sang bho tta nyid kyi phyag bris sbal nag na la rgyangs pa 'dra ba dang/ <br> | |||
<br> | |||
===Sheja Dzo Chapter 6.1 volume2 (page 272)=== | |||
<br> | |||
de'i rjes su phyi dar rin chen 'bar zhes bya bas so phag gshibs pa lta bu dang/ de'i rjes su chab dkar be'u tshes bya pho 'jol ba lta bu dang/ de'i rjes su gtsang dge bsnyen dbang gis nas nag bkram pa lta bu dang/ de'i rjes su 'bre'o khrom zhes pas mu tig bstar la brgyus pa lta bu dang/ de'i rjes su tshe spong byang chub kyis sbur nag bgrad pa lta bu dang/ de rjes su the yon tan bya bas nya chu nas phyungs pa lta bu dang/ de'i rjes su gra rgod rnam gnyis zhes pas seng ge gnam du mchong ba lta bu rim par bris pa ste de rnams la sna ma zer/ bstan pa phyi (aa: 136 ba) dar gyi thog mar sgro nya sha ri zhes pa dang mthong ba rdo rjes dpon slob kyi ring la gsar leb grub bzhi ste rim pa dgu byung/ de'i rjes su khyung po gyu khri 'bar zhes bya bas dkyil 'khor gyi thig la dpe blangs nas cha chen cha chung du bgos pa sogs thig dang smyu gu shog chag 'bri lugs sogs kyi bstan bcos byas te slob ma bsam gyis mi khyab pa bskyangs/ de'i nang nas sbal lugs dang mang lugs gnyis su gyes te da lta 'phan yul dang ngor du yod pa rnams yin par grags so/ <br> | |||
/gces brgyad 'don bcu ma chos nyer gcig dang/ /bu chos bcu drug spyi chos gsum ldan bya/ /lugs de rnams kyi spyi la gces pa brgyad ni/ snag lam zlum la sgros chags gces/ /gcig pur skyes la dpung thung gces/ /gdags pa can la zur thig gces/ /stod phubs can la pho ba gces/ /smad phub can la khong 'dren gces/ /rkang pa rtar zhon phyi 'brang gces/ /yar phul mthar rgyas sgros gnon gces/ /mig can dag la rke gtsang gces/ /zhes dang/ 'don pa bcu'm bcu bzhir yang grags pa ni/ bang mgo la 'don/ mkhrang dpung pa la 'don/ sgros sbo them la/ bshan mar 'then la/ spyang khog pa la/ hram snag sna la/ hur mig 'dril la/ gyer yar 'phul la/ yang ya btags la/ grung zags mchu la/ bzang mgo <br> | |||
<br> | |||
===Sheja Dzo Chapter 6.1 volume2 (page 273)=== | |||
<br> | |||
dpung la/ 'dzum dkar nag sna la/ mnyen bsnol mtshams su/ 'khyug yan lag la 'don pa rnams dang/ ma chos nyer gcig ni/ mgo rab thag zlum gris bcad 'dra ba/ 'bring ka gzhu/ tha ma tshag mgo ste mgo gsum/ dpung rab thugs kar rdor 'dzin/ 'bring mda' 'phen/ tha ma lag chag 'phred nyal te dpung gsum/ sbo rab sgros chags gri ltag 'dra ba/ 'bring spu thag sgrim 'dra/ tha ma grog sked 'dra ba ste (aa: 137 na) sbo gsum/ zag mchu rab gsegs sbyor thung rno/ <br> | |||
'bring 'gye'o phag sna/ tha ma rgun po glang sna ste zag mchu gsum/ rab rgya khab bslang 'dra/ 'bring rnga dbyug 'phyar 'dra/ tha ma lag mgo bcad 'dra ste yar 'then gsum/ rab sgo lcags rkang 'dra/ 'bring khyi gu'i mjug 'dra/ tha ma 'bu mjug sbrang rkang 'dra ba ste mar 'then gsum/ rab nya mig 'bring nas 'dra/ tha ma zur gsum khro mig ste mig gsum bcas nyer gcig bu chos bcu drug ni/ gnyis chod 'dzum la mtho dman med pa na ro'i chos gsum/ gsegs kyis gzhol ba stod smad phyed pa ste 'greng bu'i gnyis/ zlum 'dril 'khyug pa ste gi gu gsum/ gdags pa can/ ldan thabs brkyang pa/ mdung tshugs gsum sbrel ldan pa ste zhabs kyu'i gsum/ rta sbrel 'phangs ma bskyil ba ste ra ta'i gnyis/ 'khyug snyoms 'degs la dkyil yangs te ya btatt kyi gsum ste bsdoms pas bcu drug gzugs dkyus su ma gol ba/ dkyus nyid tshang nas ma yar ba/ gzugs dkyus shan phyed pa ste spyi chos gsum dang ldan par bya zhing/ de'ng thig sgrom gru bzhi lag len ltar btsal la/ phub dang dpung pa cha gcig zag mchu cha gnyis/ cha gsum rkang pa ste/ ca cha ra ' ring ba skyon/ da na zha gsum ring thung gnyis ka skyon/ ka ga sha gsum thung na skyon yin la/ 'dogs 'brel cha bzhi/ steng gi yan lag cha gnyis/ thig shing logs la cha drug tu byus la skyon rnams spangs te bri bar bshad pa ni rags <br> | |||
<br> | |||
===Sheja Dzo Chapter 6.1 volume2 (page 274)=== | |||
<br> | |||
pa yin te/ zhib par lag len las rtogs dgos so/ <br> | |||
/'bru chen li lugs ldan lugs rim mched mang/ /bod yig gshar ma rnams kyi mchog tu gyur pa 'bru chen la li lugs kyi bris rgyun chad/ ldan ma rtse mang gi lugs yin pas sam/ yi ge tshad dang ldan pas ldan lugs zhes pa thig tshad che ba'i khongs nas drangs pa dang/ (aa: 137 ba) dbyibs 'dra'ng thig tshad chung ba'i 'bru chung/ de nyid la yig 'bru bco brgyad tsam 'dra min yod pa'i 'bru tsha rnams ni sngon gyi rtsa ba'i yig rgyun yin la/ de las mched pa tsheg ltar gru bzhi bsgritt pa tsheg bris/ de las 'jam pa zlum bris/ de'i sug po dang yan lag ring du btang ba 'ba' ho/ <br> | |||
de las thung du btang ba la sug thung/ de las mnyen gra ris/ sug po nang 'then rnams bkug pa sum cha chags/ de las mnyen pa sug skor/ de las bde ba phrin yig dkyus ma/ de rnams la'ng yul so so'i lag rgyun mi 'dra ba ni ches mang ngo/ <br> | |||
/gsum pa ni/ cha tshad bri gzhi snag smyug mkhas par bslab/ /gtsang sgrod dag pa che phra kun la bces/ /gsung rab gzab sogs go rim 'dzol med 'bri/ yig rigs gzhan pa mtha' yas spror mi langs/ /yi ge 'bri ba'i thog mar cha tshad dang dbyibs la bslab pa gal che ste/ de'ng gsung rab mang du bri ba'i yig mkhan rnams la dbu can 'bru can 'bru ma tsheg sgrig zlum ris rnams gces/ dge ba'i bshes gnyen rnams la sug thung dang gra ris gces/ sde dpon rnams la 'ba' ho dang sug skor bces/ skye bo gzhan rnams la 'phrin yig gces par bshad pas rang rang la mkho ba de nyid khyad par du sbyang bdar bya/ byang nas bri ba'i skabs su 'bri gzhi shog bu/ 'bri byed mtshal snag smyu gu'i bya ba rnams sngon gyi bstan bcos rnams dang lag rgyun khungs dag las 'byung ba bzhin mkhas par bslabs nas gzab ste lag tu blangs pas sngon <br> | |||
<br> | |||
===Sheja Dzo Chapter 6.1 volume2 (page 275)=== | |||
<br> | |||
gyi mkhas pa'i lag rjes la 'gran bzod par 'gyur ro/ <br> | |||
/de dag kyang sngon rabs kyi bstan bcos las tshig tshogs rgyas bsdus dang/ lag len gyi bye brag mtha' yas pa 'byung ba las/ da lta lag len du byed pa rnams bsdus te bkol nas phyogs tsam bshad na/ yi ge 'bri ba'i gzhi dang ni/ /'bri ba'i (aa: 138 na) lag cha 'bri rdzas gsum/ /dang po la yang rab 'bring tha/ /rab ni shog ldum dung lo ma/ /sa nag shug pa yod pa dang/ /rdza brag med sar skyes pa legs/ /bye ma sa dmar gyam pa'i nang/ /skyes pa mdog ser tshos dka' sra/ /shun mthug 'bu yod dman pa'o/ <br> | |||
/legs par btus nas sa rdul bkru/ /phyi shun brad brdar snying po blang/ /bya rdo bsregs pa chu 'khyag tu/ /'phangs te dkrugs la gar sla ni/ /dar ba tsam byas lce thog tu/ /rgya tshwa ltar 'bigs legs pa'i rtags/ /lam du ma song ngar mi 'byung/ /de nyid grung gzhug snyigs med kyi/ /khu ba'i nang du shog ldum btso/ <br> | |||
/thal khus btsos kyang mtshon tsam 'ong/ /tshos nas rdo gtun mkhregs par brdungs/ zan ltar gyur nas kha rie'i tshad/ /cha bsgos snod du de mnyam gyi/ /chu dang lhan cig dkrugs pa de/ /ma rnyog dwangs pa'i chu 'khyil nang/ /shog bre ma yo bzhag la blug /rgyu 'dis srab mthug gang yang legs/ /'bring ni a ga ru'i shun pa/ /sngo bshus byas pa'i bar shun de/ /yud tsam bcos la khu thog pho/ <br> | |||
/btso brdung dkrugs blug gong dang 'dra/ /glegs bam shog mthug khyad par bzang/ /tha ma re'u lcag rtsa ba brko/ <br> | |||
/phyi skobs nang snying bsal ba yi/ /bar shun rdo khus btso bar bya/ /thal khus btsos na bal ltar lhod/ /dug 'don a ru thun gcig 'debs/ /'di yang bye ma sa 'bol dang/ /sa nag snyi sar skyes pa bzang/ /yig bskur 'bri ba'i srab shog las/ /glegs bam ha cang legs mi 'gyur/ /yul phyogs tha dad nas 'byung ba'i/ /shog bu bzang ngan (23 <br> | |||
<br> | |||
===Sheja Dzo Chapter 6.1 volume2 (page 276)=== | |||
<br> | |||
sna tshogs pa/ /rgyu dang bzo thabs byed pas te/ /mang du spros kyang dgos pas dben/ /de nas nag dri 'dzar 'dzer sogs/ spu gcod rdo ni dkar sob kyis/ /drud bdar bug brdol (aa: 138 ba) med pa bya/ /shog rgyu gtsang na brdung zin rjes/ /drud pas sa rdo'i ra ri 'don/ /mdog dkar khams 'dzin legs par bshad/ /gang ltar sad rul med pa'i gro/ <br> | |||
/chu tshan gyis bkrus zhib par btags/ /chu nang 'o ma lta bur dkrugs/ /lbu ba gang byung bcad la dor/ /cung zad grungs bcug yun ring du/ /bzhag na sla ba'i nyen yod do/ <br> | |||
/gro phye zhag grangs nyi shu yan/ /rnying pa dam rtsi lhod pas spang/ /dwangs ma cha gnyis bgos pa yi/ /cha gcig tshos par bkol la phog /cha gcig bsres la rlung med cing/ /nyi ma tsha dang rlan yod kyi/ /sa ru shog gu drangs nas bskam/ /yang na sla tshos bag chu la/ /dar ba mar tshag bzhi cha bsre/ /cung zad drangs nas 'dren par bya/ /ha cang tshan na shog gu chad/ /grang na dam lhod skyo mas gos/ /skam thag chod nas sa rdul bsal/ /sngo dang bye mas sbang bshad kyang/ /skyon re yod pas skam po kha/ /bcu re'i bar du chur bcug pa'i/ /rlon pa re re bzhag nas mnan/ /ring na zhag gcig thung na yang/ /ja sbyor yun tsam bzhag nas su/ /yang bsdams yang bsre skam rlon snyoms/ /mchin pa lta bu'i rdo 'jam steng/ /gyag rwa snum dreg med pas brdung/ /ma 'dzom shing gi stan gtun ni/ /'jam pos brdungs kyang skyon mi byung/ /bag chu che na bag chu byugs/ /chung na mur spyin btang bar bshad/ /skam po cung zad dbur dka' la/ /nem yod tsam de sla zhing legs/ /dbur gdan mi 'gul brtan pa dgos/ /dung sngo mchang la ri mo mang/ /khyad 'phags gser phra'm gzi yin la/ /ma rnyed gyag rgod rwa co ni/ /gnag cing snum pa des kyang rung/ /rig shing drang zhing snyoms pa la/ /dri bzang yung <br> | |||
<br> | |||
===Sheja Dzo Chapter 6.1 volume2 (page 277)=== | |||
<br> | |||
ba skyer shun gyi/ /khu bas byang chub rgyun lam dang/ /phyi nang thig skor mtshal gyis (aa: 139 na) gdab/ /rgyas bsdus glegs bam che chung bstun/ /zub dang mi snyoms 'khogs pa skyon/ /'bri ba'i lag cha rgya smyug ni/ /sdong po cher skyes sha mthug lci/ /mdog ser ma 'chus sbu gu med/ /rtsi 'jam sos mnan 'dren pa ni/ snag gser yig rigs kun la bsngags/ /'jang smyug mdog nag sbu gu can/ /sib ces dkyus yig 'bri la bde/ /lcags smyug gsung rab gtos cher bzang/ lho smyug rong smyug legs pa'ng rung/ /smyug rnams yun ring dud khang du/ /btags la ba rkang rnying pa rab/ /ma rned rkang mar rnying pas byugs/ /yos tshan nang bcug 'jam gyis phyi/ /rus pa lta bur mkhregs par 'gyur/ /bzo gnas legs nyes gri la rag /lcags rigs bzang zhing zhun thar thon/ /rno mnyen ngar gsum 'dzom pa'i gri/ /rtse dang so rno grang bag zhol/ /ltag pa drang zhing srab pa ni/ /bdar rdo srab mnyen ran pa la/ /phyi la khal gcig nang du drug /bdar bas rno tshad spu gshog nus/ /ha cang bdar na rdul du 'gro/ <br> | |||
/cung zad btsugs bdar mthug rno 'byung/ /smyu gu mtho bas mi ring zhing/ /mdzub bas mi thung phra sbom ran/ /mtheb mdzub tshad sbyar 'grims bder gzhog /rtse sor phyed gnyis gzhal ba'i sar/ /sum gnyis rdzing la sum gcig mchu/ /gzob 'dod gas chung mgyogs 'dod che/ /rdzing 'dra yur ba 'dra ba zhes/ /rgyab nas bltas te gyas gyon snyoms/ /rdzing mchu ha cang mi srab la/ /bcad kha gyen gseg rim gcod bya/ /gsum ldan lnga 'dzom zhes pa'i don/ /smyu gu mchu la mkhas gyur na/ /yi ge'i 'bru la mkhas par bshad/ /yig gzugs bzang ngan lag pa'i rgyu/ /mgyogs dal sbyangs pa che chung ste/ /dag ha rnam rtog rgod gyung gtso/ <br> | |||
/mtheb mdzub shed snyoms (aa: 139 ba) 'phur 'dzum ran/ /chig 'then shes dang drang myur ldan/ /<br> | |||
<br> | |||
===Sheja Dzo Chapter 6.1 volume2 (page 278)=== | |||
<br> | |||
sgros dag skyen gsum 'dzom pa mchog /bri ba'i rdzas ni snag mtshal gnyis/ /dang po snag tsha'i rgyu rab ni/ /mar nag me tog bsags pa'm/ /sgron shing 'bring ni nya sbrid pa'i/ /shun pa de gnyis sngo bshus bya/ /gro ga'ng de dang phyogs mtshungs la/ /tha ma thang tshil rgan ches khrag /gzhon ches 'byar bag can min pa/ /tshil bu 'dra de mang du bsags/ /brtsigs thabs 'khor mo'm bru thab steng/ /rdza khog zhabs rdol lnga bdun brtsegs/ /thab nang shing la me sbar ba'i/ /'og ma'i dregs pa dman pas spang/ /gong ma rnams kyi dud pa bsdu/ /chags dka' 'grim rdur 'byung bas na/ /dben pa'i gnas su gzab ste bya/ /lcags snod spyin chu'i dwangs ma la/ /btab ste me steng cung zad dkrugs/ /spyin bzhur khu ba blug la mnye/ /bre re nyin rer 'dur ba dang/ /tsheg sgrags na tshad du bshad/ /'on kyangshed mnyam ran pas 'dur/ /ji tsam song ba de tsam legs/ /skam thag yangyang gcod pa ni/ /mtshal snag man ngag mtchog tu bzung/ /gar sla zan tsam gyur pa'i dus/ /lag par 'byar na dam chung la/ /sra zhing 'thas na che ba'i skyon/ /sha rjes dod cing mi 'byar ba/ /dam lhod ran pa'i tshad du bzung/ /gzhan yang snogn rabs bstan bcos las/ /ma nu ru rtags 'jam zhing sme/ /tsandan khu bas smyu gus 'dzin/ /rgya skyegs dmar mdangs 'od du 'tsher/ /gla rtsis rgyun du dri bzang 'thul/ /dbang lag sug pa'i khu bas ni/ /'od 'bar dam 'byor bla na med/ /spyi bzhur khu bas shin tu rgyug /ga bur chu yis dbyar mi rul/ /sga skya pi ling khu bas ni/ /dgun gyi dus su 'khyag mi 'gyur/ /zhes sogs bshad cing thang grags dang/ /gro nas (aa: 140 na) yos tshig khu ba sogs/ /sre ba'i lag len mang na yang/ sug pa spyi bzhur sogs 'ga' las/ /phal cher skyon dang bcas pa nyid/ sbyor sde mang bas legs pa min/ /rgyu bzang <br> | |||
<br> | |||
===Sheja Dzo Chapter 6.1 volume2 (page 279)=== | |||
<br> | |||
gnad shes las nus dgos/ /phon nyung bzo na mi gzhon gyi/ /lag par 'phur mnyed byas pa mchog /mtshal rab bcag mtshams shesl dkar 'dra/ /'bring po dmar dwangs tha ma smug /dkar 'jam gtun nang phram phrum brdung/ /a ru'i dwangs chu mtshal nub blug /lan gsum bar du kha chu pho/ <br> | |||
/gtun skor cung zad bya bar gces/ /de nas yun ring bar du sbyang/ /rgya spyin rab yin ma rnyed na/ /spyin sad khu dwangs blug la bsdu/ /mgyogs 'dod mtshal phye spyin chur sbyar/ /gya' med snod du dal bus mnye/ /shed drag nag por 'gyur pas na/ /mtshal la mi rgan lag stabs gnad/ /gang yang sbyar nas 'bri ba'i tshe/ /ka pi drug sbyor 'dod pa na/ /gya' dri med pa'i snod gtsang mar/ /mtshal gyi sum gnyis ka pi dang/ /spyin chu sum cha tsam gcig blug /yun ring bar du nyi mar bdug /rgya tshwa zho tshad tshwa la ni/ /tshwa 'debs spos dkar thal tsam btab/ /de dag yon tan rim bzhin du/ /'od 'phro dam byed gsher bag gcod/ /dmar 'tsher bde la skam rtsi byed/ /'grim dka' ser na chu gtsang blug /mdangs skya smug na ka pi bsnan/ /de la ka pi sbyor ba'i thabs/ /dpyid dam ston mjug brkos pa yi/ /lug sug gad bdar legs byas la/ /lcags min snod du btso zhing bzhur/ /tshags btsags gong gi rdzas rnams btab/ /dal 'jam dkrugs shing me la gdu/ /sum sbyor mtshal dang ka pi la/ /rgyal mo ka ra cung zad 'debs/ /mdangs legs dkyus kyi lag len te/ /mtshal spyin gnyis sbyor stabs bde'i bzo/ <br> | |||
/gang (aa: 140 ba) yang me yis ma gdung gces/ /gzhan yang bya yi sgong spri dang/ /chu ser dwangs ma sbyor ba sogs/ /'phral bde legs kyang skyon can spang/ /lo grangs lon kyang mdangs ma yal/ rlan dang phrad kyang 'byar 'gos med/ /bkrag snum 'od ldan mtshal snag ni/ glegs bam 'bri ba'i bcud mchog go/ <br> | |||
/de ltar yang ngag <br> | |||
<br> | |||
===Sheja Dzo Chapter 6.1 volume2 (page 280)=== | |||
<br> | |||
rgyun las/ snag shog smyu gu mi gzob par/ /yi ge gzob 'dod yig mkhan 'khrul/ /zhes bya ba yin pas rgyu dang lag cha gzab cing/ snag lam gtsang ba/ 'bru khog sgros pa/ chad lhag nor 'khrul med pa'i dag pa gsum ni 'bri bya che phra kun la shin tu gces so/ <br> | |||
/go rim yang gsung rab chen po dag la bzab chen gzab chung/ /rgya gar mkhas pa'i gzhung 'grel rnams 'bru chen/ bod kyi gzhung lugs rnams 'bru chung ste che ba'i dbang gis 'dzol med du 'bri ba gna' bo'i lugs bzang yin cing/ yig gsar/ brda yig gter yig gis mtshon pa'i yig rigs gzhan pa ni mtha' yas pas 'dir spror mi langs so/ <br> | |||
/gsum pa thugs rten bshad pa la bzhi/ mchod rten gyi dbye ba spyir bstan/ lag tu blang bya bye brag tu bshad/ /lugs srol khyad par can 'phros su smos/ phyag mtshan 'phros don bcas 'chad pa'o/ <br> | |||
/dang po ni/ thugs rten rang bzhin lhun 'grub bla na med/ /byin rlabs dngos grub theg pa so so lnga/ /thus sam chos sku'i mchod rten ces spyi ming bye brag tu btags pa 'di la spyir rang bzhin lhun gyis grub pa dang/ bla na med pa dang/ byin gyis brlabs pa dang/ dngos grub 'byung ba dang/ theg pa so so'i mchod rten lngar bshad pa'i dang po ni/ rdo rje bkod pa'i rgyud las/ 'dod khams dbang gi ri bo la/ /gzugs khams bang rim khri 'phang (aa: 141 na) can/ /gzugs med bum rten bum par bcas/ /sku gdung chen po rgyun du gnas/ zhes dang/ lung mchog bla ma las kyang phyi snod nang bcud mchod rten gyi rnam par bshad pa dang/ dus 'khor las/ dkyil 'khor bzhi po bang rim dang/ ri nab bum pa dang/ ri rab kyi mgrin pa dang gdong man chod bre dang/ de yan skra chos 'khor char khebs kyi rnam par gsal bar bshad pa lta <br> | |||
<br> | |||
===Sheja Dzo Chapter 6.1 volume2 (page 281)=== | |||
<br> | |||
bu'o/ <br> | |||
/gnyis pa ni/ tshad med mtha' yas las byung 'bras/ /shar du byams pa rte rje brtsegs/ /lho ru snying rje rin chen brtsegs/ /nub tu dga' ba padma brtsegs/ /byang du btang snyoms rgya gram brtsegs/ /rang byung rin chen snang ba'o/ <br> | |||
/zhes pas/ shar du byams pa tshad med rdo rje mtha' yas brtsegs pa la sogs pa bzhir thig le dbang gi rgyud ces bya ba las bshad par grags so/ <br> | |||
/gsum pa ni/ 'khor lo 'byung ba'i rgyud du grags pa las/ byin rlabs sku gdung cha brgyad gling bzhir snang/ /zhes pa'i 'grel par/ shar lus 'phags na/ byin ldan snyoms gter dang/ mthar legs gyung drung tog gnyis/ lho dzmbu gling na thugs rje sprul pa dang/ yid bzhin lhun grub gnyis/ nub ba lang spyod na dpe med bsam 'das dang/ rmad grags chos dbyings gnyis/ byang sgra mi snyan na yon tan rin chen brtsegs dang/ khams gsum bde rgyas sgron me'i mchod rten gnyis bzhugs par bshad do/ <br> | |||
/bzhi pa ni/ bdud rtsi mchog gi rgyud las/ ro yi srung ma chen mo ni/ /ma mo chen mo brgyad bzhag go /de dag rten gnas chen mo yang/ /mchod rten brgyad du rnam par bzhag /ceas pa'i 'grel par/ sngon he ru kas drag po btul ba'i tshe yul brgyad kyi dur khrod du ma mo brgyad kyi rten dngos grub 'byung ba'i mchod rten brgyad 'byung ba ni/ ma ga dhaar bde byed/ singga lar ri bo ta la/ bal por bya khri kha shor/ sing (aa: 141 ba) ga gling du ge'u do sha/ li yul go ma sa la gan dha/ kha cher ka na ka za hor du bde spyod gzhon nu'i mchod rten no/ <br> | |||
/lnga pa la/ nyan rang theg chen gyi gsum mo/ <br> | |||
/dang po ni/ chos gos bzhi bltabs kyi steng du lhung bzed sbub pa la mkhar gsil btsugs pa lta <br> | |||
<br> | |||
===Sheja Dzo Chapter 6.1 volume2 (page 282)=== | |||
<br> | |||
bu'o/ <br> | |||
/gnyis pa ni/ rmang gru bzhi'i steng du ngos grub zhi bang rim zlum po bcu gnyis pa 'khor lo rtsibs brgyad pa can no/ <br> | |||
/gsum pa ni/ slob dpon 'phags pa klu sgrub kyis lhung bzed sbub ba lta bu bim pa'm zlum po dang/ khang bu lta bu dang rgyal mtshan lta bu'i mchod rten brgyad la sogs pa gsungs/ rgyud sde so so'i dbang du byas nas bya spyod kyi mchod rten bang rim nang du bcag cing phyir 'bur ba'm/ dbus 'bur la mtha' gnyis nang du bcums pa 'khor lo bcu gnyis la sogs pa'ng bshad par grags/ rnal 'byor rgyud kyi sngar bshad pa'i rdo rje brtsegs pa sogs dang bla med kyi dus 'khor nas gsungs pa sogs so/ <br> | |||
/gnyis pa lag tu blang bya dngos la gnyis/ thun mon g dang thun min no/ <br> | |||
/dang po ni/ lag tu blang bya so skye nyan rang rgyal/ /lung las 'byung zhing/ /de ltar bshad pa rnams las da lta lag tu blang bya dngos ni/ so skye nyan thos rang rgyal rgyal ba'i mchod rten rnams te/ de'ng so so'i skye bo la gdugs med pa'i byi bo'i/ /nyan thos kyi 'bras bu'i grangs kyi gdugs/ rang rgyal gyi gdugs bdun/ sangs rgyas kyi gdugs bcu gsum/ char gebs tog dang bcas pa rnam pa thams cad par bzhengs pa 'dul ba lung las gsungs te 'dir gdugs ni chos 'khor dang/ char khebs ni gdugs la ngos 'dzin dgos so/ <br> | |||
/rgyal ba'i bchod rten brgyad/ /cha tshad nges med 'on kyang dri med 'grel/ /bod kyi mkhas pa phal cher dpang por byed/ /de la'ng cha chen bcu drug pa la sogs/ /dpang dang de (aa: 142 na) phyed lhag bcas rgya tshad smra/ /bye brag brgyud pa'i man ngag tu nang du chos kyi ring bsrel tsam bzhugs na thams cad kyang chos sku'i mchod rten du 'gyur bar bzhed pa'i phyir/ rgyal ba'i mchod rten rnam pa thams cad pa nyid deng sang bzhengs pa lhur byed pas de <br> | |||
<br> | |||
===Sheja Dzo Chapter 6.1 volume2 (page 283)=== | |||
<br> | |||
la'ng tshems dang dbu skra sen mo ring bsrel gyi mchod rten sogs bcom ldan 'das bzhugs pa dang ma bzhugs pa'i tshe dang ldan rnams kyis brtsigs pa'i dbyibs dang rnam pa tha dad pa mang ba las/ gtso bor/ sprul pas mdzad pa sngon bstan phyir/ /mchod rten brgyad du sku gdung bzhag /ces las kyi mtha' brjod pa'i mdo las gsungs pa ltar ston pa'i mdzad pa khyad par can gtso bor gyur pa dag bstan pa'i tshe yul lzongs so so'i skye bo rnams kyis mchod rten brtsigs te dus ston gyi srol tshugs pa las/ dpal mgon klu sgrub kyis yongs grags dang mthun par gnas brgyad kyi mchod rten la bstod pa dang rnam gzhag mdzad pa ltar mchod rten brgyad du yongs su grags pa ste/ dang po/ <br> | |||
bdag cag gi ston pa sku bltams pa'i tshe grong khyer ser skyar byung ba bde gshegs mchod rten nam/ bkra shis 'byung ba'i mchod rten zlum po padma'i 'dab ma can gyi bang rim bzhi'm/ bdun brtsegs pa pad 'dab kyis spras pa/ gnyis pa rgyal po'i khab tu mngon par byang chub pa'i tshe byang chub chen po'i mchod rten gru bzhi bang rim bzhi pa/ gsum pa wa ra nnaa sir chos 'khor bskor ba'i tshe ye shes mchod rten nam chos 'khor mchod rten du grags pa gru bzhi bang rim bzhi glo 'byur dang bcas pa sgo rab brgya rtsa brgyad/ 'bring ba drug tha ma bcu drug pa/ bzhi pa mnyan yod dze taa'i tshal duchos 'phrul bstan pa'i tshe mu stegs pham byed kyi mchod rten nam cho 'phrul mchod rten gru bzhi bang rim bzhi pa phyogs rer 'byur dang bcas pa'm/ 'di'ng zlum po bang rim bzhi pa pad 'dab can/ (aa: 142 baf) lnga pa yangs pa can gsal ldan du byung ba ston pa sum rtsen du dbyar gnas mdzad de yum bden pa la bkod cing snga dro dgag dbye mdzad/ phyi dro dzambu'i gling du phebs pa'i tshe lha babs mchod rten nam sum cu rtsa gsum lha'i mchod rten du grags pa/ bang rim bzhi'm brgyad pa ngos rer glo 'byur <br> | |||
<br> | |||
===Sheja Dzo Chapter 6.1 volume2 (page 280)=== | |||
<br> | |||
dang bcas pa'i glo 'bur gyi dbus na them skas yod pa/ drug pa rgyal po'i khab tu lhas byin gyis dge 'dun gyi dbyen byas pa mchog zung gis 'dums pa'i tshe dbyen zlum mchod rten nam 'od zer can nam/ byams dngos mchod rten du grags pa bang rim bzhi pa gru bzhi'i zur bzhi mnyam par bcad pa lta bu/ bdun pa yangs pa can du sku tshe'i 'du byed zla ba gsum du byin gyis brlabs pa'i tshe byin rlabs mchod rten nam/ rnam rgyal mchod rten du grags pa zlum po bang rim gsum pa/ brgyad pa grong khyer rtsa can du mya ngan las 'das pa'i tshe myang 'das mchod rten du grags pa bang rim med pa gdan khri'i steng du bum gdan yan chad bzhugs pa rnams so/ <br> | |||
/spyir mchod rten gyi tshad dbyibs nges pa med de mdo sde rnams las sangs rgyas kyi ring bsrel bzhugs pa'i mchod rten dpag tshad kyi rgya khyon gsungs pa dang/ yang mchod rten ni skyu ru ra'i 'bru tsam/ gdugs ni rgya shug gi lo ma tsam/ srog shing ni khab tsam zhes khang bu brtsegs pa'i mdo las bshad pas rang rang gi sems kyi stobs dang 'byor pa'i khyad par la dpag go /'on kyang bzo nyes 'gog pa'i slad du cha tshad kyi lag len gal che bas de'i tshul gtsug tor dri med kyi 'grel pa rgya gzhung du grags pa la bod kyi mkhas pa phal cher dpang po byed cing/ bu ston/ stag tshang lo tsaa/ sprul sku 'phrang kheb dpal ldan bzang po sogs kyis cha tshad kyi bstan bcos mdzad/ de dag gi legs cha bsdus pa mi dbang sangs rgyas rgya mtsho'i cha tshad nyid da lta kun la rgyug che zhing/ dri med kyi (aa: 143 na) lugs de la'ng rmangs dge ba nas tog gi bar cha chen bcu drug gis gzhal ba dang/ sogs khongs nas bad chung yan la cha chen bcu gnyis dngos su bstan/ seng kyi phyin chad mdzes cha btsal bas lugs srol mang du gyur par snang ba de dag dpang gi tshad dang/ dpang gi phyed dang/ dpang gi phyed las cung zad lhag pa rgya tshad du smra ba <br> | |||
<br> | |||
===Sheja Dzo Chapter 6.1 volume2 (page 285)=== | |||
<br> | |||
sogs snang ngo/ <br> | |||
/rje brgyad pas ni dus 'khor ye shes le'u'i tshad las dpags te mchod rten brgyad kyi thig tshad kyad par 'phags pa gsal bar mdzad pa ni nyi ma chen po'i me long du lta'o/ <br> | |||
/dir mkho ba'i brda khyad ni/ gdan gyi sa 'dzin theg skas gsum/ /thig gdan seng khri bad chung dang/ /gzungs sa bad chen rmangs dge ba/ /de steng spyi la bang rim bzhi/ /bum rten bum pa bre rten dang/ /bre 'degs padma 'od zer phreng/ /pho 'khor mo 'khor bcas bcu gsum/ /thugs rje mdo gzungs zhu rgya gram/ /gdugs dang char khebs zla phyed nyi/ /nor bu tog dang bcas pa'o/ <br> | |||
/'di rnams kyi rnam dag slob dpon shhinta grbha'i mchod rten gyi cha dbye ba las gsungs pa'i don ni/ bad gzungs rjes su dran pa drug /bad chen dge bcu rmangs tshad med/ /yang na de gnyis ldog pa'ng bshad/ /bang rim bzhi po rim pa bzhin/ /dran pa nyer gzhag yang dag spong/ /rdzu 'phrul rkang bzhi dbang po lnga/ /bum rten stobs lnga bum pa ni/ /byang chub yan lag bre 'phags lam/ /rgyu yi chos rnams rnam par dag /srog shing kun rdzob pha rol sems/ /rjes dran bden bzhi zad mi skye/ /shes pa bcu yi ngo bo dang/ /padma thabs dang shes rab ste/ /'khor lo stobs bcu dran nye gsum/ /char khebs thugs rje tog chos sku/ /mchod rten nyid kyi ngo bor bshad/ /rgyan rnams rgyal ba'i yon tan te/ /rdo ring mi 'jigs bzhi dang ldan/ /them skas srung ba med pa bzhi/ /(aa: 143 ba) rgyal mtshan bdud bzhi'i gyul las rgyal/ /me tog phreng ba mtshan dpe 'bar/ /rgyal mtshan bzhi ni bden bzhi'i don/ /dril bu tshangs dbyangs drug cu'i gsung/ /nyi zla ye shes snang ba skyed/ /me long ye shes bzhi dang ldan/ /cod pan chos kyi rgyal srid thob/ /ba dang chos kyi snyan pas khyab/ /'bras bu'i chos rnams dag pa'i/ /sgom mang bden bzhi rnam thar brgyad/ /rten 'brel stong <br> | |||
<br> | |||
===Sheja Dzo Chapter 6.1 volume2 (page 286)=== | |||
<br> | |||
nyid bcu drug go /glo 'bur khyad par 'phags pa yi/ /rnam par 'phrul pas 'gro don mdzod/ /them skas sangs rgyas gzhan don byon/ /padma 'khor ba'i skyon ma gos/ /bang rim med pa srid pa yi/ /'jug pa bral zhing spros pa med/ /dbyen zlum de rgyu dug gsum dang/ /lto bcad rnam thar brgyad mtshon no/ <br> | |||
/zhes so/ <br> | |||
/gnyis pa ni/ thun min dus 'khor las gsungs ye shes kyi/ /mchod rten sangs rgyas skyil krung lte ba man/ /bang rim lto 'bur bum gdan dpung pa'i bar/ /bum ldir mgrin pa bre dang mdzod spu'i bar/ /bre gdong de yan chos 'khor tog dang bcas/ /phyi nang gzhan gsum rnam dag gcig tu mthun/ /thun mong ma yin pa'i mchod rten dus kyi 'khor lo las gsungs pa yes shes mchod rten ni/ sangs rgys skyil mo krung du bzhugs pa'i lte ba man chad bang rim/ lte 'bur bum gdan/ de nas dpung pa'i bar bum ldir/ mgrin pa bre dang/ ko sko nas sna rtse mdzod spu'i bar bre gdong/ de nas ral pa'i thor cos gi bar la chos 'khor char khebs tog dang bcas pa ste/ de'ng dpang gi tshad ni sor mo phyed dang bcu gnyis pa phrag lngar stag tshang lo tshaa sogs bzhed pa yongs grags kyi dbang du byas pa ste gsang gnas nas gtsug tor bar gyi 'khor lo lnga'i dag pa dang sbyar/ 'be lo tshe dbang kun khyab ni/ dpang la sor mo lnga bcu dang/ rgya tshad de'i phyed de sor (aa: 144 na) phyed kyis lhag pa'i bcu gnyis pa tshan pa bzhi ni rlung dkyil nas gzugs med bar dpag tshad 'bum phrag bzhi dang sbyar ba phyi 'jig rten gyi dag pa/ rkang mthil nas gtsug tor bar nang rdo rje'i lus la'ng de bzhin du sbyar bas/ gzhan lha'i sku'i dag pa'ng zhar las 'grub par bzhed de/ mdor na phyi nang gzhan gsum po rnam dag phyogs gcig tu mthun pa'o/ <br> | |||
/<br> | |||
<br> | |||
===Sheja Dzo Chapter 6.1 volume2 (page 287)=== | |||
<br> | |||
gsum pa lugs srol khyad par can 'phros su smos pa ni/ khyad par dpal mchog reg pa med pa dang/ /bal yul rang byung mchod rten chen po yi/ /tshad dbyibs sngon byung mkhas rloms ma thos mang/ /thun mong du yongs su grags pa de dag las kyang khyad par du 'phags pa/ dznyaa na bimpa kaa ya/ ye shes gzugs kyi sku'm dpal reg pa med pa'i mchod rten ces 'phags yul lho phyogs rgya mtsho'i 'gram kodku na'i yul mchod rten grong zer ba'i steng gi nam mkhar 'ja' tshon gyi rnam par bzhugs pa yin cing/ mchod rten 'dis khyab pa'i 'og kun ni/ rje sa pann gyis/ tsaa ri tra zhes bya ba'i yul/ /lho phyogs rgya mtsho'i 'gram du yod/ /ces gsungs pa'i tsaa ri tra zhes pa'i yul de yin la/ yul der rdo rje phag mos srid pa gsum gyi chang dgug par grags pa/ sbyar chang dang 'bru chang rnams sbyar thengs re la mang du bsrings nas slar bcud med par song tshe yud tsam re bsnyal nas bzhag na slar gsar par 'gro ba/ de 'dra lan bdun bdun 'byung ba/ dus bzang la lung pa kun chang gi dris khyab pa zhig yod do/ <br> | |||
/der mtsho chen po zhig tu 'jam dpal gyi rdo sku chen po nyal thabs su bzhugs pa dzanyaa na kaa ya zer ba zhig yod de/ de gnyis la dus bzang rnams su lhas mchod pa'i rol mo sna tshogs dang/ spos kyi dri dang/ mtshan mor me mar gyi snang ba du ma 'byung ba'ng kun gyi mthong thos su gyur pa yod do/ <br> | |||
/mchod rten de yang so skye phal pa rnams kyis kyang mthun snang grub par dus rtag (aa: 144 ba) tu nam mkhar du ba lta bu'i gzugs su gnas pas du ba can gyi mchod rten du grags/ de nyid kyi rnam pa jo nang rje btsun rin po ches ljags bkod ma las rig 'dzin tshe dbang nor bu'i cha tshad kyis gtan la phab pa ste/ mtshon don yang/ them skas skyabs 'gro rim gsum rdor gdan dang/ /gser phye padma pha gu grub mtha' bzhi/ /gdong chen gong 'og bar gsum 'khor dang <br> | |||
<br> | |||
===Sheja Dzo Chapter 6.1 volume2 (page 288)=== | |||
<br> | |||
bcas/ /rim bzhin dpal mchog thugs gsung sku'i dkyil 'khor/ /bum pa bde gshegs 'phar dang bre 'khor bcas/ /dga' ba bzhi mtshon chos 'khor sa bcu gsum/ /tog ni bde chen sku dang char khebs ni/ /sku gsum dag gi mdzad pa mtshon pa dang/ bum sku chos dang longs spyod rdzogs pa'i sku/ /rta babs kyis ni sprul pa'i sku yanbg mtshon/ /gdong chen 'og ma dpal ldan rgyu skar dal/ /steng gnyis bum sogs chos dbyings gsung dbang gi /dkyil 'khor mtshon par bshad pa gzhan yang yod/ /de lta bas na phan yon yang thun mong theg pa'i lugs dang/ rgyud sde 'og ma'i lugs kyi mchod rten las khyad par du mas 'phags pa dang/ gzhan yang mchod rten 'di gzhugs pa'i sa phyogs su 'bru 'phel ba dang shing 'bras dang bu ram dang chang sogs bza' btung gi tshogs kyis 'byor pa'ng bshad do/ <br> | |||
/bal po'i yul gyi padma'i ri bo'm glang ru'i rir rang byung mchod rten chen po rje bo dam pa zhes bya ba/ skye dgu rnams tshe lo stong phrag bdun cur 'tsho ba'i tshe 'dren pa chos kyi rgyal po gtsug tor can 'jig rten du byung ba na/ rin po che'i padma'i snying po'i ze'u 'bru las chos dbyings shesl gyi rang bzhin can du rang byung zhing/ gser thub kyi dus su 'jam dpal gyis chos dpal bshes gnyen rjes su bzung ba'i slad du mchod rten 'dir chos dbyings gsung dbang gi dkyil 'khor sprul pas mchod rten gyi mtshan kyang der chags la/ 'od srung (aa: 145 na) gi dus su grub pa'i slob dpon zhi ba'i dbpal gyis sas gyogs te sbas pa phyis bdag cag gi ston pa 'jig rten du byon pa'i tshe de'i tshul snang bar mdzad pa'i sngon gyi rabs kun mkhyen bstan pa'i nyin byed kyis gsar 'gyur gyis mtshon/ tshad dang dbyibs kyi khyad par sngon byung mkhas par snyems shing rloms pa phal mo ches ma thos pa'ng mang du snang ngo/ <br> | |||
/rnying mar dge gnas brgyad kyi mchod rten dang/ theg rim <br> | |||
<br> | |||
===Sheja Dzo Chapter 6.1 volume2 (page 289)=== | |||
<br> | |||
dgu yi tshad dbyibs la sogs gsungs/ /gsang sngags rnying ma'i rgyud du gong smos dge gnas brgyad kyi mchod rten dang/ byas chub sems dpa'i spyod dbang las theg pa rim fpa dgu so so'i mchod rten gyi tshad dang dbyibs bshad pa la sogs pa bka' gter rnams las rnam grangs mang por gsungs kyang/ rtsa ba gong du smos pa de dag tu 'du la/ gong gi dbye ba la sogs pa rnams kyang 'gro mgon chos rgyal 'phags pa'i zhal slob tsha mo rong pa bsod nams 'od zer gyis mdzad pa'i rten gsum bzhengs thabs yon tan 'byung gnas nyid khungs ldan dang snga shos su snang ba ma zad/ bka' brgyad gsang ba yongs rdzogs kyi mchod rten bzhengs thabs dang don gcig tu snang ba dang/ stag lo'i dpal 'byor rgya mtsho yang gzhi de la brten par snang bas de nyid sor bzhag tu smos pa'o/ <br> | |||
/bzhi pa phyag mtshan 'phros don bcas 'chad pa ni/ rdor dril phur bu kha taang la sogs pa'i/ /tshad dang rnam bzhag bya btus sogs su gsal/ /thutt rten du gtogs pa phyag mtshan rnams kyi gtso bor gyur pa rdor dril la yo ga'i bshad rgyud rtse mo nas gsungs pa'i mtshan nyid la phyi dril dang/ dus 'khor/ sdom 'byung/ sambu tti la sogs nas bshad pa la nang dril du snga rabs pa rnams tha snyad mdzad cing/ de'ng gangs dkar rdo rje gdan pa dang mkhas grub dge legs dpal ba sogs kyis rnam gzhag rgya cher mdzad kyang so so'i lugs grags che bas ma smos la/ de gnyis kyi 9aa: 145 ba) khyad stag tshang lo tsaa ba/ rtse lnga dang rtse dgu gang yin kyang rwa rnams chu srin gyi kha nas ma thon zhing padma la gnas pa dang/ mthar rwa'i rtse rnams dbus rwa dngos la ma thug par dbus rwa'i mthar padma 'khor lo la sogs pa'i mtshon byed kyis bskor ba la zug cing/ rwa rnams ba de ra'i tsher ma ltur rno zhing zur dang ldan pa min par zlum por <br> | |||
<br> | |||
===Sheja Dzo Chapter 6.1 volume 2 (page 290)=== | |||
<br> | |||
gnas pa dang/ dril bu'i tshangs mgo'i 'og tu bum pa'i dod du bug pa yod pa dang/ rdza mar grags pa'i steng gi pad 'dab kyi shar du spyan ma'i sa bon nam phyag mtshan yod pa rnams ni phyi yin la/ de las bzlog cing sgrol ma'i sa bon nam phyag mtshan yod pa ni nang yin no/ <br> | |||
/zhes bshad do/ <br> | |||
/yo ga'i lugs la rigs lnga'i rdo rje dang dril bu so sor yod cing/ bla med la dus 'khor lugs dang rgyud sde spyi 'gro'i lugs gnyis/ ddaa ma ru'm cang te'u la drwa ba can/ thod pa ltag sprod kyi mtshan nyid dang bzo tshul khud par can/ rgyan drug dang dgang gzar blugs/ rnying ma'i rgyud gzhung rnams las rgya cher gsungs pa'i phur bu rdo rje rtse lnga dang sna tshogs rdo rjes mtshan pa'i khtaang ga rigs gnyis/ sogs khongs nas ral gri/ dgra sta/ rtse gsum gyis mtshon pa'i phyag mtshan gyi tshad dbyibs dang rnam gzhag zhib mor shes pa shin tu gal che'ng 'dir gzhung mang ba'i 'jigs pas ma spros la/ de dag gi tshul rtogs par 'dod na slob dpon rig byin gyis mdzad pa'i bya btus dang/ gosng smos bod gzhung de dag sogs su gsal ba las shes par bya'o/ <br> | |||
/rnga sil gar 'chams sogs kyang lus kyi las/ /snang shas dang 'phyor 'dod dbang gis sems kun tu gyeng ba'i rgyu ma yin par dkon mchog mchod pa'i don dang sngags kyi tshul dang 'brel bar rnga che chung/ sbub chol dang sil snyna bskul ba/ gar 'chams stangs stabs la sogs pa rnams kyang lus kyi bzo (aa: 146 na) khyad par can gyi phyogs su gtott te/ de'ng rnga shing gi rgyu/ gyogs kyi tshul/ sbub sil gyi bzang ngan rnams sngon gyi bstan bcos dang dpyad don rnams las 'byung ba ltar shes par bya zhing/ rnga rdung tshul mkhas pa tsndra shriis/ rgya mtsho chen po'i slong mi dkrug/ ri rab gling bzhi mtha' mi bskor/ /ri thang mtshams kyi brag mi gshags/ /ri dwas rgyal po'i gdong mi bsnun/ /ces dang/ lce 'bab brang brdung slong mo'i ===Sheja Dzo Chapter 6.1 volume2 (page 291)=== | |||
<br> | |||
skad/ /bya phran gshog rdeb mi bskul ba'i/ /tshul brgyad 'og ngos mkhyid gang sor/ /rnga gyog rang ljid nyid kyis ni/ /bskul ma thag tu so sor phral/ /gral la bsgrigs te brdung ba na/ /phan tshun gcig gis gcig non tsam/ /nor bu bstan la brgyus pa ltar/ /mtho dman 'bur khong spang bar bya/ /snyoms shing mdzes par bstar la bsgrigs/ /zhes dang/ zhi ba'i rnga brdung byed pa na/ rnga thabs dal la lhod par brdung/ /rgyas pa'i rnga brdung byed pa na/ /rnga thabs gsal la 'khrol bar brdung/ /dbang gi rnga brdung byed pa na/ /rnga thabs snyan la 'jebs par brdung/ /drag po'i rnga brdung byed pa na/ /rnga thabs drag la myur bar brdung/ /drag brdung rgyun chags byed pa na/ /gnam lcags ltar yang dbab par bya/ /zhes dang so so'i nyams sogs rgyas par bshad pa ltar ro/ <br> | |||
/sbub sil yang de nyid kyis/ /pho sgra ding zil ldan par brdung/ mo sgra snyan cing mdzes par brdung/ /phyed ma dwangs khrol chags par brdung/ /zhi la sbrang char zim bu ltar/ /rgyas la rdzi char gyem pa ltar/ /dbang la drag char 'bab pa ltar/ /drag la thog ser 'byin pa ltar/ /zhes sogs dang 'dra dpe bcu gnys kyi sgo nas rnga sgra dang sbyor ba'i tshul bshad pa dang/ 'jam dbyangs bsod nams dbang po'i rol mo'i bstan bcos gcig shes kun grol (aa: 146 ba) las/ spyir gyi rol mo gang dkrol yang/ /dam du bzung bar mi bya zhing/ /brang lag mi sprad man ngag yin/ /dbyug pa lta bur mi phyar zhing/ /ka ba lta bur bsrang mi bya/ /zhes dang/ tsndras/ bar snang mi gyug gdangs mi dgag /brang dang pus mo la mi reg /ces dang/ dpung pa lag ngar tshigs nas lhod/ /lag (pa'i mthil nas 'phrul chags tshad/ /rang ljid kho nas sgra bskul gyis/ /'dab ma'i rtse mo rtsal gyis min/ /cs sogs spang blang gi mtshan nyid dang/ 'jab 'phar 'ur ding snyan rtsub dang/ /phra sbom dwangs <br> | |||
<br> | |||
===Sheja Dzo Chapter 6.1 volume2 (page 292)=== | |||
<br> | |||
'khrol la sogs pa'i/ /sgra thabs rnam dbye rtogs par byos/ /zhes skabs dang bstun pa'i sgra thabs kyi rnam pa dbye ba la mkhas dgos pa sogs bshad do/ <br> | |||
/de bzhin du dus 'khor mkha' 'gro rgya mtsho rdo rje gur yo ga'i rgyud dang rdo rje phreng ba sogs nas bshad pa'i sa bzung ba'i stangs stabs/ mchod pa'i gar gyi bye brag rnams dang/ rnying ma'i sgyur 'phrul khro bo/ <br> | |||
tshogs chen 'dus pa sgrub pa bka' brgyad/ khyad par rdo rje phur pa la sbyor ba'i khrag 'thung rtsa 'chams/ brub 'chams kyi rigs/ gzhan yang gsar rnying thams cad la mgon 'chams sogs ji snyed yod pa thams cad spyir gar gyi nyams dgu'i rnam pa dang ldan cing/ khyad par slob dpon tsndras/ lus kyi steng la seng chags dang/ /sked pa la ni 'khril chags dang/ /tshig bzhi la ni 'phrul chags dang/ /bzhag sha la ni lhod chags dang/ /sha 'gyur la ni mer chags dang/ /rnam 'gyur la ni 'gying chags dang/ /spyod pa la ni dal chags dang/ /sgyid pa la ni ldem chags dang/ /rkang mgo la ni bde chags dang/ /kun tu dpa' zhing brjid chags pa'o/ <br> | |||
/yang smrs pa/ 'jugs shing rngam pa'i gar (aa: 147 na) rnams la/ /ha cang gsor na skyon yin no/ <br> | |||
/'gying zhing mnyen pa'i gar rnams la/ /ha cang btsas chung skyon yin no/ <br> | |||
/'khyug cing bde ba'i gar rnams la/ /ha cang rtab rtob skyon yin no/ <br> | |||
/dal zhing lhod pa'i gar rnams la/ /ha cang sgyid lug skyon yin no/ <br> | |||
/sgeg cing chags pa'i gar rnams la/ /ha cang bsgyur na skyon yin no/ <br> | |||
/zhs dang/ gzhan yang spang blang gi bye brag spyi'i gdams pa bcas zhib par bstan pa rnams ni spyir shes dgos la/ bye brag rang rang gi lugs srol 'khrul med rtsa ba'i khungs gang yin pa la mkhas par bslab dgos pa dang/ khyad par sa sar mchod gar rnams ni rgyud dang 'phags yul gyi phyag (bzhes dang 'brel bas khungs dang dgos pa che ba smos ma dgos/ rnying ma'i <br> | |||
<br> | |||
===Sheja Dzo Chapter 6.1 volume2 (page 293)=== | |||
<br> | |||
khrag 'thung rtsa 'chams su grags pa 'di nyid rgyud gang nas bshad na ye shes rngam glog las/ chos kun mnyam pa'i ngang rtogs nas/ /bsgul zhing bskyod pa thams cad kun/ /phyag rgya yin par dpa' bos gsungs/ rang gi lha yi ting 'dzin gyis/ /stangs stabs 'di la gang gnas pa/ /sangs rgyas nyid kyang skrag 'gyur na/ /dregs pa'i tshogs lta smos ci dgos/ /zhes dang/ thabs kyi zhags pa'i rgyud las kyang phyag rgya bcing tshul de'i dgos pa bcas bstan/ de nyid sgrub pa po'i gang zag lta ba bden pa dbyer med/ lhag pa'i chos sku chen por rtogs shing sgom pa ting nge 'dzin las su rung bas snang spyod lha'i phyag rgyas thebs pa rdo rje'i zlos gar la rang byan tshud pas/ ji ltar sgrub pa'i tshul sgyu 'phrul drwa ba rtsa bshad kyi rgyad/ /'jig rten 'das mdo he ru ka glpo sogs bla na med pa'i rdo rje'i rigs kyi rgyud rnams las bstan pa'i don rgyal po dza: nas mkhas pa mi gsum la brgyud de bod kyi lo tsaa ba rma gnyags/ dpal gyi bu brgyad/ gnubs dang zur nas 'dar la bka' babs shing/ mthar (aa: 147 ba) gsang chen bstan pa'i mnga' bdag smin gling sku mched nas rgyas par mdzad cing/ lo chen rin po ches 'chams yig kun bzang rol pa mdzad de legs par gtan la phab pa 'di la/ dkyil 'khor gyis cho ga dang 'brel ba'i khrag 'thung rtsa 'chams dang/ drag po'i las sbyor dang 'brel ba'i dgra bgegs brub 'chams gnyis/ dang po la don tshan bcu gsum gyi thog mar rang lus la bgegs kyis mi tshugs pa'i phyir lha'i nga rgyal gyis byin gyis brlabs pa'i chas gos bgo zhig phyag mtshan bzung/ gnyis pa lha srin gyi zer mi ldang ba'i phyir gser skyems bsngo/ <br> | |||
gsum pa gsang sgrogs kyi nyes pa spang ba'i phyir snod bcud dkyil 'khor du gsal bas lus 'gyur thun mong du gces pa'i yan lag bcu/ phyag rgya la mkhas pa gsum/ lus rgyan dpe gsum dang mthun dang mthun pa'i yon tan <br> | |||
<br> | |||
===Sheja Dzo Chapter 6.1 volume2 (page 294)=== | |||
<br> | |||
dang ldan pas dkyil 'khor gyi sa gzhir 'gro/ <br> | |||
bzhi pa rigs dang mthun pa'i rang gnas su 'dug lnga pa slob dpon 'khor lo'i mgon por bskyed la gzhan sras kyi bya bas dkyil 'khor rdzogs par spros la bskur brlab drang bstim mtshod bstod bya/ drug pa phyogs kyi slob ma rnams rigs bzhi'i yum du byin brlab/ bdun pa phyogs bzhi'i yum gyis mchod bstod sngon du 'gro bas dkyil 'khor bshad par gsol ba gdab/ brgyad pa slob dpon gyis mkha' khyab kyi rgyal ba rnams kyi thugs dam bskul/ dgu pa zhe sdang rdo rje'i gar gyis bka' bsgo zhing bgegs bskrad/ bcu pa dkyil 'khor lha'i stangs stabs kyis sa bzung ba la/ 'chams bskor gsur dang chos dbyings bskyed/ /dbang sdud mkha' 'khro dpa' bskyed dang/ /nyams pa'i bla 'gugs dam can 'bod/ /nam mkha' bar snang sa gzhi gsum/ /'khor lo rtags brgyad padmor brlab/ /rdo rje phyed rkyang sngags gsum gyis/ /sa btsal (aa: 148 na) 'dul zhing rlob pa'o/ <br> | |||
/zhes pa ltar sngon 'gro'i stangs stabs bcu gnyis kyis spyir rlob/ mkha' rlung rakta zhing chen dang/ /keng rus me dkyil gzhal yas khang/ /zhes rten bskyed pa bdun/ /gtso bo dang ni rigs bzhi dang/ /rigs lnga'i yum dang go rii brgyad/ /sii ha ma brgyad sgo ma bzhi/ /dbang phyug ma dang phra men gyi/ /bam len dpal chen stobs 'chams so/ <br> | |||
/zhes pa'i nang tshang gtso bo dpal chen po'i 'gying 'chams nang gses dgu dang bcas pas brten pa bskyed pa ste dngos gzhi so so'i stangs stabs kyis bre brag tu byin brlab/ bcu gcig pa phyogs bcu'i bgegs la phur bus gdab/ bcu gnyis pa rtag chad kyi mtha' bsal/ bcu gsum pa bsngo smon dang shis pa brjod pas mtha' brgyan pa'o/ <br> | |||
/de ltar bgyis pas rdo rje'i lus kyi spyod pa la brten nas tshogs gnyis rlabs po che spel zhing las dang dngos grub bde blag tu 'grub par byed pa'i thabs rmad <br> | |||
<br> | |||
===Sheja Dzo Chapter 6.1 volume2 (page 295)=== | |||
<br> | |||
du byung ba yin la/ brub 'chams la'ng drag po'i las dang 'brel ba'i tsham rngams kyi stangs stabs dgos pa khyad 'brel can snang yang 'dir ma spros la/ sa lugs kyi phur pa'i rtsa 'chams kyang dpal ldan bla ma dam pa'i skabs su 'di nyid kha bsgyur ba yin pa dang/ bkra shis zur mang gi bde mchog tshogs gar chen mor grags pa'i gar sna sum brgya drug cu pa 'di'ng te lo sangs rgyas kyi rnam 'phrul drung rma se blo gros rin chen la chos rje de bzhin gshegs pa 'khor lo sdom pa dngos kyi skur bzhengs nas yud tsam gcig la stsal bar yang grags shing/ sangs rgyas zhig chen gyi ye shes kyi skus rjes su bzung ste shin tu rgyas par stsal ba'i byin rlabs kyi sgo chen po ldan pa dang/ gu ru chos kyi dbang phyug dag pa'i snang bar zangs mdog dpal rir slob dpon chen po'i spyan sngar byon pa'i tshe ji ltar mjal zhing rjes su gdams pa stsal ba'i don (aa: 148 ba) ma nor ba tshes bcu'i gar 'chams yongs su grags pa 'di'ng tha na dud 'gro yan chad gang gis mthong tshad slob dpon chen po'i gdul byar 'gyur ba'i phan yon dan ldan par gsungs pas mtshon thams cad la'ng dgos pa dang ldan pas rang rang gi lugs srol phra mo tsam yang ma 'chug par bya dgos so/ <br> | |||
/gnyis pa lus bzo phal pa bshad pa ni/ phal pa khang khyim gru gzings gos rgyan zas/ /gzhom dang srung ba'i 'phrul 'khor go mtshon sogs/ /lus kyi bzo phal pa ni/ rgyal po'i pho brang sogs khang pa brtsegs pa dang khang mig lnga brgya pa/ sskye pho'i khang khyim/ rgya mtsho chen por bgrod pa'i gru gzings chen po/ <br> | |||
rgya gar bal po rgya nag sogs kyi chu la bgrod pa'i gru chung/ pho mo'i gos dang rgyan gyi khyad par/ bza' btung gi gyos sbyor ba rnams dang/ gzhan yang pha rol gyi dgra gzhom pa'i ngo mtshar gyi sbyor ba bsdus pa'i rgyud las bshad pa/ thang rdzong gzhig pa rdo'i 'phrul 'khor te sgyogs/ chu rdzong 'joms pa gru'i <br> | |||
<br> | |||
===Sheja Dzo Chapter 6.1 volume2 (page 296)=== | |||
<br> | |||
'phrul 'khor/ ri rdzong 'joms pa me'i 'phrul 'khor/ ral gri 'khor ba gri gug gi 'phrul 'khor/ rtse mo 'byed pa rlug gi 'phrul 'khor/ rtsig pa 'jig pa gur gyi 'phrul 'khor/ go cha 'jig pa lcags mda'i 'phrul 'khor rnams dang/ rang phyogs srung bar ral gri'i 'phrul 'khor/ rgyal rigs 'thab pa shing rta'i tshad/ ltad mo la 'gro ba'i don du khang bzang gi mtshan nyid/ dga' ston gyi don du khyogs kyi mtshan nyid/ ldum rar bcu ba'i don du chu gyen tu 'dren pa'i 'phrul 'khor sogs dang/ gzhan yang khrab rmog phub sogs go cho dang/ mda' gzhu ral gri sogs mtshon cha'i rigs bzo ba'i blo gros dang/ lag pa'i rtsal rnams so/ <br> | |||
/gnyis pa ngag bzo la'ng gnyis/ mchog dang/ phal pa'o/ <br> | |||
/dang po ni/ ngag bzo mchog gyur rtsod (aa: 149 na) 'chad rtsom pa dang/ /ngag bzo rnams kyi nang nas mchog tu gyur pa ni/ gzhan gyi log rtog 'joms pa'i rtsod pa dang/ gdul bya rjes su 'dzin pa'i 'chad pa dang/ bstan pa gsal bar byed pa'i rtsom pa dang gsum yin te/ de dag kyang so so'i skyon rnams dang mi ldan cing yon tan rnams tshogs pas gzugs brnyan tsam du ma song ba dgos so/ <br> | |||
/lhan skyes rol mo 'dren bkug sgyur dang ltengs/ /ljon pa me tog 'khri shing chu klung zla/ /gnad gsum sngon 'gros skyon drug rgyu lnga spang/ /chen po drug sogs skabs su babs par blang/ /blob dpon tsandra shriis dbyangs kyi bstan bcos blo gsal mgul rgyan las/ nyams ldan ngag gi rig byed kyis/ /'phags pa mchod dang sems can don/ /byed dang dngos grub rnam gnyis rgyu/ /zhes bshad pa ltar dgos pa dang ldan pa'i lhan skyes rol mo ste dbyangs kyi bye brag dkon mchog mchod pa'i dbyangs 'dul ba las kyang/ dang por ston pas glu gar dang rol mo'i sgra sogs byed pa bkag pas sangs rgyas kyi bstod tshig la <br> | |||
<br> | |||
===Sheja Dzo Chapter 6.1 volume2 (page 297)=== | |||
<br> | |||
sogs pa'i kha ton rnams cal col ram rom du gyur/ de la mu stegs sogs kyis 'phyas shing khyim pa rnams ma dad pa la brten nas/ khyim bdag mgon med zas sbyin gyis ston pa la zhus/ de'i tshe ston pas dkon mchog mchod pa'i don du dbyangs kyi nga ro bya bar rjes su gnang ba la/ dbyangs kyi nga ro ji ltar bya ma shes par slar zhus pas/ bram ze rig byed 'don pa lta bu'i gdangs kyis 'don par gsungs/ sngags kyi skabs lo chen rin chen bzang po nas dar ba'i yo ga'i gdangs dang/ mgon po lcam dral gyi gdangs dbyangs che chung/ sngags rnying ma'i rig 'dzin rnams kyi gsung rgyun bar ma chad pa rnams ni snga shos yin a/ phyis su grub mtha' so sor grags pa rnams kyang dgos pa dang (aa: 149 ba) ldan pa 'ba' zhig yin te/ de dag spyir bslab pa'i gnas/ slob pa'i slob dpon/ bslab yul slob ma/ ji ltar slob pa'i tshul/ skyon dang yon tan sogs 'dir ma smos la/ bslab bya'i dbyangs kyi ngo bo nga ro rnam pa bzhi/ yan lag bcu gnyis/ spel ma'i sbyor ba mtha' yas par 'gyur zhing/ de'ng nga ro bzhi las gang gis 'dren pa la'ng lnga/ a zhes drang po/ <br> | |||
e bsgreng ba/ i bkug pa/ o bstod pa/ u zhes smad pa'i nga ros drangs pa'o/ <br> | |||
/khug gis bkug pa la rgyang pa dang brtsegs pa/ nyis 'gyur gyis bsgyur ba la mgrin bsgyur/ lci bsgyur/ sna ldan bsgyur gsum/ ltengs kyis ltengs pa la ring ba dang thung ba'i ltengs gnyis te/ de dag kyang/ sa skya pann chen gyis/ mchod dbyangs bsgyur ba gtso bo ste/ /glu la 'dren pa gtso bo yin/ /rtogs brjod la ni 'gyur thung ngo/ <br> | |||
/rjes su brjod la bsgyur 'dren thung/ /spyir ni kun la kun 'jug kyang/ /'di dag gtso bor 'dren pa mthong/ /zhes gsungs pa ltar ro/ <br> | |||
/de'ng rtogs sla ba'i phyir dpe dang sbyar na/ 'dren pa gtso bor byed pa la dpag bsam ljon shing/ bkug pa gtso bor byed pa la me tog 'khri <br> | |||
<br> | |||
===Sheja Dzo Chapter 6.1 volume2 (page 298)=== | |||
<br> | |||
shing/ lteng gtso bor byed pa la dbus zhan pas chu klung dal gyis bgrod/ 'gyur khug mang ba la rgya mtsho'i zla ba zhes bshad do/ <br> | |||
/thams cad kyang spobs pa'i gnad/ dus kyi gnad/ sbyangs pa'i gnad gsum sngon du 'gro bas yengs pa sogs blo'i skyon/ zur ma phyin pa sogs tshig gi skyon/ 'phel 'grib sogs gdangs kyi skyon/ ya yo sogs lus kyi skyon/ mi 'grig pa grogs kyi skyon/ smra dgod sogs nyan pa po'i skyon te drug dang/ gzhan yang/ tshig la rmongs na brnyas pa'i rgyu/ /dbyangs sbyor med na bzhad gad rgyu/ /dus tshod med na (aa: 150 na) skyo ba'i rgyu/ /dgos pa med na sdig pa'i rgyu/ /mkhas pa 'du zhing mang pos bskor/ /grogs po ngan zhing 'gran zla mang/ /sbyangs pa chung zhing spobs pa zhan/ blo gros ngan pa sdug pa'i rgyu/ /zhes pa ltar sdig pa 'byung ba'i rgyu lnga spangs/ ji skad du/ chen po drug la ma gyer na/ /yo ga dbyangs kyi bstan pa nub/ /ces gsungs sshing/ chen po drug ni/ slob dpon tsandras/ chen po drug la gyer bar bya/ /sgrub mchod dbang bskur rab tu gnas/ /dus mchod gshin don sbyin sreg rgyas/ /zhes pa ltar skabs su bab pas blang ngo/ <br> | |||
/tshogs su seng ge'i nga ro la sogs pa/ /khyad par bcu gnyis gzhan yang 'tshams par sbyar/ /skabs su babs pa ji ltar blang na/ tshogs su yin pa'i dbyangs skad gzengs mtho bar dgos pas seng ge'i nga ro zhes bya ba dang/ sogs khongs nas len tshul gyi khyad par bcu gnyis dang/ gzhan yang ji ltar 'tshams par sybar dgos te/ ji skad du/ tshogs su seng ge'i nga ro ste/ dben par bung ba rol ba'i tshul/ /mkhas pa'i 'dun sar ne tsho'i dbyangs/ /rma bya 'jol sgeg rmongs nang du/ /skyo tshe dang ba kun 'dren pa/ /rjes su dga' la 'dod lha'i mda'/ /mchod la dga' ba'i me tog ste/ /ba tshwa'i chu klung sdig sbyong la/ /rang phyogs bstod na lha yi rnga/ /pha rol smod na 'khor zil gnon/ /<br> | |||
<br> | |||
===Sheja Dzo Chapter 6.1 volume2 (page 299)=== | |||
<br> | |||
kun tu snyan pa dri za'i dbyangs/ /spel ba me tog phreng ldan yin/ /de la sott pa'i rnam pa yis/ /spel ba'i khyad par legs brtags te/ /dbyangs kyi sbyor ba gzhan la yang/ /ji ltar 'tshams par sbyar ba bya/ /zhes bshad pa ltar ro/ <br> | |||
/dkyus su nyer bar mkho ba'i mtshan nyid mdor bsdu na/ 'degs dang 'jog dang sbom dang phra/ /grim dang lhod du 'gyur (aa: 150 ba) dang ldem/ /snyan gsang gcod sbrel bcu gnyis so/ <br> | |||
/zhes pa ste/ de dag kyang tsandras/ ring yang mgo lus 'tshams pa dang/ thung yang yan lag rdzogs pa'o/ <br> | |||
/brjid dang ldan yang sgeg chags pa/ /snyan yang rus pa ma shor dang/ /gyong yang skabs su khugs pa dang/ /dig kyang tshig gi go gsal dang/ /mgrin pa mang yang skad cig dang/ /skad cig nga ro du mas brgyan/ /mdor na blun po yid 'dzin cing/ /mkhas pa dgyes pa bskyed pa'o/ <br> | |||
/yon tan mchod 'os thams cad mnyes/ /ya rabs dang 'dren dman pa mgu/ /zil chags mang po'i dbus na brjid/ /mkhas pa'i yid 'phrog kun gyis bsngags/ /dgra bgegs 'byer zhing dngos grub 'du/ /'di las bden 'bras 'byung bar nges/ /zhes gsungs pa'i mtshan nyid dang ldan par bya'o/ <br> | |||
/gnyis pa ni/ phal pa glu dang gling bu gral 'phros sogs/ /ngag bzo phal pa ni/ dga' ston gyi skabs khrom gyi dbus su glu gzhas kyi sbyor ba 'dod pa dang nor gyi gtam la sogs pa lugs gang gi'ng don dang 'brel zhing gdangs snyan pa'i glu len pa la spa ba/ kha gshags 'gyed pa sogs kyang don bzang la thogs pa med pa dang/ gling bu pi wang rdza rnga dang/ /mkhar rnga rnga zlum rnga bo che/ /rnga phran cha lang ka na ddi/ /dung dang rgyud mngas la sogs pa/ /ji snyed sil snyan sbyong bshad pa/ /de snyed la ni mkhas par bya/ /zhes gsungs pa ltar rnam par rtse ba'i rol mo'i sbyor ba rnams dang/ 'bel gtam mam gral 'phros skad che la sgra dag pa/ don bzang <br> | |||
<br> | |||
===Sheja Dzo Chapter 6.1 volume2 (page 300)=== | |||
<br> | |||
la tshig gi skyon gyis ma bslad pa la sogs pa rnams so/ <br> | |||
/gsum pa yid bzo la gnyis/ mchog dang/ phal pa'o/ <br> | |||
dang po ni/ yid bzo mchog ni legs gsung thos bsam sgom/ /yid kyi bzo gnas su gyur pa mchog gam khyad par can ni/ (aa: 151 na) legs par gsungs pa'i bka' dang/ de'i dgongs pa 'grel bar byed pa'i bstan bcos khyad par du 'phags pa rnams la dang po thos pas blang dor gyi mig phyed pa/ bar du legs par bsam pas the tshom gyi sgro 'dogs chod pa/ tha ma tshul bzhin bsgoms pas gnas lugs kyi don gtan la pheb pa rnams so/ <br> | |||
/gnyis pa ni/ phal pa rig gnas bco brgyad sgra tshad sogs/ /sa gzhi rin chen ljon shing rta glang gter/ /pho mo brtag pa brgyad dang thun mong du/ /lugs kyi bstan bcos sgyu rtsal drug cu bzhi/ /sde bzhi la sogs rnam grangs ci snyed do/ <br> | |||
/yid bzo phal pa ni/ mdzod kyi rang 'grel du/ rol mo 'khrig thabs 'tsho tshis grangs dang sgra/ /gso spyad chos lugs bzo 'phongs gtan tshig dang/ rnal 'byor thos pa dran pa skar ma'i spyad/ /tshis mig 'phrul 'khor sngon rabs sngon byung rigs/ 'di dag rig pa'i gnas chen bco brgyad yin/ /ces bshad pa rnams dang/ gong du smos pa'i sgra dang tshad ma la sogs pa rnams dang/ brtag pa brgyad du grags pa/ sa gzhi dang chu brtag pa slob dpon du ha ras byas pa'i 'bum dkar nag khra gsum gyi rgyud la sogs pa lta bu dang/ rin po che brtag pa pannddi ta ma haa o ssha dhis mdzad pa'i bstan bcos dang/ de las 'phros nas bod du byas pa dpyad don pad dkar chun po sogs snga phyi du mar byung ba rnams dang/ mi'i nor bu gsang sngags nang gi shung bzed ka paa la'ng der gtogs pas de'i tshul rgyud chen sdom pa 'byung ba sogs las gsal bar gsungs pa ltar bod kyi mkhas pa rnams kyi yig cha dang/ rgyud bam ri thod mkhar/ sger rgyud dur <br> | |||
<br> | |||
===Sheja Dzo Chapter 6.1 volume2 (page 301)=== | |||
<br> | |||
khrod thod nag lung lha mo gnas mkhar sogs la brten pa'i man ngag gter ma'i phyogs las kyang 'byung ba rnams dang/ lzon shing dang glang po brtag pa bod du ma 'gyur la/ sa (aa: 151 ba) 'og gi gter brtag pa'ng rgyud sde 'ga' zhig las phyogs mtshon gsungs pa tsam las rgya gzhung khungs thub ma 'gyur/ rta brtag pa drang srong gis byas pa'i sha li ho tra dang/ gru gu seng mdo 'od chen gyis bsgyur ba'i me long skor gsum dang/ rgyal po khri srong lde'u btsan la sott pa rje blon bcu gsum gyis byas pa'i bstan bcos so so ba rnams dang/ mi dpyad thor bu dang khyad par rgyud sde las bshad pa'i rnal 'byor pho mo brtag pa/ gsang sngags rnying ma'i mkha' 'gro brtag 'bum las bshad pa'i bud med brtag pa bcas brgyad dang/ shes rab sdong bur/ mi yi chos lugs legs spyad na/ /lha yul 'gro ba thag mi ring/ /lha dang mi yi them skas la/ /'dzegs na thar pa gam na yod/ /ces gsungs pa ltar gtsug lag gnyis kyi thun mong rtsa ba'm thog mar 'jug pa'i gzhi lugs kyi bstan bcos bshes pa'i spring yig shes rab brgya pa/ shes rab sdong bu/ skye bo gso thig tshigs su bcad pa'i mdzod/ tshigs su bcad pa brgya pa/ dri ma med pa'i dris lan/ tsa na ka'i rgyal po'i lugs kyi bstan bcos ma su rakshas mdzad pa dang/ de dag thams cad kyi snying po bsdus pa sa skya'i legs bshad/ gzhan yang bod du rgyal ba te ne dang 'brom ston pas mdzad pa'i lha chos mi chos gnad kyi phreng ba sogs la'ng mkhas par bya dgos pa dang/ gzhan yang sgyu rtsal drug cu rtsa bzhi ni/ bye brag rtogs byed du/ bzo la sogs par gtogs pa sum cu ni/ yi ge lag rtsis/ grangs/ rtsis chen/ thor tshugs/ gom stabs/ lcags kyos bsgyur thabs/ ral gri'i thabs/ zhags pa gdab pa/ mda' bo che 'phen pa/ mdun du bsnur ba/ phyir bsnur ba/ bcad pa/ dral ba/ dbug pa/ <br> | |||
<br> | |||
===Sheja Dzo Chapter 6.1 volume2 (page 302)=== | |||
<br> | |||
rgyang nas 'phog pa/ sgra grags par 'phog pa/ gnad du 'phog pa/ (aa: 152 na) mi tshor bar 'phg pa/ tshabs che bar 'phogs pa/ mchongs pa/ gyad kyi 'dzin stangs/ bang/ rkyal/ brgal ba/ glang po che'i gnyar zhon pa/ rta la zhon pa/ shing rta'i thabs/ mda' gzhu/ gyad stobs dang sum cu'o/ <br> | |||
/rol mo'i bye brag bco brgyad ni/ gar mkhan/ bro/ <br> | |||
rnga bo che/ rdza rnga/ rnga phran/ rnga chen po/ <br> | |||
'khar rnga/ pi wang rgyud gcig pa/ rdza rnga kha gcig pa/ lcags kyi sil khrol/ 'khar ba'i sil khrol/ pi wang rgyud gsum pa/ rnga mu kunda/ sil snyan glu dbyangs dang bstun pa/ pheg rdob/ rol mo'i sgra/ pi wang/ gling bu dang bco brgyad do/ <br> | |||
/glu dbyangs kyi nges pa bdun ni/ bar ma/ drang srong/ sa 'dzin/ drug ldan/ lnga pa/ blo gsal/ 'khor nyan dang bdu no/ <br> | |||
/gar gyi cha byad dgu ni/ sgeg pa/ dpa' ba/ mi sdug pa/ drag shul/ bzhad gad/ 'jigs rung/ snying rje/ rngams pa/ zhi ba dang dgu'o/ <br> | |||
/zhes bshad cing/ slob dpon tshul khrims bskyangs kyis lung phran tshegs kyi rgya cher 'grel du'ng de dang 'dra min gsungs pa la sogs pa rnams bzo gnas phal pa gtso bor yid sngon du 'gro ba'i bya ba can yin la/ de thams cad kyang bsdu na sde bzhir 'du ba yin te/ de la nor ram don gyi sde ni thos pa la sogs pa dang/ rdzas kyi dngos po tshong dang rin po che la sogs pa longs spyod brtson pas sgrub cing/ bsags pa rnams bsrung ba'o/ <br> | |||
/'dod pa'i sde ni/ ngan 'gro ma yin pa lha mi sogs kyi 'dod pa'i yon tan yul la nye bar spyod pa'o/ <br> | |||
/chos kyi sde ni/ mngon mtho mtho ris gsum dang/ nges legs byang chub gsum gyi rgyu ste dkar po'i chos mtha' yas pa'i/ thar pa'i sde ni/ sdug bsngal rgyu bcas las ldog pa'i theg pa gsum gyi byang chub bo/ <br> | |||
/dang po gnyis 'khor ba'i dbang du byas te/ 'dod pa don du gnyer ba dag de'i rgyur nor sgrub pa dang/ phyi ma gnyis myang <br> | |||
<br> | |||
===Sheja Dzo Chapter 6.1 volume2 (page 303)=== | |||
<br> | |||
'das kyis dbang 9aa: 152 ba) du byas te/ thar pa don gnyer rnams chos sgrub pa la brtson pa'i phyir rgyu 'bras gnyis kyi tshul du gnas pa'o/ <br> | |||
/sogs khongs nas shes bya'i rnam grangs ji snyed thams cad yid kyi bzor 'dus te/ kun mkhen dri med 'od zer gyis/ 'gro ba drug dang skye ba rnam pa bzhi/ /bzhi drug dus bcu dngos po bcu bdun dang/ /yo byad bcu bzhi rjes su spyod pa brgyad/ /.'jig rten spyod bcu gtam ni rnam pa gsum/ /nyes rtsom nyer gnyis de bzhin sems can rigs/ /drug cu rtsa gsum dus brgyad 'jug pa bzhi/ /'tsho ba drug dang kun nas bsrung ba drug /nga rgyal bdun dang rgyas pa rnam pa bdun/ /tha snyad bzhi dang tha snyad mang po'i gzhi/ /mkhas pa drug dang bka' yi dngos po dgu/ /'khor gyi dngos po brgyad la sogs par grags/ /zhes pa la sogs pa gsungs so/ <br> | |||
/bzhi pa gso ba rig pa bshad pa la gnyis/ dgos pa dang 'brel ba'i bshad bya ngos bzung/ gso rig dngos kyi tshul bshad pa'o/ <br> | |||
/dang po ni/ lus srog gso ba'i rig pa kun gyi bcud/ /pal ldan rgyud chen bdud rtsi snying po'i lus/ /rten lus dang brten pa srog bcas mi na bar gnas shing na ba gso bar byed pa'i rig pa ston pa'i gzhung lugs mtha' yas kyang/ de dag thams cad kyi bcud/ dpal ldan bdud rtsi snying po yan lag brgyad pa gsang ba man ngag gi rgyud chen po zhes bya ba/ go sla/ don bzang/ yan lag brgyad kyi don rdzogs par ston cing mchog dman kun la phan pa rlabs su che bas bod du 'gyur ba'i bka' dang bstan bcos rnams kyi nang nas ngo mtshar rmad du byung ba 'di'i lus rnam par gzhag pa rags pa cam shes na/ gso dpyad kun gyi don bde blag tu mthong bar 'gyur bas mdo tsam bshad par bya ba yin no/ <br> | |||
/gnyis pa la gnyis/ rgyud bzhi'i lus mdor bstan/ gso ba'i tshul <br> | |||
<br> | |||
===Sheja Dzo Chapter 6.1 volume2 (page 304)=== | |||
<br> | |||
bzhi rgyas par (aa: 153 na) bshad pa'o/ <br> | |||
/dang po la bzhi/ rtsa rgyud/ bshad rgyud/ man ngag /phyi ma'i rgyud kyi lus mdor bstan pa'o/ <br> | |||
/dang po ni/ rtsa ba gnas lugs ngos 'dzin gso ba ste/ /rtsa ba thugs kyi rgyud du/ gnas lugs nad gzhi/ ngos 'dzin rtags/ gso byed thabs kyi rtsa ba gsum/ dang po la rnam par ma gyur pa lus chu lta bu dang/ rnam par gyur par nad chab rom lta bu'i sdong po gnyis/ lus kyi yal ga nad dang lus zung dri ma gsum/ nad la srog 'dzin sogs rlung lnga/ 'ju byed sogs mkhris pa lnga/ sten byed sogs bad kan lnga/ sha khrag tshil rus rkang dang khu ba ste dwangs ma bdun/ bshang gci rngul ba'i dri ma gsum ste lo 'dab nyi shu rtsa lnga/ nad kyi yal ga rgyu rkyen 'jug sgo rten gnas rgyu lam ldang dus 'bras bu ldog rgyu mdor dril bcas dgu/ rgyu dug gsum/ rkyen dus gdon zas dang spyod lam bzhi/ sha pags rtsa rus don snod de 'jug sgo drug gnas lus kyi stod smad bar gsum/ lus zung dri ma dbang po don snod lnga po so sor rlung mkhris bad kan rgyu ba'i lam bco lnga/ na so gsum yul gsum dus gsum ste ldang dus dgu/ 'tsho ba gsum zad pa sogs 'bras bu srog gcod kyi nad dgu/ rlung mkhris bad kan zhi ma zhi gnyis gnyis bzhi ru ldog pa'i rgyu bcu gnyis/ de dag mdo don dril ba tsha grang gnyis su 'dus pa ste lo 'dab drub cu rtsa gsum/ gnyis pa la lta reg dri ba'i sdong po gsum/ lta ba'i yal ga lce dang chu la lta ba gnyis/ de re re la nad gsum gyis dbye bas lo 'dab drug reng pa'i yal ga nad gsum dang lo 'dab de mtshungs gsum/ dri ba'i yal ga slong rkyen na lugs goms pa'i sgo nas dri ba gsum/ yang la rtsub pa/ rno zhing tsha ba/ lci la snum pa'i zas dang spyod lam gyis rim bzhin rlung mkhris bad kan slong ba sogs dri <br> | |||
<br> | |||
===Sheja Dzo Chapter 6.1 volume2 (page 305)=== | |||
<br> | |||
ba'i dbye bas lo 'dab nyi shu rtsa dgu/ gsum pa la zas (aa: 153 ba) spyod sman dpyad kyi sdong po bzhi/ zas kyi yal ga zas gsum skom gsum ste drug rlung zas bcu bzhi/ mkhris zas bcu gnyis/ bad kan zas skom dgu ste lo 'dab sum cu so lnga/ spyod lam gyi yal ga rang rang dang sbyar ba'i gnyen po gsum/ re re la gnas dang spyod lam gyis dbye ba'i lo 'dab drug sman gyi yal ga rlung sman sogs gsum la ro nus gnyis gnyis dbye bas drug rlung la khu ba dang sman mar/ mkhris par thang dang cur ris/ bad kan la ril bu tres sam ste zhi byed drug rlung 'jam rtsi/ mkhris pa bshal/ bad kan skyugs kyis sbyong ba ste/ sbyong byed gsum bcas dril bas bco lnga/ rlung la ro mngar skyur lan tshwa gsum/ nujs pa snum lci 'jam pa gsum sogs gzhan gnyis la'ng de bzhin sbyar bas bco brgyad/ khu ba gsum/ /sman mar lnga/ thang dang phye ma bzhi bzhi/ ril bu gnyis/ tres sam lnga/ sbyong byed snga ma la gsum/ bar ma la bzhi/ phyi ma la gnyis te dril bas dgu/ snga phyi bsdoms pas lo 'dab lnga bcu tham pa/ dpyad kyi yal ga rlung mkhris bad kan gyi dpyad gsum/ snga ma la bku mnye dang hor gyi me btsa' gnyis/ bar ma la rngul dbyung gtar ga chu'i 'phrul 'khor/ phyi ma la dug dang me btsa' bcas lo 'dab bdun te/ mdor na gso yul nad gzhi la rnam grangs brgyad cu rtsa brgyad/ ngos bzung brtag pa la sum cu so brgyad/ gso byed gnyen po'i thabs dgu bcu rtsa brgyad kyi nang du gso ba rig pa'i don ma lus pa gtan la dbab nas mya ngan med pa'i ljon shing gi dpe dang sbyar bar mdzad de/ de ltar legs par shes shing lag tu blangs pas nad med pa dang tshe ring ba gnyis me tog chos dang nor dang bde bas 'byor pa 'bras bu'i mthun dper sbyor ba ni rygud nyid las/ rtsa ba gsum las (a: 154 na) 'dril ba'i sdong po dgu/ /gyes pa'i yal ga bzhi bcu rtsa <br> | |||
<br> | |||
===Sheja Dzo Chapter 6.1 volume2 (page 306)=== | |||
<br> | |||
bdun te/ /lo 'dab nyis brgya rtsa bzhir rgyas pa yin/ /gsal ba'i me tog 'bras bu lnga ru smin/ /'di dag rtsa ba'i rgyud kyi sdom du bshad/ /ces gsungs so/ <br> | |||
/gnyis pa ni/ /gso bya gso byed gso tshul gso bas bshad/ /bshad pa sku yi rgyud kyi bstan bya gso rig thams cad tshul bzhir dril ba ni 'og tu cung zad 'chad par 'gyur ro/ <br> | |||
/gsum pa ni/ lus dang byis pa mo nad gdon mtshon dug /rgyas pa ro tsa'i man ngag yan lag brgyad/ /man ngag yon tan rgyud le'u dgu bcu rtsa gnyis yod pa las/ lus kyi bcos le'u bdun/ byis pa dang mo nad la gsum gsum/ gdon dang mtshon rma la lnga lnga/ dug la gsum/ rgas pa gso ba'i thabs bcud len la gcig ro tsa dang de'i yan lag bud med btsa' srung gi thabs la gnyis bcas kyis gso byed gnyen po'i man ngag rdzogs par bstan pa ste/ spyir lus la sogs pa de rnams gso yul gyi yan lag brgyad du yongs su grags shing/ gso dpyad che chung thams cad de las 'phros pa sha stag go/ <br> | |||
/bzhi pa ni/ nad dang gnyen po thabs su phyi mar dril/ /rgyas par bshad pa de dag gso yul gyi nad/ gso lbyed gnyen po gso ba'i thabs gsum zhes phyi ma phrin las kyi rgyud du lag len snying por dril nas bstan te/ de'ng gso yul nad la rgyas par stong dang nyis brgya/ bsdu na kun brtags gdon/ ltar snang 'phral/ yongs grub tshe/ gzhan dbang sngon las kyi nad bzhi po re re la brgya dang gcig ste/ bsdoms pas bzhi brgya rtsa bzhi/ de las kyang bcos dgos shing bcos su yod pa yongs grub tshe'i nad brgya rtsa gcig gso byed gnyen po la stong dang rtsa gnyis/ mdor bsdus pas sman dpyad zas spyod bzhi/ sman la zhi byed sbyong byed gnyis/ zhi byed la bsil drod/ sbyong byed la drag dang <br> | |||
<br> | |||
===Sheja Dzo Chapter 6.1 volume2 (page 307)=== | |||
<br> | |||
'jam pa gnyis/ dpyad la 'jam rtsub (aa: 154 ba) gnyis/ zas la phan gnod gnyis/ spyod lam drag dal gnyis te mdor dril ba'i gnyen po bcur gsungs so/ <br> | |||
/gos thabs lag len sum brgya drug cu/ mdor bsdus brtag thabs gso tshul bcos thabs gsum/ dang po la reg pa rtsa/ mthong ba chu la brtag pa gnyis/ gnyis pa gso tshul rnam pa dgu/ gsum pa la/ zhi byed thang phye ril bu sde gu sman mar thal sman khanda sman chang sde tshan brgyad/ de'i log gnon rin po'i che'i sbyor ba/ thug phrad sngo sbyor gyi sde/ sbyong byed sngon 'gro snum 'chos/ bshal skyugs sna sman 'jam rtsi ni ru ha ste dngos gzhi las lnga/ log gnon rtsa sbyong ste bdun/ dpyad la gtar sreg dug lum byugs pa/ log gnon thur ma'i dpyad bcas nyi shu rtsa gsum/ thal sman sogs phyi ma lnga zhi byed rtsa ba'i sde tshan lngar 'dus pas lag len bco brgyad kyi grangs su dril ba yin no/ <br> | |||
/gnyis pa gso ba'i tshul rgyas par bshad pa la gnyis/ mdor bstan/ rgyas bshad do/ <br> | |||
/dang po ni/ gso bya gang phyir lus dang gang gso nad/ /gso byed spyod lam zas sman dpyad rnams te/ /gso thabs nad med gnas dang rnam gyur gso/ <br> | |||
/gso mkhan rtsa ba yan lag bcas pas bsdus/ /gong du smos pa'i bshad pa'i rgyud kyi sdom nyid gso rig spyi'i mdo chings chen yin pas de nyid cung zad bkrol na/ gso bya'i yul la gang gi phyir gso ba lus/ gang zhig gso ba de las 'byung ba'i nad gnyis/ gso byed kyi gnyen po spyod lam zas sman dpyad dang bzhi/ nad de gnyen pos ji ltar gso ba'i tshul lam thabs la nad med ring du gnas pa dng/ rnam gyur gso ba'i thabs gnyis/ gso byed kyi mkhan po sman pa rtsa ba bzhi la yan lag bcu gcig ldan pa dang bcas pas gso rig gi lus yongs su rdzogs pa bsdus so/ <br> | |||
/<br> | |||
<br> | |||
===Sheja Dzo Chapter 6.1 volume2 (page 308)=== | |||
<br> | |||
gnyis pa la (aa: 155 na) bzhi/ gso bya/ gso byed/ gso thabs/ gso mkhan no/ <br> | |||
/dang po la gnyis/ lus dang/ nad do/ <br> | |||
/lus la rgyu rkyen rtags kyis chags tshul rtogs/ /'dra dpe nyams sbyar lus zungs rtsa yi gnad/ /bu ga'i gnas lugs gnod bya gnod byed kyi/ /mtshan nyid las dbye 'jig ltas gtan la dbab/ /gang gi don du gso ba lus la chags pa'i rgyu dkar dmar rnam shes gsum/ 'phel ba'i rkyen lte 'khor dang bu snod kyi rtsa las byung ba'i bcud btsa' ba'i rtags dang bcas pas chags pa'i tshul rtogs/ rten khang bzang brten pa rgyal blon btsun 'bangs dang bcas pa'i 'dra dpe sbyar bas lus gnas kyi nyams shes/ nad dang dwangs snyigs sha rus la sogs pa'i ldang tshad lus zungs kyi gnas lugs/ chags srid 'brel pa tshe ste 'brel pa rtsa'i gnas lugs/ sha tshil rus pa chu rgyus don snod rtsa'i gnad bdun te gnyan pa gnad kyi gnas lugs/ phyi nang dwangs snyigs zas rgyu lam bu ga'i gnas lugs bzhis lus kyi gnas lugs rtott/ gnod bya khams la lus zungs bdun dang dri ma gsum/ gnod byed nyes pa rlung mkhris bad kan nang gses dbye ba bco lnga dang bcas so/ <br> | |||
/grub tshul rang bzhin me drod lto ba gnas pa byed las mtshan nyid kyi sgo nas lus kyi mtshan nyid rtogs/ spyir sgo gsum dge mi dge lung ma bstan la spyod cing bye brag dbang po lnga yis rang gi yul la spyod pa lus kyi las dang/ rten pho mo ma ning/ na tshod rgan byis dar ma/ rang bzhin <br> | |||
<br> | |||
===Sheja Dzo Chapter 6.1 volume2 (page 309)=== | |||
<br> | |||
nyes gsum so so'i mi/ nad rnam par ma gyur pa dang gyur pa'i dbye bas de dag rtogs/ ring ba nye ba ma nges nges pa can bzhis lus 'jig pa'i ltas gtan la dbab pa ste nang gses du ma dang bcas pa'i rnam grangs bdun gyis gang gso ba lus kyi gnas lugs la mkhas par bya'o/ <br> | |||
/gnyis pa ni/ nad la dug (aa: 155 ba) gsum nyes gsum nye ring rgyu/ /skye mched gsog ldang slong rkyen skyed byed de/ /lam drug zhugs pa'i mthsan nyid 'phel zad 'khrugs/ /rgyu dang rten dang rnam pa'i sgo nas dbye/ /gang gso ba nad la/ ring rgyu ma rig pa las byung ba'i dug gsum dang nye ba'i rgyu des bskyed pa'i nyes pa gsum ni nad kyi rgyu/ dus dbang po spyod lam dman lhag log pa skye mched kyi rkyen/ rgyu ngo bo dus kyi sgo nas gsog ldang zhi gsum byed pa gsog ldang gi rkyen/ thun mong khyad par spong rkyen te nad skyed byed kyi rkyen gsum/ nyes gsum rang gnas 'phang bya'i yul la 'phen byed kyi rkyen bzhis 'phangs pa 'jug sgo'i lam drug tu zhugs nas rang gnas su rten pa nad 'jug tshul' zhugs nas nang lus zungs dri ma gsum po ldang tshad las 'phel ba dang zad pa dang phan tshun 'khrugs pa gsum po nad kyi mtshan nyid/ sngon gyi las/ tshe 'di'i nyes pa/ de gnyis 'dres pa las 'byung ba ste rgyu'i dbye ba gsum/ skyes pa bud med byis pa rgas pa kun khyab thun mong ste rten gyi dbye ba lnga/ phyi ma la nyes pa gtso bo rigs dang gnas kyi dbye ba gsum/ nang gses dang bcas pa gnod bya nyi shu rtsa lnga la rkyang pa ldan 'dus 'dres pa'i rigs kyi <br> | |||
<br> | |||
===Sheja Dzo Chapter 6.1 volume2 (page 310)=== | |||
<br> | |||
rnam pa'i sgo nas dbye ba grangs med pa rnams ni nad kyi dbye ba ste rnam grangs lnga yi sgo nas gso bya nad kyi mtshan nyid legs par rtogs par bya'o/ <br> | |||
/gnyis pa gso byed kyi tshul bshad pa la/ spyod lam rgyun spyod dus spyod gnas skabs te/ /zas tshul bsdam dang zas tshod ran par bza'/ /sman la ro nus zhu rjes sbyor ba'i thabs/ /'jam rtsub drag dpyad de yi cha byad bcas/ /nad gso byed gnyen po rnams kyi thog mar gal che ba bya ba spyod lam gyi gnas la/ tshe rkyang 'jig rten pa dang dam pa rnams kyi rgyun tu spyod pa/ dus drug tu gsog ldang gi gnyen po bsten pa'i dus spyod/ (aa: 156 na) nad mi skye ba dang skyes pa zhi ba'i gnas skabs kyi spyod lam ste gsum/ 'tsho ba zas la/ bza' bya'i zas dang btung bya'i skom gyi tshul lam rnam grangs shes par bya ba/ lus la mi 'phrod pa bsdam par bya ba/ zas kyi tshod ran par bza' ba gsum/ sbyor ba sman la ro drug nus pa brgyad las skyes pa'i yon tan bcu bdun zhu rjes gsum rnams nad kyi 'byung ba'i gnyen por sprad pa'i ro bsdebs sbyor ba lnga bcu rtsa bdun dang rkyang pa drug bcas drug cu rtsa gsum ni so sor 'phel zad bdun cu rtsa bzhi'i gnyen por sbyar zhing/ nus par sbyor ba zhi sbyang gnyis nad rigs spyi'i gnyen por sbyor ba'i thabs la mkhas par bya ba dang/ cha byad dpyad la/ 'jam po'i dpyad dug lum byugs pa/ rtsub pa'i dpyad gtar sreg dbug pa/ drag po'i dpyad 'dral gcod 'drud dang 'byin pa bzhi/ de dag gi cha byad zug rngu brtag pa'i dpyad khab mgo sogs bcu bzhi/ zug rngu 'byin pa seng ge kha sogs skam pa'ng rigs drug sha 'dral khrag dbyung <br> | |||
<br> | |||
===Sheja Dzo Chapter 6.1 volume2 (page 311)=== | |||
<br> | |||
bye'u'i sgo 'dra sogs btsag bu'i snge drug btsag dbugs 'dren dpyad sbubs thur smyu gu la sogs thur ma dgu gce'u rngabs ra bum pa la sogs cha byad phran bu dang bcas pa ste/ de dag gis rnam par gyur pa'i nad kyi rigs snying rjes gso ba la brtson par bya'o/ <br> | |||
/gsum pa la gnyis/ nad med gnas shing 'tsho ba dang/ na ba gso bar bya'o/ <br> | |||
/dang po ni/ nad med bder gnas rgas pa'i nad las bsring/ /rnam par ma gyur pa nad med kyi tha mal gyi lus po min par gnas pa dang ring du 'tsho zhing bde bar gnas pa'i thabs mchog nad kyi rgyu rkyen spang ba la bslab/ lo zla mang du 'das pas lus zungs kyi stobs 'gribs te rten rnying nas rgas pas tshe zad par nye ba la bcud len gyi sbyor bas stobs skyed cing tshe bsring bar bya'o/ <br> | |||
/gnyis pa ni/ na ba rgyu dang (aa: 156 ba) mtshan nyid phan gnod bsten/ /ngan gyo skyon dang spang blang mu bzhis brtag /spyi dang bye brag khyad par tshul gyis gso/ <br> | |||
/thun mong khyad par gso ba'i thabs ldan bya/ /na ba gso ba'i thog mar ngos bzung rtags la mkhas par bya dgos pas/ de'ng slong byed rgyu/ mtshan nyid rtags/ phan gnod goms pa bsten pa gsum gyis nyes pa dngos su brtag ngan gyo skyon te thabs kyi sgo nas mi shes pa'i grags pa mi phog par brtag na ba thams cad 'tsho ba ma yin cing thams cad 'chi ba'ng ma yin pas gso sla ba dang gso dka' ba dang gso rung ba tsam dang spang bar bya ba ste spang blang mu bzhi'i sgo nas brtag rtogs nas ji ltar gso bar byed pa la gso tshul/ gso thabs gnyis/ dang po la gsum/ nyes gsum gsog dus zhi byed dang ldang dus sbyong byed kyis bcos shing zhi ba'i skabs su mi 'khrugs par <br> | |||
<br> | |||
===Sheja Dzo Chapter 6.1 volume2 (page 312)=== | |||
<br> | |||
bya ba spyi'i gso tshul/ ma zhur bcas pa dang rkyang pa dang gzhan dbang can gsum gang 'tshams su bcos pa bye brag gi gso tshul/ ma rtogs dogs pa dang bcas pa la sad mda' btang ba/ ngos zin nges pa rnyed nas sman dpyad dngos su sbyor ba/ gnyen po'i thog tu mi 'bab pa la nad lam du gzung ba/ sngar bcos dman lhag log pa la gnyen po bsgyur ba/ shin tu stobs chen gyi nad la gnyen po rtsal sprugs pa/ nad stobs chung ngu'i rigs la gnyen po cha yis bskyed pa/ nyes gsum rkyang pa'i nad la gnyen po gzhan gnod med pa/ ldan pa dang 'dus pa'i nad la 'du ba cha snyoms su bcos pa/ thams cad la'ng bcos bya bcos byed 'tshams shing ma nor ba ste khyad par gyi gso tshul dgu yis nad rnams gso bar bya zhing/ thun mong gso yul zungs zad sogs brta bar bya ba dang/ tsho ches sogs nyams dmad pa'i thabs gnyis/ khyad par tsha ba bsil/ (aa: 157 na) grang ba drod/ rlung snum gro sogs nyes gsum so sor gso ba'i thabs dang ldan par bya'o/ <br> | |||
/bzhi pa ni/ sman pa rgyu drug mchog gyur las la mkhas/ /rang gzhan 'phral yun bde legs 'bras bur spyod/ /gso ba'i bya ba byed pa'i sman pa'i mtshan nyid kyang rgyu drug dang ldan pa ste/ blo gros che ba blo brtan pa blo gzed pa (25) <br> | |||
<br> | |||
===Sheja Dzo Chapter 6.1 volume2 (page 313)=== | |||
<br> | |||
ste blo dang ldan pa/ byams pa dang snying rjer ldan pa bsam pa dkar ba/ blo bzhag drug gzzung bya gnyis shes pa gsum ste dam tshig dang ldan pa/ lag pa bzo ngag tshig snyan rig pa bkra ba ste rnam pa bzo ba/ bdag don bslab sbyong dang gzhan don gso dpyad la le lo med pas bya ba la brtson pa/ dam pa'i mtshan nyid ldan cing thun mong gi kun spyod legs pa sogs mi chos la mkhas pa rnams so/ <br> | |||
/de'ng rigs brgyud med cing mthong goms chung ba sogs tha ma'i skyon bcu gnyis spangs shing mchog gi yon tan rnams dang ldan pa/ thun mong sgo gsum gso dpyad kyi las dang khyad par lta sgom spyod pa'i bya ba la mkhas pa ste/ de lta bu'i tshul rnams ji skad bshad pa ltar tshad dang ldan par 'brel bas rang gzhan gnyis ka 'phral dang yun du bde legs kyi 'bras bu la spyod par 'gyur ro/ <br> | |||
/gnyis pa rig gnas chung ba bshad pa la gnyis/ mtshams sbyar ba dang/ dngos so/ <br> | |||
/dang po ni/ rig gnas chung ba lnga ru grags pa las/ /rig gnas chung ba lngar grags pa 'di la bzhed tshul 'ga' zhig snang yang/ mngon par 'byung ba'i rgyud las/ byang chub sems dpa' sems can 'dun par bya ba'i phyir gzhan dg la snyan par dngags pa'i bstan bcos dang/ ming gcig don du mar 'jug pa dang/ don gcig nyid kyang ming gi rnam grangs du mas mngon par brjod pa'i bstan bcos dang/ lci ba dang yang ba'i yi ge bsgyur ba dang spel ba'i sgo nas tshigs su bcad pa sdeb pa'i bstan (aa: 157 ba) bcos dang/ mdo 'dzin pa dang/ bzhad gad dang/ skad du ma gzhan du bsgyur bas 'gro ba dga' bar byed pa zlos gar gyi bstan bcos dang/ grangs kyi rig pas gzhal te ngo mtshar bar ston pa rtsis kyi bstan bcos rnams kyang bslab par bya <br> | |||
<br> | |||
===Sheja Dzo Chapter 6.1 volume2 (page 314)=== | |||
<br> | |||
ste/ byang chub sems dpa' de ni bla na med pa yang dag pa rdzogs pa'i byang chub thob par 'dod pa'i phyir ro/ <br> | |||
/zhes gsungs pa ltar phyis nas chab gcig bzhed par snang ba las/ zhes mtshams sbyar ba'o/ <br> | |||
/gnyis pa la lnga/ skar rtsis/ snyan dngags/ sdeb sbyor/ mngon brjod/ zlos gar ro/ <br> | |||
/dang po la bzhi/ spyi'i don/ nang gi nges pa/ phyi rol gyi brtsi ba'i gzhi/ ji ltar brtsi ba'i tshul bshad pa'o/ <br> | |||
/dang po ni/ kun rdzob blang dor ston pa'i skar rtsis ni/ /de nyid stong pa rags snang brtsi ba'i gzhi/ /rten 'brel grangs kyi rig pa rtsi ba'i tshul/ /de'ng kun rdzob kyi grangs dang gnas tshul la mi rmongs pas blang dor ma 'chug par ston par byed pa ni dgos pa'o/ <br> | |||
/dgos pa de ldan gyi skar rtsis zhes grags pa la phyi nang gi lugs gnyis las 'dir rgyud kyi rgyal po las gsungs pa'i rjes su 'brangs pa ni ches dgos pa dang bcas pa yin pas/ de ltar na thog mar nang gi nges pa shes pa gal che bas/ de kho na nyid stong pa spros bral gyi gnas lugs de/ 'khrul tshul ma rig pas bslad pa'i dbang gis yul yul can nam phyi nang sogs gnyis chos dang/ rtsa rlung thig le'm nyi zla sgra gcan gyis mtshon gsum chos sogs rags snang mtha' yas par sgro btags pa'i snang cha tsam ni so skye rnams kyi brtsi bya'i gzhi dang/ rten cing 'brel bar 'byung ba'i grangs kyi rig pa ni rtsi ba'i tshul lam rtsi byed yin no/ <br> | |||
/gnyis pa ni/ dbu ma'i dbugs las gza' yi rkang pa 'byung/ /dus bzhi'i mtha' ru de dag stong par 'jug /slar yang rtog 9aa: 158 na) pas dus kyi nges pa 'char/ /dbu ma'i dbugs ni ye shes kyi rlung ste dbu ma la brten nas rtsa gzhan mngon par skye ba ltar ye rlung la brten nas las kyi rlung 'byung ba lnga'i bdag nyid skye ba'm rgyu bar byed/ gyon rkyang ma la brten te snying stobs <br> | |||
<br> | |||
===Sheja Dzo Chapter 6.1 volume2 (page 315)=== | |||
<br> | |||
kyi rang bzhin gzung ba yul gyi cha bskyed pa nam mkha' rlung me chu sa'i rim pas zhi bza' lnga rgyu la/ gyas ro ma la brten te 'dzin pa bdag rtog gi cha gtso bor bskyed pa rdul gyi rang bzhin sa chu me rlung nam mkha'i rim pas drag gza' lnga rgyu ba'i phyir phyi rol 'jig rten gyi khams la yang me rlung gi grangs bzhin du gza' rnams kyi dal rkang myur rkang sogs 'byung gno/ <br> | |||
/dus bzhi'i mtha' ru gza' de dag stong par 'jug pa'i lo grangs sogs gong du smos pa ltar nang lus dang sbyar na skyes bu lang tsho rgyas shing nad la sogs pas ma gzir ba zhig mtshan gzhir byas te rtsa rkyang ma la brten te sna gyon nas dang por nam mkha' rlung me chu sa ste 'byung ba bskyed pa'i rim pas dkyil 'khor re la sum brgya drug cu ste dkyil 'khor lnga rgyu la/ de nas ro ma la brten te gyas su sa chu me rlung nam mkha' ste 'byung ba sdud pa'i rim pas lugs bzlog tu dkyil 'khor lnga rgyu ste/ dkyil 'khor nam 'pho chung re la sum brgya drug cu dang/ dkyil 'khor lnga rdzogs pa ni 'pho chen yin pas de la dbugs stong dang brgyad brgya 'byung/ de ltar skyed sdud kyi bya ba gnyis rdzogs pas 'pho chen gnyis kyi mtshams su nang du dbu ma la 'jug ste/ 'jig rten chags shing zhig pa'i bya ba rdzogs nas stong par gnas pa'm/ gza' rnams kyi dkyil 'khor rdzogs pa na stong pa la 'jug pa dang/ lus can rnams skye 'chi'i gnas skabs kyi 'og tu rang bzhin 'od gsal du 'jug pa la sogs pa'i don no/ <br> | |||
/tshul des gyas nas lug sogs mi mnyam pa'i khyim gyi 'pho chen drug dang/ gyon nas glang sogs mnyam (aa: 158 ba) pa'i khim gyi 'pho chen drug ste dus sbyor gyi 'pho ba bcu gnyis la dbugs nyi khri chig stong drug brgyar longs te rang dbugs kyi zhag gcig tu 'jog go /des na nang du 'pho chen gnyis la 'byung ba bskyed sdud rdzogs nas dbu mar stong pa la gzhol ba bstan pa'i don dang mu <br> | |||
<br> | |||
===Sheja Dzo Chapter 6.1 volume2 (page 316)=== | |||
<br> | |||
ste gzhug pa'i ched du mi lo stong dang nyis brgya la dbugs rer byed pa'i gtso bo nus pa'i ming can zhig yod pa ltar bzhag nas de'i dbugs grangs kyi 'pho chen gnyis rdzogs pa na phyir dus chen po gcig rdzogs shing/ de'i 'pho mtshams su dbu mar 'jug pa dang phyir gza' rnams stong pa la 'jug par sbyar nas gsungs pa'o/ <br> | |||
/stong 'jug la mtshur lugs pa rnams ni rgyud las gsungs pa'i rang rtsi nyid sgra ji bzhin par bzung la/ phug lugs pa rnams de mu stegs kyis mi rtog pa'i phyir sbas rtsis yin pas sgra ji bzhin min par bzung nas grub mtha'i zhib rtsis gsar du 'chos par mdzad do/ <br> | |||
/slar yang sems can rnams kyi kun tu rtog pa'i dbang gis rlung gis 'pho ba skye ba de bzhin phyi rol du'ng dus kyi nges par rim bzhin 'char bas/ dus bzhi so so'i zad pa me stag gi dbo zla ba'i gnam stong nya khyim gyi mthar gza' rnams kyi longs spyod rnam par dag pa la stong par zhugs pa'i tha snyad byed cing/ slar rab byung gi lo'i nag zla'i tshes gcig nas lo zla gza' skar thams cad kyi rtag pa'i longs spyod gsar du 'char ba yin no/ <br> | |||
/gsum pa ni/ nang nyid ji ltar phyi rol snang ba las/ /bgrod bya khyim skar bgrod byed gza' rnams skyes/ /nyi mas khyim spyod dus bzhi gyas su `khor/ /skar khyim go la rlung 'gros nyin zhag rer/ /gyas bskor bza' 'rnams rang 'gros yul la spyod/ /nang rdo rje'i lus kyi gnas lugs ji lta bar phyi rol du snang ba las/ thog mar bgrod bya'i yul go la'i steng (aa: 159 na) du khyim bcu gnyis rgyu skar nyer brgyad rnams chags/ de'i steng du bgrod byed gza' bcu po skyes/ gnam la nyi mas khyim bcu gnyis po gyon bskor du spyod cing sa la las kyi sa dum bu bcu gnyis su dus bzhi gyas bskor gyi tshul gyis 'pho zhing rgyu ste 'khor ba'o/ <br> | |||
/de ltar rgyu skar gyi khyim dang go la rnams ni <br> | |||
<br> | |||
===Sheja Dzo Chapter 6.1 volume2 (page 317)=== | |||
<br> | |||
rlung 'gros la brten nas nyin zhag re rer gyas su bskor cing/ gza' rnams ni rang rang gi 'gros kyis yul rgyu skar khyim gyi longs spyod la spyod pa'o/ <br> | |||
de'ng gza' gzhan ni/ rgyu skar gyi steng du rang 'gros kha shar du phyogs pas ri rab la gyon bskor gyis rgyu la/ sgra gcan ni don dam pa'i rigs pas bsod nams dang ldan pa'i phyir gza' gzhan gyi stobs 'phrog cing/ khyim gyi rlung 'gros bzhin du kha nub tu phyogs nas ri rab la gyas bskor gyis bskor zhing/ nam gru nam tha skar gyi bar lugs sdog tu spyod do/ <br> | |||
/de'ng sgra gcan ni nang du dbu ma ye shes kyi cha yin la/ de ni kun rdzob 'khrul ba'i rnam pa 'jig par byed pa rdo rje lta bu'i ting nge 'dzin gyis rtogs par bya ba yin pa'i rigs pas phyi 'jig rten gyi khams la yang gza' gzhan ni gyon du spyod cing stobs dman la/ sgra gcan bsod nams kyi stobs lhag pas so/ <br> | |||
/dus gsum tshigs mtshams mun can nyi zla phrad/ /des na rang lus la dbu ma stong pa'i rang bzhin khams sgrib thogs dang bral ba yar sna chu'i khams dpyid kyi gong bu dang mar sna me'i khams 'bar ba'i thig le dang ldan pa/ phyi nang dag pa gcig pa'i phyir sgra grcan yang lus stong pa nam mkha'i khams sgrib thogs dang bral la/ gdong chu'i rang bzhin nag po mun pa'i bdag nyid dang/ mjug ma me'i khams dmar po 'bar ba'i rang bzhin gnyis ni sgrib byed kyi nus pa can rags pa'i rnam pa ste/ nang du rdul dang snying stobs dang mun pa'i dus gsum gyi tha mar mun pa chen (aa: 159 ba) po'i rlung gis ro ma'i stobs 'phrog cing/ sa chu me rlung nam mkha' ye shes kyi khams drug rdzogs pa na rkyang ma'i stobs 'phrog pas phyi rol du zla ba gnyis la yan lag re'm/ dus rer byas pa'i dus gsum rdzogs pa'i dkar nag gi tshig mtshams su mun can nyi ma la 'jug cing/ zla ba drug rdzogs pa na zla ba la sgra bcan 'jug par snang ba dang/ khyad par nyi 'dzin la <br> | |||
<br> | |||
===Sheja Dzo Chapter 6.1 volume2 (page 318)=== | |||
<br> | |||
rten 'brel yan lag bcu gnyis rim par 'khor ba'i reg pa'i rten 'brel gnas stong la 'char ba dgos te/ de yang lug gi khyim zla nas brtsams te zla ba bcu gnyis la yan lag rer 'jog la/ yan lag re'i nyin zhag dang po la ma rig pa/ gnyis pa la 'du byed/ gsum pa la rnam shes/ bzhi pa la ming gzugs/ lnga pa la skye mched drug drug pa la reg pa/ bdun pa la tshor ba/ brgyad pa la sred pa/ dgu pa la len pa/ bcu pa la srid pa/ bcu gcig pa la skye ba/ bcu gyis pa la rga shi dang/ bcu gsum pa la ma rig pa nas nyer bzhi la rga shi dang/ yang nyer lnga la ma rig pa nas drug pa la rga shi/ bdun pa la ma rig pa nas bco brgyad pa la rga shi dang/ bcu dgu la ma rig pa nas gnam stong la rga shi'o/ <br> | |||
/mdor na gnam stong la reg pa yod pa dang rga shi yod pa spel mar 'byung ba'i reg pa yod pa'i tshe 'dzin te/ reg pa'i yan lag dbus der sgra gcan rgyu ba de yis zla ba nyi ma dag ni 'dzin par 'gyur/ /zhes so/ <br> | |||
/nyi zla rlung 'gros khyim tshes nyin zhag byung/ /dus gsum mtshams bzhi thun brgyad dus sbyr ni/ /bcu gnyis yud tsam sum cu dbugs nyi khri/ /chig stong drug brgya chu srang sum stong dang/ /drug brgya chu tshod drug cus go la 'khor/ /nyi ma dang zla ba dang rlung ste go la'i 'gros gsum la brten nas khyim zhag dang/ tshes zhag dang/ nyin zhag rnams byung zhing/ snga ma ring/ (aa: 160 na) bar ma thung/ phyi ma de gnyis kyi bar te zhib par gong du bshad zin pa ltar ro/ <br> | |||
/de'ng lo zla la sogs pa dus rnam par gzhag pa'i gtso bo ni nyi ma'i 'gros la brten pa ste/ nyin zhag gcig la dus sbyor bcu gnyis yod pa'i dus sbyor bzhi la dus re byas pa'i dus gsum dang/ dus sbyor gsum la thun mtshams re byas pa'i thun mtshams bzhi dang/ dus sbyor phyed dang gnyis la thun tshod re byas pa'i thun tshod brgyad dang/ dbyu gu lnga la dus sbyor re byas pa'i dus sbyor bcu <br> | |||
<br> | |||
===Sheja Dzo Chapter 6.1 volume2 (page 319)=== | |||
<br> | |||
gnyis dang/ chu tshod gnyis la yud tsam re byas pa'i yud tsam sum cu dang/ dbugs nyi khri chig stong drug brgya dang/ dbugs drug la chu srang du byas pa'i srang sum brgya drug cu dang/ chu srang drug cu chu tshod du byas pa'i chu tshod drug cus zhag re bzhin go la 'khor bar 'gyur la/ gza' gzhan yang de'i rjes su 'brangs pas 'jig rten du rgyu zhing legs nyes kyi 'bras bu 'byin par byed do/ <br> | |||
/'dir zhar byung lo zla'i 'go 'dzin pa'i tshul yang mdo sde nyi ma'i snying por/ bdag gis rgyu skar smin drug brjod/ /zla ba nya tshe zla rangs 'gyur/ /ston zla tha chung zhes grags pa/ /lo 'gor bdag gis brjod par bya/ /zhes dang por lo la bkod pa'i go rim gyis rgyu skar gyi dang po smin drug yin pas na smin drug gi zla bar lo 'gor gsungs shing/ 'jig rten gyi grags pas dpyid ra lo 'gor byed pa la 'dul mngon las lugs de gnyis ka dang/ tha skar gyi zla ba lo 'gor byed pa'ng 'byung zhing/ rgya rtsis pas hor zla dang po stag dpyid rar byas nas de lo 'gor 'jog kyang dus kyi 'khor lo 'dir 'jig rten chags pa'i dbang du byas pa'i lo 'go dang/ nyi khyim gtso bor byas pa'i lo 'go dang/ dgos pa gtso bor byas pa'i lo 'go ste gsum las dang po ni/ dbyar 'bring krtti'i zla ba nas 'dzin te 'jig rten chags nas cher ma lon pa ston dpyid dang nyi (aa: 160 ba) zla sogs med pa na nyi ma nab so'i bzhi gsum kartta'i khyim gyi dang po nas longs spyod skyes pas dus kyi dang po dbyar yin par gsungs pas so/ <br> | |||
/gnyis pa ni/ nyi ma lug khyim du zhugs pa'i dus te gza' skar dang dus rnams nyi ma'i rjes su 'brang zhing de'i khyim gyi dang po lug yin pas so/ <br> | |||
/gsum pa ni/ nag zla'i dkar tshes gcig nas lo 'go 'dzin pa ste dus 'khor gsungs pa'i zla ba yin pa'i phyir ro/ <br> | |||
/'di dang 'jig rten pa dang phyi rol pa ni yar ngo sngon 'gror byed la/ mngon 'grel las zla ba <br> | |||
<br> | |||
===Sheja Dzo Chapter 6.1 volume2 (page 320)=== | |||
<br> | |||
thams cad ni mar gyi ngo snga ste zhes gsungs shing/ sdom brcon dang por ngal ba ltar snang yang mthar rgyas par 'gyur ba'i chos mthun gyis sangs rgyas pa mar ngo sngon 'gro byed pa mang bas rgyud 'grel du yang phal cher mar ngo sngon 'gro byas kyang dgos pa'i dbang gis res 'ga' yar ngo sngon 'gror yang gsungs la/ yang rtsa rgyud las mar ngo sngon 'gro dang bsdus rgyud du mu stegs gzhugs phyir yar ngo sngon 'gro gsungs zhes kyang grags so/ <br> | |||
/bzhi pa ni/ gza' tshes skar sbyor byed pa'i yan lag lnga/ /gza' lnga sgra gcan tatkaal spyod tshul brtag /'bras bu lung ston rtsis phran gzhan yang bslab/ /de ltar brtsi bya'i gzhi dang rtsi byed kyi gnad rnams legs par nges nang/ nyin re la sogs pa'i nges pa ji ltar rtsi ba'i tshul ni/ nyi ma sogs res gza' bdun/ tha skar sogs res 'grogs zla skar ram tshes kyi skar ma/ nyi mas spyod pa'i rgyu skar/ sel ba la sogs pa'i sbyor ba nyer bdun/ 'pho ba'i byed pa bdun dang rtag byed bzhi ste yan lag lnga ji ltar 'char ba dang/ drag gza' gsum/ zhi gza' gnyis te gza' lnga po rgyu skar gyi yul la 'gros bzhis ji ltar rgyu ba dang/ sgra gcan gdong mjug gang du spyod pa/ tatkaal ste dus sbyor gang zhig 'char ba/ (aa: 161 na) tshes dang dus la rtsa ba dang yan lag gi dbyangs 'char ba'i tshul rnams zhib mor brtag cing/ 'bras bu bzang ngan lung ston par byed pa dus 'khor las gsungs pa dang/ gyul las rnam par gyal ba'i rgyud don dbyangs 'char ba la gtso bor brten cing man ngag gnad kyi 'khro lo rnams kyis blang dor lkog gyur mngon sum du ston pa rnams dang/ brtsi bya 'byung ba lnga la/ rtsi byed rang bzhin gzhi'i gtsug lag dang/ 'byung ba rang rgyud/ snang ba yul/ gtsod byed yid/ 'dzin pa sems kyi gab tshe bzhis bsdus pa'i ma rig 'khrul snang gi gtsug lag gnyis kyi sgo nas legs nyes lung bstan pa 'byung rtsis sam nag rtsis <br> | |||
<br> | |||
===Sheja Dzo Chapter 6.1 volume2 (page 321)=== | |||
<br> | |||
su grags pa sogs rtsis phran gzhan yang bslab par bya'o/ <br> | |||
/gnyis pa snyan ngag bshad pa la gnyis/ lus dang/ rgyan no/ <br> | |||
/dang po ni/ snyan dngags 'dod don lus la bcad lhug spel/ /grol ba rigs mdzod 'dus pa srgas bcings/ /tshigs bcad rkang bzhi lhug pa brjod dang gtam/ /spel ma gtso phal zlos gar tsambu ste/ /de'ng mdo las/ dam pa'i chos gsal bar bya ba'i phyir snyan dngags bya'o/ <br> | |||
/dkon mchog gsum la bstod pa bya'o/ <br> | |||
/de las bla na med pa'i byang chub 'thob par 'gyur ro/ <br> | |||
/zhes sogs 'byung ba ltar/ mkhas pa'i bya ba gsum gyi mchog rtsom pa bzang ngan ni snyan dngags shes mi shes kyi rjes su 'gro ldog byed pas/ 'di'i gtso bo'i don lus dang rgyan gnyis su gnas pa las/ dang po ni/ lus ni re zhig 'dod pa yi/ /don gyi rnam bcad tshig gi phreng/ /zhes gsungs pa ltar/ snyan dngags mkhan gyis brjod par 'dod pa'm bsam pa'i don ni snyan dngags kyi lus te don nges par byas nas tshigs legs par bsdebs pa la 'dod pa'i don gyis rnam par bcad pa zhes gsungs so/ <br> | |||
/(aa: 161 ba) lus de'ng tshigs su bcad pa'i tsheg bar bdun dang dgu la sogs pa dang/ ma bcad pa'i lhug pa dang/ de dag spel ma gsum du gnas so/ <br> | |||
/tshigs bcad sbyor tshul lam rigs kyi sgo nas dbye na/ grol ba/ rigs/ mdzod/ 'dus pa zhes bya ba bzhi ste/ rim bzhin tshigs bcad gcig gi nang du don gcig rang dbang can du rdzogs par ston pa dang/ brjod bya'i don gcig la shlo ka mang du tshogs shing bya tshig gcig gis gsal bar byas pa dang/ gcod mtshams dang bya tshig sna tshogs shing shlo ka'i grangs nges med pa mdzod ltar 'dus pa dang/ brjod bya'i tshig don gcig la shlo ka dang bya tshig mang po can te/ de dag kyang srga zhes pa le'u'm rab byed dam skabs du mas <br> | |||
<br> | |||
===Sheja Dzo Chapter 6.1 volume2 (page 322)=== | |||
<br> | |||
bcings pa ni snyan dangs chen po zhes ba'o/ <br> | |||
/tshigs su bcad pa de'ng mngon pa kun btus las/ rkang pa gcig nas drug pa'i bar du yod par bshad kyang snyan dngags pa'i lugs la rkang pa bzhi pa kho na yin la/ lhug pa la brjod pa dang gtam zhes ming gnyis su yod kyang slob dpon dandis de gnyis don gcig tu bzhed cing/ pandi ta rig byed rgya mtsho ni/ brjod pa'i mtshan nyid/ lhug pa'i snyan dngags gang zhig sngon byung gi gtam rgyud las drangs pa ma yin pa'i rigs brjod pa dang/ gtam gyi mtshan nyid/ lhug pa'i snyan dngags gang zhig sngon byung ba'i gtam rgyud las brtsams te brjod pa shas che ba yin zhes bzhed la/ me long du'ng/ sngon byung gtam las gyur pa'm/ /cig shos legs pa la brten nas/ /zhes 'byung ba dang mthun pas legs zhes mkhas pa snga rabs pa du ma gsung ngo/ <br> | |||
/spel ma la'ng gtso bo dang phal pa gnyis kyi dang po ni/ skad rigs bzhi tshang zhing bcad lhug spel ma'i bdag nyid can zlos gar nyid yin la/ gnyis pa ni/ skad rigs gang rung la (aa: 162 na) brten cing bcad lhug bsres pa tsambu zhs grags pa de yin pa dang/ gzhan yang rjod byed kyi sgo nas dbye na/ legs sbyar/ rang bzhin/ zur chag 'dres ma dang bzhir bshad do/ <br> | |||
/gnyis pa rgyan ni/ mdzes byed tshig sbyor thun min yon tan bcu/ /thun mong don rgyan sgra dang gab pa'i tshig /skyon spong rtsom pa 'jig rten rgyan du byed/ /me long gzhung las/ snyan dngags mdzes par byed pa yi/ /chos rnams rgyan zhes rab tu brjod/ /ces 'byung ba ltar/ ji ltar skyes bu'i lus la do shal dang dpung rgyan la sogs pas mdzes par byed pa bzhin du snyan dngags kyi lus la'ng sbyar ba la sogs pa'i don gyi rgyan gyis mdzes par byed pa'i phyir/ de lta bu'i tshig sbyor ba ni rgyan zhes bya ste/ /de'ng dandi'i gzhung las shar lho'i <br> | |||
<br> | |||
===Sheja Dzo Chapter 6.1 volume2 (page 323)=== | |||
<br> | |||
lam srol so so ba/ /sbyar ba rab dwangs mnyam nyid dang/ /snyan dang shin tu gzhon pa dang/ /don gsal ba dang rgya che dang/ /brdzid dang mdzes ldan ting nge 'dzin/ /yon tan 'di bcu pee darbha'i/ /lam gyi srog tu bshad pa yin/ /'di dag phal cher ldog pas ni/ /goo dda'i lam dag mtshon pa yin/ /ces thun mong min pa'i yon tan bcu dang/ shar lho 'dod pa mthun pa thun mong gi lam srol la don rgyan sgra rgyan gab tshig gsum ste/ de'ng/ rang bzhin brjod dang dpe dang ni/ /gzugs can gsal byed bskor ba dang/ /'gog dang don gzhan bkod pa dang/ /ldog pa can dang srid pa can/ /bsdus dang phul byung rab brtags dang/ /rgyu dang phra mo cha dang rim/ dga' dang nyams ldan gzi brjid can/ rnams grangs brjod dang kun tu phan/ /rgya che bsnyon dor sbyar ba dang/ /khyad par mtshungs par sbyor ba dang/ /'gal dang skabs min bstod pa dang/ /jol bstod nges par bstan pa dang/ /lhan cig brjod dang yons brjes shis/ /rab spel da nas (aa: 162 ba) dongs pa can/ /'di dag tshig rnams dag gi ni/ /rgyan du sngon gyi mkhas pas bstan/ /(25) <br> | |||
<br> | |||
===Sheja Dzo Chapter 6.1 volume2 (page 324)=== | |||
<br> | |||
ces don rgyan sum cu rtsa lnga nang gses kyi dbye bas du mar 'gyur ba dang/ sgra rgyan la zung ldan dang bya dka'i khyad par gnyis/ rtsed mo'i 'dun sar bzhad gad la sogs pa'i ched du nye bar mkho ba'i gab tshig gi rgyan bcu drug rnams so/ <br> | |||
/mdor na tshig rgyan thams cad rang bzhin brjod pa dang 'khyog brjod gnyis su 'du zhing/ de dag gi tshig sbyor skabs/ don nyams don 'gal don gcig pa/ /the tshom can dang rim pa nyams/ /sgra nyams gcod mtshams nyams pa dang/ /sdeb sbyor nyams dang mtshams sbyor bral/ /yul dus sgyu rtsal 'jug rten dang/ /lung rigs dag dang 'gal ba ste/ /skyon bcu de dag snyan dngags la/ /snyan ngag mkhan gyis spang bar bya/ /zhes pa ltar skyon bcu dang/ gzhan yang grong tshig dang dpe skyon la sogs pa spangs pa dang/ ji skad du/ rang bzhin gyis grub spobs pa dang/ /mang du thos pa dri med dang/ /mngon par sbyor ba mi dman pa/ /snyan ngag phun sum tshogs pa'i rgyu/ /zhes 'byung ba'i rgyu tshogs dang ldan pa'i rtsom pa ni 'jig rten gyi rgyan du byed de slob dpon dpa' bos mdzad pa'i bstod pa bzhin no/ <br> | |||
/'di la spyir btang dper brjod shar pa'i lam la dpag bsam 'khri shing dang/ lho pa'i lam la skyes rabs so bzhi pa yin zer ba 'dra rung tsam yod par snang ngo/ <br> | |||
/gsum pa sdeb sbyor bshad pa la gsum/ priitta/ dzaa ti/ ngo mtshar rtogs byed kyi sbyor ba bshad pa'o/ <br> | |||
/dang po ni/ tshig sbcad sdeb sbyor yi ge drug pa nas/ /rgyun chags bar du bgrang ba priitta ste/ /mnyam dang mi mnyam phyed mnyam dag gis bcing/ /<br> | |||
<br> | |||
===Sheja Dzo Chapter 6.1 volume2 (page 325)=== | |||
<br> | |||
snyan dngags tshigs su bcad pa la shin tu gal che ba'i rig pa ni/ ji skad du/ tshigs bcad rkang bzhi de yang ni/ priitta dzaa (aa: 163 na) ti zhes rnam gnyis/ /zhes dang/ rig de snyan dngags rgya mtsho ni/ /zab mo brgal 'dod rnams kyi gru/ /zhes 'byung ba ltar tstshandas'i sgra las drangs pa'i sdeb sbyor priitta dang dzaa ti gnyis su yod pa'i gnyis ka'ng tshigs bcad rkang bzhi pa'i dbang du byas pa ste/ dang po ni/ rkang pa bzhi kar yi ge'i grangs snyoms pa'i yi ge bgrang ba yin la/ de'ng yi ge drug pa dbyangs sgrog dang bdun pa rab dga' nas/ nyer drug pa lhag par byed ldan gyi bar nges pa can dang/ nyer bdun phan chad la rgyun chags zhes bya zhing de la'ng rgyun chags dang rab bsags dang po nas brgyad pa la sogs pa'i dbye ba mang ngo/ <br> | |||
/drug pa sogs la'ng nang gses shin tu mang ste yi ge bcu pa la mtshon na lci yang sbyor tshul gyi dbye bas rnam grangs chig stong nyer bzhi 'gyur zhing/ de rnams kyang ming gi nges pa gsal ba dbus phra/ gzhon nu rol pa dang 'dra mtshungs/ glog phreng/ dag pa'i snang ba la sogs pa dang/ gzhung du ming dngos su ma gsungs pa shin tu mang ba de dag ni briitta ste/ de la'ng nang gses su rkang pa bzhi ka yi ge'i grangs dang lci yang mtshan nyid mtshungs pa mnyam pa'i briitta ste dbus phra la sogs pa'o/ <br> | |||
/de las ldog pa ni mi mnyam pa'i briitta ste/ de la'ng kha sgo dang/ rkang bzhi 'phel dang/ steng 'gro dang/ dal gyi 'gro ba bzhi'o/ <br> | |||
/rkang pa zung gnyis mi mnyam la zung mnyam pa'i mtshan nyid lta bu'i 'dres pa ni phyed mnyam pa'i briitta ste nyer bkra la sogs pa rnams kyis bcings pas mdzes par byas pa'o/ <br> | |||
/gnyis pa ni/ phyi mo bgrang ba dzaa ti 'phags ma dang/ /ro langs dmar ser rnams la gzhan bshad 'du/ /yi ge'i ngo grangs bgrang du med pa phyi mo bgrang ba'i sdeb sbyor ni dzaa ti zhes bya ste/ snga ma yi ge brgyad yod pa la yi <br> | |||
<br> | |||
===Sheja Dzo Chapter 6.1 volume2 (page 326)=== | |||
<br> | |||
ge brgyad pa'i sdeb sbyor zhes pa lta bu'i tshab tu 'dir phyi mo brgyad tshang dgos te/ de'ng (aa: 163 ba) dbyangs thung ngu/ gsal byed dbyangs gcig pa rnams ni phyi mo gcig par bgrang/ dbyangs ring po/ <br> | |||
gsal byed dbyangs gnyis pa ste ring po dang mtshams sbyor gyi yi ge srog tu zhugs pa sogs mdor na lci ba rnams ni phyi mo gnyis par bgrang/ gsal byed srog med ni phyed par bgrang ba yin la/ de la'ng phyi mo 'god tshul dang/ rkang bzhi mnyam mi mnyam phyed mnyam gyi dbye bas dzaa ti dang/ ro langs can dang/ dmar ser can gsum gyi nang gses bcas rin 'byung gzhung du bshad cing/ thos chub sogs las cung zad 'dra min mang du bshad pa thams cad kyang ngo bo 'di dag tu 'du'o/ <br> | |||
/'di dag tu yi ge gsum re la tshogs re byas pas lci yang gi dbang gis tshogs brgyad du 'byur te/ dang po bar dang mtha' rnams su/ /lci ba nyid gyur bha dza sa/ /yang ba nyid gyur ya ra ta/ /lci ba yang nyid ma na'o/ <br> | |||
/zhes 'byung ba ltar la/ de re re la'ng dge ba dang mi dge ba ston pa'i lha re re yod par bshad de/ bha yig sa gzhi dpal ni rgyas byed dza yig chu ste 'phel ba'o ra yig me ste 'chi/ /sa yig rlung ste pha rol yul du ring por 'gro byed ta yig nam mkha' stong pa'i 'bras/ /ya yig nyi ma rgya chen nad ni len byed ma yig zla ba grags pa dri ma med/ /na yig lha ste bde ba rab ster mkhas pas tshogs rnams kyis ni 'bras bu 'dir rab bshad/ /ces pa ltar la/ de'ng dang po'i tshogs de la brtag par bshad do/ <br> | |||
/de bzhin du sdeb sbyor yi ge drug pa nas rab bsags sam rgyun chags kyi bar rnams la'ng lha re re yod par 'dod de/ sdeb sbyor gaa ya tii'i lha rta mgrin du bshad cing de'i gzugs kyang yod par snang la 'on kyang 'di dag ni phyi rol pa'i lha ru snang ngo/ <br> | |||
/gsum pa ni/ /prastaa ra 'god spyi grangs nashtta dbye/ /u dhishtta bzung yang ba adhaa brtag / (aa: <br> | |||
<br> | |||
===Sheja Dzo Chapter 6.1 volume2 (page 327)=== | |||
<br> | |||
164 na) khyad par drug dang thun mong rtog byed gcig /mnyam pa'i pritta kho na'i sbyor ba ngo mtshar ba'i rigs pas rtogs par byed pa la drug dang po yi ge gcig pa nas bzung rgyun chags kyi bar gyi lci yang spel ba'i tshul ston pa prastaa ra 'god tshul/ gnyis pa yi ge bcu pa lta bu'i sdeb sbyor re re la rnam grangs du yod ston pa spyi'i rnam grangs rtogs byed/ gsum pa spyi grangs de las gang rung zhig khol du 'don pa'i bkod bya ji ltar yod rtogs par byed pa dper na yi ge drug pa'i sdeb sbyor la spyi'i rnam grangs drug cu rtsa bzhi yod pa'i nang nas bcu bzhi pa de glo bur bkod na prastaa ra 'god mi dgos sar lci yang bde blag tu rtogs byed na shta'i cho ga /bzhi pa thog mar yi ge bcu pa las ma sa dza ga lta bu'i prastaa ra bkod/ slar 'di yi ge bcu pa'i sdeb sbyor gyi nang gses su du pa yin ces 'dri na bde blag tu rtogs pa'i thabs udhishta bzung ba/ sdeb sbyor 'di la lci ba 'ba' zhig pa du/ gcig yang ba du/ gnyis yang ba du zhes sogs 'dri na/ de rtogs byed yang ba'i bya ba/ prastaa ra'i phreng steng 'og gi gling dang bar gyi sa ji tsam 'gro ba rtogs byed la adha'i brtag pa ste mnyam pa'i priittaa khyad par du rtogs par byed pa'i cho ga drug yod cing/ britta dzaa ti thun mong du yi ge phyi mo/ <br> | |||
lci yang gi grangs rtogs par byed pa'i thabs re re la gsum gsum yod kyang spyir thun mong rtogs byed ces bsdoms pas gcig go/ <br> | |||
de dag ni slob dpon rin 'byung zhi bas mdzad pa'i gzhung las ji ltar gsungs pa'i don te/ gzhung 'di ni/ ji skad du/ mdor bsdus tshigs su bcad pa dang/ /mdo yis dper brjod bgyis pa dang/ /ma 'dres rim pas 'don pa dang/ /mthar sdod tshogs nyid yon tan yin/ /ces dmar ser can gyi gzhung las yon tan brgyad kyis 'phags par bshad pa dang/ mdzad pa po khyad (aa: 164 ba) du 'phags pas ngo mtshar ba'i gzhung yin no/ <br> | |||
/<br> | |||
<br> | |||
===Sheja Dzo Chapter 6.1 volume2 (page 328)=== | |||
<br> | |||
bzhi pa ming gi mngon brjod bshad pa la gnyis/ spyir ming gi mtshan nyid dbye ba sogs bshad pa/ bye brag mngon brjod kyi tshul bshad pa'o/ <br> | |||
/dang po ni/ thog ma'i 'dod rgyal rjes grub don dang ldan/ /dngos ming de bzhin btags ming 'dra 'brel gyi/ /rgyu mtshan las byung de nyid ldog pa'i ming/ /'brel la rgyu ming 'bras dang 'bras ming rgyu/ /tshogs pa ya gyal la btags sdog pa sogs/ /rang gi gdags gzhi yi ge du ma 'dus nas don gyi ngo bo tsam ston pa'i rjod byed ni ming gi mtshan nyid/ de btags pa'i dgos pa ni/ 'phags pa'i zhal nas/ ming du gdags par ma mdzad na/ /'jig rten thams cad rmongs par 'gyur/ /de bas rmongs pa bsal ba'i phyir/ /mgon pos ming du gdags par mdzad/ /ces gsungs pa ltar tha snyad brdar go ba ni ming la rag las pa'o/ <br> | |||
/de la'ng rgyu mtshan dang dgos pa la ma ltos par thog ma'i brda sbyar ba ni 'dod rgyal gyi ming ste/ nam mkha' sa chu la sogs pa lta bu' smra sgo las/ 'dod rgyal thog ma'i ming gang yin/ /nges tshig gzhi med chos nyid bzhin/ /ces bshad do/ <br> | |||
/sngar tha snyad grub zin pa'i ming don gzhan gyi ming du gdags pa ni rjes su grub pa'i ming ste/ de la'ng rjes grub 'dod rgyal ni sgra bshad du mi rung ba/ khyi nag po la dung zhes btags pa lta bu/ rjes grub don dang ldan pa ni sgra bshad du rung ba/ khyi dkar po la dung zhes btags pa lta bu'o/ <br> | |||
/yang ming la dbye na dngos ming dang/ de bzhin btags ming gnyis/ dang po ni 'dod rgyal thog ma'i mingdu grags pa'm dngos kyi sgra bshad gsum po gang rung tshang ba/ de la dbye na 'dod rgyal thog ma'i dngos ming/ lha zhes pa lta bu/ (aa: 165 na) rjes grub 'dod rgyal gyi dngos ming/ ljon shing la rkang 'thung zhes pa lta bu/ don ldan 'khrul med kyi dngos ming/ skyes bu dpa' ba la stag ces pa lta bu'o/ <br> | |||
/btags ming gi mtshan nyid btags <br> | |||
<br> | |||
===Sheja Dzo Chapter 6.1 volume2 (page 329)=== | |||
<br> | |||
pa'i sgra bshad lnga po gang rung tshang ba/ de la dbye na 'dra ba rgyu mtshan du byas pa/ 'brel ba rgyu mtshan du byas pa'm de las byung ba/ de gnyis ka ldog pa rgyu mtshan du byas pa'i btags ming gsum du yod/ dang po ni sman bya rog rkang zhes pa lta bu/ gnyis pa 'brel ming la rgyu ming 'bras bu la btags pa/ ma zhu ba'i nad la ma zhu ba brjod pa lta bu/ 'bras ming rgyu la btags pa sgron me'i shing ngam/ phyug po ser snang can la yi dwags su brjod pa lta bu/ tshogs pa'i ming ya gyal la btags pa skyes bu 'ga' zhigs la lha'm/ bud med kha cig gi ming du bu mo brjod pa lta bu/ de las ldog la/ ya gyal gyi ming tshogs pa la btags pa gser sogs la lcags zhes brjod pa lta bu dang bzhi'i/ /gsum pa 'dra 'brel gnyis ka las ldog pa'i ming ni/ gzhan' mig dmar la bkra shis dang/ byed pa bishta la bzang po zhes brjod pa lta bu sogs so/ <br> | |||
/gnyis pa ni/ ming gcig don mang don gcig ming mang gis/ /mngon brjod khams dang ming don khong chud bya/ /de ltar bshad pa'i ming rnams kyang ming gcig kho na don mang po la 'jug pa/ dper na/ 'chi med mdzod las/ ka: ni tshangs pa rlung nyi bdag /kang ni mgo dang chu dag la/ /zhes dang/ dbang chen gu gul 'ug pa dang/ /sprul 'dzin rnams la ko shi ka? / /zhes dang/ artha brjod bya nor tshig don/ /dgos pa dang ni ldog pa la/ /zhes dang/ anta rang ni go skabs mtshams/ /smad gossgrib dbye de yi don/ skyion bral phyi rol bdag gi ba/ skabs dbus gang gi bdag la yang/ /zhes dang/ swa sti smon bde bsod nams tshogs/ /(aa: 165 ba) zhes dang/ klu sgrub zhabs kyis/ ngag phyogs sa dang 'od zer dang/ /phyug dang mig dang rdo rje dang/ /mtho ris chu ste don dgu la/ /mkhas pas go sgra nges par bzung/ /zhes pa lta bu dang/ gzhan yang mdon brjod mu tig phreng ba dang/ dpal sgra'i snye ma <br> | |||
<br> | |||
===Sheja Dzo Chapter 6.1 volume2 (page 330)=== | |||
<br> | |||
sogs nas mtha' yas pa 'byung ba ltar legs sbyar la shin tu mang zhing/ bod skad la'ng/ gnyis skyes zhes pa'i ming/ zla ba/ bram ze/ bya sogs la 'jug pa dang/ mkha' 'gro zhes pa grub pa'i rnal 'byor ma dang/ o rgyan sogs zhing skyes kyi mi mo/ <br> | |||
nyi ma/ 'dab chags/ mda' la'ng 'jug pas mtshon te rgya cher rtogs par bya'o/ <br> | |||
/don gcig la ming mang po dang ldan pa ni/ 'chi med mdzod las/ mtho ris mi zad mi bde med/ /legs gnas sum rtsen skabs gsum gnas/ /lha yi 'jig rten zhes mtho ris kyi ming gi rnam grangs dang/ kun mkhyen bde gshegs sangs rgyas dang/ /chos kyi rgyal po de bzhin gshegs/ /kun tu bzang po bcom ldan 'das/ /bdud thul rgyal ba 'jig rten rgyal/ /mngon shes drug ldan stobs bcu pa/ /gnyis med gsung ba rnam par 'dren/ /thub dbang dpal stug ston pa'o/ <br> | |||
/zhes sangs rgyas kyi mtshan gyi rnam grangs su gsungs pa lta bu shin tu mang po rnams te/ mngon brjod de rnams kyang legs sbyar la byings kyi khams dang/ skad gnyis kar ming de'i don nam rgyu mtshan yang khong du chud par byed dgos te/ dper na legs sbyar la/ buddhaa zhes pa budhi rtogs pa'i byings la dngos po'i don kta rkyen du sbyar nas bsgrubs pas gnyid dang bral ba lta bu'i sangs pa'm shes bya'i dngos po thams cad ji bzhin du rtos pa'i don du 'gyur ba dang/ de nyis bod skad du sangs rgyas zhes sngon gyi lo tsaa ba chen po rnams kyis don la brton nas bsgyur bar mdzad de/ de'ng/ ma rig gnyid las (aa: 166 na) sangs phyir dang/ /shes bya la ni blo rgyas phyir/ /sangs rgyas padma ltar sangs rgyas/ /zhes nges tshig dang sbyar dgos pas mtshon te rjes su dpag par bya'o/ <br> | |||
/lnga pa zlos gar ni/ mtshams sbyor lnga dang 'jug pa'i yan lag dang/ /mtshan nyid bcu drug skyeg dang phreng ba sogs/ /kun dga'i ro ldan zlos gar <br> | |||
<br> | |||
===Sheja Dzo Chapter 6.1 volume2 (page 331)=== | |||
<br> | |||
dang mtshungs pa/ /sems can mgu byed spyod pa kun la bslab/ /zlos gar gyi bshad pa bod kyi rtog bzo mkhan rnams kyis bshad pa ni phal cher ji bzhin ma yin pas rjes zlos ma byas la/ kun mkhyen bstan pa'i nyin byed kyis rgya dpe dang zlos gar gyi sbyor ba'ng gzigs nas phyogs mtshon tsam gyi gsung gi rgyun ni/ spyir zlos gar la don gyi chings gsum/ mtshams sbyor gyi yan lag 'jug pa'i yan lag mtshan nyid kyi dbye ba'o/ <br> | |||
/dang po mtshams sbyor gyi yan lag ni/ brjod bya'i don gyi khyad par sde tshan mi 'dra ba rnams rjod byed kyang skad rigs sna tshogs pas lab dgos pa de dag gi bar du mtshams sbyor byed yin/ de las sgo'i mtshams sbyor ni dri ba dang/ lan gyi sgo'i mtshams sbyor ni dri lan te phan tshun dri ba dri lan gyi rnam pa byed rgyu du ma zhig yod pa'i ming dang/ snying po ni/ skabs 'gar gros byed pa lta bu'i tshig mang po phan tshun du smras pa'i mthar gros thag bcad pa'i tshul gyis gtan la phab pa la snying po zer/ mi bzod pa ni/ mtshang nas 'bru ba'i brjod pas de'i rang mtshang la phog pa'i rnam pas mi bzod pa'm chags pas gzir nas mi bzod pa'i tshul byed pa'o/ <br> | |||
/nges pa thob byed ni/ the tshom dang bcas pa'i brjod pa mang po'i mthar don gcig la nges pa rnyed pa ltar byed pa ste/ de rnams la mtshams sbyor gyi yan lag lnga zhes grags so/ <br> | |||
/gzhan yang snyan ngag me long gi rgya 'grel slob dpon ratna shriis mdzad pa las/ mtshams sbyor rnams ni sgo dang/ (aa: 166 ba) lan gyi sgo/ <br> | |||
snying po/ <br> | |||
mi bzod pa/ nges thob ste lngar bshad do/ <br> | |||
/de la nye bar len pa/ nye bar mkho ba/ yongs su 'jog pa/ rnam par sred pa/ rig pa/ thob pa/ mnyam par 'jog pa/ sgrub pa/ brnyes pa/ dbye ba/ dbye bar byed pa rnams ni sgo'i yan lag rnams so/ <br> | |||
/yongs su 'gro ba/ rnam par 'dar ba/ gdung ba/ <br> | |||
<br> | |||
===Sheja Dzo Chapter 6.1 volume2 (page 332)=== | |||
<br> | |||
rtsed mo/ <br> | |||
rtsed mo'i mdangs/ rab tu 'gro ba/ 'gl ba/ nye bar gnas pa/ ma dag pa/ skye bo 'god par rtsom pa/ yi ge bsdu ba rnams ni lan gyi sgo'i yan lag rnams so/ <br> | |||
/ma byung ba dper brjod pa/ lam gyi rang bzhin dper brjod pa'i rim pa bsdu ba/ rjes su dpag pa/ slong ba/ brtag dpyad/ gzer ba/ stobs lhag pa/ yid 'byung ba/ 'tshab pa rnams ni snying po'i yan lag rnams so/ <br> | |||
/rgol ba/ 'thor ba/ 'dzag pa/ nus pa/ phan tshun du gnas pa/ 'gro ba pa gsal ba/ 'byed pa/ 'gog pa/ 'gal ba/ len pa/ 'drid pa/ rab tu sred pa ni mi bzod pa'i yan lag rnams so/ <br> | |||
/mtshams sbyor/ 'gog pa/ spel ba/ gtan la phab pa/ smod pa gsal ba/ rab dwangs/ kun dga'/ dus/ nye bar sbyed pa/ bsam pa snga ma 'chad pa/ snyhan ngag bsdu ba/ rang gis ston pa rnams ni nges thob kyi yan lag rnams so/ <br> | |||
/zhes gsungs/ /gnyis pa 'jug pa'i yan lag la/ bhaa ra tii/ saa twa ti/ kee shi kii/ aar bha tii/ zhs pa bzhi ste/ so sor yang yan lag bzhi'o/ <br> | |||
/de la bhaa ra tii'i yan lag bzhi ni/ rab tu sred pa dang/ kun tu sgo dang/ phreng ba dang/ bzo byed ba'o/ <br> | |||
/saa twa ti yi yan lag bzhi ni/ shin tu 'jog pa/ yongs su bsgyur ba/ smra ba dang bcas pa/ 'phrag tu bzlog pa rnams so/ <br> | |||
/kee shi kii'i yan lag bzhi ni/ rtsed mo/ <br> | |||
gsal ba/ rtsed mo 'byed pa/ rtsed mor 'gro ba rnams so/ <br> | |||
/aar bha ttii'i yan lag (aa: 167 na) bzhi ni/ bsdus pa/ kun ltung/ gnas skabs 'jog pa/ kun tu 'thor ba ste/ de rnams ni 'jug pa'i yan lag go/ <br> | |||
gsum pa mtshan nyid kyi dbye ba ni/ rgya 'grel las/ rgyan/ yi ge bsdus pa/ mdzes pa/ dper brjod/ rgyu yang dag par sbyor ba/ mthong ba'i <br> | |||
<br> | |||
===Sheja Dzo Chapter 6.1 volume2 (page 333)=== | |||
<br> | |||
mtha'/ thob pa/ mngon par mtho ba/ nges par bstan pa/ nges tshig grub pa/ khyad par byed pa/ yon tan lhung ba/ phul byung/ rtog ge mtshungs pa/ tshig btus pa/ bstan pa/ nye bar bstan pa/ rnam par dpyad pa/ go ldog pa/ nyams pa/ rjes khrid/ phreng ba/ yon sbyin pa/ smod pa/ don gyi dbang/ rab tu grub pa/ dri ba/ 'god pa dang bcas pa/ re ba/ cha shas/ bsdus pa/ yon tan sgrogs pa/ ma brjod pa grub pa/ dga' ba'i tshig ste sum cu rtsa drug tu shad pa rnams dang/ gzhan yang/ sgeg pa'i yan lag dang/ phreng ba'i yan lag dang/ mtshams sbyor gzhan pa'i yan lag la sogs pa ste/ de rnams thams cad kyang gar gyi rnam 'gyur shin tu khro ba'i nyams dang/ chags pas gzer ba'i nyams dang/ mya ngan gyis sdug bsngal ba'i nyams dang/ ya mtshan pas ngo mtshar ba'i nyams sogs sngon byung gi gtam rgyud dang rjes su 'brel ba'i lus ngag gi rnam 'gyur la brten nas mngon sum lta bur nyams su myong bar byed pa ste/ de rnams kyi mtshan nyid rgyas pa ni 'dir yi ge'i las su che bas gzhan du shes par bya'o/ <br> | |||
/mdor na lus ngag gi 'gyur ba lan mang po zlos kyang yid 'phrog pa'i gar du gyur pas 'gro ba mthong thos kun dga' ba skyed pa'i ro'm nyams dang ldan pa 'phags pa'i yul du zlos gar gyi rig pa ya mtshan che bar grags kyang gangs can du de'i bstan bcos ma byung zhing thar pa don du gnyer ba la nye bar mkho ba'ng med pas/ de dang cha mtshungs pa byang chub sems dpa' rnams kyi bya ba sems (aa: 167 ba) can mgu byed kyi spyod pa kun la bslab par bya ste/ sems can mgu byed ma gtogs pa/ /sangs rgyas mnyes pa'i thabs gzhan med/ /ces gsungs pa ltar ro/ <br> | |||
/rtsa ba'i gsum pa tshur mthong 'jig rten pa'i lam rnam par gzhag pa la gnyis/ spyir bstan pa dang/ bye brag tu dbye ba'o/ <br> | |||
/<br> | |||
<br> | |||
===Sheja Dzo Chapter 6.1 volume2 (page 334)=== | |||
<br> | |||
dang po ni/ tshe 'di'i bde skyid tsam rtog tha mal pa/ /grub mthas blo bsgyur lam dang ldan pa ste/ /yang dag yang dag min pa'i lta ba mang/ /'og ma brgya las gong ma re re tsam/ /bsdu na phyi nang gnyis yod/ /ces pa ste/ spyir sems can gyi ris na shes bya'i gnas tshul dang 'jig rten phyi ma phan chad la rtog dpyod gang yang mi 'jug par tshe 'di kho na'i bde sdug gi blang dor tsam 'ba' zhig rtog pa ni tha mal pa zhes bya la/ grub mthas blo bsgyur cing shes bya la rtog dpyod cung zad zhugs pa ni lam dang ldan pa zhes bya ste 'jig rten phal pa las ches mtchog tu gyur pa'o/ <br> | |||
/des na 'jig rten na grub mthas blo kha sgyur ba rnams ni/ rang rang gi rigs pas grub cing de las 'da' bar mi nus pa la grub pa'i mtha' zhes bya zhing de nyid bden pa yin gyi/ 'jig rten na ji ltar grags pa rnams ni bden par ma nges so zhes zer te/ de skad du yang/ spyod 'jug las/ 'jig rten pa yis dngos mthong zhing/ /yang dag nyid du'ng rtog byed kyi/ /sgyu ma lta bu min pas 'dir/ /rnal 'byor pa dang 'jig rten rtsod/ /ces gsungs so/ <br> | |||
/grub mtha' smra ba de la'ng mngon mtho'i theg pa la sogs yang dag dang/ rtag chad du 'dzin pa sogs yang dag pa ma yin pa'i lta ba ni mang ste/ slob dpon sman pa'i zhabs kyis/ lta ba lnga brgya bdun cu dang/ rtog ge 'bar ba las lta ba'i rtsa ba brgya rtsa bcu dang de las phye ba sum brgya drug cu rtsa gsum dang/ ye shes nying po kun btus kyi bshad sbyar las ya mthsan can gyi lta ba dgu (aa: 168 na) bcu drug dang/ mdo sde tshangs pa'i drwa ba las lta ba drug cu rtsa gnyis dang/ dad pa cher 'byung gi mdo las dam pa ma yin pa'i lta ba nyi shu rtsa brgyad dang/ theg chen la dad par rab tu sgom pa'i mdo las lta ngan nyi shu rtsa drug gsungs pa dang/ gzhan yang 'jig tshogs la lta ba nyi shu dang/ rtog dpyod kyi lta ba las pha rol smra ba <br> | |||
<br> | |||
===Sheja Dzo Chapter 6.1 volume2 (page 335)=== | |||
<br> | |||
bcu drug dang/ lung ma bstan gyi lta ba bcu bzhi dang/ mthar 'dzin gyi lta ba bryad dam bzhi'm gnyis te yang dag pa ma yin pa'i lta ba mang du bshad pas mtshon no/ <br> | |||
/ngan song gsum dang lha mi phal mo che sogs 'jig rten phal pa brgya stong du ma'i nang du grub mtha'i lam la zhugs pa ni re re tsam du zad la/ de dag kyang 'og ma 'og ma la zhugs pa ni ches mang la gong ma gong ma la zhugs pa ni ches nyung ste/ jo bo rjes/ deng sang rgya gar na mu stegs kyi grub mtha' la mkhas pa brgya brgya'i tshe na bye brag tu smra ba'i grub mtha' shes pa re re/ de brgya brgya na mdo sde pa re re/ de brgya brgya na sems tsam rnam bden pa re re/ de brgya brgya na rnam rdzun pa re re/ de brgya brgya na zla ba grags pa'i lugs shes pa re re tsam las med/ ces gsungs pa ltar ro/ <br> | |||
/grub mtha' smra ba la nang gses bye brag gi rnam dbye ches mang yang ris mi mthun pa'i sgo nas bsdu na/ gzhan sde phyi rol mu stegs pa dang/ rang sde nang pa sangs rgyas pa gnyis su yod pas de dag gi tshul rim bzhin 'chad par bya'o/ <br> | |||
/gnyis pa bye brag tu dbye ba la gnyis/ phyi rol mu stegs pa'i lam sros mdor bstan/ mngon mtho'i theg pa rgyas par bstan pa'o/ <br> | |||
/dang po la gsum/ ngo bo/ <br> | |||
dbye ba/ de nyid rgyas par bshad pa'o/ <br> | |||
/dang po ni/ phyi pa la/ /mu stegs zhes grags/ /zhes pa se/ bstan pa 'di dang ston pa 'di las phyi rol tu phyogs te 'jig rten pa'i shes rab kyis shes bya'i gnas la dpyod kyang yin (aa: 168 ba) lugs kyi myang 'das dang rjes su mthun pa'i lam med pas phyi rol pa zhes bya/ 'on kyang de la cung zad nye bar gyur pas thar pa'i mu dang stegs la gnas pas na mu stegs zhes bya ste/ bzang spyod 'grel pa lo chen ye shes sdes mdzad pa las/ mu stegs can zhes bya ba la/ /mu stegs ni/ dper <br> | |||
<br> | |||
===Sheja Dzo Chapter 6.1 volume2 (page 336)=== | |||
<br> | |||
na chu'i rdzing bu'm mtshe'ur 'jug pa'i mur them pa byas pa lta bu'm rab brgal ba'i rab kha bde ba la mu stegs zhes bya'o/ <br> | |||
/de bzhin mya ngan las 'das pa'i mtshor 'jug pa'i mu stegs dang/ 'gor ba'i chu bo las brgal ba'i thabs lam gyi rab kha la mu stegs zhes bya ste/ gang su dag la lam de yod cing de spyod na de dag ni mu stegs can te/ zhes gsungs pa ltar ro/ <br> | |||
/mtshan nyid ni/ lta sgom spyod 'bras bzhi'i sgo nas sangs rgyas pa'i 'gal zlar gyur pa'i grub mtha' smra po'o/ <br> | |||
/gnyis pa ni/ btags sprul rang rgyud gsum/ /zhes pa ste/ spyir mu stegs tsam la btags pa ba dang/ sprul pa dang/ rang rgyud pa gsum las/ btags pa ba ni/ lang gshegs las/ ji srid sems ni 'jug pa'i bar/ /de srid 'jig rten rgyang 'phen yin/ /ces pa dang/ mdo gzhan las/ 'jig rten rgyang 'phen pa'i tshig lhur len pa'i dge sbyong rul pa sogs gsungs shing/ gnas ma bu pa dang phung po la sogs bden par smra ba rnams dang rigs chad pa'i log rtog can zhi ba'i bde ba la yid skyo ba rnams la mu stegs zhes btags pa rnams so/ <br> | |||
/sprul pa'i dbang du byas nas ni/ /bden smra'i mdo las/ yid bzhin nor bu 'ching bu phrad gyur pa/ /bden pa'i tshul du nam yang 'byung ba med/ /de bzhin sangs rgyas rin chen mu stegs can/ /zhing gcig tu ni nam yang 'byung mi 'gyur/ /mu stegs can sgo 'di ni bsam gtan dang/ /mngon shes dbang bsgyur mkhas yin shes par gyis/ /shes rab thabs kyis sbpyod (aa: 169 na) pa'i blo ldan rnams/ /rnam par 'phrul pa sna tshogs ston par byed/ /ces sogs mdo sde rnams las mang du gsungs pa rnams so/ <br> | |||
/rang rgyud pa'i dbang du byas na/ yum las/ kun tu rgyu brgya klan ka 'tshol ba'i bsam pas 'ongs pa de dag la dkar po'i chos gcig tsam yang ngas ma mthong ngo/ <br> | |||
/<br> | |||
<br> | |||
===Sheja Dzo Chapter 6.1 volume2 (page 337)=== | |||
<br> | |||
zhes sogs 'byung ba ltar ro/ <br> | |||
/gsum pa rgyas par bshad pa la gsum/ bsam gtan pa/ rtog ge pa/ zhar byung kla klo sogs spang byar bstan pa'o/ <br> | |||
/dang po ni/ phyi mar bsam gtan pa ni lnga mngon shes/ /gong du dbye ba gsum smos pa'i phyi ma mu stegs rang rgyud pa ni 'dir bshad bya'i grub mtha' ste/ de la'ng bsam gtan pa dang rtog ge pa gnyis kyi dang po ni/ bsam gtan gzugs med kyi mngon shes lnga ldan te/ slob dpon dpa' bos/ drang srong chen po lnga mngon shes/ /zhes gsungs pa ltar ro/ <br> | |||
/de yang ye shes rgyas pa dang rtog ge 'bar ba sogs nas bsam gtan dman 'bring mchog gsum gyis rim pa bzhin du bskal pa sum cu dang drug cu dang dgu bcu rjes su dran par bshad la/ de 'dra ba rnams ni 'khor ba thog ma med pa nas byung zhing/ rtog ge pa yang spyir de dang 'dra mod kyi 'chad 'gyur gyi grub mtha' phal cher ni bskal pa 'di nyid la byung ba'o/ <br> | |||
/gnyis pa la gnyis/ mdor bstan dang 'brel bar chad smra bshad/ rtag smra'i dbye ba dgod pa'o/ <br> | |||
/dang po ni/ rtog ge pa yi rtsa ba rtag chad smra/ /de la rgyang 'phen pa rnams 'gro ba gsum/ /gsal dang mi gsal sems can ngo bos byung/ /rgyu sogs ma mthong med smra tshe snga phyi/ /las sogs 'gog mtho ris tsam yang med/ /mu stegs kyi grub mtha'i dbye ba spyir ye shes snying kun btus las/ yon tan can pa/ grangs can pa/ tshangs pa ste gsum rtog ge 'bar ba las/ grangs can pa/ bye brag pa/ rig byed kyi mtha' gsang ba pa/ (aa: 169 ba) spyod pa can ste bzhi/ dus 'khor las/ tshangs pa ba/ dbang phyug pa/ khyab 'jug pa/ rgyang 'phen pa/ gcer bu ba/ skabs gzhan dru grangs can pa ste drug sa skya pa'i gzhung lugs legs bshad las/ rtag smra grangs can pa/ phur bu pa/ bye brag pa/ rig pa can pa/ gcer bu ba ste <br> | |||
<br> | |||
===Sheja Dzo Chapter 6.1 volume2 (page 338)=== | |||
<br> | |||
lnga dang/ chad smra tshu rol mdzes pa/ spyod pa pa/ rig byed kyi mtha' gsang ba smra ba/ dbu ma'i tshul du smra ba bzhi ste dgu dang/ bcom ral ba'i grub mtha' rgyan gyi me tog las/ rgyang 'phen pa sogs bcu gnyis 'og tu 'chad 'gyur ltar bshad pas mtshon gzhung lugs rnams su rnam grangs du ma 'byung yang/ rtog ge pa thams cad kyi rtsa ba rtag smra dang chad smra gnyis su 'du zhing/ de thams cad kyang thun mong du khyab 'jug dang dbang phyug dang tshangs pa lhar 'dzin pa dang/ rig byed bzhi chos su 'dzin pa dang/ bdag dang rtag dngos smra ba dang/ 'tsho ba chos su smra ba dang/ sangs rgysa pa'i lugs la sdang smras byed pa sogs su phal cher mthun no/ <br> | |||
/mu stegs byed thams cad lha de gsum la skyabs su 'gro zhing rig byed bzhi 'dzin pa dang/ nyer len bzhi las bdag tu smra ba nye bar len pa spyi'i chos yin te/ rgyang 'phen pas kyang 'byung bzhi dang rdzas gcig pa'i bdag 'dod pa'i phyir ro/ <br> | |||
/de la las 'bras med par 'dod pas 'jig rten pa'i yang dag lta ba las rgyang ring du song ba'i rgyang 'phen pa ni/ sngon gyi tshe lha dang lha min 'thab pa na lha rnams rang bzhin dge bas 'thab rtsod la spro bar ma gyur pas gsyul pham par nye ba na/ drang srong phur bus lha rnams 'thab mo la gzhug pa'i ched du chad par lta ba'i gzhung brtsams te bstan pas yid ches te lha rnams gyul las rgyal/ phyis phur bus lta ngan lha'i yul du dar bar dogs te glegs bam gdgaa'i chu fla bskur ba drang srong zhig gis rnyed nas 'phags yul du (aa: 170 na) dar/ de las btus te drang srong 'jig rten mig gis brtsams pa'i rtsa ba la 'jug stobs kyis 'grel pa byas pa'i rjes 'brangs chad smra'i ston pa snyoms 'jug pa drug rjes sgrogs pa drug rtog ge pa'm ston pa drug tu grags pa rnams so/ <br> | |||
/gzhan yang drang srong 'jig mig gis rang gi bu mo la bsgrod par 'dod nas brtsams pa'ng bshad la gang <br> | |||
<br> | |||
===Sheja Dzo Chapter 6.1 volume2 (page 339)=== | |||
<br> | |||
ltar/ dam bca' ni/ sgrub pa bzhi dang dgag pa lnga ste/ 'byung ba rgyu dus na mi gsal ba'i bdag dang/ 'bras dus na lus sems rdzas gcig tu mngon du gyur pa gsal ba'i bdag dang/ lha dang yi dwags dmyal ba med pas 'gro ba drug mi bden cing 'gro ba gsum yin te gsal ba mi dang dud 'gro/ <br> | |||
mi gsal ba 'byung bzhi ri dang shing sogs rnam shes kyi nus pa ma zad pa'i 'gro ba bcas gsum dang/ rang nyid rjes dpag mi 'dod pas gtan tshigs med kyang gzhan la grags pa'i rtags kyi dgod tshul/ bum pa chos can/ lus sems rdzas gcig pa'i skyes bu dang bum pa gang rung gi brda dang bcas pa yin te/ utpal min pa'i dngos po yin pa'i phyir/ dper na rtsig pa bzhin/ zhes sogs sgrub par byed do/ <br> | |||
/dgag pa lnga ni/ sran ma zlum zhing tsher ma rno ba sogs kyis dpes bde sdug ngo bo nyid kyis byung bas rgyu la sogs pa ma mtrhong ba ni med par smra ste/ de'ng/ tshe snga phyi 'gog pa dang/ las rgyu 'bras 'gog pa dang/ dkon mchog gsum 'gog pa dang/ ma mthong ba'i dngos po 'gog pa dang/ rjes dpag tshad ma 'gog pa'i/ /dei dag ni lta ba rnams kyi ma rung ba dang/ grub mtha' smra ba rnams kyi tha chad dang/ rmongs pa rnams kyi tshabs che shos yin pas thar pa lta ci smos/ mtho ris kyi lus rten tsam thob pa'i rgyu'ng med de 'bras bu ngan 'gro 'ba' zhig pa'o/ <br> | |||
/gnyis pa ni/ rtag par smra ba'i phyi mo grangs can pa/ /tshad ma gsum gyis de nyid 9aa: 170 ba) nyer lnga gzhal/ /khyad par lnga ldan rtsa ba'i rang bzhin bdag /gtso bo yon tan gsum snyoms de las blo/ <br> | |||
/de las nga rgyal de tsam 'byung chen lnga/ /las dang dbang po yid bcas lugs 'byung 'khor/ /rnam 'gyur lodg pas skyes bu thar par 'dod/ /mu stegs rtag par smra ba thams cad kyi phyi mo ni grangs can pa yin te/ de'ng sngon tshe lo dpag med kyi dus drang <br> | |||
<br> | |||
===Sheja Dzo Chapter 6.1 volume2 (page 340)=== | |||
<br> | |||
srong ser skya zhes pas bsti gnas su bsgoms pas mu stegs kyi thar pa thob par rlom nas rang gis mthong ba'i de nyid gzhan la bstan phyir grangs can gyi bstan bcos byas shing/ phyis rnal 'byor spyod pa dbang phyug lhar 'dzin pa'i drang srong hu klung gis kyang dbang phyug nag po'i rgyud sum cu pa dang drug pa sogs byas pas de dag ston par 'dzin la/ dbu ma la 'jug pa las/ de dbye cung zad cung zad la brten nas/ /mu stegs can rnams lugs ni tha dad gyur/ /zhes gsungs pa ltar 'di las lugs srol tha dd pa mang du gyes so/ <br> | |||
/'di'i grub mtha' ni/ mngon sum tshad ma dbang po'i 'jug pa/ rang don rjes dpag nor bdag gi 'brel ba sogs 'brel ba bdun/ gzhan don rjes dpag rnal 'byor ldan pa dang bsal te 'ongs pa gnyis te/ 'jal byed tshad ma gsum gyis gzhal bya'i shes bya de nyid nyer lnga gzhal bar 'dod de/ nyer lnga ni/ gtso bo dang chen po dang nga rgyal gsum dang/ sgra reg gzugs ro dri ste de tsam lnga/ mkha' sogs 'byung ba lnga/ rna ba pags pa mig lce sna ste nang blo'i dbang po lnga dang/ lag rkang 'phongs 'doms ngag ste phyi las kyi dbang po lnga dang/ gnyis ka'i dbang po yid de dbang po bcu gcig tha ma bdag shes rig gi skyes bu rnams so/ <br> | |||
/bsdu na gtso bo dang bdag shes rig gi skyes bu gnyis su 'du ste rang bzhin dang rang bzhin min pa gnyis so/ <br> | |||
/de la bdag gi ngo bo ni byed pa po dang za ba po gnyis las/ yul la longs spyod 9aa: 171 na) pas za ba po/ <br> | |||
'jig mi srid pas rtag pa/ gang yang mi skyed pas byed po min pa/ rdul mun snying tobs gsum gyi yon tan med pa/ yul dus thams cad la khyab pa'i phyir bya ba med pa ste khyad par ram mtshan nyid lnga dang ldan pa/ rnam 'gyur rnams kyi rtsa ba'i rang bzhin bdag shes rig gi skyes bu zhes bya'o/ <br> | |||
/gtso bo la spyi'i ngo bo ni bdag las gzhan nyer bzhi po kun la spyi ming gtso bo zhes bya zhing/ <br> | |||
<br> | |||
===Sheja Dzo Chapter 6.1 volume2 (page 341)=== | |||
<br> | |||
yul yul can gnyis las yul dang yon tan dang bem po yin no/ <br> | |||
/khyad par nyer lnga'i dang po rang bzhin rgyu'i gtso bo ni rdul mun snying stobs kyi yon tan gsum cha snyoms par gnas pa'i skabs te/ de gsum gyi mtshan nyid kyang gyo dang 'jug pa/ lci dang gyogs pa/ yang dang rab tu gsal ba'o/ <br> | |||
/'di ni rang bzhin yin gyi rnam 'gyur ma yin pas rab tu byed pa kho na yin zer ro/ <br> | |||
/gtso bo de las chen po zhes bya ba'i blo byung/ de las nga rgyal gsum byung/ de las mched pa ni/ rnam 'gyur nga rgyal las de tsam lnga/ de lnga las 'byung chen lnga/ snying stobs nga rgyal las las kyi dbang po lnga dang blo'i dbang po lnga/ gnyis ka'i dbang po yid gcig bcas/ mun can nga rgyal ni nga rgyal snga ma gnyis ka 'jug par byed pa po'o/ <br> | |||
/blo nga rgyal de tsam lnga bcas rang bzhin la ltos nas rnam 'gyur yin la/ blo chen po nga rgyal chen po sogs rang gi rnam 'gyur la ltos nas rang bzhin dubzhag gzhan bcu drug po rnam 'gyur kho nar 'dod do/ <br> | |||
/bdag shes rig gi skyes bus rnam 'gyur skyed byed rang bzhin gyi mtshang ma rig par lugs 'byung du zhen nas yul sgra sogs la longs spyod pa de srid du skyes bu de 'khor ba pa yin la/ des de la longs spyod pas sun te bsam gtan bsgom pa'i mngon shes kyis rang bzhin gyis spyod pa'i mtshang la bltas pas de ngo tsha bas skyengs nas 'bros par 'gyur la/ de dang bral bas des bskyed pa'i rnam 'gyur (aa: 171 ba) thams cad kyang skye ba'i rim pa las bzlog nas de nyid duthim ste/ bdag skyes bu 'ba' zhig gsal bar gnas pa'i tshe thar pa thob par 'dod do/ <br> | |||
/bye brag pa ni rdzas dang yon tan las/ /spyi bye 'du ba tshig gi don drug smra/ /rig pa can pa de mtshungs tshad ma bzhi/ /gsal ba'i gzugs brgyad sogs 'dod dbang phyug pa/ /gnyis pa bye brag pa ni/ drang srong gzegs can gyi rjes su 'brang ba ste/ bdag dus phyogs nam mkha' yid <br> | |||
<br> | |||
===Sheja Dzo Chapter 6.1 volume2 (page 342)=== | |||
<br> | |||
'byung ba bzhi bcas dgu po ni rdzas/ blo bde sdug 'bad pa chos chos min bya ba'i shugs bcas bdag gi yon tan dgu/ 'degs 'jog brkyang bskum 'gro ba lnga ni las/ bye brag la khyab par byed pa ni spyi/ spyi'i don rnams gsal bar byed pa bye brag rdzas rnams dngos 'brel rgyud 'brel gnyis su yod pa 'du ba ste shes bya tshig gi don drug tshad ma gsum dang sgra byung tshad ma bcas bzhis 'jal bar byed la yon tan dgu po bdag la 'du bya bar yod pa de srid du dge mi dge'i las sgrub par byed pas 'khor bar 'gyur la/ skyes bu'i tshig gi don drug shes nas yon tan dgu po rtsa ba bcas bcad pas bdag gcig pur gnas pa na thar pa thob par 'dod/ gsum par rig pa can pa ni/ shes bya tshig gi don drug de dang mtshungs la/ 'jal byed tshad ma bzhi dbang don phrad pa'i rtog pa ma 'khrul ba mngon sum tshad ma/ rjes dpag rang gzhan gnyis/ sgra byung tshad ma yid ches pa'i tshig dang nye bar 'jal ba'i dpe rnams so/ <br> | |||
/gzhal bya yin na dngos po yin pas khyab cing dngos med mi 'dod/ de la dngos po ni/ bdag lus dbang po don blo yid 'jug pa skyon srid pa phyi ma 'bras bu sdug bsngal byang grol bcu gnyis so/ <br> | |||
/bzhi pa dbang phyug pa ni/ dbang phyug 'jig rten gyi byed pa po yin te/ mun pa sel phyir nyi zla gnyis/ brtan gyo skyed phyir 'byung ba lnga/ smin par byed pa'i phyir mchod (aa: 172 na) sbyin te gsal ba'i gzugs brgyad sprul cing/ phra ba/ yang ba/ mchod par 'os pa/ bdag por gyur pa/ dbang du gyur pa/ gar yang phyin pa/ 'dod dgur sgyur ba/ dga' mgur gnas pa ste yon tan brgyad dang ldan par 'dod/ 'jig rtne pa las sogs rang dbang med cing dbang phyug mchod pa dang/ 'khrig pa bsten pas mtshon bya las 'das pa'i ye shes skyes nas grol bar 'dod de/ bye brag pa sogs gsum ka'ng dbang phyug pa'i grub mtha' smra ba'i nang gses so/ <br> | |||
/<br> | |||
<br> | |||
===Sheja Dzo Chapter 6.1 volume2 (page 343)=== | |||
<br> | |||
'jug pa bcu las rtsom sogs khyab 'jug pa/ /rig byed tshad mar khas len tshangs pa ba/ /sa 'og skyes bur ro gcig gsang ba pa/ /dngos kun sgra yi bdag nyid brda sprod pa/ /lnga pa khyab 'jug pa ni/ gcer bu pa'i ston pa gzhon nu malen sogs kyis skal ldan nor lha 'di ni thams cad mkhyen pa/ thams cad gzigs pa/ 'gro ba thams cad kyi byed pa po/ <br> | |||
thar pa sbyin par byed pa/ zhes sogs brjod la/ de rang nyid kyang/ 'di skad du/ nga ni me chu rlung yang yin/ bza' btung skye dgu'i bdag po'ng nga/ nga ni bram ze'i lus su gnas/ /spyod pa po yin sbyin po'ng yin/ /zhes pa ltar mngon pa'i nga rgyal chen po dang ldan pa'o/ <br> | |||
/rjes 'brangs rnams de'i 'jug pa bcu las rtsom pa'i lo rgyus dang/ rtag chad du lta ba 'dzin te/ de'ng 'dis nya bo chen sprul nas sngon dus kyi dbang gis rig byed bzhi rgya mtshor nub pa bton pa dang/ rus sbal du sprul te 'jig rten bteg nas gnas pa dang/ phag rgod kyi gzugs kyis tshangs pa'i 'jig rten man mnan pa dang/ mi sing ge'i stod can du sprul nas lha min dbang po 'gro ba skyob gser gyi stan can sder mos bsad pa dang/ mi'u thung du sprul nas lha min stobs ldan mchod sbyin byed pa la gom gsum gyi sa bslangs pas bslus te sa 'og tu bcug pa dang/ drang (aa: 172 ba) srong dza maa agni'i bu raa mar sprul nas rgyal bu srid sgrub sogs bsad de rgyal rigs med par byas pa dang/ rgyal po shing rta bcu pa'i bu raa ma nnar sprul nas rang gi chung ma srin po ladka mgrin bcus phrogs pa spre'u ha nu mantha la grogs bcol te srin po btul ba dang/ nag por sprul te rtsod dus su sems can gyi don byas pa dang/ sangs rgyas shaaka thub tu sprul nas sngon rgyal rigs bsad pa'i sdig pa sbyong ba'i phyir sems can bskyab pa dang/ rigs ldan bram ze'i bu karki rtse zhes pa ma 'ongs pa na 'byung bas sems can mang po btul ba'i mthar <br> | |||
<br> | |||
===Sheja Dzo Chapter 6.1 volume2 (page 344)=== | |||
<br> | |||
uds bzlog par 'gyur ro zhes 'byung ba ltar dang/ bskal pa 'jig pa'i tshe drang srong rnams ni 'di'i lto ba na gnas par 'dod do/ <br> | |||
/'di'i grub mtha' sems nyid rtag pa skye 'jig dang bral ba dngons dang dngos med gnyis ka ma yin pa bdag dam pa nor lha'i bu zhes bya bar 'dod pas rtag par smra ba dang/ khyab 'jug gis 'thab ka brlag par byed pa'i tshe med par lta ba'i tshigs bcad mang du smras pa dang/ dbu ma rgyan las khyab 'jug gi lta ba dbu ma dang cha mthun par bshad pa lta bu chad par smra ba'ng yod la/ sgom pa ni yan lag drug gi rnal 'byor sogs so/ <br> | |||
/gzhan yang 'dzin pa po/ <br> | |||
dpyod pa po/ <br> | |||
rig byed pa/ brda sprod pa/ tsa ra ka pa/ gsang ba pa sogs kyang khyab 'jug pa'i dbye ba'o/ <br> | |||
/drug pa rig byed tshangs pas dran pa yin gyis ma byas pa'i phyir rtag pa dang tshad mar khas len pa tshangs pa ba ste/ gyul ngor shi ba mtho ris su skye ba dang/ gangaa sogs la khrus byas pas sdig pa 'dzad pa dang/ tshangs pas snod bcud thams cad skyed par 'dod pa dang/ drang srong dang bram ze rnams kyang tshangs pa'i bu yin ces smra'o/ <br> | |||
/bdun pa sa 'og mun pa'i dkyil 'khor gyi 'og tu 'chi med bdud rtsi'i skyes bu zhes rtag bdag rnam shes dam pa nam mkha' dang 'dra bar (aa: 173 na) ngo bo gcig tu 'dus pa zhig yod pa de'i rnam 'gyur las snod kyi 'jig rten dang 'gro ba byung bar 'dod pa ni rig byed mtha'i gsang ba pa ste/ rig byed mthar phyin pa na chos thams cad sgyu ma lta bur mthong/ de'i tshe byed pa po'i skyes bu la lta ba goms pas mun pa sangs te gser gyi mdog can du mthong nas ro gcig tu song ba sogs kyis grol bar 'dod/ brgyad pa mngon rjes tshad ma snang yang ma nges/ rig pa kun gyi gzhi ma ni sgra'i bstan bcos yin cing rig byed rnams ni don gyi tshad ma/ dngos kun sgra'i bdag nyid/ sgra don kun gyi mthar thug yi ge om skye 'jig gnas bral <br> | |||
<br> | |||
===Sheja Dzo Chapter 6.1 volume2 (page 345)=== | |||
<br> | |||
phyogs cha med pa sgra'i tshangs pa ste/ de nyid rtag mi 'gyur yang ma rig pas rnyogs pas gzugs snang la/ snang cha bzlog na snang med sgra'i tshangs pa bdud rtsi rtogs par 'dod pa ni brda sprodpa ste ba trii ha ri sogs so/ <br> | |||
/mtshan nyid bcu gnyis sogs 'dod rgyal dpogs pa/ /tshad ma brgyad 'dod tsa ra ka pa ste/ /zhes bya bcu sogs smra ba gcer bu pa/ /de dag mngon mtho'i lam tsam yod mod kyi/ /bdag ltas thar pa sgrib phyir dor bar bya/ /dgu pa tshad ma spyi bye brag dgos pa go rim gnas gzhi spyi nges bstan dang bye brag nges bstan gleng ba rtsod pa rang rgyud dang thal 'gyur te bu gnyis dang/ tshad ma la'ng mngon rjes sgra byung nyer 'jal don gyis go ba dngos med dang drug tu 'dod cing/ bdag gis phung po'i rgyu byed pas rtag pa shed las skyes/ dri ma sems kyi rang bzhin/ de zad pas grol bar smra ba rgyal dpogs pa/ bcu pa tshad ma gong smos ltar la/ rjes dpag la 'das ma 'ongs da ltar dpogs pa gsum du dbye ba'i brgyad kyis gzhal bya sogs phal cher dpyod pa ba dang 'dra ba tsa ra ka pa/ bcu gcig pa ni/ shes bya tshig gi don dgu bdag dang bcu/ sogs khongs nas shes byed mngon rjs lung gi tshad ma gsum/ srog ldan dgur 'dod (aa: 173 ba) cing/ sa sogs srog ldan yin pas kun dga' ra ba sogs brtsigs pa sdig pa'i rygur smra ba gcer bu pa ste/ de'ng drang srong rgyal ba dam pa lhar 'dzin cing khyu mchog dang snod kyi rje sogs zad byed pa'i ston pa nyi shu rtsa lnga'i rjes su 'brangs te/ lus dka' thub kyis gdung bas sems kyi mdud pa 'jig par 'dod cing de la'ng dbyu gu gsum pa/ lo ma can sogs log pa'i brtul zhugs sum brgya re gsum tsam yod par grags la/ tshad ma gsum gyis gzhal bya dus gsum dang rdzas drug dang tshig gi don dgu dang srog ldan dgu sogs ni gzhi lam 'bras gsum gyi gzhi'o/ <br> | |||
/de la dus gsum ni 'das pa sogs so/ <br> | |||
/<br> | |||
<br> | |||
===Sheja Dzo Chapter 6.1 volume2 (page 346)=== | |||
<br> | |||
rdzas drug ni srog dang gang zad dang dus dang nam mkha' dang bsod nams dang sdig pa rnams so/ <br> | |||
/khyad par tshig gi don dgu dang srog ldan dgu ni/ drang srong rgyal bas/ srog dang zad pa sdom pa dang/ /nges par dga' dang 'ching dang las/ /dig dang bsod nams thar pa ste/ /'di rnams tshig gi don dgur 'dod/ /srog ni srog can sde tshan dgu/ /sa chu shing dang me dang rlung/ /srin bu grog ma bung ba mi/ /dbang po gcig nas lnga dng ldan/ /zhes bshad pa ltar ro/ <br> | |||
/sdom pa dang brtul zhugs dang ye shes rnams lnga lnga dang spyod pa bcu gsum dang las zad par byed pa'i dka' thub kyi thabs sna tshogs pa ni lam mo/ <br> | |||
/las zad pas 'jig rten gsum gyi steng na 'dug pa'i gnas 'jig rten 'dus pa zhes bya ba srog yod pas dngos po dang 'khor ba las thar bas dngos med kyang yin pa'i thar pa gdugs bkan pa lta bu dkar zhing dri him la yid du 'ong ba dpag tshad 'bum phrag zhe lnga'i tshad can du 'gro bar 'gyur ba ni 'bras bu yin zer ro/ <br> | |||
/'di dag so so la rang rang lugs kyi gzhi lam 'bras bu'i rnam gzhag gzhal bya 'jal byed kyi rigs pa/ thams cad mkhyen pa mi 'dod pa 9aa: 174 na) sogs nang pa 'gog pa'i lung/ lta ba dang spyod pa'i tshul du ma mchis kyang/ tshad ma rnam 'grel las/ rig byed tshad ma dang ni 'gal byed smra/ /lus la chos 'dod dang ni rigs smras dregs/ sdig pa gzhom phyir gdung ba bcom zhes pa/ /blun po shes rab 'chal ba'i rtags lnga yin/ /ces gsungs pa dang/ de dag las 'jig rten phyi ma yod par lta zhing dge sdig gi blang dor byed pa rnams la mngon mtho'i lam tsam yod mod kyi/ kun kyang bdag tu lta ba mtshungs par 'dzin pas thar pa'i lam sgrib pa la khyad par med pa'i phyir nang pa'i sgor zhugs pa rnams kyis rgyang ring du dor bar bya'o/ <br> | |||
/gsum pa zhar byung kla klo sogs khyad par spang bya gzhan bstan pa ni/ <br> | |||
<br> | |||
===Sheja Dzo Chapter 6.1 volume2 (page 347)=== | |||
<br> | |||
'tshe ba chos su smra ba'i kla klo dang/ /bod dang rgya nag sogs su gsung rab las/ /phyi rol gyur pa kun kyang ring du spang/ /gzhan yang mchog gsum la log par lta ba sogs mu stegs pa dang cha mthun pa tsam las phyi nang gnyis kar mi gtogs shing mu stegs pa las tha chad pa 'tshe ba chos su smra ba po/ <br> | |||
rgya gar nub phyogs ma kha'i yul gyi lha ra hma nna'i rjes 'brang sogs po'm kla klo stag gzig pa zhes grags pa/ bi sshi mallaa'i sngags kyis btab pa'i gri gug gis phyugs kyi mgrin pa bcad pa'i sha za bar byed cing rang gi las kyis shi ba'i sha mi za ba dang/ bya gag gi sgo nga'i btung ba 'ba' zhig 'thung ba sogs kyi brtul zhugs 'dzin pa ste deng sang 'phags yul du'ng lugs 'di kho na dar ba dang/ 'khor ba grol bar byed pa'i grub mtha' zhes bya ba las ni mtha' 'khob tu srog chags du ma gsod pa thar pa'i thabs su 'dod pa dang/ nam mkha'i lhas bsan pa zhes pa'i grub mtha' las ni gser gyi snod du grog ma rnams gser gyi khab kyis phug nas bsad na 'khor ba las grol bar 'dod pa dang/ 'jig rten pa kha cig skya bseng gi bu lnga'i ming brjod na bsod nams (aa: 174 ba) chen po 'byung bar 'dod pa dang/ bod yul du'ng dkon mchog gsum la skyabs su mi 'dzin pa bon po dang/ de las khyad par sngon gyi dus dang deng sang yang yul kha cig la dar ba'i rgyu'i bon 'tshe ba chos su smra ba rnams dang/ rgya nag tu srid pa thams cad ma haa gser gyi rus sbal las byung zer ba'i gyim shang gi lugs dang/ grangs can pa dang cha mthun pa khoong spu tse'i lta grub 'dzin pa rnams dang/ sogs khongs nas rtag chad dang 'tshe ba chos su smra ba sangs rgyas kyi gsung rab las phyi rol tu gyur pa kun kyang thar pa 'dod pa rnams kyis bag yod par byas te ring du spang dgos so/ <br> | |||
/spyir gzhung lugs rnam par dag ma dag ni/ thams snying rje chen po dang shes rab gnas lugs kyi don la zhugs <br> | |||
<br> | |||
===Sheja Dzo Chapter 6.1 volume2 (page 348)=== | |||
<br> | |||
pa'i rig shes khyad par can gtso bor ston mi ston gyis dbye ba yin pa'ng shes par bya'o/ <br> | |||
/gnyis pa mngon mtho'i theg pa rgyas par bshad pa la gsum/ mdor bstan/ rgyas bshad/ don bsdu ba'o/ <br> | |||
/dang po ni/ mngon mtho'i theg par lha dang tshangs pa gnyis/ /de la spyir blo dang ldan pa rnams kyis bsgrub par bya ba ni mngon mtho dang nges legs kyi go 'phang ste/ de dag gi mtshan nyid rim bzhin/ ngan song gi sdug bsngal las 'phral du thar pa lha mi'i bde ba rnam smin rgyu mthun gyis bsdus pa dang/ 'khor ba spyi'i sdug bsngal las gtan du grol ba thar pa mya ngan las 'das pa yin la/ de dag kyang thog mar mngon mtho'i theg pa la gnas nas phyis nges legs kyi lam mthar phyin par bsgrub dgos te/ rin chen phreng ba las/ dang por mngon par mtho ba'i chos/ /phyis ni nges par legs 'byung ba/ gang phyir mngon par mtho thob nas/ /rim gyis nges par legs pa'o/ <br> | |||
/de la mngon mtho bde ba ste/ /nges par legs pa thar par 'dod/ /ces gsungs so/ <br> | |||
/de las thog mar bsgrub bya'i mngon par mtho ba'i theg pa de la'ng lha mi'i theg (aa: 175 na) pa dang/ tshangs pa'i theg pa gnyis su yod do/ <br> | |||
/gnyis pa rgyas bshad la gsum/ thun mong gi sngon 'gro bshad pa/ lha dang/ tshangs pa'i theg pa so sor bshad pa'o/ <br> | |||
/dang po ni/ kun gyi mngon 'gro dad pa rnam gsum las/ /gtso bor las sogs yid ches 'gro ba bzhis/ /'dir dngos su mngon mtho'i theg pa'i sngon du 'gro ba bstan kyang/ zhar byung 'grel par kha skong na/ rin chen phreng ba las/ de yi sgrub pa mdor bsdu na/ /mdor na dad dang shes rab bo/ <br> | |||
/dad can nyid phyir chos la bsten/ /shes rab ldan phyir yang dag rig /'di gnyis gtso bo shes rab ste/ sngon du 'gro <br> | |||
<br> | |||
===Sheja Dzo Chapter 6.1 volume2 (page 349)=== | |||
<br> | |||
ba dad pa yin/ /zhes gsungs pa ltar mngon mtho dang nges legs gnyis ka sgrub pa'i thabs kyi gtso bo ni dd pa dang shes rab ste/ dad pa gsum las gtso bor las 'bras la yid ches pa'i dad pas kun nas bslangs te dge sdig gi blang dor byed pa'i phyir dang/ 'khor gsum mi rtog pa'i shes rab kyis 'khor ba'i rtsa ba gcod par byed pa'i phyir ro/ <br> | |||
/des na de gnyis kyi mtshan nyid ni rim bzhin rgyu mtshan khyad par can med par rang phyogs la 'dun pa dang/ gzhan phyogs la zhe sdang ba dang/ blang dor la gti mug pa dang/ rje dpon sogs la 'jugs pas 'gro ba ste log par 'gro ba bhi las ldog ste yang dag par 'gro ba bzhis blang dor gyi chos las mi 'da' ba dang/ gzhan don gtso bor byed pa'i snying rje chen po dang mi ldan pa'm ldan yang rung ste sgo gsum spyod pa 'khor gsum mi rtog pa'o/ <br> | |||
/de skad du'ng de nyid las/ 'dun dang zhe sdang 'jigs pa dang/ /rmongs pas gang zhig chos mi 'da'/ /de nyid dad pa can zhes bya/ /legs pa yi ni snod mchog yin/ /gang zhig lus ngag yid kyi las/ /rnam pa gsum du mi rtog par/ /bdag dang gzhan la phan shes nas/ /rtag tu byed pa de shes rab/ /ces so/ <br> | |||
/des (aa: 175 ba) na dad pas kun nas ma bslangs na dge ba tsam du'ng mi 'gro ba dang/ bdag med rtogs shing 'khor gsum mi rtog pa'i shes rab kyis ma zin na thar lam du gtan mi 'gro bar gsungs pa de nyid spyir shes par bya'o/ <br> | |||
/des na lam gyi theg par zhugs pa kun gyi sngon du 'gro ba ni dad pa rnam pa gsum yin la/ de las kyang gtso bor las 'bras sogs la yid ches pa'i dad pas kun nas bslangs te yang dag par 'gro ba bzhis dge ba sgrub pa ni mngon mtho'i theg pa'i sngon 'gro yin no/ <br> | |||
/gnyis pa ni/ mi dge bcu spong dge bcu 'khor bcas bsgrub/ /blang <br> | |||
<br> | |||
===Sheja Dzo Chapter 6.1 volume2 (page 350)=== | |||
<br> | |||
dor khrims gnas 'dres dang mi mthun spang/ /las lam rdzogs dang bsdams pas mtho ris su/ /rnam smin rgyu mthun bdag po'i 'bras bzang thob/ /de la 'jig rten lha mi'i theg pa ni/ ngan song la 'jigs nas mtho ris kyi bde 'bras don du gnyer bas mngon par mtho ba'i rten sgrub par byed cing/ 'jigs skyob dang legs smon tsam la bsten pa skyes bu chung ngu'i lam ste/ nyams len dngons gzhi bsam gtan gyis yongs su ma bzung ba'i dge ba bcu'i las kyi lam yin la/ de nyid mi spyod pa'i theg pa ni med pas/ theg pa kun gyi gzhir gyur pa dang sngon du 'gro ba'ng yin te/ kye rdo rje las/ dge ba bcu las brtsams nas ni/ /de yi chos ni rab tu dbye/ /zhes gsungs pa ltar ro/ <br> | |||
/'di la lang gshegs su lha'i theg pa zhes pa bgrod bya'i gtso bo'i dbang du byas nas brjod kyi/ 'khor dang bcas pa'i dbang du na 'dod pa'i bde 'gro'i lam thams cad 'du'o/ <br> | |||
/'di ni lta ba rnam par dag pa 'jig rten pha rol dang las rgyu 'bras la yid ches pa dang/ spyod pa mi dge ba bcu spong zhing dge ba bcu'i lam 'khor dang bcas pa sgrub pa dang bar ma chad par goms par byas pa las/ 'bras bu gling bzhi'i mi dang 'dod lha ris (aa: 176 na) drug gi bde ba'i mthar thug pa gzhan 'phrul dbang byed kyi bdag po'i bar du bgrod pa'o/ <br> | |||
/de dag kyang las 'bras med par lta ba sogs log lta'i gnyen po 'jig rten pa'i yang dag pa'i lta bas zin pa gal che ste/ bshes spring las/ gal te mtho ris thar pa mngon bzhed na/ /yang dag lta la goms pa nyid du mdzod/ /gang zag log par lta bas legs spyad kyang/ /thams cad rnam par smin pa mi bzad ldan/ /zhes gsungs pa'i phyir ro/ <br> | |||
/de rjes blang dor gyi gnas ma 'dzol ba'i tshul khrims la gnas pa gal che ste/ rtsa shes las/ tshul khrims kyis ni bde 'gro thob/ /ces dang/ 'jug pa las/ mngon mtho'i rgyu ni tshul khrims las <br> | |||
<br> | |||
===Sheja Dzo Chapter 6.1 volume2 (page 351)=== | |||
<br> | |||
gzhan med/ /ces gsungs pas so/ <br> | |||
/theg pa 'di'i tshul khrims la cung zad dbye na/ spyir ngo tsha khrel yod kyis kun nas bslangs te lus ngag gi bya ba ya rabs kyi tshul dang mthun pa'i spyod pa gsum la bslab dgos te/ dam pa'i rgyan las/ bkur bar 'os pa legs khur zhing/ /mgon med rnams la lhag par byams/ /byas la drin lan mi brjed pa/ /dam pa rnams kyi mdzad spyod yin/ /zhes gsungs pa ltar ro/ <br> | |||
/bye brag mi chos bcu drug la bslab ste/ 'byed pa le chung las/ dkon mchog gsum la dad pa skyo ngal med par byed pa dang/ don dam par dam pa'i chos btsal ba dng/ gtshug lag bzang po la mkhas par slob pa dang/ ci la'ng ran zhing tshod zin par bya ba dang/ ma bcol ba'i las la gtogs 'dod mi byed pa dang/ mig mtho sar blta zhing gong ma rnams kyi rjes snyeg pa dang/ dus gsum gyi pha ma la drin lan bslan pa dang phu nu dang pha tshan nand dushongs yangs che ba dang/ rim pas rgan pa la bkur sti bya ba dang/ khyim mtshes la byams par bya ba dang/ gnyen grogs kyi dge bshes la dka' las kyis phan 'dogs pa dang/ srid kyis 'brel ba'i (aa: 176 ba) nye ring la chab gang mthar dbyung ba dang/ rig byed bzo la mkhas pas gzhan la phan pa dang/ ltos pa'i mi drin gyis skyabs 'og tu gzhugs pa dng/ ngan byed kyi gros bkag nas rgyal khams bde yangs kyi gros gzhi 'ding ba dang/ las mtha' chos la gtad de phyi mar bu smad kyis byang chub kyi gzhi thob par bya'o/ <br> | |||
/zhes bshad pa ltar mi'i chos lugs gtsang ma la bslab bo/ <br> | |||
/khyad par gong du smos pa ltar srog bcod pa sogs mi dge ba bcu dngos dang brgyud nas spong zhing srog sbyin stsal ba sogs dge ba bcu ci nus su bsgrub pa ste/ lta sgom spyod pa de dag kyang las 'dres ma dang 'phen rdzogs mu mi mthun pa ni dman pa/ dge ba'i las lam rdzogs pa 'bring/ dge bcu'i las <br> | |||
<br> | |||
===Sheja Dzo Chapter 6.1 volume2 (page 352)=== | |||
<br> | |||
'khor bcas sdom pa'i ngo bo nyid du bsdams pa mchog ste/ rim pa bzhin mtho ris rnams su skyes pa na rnam smin rgyu mthun bdag po rnams kyi sgo nas mchog dman bar ma gsum gyi 'bras bu bzang po 'thob par 'gyur ro/ <br> | |||
/gsum pa la gnyis/ theg pa ngos bzung ba/ lam dngos bshad pa'o/ <br> | |||
/dang po no/ <br> | |||
gong ma'i khams la bgrod byed tshangs pa'i theg /'di la ci'i phyir tshangs pa'i theg pa zhes bya zhe na/ 'dod pa'i nyon mongs pas gtsang ba'm dag cing tshangs pas na tshangs pa dang der bgrod pa'i dbang gis theg pa zhes brjod la/ de'i phyir sgra yangs pa'i dbang du byas na 'phags pa rnams grol sdes bshad pa ltar khams gong ma gnyis kyi sas bsdus pa thams cad la tshangs pa'i sgras brjod cing der bgrod par byed pa'i lam 'khor bcas la tshangs pa'i theg pa zhes bya'o/ <br> | |||
/gnyis pa lam dngos la gnyis te/ gzugs khams kyi bsam gtan bzhi bshad pa dang/ gzugs med khams kyi snyoms 'jug bzhi bshad pa'o/ <br> | |||
/dang po la gnyis/ mdor bstan/ rgyas bshad do/ <br> | |||
/(aa: 177 na) dang po ni/ gzugs khams bsam gtan bzhi ste rgyu 'bras gnyis/ /gzugs khams psam gtan dang po/ <br> | |||
gnyis pa/ gsum pa/ bzhi pa rnams su yod de/ de re re la'ng rgyu dang 'bras bu gnyis zung re'i tshul du yod do/ <br> | |||
/gnyis pa la bzhi/ bsam gtan dang po nas bzhi pa'i bar ro/ <br> | |||
/dang po la'ng gnyis/ rgyu snyoms 'jug gi bsam gtan dang/ 'bras bu skye ba'i bsam gtan no/ <br> | |||
/dang po la gnyis/ nyer bsdogs dang/ dngos gzhi'o/ <br> | |||
/nyer bsdogs la'ng gnyis/ zhi gnas dang/ lhag mthong ngo/ <br> | |||
/dang po ni/ rgyu la nyer bsdogs zhi gnas ting nge 'dzin/ /'jig dang rgyun 'jog bslan 'jog nye bar 'jog /'dul dang zhi dang rnam zhi rtse gcig byed/ /mnyam <br> | |||
<br> | |||
===Sheja Dzo Chapter 6.1 volume2 (page 353)=== | |||
<br> | |||
'jog thabs dgus lus sems shin tu sbyangs/ bsam gtan rang sa'i 'bras bu 'thob byed dngos gzhir snyoms par 'jug nus pa'i thabs su thog mar rgyu bsgrub pa la nyer bsdogs sems zhi bar gnas pa'i thabs dgus ting nge 'dzin sgrub par gsungs te/ de la nang nyid du sems 'jog pa zhes pa sems phyi rol du gyeng ba min par gser ltar dang ba'i skur snang ba sogs ting nge 'dzin gyi spyod yul gyi gzugs brnyan dmigs pa la yid gtad de 'jog pa dang/ rgyun du 'jog pa zhes pa dmigs pa la sems 'jog pa tsam ma zad rgyun bsring ste skad cig ma snga phyi bar ma chad par 'jog pa dang/ bslan te 'jog pa zhes pa brjed de dmigs pa las sems gzhan du 'phro na'ng de ma thag tu slar nang du bkug nas dmigs pa la bslan te 'jog pa dang/ nye bar 'jog pa zhes pa sems phyir 'phros pa de ring du mi 'jog par nye bar nang du dmigs pa la 'jog pa dang/ 'dul bar byed pa zhes pa brnab sems la sogs pa'i nyon mongs pas sems rgyud rab tu ma zhi ba las dul bar byed pa dang/ zhi bar byed pa zhes pa rnam par mi rtog pa'i rba rlabs zhi bar byed (aa: 177 ba) pa dang/ rnam par zhi bar byed pa zhes pa rnam par rtog pa phra mo tsam yang zhi bar byed pa dang/ rtse gcig tu byed pa zhes pa rtsol ba chung ngus sems dang dmigs pa tha dad med par rtse gcig tu byed pa dng/ mnyam par 'jog pa zhes pa bying rgod bsal nas rtsol ba med par lhun gyis grub pa'i ngang du mnyam par 'jog pa dgus ting nge 'dzin grub pa na lus sems shin tu sbyang pa'i bde ba 'dren pas khyab cing/ shin sbyangs dang ldan pa'i ting nge 'dzin skyes pa ni 'jig rtne pa'i zhi gnas mtshan nyid par 'jog la/ de dang mi ldan pa ni zhi gnas rjes mthun pa'i mos pas spyod pa'i sa zhes bya'o/ <br> | |||
/gnys pa ni/ grub nas mtshan nyid mos dng dben las skyes/ /dga' dpyod sbyor mtha' yid la <br> | |||
<br> | |||
===Sheja Dzo Chapter 6.1 volume2 (page 354)=== | |||
<br> | |||
byed drug gis/ /sbyor mtha'i 'bras bu yid byed lhag mthong 'grub/ /zhi rags rnam pa 'jig rtne thun mong lam/ /zhi gnas mtshan nyid pa grub nas mtshan nyid rab tu rig pa yid la byed pa zhes 'dod pa skyon can dang bsam gtan dang po yon tan can du thos bsam 'dres ma'i sgo nas rtsings por rtog cing zhib mor dpyod pa dang/ mos pa las byung ba yid la byed pa zhes pa de nyid sgom byung gi ngo bor skyes pa dng/ dben pa las skyes pa'i yid la byed pa zhes pa 'dod nyon mngon gyur ba chen po gsum gyis dben pa dang/ dga' ba sdud pa yid la byed pa zhes pa 'dod nyon mngon gyur ba 'bring gsum gyis kyang spangs pa dang/ dpyod pa yid la byed pa zhes pa 'dod nyon phra mo gsum gyis kyang rgyud la gos ma gos rtog cing dpyod pa dang/ sbyor ba'i mtha' yid la byed pa zhes pa de ltar dpyod pa las 'dod nyon phra zhing phra ba yang gnyen po'i stobs kyis spangs pa ste/ de ltar yid la byed pa drug gis sbyor ba'i mtha'i 'bras bu yid la byed pa zhes 'jig rten pa'i lhag mthong mthar thug 'grub ste/ de dag ni 'og sa'i ting 'dzin skyon can (aa: 178 na) rags par lta zhing/ sa gong ma skyon med zhi br lta ba zhi rags rnam pa can nyan rang dang 'jig rten pa'i theg pa thun mong ba'i lam gyi mngon rtogs so/ <br> | |||
/gnyis pa dngos gzhi bshad pa ni/ dngos gzhi rtog dpyod dga' bde rtse gcig pa'i/ /yan lag lnga ldan bsam gtan dang po'o/ <br> | |||
/nyer bsdogs de dag gis bsam gtan dngos gzhi 'grub la/ de'ng rtog dpyod gnyis gnyen po'i yan lag dga' bde gnyis phan yon gyi yan lag /sems rte gcig pa gnas kyi yan lag ste yan lag lnga dang ldan pa ni bsam gtan dang po'i mtshan nyid do/ <br> | |||
/de la rtog dpyod gnyis ka dang ldan pa dngos gzhi tsam po dang/ rtog pa med cing dpyod pa dang bcas pa dngos gzhi khyad par can no/ <br> | |||
/gnyis <br> | |||
<br> | |||
===Sheja Dzo Chapter 6.1 volume2 Letzter Teil von 6.1 S.355-Ende 359 (page 355)=== | |||
<br> | |||
pa bsam gtan gnyis pa la gnyis te/ nyer bsdogs dang/ de'i dngos gzhi'o/ <br> | |||
/dang po ni/ de nyid skyon can gnyis pa skyon med kyi/ /mtshan nyid rig pa yid byed nyer bsdogs khyad/ /bsam gtan dang po'i dngos gzhi khyad par can gzhir bzhag dang po de nyid skyon can dang gnyis pa skyon med yon tan can du mtshan nyid rab tu rig pa yid la byed pa sogs yid byed drug gis dpyod pa'i lhag mthong dang sbyar te bsgoms pas zhi lhag zung 'brel du skyes pa na bsam gtan gnyis pa'i dngos gzhi thob pa ni nyer bsdogs kyi khyad par ro/ <br> | |||
/gnyis pa ni/ dngos gzhi rab tu dang sogs yan lag bzhi/ /gnyis pa dngos gzhi ni rab tu dang ba sogs yan lag bzhi dang ldan pa ste/ de'ng nang rab tu dang ba gnyen po'i yan lag ting nge 'dzin las skyes pa'i dga' bde gnyis phan yon gyi yan lag ting nge 'dzin gnas kyi yan lag go /'di'i nang rab tu dang ba ni rang sa'i dran pa shes bzhin btang snyomns gsum la byed/ de yang nang gi rtog pa rab tu spangs pas nang rab tu dang ba zhes bya'o/ <br> | |||
/gsum pa bsam gtan gsum pa la gnyis te/ nyer bsdogs (aa: 178 ba) dang/ de'i dngos gzhi'o/ <br> | |||
/dang po ni/ de bzhin nyer bsdogs yid byed lhag mthong gis/ /rim dpyod/ /ces pa ste/ de bzhin nyer bsdogs sems gnas dang yin byed dpyod pa'i lhag mthong gis rim par dpyod tshul khyad par du 'phags pas gsum pa dang bzhi pa'i bsam gtan 'grub pa zhes rtsa tshig gsum pa dang bzhi pa phyogs su bsdus nas bshad pa ste/ 'dir go bde ba'i slad so sor smos na/ bsam gtan gnyis pa'i zhi gnas khyad par can dang/ bsam gtan gnyis pa skyon can dang gsum pa yon tan can du yid byed drug gis dpyod pa'i lhag mthong dang sbyar te bsgoms pas zhi lhag zung 'brel du skyes pa na bsam gtan gsum pa'i dngos gzhi 'thob bo/ <br> | |||
/gnyis pa ni/ gsum par dran <br> | |||
<br> | |||
===Sheja Dzo Chapter 6.1 volume2 (page 356)=== | |||
<br> | |||
sogs yan lag lnga/ /bsam gtan gsum pa'i dngos gzhi yan lag lnga ldan te/ dran pa shes bzhin btang snyoms gsum gnyen po'i yan lag dga' ba spangs pa'i bde ba phan yon gyi yan lag ting nge 'dzin gnas kyi yan lag go /bzhi pa bsam gtan bzhi pa la gnyis/ nyer bsdogs dang/ de'i dngos gzhi'i/ /dang po ni bsam gtan gsum pa'i zhi gnas khyad par can dang/ bsam gtan gsum pa skyon can dang bzhi pa yon tan can du yid byed drug gis dpyod pa'i lhag mthong dang sbyar te bsgoms pas zhi lhag zung 'brel du skyes pa na bsam gtan bzhi pa'i dngos gzhi 'thob bo/ <br> | |||
/gnyis pa de'i dngos gzhi ni/ bzhi par yan lag bzhi ldan skyon brgyad dag /bsam gtan bzhi pa'i dngos gzhi yan lag bzhi dang ldan pa ste/ dran pa yang dag dang btang snyoms yang dag gnyis gnyen po'i yan lag tshor ba btang snyoms phan yon gyi yan lag ting nge 'dzin gnas kyi yan lag go /'dir dran pa yang dag ces pa ni bsam gtan gyi skyon brgyad kyis yongs su dag pa yin te/ (aa: 179 na) de'ng bsam gtang shes kyi 'khor du byung ba'i tshor ba bde sdug gnyis/ gsum pa la ltos pa'i dbang shes kyi 'khro du byung ba'i tshor ba bde sdug gnyis/ gsum pa la ltos yid shes kyi 'khor du byung ba'i yid bde mi mi bde gnyis/ bzhi pa la ltos pa'i dbugs dbyung rngub gnyis te de brgyad kyis yongs su dag pa'o/ <br> | |||
/gnyis pa 'bras bu skye ba'i bsam gtan bshad pa ni/ 'bras bu so so'i dngos gzhi chung 'bring ches/ /so so'i gnas la rnam smin 'bras sogs myong/ /snyoms 'jug de dag gi 'bras bu ni bsam gtan dang po'i dngos gzhi chung 'bring che gsum bsgoms pa las bsam gtan dang po'i gnads gzhan tshangs ris sogs gsum thob pa nas/ bsam gtan bzhi pa'i dngos gzhi chung 'bring che gsum bsgoms pa las bsam gtan bzhi pa'i gnas gzhan sprin med sogs gsum thob <br> | |||
<br> | |||
===Sheja Dzo Chapter 6.1 volume2 (page 357)=== | |||
<br> | |||
pa'i bar soso'i dngos gzhi chung 'bring chen po mthar phyin pa las/ so so'i gnas la rnam smin gyi 'bras bu sogs myong ste/ de'ng gnas gzhan de dang der skyes pa'i gzugs su snang ba ni rnam smin gyi 'bras bu/ snyoms 'jug gi sems rnams rgyu mthun gyi 'bras bu/ yul gyi longs spyod du snang ba ni bdag po'i 'bras bu'o/ <br> | |||
/gnyis pa gzugs med khams kyi snyoms 'jug bzhi bshad pa la gnyis/ mdor bstan/ rgyas bshad do/ <br> | |||
/dang po ni/ gzugs med snyoms 'jug bzhir yang rgyu 'bras gnyis/ zhes so/ <br> | |||
/gnyis pa la gnyis/ rgyu snyoms 'jug dang/ 'bras bu skye ba'o/ <br> | |||
/dang po ni/ bsam gtan bzhi sems thob la ma nyams pas/ /gzugs reg mthong snang bkag nas nam mkha' dng/ /rnam shes mtha' yas ci yang bzung byar med/ /'ud shes rags pa yod min phra med min/ /goms pa'i snyoms 'jug srid rtse'i mthar thug ste/ /de la gzugs med skye mched mu bzhir (aa: 179 ba) grags pa las dang po ni/ bsam gtan bzhi pa'i sems thob pa la ma nyams pa'i steng du gzugs dang reg mthong snang gsum bkag ste/ chos thams cad nam mkha' ltar mtha' yas so snyam du sgom pa yongs su rdzogs pa nam mkha' mtha' yas skye mched kyi snyoms 'jug go /gnyis pa ni/ de'i steng du nam mkha' mtha' yas pa de ltar du rnam par shes pa yang mtha' yas so snyam du sgom pa yongs su rdzogs pa rnam shes mtha' yas skye mched kyi snyoms 'jug go /gsum pa ni/ de gnyis ka'ng mtshan ma dang bcas par mthong nas bzung bar bya ba ci yang med do snyam du sgom pa yongs su rdzogs pa ci yang med pa'i skye mched kyi snyoms 'jug go /bzhi pa ni/ de gsum ka'ng mtshan ma dang bcas par mthong nas 'du shes rags pa med cing phra ba med pa min no snyam du sgom <br> | |||
<br> | |||
===Sheja Dzo Chapter 6.1 volume2 (page 358)=== | |||
<br> | |||
pa yongs su rdzogs pa 'du shes med 'du shes med min gyi snyoms 'jug go /'di ni srid pa'i rtse mo'i lam mthar thug pa'o/ <br> | |||
/gnyis pa 'bras bu skye ba ni/ 'bras bu ting 'dzin tshe sogs khyad du 'phags/ /snyoms 'jug de dag gi 'bras bu ni/ gzugs med khams la gzus rags pas phye ba'i gnas gzhan tha dad pa med kyang mchog dman dang tshe ring thung dang gong 'og la sogs pa'i sgo nas tha dad du yod la/ phal chen las gnas sogs kyang tha dad du bshad cing/ gang ltar gong nas gong du ting nge 'dzin rgya che zhing je brtan du 'gyur ba dang/ tshe ring ba sogs kyi sgo nas mngon mtho'i bde 'bras khyad par du 'phags pa yin no/ <br> | |||
/rtsa ba'i gsum pa don bsdu ba ni/ tshad med mngon par shes sogs yon tan gzhi/ /phyi rol theg dman don du gnyer bya'i mchog /rgyal ba'i theg par rim 'jug sngon 'gro'o/ <br> | |||
/bsam gtan bzhi'i dngos gzhi rnams la brten nas byams sogs tshad med bzhi dang/ 'jig (aa: 180 na) rten pa'i mngon par shes pa lha'i mig dang lha'i rna ba dang gzhan gyi sems shes pa dang sngon gnas rjes su dran pa dang 'chi 'pho skye ba shes pa ste lnga ni khams gong ma gnyis kyi yon tan gyi khyad par rab tu grags pa yin la/ theg pa la zhugs pa rnams kyang thog mar ting nge 'dzin de dag dang yon tan de dag bskyed nas/ slar gong ma'i khyad par bsgrub dgos pas mngon shes la sogs pa yon tan kun gyi gzhir gyur pa dang/ khyad par bsam gtan bzhi pa'i dngos gzhi'i sems la brten nas 'du shes med pa'i snyoms 'jug dang/ srid rtse'i dngos gzhi'i sems la brten nas 'gog pa'i snyoms 'jug sogs thob pas/ phyi rol gyi drang srong dang mu stegs byed/ nang pa'i theg dman nyan thos dang rang rgyal rnams kyis kyang don du gnyer bya dang bsgrub bya'i mchog yin la/ rgyal ba'i bstan pa <br> | |||
<br> | |||
===Sheja Dzo Chapter 6.1 volume2 (page 359)=== | |||
<br> | |||
la rim par 'jug pa rnams kyi sngon 'gro'i chos kyang yin pas shes nas goms pa'i sbyor pa la bslab bo/ <br> | |||
/thun mong rig pa'i gnas rnams dang 'jig rten pa'i lam rnam par gzhag pa skabs dang po'i 'brel pa'o/ <br> | |||
[[Category:Rimey Literature]] | |||
Latest revision as of 12:40, 11 April 2010
Sheja Dzo (shes bya mdzod), The Treasury of Knowledge, by Jamgon Kongtrul.
This file was typed by Phinjo Sherpa at Rangjung Yeshe Translations & Publications office in Boudhanath, Nepal. Thanks for the sponsorship to Peter ___ and Christoph ___, two student of Khenpo Tsultrim Gyamtso Rinpoche.
There is still need for more spellcheck and hyperlinks. Erik Pema Kunsang
Sheja Dzo Chapter 6.1 volume2 (page 300)
la tshig gi skyon gyis ma bslad pa la sogs pa rnams so/
/gsum pa yid bzo la gnyis/ mchog dang/ phal pa'o/
dang po ni/ yid bzo mchog ni legs gsung thos bsam sgom/ /yid kyi bzo gnas su gyur pa mchog gam khyad par can ni/ (aa: 151 na) legs par gsungs pa'i bka' dang/ de'i dgongs pa 'grel bar byed pa'i bstan bcos khyad par du 'phags pa rnams la dang po thos pas blang dor gyi mig phyed pa/ bar du legs par bsam pas the tshom gyi sgro 'dogs chod pa/ tha ma tshul bzhin bsgoms pas gnas lugs kyi don gtan la pheb pa rnams so/
/gnyis pa ni/ phal pa rig gnas bco brgyad sgra tshad sogs/ /sa gzhi rin chen ljon shing rta glang gter/ /pho mo brtag pa brgyad dang thun mong du/ /lugs kyi bstan bcos sgyu rtsal drug cu bzhi/ /sde bzhi la sogs rnam grangs ci snyed do/
/yid bzo phal pa ni/ mdzod kyi rang 'grel du/ rol mo 'khrig thabs 'tsho tshis grangs dang sgra/ /gso spyad chos lugs bzo 'phongs gtan tshig dang/ rnal 'byor thos pa dran pa skar ma'i spyad/ /tshis mig 'phrul 'khor sngon rabs sngon byung rigs/ 'di dag rig pa'i gnas chen bco brgyad yin/ /ces bshad pa rnams dang/ gong du smos pa'i sgra dang tshad ma la sogs pa rnams dang/ brtag pa brgyad du grags pa/ sa gzhi dang chu brtag pa slob dpon du ha ras byas pa'i 'bum dkar nag khra gsum gyi rgyud la sogs pa lta bu dang/ rin po che brtag pa pannddi ta ma haa o ssha dhis mdzad pa'i bstan bcos dang/ de las 'phros nas bod du byas pa dpyad don pad dkar chun po sogs snga phyi du mar byung ba rnams dang/ mi'i nor bu gsang sngags nang gi shung bzed ka paa la'ng der gtogs pas de'i tshul rgyud chen sdom pa 'byung ba sogs las gsal bar gsungs pa ltar bod kyi mkhas pa rnams kyi yig cha dang/ rgyud bam ri thod mkhar/ sger rgyud dur
Sheja Dzo Chapter 6.1 volume2 (page 301)
khrod thod nag lung lha mo gnas mkhar sogs la brten pa'i man ngag gter ma'i phyogs las kyang 'byung ba rnams dang/ lzon shing dang glang po brtag pa bod du ma 'gyur la/ sa (aa: 151 ba) 'og gi gter brtag pa'ng rgyud sde 'ga' zhig las phyogs mtshon gsungs pa tsam las rgya gzhung khungs thub ma 'gyur/ rta brtag pa drang srong gis byas pa'i sha li ho tra dang/ gru gu seng mdo 'od chen gyis bsgyur ba'i me long skor gsum dang/ rgyal po khri srong lde'u btsan la sott pa rje blon bcu gsum gyis byas pa'i bstan bcos so so ba rnams dang/ mi dpyad thor bu dang khyad par rgyud sde las bshad pa'i rnal 'byor pho mo brtag pa/ gsang sngags rnying ma'i mkha' 'gro brtag 'bum las bshad pa'i bud med brtag pa bcas brgyad dang/ shes rab sdong bur/ mi yi chos lugs legs spyad na/ /lha yul 'gro ba thag mi ring/ /lha dang mi yi them skas la/ /'dzegs na thar pa gam na yod/ /ces gsungs pa ltar gtsug lag gnyis kyi thun mong rtsa ba'm thog mar 'jug pa'i gzhi lugs kyi bstan bcos bshes pa'i spring yig shes rab brgya pa/ shes rab sdong bu/ skye bo gso thig tshigs su bcad pa'i mdzod/ tshigs su bcad pa brgya pa/ dri ma med pa'i dris lan/ tsa na ka'i rgyal po'i lugs kyi bstan bcos ma su rakshas mdzad pa dang/ de dag thams cad kyi snying po bsdus pa sa skya'i legs bshad/ gzhan yang bod du rgyal ba te ne dang 'brom ston pas mdzad pa'i lha chos mi chos gnad kyi phreng ba sogs la'ng mkhas par bya dgos pa dang/ gzhan yang sgyu rtsal drug cu rtsa bzhi ni/ bye brag rtogs byed du/ bzo la sogs par gtogs pa sum cu ni/ yi ge lag rtsis/ grangs/ rtsis chen/ thor tshugs/ gom stabs/ lcags kyos bsgyur thabs/ ral gri'i thabs/ zhags pa gdab pa/ mda' bo che 'phen pa/ mdun du bsnur ba/ phyir bsnur ba/ bcad pa/ dral ba/ dbug pa/
Sheja Dzo Chapter 6.1 volume2 (page 302)
rgyang nas 'phog pa/ sgra grags par 'phog pa/ gnad du 'phog pa/ (aa: 152 na) mi tshor bar 'phg pa/ tshabs che bar 'phogs pa/ mchongs pa/ gyad kyi 'dzin stangs/ bang/ rkyal/ brgal ba/ glang po che'i gnyar zhon pa/ rta la zhon pa/ shing rta'i thabs/ mda' gzhu/ gyad stobs dang sum cu'o/
/rol mo'i bye brag bco brgyad ni/ gar mkhan/ bro/
rnga bo che/ rdza rnga/ rnga phran/ rnga chen po/
'khar rnga/ pi wang rgyud gcig pa/ rdza rnga kha gcig pa/ lcags kyi sil khrol/ 'khar ba'i sil khrol/ pi wang rgyud gsum pa/ rnga mu kunda/ sil snyan glu dbyangs dang bstun pa/ pheg rdob/ rol mo'i sgra/ pi wang/ gling bu dang bco brgyad do/
/glu dbyangs kyi nges pa bdun ni/ bar ma/ drang srong/ sa 'dzin/ drug ldan/ lnga pa/ blo gsal/ 'khor nyan dang bdu no/
/gar gyi cha byad dgu ni/ sgeg pa/ dpa' ba/ mi sdug pa/ drag shul/ bzhad gad/ 'jigs rung/ snying rje/ rngams pa/ zhi ba dang dgu'o/
/zhes bshad cing/ slob dpon tshul khrims bskyangs kyis lung phran tshegs kyi rgya cher 'grel du'ng de dang 'dra min gsungs pa la sogs pa rnams bzo gnas phal pa gtso bor yid sngon du 'gro ba'i bya ba can yin la/ de thams cad kyang bsdu na sde bzhir 'du ba yin te/ de la nor ram don gyi sde ni thos pa la sogs pa dang/ rdzas kyi dngos po tshong dang rin po che la sogs pa longs spyod brtson pas sgrub cing/ bsags pa rnams bsrung ba'o/
/'dod pa'i sde ni/ ngan 'gro ma yin pa lha mi sogs kyi 'dod pa'i yon tan yul la nye bar spyod pa'o/
/chos kyi sde ni/ mngon mtho mtho ris gsum dang/ nges legs byang chub gsum gyi rgyu ste dkar po'i chos mtha' yas pa'i/ thar pa'i sde ni/ sdug bsngal rgyu bcas las ldog pa'i theg pa gsum gyi byang chub bo/
/dang po gnyis 'khor ba'i dbang du byas te/ 'dod pa don du gnyer ba dag de'i rgyur nor sgrub pa dang/ phyi ma gnyis myang
Sheja Dzo Chapter 6.1 volume2 (page 303)
'das kyis dbang 9aa: 152 ba) du byas te/ thar pa don gnyer rnams chos sgrub pa la brtson pa'i phyir rgyu 'bras gnyis kyi tshul du gnas pa'o/
/sogs khongs nas shes bya'i rnam grangs ji snyed thams cad yid kyi bzor 'dus te/ kun mkhen dri med 'od zer gyis/ 'gro ba drug dang skye ba rnam pa bzhi/ /bzhi drug dus bcu dngos po bcu bdun dang/ /yo byad bcu bzhi rjes su spyod pa brgyad/ /.'jig rten spyod bcu gtam ni rnam pa gsum/ /nyes rtsom nyer gnyis de bzhin sems can rigs/ /drug cu rtsa gsum dus brgyad 'jug pa bzhi/ /'tsho ba drug dang kun nas bsrung ba drug /nga rgyal bdun dang rgyas pa rnam pa bdun/ /tha snyad bzhi dang tha snyad mang po'i gzhi/ /mkhas pa drug dang bka' yi dngos po dgu/ /'khor gyi dngos po brgyad la sogs par grags/ /zhes pa la sogs pa gsungs so/
/bzhi pa gso ba rig pa bshad pa la gnyis/ dgos pa dang 'brel ba'i bshad bya ngos bzung/ gso rig dngos kyi tshul bshad pa'o/
/dang po ni/ lus srog gso ba'i rig pa kun gyi bcud/ /pal ldan rgyud chen bdud rtsi snying po'i lus/ /rten lus dang brten pa srog bcas mi na bar gnas shing na ba gso bar byed pa'i rig pa ston pa'i gzhung lugs mtha' yas kyang/ de dag thams cad kyi bcud/ dpal ldan bdud rtsi snying po yan lag brgyad pa gsang ba man ngag gi rgyud chen po zhes bya ba/ go sla/ don bzang/ yan lag brgyad kyi don rdzogs par ston cing mchog dman kun la phan pa rlabs su che bas bod du 'gyur ba'i bka' dang bstan bcos rnams kyi nang nas ngo mtshar rmad du byung ba 'di'i lus rnam par gzhag pa rags pa cam shes na/ gso dpyad kun gyi don bde blag tu mthong bar 'gyur bas mdo tsam bshad par bya ba yin no/
/gnyis pa la gnyis/ rgyud bzhi'i lus mdor bstan/ gso ba'i tshul
Sheja Dzo Chapter 6.1 volume2 (page 304)
bzhi rgyas par (aa: 153 na) bshad pa'o/
/dang po la bzhi/ rtsa rgyud/ bshad rgyud/ man ngag /phyi ma'i rgyud kyi lus mdor bstan pa'o/
/dang po ni/ rtsa ba gnas lugs ngos 'dzin gso ba ste/ /rtsa ba thugs kyi rgyud du/ gnas lugs nad gzhi/ ngos 'dzin rtags/ gso byed thabs kyi rtsa ba gsum/ dang po la rnam par ma gyur pa lus chu lta bu dang/ rnam par gyur par nad chab rom lta bu'i sdong po gnyis/ lus kyi yal ga nad dang lus zung dri ma gsum/ nad la srog 'dzin sogs rlung lnga/ 'ju byed sogs mkhris pa lnga/ sten byed sogs bad kan lnga/ sha khrag tshil rus rkang dang khu ba ste dwangs ma bdun/ bshang gci rngul ba'i dri ma gsum ste lo 'dab nyi shu rtsa lnga/ nad kyi yal ga rgyu rkyen 'jug sgo rten gnas rgyu lam ldang dus 'bras bu ldog rgyu mdor dril bcas dgu/ rgyu dug gsum/ rkyen dus gdon zas dang spyod lam bzhi/ sha pags rtsa rus don snod de 'jug sgo drug gnas lus kyi stod smad bar gsum/ lus zung dri ma dbang po don snod lnga po so sor rlung mkhris bad kan rgyu ba'i lam bco lnga/ na so gsum yul gsum dus gsum ste ldang dus dgu/ 'tsho ba gsum zad pa sogs 'bras bu srog gcod kyi nad dgu/ rlung mkhris bad kan zhi ma zhi gnyis gnyis bzhi ru ldog pa'i rgyu bcu gnyis/ de dag mdo don dril ba tsha grang gnyis su 'dus pa ste lo 'dab drub cu rtsa gsum/ gnyis pa la lta reg dri ba'i sdong po gsum/ lta ba'i yal ga lce dang chu la lta ba gnyis/ de re re la nad gsum gyis dbye bas lo 'dab drug reng pa'i yal ga nad gsum dang lo 'dab de mtshungs gsum/ dri ba'i yal ga slong rkyen na lugs goms pa'i sgo nas dri ba gsum/ yang la rtsub pa/ rno zhing tsha ba/ lci la snum pa'i zas dang spyod lam gyis rim bzhin rlung mkhris bad kan slong ba sogs dri
Sheja Dzo Chapter 6.1 volume2 (page 305)
ba'i dbye bas lo 'dab nyi shu rtsa dgu/ gsum pa la zas (aa: 153 ba) spyod sman dpyad kyi sdong po bzhi/ zas kyi yal ga zas gsum skom gsum ste drug rlung zas bcu bzhi/ mkhris zas bcu gnyis/ bad kan zas skom dgu ste lo 'dab sum cu so lnga/ spyod lam gyi yal ga rang rang dang sbyar ba'i gnyen po gsum/ re re la gnas dang spyod lam gyis dbye ba'i lo 'dab drug sman gyi yal ga rlung sman sogs gsum la ro nus gnyis gnyis dbye bas drug rlung la khu ba dang sman mar/ mkhris par thang dang cur ris/ bad kan la ril bu tres sam ste zhi byed drug rlung 'jam rtsi/ mkhris pa bshal/ bad kan skyugs kyis sbyong ba ste/ sbyong byed gsum bcas dril bas bco lnga/ rlung la ro mngar skyur lan tshwa gsum/ nujs pa snum lci 'jam pa gsum sogs gzhan gnyis la'ng de bzhin sbyar bas bco brgyad/ khu ba gsum/ /sman mar lnga/ thang dang phye ma bzhi bzhi/ ril bu gnyis/ tres sam lnga/ sbyong byed snga ma la gsum/ bar ma la bzhi/ phyi ma la gnyis te dril bas dgu/ snga phyi bsdoms pas lo 'dab lnga bcu tham pa/ dpyad kyi yal ga rlung mkhris bad kan gyi dpyad gsum/ snga ma la bku mnye dang hor gyi me btsa' gnyis/ bar ma la rngul dbyung gtar ga chu'i 'phrul 'khor/ phyi ma la dug dang me btsa' bcas lo 'dab bdun te/ mdor na gso yul nad gzhi la rnam grangs brgyad cu rtsa brgyad/ ngos bzung brtag pa la sum cu so brgyad/ gso byed gnyen po'i thabs dgu bcu rtsa brgyad kyi nang du gso ba rig pa'i don ma lus pa gtan la dbab nas mya ngan med pa'i ljon shing gi dpe dang sbyar bar mdzad de/ de ltar legs par shes shing lag tu blangs pas nad med pa dang tshe ring ba gnyis me tog chos dang nor dang bde bas 'byor pa 'bras bu'i mthun dper sbyor ba ni rygud nyid las/ rtsa ba gsum las (a: 154 na) 'dril ba'i sdong po dgu/ /gyes pa'i yal ga bzhi bcu rtsa
Sheja Dzo Chapter 6.1 volume2 (page 306)
bdun te/ /lo 'dab nyis brgya rtsa bzhir rgyas pa yin/ /gsal ba'i me tog 'bras bu lnga ru smin/ /'di dag rtsa ba'i rgyud kyi sdom du bshad/ /ces gsungs so/
/gnyis pa ni/ /gso bya gso byed gso tshul gso bas bshad/ /bshad pa sku yi rgyud kyi bstan bya gso rig thams cad tshul bzhir dril ba ni 'og tu cung zad 'chad par 'gyur ro/
/gsum pa ni/ lus dang byis pa mo nad gdon mtshon dug /rgyas pa ro tsa'i man ngag yan lag brgyad/ /man ngag yon tan rgyud le'u dgu bcu rtsa gnyis yod pa las/ lus kyi bcos le'u bdun/ byis pa dang mo nad la gsum gsum/ gdon dang mtshon rma la lnga lnga/ dug la gsum/ rgas pa gso ba'i thabs bcud len la gcig ro tsa dang de'i yan lag bud med btsa' srung gi thabs la gnyis bcas kyis gso byed gnyen po'i man ngag rdzogs par bstan pa ste/ spyir lus la sogs pa de rnams gso yul gyi yan lag brgyad du yongs su grags shing/ gso dpyad che chung thams cad de las 'phros pa sha stag go/
/bzhi pa ni/ nad dang gnyen po thabs su phyi mar dril/ /rgyas par bshad pa de dag gso yul gyi nad/ gso lbyed gnyen po gso ba'i thabs gsum zhes phyi ma phrin las kyi rgyud du lag len snying por dril nas bstan te/ de'ng gso yul nad la rgyas par stong dang nyis brgya/ bsdu na kun brtags gdon/ ltar snang 'phral/ yongs grub tshe/ gzhan dbang sngon las kyi nad bzhi po re re la brgya dang gcig ste/ bsdoms pas bzhi brgya rtsa bzhi/ de las kyang bcos dgos shing bcos su yod pa yongs grub tshe'i nad brgya rtsa gcig gso byed gnyen po la stong dang rtsa gnyis/ mdor bsdus pas sman dpyad zas spyod bzhi/ sman la zhi byed sbyong byed gnyis/ zhi byed la bsil drod/ sbyong byed la drag dang
Sheja Dzo Chapter 6.1 volume2 (page 307)
'jam pa gnyis/ dpyad la 'jam rtsub (aa: 154 ba) gnyis/ zas la phan gnod gnyis/ spyod lam drag dal gnyis te mdor dril ba'i gnyen po bcur gsungs so/
/gos thabs lag len sum brgya drug cu/ mdor bsdus brtag thabs gso tshul bcos thabs gsum/ dang po la reg pa rtsa/ mthong ba chu la brtag pa gnyis/ gnyis pa gso tshul rnam pa dgu/ gsum pa la/ zhi byed thang phye ril bu sde gu sman mar thal sman khanda sman chang sde tshan brgyad/ de'i log gnon rin po'i che'i sbyor ba/ thug phrad sngo sbyor gyi sde/ sbyong byed sngon 'gro snum 'chos/ bshal skyugs sna sman 'jam rtsi ni ru ha ste dngos gzhi las lnga/ log gnon rtsa sbyong ste bdun/ dpyad la gtar sreg dug lum byugs pa/ log gnon thur ma'i dpyad bcas nyi shu rtsa gsum/ thal sman sogs phyi ma lnga zhi byed rtsa ba'i sde tshan lngar 'dus pas lag len bco brgyad kyi grangs su dril ba yin no/
/gnyis pa gso ba'i tshul rgyas par bshad pa la gnyis/ mdor bstan/ rgyas bshad do/
/dang po ni/ gso bya gang phyir lus dang gang gso nad/ /gso byed spyod lam zas sman dpyad rnams te/ /gso thabs nad med gnas dang rnam gyur gso/
/gso mkhan rtsa ba yan lag bcas pas bsdus/ /gong du smos pa'i bshad pa'i rgyud kyi sdom nyid gso rig spyi'i mdo chings chen yin pas de nyid cung zad bkrol na/ gso bya'i yul la gang gi phyir gso ba lus/ gang zhig gso ba de las 'byung ba'i nad gnyis/ gso byed kyi gnyen po spyod lam zas sman dpyad dang bzhi/ nad de gnyen pos ji ltar gso ba'i tshul lam thabs la nad med ring du gnas pa dng/ rnam gyur gso ba'i thabs gnyis/ gso byed kyi mkhan po sman pa rtsa ba bzhi la yan lag bcu gcig ldan pa dang bcas pas gso rig gi lus yongs su rdzogs pa bsdus so/
/
Sheja Dzo Chapter 6.1 volume2 (page 308)
gnyis pa la (aa: 155 na) bzhi/ gso bya/ gso byed/ gso thabs/ gso mkhan no/
/dang po la gnyis/ lus dang/ nad do/
/lus la rgyu rkyen rtags kyis chags tshul rtogs/ /'dra dpe nyams sbyar lus zungs rtsa yi gnad/ /bu ga'i gnas lugs gnod bya gnod byed kyi/ /mtshan nyid las dbye 'jig ltas gtan la dbab/ /gang gi don du gso ba lus la chags pa'i rgyu dkar dmar rnam shes gsum/ 'phel ba'i rkyen lte 'khor dang bu snod kyi rtsa las byung ba'i bcud btsa' ba'i rtags dang bcas pas chags pa'i tshul rtogs/ rten khang bzang brten pa rgyal blon btsun 'bangs dang bcas pa'i 'dra dpe sbyar bas lus gnas kyi nyams shes/ nad dang dwangs snyigs sha rus la sogs pa'i ldang tshad lus zungs kyi gnas lugs/ chags srid 'brel pa tshe ste 'brel pa rtsa'i gnas lugs/ sha tshil rus pa chu rgyus don snod rtsa'i gnad bdun te gnyan pa gnad kyi gnas lugs/ phyi nang dwangs snyigs zas rgyu lam bu ga'i gnas lugs bzhis lus kyi gnas lugs rtott/ gnod bya khams la lus zungs bdun dang dri ma gsum/ gnod byed nyes pa rlung mkhris bad kan nang gses dbye ba bco lnga dang bcas so/
/grub tshul rang bzhin me drod lto ba gnas pa byed las mtshan nyid kyi sgo nas lus kyi mtshan nyid rtogs/ spyir sgo gsum dge mi dge lung ma bstan la spyod cing bye brag dbang po lnga yis rang gi yul la spyod pa lus kyi las dang/ rten pho mo ma ning/ na tshod rgan byis dar ma/ rang bzhin
Sheja Dzo Chapter 6.1 volume2 (page 309)
nyes gsum so so'i mi/ nad rnam par ma gyur pa dang gyur pa'i dbye bas de dag rtogs/ ring ba nye ba ma nges nges pa can bzhis lus 'jig pa'i ltas gtan la dbab pa ste nang gses du ma dang bcas pa'i rnam grangs bdun gyis gang gso ba lus kyi gnas lugs la mkhas par bya'o/
/gnyis pa ni/ nad la dug (aa: 155 ba) gsum nyes gsum nye ring rgyu/ /skye mched gsog ldang slong rkyen skyed byed de/ /lam drug zhugs pa'i mthsan nyid 'phel zad 'khrugs/ /rgyu dang rten dang rnam pa'i sgo nas dbye/ /gang gso ba nad la/ ring rgyu ma rig pa las byung ba'i dug gsum dang nye ba'i rgyu des bskyed pa'i nyes pa gsum ni nad kyi rgyu/ dus dbang po spyod lam dman lhag log pa skye mched kyi rkyen/ rgyu ngo bo dus kyi sgo nas gsog ldang zhi gsum byed pa gsog ldang gi rkyen/ thun mong khyad par spong rkyen te nad skyed byed kyi rkyen gsum/ nyes gsum rang gnas 'phang bya'i yul la 'phen byed kyi rkyen bzhis 'phangs pa 'jug sgo'i lam drug tu zhugs nas rang gnas su rten pa nad 'jug tshul' zhugs nas nang lus zungs dri ma gsum po ldang tshad las 'phel ba dang zad pa dang phan tshun 'khrugs pa gsum po nad kyi mtshan nyid/ sngon gyi las/ tshe 'di'i nyes pa/ de gnyis 'dres pa las 'byung ba ste rgyu'i dbye ba gsum/ skyes pa bud med byis pa rgas pa kun khyab thun mong ste rten gyi dbye ba lnga/ phyi ma la nyes pa gtso bo rigs dang gnas kyi dbye ba gsum/ nang gses dang bcas pa gnod bya nyi shu rtsa lnga la rkyang pa ldan 'dus 'dres pa'i rigs kyi
Sheja Dzo Chapter 6.1 volume2 (page 310)
rnam pa'i sgo nas dbye ba grangs med pa rnams ni nad kyi dbye ba ste rnam grangs lnga yi sgo nas gso bya nad kyi mtshan nyid legs par rtogs par bya'o/
/gnyis pa gso byed kyi tshul bshad pa la/ spyod lam rgyun spyod dus spyod gnas skabs te/ /zas tshul bsdam dang zas tshod ran par bza'/ /sman la ro nus zhu rjes sbyor ba'i thabs/ /'jam rtsub drag dpyad de yi cha byad bcas/ /nad gso byed gnyen po rnams kyi thog mar gal che ba bya ba spyod lam gyi gnas la/ tshe rkyang 'jig rten pa dang dam pa rnams kyi rgyun tu spyod pa/ dus drug tu gsog ldang gi gnyen po bsten pa'i dus spyod/ (aa: 156 na) nad mi skye ba dang skyes pa zhi ba'i gnas skabs kyi spyod lam ste gsum/ 'tsho ba zas la/ bza' bya'i zas dang btung bya'i skom gyi tshul lam rnam grangs shes par bya ba/ lus la mi 'phrod pa bsdam par bya ba/ zas kyi tshod ran par bza' ba gsum/ sbyor ba sman la ro drug nus pa brgyad las skyes pa'i yon tan bcu bdun zhu rjes gsum rnams nad kyi 'byung ba'i gnyen por sprad pa'i ro bsdebs sbyor ba lnga bcu rtsa bdun dang rkyang pa drug bcas drug cu rtsa gsum ni so sor 'phel zad bdun cu rtsa bzhi'i gnyen por sbyar zhing/ nus par sbyor ba zhi sbyang gnyis nad rigs spyi'i gnyen por sbyor ba'i thabs la mkhas par bya ba dang/ cha byad dpyad la/ 'jam po'i dpyad dug lum byugs pa/ rtsub pa'i dpyad gtar sreg dbug pa/ drag po'i dpyad 'dral gcod 'drud dang 'byin pa bzhi/ de dag gi cha byad zug rngu brtag pa'i dpyad khab mgo sogs bcu bzhi/ zug rngu 'byin pa seng ge kha sogs skam pa'ng rigs drug sha 'dral khrag dbyung
Sheja Dzo Chapter 6.1 volume2 (page 311)
bye'u'i sgo 'dra sogs btsag bu'i snge drug btsag dbugs 'dren dpyad sbubs thur smyu gu la sogs thur ma dgu gce'u rngabs ra bum pa la sogs cha byad phran bu dang bcas pa ste/ de dag gis rnam par gyur pa'i nad kyi rigs snying rjes gso ba la brtson par bya'o/
/gsum pa la gnyis/ nad med gnas shing 'tsho ba dang/ na ba gso bar bya'o/
/dang po ni/ nad med bder gnas rgas pa'i nad las bsring/ /rnam par ma gyur pa nad med kyi tha mal gyi lus po min par gnas pa dang ring du 'tsho zhing bde bar gnas pa'i thabs mchog nad kyi rgyu rkyen spang ba la bslab/ lo zla mang du 'das pas lus zungs kyi stobs 'gribs te rten rnying nas rgas pas tshe zad par nye ba la bcud len gyi sbyor bas stobs skyed cing tshe bsring bar bya'o/
/gnyis pa ni/ na ba rgyu dang (aa: 156 ba) mtshan nyid phan gnod bsten/ /ngan gyo skyon dang spang blang mu bzhis brtag /spyi dang bye brag khyad par tshul gyis gso/
/thun mong khyad par gso ba'i thabs ldan bya/ /na ba gso ba'i thog mar ngos bzung rtags la mkhas par bya dgos pas/ de'ng slong byed rgyu/ mtshan nyid rtags/ phan gnod goms pa bsten pa gsum gyis nyes pa dngos su brtag ngan gyo skyon te thabs kyi sgo nas mi shes pa'i grags pa mi phog par brtag na ba thams cad 'tsho ba ma yin cing thams cad 'chi ba'ng ma yin pas gso sla ba dang gso dka' ba dang gso rung ba tsam dang spang bar bya ba ste spang blang mu bzhi'i sgo nas brtag rtogs nas ji ltar gso bar byed pa la gso tshul/ gso thabs gnyis/ dang po la gsum/ nyes gsum gsog dus zhi byed dang ldang dus sbyong byed kyis bcos shing zhi ba'i skabs su mi 'khrugs par
Sheja Dzo Chapter 6.1 volume2 (page 312)
bya ba spyi'i gso tshul/ ma zhur bcas pa dang rkyang pa dang gzhan dbang can gsum gang 'tshams su bcos pa bye brag gi gso tshul/ ma rtogs dogs pa dang bcas pa la sad mda' btang ba/ ngos zin nges pa rnyed nas sman dpyad dngos su sbyor ba/ gnyen po'i thog tu mi 'bab pa la nad lam du gzung ba/ sngar bcos dman lhag log pa la gnyen po bsgyur ba/ shin tu stobs chen gyi nad la gnyen po rtsal sprugs pa/ nad stobs chung ngu'i rigs la gnyen po cha yis bskyed pa/ nyes gsum rkyang pa'i nad la gnyen po gzhan gnod med pa/ ldan pa dang 'dus pa'i nad la 'du ba cha snyoms su bcos pa/ thams cad la'ng bcos bya bcos byed 'tshams shing ma nor ba ste khyad par gyi gso tshul dgu yis nad rnams gso bar bya zhing/ thun mong gso yul zungs zad sogs brta bar bya ba dang/ tsho ches sogs nyams dmad pa'i thabs gnyis/ khyad par tsha ba bsil/ (aa: 157 na) grang ba drod/ rlung snum gro sogs nyes gsum so sor gso ba'i thabs dang ldan par bya'o/
/bzhi pa ni/ sman pa rgyu drug mchog gyur las la mkhas/ /rang gzhan 'phral yun bde legs 'bras bur spyod/ /gso ba'i bya ba byed pa'i sman pa'i mtshan nyid kyang rgyu drug dang ldan pa ste/ blo gros che ba blo brtan pa blo gzed pa (25)
Sheja Dzo Chapter 6.1 volume2 (page 313)
ste blo dang ldan pa/ byams pa dang snying rjer ldan pa bsam pa dkar ba/ blo bzhag drug gzzung bya gnyis shes pa gsum ste dam tshig dang ldan pa/ lag pa bzo ngag tshig snyan rig pa bkra ba ste rnam pa bzo ba/ bdag don bslab sbyong dang gzhan don gso dpyad la le lo med pas bya ba la brtson pa/ dam pa'i mtshan nyid ldan cing thun mong gi kun spyod legs pa sogs mi chos la mkhas pa rnams so/
/de'ng rigs brgyud med cing mthong goms chung ba sogs tha ma'i skyon bcu gnyis spangs shing mchog gi yon tan rnams dang ldan pa/ thun mong sgo gsum gso dpyad kyi las dang khyad par lta sgom spyod pa'i bya ba la mkhas pa ste/ de lta bu'i tshul rnams ji skad bshad pa ltar tshad dang ldan par 'brel bas rang gzhan gnyis ka 'phral dang yun du bde legs kyi 'bras bu la spyod par 'gyur ro/
/gnyis pa rig gnas chung ba bshad pa la gnyis/ mtshams sbyar ba dang/ dngos so/
/dang po ni/ rig gnas chung ba lnga ru grags pa las/ /rig gnas chung ba lngar grags pa 'di la bzhed tshul 'ga' zhig snang yang/ mngon par 'byung ba'i rgyud las/ byang chub sems dpa' sems can 'dun par bya ba'i phyir gzhan dg la snyan par dngags pa'i bstan bcos dang/ ming gcig don du mar 'jug pa dang/ don gcig nyid kyang ming gi rnam grangs du mas mngon par brjod pa'i bstan bcos dang/ lci ba dang yang ba'i yi ge bsgyur ba dang spel ba'i sgo nas tshigs su bcad pa sdeb pa'i bstan (aa: 157 ba) bcos dang/ mdo 'dzin pa dang/ bzhad gad dang/ skad du ma gzhan du bsgyur bas 'gro ba dga' bar byed pa zlos gar gyi bstan bcos dang/ grangs kyi rig pas gzhal te ngo mtshar bar ston pa rtsis kyi bstan bcos rnams kyang bslab par bya
Sheja Dzo Chapter 6.1 volume2 (page 314)
ste/ byang chub sems dpa' de ni bla na med pa yang dag pa rdzogs pa'i byang chub thob par 'dod pa'i phyir ro/
/zhes gsungs pa ltar phyis nas chab gcig bzhed par snang ba las/ zhes mtshams sbyar ba'o/
/gnyis pa la lnga/ skar rtsis/ snyan dngags/ sdeb sbyor/ mngon brjod/ zlos gar ro/
/dang po la bzhi/ spyi'i don/ nang gi nges pa/ phyi rol gyi brtsi ba'i gzhi/ ji ltar brtsi ba'i tshul bshad pa'o/
/dang po ni/ kun rdzob blang dor ston pa'i skar rtsis ni/ /de nyid stong pa rags snang brtsi ba'i gzhi/ /rten 'brel grangs kyi rig pa rtsi ba'i tshul/ /de'ng kun rdzob kyi grangs dang gnas tshul la mi rmongs pas blang dor ma 'chug par ston par byed pa ni dgos pa'o/
/dgos pa de ldan gyi skar rtsis zhes grags pa la phyi nang gi lugs gnyis las 'dir rgyud kyi rgyal po las gsungs pa'i rjes su 'brangs pa ni ches dgos pa dang bcas pa yin pas/ de ltar na thog mar nang gi nges pa shes pa gal che bas/ de kho na nyid stong pa spros bral gyi gnas lugs de/ 'khrul tshul ma rig pas bslad pa'i dbang gis yul yul can nam phyi nang sogs gnyis chos dang/ rtsa rlung thig le'm nyi zla sgra gcan gyis mtshon gsum chos sogs rags snang mtha' yas par sgro btags pa'i snang cha tsam ni so skye rnams kyi brtsi bya'i gzhi dang/ rten cing 'brel bar 'byung ba'i grangs kyi rig pa ni rtsi ba'i tshul lam rtsi byed yin no/
/gnyis pa ni/ dbu ma'i dbugs las gza' yi rkang pa 'byung/ /dus bzhi'i mtha' ru de dag stong par 'jug /slar yang rtog 9aa: 158 na) pas dus kyi nges pa 'char/ /dbu ma'i dbugs ni ye shes kyi rlung ste dbu ma la brten nas rtsa gzhan mngon par skye ba ltar ye rlung la brten nas las kyi rlung 'byung ba lnga'i bdag nyid skye ba'm rgyu bar byed/ gyon rkyang ma la brten te snying stobs
Sheja Dzo Chapter 6.1 volume2 (page 315)
kyi rang bzhin gzung ba yul gyi cha bskyed pa nam mkha' rlung me chu sa'i rim pas zhi bza' lnga rgyu la/ gyas ro ma la brten te 'dzin pa bdag rtog gi cha gtso bor bskyed pa rdul gyi rang bzhin sa chu me rlung nam mkha'i rim pas drag gza' lnga rgyu ba'i phyir phyi rol 'jig rten gyi khams la yang me rlung gi grangs bzhin du gza' rnams kyi dal rkang myur rkang sogs 'byung gno/
/dus bzhi'i mtha' ru gza' de dag stong par 'jug pa'i lo grangs sogs gong du smos pa ltar nang lus dang sbyar na skyes bu lang tsho rgyas shing nad la sogs pas ma gzir ba zhig mtshan gzhir byas te rtsa rkyang ma la brten te sna gyon nas dang por nam mkha' rlung me chu sa ste 'byung ba bskyed pa'i rim pas dkyil 'khor re la sum brgya drug cu ste dkyil 'khor lnga rgyu la/ de nas ro ma la brten te gyas su sa chu me rlung nam mkha' ste 'byung ba sdud pa'i rim pas lugs bzlog tu dkyil 'khor lnga rgyu ste/ dkyil 'khor nam 'pho chung re la sum brgya drug cu dang/ dkyil 'khor lnga rdzogs pa ni 'pho chen yin pas de la dbugs stong dang brgyad brgya 'byung/ de ltar skyed sdud kyi bya ba gnyis rdzogs pas 'pho chen gnyis kyi mtshams su nang du dbu ma la 'jug ste/ 'jig rten chags shing zhig pa'i bya ba rdzogs nas stong par gnas pa'm/ gza' rnams kyi dkyil 'khor rdzogs pa na stong pa la 'jug pa dang/ lus can rnams skye 'chi'i gnas skabs kyi 'og tu rang bzhin 'od gsal du 'jug pa la sogs pa'i don no/
/tshul des gyas nas lug sogs mi mnyam pa'i khyim gyi 'pho chen drug dang/ gyon nas glang sogs mnyam (aa: 158 ba) pa'i khim gyi 'pho chen drug ste dus sbyor gyi 'pho ba bcu gnyis la dbugs nyi khri chig stong drug brgyar longs te rang dbugs kyi zhag gcig tu 'jog go /des na nang du 'pho chen gnyis la 'byung ba bskyed sdud rdzogs nas dbu mar stong pa la gzhol ba bstan pa'i don dang mu
Sheja Dzo Chapter 6.1 volume2 (page 316)
ste gzhug pa'i ched du mi lo stong dang nyis brgya la dbugs rer byed pa'i gtso bo nus pa'i ming can zhig yod pa ltar bzhag nas de'i dbugs grangs kyi 'pho chen gnyis rdzogs pa na phyir dus chen po gcig rdzogs shing/ de'i 'pho mtshams su dbu mar 'jug pa dang phyir gza' rnams stong pa la 'jug par sbyar nas gsungs pa'o/
/stong 'jug la mtshur lugs pa rnams ni rgyud las gsungs pa'i rang rtsi nyid sgra ji bzhin par bzung la/ phug lugs pa rnams de mu stegs kyis mi rtog pa'i phyir sbas rtsis yin pas sgra ji bzhin min par bzung nas grub mtha'i zhib rtsis gsar du 'chos par mdzad do/
/slar yang sems can rnams kyi kun tu rtog pa'i dbang gis rlung gis 'pho ba skye ba de bzhin phyi rol du'ng dus kyi nges par rim bzhin 'char bas/ dus bzhi so so'i zad pa me stag gi dbo zla ba'i gnam stong nya khyim gyi mthar gza' rnams kyi longs spyod rnam par dag pa la stong par zhugs pa'i tha snyad byed cing/ slar rab byung gi lo'i nag zla'i tshes gcig nas lo zla gza' skar thams cad kyi rtag pa'i longs spyod gsar du 'char ba yin no/
/gsum pa ni/ nang nyid ji ltar phyi rol snang ba las/ /bgrod bya khyim skar bgrod byed gza' rnams skyes/ /nyi mas khyim spyod dus bzhi gyas su `khor/ /skar khyim go la rlung 'gros nyin zhag rer/ /gyas bskor bza' 'rnams rang 'gros yul la spyod/ /nang rdo rje'i lus kyi gnas lugs ji lta bar phyi rol du snang ba las/ thog mar bgrod bya'i yul go la'i steng (aa: 159 na) du khyim bcu gnyis rgyu skar nyer brgyad rnams chags/ de'i steng du bgrod byed gza' bcu po skyes/ gnam la nyi mas khyim bcu gnyis po gyon bskor du spyod cing sa la las kyi sa dum bu bcu gnyis su dus bzhi gyas bskor gyi tshul gyis 'pho zhing rgyu ste 'khor ba'o/
/de ltar rgyu skar gyi khyim dang go la rnams ni
Sheja Dzo Chapter 6.1 volume2 (page 317)
rlung 'gros la brten nas nyin zhag re rer gyas su bskor cing/ gza' rnams ni rang rang gi 'gros kyis yul rgyu skar khyim gyi longs spyod la spyod pa'o/
de'ng gza' gzhan ni/ rgyu skar gyi steng du rang 'gros kha shar du phyogs pas ri rab la gyon bskor gyis rgyu la/ sgra gcan ni don dam pa'i rigs pas bsod nams dang ldan pa'i phyir gza' gzhan gyi stobs 'phrog cing/ khyim gyi rlung 'gros bzhin du kha nub tu phyogs nas ri rab la gyas bskor gyis bskor zhing/ nam gru nam tha skar gyi bar lugs sdog tu spyod do/
/de'ng sgra gcan ni nang du dbu ma ye shes kyi cha yin la/ de ni kun rdzob 'khrul ba'i rnam pa 'jig par byed pa rdo rje lta bu'i ting nge 'dzin gyis rtogs par bya ba yin pa'i rigs pas phyi 'jig rten gyi khams la yang gza' gzhan ni gyon du spyod cing stobs dman la/ sgra gcan bsod nams kyi stobs lhag pas so/
/dus gsum tshigs mtshams mun can nyi zla phrad/ /des na rang lus la dbu ma stong pa'i rang bzhin khams sgrib thogs dang bral ba yar sna chu'i khams dpyid kyi gong bu dang mar sna me'i khams 'bar ba'i thig le dang ldan pa/ phyi nang dag pa gcig pa'i phyir sgra grcan yang lus stong pa nam mkha'i khams sgrib thogs dang bral la/ gdong chu'i rang bzhin nag po mun pa'i bdag nyid dang/ mjug ma me'i khams dmar po 'bar ba'i rang bzhin gnyis ni sgrib byed kyi nus pa can rags pa'i rnam pa ste/ nang du rdul dang snying stobs dang mun pa'i dus gsum gyi tha mar mun pa chen (aa: 159 ba) po'i rlung gis ro ma'i stobs 'phrog cing/ sa chu me rlung nam mkha' ye shes kyi khams drug rdzogs pa na rkyang ma'i stobs 'phrog pas phyi rol du zla ba gnyis la yan lag re'm/ dus rer byas pa'i dus gsum rdzogs pa'i dkar nag gi tshig mtshams su mun can nyi ma la 'jug cing/ zla ba drug rdzogs pa na zla ba la sgra bcan 'jug par snang ba dang/ khyad par nyi 'dzin la
Sheja Dzo Chapter 6.1 volume2 (page 318)
rten 'brel yan lag bcu gnyis rim par 'khor ba'i reg pa'i rten 'brel gnas stong la 'char ba dgos te/ de yang lug gi khyim zla nas brtsams te zla ba bcu gnyis la yan lag rer 'jog la/ yan lag re'i nyin zhag dang po la ma rig pa/ gnyis pa la 'du byed/ gsum pa la rnam shes/ bzhi pa la ming gzugs/ lnga pa la skye mched drug drug pa la reg pa/ bdun pa la tshor ba/ brgyad pa la sred pa/ dgu pa la len pa/ bcu pa la srid pa/ bcu gcig pa la skye ba/ bcu gyis pa la rga shi dang/ bcu gsum pa la ma rig pa nas nyer bzhi la rga shi dang/ yang nyer lnga la ma rig pa nas drug pa la rga shi/ bdun pa la ma rig pa nas bco brgyad pa la rga shi dang/ bcu dgu la ma rig pa nas gnam stong la rga shi'o/
/mdor na gnam stong la reg pa yod pa dang rga shi yod pa spel mar 'byung ba'i reg pa yod pa'i tshe 'dzin te/ reg pa'i yan lag dbus der sgra gcan rgyu ba de yis zla ba nyi ma dag ni 'dzin par 'gyur/ /zhes so/
/nyi zla rlung 'gros khyim tshes nyin zhag byung/ /dus gsum mtshams bzhi thun brgyad dus sbyr ni/ /bcu gnyis yud tsam sum cu dbugs nyi khri/ /chig stong drug brgya chu srang sum stong dang/ /drug brgya chu tshod drug cus go la 'khor/ /nyi ma dang zla ba dang rlung ste go la'i 'gros gsum la brten nas khyim zhag dang/ tshes zhag dang/ nyin zhag rnams byung zhing/ snga ma ring/ (aa: 160 na) bar ma thung/ phyi ma de gnyis kyi bar te zhib par gong du bshad zin pa ltar ro/
/de'ng lo zla la sogs pa dus rnam par gzhag pa'i gtso bo ni nyi ma'i 'gros la brten pa ste/ nyin zhag gcig la dus sbyor bcu gnyis yod pa'i dus sbyor bzhi la dus re byas pa'i dus gsum dang/ dus sbyor gsum la thun mtshams re byas pa'i thun mtshams bzhi dang/ dus sbyor phyed dang gnyis la thun tshod re byas pa'i thun tshod brgyad dang/ dbyu gu lnga la dus sbyor re byas pa'i dus sbyor bcu
Sheja Dzo Chapter 6.1 volume2 (page 319)
gnyis dang/ chu tshod gnyis la yud tsam re byas pa'i yud tsam sum cu dang/ dbugs nyi khri chig stong drug brgya dang/ dbugs drug la chu srang du byas pa'i srang sum brgya drug cu dang/ chu srang drug cu chu tshod du byas pa'i chu tshod drug cus zhag re bzhin go la 'khor bar 'gyur la/ gza' gzhan yang de'i rjes su 'brangs pas 'jig rten du rgyu zhing legs nyes kyi 'bras bu 'byin par byed do/
/'dir zhar byung lo zla'i 'go 'dzin pa'i tshul yang mdo sde nyi ma'i snying por/ bdag gis rgyu skar smin drug brjod/ /zla ba nya tshe zla rangs 'gyur/ /ston zla tha chung zhes grags pa/ /lo 'gor bdag gis brjod par bya/ /zhes dang por lo la bkod pa'i go rim gyis rgyu skar gyi dang po smin drug yin pas na smin drug gi zla bar lo 'gor gsungs shing/ 'jig rten gyi grags pas dpyid ra lo 'gor byed pa la 'dul mngon las lugs de gnyis ka dang/ tha skar gyi zla ba lo 'gor byed pa'ng 'byung zhing/ rgya rtsis pas hor zla dang po stag dpyid rar byas nas de lo 'gor 'jog kyang dus kyi 'khor lo 'dir 'jig rten chags pa'i dbang du byas pa'i lo 'go dang/ nyi khyim gtso bor byas pa'i lo 'go dang/ dgos pa gtso bor byas pa'i lo 'go ste gsum las dang po ni/ dbyar 'bring krtti'i zla ba nas 'dzin te 'jig rten chags nas cher ma lon pa ston dpyid dang nyi (aa: 160 ba) zla sogs med pa na nyi ma nab so'i bzhi gsum kartta'i khyim gyi dang po nas longs spyod skyes pas dus kyi dang po dbyar yin par gsungs pas so/
/gnyis pa ni/ nyi ma lug khyim du zhugs pa'i dus te gza' skar dang dus rnams nyi ma'i rjes su 'brang zhing de'i khyim gyi dang po lug yin pas so/
/gsum pa ni/ nag zla'i dkar tshes gcig nas lo 'go 'dzin pa ste dus 'khor gsungs pa'i zla ba yin pa'i phyir ro/
/'di dang 'jig rten pa dang phyi rol pa ni yar ngo sngon 'gror byed la/ mngon 'grel las zla ba
Sheja Dzo Chapter 6.1 volume2 (page 320)
thams cad ni mar gyi ngo snga ste zhes gsungs shing/ sdom brcon dang por ngal ba ltar snang yang mthar rgyas par 'gyur ba'i chos mthun gyis sangs rgyas pa mar ngo sngon 'gro byed pa mang bas rgyud 'grel du yang phal cher mar ngo sngon 'gro byas kyang dgos pa'i dbang gis res 'ga' yar ngo sngon 'gror yang gsungs la/ yang rtsa rgyud las mar ngo sngon 'gro dang bsdus rgyud du mu stegs gzhugs phyir yar ngo sngon 'gro gsungs zhes kyang grags so/
/bzhi pa ni/ gza' tshes skar sbyor byed pa'i yan lag lnga/ /gza' lnga sgra gcan tatkaal spyod tshul brtag /'bras bu lung ston rtsis phran gzhan yang bslab/ /de ltar brtsi bya'i gzhi dang rtsi byed kyi gnad rnams legs par nges nang/ nyin re la sogs pa'i nges pa ji ltar rtsi ba'i tshul ni/ nyi ma sogs res gza' bdun/ tha skar sogs res 'grogs zla skar ram tshes kyi skar ma/ nyi mas spyod pa'i rgyu skar/ sel ba la sogs pa'i sbyor ba nyer bdun/ 'pho ba'i byed pa bdun dang rtag byed bzhi ste yan lag lnga ji ltar 'char ba dang/ drag gza' gsum/ zhi gza' gnyis te gza' lnga po rgyu skar gyi yul la 'gros bzhis ji ltar rgyu ba dang/ sgra gcan gdong mjug gang du spyod pa/ tatkaal ste dus sbyor gang zhig 'char ba/ (aa: 161 na) tshes dang dus la rtsa ba dang yan lag gi dbyangs 'char ba'i tshul rnams zhib mor brtag cing/ 'bras bu bzang ngan lung ston par byed pa dus 'khor las gsungs pa dang/ gyul las rnam par gyal ba'i rgyud don dbyangs 'char ba la gtso bor brten cing man ngag gnad kyi 'khro lo rnams kyis blang dor lkog gyur mngon sum du ston pa rnams dang/ brtsi bya 'byung ba lnga la/ rtsi byed rang bzhin gzhi'i gtsug lag dang/ 'byung ba rang rgyud/ snang ba yul/ gtsod byed yid/ 'dzin pa sems kyi gab tshe bzhis bsdus pa'i ma rig 'khrul snang gi gtsug lag gnyis kyi sgo nas legs nyes lung bstan pa 'byung rtsis sam nag rtsis
Sheja Dzo Chapter 6.1 volume2 (page 321)
su grags pa sogs rtsis phran gzhan yang bslab par bya'o/
/gnyis pa snyan ngag bshad pa la gnyis/ lus dang/ rgyan no/
/dang po ni/ snyan dngags 'dod don lus la bcad lhug spel/ /grol ba rigs mdzod 'dus pa srgas bcings/ /tshigs bcad rkang bzhi lhug pa brjod dang gtam/ /spel ma gtso phal zlos gar tsambu ste/ /de'ng mdo las/ dam pa'i chos gsal bar bya ba'i phyir snyan dngags bya'o/
/dkon mchog gsum la bstod pa bya'o/
/de las bla na med pa'i byang chub 'thob par 'gyur ro/
/zhes sogs 'byung ba ltar/ mkhas pa'i bya ba gsum gyi mchog rtsom pa bzang ngan ni snyan dngags shes mi shes kyi rjes su 'gro ldog byed pas/ 'di'i gtso bo'i don lus dang rgyan gnyis su gnas pa las/ dang po ni/ lus ni re zhig 'dod pa yi/ /don gyi rnam bcad tshig gi phreng/ /zhes gsungs pa ltar/ snyan dngags mkhan gyis brjod par 'dod pa'm bsam pa'i don ni snyan dngags kyi lus te don nges par byas nas tshigs legs par bsdebs pa la 'dod pa'i don gyis rnam par bcad pa zhes gsungs so/
/(aa: 161 ba) lus de'ng tshigs su bcad pa'i tsheg bar bdun dang dgu la sogs pa dang/ ma bcad pa'i lhug pa dang/ de dag spel ma gsum du gnas so/
/tshigs bcad sbyor tshul lam rigs kyi sgo nas dbye na/ grol ba/ rigs/ mdzod/ 'dus pa zhes bya ba bzhi ste/ rim bzhin tshigs bcad gcig gi nang du don gcig rang dbang can du rdzogs par ston pa dang/ brjod bya'i don gcig la shlo ka mang du tshogs shing bya tshig gcig gis gsal bar byas pa dang/ gcod mtshams dang bya tshig sna tshogs shing shlo ka'i grangs nges med pa mdzod ltar 'dus pa dang/ brjod bya'i tshig don gcig la shlo ka dang bya tshig mang po can te/ de dag kyang srga zhes pa le'u'm rab byed dam skabs du mas
Sheja Dzo Chapter 6.1 volume2 (page 322)
bcings pa ni snyan dangs chen po zhes ba'o/
/tshigs su bcad pa de'ng mngon pa kun btus las/ rkang pa gcig nas drug pa'i bar du yod par bshad kyang snyan dngags pa'i lugs la rkang pa bzhi pa kho na yin la/ lhug pa la brjod pa dang gtam zhes ming gnyis su yod kyang slob dpon dandis de gnyis don gcig tu bzhed cing/ pandi ta rig byed rgya mtsho ni/ brjod pa'i mtshan nyid/ lhug pa'i snyan dngags gang zhig sngon byung gi gtam rgyud las drangs pa ma yin pa'i rigs brjod pa dang/ gtam gyi mtshan nyid/ lhug pa'i snyan dngags gang zhig sngon byung ba'i gtam rgyud las brtsams te brjod pa shas che ba yin zhes bzhed la/ me long du'ng/ sngon byung gtam las gyur pa'm/ /cig shos legs pa la brten nas/ /zhes 'byung ba dang mthun pas legs zhes mkhas pa snga rabs pa du ma gsung ngo/
/spel ma la'ng gtso bo dang phal pa gnyis kyi dang po ni/ skad rigs bzhi tshang zhing bcad lhug spel ma'i bdag nyid can zlos gar nyid yin la/ gnyis pa ni/ skad rigs gang rung la (aa: 162 na) brten cing bcad lhug bsres pa tsambu zhs grags pa de yin pa dang/ gzhan yang rjod byed kyi sgo nas dbye na/ legs sbyar/ rang bzhin/ zur chag 'dres ma dang bzhir bshad do/
/gnyis pa rgyan ni/ mdzes byed tshig sbyor thun min yon tan bcu/ /thun mong don rgyan sgra dang gab pa'i tshig /skyon spong rtsom pa 'jig rten rgyan du byed/ /me long gzhung las/ snyan dngags mdzes par byed pa yi/ /chos rnams rgyan zhes rab tu brjod/ /ces 'byung ba ltar/ ji ltar skyes bu'i lus la do shal dang dpung rgyan la sogs pas mdzes par byed pa bzhin du snyan dngags kyi lus la'ng sbyar ba la sogs pa'i don gyi rgyan gyis mdzes par byed pa'i phyir/ de lta bu'i tshig sbyor ba ni rgyan zhes bya ste/ /de'ng dandi'i gzhung las shar lho'i
Sheja Dzo Chapter 6.1 volume2 (page 323)
lam srol so so ba/ /sbyar ba rab dwangs mnyam nyid dang/ /snyan dang shin tu gzhon pa dang/ /don gsal ba dang rgya che dang/ /brdzid dang mdzes ldan ting nge 'dzin/ /yon tan 'di bcu pee darbha'i/ /lam gyi srog tu bshad pa yin/ /'di dag phal cher ldog pas ni/ /goo dda'i lam dag mtshon pa yin/ /ces thun mong min pa'i yon tan bcu dang/ shar lho 'dod pa mthun pa thun mong gi lam srol la don rgyan sgra rgyan gab tshig gsum ste/ de'ng/ rang bzhin brjod dang dpe dang ni/ /gzugs can gsal byed bskor ba dang/ /'gog dang don gzhan bkod pa dang/ /ldog pa can dang srid pa can/ /bsdus dang phul byung rab brtags dang/ /rgyu dang phra mo cha dang rim/ dga' dang nyams ldan gzi brjid can/ rnams grangs brjod dang kun tu phan/ /rgya che bsnyon dor sbyar ba dang/ /khyad par mtshungs par sbyor ba dang/ /'gal dang skabs min bstod pa dang/ /jol bstod nges par bstan pa dang/ /lhan cig brjod dang yons brjes shis/ /rab spel da nas (aa: 162 ba) dongs pa can/ /'di dag tshig rnams dag gi ni/ /rgyan du sngon gyi mkhas pas bstan/ /(25)
Sheja Dzo Chapter 6.1 volume2 (page 324)
ces don rgyan sum cu rtsa lnga nang gses kyi dbye bas du mar 'gyur ba dang/ sgra rgyan la zung ldan dang bya dka'i khyad par gnyis/ rtsed mo'i 'dun sar bzhad gad la sogs pa'i ched du nye bar mkho ba'i gab tshig gi rgyan bcu drug rnams so/
/mdor na tshig rgyan thams cad rang bzhin brjod pa dang 'khyog brjod gnyis su 'du zhing/ de dag gi tshig sbyor skabs/ don nyams don 'gal don gcig pa/ /the tshom can dang rim pa nyams/ /sgra nyams gcod mtshams nyams pa dang/ /sdeb sbyor nyams dang mtshams sbyor bral/ /yul dus sgyu rtsal 'jug rten dang/ /lung rigs dag dang 'gal ba ste/ /skyon bcu de dag snyan dngags la/ /snyan ngag mkhan gyis spang bar bya/ /zhes pa ltar skyon bcu dang/ gzhan yang grong tshig dang dpe skyon la sogs pa spangs pa dang/ ji skad du/ rang bzhin gyis grub spobs pa dang/ /mang du thos pa dri med dang/ /mngon par sbyor ba mi dman pa/ /snyan ngag phun sum tshogs pa'i rgyu/ /zhes 'byung ba'i rgyu tshogs dang ldan pa'i rtsom pa ni 'jig rten gyi rgyan du byed de slob dpon dpa' bos mdzad pa'i bstod pa bzhin no/
/'di la spyir btang dper brjod shar pa'i lam la dpag bsam 'khri shing dang/ lho pa'i lam la skyes rabs so bzhi pa yin zer ba 'dra rung tsam yod par snang ngo/
/gsum pa sdeb sbyor bshad pa la gsum/ priitta/ dzaa ti/ ngo mtshar rtogs byed kyi sbyor ba bshad pa'o/
/dang po ni/ tshig sbcad sdeb sbyor yi ge drug pa nas/ /rgyun chags bar du bgrang ba priitta ste/ /mnyam dang mi mnyam phyed mnyam dag gis bcing/ /
Sheja Dzo Chapter 6.1 volume2 (page 325)
snyan dngags tshigs su bcad pa la shin tu gal che ba'i rig pa ni/ ji skad du/ tshigs bcad rkang bzhi de yang ni/ priitta dzaa (aa: 163 na) ti zhes rnam gnyis/ /zhes dang/ rig de snyan dngags rgya mtsho ni/ /zab mo brgal 'dod rnams kyi gru/ /zhes 'byung ba ltar tstshandas'i sgra las drangs pa'i sdeb sbyor priitta dang dzaa ti gnyis su yod pa'i gnyis ka'ng tshigs bcad rkang bzhi pa'i dbang du byas pa ste/ dang po ni/ rkang pa bzhi kar yi ge'i grangs snyoms pa'i yi ge bgrang ba yin la/ de'ng yi ge drug pa dbyangs sgrog dang bdun pa rab dga' nas/ nyer drug pa lhag par byed ldan gyi bar nges pa can dang/ nyer bdun phan chad la rgyun chags zhes bya zhing de la'ng rgyun chags dang rab bsags dang po nas brgyad pa la sogs pa'i dbye ba mang ngo/
/drug pa sogs la'ng nang gses shin tu mang ste yi ge bcu pa la mtshon na lci yang sbyor tshul gyi dbye bas rnam grangs chig stong nyer bzhi 'gyur zhing/ de rnams kyang ming gi nges pa gsal ba dbus phra/ gzhon nu rol pa dang 'dra mtshungs/ glog phreng/ dag pa'i snang ba la sogs pa dang/ gzhung du ming dngos su ma gsungs pa shin tu mang ba de dag ni briitta ste/ de la'ng nang gses su rkang pa bzhi ka yi ge'i grangs dang lci yang mtshan nyid mtshungs pa mnyam pa'i briitta ste dbus phra la sogs pa'o/
/de las ldog pa ni mi mnyam pa'i briitta ste/ de la'ng kha sgo dang/ rkang bzhi 'phel dang/ steng 'gro dang/ dal gyi 'gro ba bzhi'o/
/rkang pa zung gnyis mi mnyam la zung mnyam pa'i mtshan nyid lta bu'i 'dres pa ni phyed mnyam pa'i briitta ste nyer bkra la sogs pa rnams kyis bcings pas mdzes par byas pa'o/
/gnyis pa ni/ phyi mo bgrang ba dzaa ti 'phags ma dang/ /ro langs dmar ser rnams la gzhan bshad 'du/ /yi ge'i ngo grangs bgrang du med pa phyi mo bgrang ba'i sdeb sbyor ni dzaa ti zhes bya ste/ snga ma yi ge brgyad yod pa la yi
Sheja Dzo Chapter 6.1 volume2 (page 326)
ge brgyad pa'i sdeb sbyor zhes pa lta bu'i tshab tu 'dir phyi mo brgyad tshang dgos te/ de'ng (aa: 163 ba) dbyangs thung ngu/ gsal byed dbyangs gcig pa rnams ni phyi mo gcig par bgrang/ dbyangs ring po/
gsal byed dbyangs gnyis pa ste ring po dang mtshams sbyor gyi yi ge srog tu zhugs pa sogs mdor na lci ba rnams ni phyi mo gnyis par bgrang/ gsal byed srog med ni phyed par bgrang ba yin la/ de la'ng phyi mo 'god tshul dang/ rkang bzhi mnyam mi mnyam phyed mnyam gyi dbye bas dzaa ti dang/ ro langs can dang/ dmar ser can gsum gyi nang gses bcas rin 'byung gzhung du bshad cing/ thos chub sogs las cung zad 'dra min mang du bshad pa thams cad kyang ngo bo 'di dag tu 'du'o/
/'di dag tu yi ge gsum re la tshogs re byas pas lci yang gi dbang gis tshogs brgyad du 'byur te/ dang po bar dang mtha' rnams su/ /lci ba nyid gyur bha dza sa/ /yang ba nyid gyur ya ra ta/ /lci ba yang nyid ma na'o/
/zhes 'byung ba ltar la/ de re re la'ng dge ba dang mi dge ba ston pa'i lha re re yod par bshad de/ bha yig sa gzhi dpal ni rgyas byed dza yig chu ste 'phel ba'o ra yig me ste 'chi/ /sa yig rlung ste pha rol yul du ring por 'gro byed ta yig nam mkha' stong pa'i 'bras/ /ya yig nyi ma rgya chen nad ni len byed ma yig zla ba grags pa dri ma med/ /na yig lha ste bde ba rab ster mkhas pas tshogs rnams kyis ni 'bras bu 'dir rab bshad/ /ces pa ltar la/ de'ng dang po'i tshogs de la brtag par bshad do/
/de bzhin du sdeb sbyor yi ge drug pa nas rab bsags sam rgyun chags kyi bar rnams la'ng lha re re yod par 'dod de/ sdeb sbyor gaa ya tii'i lha rta mgrin du bshad cing de'i gzugs kyang yod par snang la 'on kyang 'di dag ni phyi rol pa'i lha ru snang ngo/
/gsum pa ni/ /prastaa ra 'god spyi grangs nashtta dbye/ /u dhishtta bzung yang ba adhaa brtag / (aa:
Sheja Dzo Chapter 6.1 volume2 (page 327)
164 na) khyad par drug dang thun mong rtog byed gcig /mnyam pa'i pritta kho na'i sbyor ba ngo mtshar ba'i rigs pas rtogs par byed pa la drug dang po yi ge gcig pa nas bzung rgyun chags kyi bar gyi lci yang spel ba'i tshul ston pa prastaa ra 'god tshul/ gnyis pa yi ge bcu pa lta bu'i sdeb sbyor re re la rnam grangs du yod ston pa spyi'i rnam grangs rtogs byed/ gsum pa spyi grangs de las gang rung zhig khol du 'don pa'i bkod bya ji ltar yod rtogs par byed pa dper na yi ge drug pa'i sdeb sbyor la spyi'i rnam grangs drug cu rtsa bzhi yod pa'i nang nas bcu bzhi pa de glo bur bkod na prastaa ra 'god mi dgos sar lci yang bde blag tu rtogs byed na shta'i cho ga /bzhi pa thog mar yi ge bcu pa las ma sa dza ga lta bu'i prastaa ra bkod/ slar 'di yi ge bcu pa'i sdeb sbyor gyi nang gses su du pa yin ces 'dri na bde blag tu rtogs pa'i thabs udhishta bzung ba/ sdeb sbyor 'di la lci ba 'ba' zhig pa du/ gcig yang ba du/ gnyis yang ba du zhes sogs 'dri na/ de rtogs byed yang ba'i bya ba/ prastaa ra'i phreng steng 'og gi gling dang bar gyi sa ji tsam 'gro ba rtogs byed la adha'i brtag pa ste mnyam pa'i priittaa khyad par du rtogs par byed pa'i cho ga drug yod cing/ britta dzaa ti thun mong du yi ge phyi mo/
lci yang gi grangs rtogs par byed pa'i thabs re re la gsum gsum yod kyang spyir thun mong rtogs byed ces bsdoms pas gcig go/
de dag ni slob dpon rin 'byung zhi bas mdzad pa'i gzhung las ji ltar gsungs pa'i don te/ gzhung 'di ni/ ji skad du/ mdor bsdus tshigs su bcad pa dang/ /mdo yis dper brjod bgyis pa dang/ /ma 'dres rim pas 'don pa dang/ /mthar sdod tshogs nyid yon tan yin/ /ces dmar ser can gyi gzhung las yon tan brgyad kyis 'phags par bshad pa dang/ mdzad pa po khyad (aa: 164 ba) du 'phags pas ngo mtshar ba'i gzhung yin no/
/
Sheja Dzo Chapter 6.1 volume2 (page 328)
bzhi pa ming gi mngon brjod bshad pa la gnyis/ spyir ming gi mtshan nyid dbye ba sogs bshad pa/ bye brag mngon brjod kyi tshul bshad pa'o/
/dang po ni/ thog ma'i 'dod rgyal rjes grub don dang ldan/ /dngos ming de bzhin btags ming 'dra 'brel gyi/ /rgyu mtshan las byung de nyid ldog pa'i ming/ /'brel la rgyu ming 'bras dang 'bras ming rgyu/ /tshogs pa ya gyal la btags sdog pa sogs/ /rang gi gdags gzhi yi ge du ma 'dus nas don gyi ngo bo tsam ston pa'i rjod byed ni ming gi mtshan nyid/ de btags pa'i dgos pa ni/ 'phags pa'i zhal nas/ ming du gdags par ma mdzad na/ /'jig rten thams cad rmongs par 'gyur/ /de bas rmongs pa bsal ba'i phyir/ /mgon pos ming du gdags par mdzad/ /ces gsungs pa ltar tha snyad brdar go ba ni ming la rag las pa'o/
/de la'ng rgyu mtshan dang dgos pa la ma ltos par thog ma'i brda sbyar ba ni 'dod rgyal gyi ming ste/ nam mkha' sa chu la sogs pa lta bu' smra sgo las/ 'dod rgyal thog ma'i ming gang yin/ /nges tshig gzhi med chos nyid bzhin/ /ces bshad do/
/sngar tha snyad grub zin pa'i ming don gzhan gyi ming du gdags pa ni rjes su grub pa'i ming ste/ de la'ng rjes grub 'dod rgyal ni sgra bshad du mi rung ba/ khyi nag po la dung zhes btags pa lta bu/ rjes grub don dang ldan pa ni sgra bshad du rung ba/ khyi dkar po la dung zhes btags pa lta bu'o/
/yang ming la dbye na dngos ming dang/ de bzhin btags ming gnyis/ dang po ni 'dod rgyal thog ma'i mingdu grags pa'm dngos kyi sgra bshad gsum po gang rung tshang ba/ de la dbye na 'dod rgyal thog ma'i dngos ming/ lha zhes pa lta bu/ (aa: 165 na) rjes grub 'dod rgyal gyi dngos ming/ ljon shing la rkang 'thung zhes pa lta bu/ don ldan 'khrul med kyi dngos ming/ skyes bu dpa' ba la stag ces pa lta bu'o/
/btags ming gi mtshan nyid btags
Sheja Dzo Chapter 6.1 volume2 (page 329)
pa'i sgra bshad lnga po gang rung tshang ba/ de la dbye na 'dra ba rgyu mtshan du byas pa/ 'brel ba rgyu mtshan du byas pa'm de las byung ba/ de gnyis ka ldog pa rgyu mtshan du byas pa'i btags ming gsum du yod/ dang po ni sman bya rog rkang zhes pa lta bu/ gnyis pa 'brel ming la rgyu ming 'bras bu la btags pa/ ma zhu ba'i nad la ma zhu ba brjod pa lta bu/ 'bras ming rgyu la btags pa sgron me'i shing ngam/ phyug po ser snang can la yi dwags su brjod pa lta bu/ tshogs pa'i ming ya gyal la btags pa skyes bu 'ga' zhigs la lha'm/ bud med kha cig gi ming du bu mo brjod pa lta bu/ de las ldog la/ ya gyal gyi ming tshogs pa la btags pa gser sogs la lcags zhes brjod pa lta bu dang bzhi'i/ /gsum pa 'dra 'brel gnyis ka las ldog pa'i ming ni/ gzhan' mig dmar la bkra shis dang/ byed pa bishta la bzang po zhes brjod pa lta bu sogs so/
/gnyis pa ni/ ming gcig don mang don gcig ming mang gis/ /mngon brjod khams dang ming don khong chud bya/ /de ltar bshad pa'i ming rnams kyang ming gcig kho na don mang po la 'jug pa/ dper na/ 'chi med mdzod las/ ka: ni tshangs pa rlung nyi bdag /kang ni mgo dang chu dag la/ /zhes dang/ dbang chen gu gul 'ug pa dang/ /sprul 'dzin rnams la ko shi ka? / /zhes dang/ artha brjod bya nor tshig don/ /dgos pa dang ni ldog pa la/ /zhes dang/ anta rang ni go skabs mtshams/ /smad gossgrib dbye de yi don/ skyion bral phyi rol bdag gi ba/ skabs dbus gang gi bdag la yang/ /zhes dang/ swa sti smon bde bsod nams tshogs/ /(aa: 165 ba) zhes dang/ klu sgrub zhabs kyis/ ngag phyogs sa dang 'od zer dang/ /phyug dang mig dang rdo rje dang/ /mtho ris chu ste don dgu la/ /mkhas pas go sgra nges par bzung/ /zhes pa lta bu dang/ gzhan yang mdon brjod mu tig phreng ba dang/ dpal sgra'i snye ma
Sheja Dzo Chapter 6.1 volume2 (page 330)
sogs nas mtha' yas pa 'byung ba ltar legs sbyar la shin tu mang zhing/ bod skad la'ng/ gnyis skyes zhes pa'i ming/ zla ba/ bram ze/ bya sogs la 'jug pa dang/ mkha' 'gro zhes pa grub pa'i rnal 'byor ma dang/ o rgyan sogs zhing skyes kyi mi mo/
nyi ma/ 'dab chags/ mda' la'ng 'jug pas mtshon te rgya cher rtogs par bya'o/
/don gcig la ming mang po dang ldan pa ni/ 'chi med mdzod las/ mtho ris mi zad mi bde med/ /legs gnas sum rtsen skabs gsum gnas/ /lha yi 'jig rten zhes mtho ris kyi ming gi rnam grangs dang/ kun mkhyen bde gshegs sangs rgyas dang/ /chos kyi rgyal po de bzhin gshegs/ /kun tu bzang po bcom ldan 'das/ /bdud thul rgyal ba 'jig rten rgyal/ /mngon shes drug ldan stobs bcu pa/ /gnyis med gsung ba rnam par 'dren/ /thub dbang dpal stug ston pa'o/
/zhes sangs rgyas kyi mtshan gyi rnam grangs su gsungs pa lta bu shin tu mang po rnams te/ mngon brjod de rnams kyang legs sbyar la byings kyi khams dang/ skad gnyis kar ming de'i don nam rgyu mtshan yang khong du chud par byed dgos te/ dper na legs sbyar la/ buddhaa zhes pa budhi rtogs pa'i byings la dngos po'i don kta rkyen du sbyar nas bsgrubs pas gnyid dang bral ba lta bu'i sangs pa'm shes bya'i dngos po thams cad ji bzhin du rtos pa'i don du 'gyur ba dang/ de nyis bod skad du sangs rgyas zhes sngon gyi lo tsaa ba chen po rnams kyis don la brton nas bsgyur bar mdzad de/ de'ng/ ma rig gnyid las (aa: 166 na) sangs phyir dang/ /shes bya la ni blo rgyas phyir/ /sangs rgyas padma ltar sangs rgyas/ /zhes nges tshig dang sbyar dgos pas mtshon te rjes su dpag par bya'o/
/lnga pa zlos gar ni/ mtshams sbyor lnga dang 'jug pa'i yan lag dang/ /mtshan nyid bcu drug skyeg dang phreng ba sogs/ /kun dga'i ro ldan zlos gar
Sheja Dzo Chapter 6.1 volume2 (page 331)
dang mtshungs pa/ /sems can mgu byed spyod pa kun la bslab/ /zlos gar gyi bshad pa bod kyi rtog bzo mkhan rnams kyis bshad pa ni phal cher ji bzhin ma yin pas rjes zlos ma byas la/ kun mkhyen bstan pa'i nyin byed kyis rgya dpe dang zlos gar gyi sbyor ba'ng gzigs nas phyogs mtshon tsam gyi gsung gi rgyun ni/ spyir zlos gar la don gyi chings gsum/ mtshams sbyor gyi yan lag 'jug pa'i yan lag mtshan nyid kyi dbye ba'o/
/dang po mtshams sbyor gyi yan lag ni/ brjod bya'i don gyi khyad par sde tshan mi 'dra ba rnams rjod byed kyang skad rigs sna tshogs pas lab dgos pa de dag gi bar du mtshams sbyor byed yin/ de las sgo'i mtshams sbyor ni dri ba dang/ lan gyi sgo'i mtshams sbyor ni dri lan te phan tshun dri ba dri lan gyi rnam pa byed rgyu du ma zhig yod pa'i ming dang/ snying po ni/ skabs 'gar gros byed pa lta bu'i tshig mang po phan tshun du smras pa'i mthar gros thag bcad pa'i tshul gyis gtan la phab pa la snying po zer/ mi bzod pa ni/ mtshang nas 'bru ba'i brjod pas de'i rang mtshang la phog pa'i rnam pas mi bzod pa'm chags pas gzir nas mi bzod pa'i tshul byed pa'o/
/nges pa thob byed ni/ the tshom dang bcas pa'i brjod pa mang po'i mthar don gcig la nges pa rnyed pa ltar byed pa ste/ de rnams la mtshams sbyor gyi yan lag lnga zhes grags so/
/gzhan yang snyan ngag me long gi rgya 'grel slob dpon ratna shriis mdzad pa las/ mtshams sbyor rnams ni sgo dang/ (aa: 166 ba) lan gyi sgo/
snying po/
mi bzod pa/ nges thob ste lngar bshad do/
/de la nye bar len pa/ nye bar mkho ba/ yongs su 'jog pa/ rnam par sred pa/ rig pa/ thob pa/ mnyam par 'jog pa/ sgrub pa/ brnyes pa/ dbye ba/ dbye bar byed pa rnams ni sgo'i yan lag rnams so/
/yongs su 'gro ba/ rnam par 'dar ba/ gdung ba/
Sheja Dzo Chapter 6.1 volume2 (page 332)
rtsed mo/
rtsed mo'i mdangs/ rab tu 'gro ba/ 'gl ba/ nye bar gnas pa/ ma dag pa/ skye bo 'god par rtsom pa/ yi ge bsdu ba rnams ni lan gyi sgo'i yan lag rnams so/
/ma byung ba dper brjod pa/ lam gyi rang bzhin dper brjod pa'i rim pa bsdu ba/ rjes su dpag pa/ slong ba/ brtag dpyad/ gzer ba/ stobs lhag pa/ yid 'byung ba/ 'tshab pa rnams ni snying po'i yan lag rnams so/
/rgol ba/ 'thor ba/ 'dzag pa/ nus pa/ phan tshun du gnas pa/ 'gro ba pa gsal ba/ 'byed pa/ 'gog pa/ 'gal ba/ len pa/ 'drid pa/ rab tu sred pa ni mi bzod pa'i yan lag rnams so/
/mtshams sbyor/ 'gog pa/ spel ba/ gtan la phab pa/ smod pa gsal ba/ rab dwangs/ kun dga'/ dus/ nye bar sbyed pa/ bsam pa snga ma 'chad pa/ snyhan ngag bsdu ba/ rang gis ston pa rnams ni nges thob kyi yan lag rnams so/
/zhes gsungs/ /gnyis pa 'jug pa'i yan lag la/ bhaa ra tii/ saa twa ti/ kee shi kii/ aar bha tii/ zhs pa bzhi ste/ so sor yang yan lag bzhi'o/
/de la bhaa ra tii'i yan lag bzhi ni/ rab tu sred pa dang/ kun tu sgo dang/ phreng ba dang/ bzo byed ba'o/
/saa twa ti yi yan lag bzhi ni/ shin tu 'jog pa/ yongs su bsgyur ba/ smra ba dang bcas pa/ 'phrag tu bzlog pa rnams so/
/kee shi kii'i yan lag bzhi ni/ rtsed mo/
gsal ba/ rtsed mo 'byed pa/ rtsed mor 'gro ba rnams so/
/aar bha ttii'i yan lag (aa: 167 na) bzhi ni/ bsdus pa/ kun ltung/ gnas skabs 'jog pa/ kun tu 'thor ba ste/ de rnams ni 'jug pa'i yan lag go/
gsum pa mtshan nyid kyi dbye ba ni/ rgya 'grel las/ rgyan/ yi ge bsdus pa/ mdzes pa/ dper brjod/ rgyu yang dag par sbyor ba/ mthong ba'i
Sheja Dzo Chapter 6.1 volume2 (page 333)
mtha'/ thob pa/ mngon par mtho ba/ nges par bstan pa/ nges tshig grub pa/ khyad par byed pa/ yon tan lhung ba/ phul byung/ rtog ge mtshungs pa/ tshig btus pa/ bstan pa/ nye bar bstan pa/ rnam par dpyad pa/ go ldog pa/ nyams pa/ rjes khrid/ phreng ba/ yon sbyin pa/ smod pa/ don gyi dbang/ rab tu grub pa/ dri ba/ 'god pa dang bcas pa/ re ba/ cha shas/ bsdus pa/ yon tan sgrogs pa/ ma brjod pa grub pa/ dga' ba'i tshig ste sum cu rtsa drug tu shad pa rnams dang/ gzhan yang/ sgeg pa'i yan lag dang/ phreng ba'i yan lag dang/ mtshams sbyor gzhan pa'i yan lag la sogs pa ste/ de rnams thams cad kyang gar gyi rnam 'gyur shin tu khro ba'i nyams dang/ chags pas gzer ba'i nyams dang/ mya ngan gyis sdug bsngal ba'i nyams dang/ ya mtshan pas ngo mtshar ba'i nyams sogs sngon byung gi gtam rgyud dang rjes su 'brel ba'i lus ngag gi rnam 'gyur la brten nas mngon sum lta bur nyams su myong bar byed pa ste/ de rnams kyi mtshan nyid rgyas pa ni 'dir yi ge'i las su che bas gzhan du shes par bya'o/
/mdor na lus ngag gi 'gyur ba lan mang po zlos kyang yid 'phrog pa'i gar du gyur pas 'gro ba mthong thos kun dga' ba skyed pa'i ro'm nyams dang ldan pa 'phags pa'i yul du zlos gar gyi rig pa ya mtshan che bar grags kyang gangs can du de'i bstan bcos ma byung zhing thar pa don du gnyer ba la nye bar mkho ba'ng med pas/ de dang cha mtshungs pa byang chub sems dpa' rnams kyi bya ba sems (aa: 167 ba) can mgu byed kyi spyod pa kun la bslab par bya ste/ sems can mgu byed ma gtogs pa/ /sangs rgyas mnyes pa'i thabs gzhan med/ /ces gsungs pa ltar ro/
/rtsa ba'i gsum pa tshur mthong 'jig rten pa'i lam rnam par gzhag pa la gnyis/ spyir bstan pa dang/ bye brag tu dbye ba'o/
/
Sheja Dzo Chapter 6.1 volume2 (page 334)
dang po ni/ tshe 'di'i bde skyid tsam rtog tha mal pa/ /grub mthas blo bsgyur lam dang ldan pa ste/ /yang dag yang dag min pa'i lta ba mang/ /'og ma brgya las gong ma re re tsam/ /bsdu na phyi nang gnyis yod/ /ces pa ste/ spyir sems can gyi ris na shes bya'i gnas tshul dang 'jig rten phyi ma phan chad la rtog dpyod gang yang mi 'jug par tshe 'di kho na'i bde sdug gi blang dor tsam 'ba' zhig rtog pa ni tha mal pa zhes bya la/ grub mthas blo bsgyur cing shes bya la rtog dpyod cung zad zhugs pa ni lam dang ldan pa zhes bya ste 'jig rten phal pa las ches mtchog tu gyur pa'o/
/des na 'jig rten na grub mthas blo kha sgyur ba rnams ni/ rang rang gi rigs pas grub cing de las 'da' bar mi nus pa la grub pa'i mtha' zhes bya zhing de nyid bden pa yin gyi/ 'jig rten na ji ltar grags pa rnams ni bden par ma nges so zhes zer te/ de skad du yang/ spyod 'jug las/ 'jig rten pa yis dngos mthong zhing/ /yang dag nyid du'ng rtog byed kyi/ /sgyu ma lta bu min pas 'dir/ /rnal 'byor pa dang 'jig rten rtsod/ /ces gsungs so/
/grub mtha' smra ba de la'ng mngon mtho'i theg pa la sogs yang dag dang/ rtag chad du 'dzin pa sogs yang dag pa ma yin pa'i lta ba ni mang ste/ slob dpon sman pa'i zhabs kyis/ lta ba lnga brgya bdun cu dang/ rtog ge 'bar ba las lta ba'i rtsa ba brgya rtsa bcu dang de las phye ba sum brgya drug cu rtsa gsum dang/ ye shes nying po kun btus kyi bshad sbyar las ya mthsan can gyi lta ba dgu (aa: 168 na) bcu drug dang/ mdo sde tshangs pa'i drwa ba las lta ba drug cu rtsa gnyis dang/ dad pa cher 'byung gi mdo las dam pa ma yin pa'i lta ba nyi shu rtsa brgyad dang/ theg chen la dad par rab tu sgom pa'i mdo las lta ngan nyi shu rtsa drug gsungs pa dang/ gzhan yang 'jig tshogs la lta ba nyi shu dang/ rtog dpyod kyi lta ba las pha rol smra ba
Sheja Dzo Chapter 6.1 volume2 (page 335)
bcu drug dang/ lung ma bstan gyi lta ba bcu bzhi dang/ mthar 'dzin gyi lta ba bryad dam bzhi'm gnyis te yang dag pa ma yin pa'i lta ba mang du bshad pas mtshon no/
/ngan song gsum dang lha mi phal mo che sogs 'jig rten phal pa brgya stong du ma'i nang du grub mtha'i lam la zhugs pa ni re re tsam du zad la/ de dag kyang 'og ma 'og ma la zhugs pa ni ches mang la gong ma gong ma la zhugs pa ni ches nyung ste/ jo bo rjes/ deng sang rgya gar na mu stegs kyi grub mtha' la mkhas pa brgya brgya'i tshe na bye brag tu smra ba'i grub mtha' shes pa re re/ de brgya brgya na mdo sde pa re re/ de brgya brgya na sems tsam rnam bden pa re re/ de brgya brgya na rnam rdzun pa re re/ de brgya brgya na zla ba grags pa'i lugs shes pa re re tsam las med/ ces gsungs pa ltar ro/
/grub mtha' smra ba la nang gses bye brag gi rnam dbye ches mang yang ris mi mthun pa'i sgo nas bsdu na/ gzhan sde phyi rol mu stegs pa dang/ rang sde nang pa sangs rgyas pa gnyis su yod pas de dag gi tshul rim bzhin 'chad par bya'o/
/gnyis pa bye brag tu dbye ba la gnyis/ phyi rol mu stegs pa'i lam sros mdor bstan/ mngon mtho'i theg pa rgyas par bstan pa'o/
/dang po la gsum/ ngo bo/
dbye ba/ de nyid rgyas par bshad pa'o/
/dang po ni/ phyi pa la/ /mu stegs zhes grags/ /zhes pa se/ bstan pa 'di dang ston pa 'di las phyi rol tu phyogs te 'jig rten pa'i shes rab kyis shes bya'i gnas la dpyod kyang yin (aa: 168 ba) lugs kyi myang 'das dang rjes su mthun pa'i lam med pas phyi rol pa zhes bya/ 'on kyang de la cung zad nye bar gyur pas thar pa'i mu dang stegs la gnas pas na mu stegs zhes bya ste/ bzang spyod 'grel pa lo chen ye shes sdes mdzad pa las/ mu stegs can zhes bya ba la/ /mu stegs ni/ dper
Sheja Dzo Chapter 6.1 volume2 (page 336)
na chu'i rdzing bu'm mtshe'ur 'jug pa'i mur them pa byas pa lta bu'm rab brgal ba'i rab kha bde ba la mu stegs zhes bya'o/
/de bzhin mya ngan las 'das pa'i mtshor 'jug pa'i mu stegs dang/ 'gor ba'i chu bo las brgal ba'i thabs lam gyi rab kha la mu stegs zhes bya ste/ gang su dag la lam de yod cing de spyod na de dag ni mu stegs can te/ zhes gsungs pa ltar ro/
/mtshan nyid ni/ lta sgom spyod 'bras bzhi'i sgo nas sangs rgyas pa'i 'gal zlar gyur pa'i grub mtha' smra po'o/
/gnyis pa ni/ btags sprul rang rgyud gsum/ /zhes pa ste/ spyir mu stegs tsam la btags pa ba dang/ sprul pa dang/ rang rgyud pa gsum las/ btags pa ba ni/ lang gshegs las/ ji srid sems ni 'jug pa'i bar/ /de srid 'jig rten rgyang 'phen yin/ /ces pa dang/ mdo gzhan las/ 'jig rten rgyang 'phen pa'i tshig lhur len pa'i dge sbyong rul pa sogs gsungs shing/ gnas ma bu pa dang phung po la sogs bden par smra ba rnams dang rigs chad pa'i log rtog can zhi ba'i bde ba la yid skyo ba rnams la mu stegs zhes btags pa rnams so/
/sprul pa'i dbang du byas nas ni/ /bden smra'i mdo las/ yid bzhin nor bu 'ching bu phrad gyur pa/ /bden pa'i tshul du nam yang 'byung ba med/ /de bzhin sangs rgyas rin chen mu stegs can/ /zhing gcig tu ni nam yang 'byung mi 'gyur/ /mu stegs can sgo 'di ni bsam gtan dang/ /mngon shes dbang bsgyur mkhas yin shes par gyis/ /shes rab thabs kyis sbpyod (aa: 169 na) pa'i blo ldan rnams/ /rnam par 'phrul pa sna tshogs ston par byed/ /ces sogs mdo sde rnams las mang du gsungs pa rnams so/
/rang rgyud pa'i dbang du byas na/ yum las/ kun tu rgyu brgya klan ka 'tshol ba'i bsam pas 'ongs pa de dag la dkar po'i chos gcig tsam yang ngas ma mthong ngo/
/
Sheja Dzo Chapter 6.1 volume2 (page 337)
zhes sogs 'byung ba ltar ro/
/gsum pa rgyas par bshad pa la gsum/ bsam gtan pa/ rtog ge pa/ zhar byung kla klo sogs spang byar bstan pa'o/
/dang po ni/ phyi mar bsam gtan pa ni lnga mngon shes/ /gong du dbye ba gsum smos pa'i phyi ma mu stegs rang rgyud pa ni 'dir bshad bya'i grub mtha' ste/ de la'ng bsam gtan pa dang rtog ge pa gnyis kyi dang po ni/ bsam gtan gzugs med kyi mngon shes lnga ldan te/ slob dpon dpa' bos/ drang srong chen po lnga mngon shes/ /zhes gsungs pa ltar ro/
/de yang ye shes rgyas pa dang rtog ge 'bar ba sogs nas bsam gtan dman 'bring mchog gsum gyis rim pa bzhin du bskal pa sum cu dang drug cu dang dgu bcu rjes su dran par bshad la/ de 'dra ba rnams ni 'khor ba thog ma med pa nas byung zhing/ rtog ge pa yang spyir de dang 'dra mod kyi 'chad 'gyur gyi grub mtha' phal cher ni bskal pa 'di nyid la byung ba'o/
/gnyis pa la gnyis/ mdor bstan dang 'brel bar chad smra bshad/ rtag smra'i dbye ba dgod pa'o/
/dang po ni/ rtog ge pa yi rtsa ba rtag chad smra/ /de la rgyang 'phen pa rnams 'gro ba gsum/ /gsal dang mi gsal sems can ngo bos byung/ /rgyu sogs ma mthong med smra tshe snga phyi/ /las sogs 'gog mtho ris tsam yang med/ /mu stegs kyi grub mtha'i dbye ba spyir ye shes snying kun btus las/ yon tan can pa/ grangs can pa/ tshangs pa ste gsum rtog ge 'bar ba las/ grangs can pa/ bye brag pa/ rig byed kyi mtha' gsang ba pa/ (aa: 169 ba) spyod pa can ste bzhi/ dus 'khor las/ tshangs pa ba/ dbang phyug pa/ khyab 'jug pa/ rgyang 'phen pa/ gcer bu ba/ skabs gzhan dru grangs can pa ste drug sa skya pa'i gzhung lugs legs bshad las/ rtag smra grangs can pa/ phur bu pa/ bye brag pa/ rig pa can pa/ gcer bu ba ste
Sheja Dzo Chapter 6.1 volume2 (page 338)
lnga dang/ chad smra tshu rol mdzes pa/ spyod pa pa/ rig byed kyi mtha' gsang ba smra ba/ dbu ma'i tshul du smra ba bzhi ste dgu dang/ bcom ral ba'i grub mtha' rgyan gyi me tog las/ rgyang 'phen pa sogs bcu gnyis 'og tu 'chad 'gyur ltar bshad pas mtshon gzhung lugs rnams su rnam grangs du ma 'byung yang/ rtog ge pa thams cad kyi rtsa ba rtag smra dang chad smra gnyis su 'du zhing/ de thams cad kyang thun mong du khyab 'jug dang dbang phyug dang tshangs pa lhar 'dzin pa dang/ rig byed bzhi chos su 'dzin pa dang/ bdag dang rtag dngos smra ba dang/ 'tsho ba chos su smra ba dang/ sangs rgysa pa'i lugs la sdang smras byed pa sogs su phal cher mthun no/
/mu stegs byed thams cad lha de gsum la skyabs su 'gro zhing rig byed bzhi 'dzin pa dang/ nyer len bzhi las bdag tu smra ba nye bar len pa spyi'i chos yin te/ rgyang 'phen pas kyang 'byung bzhi dang rdzas gcig pa'i bdag 'dod pa'i phyir ro/
/de la las 'bras med par 'dod pas 'jig rten pa'i yang dag lta ba las rgyang ring du song ba'i rgyang 'phen pa ni/ sngon gyi tshe lha dang lha min 'thab pa na lha rnams rang bzhin dge bas 'thab rtsod la spro bar ma gyur pas gsyul pham par nye ba na/ drang srong phur bus lha rnams 'thab mo la gzhug pa'i ched du chad par lta ba'i gzhung brtsams te bstan pas yid ches te lha rnams gyul las rgyal/ phyis phur bus lta ngan lha'i yul du dar bar dogs te glegs bam gdgaa'i chu fla bskur ba drang srong zhig gis rnyed nas 'phags yul du (aa: 170 na) dar/ de las btus te drang srong 'jig rten mig gis brtsams pa'i rtsa ba la 'jug stobs kyis 'grel pa byas pa'i rjes 'brangs chad smra'i ston pa snyoms 'jug pa drug rjes sgrogs pa drug rtog ge pa'm ston pa drug tu grags pa rnams so/
/gzhan yang drang srong 'jig mig gis rang gi bu mo la bsgrod par 'dod nas brtsams pa'ng bshad la gang
Sheja Dzo Chapter 6.1 volume2 (page 339)
ltar/ dam bca' ni/ sgrub pa bzhi dang dgag pa lnga ste/ 'byung ba rgyu dus na mi gsal ba'i bdag dang/ 'bras dus na lus sems rdzas gcig tu mngon du gyur pa gsal ba'i bdag dang/ lha dang yi dwags dmyal ba med pas 'gro ba drug mi bden cing 'gro ba gsum yin te gsal ba mi dang dud 'gro/
mi gsal ba 'byung bzhi ri dang shing sogs rnam shes kyi nus pa ma zad pa'i 'gro ba bcas gsum dang/ rang nyid rjes dpag mi 'dod pas gtan tshigs med kyang gzhan la grags pa'i rtags kyi dgod tshul/ bum pa chos can/ lus sems rdzas gcig pa'i skyes bu dang bum pa gang rung gi brda dang bcas pa yin te/ utpal min pa'i dngos po yin pa'i phyir/ dper na rtsig pa bzhin/ zhes sogs sgrub par byed do/
/dgag pa lnga ni/ sran ma zlum zhing tsher ma rno ba sogs kyis dpes bde sdug ngo bo nyid kyis byung bas rgyu la sogs pa ma mtrhong ba ni med par smra ste/ de'ng/ tshe snga phyi 'gog pa dang/ las rgyu 'bras 'gog pa dang/ dkon mchog gsum 'gog pa dang/ ma mthong ba'i dngos po 'gog pa dang/ rjes dpag tshad ma 'gog pa'i/ /dei dag ni lta ba rnams kyi ma rung ba dang/ grub mtha' smra ba rnams kyi tha chad dang/ rmongs pa rnams kyi tshabs che shos yin pas thar pa lta ci smos/ mtho ris kyi lus rten tsam thob pa'i rgyu'ng med de 'bras bu ngan 'gro 'ba' zhig pa'o/
/gnyis pa ni/ rtag par smra ba'i phyi mo grangs can pa/ /tshad ma gsum gyis de nyid 9aa: 170 ba) nyer lnga gzhal/ /khyad par lnga ldan rtsa ba'i rang bzhin bdag /gtso bo yon tan gsum snyoms de las blo/
/de las nga rgyal de tsam 'byung chen lnga/ /las dang dbang po yid bcas lugs 'byung 'khor/ /rnam 'gyur lodg pas skyes bu thar par 'dod/ /mu stegs rtag par smra ba thams cad kyi phyi mo ni grangs can pa yin te/ de'ng sngon tshe lo dpag med kyi dus drang
Sheja Dzo Chapter 6.1 volume2 (page 340)
srong ser skya zhes pas bsti gnas su bsgoms pas mu stegs kyi thar pa thob par rlom nas rang gis mthong ba'i de nyid gzhan la bstan phyir grangs can gyi bstan bcos byas shing/ phyis rnal 'byor spyod pa dbang phyug lhar 'dzin pa'i drang srong hu klung gis kyang dbang phyug nag po'i rgyud sum cu pa dang drug pa sogs byas pas de dag ston par 'dzin la/ dbu ma la 'jug pa las/ de dbye cung zad cung zad la brten nas/ /mu stegs can rnams lugs ni tha dad gyur/ /zhes gsungs pa ltar 'di las lugs srol tha dd pa mang du gyes so/
/'di'i grub mtha' ni/ mngon sum tshad ma dbang po'i 'jug pa/ rang don rjes dpag nor bdag gi 'brel ba sogs 'brel ba bdun/ gzhan don rjes dpag rnal 'byor ldan pa dang bsal te 'ongs pa gnyis te/ 'jal byed tshad ma gsum gyis gzhal bya'i shes bya de nyid nyer lnga gzhal bar 'dod de/ nyer lnga ni/ gtso bo dang chen po dang nga rgyal gsum dang/ sgra reg gzugs ro dri ste de tsam lnga/ mkha' sogs 'byung ba lnga/ rna ba pags pa mig lce sna ste nang blo'i dbang po lnga dang/ lag rkang 'phongs 'doms ngag ste phyi las kyi dbang po lnga dang/ gnyis ka'i dbang po yid de dbang po bcu gcig tha ma bdag shes rig gi skyes bu rnams so/
/bsdu na gtso bo dang bdag shes rig gi skyes bu gnyis su 'du ste rang bzhin dang rang bzhin min pa gnyis so/
/de la bdag gi ngo bo ni byed pa po dang za ba po gnyis las/ yul la longs spyod 9aa: 171 na) pas za ba po/
'jig mi srid pas rtag pa/ gang yang mi skyed pas byed po min pa/ rdul mun snying tobs gsum gyi yon tan med pa/ yul dus thams cad la khyab pa'i phyir bya ba med pa ste khyad par ram mtshan nyid lnga dang ldan pa/ rnam 'gyur rnams kyi rtsa ba'i rang bzhin bdag shes rig gi skyes bu zhes bya'o/
/gtso bo la spyi'i ngo bo ni bdag las gzhan nyer bzhi po kun la spyi ming gtso bo zhes bya zhing/
Sheja Dzo Chapter 6.1 volume2 (page 341)
yul yul can gnyis las yul dang yon tan dang bem po yin no/
/khyad par nyer lnga'i dang po rang bzhin rgyu'i gtso bo ni rdul mun snying stobs kyi yon tan gsum cha snyoms par gnas pa'i skabs te/ de gsum gyi mtshan nyid kyang gyo dang 'jug pa/ lci dang gyogs pa/ yang dang rab tu gsal ba'o/
/'di ni rang bzhin yin gyi rnam 'gyur ma yin pas rab tu byed pa kho na yin zer ro/
/gtso bo de las chen po zhes bya ba'i blo byung/ de las nga rgyal gsum byung/ de las mched pa ni/ rnam 'gyur nga rgyal las de tsam lnga/ de lnga las 'byung chen lnga/ snying stobs nga rgyal las las kyi dbang po lnga dang blo'i dbang po lnga/ gnyis ka'i dbang po yid gcig bcas/ mun can nga rgyal ni nga rgyal snga ma gnyis ka 'jug par byed pa po'o/
/blo nga rgyal de tsam lnga bcas rang bzhin la ltos nas rnam 'gyur yin la/ blo chen po nga rgyal chen po sogs rang gi rnam 'gyur la ltos nas rang bzhin dubzhag gzhan bcu drug po rnam 'gyur kho nar 'dod do/
/bdag shes rig gi skyes bus rnam 'gyur skyed byed rang bzhin gyi mtshang ma rig par lugs 'byung du zhen nas yul sgra sogs la longs spyod pa de srid du skyes bu de 'khor ba pa yin la/ des de la longs spyod pas sun te bsam gtan bsgom pa'i mngon shes kyis rang bzhin gyis spyod pa'i mtshang la bltas pas de ngo tsha bas skyengs nas 'bros par 'gyur la/ de dang bral bas des bskyed pa'i rnam 'gyur (aa: 171 ba) thams cad kyang skye ba'i rim pa las bzlog nas de nyid duthim ste/ bdag skyes bu 'ba' zhig gsal bar gnas pa'i tshe thar pa thob par 'dod do/
/bye brag pa ni rdzas dang yon tan las/ /spyi bye 'du ba tshig gi don drug smra/ /rig pa can pa de mtshungs tshad ma bzhi/ /gsal ba'i gzugs brgyad sogs 'dod dbang phyug pa/ /gnyis pa bye brag pa ni/ drang srong gzegs can gyi rjes su 'brang ba ste/ bdag dus phyogs nam mkha' yid
Sheja Dzo Chapter 6.1 volume2 (page 342)
'byung ba bzhi bcas dgu po ni rdzas/ blo bde sdug 'bad pa chos chos min bya ba'i shugs bcas bdag gi yon tan dgu/ 'degs 'jog brkyang bskum 'gro ba lnga ni las/ bye brag la khyab par byed pa ni spyi/ spyi'i don rnams gsal bar byed pa bye brag rdzas rnams dngos 'brel rgyud 'brel gnyis su yod pa 'du ba ste shes bya tshig gi don drug tshad ma gsum dang sgra byung tshad ma bcas bzhis 'jal bar byed la yon tan dgu po bdag la 'du bya bar yod pa de srid du dge mi dge'i las sgrub par byed pas 'khor bar 'gyur la/ skyes bu'i tshig gi don drug shes nas yon tan dgu po rtsa ba bcas bcad pas bdag gcig pur gnas pa na thar pa thob par 'dod/ gsum par rig pa can pa ni/ shes bya tshig gi don drug de dang mtshungs la/ 'jal byed tshad ma bzhi dbang don phrad pa'i rtog pa ma 'khrul ba mngon sum tshad ma/ rjes dpag rang gzhan gnyis/ sgra byung tshad ma yid ches pa'i tshig dang nye bar 'jal ba'i dpe rnams so/
/gzhal bya yin na dngos po yin pas khyab cing dngos med mi 'dod/ de la dngos po ni/ bdag lus dbang po don blo yid 'jug pa skyon srid pa phyi ma 'bras bu sdug bsngal byang grol bcu gnyis so/
/bzhi pa dbang phyug pa ni/ dbang phyug 'jig rten gyi byed pa po yin te/ mun pa sel phyir nyi zla gnyis/ brtan gyo skyed phyir 'byung ba lnga/ smin par byed pa'i phyir mchod (aa: 172 na) sbyin te gsal ba'i gzugs brgyad sprul cing/ phra ba/ yang ba/ mchod par 'os pa/ bdag por gyur pa/ dbang du gyur pa/ gar yang phyin pa/ 'dod dgur sgyur ba/ dga' mgur gnas pa ste yon tan brgyad dang ldan par 'dod/ 'jig rtne pa las sogs rang dbang med cing dbang phyug mchod pa dang/ 'khrig pa bsten pas mtshon bya las 'das pa'i ye shes skyes nas grol bar 'dod de/ bye brag pa sogs gsum ka'ng dbang phyug pa'i grub mtha' smra ba'i nang gses so/
/
Sheja Dzo Chapter 6.1 volume2 (page 343)
'jug pa bcu las rtsom sogs khyab 'jug pa/ /rig byed tshad mar khas len tshangs pa ba/ /sa 'og skyes bur ro gcig gsang ba pa/ /dngos kun sgra yi bdag nyid brda sprod pa/ /lnga pa khyab 'jug pa ni/ gcer bu pa'i ston pa gzhon nu malen sogs kyis skal ldan nor lha 'di ni thams cad mkhyen pa/ thams cad gzigs pa/ 'gro ba thams cad kyi byed pa po/
thar pa sbyin par byed pa/ zhes sogs brjod la/ de rang nyid kyang/ 'di skad du/ nga ni me chu rlung yang yin/ bza' btung skye dgu'i bdag po'ng nga/ nga ni bram ze'i lus su gnas/ /spyod pa po yin sbyin po'ng yin/ /zhes pa ltar mngon pa'i nga rgyal chen po dang ldan pa'o/
/rjes 'brangs rnams de'i 'jug pa bcu las rtsom pa'i lo rgyus dang/ rtag chad du lta ba 'dzin te/ de'ng 'dis nya bo chen sprul nas sngon dus kyi dbang gis rig byed bzhi rgya mtshor nub pa bton pa dang/ rus sbal du sprul te 'jig rten bteg nas gnas pa dang/ phag rgod kyi gzugs kyis tshangs pa'i 'jig rten man mnan pa dang/ mi sing ge'i stod can du sprul nas lha min dbang po 'gro ba skyob gser gyi stan can sder mos bsad pa dang/ mi'u thung du sprul nas lha min stobs ldan mchod sbyin byed pa la gom gsum gyi sa bslangs pas bslus te sa 'og tu bcug pa dang/ drang (aa: 172 ba) srong dza maa agni'i bu raa mar sprul nas rgyal bu srid sgrub sogs bsad de rgyal rigs med par byas pa dang/ rgyal po shing rta bcu pa'i bu raa ma nnar sprul nas rang gi chung ma srin po ladka mgrin bcus phrogs pa spre'u ha nu mantha la grogs bcol te srin po btul ba dang/ nag por sprul te rtsod dus su sems can gyi don byas pa dang/ sangs rgyas shaaka thub tu sprul nas sngon rgyal rigs bsad pa'i sdig pa sbyong ba'i phyir sems can bskyab pa dang/ rigs ldan bram ze'i bu karki rtse zhes pa ma 'ongs pa na 'byung bas sems can mang po btul ba'i mthar
Sheja Dzo Chapter 6.1 volume2 (page 344)
uds bzlog par 'gyur ro zhes 'byung ba ltar dang/ bskal pa 'jig pa'i tshe drang srong rnams ni 'di'i lto ba na gnas par 'dod do/
/'di'i grub mtha' sems nyid rtag pa skye 'jig dang bral ba dngons dang dngos med gnyis ka ma yin pa bdag dam pa nor lha'i bu zhes bya bar 'dod pas rtag par smra ba dang/ khyab 'jug gis 'thab ka brlag par byed pa'i tshe med par lta ba'i tshigs bcad mang du smras pa dang/ dbu ma rgyan las khyab 'jug gi lta ba dbu ma dang cha mthun par bshad pa lta bu chad par smra ba'ng yod la/ sgom pa ni yan lag drug gi rnal 'byor sogs so/
/gzhan yang 'dzin pa po/
dpyod pa po/
rig byed pa/ brda sprod pa/ tsa ra ka pa/ gsang ba pa sogs kyang khyab 'jug pa'i dbye ba'o/
/drug pa rig byed tshangs pas dran pa yin gyis ma byas pa'i phyir rtag pa dang tshad mar khas len pa tshangs pa ba ste/ gyul ngor shi ba mtho ris su skye ba dang/ gangaa sogs la khrus byas pas sdig pa 'dzad pa dang/ tshangs pas snod bcud thams cad skyed par 'dod pa dang/ drang srong dang bram ze rnams kyang tshangs pa'i bu yin ces smra'o/
/bdun pa sa 'og mun pa'i dkyil 'khor gyi 'og tu 'chi med bdud rtsi'i skyes bu zhes rtag bdag rnam shes dam pa nam mkha' dang 'dra bar (aa: 173 na) ngo bo gcig tu 'dus pa zhig yod pa de'i rnam 'gyur las snod kyi 'jig rten dang 'gro ba byung bar 'dod pa ni rig byed mtha'i gsang ba pa ste/ rig byed mthar phyin pa na chos thams cad sgyu ma lta bur mthong/ de'i tshe byed pa po'i skyes bu la lta ba goms pas mun pa sangs te gser gyi mdog can du mthong nas ro gcig tu song ba sogs kyis grol bar 'dod/ brgyad pa mngon rjes tshad ma snang yang ma nges/ rig pa kun gyi gzhi ma ni sgra'i bstan bcos yin cing rig byed rnams ni don gyi tshad ma/ dngos kun sgra'i bdag nyid/ sgra don kun gyi mthar thug yi ge om skye 'jig gnas bral
Sheja Dzo Chapter 6.1 volume2 (page 345)
phyogs cha med pa sgra'i tshangs pa ste/ de nyid rtag mi 'gyur yang ma rig pas rnyogs pas gzugs snang la/ snang cha bzlog na snang med sgra'i tshangs pa bdud rtsi rtogs par 'dod pa ni brda sprodpa ste ba trii ha ri sogs so/
/mtshan nyid bcu gnyis sogs 'dod rgyal dpogs pa/ /tshad ma brgyad 'dod tsa ra ka pa ste/ /zhes bya bcu sogs smra ba gcer bu pa/ /de dag mngon mtho'i lam tsam yod mod kyi/ /bdag ltas thar pa sgrib phyir dor bar bya/ /dgu pa tshad ma spyi bye brag dgos pa go rim gnas gzhi spyi nges bstan dang bye brag nges bstan gleng ba rtsod pa rang rgyud dang thal 'gyur te bu gnyis dang/ tshad ma la'ng mngon rjes sgra byung nyer 'jal don gyis go ba dngos med dang drug tu 'dod cing/ bdag gis phung po'i rgyu byed pas rtag pa shed las skyes/ dri ma sems kyi rang bzhin/ de zad pas grol bar smra ba rgyal dpogs pa/ bcu pa tshad ma gong smos ltar la/ rjes dpag la 'das ma 'ongs da ltar dpogs pa gsum du dbye ba'i brgyad kyis gzhal bya sogs phal cher dpyod pa ba dang 'dra ba tsa ra ka pa/ bcu gcig pa ni/ shes bya tshig gi don dgu bdag dang bcu/ sogs khongs nas shes byed mngon rjs lung gi tshad ma gsum/ srog ldan dgur 'dod (aa: 173 ba) cing/ sa sogs srog ldan yin pas kun dga' ra ba sogs brtsigs pa sdig pa'i rygur smra ba gcer bu pa ste/ de'ng drang srong rgyal ba dam pa lhar 'dzin cing khyu mchog dang snod kyi rje sogs zad byed pa'i ston pa nyi shu rtsa lnga'i rjes su 'brangs te/ lus dka' thub kyis gdung bas sems kyi mdud pa 'jig par 'dod cing de la'ng dbyu gu gsum pa/ lo ma can sogs log pa'i brtul zhugs sum brgya re gsum tsam yod par grags la/ tshad ma gsum gyis gzhal bya dus gsum dang rdzas drug dang tshig gi don dgu dang srog ldan dgu sogs ni gzhi lam 'bras gsum gyi gzhi'o/
/de la dus gsum ni 'das pa sogs so/
/
Sheja Dzo Chapter 6.1 volume2 (page 346)
rdzas drug ni srog dang gang zad dang dus dang nam mkha' dang bsod nams dang sdig pa rnams so/
/khyad par tshig gi don dgu dang srog ldan dgu ni/ drang srong rgyal bas/ srog dang zad pa sdom pa dang/ /nges par dga' dang 'ching dang las/ /dig dang bsod nams thar pa ste/ /'di rnams tshig gi don dgur 'dod/ /srog ni srog can sde tshan dgu/ /sa chu shing dang me dang rlung/ /srin bu grog ma bung ba mi/ /dbang po gcig nas lnga dng ldan/ /zhes bshad pa ltar ro/
/sdom pa dang brtul zhugs dang ye shes rnams lnga lnga dang spyod pa bcu gsum dang las zad par byed pa'i dka' thub kyi thabs sna tshogs pa ni lam mo/
/las zad pas 'jig rten gsum gyi steng na 'dug pa'i gnas 'jig rten 'dus pa zhes bya ba srog yod pas dngos po dang 'khor ba las thar bas dngos med kyang yin pa'i thar pa gdugs bkan pa lta bu dkar zhing dri him la yid du 'ong ba dpag tshad 'bum phrag zhe lnga'i tshad can du 'gro bar 'gyur ba ni 'bras bu yin zer ro/
/'di dag so so la rang rang lugs kyi gzhi lam 'bras bu'i rnam gzhag gzhal bya 'jal byed kyi rigs pa/ thams cad mkhyen pa mi 'dod pa 9aa: 174 na) sogs nang pa 'gog pa'i lung/ lta ba dang spyod pa'i tshul du ma mchis kyang/ tshad ma rnam 'grel las/ rig byed tshad ma dang ni 'gal byed smra/ /lus la chos 'dod dang ni rigs smras dregs/ sdig pa gzhom phyir gdung ba bcom zhes pa/ /blun po shes rab 'chal ba'i rtags lnga yin/ /ces gsungs pa dang/ de dag las 'jig rten phyi ma yod par lta zhing dge sdig gi blang dor byed pa rnams la mngon mtho'i lam tsam yod mod kyi/ kun kyang bdag tu lta ba mtshungs par 'dzin pas thar pa'i lam sgrib pa la khyad par med pa'i phyir nang pa'i sgor zhugs pa rnams kyis rgyang ring du dor bar bya'o/
/gsum pa zhar byung kla klo sogs khyad par spang bya gzhan bstan pa ni/
Sheja Dzo Chapter 6.1 volume2 (page 347)
'tshe ba chos su smra ba'i kla klo dang/ /bod dang rgya nag sogs su gsung rab las/ /phyi rol gyur pa kun kyang ring du spang/ /gzhan yang mchog gsum la log par lta ba sogs mu stegs pa dang cha mthun pa tsam las phyi nang gnyis kar mi gtogs shing mu stegs pa las tha chad pa 'tshe ba chos su smra ba po/
rgya gar nub phyogs ma kha'i yul gyi lha ra hma nna'i rjes 'brang sogs po'm kla klo stag gzig pa zhes grags pa/ bi sshi mallaa'i sngags kyis btab pa'i gri gug gis phyugs kyi mgrin pa bcad pa'i sha za bar byed cing rang gi las kyis shi ba'i sha mi za ba dang/ bya gag gi sgo nga'i btung ba 'ba' zhig 'thung ba sogs kyi brtul zhugs 'dzin pa ste deng sang 'phags yul du'ng lugs 'di kho na dar ba dang/ 'khor ba grol bar byed pa'i grub mtha' zhes bya ba las ni mtha' 'khob tu srog chags du ma gsod pa thar pa'i thabs su 'dod pa dang/ nam mkha'i lhas bsan pa zhes pa'i grub mtha' las ni gser gyi snod du grog ma rnams gser gyi khab kyis phug nas bsad na 'khor ba las grol bar 'dod pa dang/ 'jig rten pa kha cig skya bseng gi bu lnga'i ming brjod na bsod nams (aa: 174 ba) chen po 'byung bar 'dod pa dang/ bod yul du'ng dkon mchog gsum la skyabs su mi 'dzin pa bon po dang/ de las khyad par sngon gyi dus dang deng sang yang yul kha cig la dar ba'i rgyu'i bon 'tshe ba chos su smra ba rnams dang/ rgya nag tu srid pa thams cad ma haa gser gyi rus sbal las byung zer ba'i gyim shang gi lugs dang/ grangs can pa dang cha mthun pa khoong spu tse'i lta grub 'dzin pa rnams dang/ sogs khongs nas rtag chad dang 'tshe ba chos su smra ba sangs rgyas kyi gsung rab las phyi rol tu gyur pa kun kyang thar pa 'dod pa rnams kyis bag yod par byas te ring du spang dgos so/
/spyir gzhung lugs rnam par dag ma dag ni/ thams snying rje chen po dang shes rab gnas lugs kyi don la zhugs
Sheja Dzo Chapter 6.1 volume2 (page 348)
pa'i rig shes khyad par can gtso bor ston mi ston gyis dbye ba yin pa'ng shes par bya'o/
/gnyis pa mngon mtho'i theg pa rgyas par bshad pa la gsum/ mdor bstan/ rgyas bshad/ don bsdu ba'o/
/dang po ni/ mngon mtho'i theg par lha dang tshangs pa gnyis/ /de la spyir blo dang ldan pa rnams kyis bsgrub par bya ba ni mngon mtho dang nges legs kyi go 'phang ste/ de dag gi mtshan nyid rim bzhin/ ngan song gi sdug bsngal las 'phral du thar pa lha mi'i bde ba rnam smin rgyu mthun gyis bsdus pa dang/ 'khor ba spyi'i sdug bsngal las gtan du grol ba thar pa mya ngan las 'das pa yin la/ de dag kyang thog mar mngon mtho'i theg pa la gnas nas phyis nges legs kyi lam mthar phyin par bsgrub dgos te/ rin chen phreng ba las/ dang por mngon par mtho ba'i chos/ /phyis ni nges par legs 'byung ba/ gang phyir mngon par mtho thob nas/ /rim gyis nges par legs pa'o/
/de la mngon mtho bde ba ste/ /nges par legs pa thar par 'dod/ /ces gsungs so/
/de las thog mar bsgrub bya'i mngon par mtho ba'i theg pa de la'ng lha mi'i theg (aa: 175 na) pa dang/ tshangs pa'i theg pa gnyis su yod do/
/gnyis pa rgyas bshad la gsum/ thun mong gi sngon 'gro bshad pa/ lha dang/ tshangs pa'i theg pa so sor bshad pa'o/
/dang po ni/ kun gyi mngon 'gro dad pa rnam gsum las/ /gtso bor las sogs yid ches 'gro ba bzhis/ /'dir dngos su mngon mtho'i theg pa'i sngon du 'gro ba bstan kyang/ zhar byung 'grel par kha skong na/ rin chen phreng ba las/ de yi sgrub pa mdor bsdu na/ /mdor na dad dang shes rab bo/
/dad can nyid phyir chos la bsten/ /shes rab ldan phyir yang dag rig /'di gnyis gtso bo shes rab ste/ sngon du 'gro
Sheja Dzo Chapter 6.1 volume2 (page 349)
ba dad pa yin/ /zhes gsungs pa ltar mngon mtho dang nges legs gnyis ka sgrub pa'i thabs kyi gtso bo ni dd pa dang shes rab ste/ dad pa gsum las gtso bor las 'bras la yid ches pa'i dad pas kun nas bslangs te dge sdig gi blang dor byed pa'i phyir dang/ 'khor gsum mi rtog pa'i shes rab kyis 'khor ba'i rtsa ba gcod par byed pa'i phyir ro/
/des na de gnyis kyi mtshan nyid ni rim bzhin rgyu mtshan khyad par can med par rang phyogs la 'dun pa dang/ gzhan phyogs la zhe sdang ba dang/ blang dor la gti mug pa dang/ rje dpon sogs la 'jugs pas 'gro ba ste log par 'gro ba bhi las ldog ste yang dag par 'gro ba bzhis blang dor gyi chos las mi 'da' ba dang/ gzhan don gtso bor byed pa'i snying rje chen po dang mi ldan pa'm ldan yang rung ste sgo gsum spyod pa 'khor gsum mi rtog pa'o/
/de skad du'ng de nyid las/ 'dun dang zhe sdang 'jigs pa dang/ /rmongs pas gang zhig chos mi 'da'/ /de nyid dad pa can zhes bya/ /legs pa yi ni snod mchog yin/ /gang zhig lus ngag yid kyi las/ /rnam pa gsum du mi rtog par/ /bdag dang gzhan la phan shes nas/ /rtag tu byed pa de shes rab/ /ces so/
/des (aa: 175 ba) na dad pas kun nas ma bslangs na dge ba tsam du'ng mi 'gro ba dang/ bdag med rtogs shing 'khor gsum mi rtog pa'i shes rab kyis ma zin na thar lam du gtan mi 'gro bar gsungs pa de nyid spyir shes par bya'o/
/des na lam gyi theg par zhugs pa kun gyi sngon du 'gro ba ni dad pa rnam pa gsum yin la/ de las kyang gtso bor las 'bras sogs la yid ches pa'i dad pas kun nas bslangs te yang dag par 'gro ba bzhis dge ba sgrub pa ni mngon mtho'i theg pa'i sngon 'gro yin no/
/gnyis pa ni/ mi dge bcu spong dge bcu 'khor bcas bsgrub/ /blang
Sheja Dzo Chapter 6.1 volume2 (page 350)
dor khrims gnas 'dres dang mi mthun spang/ /las lam rdzogs dang bsdams pas mtho ris su/ /rnam smin rgyu mthun bdag po'i 'bras bzang thob/ /de la 'jig rten lha mi'i theg pa ni/ ngan song la 'jigs nas mtho ris kyi bde 'bras don du gnyer bas mngon par mtho ba'i rten sgrub par byed cing/ 'jigs skyob dang legs smon tsam la bsten pa skyes bu chung ngu'i lam ste/ nyams len dngons gzhi bsam gtan gyis yongs su ma bzung ba'i dge ba bcu'i las kyi lam yin la/ de nyid mi spyod pa'i theg pa ni med pas/ theg pa kun gyi gzhir gyur pa dang sngon du 'gro ba'ng yin te/ kye rdo rje las/ dge ba bcu las brtsams nas ni/ /de yi chos ni rab tu dbye/ /zhes gsungs pa ltar ro/
/'di la lang gshegs su lha'i theg pa zhes pa bgrod bya'i gtso bo'i dbang du byas nas brjod kyi/ 'khor dang bcas pa'i dbang du na 'dod pa'i bde 'gro'i lam thams cad 'du'o/
/'di ni lta ba rnam par dag pa 'jig rten pha rol dang las rgyu 'bras la yid ches pa dang/ spyod pa mi dge ba bcu spong zhing dge ba bcu'i lam 'khor dang bcas pa sgrub pa dang bar ma chad par goms par byas pa las/ 'bras bu gling bzhi'i mi dang 'dod lha ris (aa: 176 na) drug gi bde ba'i mthar thug pa gzhan 'phrul dbang byed kyi bdag po'i bar du bgrod pa'o/
/de dag kyang las 'bras med par lta ba sogs log lta'i gnyen po 'jig rten pa'i yang dag pa'i lta bas zin pa gal che ste/ bshes spring las/ gal te mtho ris thar pa mngon bzhed na/ /yang dag lta la goms pa nyid du mdzod/ /gang zag log par lta bas legs spyad kyang/ /thams cad rnam par smin pa mi bzad ldan/ /zhes gsungs pa'i phyir ro/
/de rjes blang dor gyi gnas ma 'dzol ba'i tshul khrims la gnas pa gal che ste/ rtsa shes las/ tshul khrims kyis ni bde 'gro thob/ /ces dang/ 'jug pa las/ mngon mtho'i rgyu ni tshul khrims las
Sheja Dzo Chapter 6.1 volume2 (page 351)
gzhan med/ /ces gsungs pas so/
/theg pa 'di'i tshul khrims la cung zad dbye na/ spyir ngo tsha khrel yod kyis kun nas bslangs te lus ngag gi bya ba ya rabs kyi tshul dang mthun pa'i spyod pa gsum la bslab dgos te/ dam pa'i rgyan las/ bkur bar 'os pa legs khur zhing/ /mgon med rnams la lhag par byams/ /byas la drin lan mi brjed pa/ /dam pa rnams kyi mdzad spyod yin/ /zhes gsungs pa ltar ro/
/bye brag mi chos bcu drug la bslab ste/ 'byed pa le chung las/ dkon mchog gsum la dad pa skyo ngal med par byed pa dang/ don dam par dam pa'i chos btsal ba dng/ gtshug lag bzang po la mkhas par slob pa dang/ ci la'ng ran zhing tshod zin par bya ba dang/ ma bcol ba'i las la gtogs 'dod mi byed pa dang/ mig mtho sar blta zhing gong ma rnams kyi rjes snyeg pa dang/ dus gsum gyi pha ma la drin lan bslan pa dang phu nu dang pha tshan nand dushongs yangs che ba dang/ rim pas rgan pa la bkur sti bya ba dang/ khyim mtshes la byams par bya ba dang/ gnyen grogs kyi dge bshes la dka' las kyis phan 'dogs pa dang/ srid kyis 'brel ba'i (aa: 176 ba) nye ring la chab gang mthar dbyung ba dang/ rig byed bzo la mkhas pas gzhan la phan pa dang/ ltos pa'i mi drin gyis skyabs 'og tu gzhugs pa dng/ ngan byed kyi gros bkag nas rgyal khams bde yangs kyi gros gzhi 'ding ba dang/ las mtha' chos la gtad de phyi mar bu smad kyis byang chub kyi gzhi thob par bya'o/
/zhes bshad pa ltar mi'i chos lugs gtsang ma la bslab bo/
/khyad par gong du smos pa ltar srog bcod pa sogs mi dge ba bcu dngos dang brgyud nas spong zhing srog sbyin stsal ba sogs dge ba bcu ci nus su bsgrub pa ste/ lta sgom spyod pa de dag kyang las 'dres ma dang 'phen rdzogs mu mi mthun pa ni dman pa/ dge ba'i las lam rdzogs pa 'bring/ dge bcu'i las
Sheja Dzo Chapter 6.1 volume2 (page 352)
'khor bcas sdom pa'i ngo bo nyid du bsdams pa mchog ste/ rim pa bzhin mtho ris rnams su skyes pa na rnam smin rgyu mthun bdag po rnams kyi sgo nas mchog dman bar ma gsum gyi 'bras bu bzang po 'thob par 'gyur ro/
/gsum pa la gnyis/ theg pa ngos bzung ba/ lam dngos bshad pa'o/
/dang po no/
gong ma'i khams la bgrod byed tshangs pa'i theg /'di la ci'i phyir tshangs pa'i theg pa zhes bya zhe na/ 'dod pa'i nyon mongs pas gtsang ba'm dag cing tshangs pas na tshangs pa dang der bgrod pa'i dbang gis theg pa zhes brjod la/ de'i phyir sgra yangs pa'i dbang du byas na 'phags pa rnams grol sdes bshad pa ltar khams gong ma gnyis kyi sas bsdus pa thams cad la tshangs pa'i sgras brjod cing der bgrod par byed pa'i lam 'khor bcas la tshangs pa'i theg pa zhes bya'o/
/gnyis pa lam dngos la gnyis te/ gzugs khams kyi bsam gtan bzhi bshad pa dang/ gzugs med khams kyi snyoms 'jug bzhi bshad pa'o/
/dang po la gnyis/ mdor bstan/ rgyas bshad do/
/(aa: 177 na) dang po ni/ gzugs khams bsam gtan bzhi ste rgyu 'bras gnyis/ /gzugs khams psam gtan dang po/
gnyis pa/ gsum pa/ bzhi pa rnams su yod de/ de re re la'ng rgyu dang 'bras bu gnyis zung re'i tshul du yod do/
/gnyis pa la bzhi/ bsam gtan dang po nas bzhi pa'i bar ro/
/dang po la'ng gnyis/ rgyu snyoms 'jug gi bsam gtan dang/ 'bras bu skye ba'i bsam gtan no/
/dang po la gnyis/ nyer bsdogs dang/ dngos gzhi'o/
/nyer bsdogs la'ng gnyis/ zhi gnas dang/ lhag mthong ngo/
/dang po ni/ rgyu la nyer bsdogs zhi gnas ting nge 'dzin/ /'jig dang rgyun 'jog bslan 'jog nye bar 'jog /'dul dang zhi dang rnam zhi rtse gcig byed/ /mnyam
Sheja Dzo Chapter 6.1 volume2 (page 353)
'jog thabs dgus lus sems shin tu sbyangs/ bsam gtan rang sa'i 'bras bu 'thob byed dngos gzhir snyoms par 'jug nus pa'i thabs su thog mar rgyu bsgrub pa la nyer bsdogs sems zhi bar gnas pa'i thabs dgus ting nge 'dzin sgrub par gsungs te/ de la nang nyid du sems 'jog pa zhes pa sems phyi rol du gyeng ba min par gser ltar dang ba'i skur snang ba sogs ting nge 'dzin gyi spyod yul gyi gzugs brnyan dmigs pa la yid gtad de 'jog pa dang/ rgyun du 'jog pa zhes pa dmigs pa la sems 'jog pa tsam ma zad rgyun bsring ste skad cig ma snga phyi bar ma chad par 'jog pa dang/ bslan te 'jog pa zhes pa brjed de dmigs pa las sems gzhan du 'phro na'ng de ma thag tu slar nang du bkug nas dmigs pa la bslan te 'jog pa dang/ nye bar 'jog pa zhes pa sems phyir 'phros pa de ring du mi 'jog par nye bar nang du dmigs pa la 'jog pa dang/ 'dul bar byed pa zhes pa brnab sems la sogs pa'i nyon mongs pas sems rgyud rab tu ma zhi ba las dul bar byed pa dang/ zhi bar byed pa zhes pa rnam par mi rtog pa'i rba rlabs zhi bar byed (aa: 177 ba) pa dang/ rnam par zhi bar byed pa zhes pa rnam par rtog pa phra mo tsam yang zhi bar byed pa dang/ rtse gcig tu byed pa zhes pa rtsol ba chung ngus sems dang dmigs pa tha dad med par rtse gcig tu byed pa dng/ mnyam par 'jog pa zhes pa bying rgod bsal nas rtsol ba med par lhun gyis grub pa'i ngang du mnyam par 'jog pa dgus ting nge 'dzin grub pa na lus sems shin tu sbyang pa'i bde ba 'dren pas khyab cing/ shin sbyangs dang ldan pa'i ting nge 'dzin skyes pa ni 'jig rtne pa'i zhi gnas mtshan nyid par 'jog la/ de dang mi ldan pa ni zhi gnas rjes mthun pa'i mos pas spyod pa'i sa zhes bya'o/
/gnys pa ni/ grub nas mtshan nyid mos dng dben las skyes/ /dga' dpyod sbyor mtha' yid la
Sheja Dzo Chapter 6.1 volume2 (page 354)
byed drug gis/ /sbyor mtha'i 'bras bu yid byed lhag mthong 'grub/ /zhi rags rnam pa 'jig rtne thun mong lam/ /zhi gnas mtshan nyid pa grub nas mtshan nyid rab tu rig pa yid la byed pa zhes 'dod pa skyon can dang bsam gtan dang po yon tan can du thos bsam 'dres ma'i sgo nas rtsings por rtog cing zhib mor dpyod pa dang/ mos pa las byung ba yid la byed pa zhes pa de nyid sgom byung gi ngo bor skyes pa dng/ dben pa las skyes pa'i yid la byed pa zhes pa 'dod nyon mngon gyur ba chen po gsum gyis dben pa dang/ dga' ba sdud pa yid la byed pa zhes pa 'dod nyon mngon gyur ba 'bring gsum gyis kyang spangs pa dang/ dpyod pa yid la byed pa zhes pa 'dod nyon phra mo gsum gyis kyang rgyud la gos ma gos rtog cing dpyod pa dang/ sbyor ba'i mtha' yid la byed pa zhes pa de ltar dpyod pa las 'dod nyon phra zhing phra ba yang gnyen po'i stobs kyis spangs pa ste/ de ltar yid la byed pa drug gis sbyor ba'i mtha'i 'bras bu yid la byed pa zhes 'jig rten pa'i lhag mthong mthar thug 'grub ste/ de dag ni 'og sa'i ting 'dzin skyon can (aa: 178 na) rags par lta zhing/ sa gong ma skyon med zhi br lta ba zhi rags rnam pa can nyan rang dang 'jig rten pa'i theg pa thun mong ba'i lam gyi mngon rtogs so/
/gnyis pa dngos gzhi bshad pa ni/ dngos gzhi rtog dpyod dga' bde rtse gcig pa'i/ /yan lag lnga ldan bsam gtan dang po'o/
/nyer bsdogs de dag gis bsam gtan dngos gzhi 'grub la/ de'ng rtog dpyod gnyis gnyen po'i yan lag dga' bde gnyis phan yon gyi yan lag /sems rte gcig pa gnas kyi yan lag ste yan lag lnga dang ldan pa ni bsam gtan dang po'i mtshan nyid do/
/de la rtog dpyod gnyis ka dang ldan pa dngos gzhi tsam po dang/ rtog pa med cing dpyod pa dang bcas pa dngos gzhi khyad par can no/
/gnyis
Sheja Dzo Chapter 6.1 volume2 Zweiter Teil von 6.1 von S.250-299.23 (page 250)
mi gyo ba'i rgyud las kyang/ bris sku tshad dang ldan pa yongs su zin pa dang/ 'dri mkhan la kho rang ji ltar 'dod pa'i yon phab pa bzhin sbyin par bya'o/
/zhes dang/ rab gnas kyi rgyud du/ bzo bo ma mnyes pa'i lha la ni ye shes pa mi 'jug ste/ rab gnas kyi thog mar bzo bo mnyes par bya'o/
/zhes pa la sogs mdo rgyud du ma nas bzo bo mgu ba bgyed pa sbyin bdag gi dam tshig gtso bor gsungs la/ bzo bo sun phyung ba ni lha la sun phung ba yin phyir bshes gnyen bsten pa'i tshul gyis lha bzo la dad pa dang bkur stis lha bzhin du mchod par bya'o/
/deng sang sku gsung thugs rten nyo tshong byed pa na'ng bzo bo dang bdag pos yul dus dang 'tshams pa'i rin thang gang bcad pa'i dpa' bo'i rin gzhal na legs par 'gyur gyi/ bal bod kyis nyo tshong gtam pa lta bus ni gnyis ka la nyes pa chen po skyed pa'i rgyur 'gyur ba'ng zhar byung du 'phros pa'o/
/gnyis pa brten pa lha'i cha tshad bshad pa la gnyis/ dam tshig bris sku/ cha tshad dngos bshad pa'o/
/dang po ni/ gzhung mthun dam tshig bris sku mchog yin te/ /rgyud sde so so'i gzhung dang mthun pa'i dam tshig gi bris sku ni sku brnyan rnams kyi nang nas mchog tu gyur pa yin te/ de'ng dgyes rdor rgyud kyi brtag pa phyi ma le'u drug pa las/ 'dir ni bri mkhan dam tshig can/ /sgrub po'ng dam tshig can gyis ni/ /bris sku 'jigs pa bri ba nyid/ /skyes pa'i thod gnas kha dog lnga/ /ro yi skra yi pir nyid kyis/ /bris sku bla ma bri ba nyid/ /gang gang skud pa 'khel ba dang/ /gang gang ras yug 'thag pa dang/ /de yang dam tshig can nges pas/ /dam tshig byin rlabs rnal 'byor pas/ /zla ba zla ba'i mar ngo yi/ /bzu bzhi pa la khyim dben par/ /phyed na ma rungs sems kyis ni/ /chang (aa: 125 ba) gi btung ba cung zad las/ /lus la ni
Sheja Dzo Chapter 6.1 volume2 (page 251)
rang shu bsam nas/ /de bzhin gcer bur gyur pa yang/ /'gabs pa dang ni ma dag pas/ /de la dam tshig rab tu bza'/ /bzhin bzang snying rje ldan pa dang/ /gzugs la lang tsho skal bzang ma/ /me tog 'bras shing sgrub po dga'/ /rang gi phyag rgya gyon du bzhag /ces sogs bla med nas bshad pa dang/ 'jam dpal rtsa rgyud nas ras bris che chung gi cho ga shin tu rgyas pa phan yon tshad med pa dang bcas legs par bshad pa ltar bsgrub par bya ste/ sdom 'byung las/ sngags pa las ni dang po bas/ /gzugs brnyan la sogs bya ba ste/ /bris sku bsgrub na myur bar ni/ /dngos grub rgya chen thob par 'gyur/ /zhes gsungs so/
gnyis pa tshad bshad pa la gsum/ spyir bshad pa/ bye brag tu bshad pa/ de las 'phros pa'i nye bar mkho ba'o/
/dang po ni/ cha tshad dus kyi 'khor lor rang sor ni/ /brgya dang nyer lnga sdom 'byung brgya nyi shu/ /gdan bzhi de mtshungs dmar nag zhal tshad brgyad/ /mdo dang rgya gzhung de mthun de rjes 'brang/ /sku gzugs kyi cha tshad ni mdo rgyud rnams las nan tan du gsungs te/ de'ng rgyud kyi rgyal po dus kyi 'khor lo las/ rgyal ba'i bdag po'i gtsug tor nas ni mdzod spu'i dbus su phyed dang bcas pa nyi ma'i sor du 'gyur/ /de nas mgrin pa'i chu skyes de bzhin snying ga dang ni de nas lte gsang chu skyes de bzhin no/
/zhabs kyi mthil dang rje dar brla dang dpyi yang ma nu de nyid de nyid rig byed rnams kyi ste/ /brang phyed phyed bcas nyi mas rang dpung dpung lag rnams ni mkha' mig rgyal po nyi ma'i tshad kyis so/
/nyi shu rtsa lnga lhag pa'i brgya phrag gang zhig dus dang dgu yi mi rnams kyi ni 'jig rten tshad/ /rig byed phyed dang bcas pa'i gzhi dang chu gter chu gter phyed dang bcas pa'i rig byed (aa: 126 na) rig byed kyis/ /gtsug gtor mgo bo 'og tu 'gyur te
Sheja Dzo Chapter 6.1 volume2 (page 252)
rgyal ba'i bdag po'i dpal ldan dpral pa dag dang shangs dang ni/ /zhangs kyi 'og tu kos sko'i mtha' dang de nas mgrin pa dag ste mgrin pa'i rtsa ba'i chu skyes dbus/ /de nas snying ga lte ba gsang bar mi'i bdag po phyed bcas nyi ma rnams kyi rim par 'gyur/ /ces rang sor brgya nyi shu rtsa lnga pa kho na gsal bar gsungs shing/ de nyid dkyil 'khor sogs phyi nang gi dge sbyor yang rgyas par 'byung ngo/
/bde mchog bshad rgyud sdom 'byung le'u sum cu pa las/ lha yi ri mo gzugs dag gi /khyon dang gzugs kyi mtshan nyid do/
/tshangs pa'i ri mo'i gzugs kyi sngar/ /cha lnga dag ni gdan yin no/
/sku ni dum bu gsum can gyi/ /zhes sogs kyis sor mo brgya nyi shu pa las dbye ba'i thal mo bcu gnyis pa/ bcu pa/ dgu pa sogs gsal bar gsungs so/
/gdan bzhi'i bshad rgyud mntraa ang sa las gsungs pa'ng 'gyur khyad ma gtogs phal chen 'di dang 'dra la/ zhal tshad dgu pa gsal por ma gsungs so/
/slob dpon rtna rksshi tas sdom 'byung gi 'grel par kyog bshad mdzad pa ni/ dus de tsam na ma gdhaa dang/ bal po'i yul gyi ri mo mkhan rnams la ji ltar grags pa de ltar dpyad pa med par bkod pa yin pas sdom 'byung gi rgyud don du bzung bar mi bya'o/
/gshin rje gshed dmar nag gi rgyud las kyang zhal tshad brgyad pa gsungs shing/ gzhan yang shaa ri'i bus zhus pa'i mdor grags pa/ bal po'i dpe las bsgyur nges pa phyis 'gyur ba 'di las kyang/ phal cher dus 'khor gyi 'di dang mthun par gsungs la/ kri ya sa mutstshar yang mdo 'di'i lung ci rigs par drangs so/
/gzhan yang sngon rabs su dar ba'i rgya gzhung du grags pa kha cig kyang de dag dang mthun zhing mthun pa'i khyad par yang phra mo yod pa ni sngar smos pa'i rgyud de dag (aa: 126 ba) gi rjes 'brang du mngon la/ de dag kha cig la phyis kyi mkhas pa rnams dgag gzhag mdzad pa la ni snying po gang yang med de/
Sheja Dzo Chapter 6.1 volume2 (page 253)
bzo yi gnas dang sman gyi sbyor ba dang/ /sngags kyi cho ga chos nyid zab mo ste/ /'di dag rtog ge'i rigs pas brtag byas min/ /bdag nyid sgrog dang nga rgyal spang bar rigs/ /zhes jo nang rje btsun chen pos gsungs so/
/'jal byed rang sor phyed dang bcu gsum mam/ /bcu gnyis thal mo skabs sbyar tshad lnga yi/ /dang po gnyis pa dus 'khor sdom 'byung ltar/ /gsum pa bzhi pa thal mo dgu brgyad de/ /mdo rgyud dngos bstan yin gyi bsgrims te 'bad/ /de dag la 'jal byed kyi brda khyad kyang/ sku gzugs de nyid kyi rang sor phyed dang bcu gsum mam bcu gnyis re la zhal tshad gcig zer/ zhal tshad de la mtho/
thal mo/
mthil/ cha chen te ming gi rnam grangs lnga/ zhal tshad che chung de dag rgyud kyi lugs gnyis skabs dang sbyar ba yin no/
/rang sor gcig la cha chung/ de'i bzhi cha la rkang pa/ brgyad cha la nas zhes bya zhing/ des gzhal ba'i cha tshad rtsa ba ni rnam pa lnga ste/ dang po brgya dang nyer lnga pa/ gnyis pa brgya dang nyi shu pa gnyis dus 'khor dang sdom 'byung gi lugs ltar dang/ gsum pa dang bzhi pa ni thal mo dgu pa dang brgyad pa ste/ lha'i cha tshad bzhi po 'di dag mdo rgyud ky dngos bstan/ mkhas pa'i rig bzos ma bslad pa yin pas blo ldan rnams bsgrims te 'bad par bya'o/
/gshegs sems khro dang chags bral gang 'os sbyar/ /bzhi pa shin tu khros pa rnams la'o/
/thal mo drug pa phyis byung bod kyi lugs/ /cha tshad gsum po de ni gshegs pa dang gshegs ma/ sems dpa' sems ma/ dkyiil 'khor gyi gtso bo khro bo khro mo/
mchog gi sprul sku chags bral gyi rnam pa can sogs gang la gang 'os rigs pas dpyad de sbyar (aa: 127 na) zhing/ cha tshad bzhi pa de nishin tu khros pa ste gshin rjes gshed dang phyag rdor la sogs pa rnams la sbyar bar bya'o/
/cha tshad lnga pa thal mo drug pa'i tshad kyis nag po chen pos mtshon pho nya srin po'i gzugs can sogs 'dri
Sheja Dzo Chapter 6.1 volume2 (page 254)
bar bshad pa dang/ ma haa kaa la zhal tshad gsumn par bshad pa sos ni phyis byung bod kyi mkhas grub rnams kyi lugs srol yin la/ rtnarkshi ta dang bal po'i mkhas pa 'ga' zhig gis tshogs kyi bdag po sogs zhal tshad lnga pr bshad pa'ng yod do/
de dag gi lag len ni 'dir brir ma ldangs pas rtogs par 'dod na rje btsun rin po che'i gsung rab sku gzugs kyi cha tshad bstan pa bde skyid 'byung gnas nyid rgya gzhung phal pa rnams las kyang khyad par 'phags pas der blta bar bya'o/
/cha tshad bzhi po sbyor tshul yang de nyid las/ de bzhin gzhegs pa yab yum phyogs mtshungs shing/ /byang chub sems dpa' yab yum phyogs mtshungs la/ /rgyal ba'i rigs 'khrungs rgyal ba'i sras yin pas/ /byang chub sems dpa' sangs rgyas dang mtshungs phyir/ cha tshad gsum po 'di dag sangs rgyas dang/ /byas sems yab yum kun la gang 'os sbyor/ /ci ste so sor sbyor ba la dga' na'ng/ /phra sbom khyad par zhi khro la rigs pas/ /brgya dang nyer lnga sangs rgyas zhi ba dang/ brgya dang nyi shu he ru ka la sbyar/ /he ru ka dpal sku yi khyad par 'ga'/ /thal mo brgyad pa byed pa'i skabs kyang yod/ /spyan ma sgrol ma la sogs zhi ba mtshungs/ /rdo rje phag mo he ru kar mtshungs shing/ /gtsug tor med kyang gtsug gi nor bu de/ /de yi tshab tu sbyar bas mi rung med/ /btsug tor bral zhing nu ma bha ga dang/ /skyed phra stod zhum brla dang ro smad rgya/ /dpral ba'i zur zhum mig rgyas zur mig sogs/ /mo gzugs yin phyir lha mo (aa: 127 ba) rnams la dgos/ /yab rnams de las ldog pa'i tshul du yod/ /lhag ma cha tshad rags pa mtshungs par bya/ /sems dpa' chen po rnams kyang de dag mtshungs/ mtho dgu pa ni sems dpa' phal pa dang/ /brgya byin la sogs 'jig rten zhi ba'i lha/ /rol pa'i khro bo he ru ka las gzhan/ /de rnams so so'i rigs kyi lha mor bcas/ /de dag tshad des
Sheja Dzo Chapter 6.1 volume2 (page 255)
legs par bris gyur na/ /rnam grangs tshul gyis legs par 'gyur ba'ng yod/ /ces gsungs so/
/dus 'khor las gsungs pa'i mi'i cha tshad ni nyan thos la 'os kyang lha'i cha tshad gral du bsdu bar ma mdzad cing/ rang rgyal gtsug tor sogs kyis 'phags pas thal mo dgu par bzhed pa dang/ /so so'i 'dra 'bag rnams ni cha tshad dang/ /mthun par mi dgos rang rang dbyibs bzhin bya/ /bzo nyes 'gog phyir cha tshad mdzad pa ste/ /skyes bu dam pas mdzad cing bzo gnad kyi/ /'phrul la legs par byang na nges pa med/ /ces gsungs so/
/lha rigs chags bral 'khor los sgyur ba dang/ /zhi ba rgyan med drang srong rigs ngan tshul/ /sangs rgyas rol pa'i khro bo khro bo'i rgyal/ /sems dpa' mchog phal phyag brnyan pho nyar bsdu/ /cha tshad bgo yul lha'i rnam pa mang yang rigs kyi sgo nas bsdu ba'i tha snyad sbyor na/ rab byung gi rnam pa la chags bral gyi sku dang/ zhi ba rgyan can la 'khor los sgyur ba'i cha byad dang/ zhi ba rgyan med la drang srong gi cha byad dang rigs ngan gyi cha byad gnyis yod cing/ bde dgyes dus 'khor sogs he ru ka sangs rgyas khro bo dang/ thal mo dgu pa'i khro bo la rol pa'i khro bo phal pa'm sems dpa'i khro bo/
dmar nag 'jigs gsum rta mgrin la sogs pa khro bo'i rgyal po dang/ 'jam dpal dbyangs dang spyan ras gzigs dang kun tu bzang po sos nye ba'i sras brgyad lta bu sems dpa' mchog (aa: 128 na) dang/ de dag gi sgos kyi 'khor zhi ba pho mo la byang sems phal pa dang/ nag po chen po dang/ lha mo re ma ti la sogs pa pho nya phyag brnyan zhes bya ba rnams su bsdu zhing/ drang srong ni sangs rgyas kyi mtshan gyi rnam grangs yin pas/ sangs rgys khro bo zer ba'i don yin la/ gzhan khro bo la gnod sbyin khros pa dang/ srin po khros pa dang/ gshin rje gros pa sogs kyi dbye ba byas nas nyams tha dad par dgos par bod rnams 'dod kyang nges pa
Sheja Dzo Chapter 6.1 volume2 (page 256)
med par gsungs so/
/gnyis pa bye brag tu bshad pa ni/ 'on kyang deng sang cha tshad bcu gcig tu/ /grags che kun kyang tshangs thig sngon song nas/ /chags bral longs sku sor mo brgya nyer lnga/ /byang sems brgya dang nyi shu drang srong khros/ /thal mo bcu gnyis yum rnams thal mo dgu /gshin rje gnod sbyin brgya dang srin po khros/ /drug lnga gsum yod nyan rang mi dang mtshungs/ /tshangs sogs cha chen dgu yin gling bzhi'i mi/ /srid du mtho bdun zheng la brgyad du 'gyur/ /de dag las rlung 'gag pa'i rim par gsungs/ /dkyus kyi lag len la la gong spos kho nas khyab mod/ 'on kyuang deng sang bris 'bur thams cad la sgar sman gyi lugs srol gnyis su grags che bas/ dang po ltar na chos rje rin chen grub sogs kyis cha tshad bcu gcig tu bshad cing/ gnyis pa ltar na thig chen brgyad du grags che la/ de dag kun kyang tshangs thig sngon du song nas bcu gcig pa'i phyogs la/ cha tshad dang po sangs rgyas chags bral gyi rnam pa dang/ gnyis pa rigs lnga sogs longs sku rnams ni sor mo brgya nyer lnga pa/ gsum pa byang chub sems dpa' zhi ba rnams sor mo brgyad dang nyi shu/ bzhi pa dus kyi 'khor lo sogs drang srong khros pa'i nyams can rnams thal mo bcu gnyis pa/ lnga pa sna tshogs yum sogs dkyil 'khor dbang mo rnams dang lha mo sgrol ma sott (aa: 128 ba) rigs kyi yum rnams yid 'ong thal mo dgu pa/ drug pa gshin rje gshed sogs gshin rje khros pa dang/ bdun pa phyag na rdo rje sogs gnod sbyin khros pa rnams ni thal mo brgyad par bya ba dang/ brgyad pa srin po ltar khros pa la legs ldan nag po chen po sogs thal mo drug pa lugs 'di gshed nag gi 'grel pa nas bshad par bzhed/ tshogs bdag sogs me'u thung mtho lnga pa/ rdo rje ber can zhal gzigs la brten pa lta bu shin tu khros pa zhal tshad gsum
Sheja Dzo Chapter 6.1 volume2 (page 257)
pa ste nang gses gsum yod cing/ dgu pa nyan rang nyis gling 'di'i mi dang mtshungs la/ bcu pa tshangs dang brgya byin sogs 'jug rten skyong ba rnams cha chen dgu pa yin la/ de'i nang gses rnam sras sogs kha cig mtho brgyad pa'i tshad yin pa ratna rkshi tas bshad/ bcu gcig pa gling bzhi'i mi rnams kyi lus tshad ni chu zheng tshad mi mnyam pas srid du mtho bdun/ zheng la mtho brgyad du 'gyur bar dus 'khor dang slob dpon dpa' bos bshad cing/ kha cig de las ldog pa dang/ yang chu zheng mnyam pa'ng yod la/ mi'i rten can gyi bla ma sogs ni ji ltar rang gi lus kyi dbyibs byad la yod pa de ltar 'dra 'bag tu bya bar snang mod/ 'on kyang rang sems sangs rgyas su ngo sprod pa'i rtsa ba'i bla ma dam pa'i sku gzugs ni rdzogs pa'i sangs rgyas kyi sku'i tshad bzhin bya ba skyob pa 'jig rten gsum mgon gyi rdo rje'i gsung gi nges pa'o/
/'bur sku rnams kyi spyi'i tshad kyang bris sku dang gcig pa yin la rgyab mdun 'khor ba'i cha tshad lhag por bsnan dgos te zhib par rje brgyad pa'i nyi ma chen po'i me long sogs las rtogs par bya'o/
/lugs gnyis pa thig chen brgyad du bsdus pa'i rnam gzhag lag len sman bla don grub kyi mdzad pa'i cha tshad yid bzhin nor bu/ de las khyad par mang po'i zur chos can gya' sel sogs zhib cing rgyas pas 'dir ma spros la/ de ltar thal mo dang sor 9aa: 129 na) tshad kyi ring thung de'ng las rlung dbu mar 'gags pa dang ma 'gags pa'i rim pas khyad zhugs par gsungs so/
gsum lpa de las 'phros pa'i nye bar mkho ba'i rnam gzhag bshad pa la bdun/ nyams/ rgyan/ phyag mtshan/ khri rgyab/ skyon sel/ tshon mdangs/ rnam 'gyur rnams so/
/dang po ni/ mtshan dpe zhi chags khro sgeg gar gyi nyams/ /sku gzugs de dag kyang sangs rgyas longs sku dang sprul sku dag la
Sheja Dzo Chapter 6.1 volume2 (page 258)
mtshang bzang so gnyis dang dpe byad brgyad cu las dngos su ji ltar 'drir rung ba thams cad gsal la rdzogs pa dang/ gshegs pa sogs la zhi zhing 'dzum pa'i mdangs can/ lha mo phal cher chags shing gshon pa'i tshul/ khro bo rnams rngams shing mi sdug pa/ rol pa'i khro bo sogs khro 'dzum sgeg pa'i nyams can/ gzhan yang gar gyi nyams dgu dang ldan pa zhes 'byung ba ltar/ rgyan dang mdangs kyis sgeg pa dang/ 'gying la rol pas dpa' ba dang/ sbyan log khro gnyer gyis mi sdug pa dang/ 'dzum zhing ha ha'i sgras dgod pa dang/ hi hi dang huung phatt sgrag pas drag shul dang ldan pa dang/ so tham pa dang mgo gug cing mtshon cha phyar gdengs kyis 'jigs su rung ba dang/ spyan dmar zim zim dang gshon shas snying rje dng/ zhal gdangs rkan rdeb pas rngam pa dang/ mnyen lcug 'jam pa'i mig sna rtser bltas pas zhi ba ste/ de lta bu'i gar gyi nyams dgu las bzo bos bsgrub tu rung ba rnams dang ldan par bya'o/
/gzhan yang/ zhal gyi dbyibs ni rnam pa bzhi/ /skyes bu che dang lha mo yi/ /khyim bya'i sgo nga til gyi dbyibs/ /zhes dang/ khro bo rnams kyi rnam 'gyur dbyibs/ /zlum po dag dang gru bzhi ste/ /zhes gsungs pa ltar zhal dbyibs tha dad pa dang/ sangs rgyas mnyam gzhag spyan ni gzhu yi dbyibs/ /mgron bu'm ni padma 'dab ma'i dbyibs/ utpa la 'dra zhi ma khro yi spyan/ /lha mo zhi ba'i (aa: 129 ba) sbyan ni nya lto 'dra/ /gyems ma'i mig ni 'od ma'i gzhu 'dra ste/ /shin tu khros spyan zlum dang gru bzhi'o/
/zhes spyan gyi dbyibs mi 'dra ba rnams dang/ rdo rje skyil krung yongs su grags/ /byin pa gyas steng gyon pa bzhag/ pus mo smad pa padma'i stabs/ /long bu bsnol te mthe bong dag /rtse mo sprad pa la yang zer/ /gyas pa rdor skyil lta bu la/ /gyon pa gyas pa'i brla 'og gzhag /sems dpa'i skyil mo krung zhes bya/ gyon pa bkan pa'i sor
Sheja Dzo Chapter 6.1 volume2 (page 259)
mo rnams/ /gyas pa'i brla la ma reg tsam/ /gyas pa 'gying stabs brkyang ba ni/ /skyil krung phyed pa zhes bya'o/
/gyon brkyang brang ba gdan la btsutt/ /de yi brla la gyas mthil sbyar/ /bzhengs pa'i phyed skyil gar stabs so/
/gyon pa'i byin pa bskum pa las/ /gyas pa 'gying bcas dor stabs can/ /gyas brkyang bzlog pa gyon brkyang ngo/
/sor mo mdun bstan rting bar du/ /khru gang sor gnyis brla byin pa/ /drang por bsrang ba sa ga'i stabs/ /de bas lus smad pus po'i bar/ /khru do ngang pa'i gsog pa ltar/ logs su brkyangs pa zlum po zer/ /sor mo bcu po mdun du bsgrigs/ /drang por bzhengs pa mnyam pa'i stabs/ /rkang gnyis khri las thur du brkyang/ /sor mo mdun bstan bzang po'i stabs/ /zhabs mthil kha sbyar bde legs can/ /tshog pur rkang gnyis mtho gang bar/ /stan la bkod pa tshog pu'i stabs/ /gyas pa'i phyed krung sor mo rnams/ /gyon pa'i lung bur gtad pa na/ /gyon rol yin zhing gyas rol bzlog /'di ni bzhengs pa la yang sbyar/ /gyon pa'i skyil krung phyed pa la/ /de dang nye bar gyas pa yi/ /pus mo drang por bzhag pa ni/ /dpa' bo'i 'dug stangs zhes bya'o/
/gyon pa de bzhin (aa: 130 na) byas pa'i steng/ /pus mo gyas pa bsnyal ba las/ /rkang gyas gyon pa'i brla mthil du/ /bzhag pa dpa' mo'i 'dug stangs so/
/mi mnyam rus sbal bung ba'i stabs/ /de sogs 'dir ni ma spros so/
/zhes zhabs kyi stangs stabs khyad par sogs shin tu mang po rnams kyang khong du chud par bya'o/
/gnyis pa ni/ chos gos rin chen rgyan brgyad dar gos gnyis/ /phyag rgya dur khrod dpal chas brdyad dam bcu/ /sprul pa'i sku chags bral gyi rnam pa can rnams la chos gos rnam pa gsum/ longs sku rnams la rin che'i rgyan brgyad de/ dbu rgyan/ snyan rgyan/ mgul rgyan/ dpung rgyan/ do shal/ se mo do/
gdu bu/ ska
Sheja Dzo Chapter 6.1 volume2 (page 260)
rags sam 'og pag rnams la rtsa ba'i rgyan kyang zer/ de steng snyan gong utpa la/ rkang gdub gyer kha sogs nye ba'i rgyan du grags pa rnams te/ de dag kyang sngon gyi mkhas pas/ rna rgyan mgul rgyan lag gdub gsum/ /lji lji 'dra zhig dgos pa yin/ /dbu rgyan dpung rgyan rkang gdub sked/ /yang yang 'dra zhig 'dod pa yin/ /ces smra'o/
/dar gos gnyis ni stod gyogs dang smad sham yin la/ rnying ma bka' mar dar gyi chas gos lngar grags te/ zi ldir/ cod pan/ gar gyi phu rung/ gsang gebs/ tshi gu'i smad dkris rnams so/
/ma rgyud gtso bor gyur pa'i rgyud sde'i lha yab rnams la/ spyi bor rus pa'i 'khor lo rdo rje phyed pa'i tog dang bas pa/ rna rgyan/ mgul rgyan/ gdu bu/ ska rags/ tshangs skud dam mchod phyir thogs te phyag rgya drug dang/ de'i yum rnams la tshangs skud spangs pa'i phyag rgya lnga'i rgyan bya dgos shing/ 'di dag gi tshad dang dag pa rnal 'byor ma kun spyod kyi rgyud dang/ rdo rje mkha' 'gro nas kyang gsungs so/
/khro bo spyi la dur khrod kyi chas brgyad de/ de yang bgo ba'i gos gsum ni/ mi lpags kyi gyang gzhi/ (aa: 130 ba) blang chen gyi ko rlon/ stag lpags kyi sham thabs rnams so/
/gdags pa'i rgyan gnyis ni sprul dang thod pa ste/ rgyal rigs dkar khra'i dbu rgyan/ rje'u rigs ser khra'i snyan rgyan/ bram ze dmar khra'i mgul rgyan/ dmangs rigs nag khras ska rags/ /gdol rigs ljang khras phyag gdub zhabs gdub byas pa dang/ thod pa skam pos dbu rgyan/ rlon pas se ral kha/ tshal bus dpung rgyan byas pa'o/
/byug pa'i rdzas gsum ni/ smin mtshams thal chen gyi tshom bu/ mkhur tshos la rkta'i thig le/ lkog mar zhag gi zo ris rnams so/
/rnying ma la dpal gyi chas brgyad du grags pa ni/ ji skad du/ gzi brjid 'bar ba chu srin brjid pa'i chas/ /thabs dang shes rab zung 'brel nyi zla'i chas/ /gdug pa can sreg ye shes me
Sheja Dzo Chapter 6.1 volume2 (page 261)
yi chas/ /skye shi rtsad gcod mche ba zla tshes chas/ /khyab mdzad re skong rdo rje gshogs pa'i chas/ /mnga' thang yongs rdzogs rdo rje glag pa'i chas/ /sangs rgyas sar bgrod dbang gi bse grab chas/ /gnod gdug zlog byed rgya bye'u lcags kyi chas/ /zhes pa ltar brgyad dam/ mi 'gyur spyi gtsug rdo rje phyed pa/ gdug pa thal 'byin phur bu'i sham thabs gnyis bsnan pa'i dpal gyi chas bcur yang bzhed de/ snga ma ni rgyud ye shes rngam glog sogs dang/ phyi ma bka' brgyad las gtso bor bshad pa ste/ 'di dag la cung zad 'dra min 'ga' re 'byung ngo/
/gsum pa ni/ phyag mtshan dang po'i rdo rje kha taang sogs/ /mkha' 'gro rgya mtsho sogs dkyil 'khor gyi gtso bo phyag mang rnams la phyag mtshan gyi dbye ba'ng du mar bshad pa las gtso bor gyur pa dang po'i rdo rje dang/ kha taang ga la sogs pa ste/ phyogs mtshon cung zad bsdu na/ phyag mtshan dang po'i rdo rje ni/ /rwa bzhi dbus la ma reg tsam/ /mdog dmar khro bo'i rdo rje rwa/ /(aa: 131 na) phyogs bzhir shin tu gyes pa'o/
/kha taang rdo rje mi mgo gsum/ /bum pa rgya gram yu ba bcas/ /sku yi srid tshad nyid dang mnyam/ /dar dpyangs dril bu cang te'u 'phyang/ /ga da'i dbyugs pa dpag chen mda'i/ /wa gzhu nyid dang mtshuns pa'o/
/bi lhi paa la mdung rtse rno/
/rma bya'i sgro phon yu bar ldan/ /rdo rje rtse lnga'i rwa bzhi spangs/ /a ka pu tsi ka bdzra/ /mdung thung ka nnssha ya zhs pa/ /'di gnyis rdo rje rtse gcig pa/ /thod tshal rtse thod ddaa ma ru/ /drwa ba can dang drwa ba med/ /ral gyi chu gyi pe tta ka /gri gug dgra sta gtun shing dang/ /mdung ring mdung thung phug rigs gsum/ /bho ke rdza rnga rnga zlum dang/ /rnga chen daa ka pa tta ha/ /rdo rje dril bu la sogs pa'o/
/bzhi pa ni/ byang phyogs dag pa'i khri 'gyogs le tshan bdun/ /phyin drug ngo bo rgyab yol rgyan drug sogs/ /bla ma'i yon tan yongs gzung gi rgyud don bzhin
Sheja Dzo Chapter 6.1 volume2 (page 262)
gtan khri rgyab yol dang bcas pa la/ byang phyogs kyi chos kyi sde tshan bdun dag pa'i chos dang sbyar ba khri 'khyogs le tshan bdun du grags pa ni/ khri gdong khri yi rkang khri rmang gnyis dang ba gam dang lan kan te rnam pa bdun no/
/'degs byed seng ge glang po rma bya shang shang rnams dang/ nyi zla padma'i gdan rnams ni rim bzhin stobs dang dbang bcu/ /smon nas shes pa/ byang chub kyi phyogs/ don dam e/ kun rdzobs wong/ sgrib gsum gyis ma gos pa'i yon tan rnams dang sbyar ro/
/phyin drug gi ngo bo rgyab yol la rgyan sna drug ste/ mkha' lding dang/ chu srin dang/ byis pa dang/ glang po che dang/ sha ra bha ste bse kha sgo dang/ klu phrug rnams kyang rim bzhin shes rab dang/ bsam gtan dang/ brtson 'grus dang/ bzod pa dang/ tshul khrims dang/ sbyin pa bcas pha rol tu phyin pa drug lugs ldog pa dang sbyar ba'o/
/sogs khongs nas khri la brtsegs nyi shu rtsa gcig la (aa: 131 ba) sogs pa'i spros pa dang/ rgyab yol rgyas pa phub la zhol btags pa lta bu/ /bring po la pad 'dab lta bu/ /bsdus pa lcags rtse ma dang sgang gzhugs ma la sogs pa rgyas 'bring bsdus pa'i rnam gzhag mang zhing/ 'bring po'i tshad stag tshang lo tsaa'i dpa'byor rgya mtsho las zhib par 'byung/ phyis su khri rgyab bris 'bur gnyis ka la bzhengs pa nyung yang grub na bsod nams rlabs chen gyi rgyur 'gyur ba yin no/
/bod kyi mkhas pa mang pos khri drug 'gyogs 'di rgya gar na lha khang gi sgo rgyan du yod pas lha'i rgyab yol du 'khrul nas bod du de'i rgyun 'byams pa tsam las khungs yang dag med par 'dod cing/ de bshad pa'i khungs bla ma'i yon tan yongs gzung sogs tsa mi'i rgyud gsum po yang rgyud yang dag ma yin par 'chad mod/ 'on kyang khri rgyan gyi bkod pa 'di lta bu rgya gar gyi bzo yin nges 'ga' la'ng mthong zhing khungs kyi rgyud de rgyud yang dag tu rang byung zhabs bzhed pa'i phyir
Sheja Dzo Chapter 6.1 volume2 (page 263)
kho bo cag ni de la tshad mar byed ces kun mkhyen dharmaa ka ras gsungs so/
/lnga pa ni/ ring thung sbom phra yo sogs skyon mi ldan/ /rgyud sdom pa las/ ring ba gsum ni skyon che ste/ /os ko mkhrin pa byin pa'o/
/sna dang rna ba sor mo sogs/ /gsum po thung ba nyes pa che/ /byin pa zhabs sogs mkhur ba dag/ /gsum po sbom pa skyon chen te/ /'gram pa brang dang cibs logs gsum/ /zhom pa nyes pa chen po'o/
/nu ma rna ba dpral ba gsum/ /'khyog pa nyes pa chen po ste/ /brla dang dku dang nam tshong gnyis/ /gsum po zhom pa skyon che'o/
/zhes sogs skyon re res nyes pa chen po so sor skyed pa'i tshul dang/ 'dir ni spyan sogs yo ba'm/ /phyag rgya phyag mtshan nor gyur na/ mya ngan sdug bsngal gyis rab gdung/ /gzugs brnyan skyon sogs mtshan nyid de/ /de phyir skyon (aa: 132 na) brtags bcos par bya/ /rgyab yol gdugs dang gdan rnams te/ /gsum po chung zhing dog pa'i skyon/ /mdza' bos mi snyan brjod pa dang/ /dpal nyams 'chi bar 'gyur ba yin/ /di dag nyes pa chen po ste/ /mkhas pas legs par brtag par bya/ /zhes sogs gsungs pa'i skyon rnams dang mi ldan pa shin tu gal che zhing/ gzhan yang tshad dang mi ldan pa'i lhar ye shes sems dpa' mi 'jug pa dang/ skyon can gyi sku gzugs de gang du yod pa'i sa phyogs kyi bzang po'i dpyad rnams kyang nyams par 'gyur ba sogs mi dge ba 'ba' zhig 'byung bar gsungs pas de lta bu ni gtsang ma'i sar dor bar bya'o/
/drug pa ni/ rtsa ba yan lag tshon sbyor mdangs dang bcas/ /tshon sbyor la'ng rtsa ba'i tshon/ dkar/ ser/ dmar/ sngo/
ljang gu lnga/ yan lag gi tshon 'bring po/
/li khri sha kha na ros gsum/ /mon ma dud kha sa kha gsum/ /smug po rus kha gyu kha'o/
/de dag re re la'ng nang gses mang du byar yod cing/ yan lag rgyas pa sum cu rtsa gnyis ni/ /dkar po dkar
Sheja Dzo Chapter 6.1 volume2 (page 264)
ser dkar dmar chu shl mdog /ser bo ser skya dmar ser li khri mdog/ dmar po dmar skya dmar smug rgya skag mdog /sngon po sngo skya mthing nag gyu kha mdog /lzang gu lzang ser lzang skya lzang nag go /sha kha ja kha mon kha thal kha dang/ /smug po smug nag na ros glo ba kha/ /dud kha re kha rus kha mun mdog go /zhes pa yongs grags kyi sbyor tshul te tshon gyi khyad par sogs las kyang mtha' yas par 'gyur ro/
/gang ltar snum brjid bkrag gsum 'dzom na tshon sbyor legs pa'i tshad du bshad do/
/mdangs la'ng btsam mdangs yungs zhi brdal 'dra/ 'bar mdangs ku sha'i rtse 'dra/ bshal mdangs 'za' tshon yal 'dra rnams dang/ bcad kyi tshul dang bcas pa rnams kyang re (aa: 132 ba) res re re ma bslad par dgos so/
/bdun pa ni/ rnam 'gyur yul bkod so so'i lugs mthun no/
rtsa ba'i pa tra rigs brgyad/ me ri rigs gsum gyis mtshon gzugs dang rnam 'gyur mi 'dra ba'i khyad par du ma rnams dang/ lhag par 'phags yul rgya nag bod yul sogs yul bkod so so'i lugs dang mthun par bya ste/ ji skad du/ khang bzang la sogs byang chub shing/ /me tog sna tshogs mchod pa'i sprin/ /rten 'brel ri mo rin chen phreng/ /bzo mtha' ma 'dres rang rang brgyud/ /rgya gar bzo yi khyad chos yin/ /mdzes ldan ri mo mdangs ldan par/ /bkra shis gzugs brnyan gos kyi rgyud/ /khri dang mtshar ba'i bye brag rnams/ /rgya nag bzo yi khyad chos yin/ /chu gnas srog chags mtsho dang dzing/ dri zhim nags tshal klu yi rdzas/ /sman spos lhab lhub ri mo rnams/ /kha che bzo yi khyad chos yin/ /'byung bzhi pa tra 'ja' dang sprin/ shing ljon rin chen snal ris rgyan/ /nam mkha'i srog chags lha yi rdzas/ /bal po bzo yi khyad chos yin/ /brag dang spang ri ri dwags dang/ /bla bre chun 'phyang mdzes pa'i rgyan/ /sna tshogs gzugs dang gangs ri'i khrod/ /gangs
Sheja Dzo Chapter 6.1 volume2 (page 265)
can bzo yi khyad chos yin/ /ces bshad pa sogs kyi rnam 'gyur lag tu longs pa dgos so/
/gsum pa rten gzhal yas khang 'phros tsam smos pa ni/ rten gnas gzhal yas khang la blos bslang dang/ /bris thig yongs grags rdor phreng rjes su 'brangs/ /lha'i rten gzhal yas khang ni/ bi maa na'i sgra las gzhal du med pa ste/ mkha' 'gro rgya mtshor gzhal yas khang padma'i rnam pa can tu bshad pa dang/ theg pa chen po'i mdo sde rnams las thar pa chen po'i pho brang gi bkod pa tshad med par bshad pa sogs la 'jug cing/ 'dir lag tu blang bya rgyud sde rnams (aa: 133 na) las byang phyogs so bdun gyi dag pa sbyor ba'i ched du gru bzhi sgo bzhi rta babs dang bcas pa'i khang bzang gsungs pa kho na yin la/ de la'ng blos bslang dang/ bri cha'i rnam gzhag gnyis yod cing/ bris thig zhib cha shes na blos bsllos bslang la'ng 'bur dang gyen du bslangs pa'i khyad par sogs las spyi khog shes par 'gyur zhing/ spyir dkyil 'khor la tshad bcas dang/ tshad ma nges pa gnyis su gsungs/ dang po la'ng lha'i sgo nas tshad bzhag pa ni/ gur las/ rdo rje can gyi khru gsum ste/ sangs rgyas dkyil 'khor khru bzhi pa/ /khru lnga pa ni snang byed la'o/
/gar dbang phyug gi khru drug pa/ /rta yi rgyal po khru bdun pa'o/
/zhes mi bskyod rnam snang rin 'byung 'od dpag med don grub rnams kyi dkyil 'khor la khru gsum nas bdun gyi bar du gsungs pa dang/ 'dus pa rtsa rgyud kyi le'u bzhi par thugs dkyil khru bcu gnyis/ le'u bcu drug par sku dkyil khru bcu drug dang gsung dkyil nyi shu par gsungs pa lta bu ste rtsa thig gi ngos bzhi ka'i dbang du byas pa'o/
/sbyin bdag gi sgo nas bzhag pa ni/ phreng bar rgyud kyi lung drangs pa las/ 'dzam bu gling gi dbang phyug gam/ /'khor los bsar ba'i rgyal po yis/ /kun nas dpag tshad mtha' ru
Sheja Dzo Chapter 6.1 volume2 (page 266)
ni/ /phyi rol dkyil 'khor bri bar bya/ zhes dang/ dza ya se nas/ dkyil 'khor khru ni brgyad par 'dod/ /gzhan dag rgyal po la khru brgya/ /mthar skyes rnams kyi de yi phyed. .gtso bo rnams kyi de phyed gsungs/ /tshong dpon rnams kyi khru bcu gnyis/ /sgrub po rnams kyi khru drug pa/ /zhes sbyin bdag gi 'byor pa'i khyad par la dpag par gsungs so/
/gnyis pa ma nges pa'ng bzhi brgya lnga bcu pa las/ sems can bsam pa la brten nas/ /tshad la sogs pa nges mdzad kyi/. thabs shes las byung dngos grub (aa: 133 ba) la/ /tshad sogs nges pas ci zhig bya/ /de ni gru gcig nas brtsam ste/ /ji srid khru stong bar du bya/ /de ltar 'khor lo de thig gdab/ /ces dang/ rdor phreng sogs las kyang de mtshungs bshad pa ltar ro/
/tshad can da lta lag len du byed pa la rgyud sde so so'i lugs srol a bha ya dang shrangdhaa ka ra'i bzhed srol gnyis yongs su grags shing/ de las kyang rdo rphreng gi rjes su 'brang ba mang la/ de'ng/ sgo tshad cha chen rnam grangs te/ /cha chen re la cha chung bzhi/ /de yi phyed la zhi bar grags/ /rdo rje phreng ba las gsungs pa'i/ /ring ba mda' yab mda' yab bar/ /dkyil 'khor 'khor dang bcas pa yi/ /nyis 'gyur cha chen nyer bzhi dang/ /cha chung dgu bcu rtsa drug go/
/dadbyed go chas bzhed pa yi/ /thung ba rtsa thig rtsa thig bar/ /rtsa ba'i dkyil 'khor dngos kyi ni/ /nyis 'gyur cha chen bcu drug dang/ /cha chung drug cu rtsa bzhi'o/
/rta thig dkyil 'khor dngos yin pas/ de yi brgyad cha sgo chad du/ /rgyud sde phal las gsungs bzhin grags/ /gdan bzhi sdom 'byung lnga cha dang/ /khams gsum rnam rgyal dgu cha dang/ /dkyil 'khor bkod par bcu char gsungs/ /sgo la'ng gnyis gnyis mnyam pa dang/ /gnyis mnyam gnyis mi mnyam pa dang/ /bzhi mnyma nyid dang rigs gsum bshad/ /rta babs tshad can tshad med 'dres/ /
Sheja Dzo Chapter 6.1 volume2 (page 267)
bar pa'i tshad la nges med kyang/ /rgyab la bris thang ci rigs 'byung/ /phyi ma zheng la sgo tshad gsum/ /dpang la nges med rin 'byung zhabs/ /'jig rten snang byed nyid du bshad/ /dang po snam bu bzhi ma ni/ /sgo tshad gcig ste rgya bod kyi/ /mkhas grub snga ma phal cher bzhed/ /phreng ba'i rta babs lugs bzhi la/ /dus kyi 'khor lo de yi lugs/ /snang bu bcu gcig tshul gsum (aa: 134 na) la/ /sgo tshad gsum pa'i rta babs la/ /gnyis mnyam dgu mnyam bya ba dang/ lnga mnyam gsum gsum mnyam pa gnyis/ /sgo tshad gcig la'ng phyi ma ltar/ /mnyam gsum lugs srol rnams su yod/ /sna tshogs rdo rje'ng yod med mang/ mkhas pa sgo drug phyin chad nas/ /gdan de nges pa can du byed/ /thog phub mchod rten mkhar thab dang/ /rgyal khab ri bo'i gur te bzhi/ /thig ring thig thung man ngag thig /mkhas pa'i lag len du ma 'byung/ /zhes pa ni dkyil 'khor bris 'bur spy'i lugs srol mdo tsam smos pa'o/
/bris pa'i dkyil 'okhor la tshon rtsi'ng 'byor pa rab kyis indra nii la dang padma raa ga sogs mchog gi rin chen rnams kyi phye ma las bya dgos pa dang/ 'bring rnams kyis 'bras sogs 'bru sna tshogs kyi phye ma kha bsgyur ba dang/ tha mas me tog gi phye ma'm kham sa'm/ bla med la dur khrod kyi sol ba dang rus phye la sogs pas kyang bri bar rgyud rnams las gsungs shing/ da lta'i lag len la rdul tshon gyi bzo thabs kyang gnas dus dang bstun pa mang bas gang yang sla chos des chog tu ma song ba so so'i lag rgyun bzhin dgos pa dang/ phreng ba las/ sboms su sgo yi nyi shu char/ /re khaa yang dag drangs par bya/ /mnyam zhing drang po ma chad par/ /ji ltar rigs pa phan tshun gyi/ /bar gyi tshad ni nas tsam ste/ /'og dang steng ni ci mdzes bya/ /spom por bkyi na nad 'gyung ngo/
/phra mo yis ni nor rnams nyams/ /yon po yis ni rnam par sdang/ chad na bla ma slob ma 'chi/ /gyas bskor min par bkye na ni/ /
Sheja Dzo Chapter 6.1 volume2 (page 268)
tshon rnams phur bus btab par 'gyur/ /zhes gsungs pa ltar bri nyes pa'i nyes dmigs rnams nges pas nan tan bskyed cing gzab ste bri dgos so/
/brten pa lha mtshan dgod pa'i tshul yang kha cig gis sku kho na dgos par (aa: 134 ba) 'dod pa dang/ phal cher tshon spungs sam thig le kho nas chog par 'dod pa sogs snang mod/ dus 'khor 'grel chen las/ 'dir thams cad du rdul tshon khyi dkyil 'khor gyi nyi ma zla ba'i gdan rnams la rags pa dang phra ba dang gzhan gyi dbye bas dgod pa gsum ste/ de la gzhan gyi dbye ba ni sngags kyi sa pon dgod pa'o/
/phra ba'i dbye ba ni sngags kyi sa bon yongs su gyur pa'i rdo rje la sogs pa'i mtshan ma dgod pa'o/
/rags pa'i dbye ba ni rdo rje la sogs pa'i mtshan ma yongs su gyur pa'i lha'i gzugs dgod pa'o/
/zhes dang/ klu byang gis/ ji ltar nus pas dkyil 'khor du/ /sa bon dgod bya yang na ni/ mtshan ma'm lha yi gzugs nyid de/ /lugs ma'm 'du byas dgos par bya/ /zhes dang/ smbu tti dang man ngag snye ma sogs las de bzhin gsungs pa dang/ spyi rgyud las/ blo dang ldan pas ma bslab par/ /phyag rgya rnams su dgod par bya/ /bslab pas kyang ni phye ba yi/ /yan lag rdzogs par rab tu dka'/ yan lag rdzogs shing rgyas byas na/ /cho ga'i las la ring du thogs/ /gzugs rnams legs par bsgrub na ni/ /mang po rnams ni zin mi 'gyur/ /yan lag nyams na byin mi rlobs/ /dngos mi 'grub pa rab tu bshad/ /de lta bas na mkhas pa yis/ /phyag rgya'i gzugs su lha rnams dgod/ /ces sogs gsungs te/ lha'i sku yongs rdzogs bris na ring du 'gor bas cho ga mi rdzogs par 'gyur la/ lha'i yan lag nyams na byin gyis mi rlob pas phyag mtshan bri ba nyid shin tu bsngags par mdzad cing/ da lta'i mkhas pa tshad ldan rnams kyi phyag len du/ gtso bo la sku/ 'khor rnams la phyag mtshan/ yang 'khor sgo ba sogs la sa
Sheja Dzo Chapter 6.1 volume2 (page 269)
bon dgod par mdzad pa ni shin tu legs shing spros pa 'tshams la/ yang phreng (aa: 135 na) ba las/ de la skal pa dang mi ldan pa 'dus pa na mtshan ma dang phyag rgya nyid zi ltar rigs par bri'o/
/skal pa dang mi ldan pa med na lha'i sku bri bar bya zhing bris sku'm lugs ma'm bzo bos legs par 'du byas pa bzhag par bya'o/
/zhes dang/ man ngag snye mar/ mu stegs can sogs ma dad pas mthong ba'i sar lha sku bri yang yum dang sbyor ba bri mi rung ba'ng bshad la/ phyag rdor dbang bskur las ni gtso bo la phyag mtshan dang/ 'khor rnams kyi gnas su thig le tsam dgod par yang bshad do/
/gzhan yang mngon brjod las tshon nam yang na pir rnams kyis/ /bris pa rnams kyis rnam par spras/ /zhes gsungs pas/ sa bon sogs dkyil 'khor du dgod pa ni tshon nam pir ram smyu gus bris pas kyang rung ngo/
/sgyu 'phrul lugs sogs brda don gzhan pa'ng yod/ gsang sngags snga 'gyur rdor sems sgyu 'phrul dra ba sogs bka' gter rnams las gzhal yas khang gi rnam gzhag bla med spyi khyab dang cung zad mi mthun pa'i brda dang don gyi khyad par gzhan pa'ng yod de/ gsang snying la mtshon na/ 'grel chung las/ gzhal yas gzhi dang rgyu dang rgya/ /dbyibs dang glo 'bur rtse mo dang/ /rgyan dang sgo khyud rta babs dang/ /mtshan nyid gdan gyi rnam pa ste/ /zhes dbye ba bcu gcig tu gsungs pa las/ rtse mo ni sgyu 'phrul rang lugs kyi khyad chos tog gi 'og tu dbyibs bum pa'i lto ba lta bu'i zlum po'i rnam pas bskor ba dang/ rgyan la yang/ 'og dang logs kyi rgyan dang ni/ /steng dang sgo dang phyi rol dang/ /ngo bo nyid dang bdag po'i rgyan/ /ces rnam grangs bdun yod pa dang/ rta babs la rgyu'i rta babs sgo khang gi nang sgo phub phyi nang gnyis su them skas bzhi ste bab zhon gyi rta babs brgyad du grags pa dang/ 'brs bu'i rta babs snam bu brgyad mar bshad pa sogs
Sheja Dzo Chapter 6.1 volume2 (page 270)
rnam par dbye ba mang ngo/
/(aa: 135 ba) gnyis pa gsung rten bshad pa la gsum/ yig rigs spyir bstan/ bod kyi yi ge khyad par du dbye/ 'bri thabs bstan pa'o/
/dang po ni/ gsung rten mdo las yig rigs drug cu bzhi/ /yul gling so so'i yi ge kun gyi mchog/ lnya war la sogs mgo rken kha do dang/ /khog pa kha gsum mgo rjes rags pa'o/
/gsung gi rten bzo bos bzhengs par bya ba ni yi ge glegs bam yin la/ de'ng rgya cher rol pa'i mdo las yig rigs dug cu rtsa bzhir gsungs te/ de'ng/ tshangs pa kha ro sstti dang padma'i snying/ /aanga banga ma ga dhaa bkra shis/ /sor gdub saa ka ni dang swaa dhya ni/ /a hu rtsub mo 'gro lding mon yul dang/ /lho phyogs drag po grangs dang spyi'u tshugs/ /rjes mthun bha ri ddwa dang khya syaa dang/ /rgya nag hu na dbus dang rgyal gyi yig /lha klu gnod sbyin dri za mi'm ci/ /lto ';phye lha min mkha' lding bay rog skad/ ri dwags 'khor lo sa lha bar snang lha/ /nub brang shar gling 'degs bzhag rab bu bshag 'rgya mtsho rdo rje 'phrin dang rab tu 'phrin/ /rnam gzhan chungmin bstan bcos rtsis 'degs skor/ /rkang pas bris dang phyi ma'i tshig gnyis grub/ /phyi ma bcu grub bar sgrub sgra kun bsdus/ /rigs mthun rnam bsres drang srong dka' thub bdungs/ (25)
Sheja Dzo Chapter 6.1 volume2 (page 271)
gsal ba sa rab lta dang sman rgyu mthun/ /snying po thams cad kun tu bsdus pa'o/
/de dag las tshangs pa'i yi ge la lnytsa na/ de la'ng khong seng dang sha chen gnyis/ de dang mthun pa dha ri ka'i yig rigs lnga/ mgo byen bzed na ga ra la rigs mi 'dra ba drug de'i mgo thur du bkug pa klu'i yi ge wardhu la/ rgya mtsho mtha' rnams dang drug cu rtsa bzhi po der dngos su mi 'dren pa kasmii ra mi 'dra ba gsum/ goo dda/ gha hu ra/ sindhuu/ gho la'i yig rigs gnyis/ ma ga dhaa yig ka ma ta'i yi ge pu kkang/ mrkko la'i yi ge zangs gling gi yi ge (aa: 136 na) srin po'i yi ge rnams ni bod du'ng 'dri ba'i rgyun byung bas mtshon yul gling so sor yi ge'i rigs 'dra min mtha' yas pa mchis pa kun gyi mchog ni lnya war gnyis yin la/ sogs khongs nas de dag gi 'bri tshul shes na na ga ra yig sogs la'ng dka' ba med cing/ bris thig zhib cha lag tu mi longs pas/ dkyus la mgo rke gnyis la smyu gu'i kha do/
khog pa la kha gsum ste dpang smyug khams lnga/ ring cha dang po'i rgyab lag sogs min pai yig 'bru spyi zheng la rang khams gsum/ de dag kyang phal cher thog mar khong nas 'bubs shing mgo rjes su 'then pa ni 'bri tshul rags pa'o/
/gnyis pa ni/ bod yig bzab chen bzab chung gzab chung 'bru che chung/ /bshur ma dkyus yig drug la thams cad 'du/ bod kyi yig rigs phyis su rim par dar ba'i rnam grangs mi 'dra ba mang yang/ rtsa ba gzab chen dang gzab chung gnyis/ 'bru chen dang 'bru chung gnyis/ bshur ma dkyus yig gnyis te drug la thams cad 'du'o/
/gzab la sna ma gser leb rim pa dgu/ /gyu khri'i rjes 'brang sbal lugs mang lugs gnyis/ /bod yig gi mchog gzab ma'm dbu can la/ thog mar thu mi sang bho tta nyid kyi phyag bris sbal nag na la rgyangs pa 'dra ba dang/
Sheja Dzo Chapter 6.1 volume2 (page 272)
de'i rjes su phyi dar rin chen 'bar zhes bya bas so phag gshibs pa lta bu dang/ de'i rjes su chab dkar be'u tshes bya pho 'jol ba lta bu dang/ de'i rjes su gtsang dge bsnyen dbang gis nas nag bkram pa lta bu dang/ de'i rjes su 'bre'o khrom zhes pas mu tig bstar la brgyus pa lta bu dang/ de'i rjes su tshe spong byang chub kyis sbur nag bgrad pa lta bu dang/ de rjes su the yon tan bya bas nya chu nas phyungs pa lta bu dang/ de'i rjes su gra rgod rnam gnyis zhes pas seng ge gnam du mchong ba lta bu rim par bris pa ste de rnams la sna ma zer/ bstan pa phyi (aa: 136 ba) dar gyi thog mar sgro nya sha ri zhes pa dang mthong ba rdo rjes dpon slob kyi ring la gsar leb grub bzhi ste rim pa dgu byung/ de'i rjes su khyung po gyu khri 'bar zhes bya bas dkyil 'khor gyi thig la dpe blangs nas cha chen cha chung du bgos pa sogs thig dang smyu gu shog chag 'bri lugs sogs kyi bstan bcos byas te slob ma bsam gyis mi khyab pa bskyangs/ de'i nang nas sbal lugs dang mang lugs gnyis su gyes te da lta 'phan yul dang ngor du yod pa rnams yin par grags so/
/gces brgyad 'don bcu ma chos nyer gcig dang/ /bu chos bcu drug spyi chos gsum ldan bya/ /lugs de rnams kyi spyi la gces pa brgyad ni/ snag lam zlum la sgros chags gces/ /gcig pur skyes la dpung thung gces/ /gdags pa can la zur thig gces/ /stod phubs can la pho ba gces/ /smad phub can la khong 'dren gces/ /rkang pa rtar zhon phyi 'brang gces/ /yar phul mthar rgyas sgros gnon gces/ /mig can dag la rke gtsang gces/ /zhes dang/ 'don pa bcu'm bcu bzhir yang grags pa ni/ bang mgo la 'don/ mkhrang dpung pa la 'don/ sgros sbo them la/ bshan mar 'then la/ spyang khog pa la/ hram snag sna la/ hur mig 'dril la/ gyer yar 'phul la/ yang ya btags la/ grung zags mchu la/ bzang mgo
Sheja Dzo Chapter 6.1 volume2 (page 273)
dpung la/ 'dzum dkar nag sna la/ mnyen bsnol mtshams su/ 'khyug yan lag la 'don pa rnams dang/ ma chos nyer gcig ni/ mgo rab thag zlum gris bcad 'dra ba/ 'bring ka gzhu/ tha ma tshag mgo ste mgo gsum/ dpung rab thugs kar rdor 'dzin/ 'bring mda' 'phen/ tha ma lag chag 'phred nyal te dpung gsum/ sbo rab sgros chags gri ltag 'dra ba/ 'bring spu thag sgrim 'dra/ tha ma grog sked 'dra ba ste (aa: 137 na) sbo gsum/ zag mchu rab gsegs sbyor thung rno/
'bring 'gye'o phag sna/ tha ma rgun po glang sna ste zag mchu gsum/ rab rgya khab bslang 'dra/ 'bring rnga dbyug 'phyar 'dra/ tha ma lag mgo bcad 'dra ste yar 'then gsum/ rab sgo lcags rkang 'dra/ 'bring khyi gu'i mjug 'dra/ tha ma 'bu mjug sbrang rkang 'dra ba ste mar 'then gsum/ rab nya mig 'bring nas 'dra/ tha ma zur gsum khro mig ste mig gsum bcas nyer gcig bu chos bcu drug ni/ gnyis chod 'dzum la mtho dman med pa na ro'i chos gsum/ gsegs kyis gzhol ba stod smad phyed pa ste 'greng bu'i gnyis/ zlum 'dril 'khyug pa ste gi gu gsum/ gdags pa can/ ldan thabs brkyang pa/ mdung tshugs gsum sbrel ldan pa ste zhabs kyu'i gsum/ rta sbrel 'phangs ma bskyil ba ste ra ta'i gnyis/ 'khyug snyoms 'degs la dkyil yangs te ya btatt kyi gsum ste bsdoms pas bcu drug gzugs dkyus su ma gol ba/ dkyus nyid tshang nas ma yar ba/ gzugs dkyus shan phyed pa ste spyi chos gsum dang ldan par bya zhing/ de'ng thig sgrom gru bzhi lag len ltar btsal la/ phub dang dpung pa cha gcig zag mchu cha gnyis/ cha gsum rkang pa ste/ ca cha ra ' ring ba skyon/ da na zha gsum ring thung gnyis ka skyon/ ka ga sha gsum thung na skyon yin la/ 'dogs 'brel cha bzhi/ steng gi yan lag cha gnyis/ thig shing logs la cha drug tu byus la skyon rnams spangs te bri bar bshad pa ni rags
Sheja Dzo Chapter 6.1 volume2 (page 274)
pa yin te/ zhib par lag len las rtogs dgos so/
/'bru chen li lugs ldan lugs rim mched mang/ /bod yig gshar ma rnams kyi mchog tu gyur pa 'bru chen la li lugs kyi bris rgyun chad/ ldan ma rtse mang gi lugs yin pas sam/ yi ge tshad dang ldan pas ldan lugs zhes pa thig tshad che ba'i khongs nas drangs pa dang/ (aa: 137 ba) dbyibs 'dra'ng thig tshad chung ba'i 'bru chung/ de nyid la yig 'bru bco brgyad tsam 'dra min yod pa'i 'bru tsha rnams ni sngon gyi rtsa ba'i yig rgyun yin la/ de las mched pa tsheg ltar gru bzhi bsgritt pa tsheg bris/ de las 'jam pa zlum bris/ de'i sug po dang yan lag ring du btang ba 'ba' ho/
de las thung du btang ba la sug thung/ de las mnyen gra ris/ sug po nang 'then rnams bkug pa sum cha chags/ de las mnyen pa sug skor/ de las bde ba phrin yig dkyus ma/ de rnams la'ng yul so so'i lag rgyun mi 'dra ba ni ches mang ngo/
/gsum pa ni/ cha tshad bri gzhi snag smyug mkhas par bslab/ /gtsang sgrod dag pa che phra kun la bces/ /gsung rab gzab sogs go rim 'dzol med 'bri/ yig rigs gzhan pa mtha' yas spror mi langs/ /yi ge 'bri ba'i thog mar cha tshad dang dbyibs la bslab pa gal che ste/ de'ng gsung rab mang du bri ba'i yig mkhan rnams la dbu can 'bru can 'bru ma tsheg sgrig zlum ris rnams gces/ dge ba'i bshes gnyen rnams la sug thung dang gra ris gces/ sde dpon rnams la 'ba' ho dang sug skor bces/ skye bo gzhan rnams la 'phrin yig gces par bshad pas rang rang la mkho ba de nyid khyad par du sbyang bdar bya/ byang nas bri ba'i skabs su 'bri gzhi shog bu/ 'bri byed mtshal snag smyu gu'i bya ba rnams sngon gyi bstan bcos rnams dang lag rgyun khungs dag las 'byung ba bzhin mkhas par bslabs nas gzab ste lag tu blangs pas sngon
Sheja Dzo Chapter 6.1 volume2 (page 275)
gyi mkhas pa'i lag rjes la 'gran bzod par 'gyur ro/
/de dag kyang sngon rabs kyi bstan bcos las tshig tshogs rgyas bsdus dang/ lag len gyi bye brag mtha' yas pa 'byung ba las/ da lta lag len du byed pa rnams bsdus te bkol nas phyogs tsam bshad na/ yi ge 'bri ba'i gzhi dang ni/ /'bri ba'i (aa: 138 na) lag cha 'bri rdzas gsum/ /dang po la yang rab 'bring tha/ /rab ni shog ldum dung lo ma/ /sa nag shug pa yod pa dang/ /rdza brag med sar skyes pa legs/ /bye ma sa dmar gyam pa'i nang/ /skyes pa mdog ser tshos dka' sra/ /shun mthug 'bu yod dman pa'o/
/legs par btus nas sa rdul bkru/ /phyi shun brad brdar snying po blang/ /bya rdo bsregs pa chu 'khyag tu/ /'phangs te dkrugs la gar sla ni/ /dar ba tsam byas lce thog tu/ /rgya tshwa ltar 'bigs legs pa'i rtags/ /lam du ma song ngar mi 'byung/ /de nyid grung gzhug snyigs med kyi/ /khu ba'i nang du shog ldum btso/
/thal khus btsos kyang mtshon tsam 'ong/ /tshos nas rdo gtun mkhregs par brdungs/ zan ltar gyur nas kha rie'i tshad/ /cha bsgos snod du de mnyam gyi/ /chu dang lhan cig dkrugs pa de/ /ma rnyog dwangs pa'i chu 'khyil nang/ /shog bre ma yo bzhag la blug /rgyu 'dis srab mthug gang yang legs/ /'bring ni a ga ru'i shun pa/ /sngo bshus byas pa'i bar shun de/ /yud tsam bcos la khu thog pho/
/btso brdung dkrugs blug gong dang 'dra/ /glegs bam shog mthug khyad par bzang/ /tha ma re'u lcag rtsa ba brko/
/phyi skobs nang snying bsal ba yi/ /bar shun rdo khus btso bar bya/ /thal khus btsos na bal ltar lhod/ /dug 'don a ru thun gcig 'debs/ /'di yang bye ma sa 'bol dang/ /sa nag snyi sar skyes pa bzang/ /yig bskur 'bri ba'i srab shog las/ /glegs bam ha cang legs mi 'gyur/ /yul phyogs tha dad nas 'byung ba'i/ /shog bu bzang ngan (23
Sheja Dzo Chapter 6.1 volume2 (page 276)
sna tshogs pa/ /rgyu dang bzo thabs byed pas te/ /mang du spros kyang dgos pas dben/ /de nas nag dri 'dzar 'dzer sogs/ spu gcod rdo ni dkar sob kyis/ /drud bdar bug brdol (aa: 138 ba) med pa bya/ /shog rgyu gtsang na brdung zin rjes/ /drud pas sa rdo'i ra ri 'don/ /mdog dkar khams 'dzin legs par bshad/ /gang ltar sad rul med pa'i gro/
/chu tshan gyis bkrus zhib par btags/ /chu nang 'o ma lta bur dkrugs/ /lbu ba gang byung bcad la dor/ /cung zad grungs bcug yun ring du/ /bzhag na sla ba'i nyen yod do/
/gro phye zhag grangs nyi shu yan/ /rnying pa dam rtsi lhod pas spang/ /dwangs ma cha gnyis bgos pa yi/ /cha gcig tshos par bkol la phog /cha gcig bsres la rlung med cing/ /nyi ma tsha dang rlan yod kyi/ /sa ru shog gu drangs nas bskam/ /yang na sla tshos bag chu la/ /dar ba mar tshag bzhi cha bsre/ /cung zad drangs nas 'dren par bya/ /ha cang tshan na shog gu chad/ /grang na dam lhod skyo mas gos/ /skam thag chod nas sa rdul bsal/ /sngo dang bye mas sbang bshad kyang/ /skyon re yod pas skam po kha/ /bcu re'i bar du chur bcug pa'i/ /rlon pa re re bzhag nas mnan/ /ring na zhag gcig thung na yang/ /ja sbyor yun tsam bzhag nas su/ /yang bsdams yang bsre skam rlon snyoms/ /mchin pa lta bu'i rdo 'jam steng/ /gyag rwa snum dreg med pas brdung/ /ma 'dzom shing gi stan gtun ni/ /'jam pos brdungs kyang skyon mi byung/ /bag chu che na bag chu byugs/ /chung na mur spyin btang bar bshad/ /skam po cung zad dbur dka' la/ /nem yod tsam de sla zhing legs/ /dbur gdan mi 'gul brtan pa dgos/ /dung sngo mchang la ri mo mang/ /khyad 'phags gser phra'm gzi yin la/ /ma rnyed gyag rgod rwa co ni/ /gnag cing snum pa des kyang rung/ /rig shing drang zhing snyoms pa la/ /dri bzang yung
Sheja Dzo Chapter 6.1 volume2 (page 277)
ba skyer shun gyi/ /khu bas byang chub rgyun lam dang/ /phyi nang thig skor mtshal gyis (aa: 139 na) gdab/ /rgyas bsdus glegs bam che chung bstun/ /zub dang mi snyoms 'khogs pa skyon/ /'bri ba'i lag cha rgya smyug ni/ /sdong po cher skyes sha mthug lci/ /mdog ser ma 'chus sbu gu med/ /rtsi 'jam sos mnan 'dren pa ni/ snag gser yig rigs kun la bsngags/ /'jang smyug mdog nag sbu gu can/ /sib ces dkyus yig 'bri la bde/ /lcags smyug gsung rab gtos cher bzang/ lho smyug rong smyug legs pa'ng rung/ /smyug rnams yun ring dud khang du/ /btags la ba rkang rnying pa rab/ /ma rned rkang mar rnying pas byugs/ /yos tshan nang bcug 'jam gyis phyi/ /rus pa lta bur mkhregs par 'gyur/ /bzo gnas legs nyes gri la rag /lcags rigs bzang zhing zhun thar thon/ /rno mnyen ngar gsum 'dzom pa'i gri/ /rtse dang so rno grang bag zhol/ /ltag pa drang zhing srab pa ni/ /bdar rdo srab mnyen ran pa la/ /phyi la khal gcig nang du drug /bdar bas rno tshad spu gshog nus/ /ha cang bdar na rdul du 'gro/
/cung zad btsugs bdar mthug rno 'byung/ /smyu gu mtho bas mi ring zhing/ /mdzub bas mi thung phra sbom ran/ /mtheb mdzub tshad sbyar 'grims bder gzhog /rtse sor phyed gnyis gzhal ba'i sar/ /sum gnyis rdzing la sum gcig mchu/ /gzob 'dod gas chung mgyogs 'dod che/ /rdzing 'dra yur ba 'dra ba zhes/ /rgyab nas bltas te gyas gyon snyoms/ /rdzing mchu ha cang mi srab la/ /bcad kha gyen gseg rim gcod bya/ /gsum ldan lnga 'dzom zhes pa'i don/ /smyu gu mchu la mkhas gyur na/ /yi ge'i 'bru la mkhas par bshad/ /yig gzugs bzang ngan lag pa'i rgyu/ /mgyogs dal sbyangs pa che chung ste/ /dag ha rnam rtog rgod gyung gtso/
/mtheb mdzub shed snyoms (aa: 139 ba) 'phur 'dzum ran/ /chig 'then shes dang drang myur ldan/ /
Sheja Dzo Chapter 6.1 volume2 (page 278)
sgros dag skyen gsum 'dzom pa mchog /bri ba'i rdzas ni snag mtshal gnyis/ /dang po snag tsha'i rgyu rab ni/ /mar nag me tog bsags pa'm/ /sgron shing 'bring ni nya sbrid pa'i/ /shun pa de gnyis sngo bshus bya/ /gro ga'ng de dang phyogs mtshungs la/ /tha ma thang tshil rgan ches khrag /gzhon ches 'byar bag can min pa/ /tshil bu 'dra de mang du bsags/ /brtsigs thabs 'khor mo'm bru thab steng/ /rdza khog zhabs rdol lnga bdun brtsegs/ /thab nang shing la me sbar ba'i/ /'og ma'i dregs pa dman pas spang/ /gong ma rnams kyi dud pa bsdu/ /chags dka' 'grim rdur 'byung bas na/ /dben pa'i gnas su gzab ste bya/ /lcags snod spyin chu'i dwangs ma la/ /btab ste me steng cung zad dkrugs/ /spyin bzhur khu ba blug la mnye/ /bre re nyin rer 'dur ba dang/ /tsheg sgrags na tshad du bshad/ /'on kyangshed mnyam ran pas 'dur/ /ji tsam song ba de tsam legs/ /skam thag yangyang gcod pa ni/ /mtshal snag man ngag mtchog tu bzung/ /gar sla zan tsam gyur pa'i dus/ /lag par 'byar na dam chung la/ /sra zhing 'thas na che ba'i skyon/ /sha rjes dod cing mi 'byar ba/ /dam lhod ran pa'i tshad du bzung/ /gzhan yang snogn rabs bstan bcos las/ /ma nu ru rtags 'jam zhing sme/ /tsandan khu bas smyu gus 'dzin/ /rgya skyegs dmar mdangs 'od du 'tsher/ /gla rtsis rgyun du dri bzang 'thul/ /dbang lag sug pa'i khu bas ni/ /'od 'bar dam 'byor bla na med/ /spyi bzhur khu bas shin tu rgyug /ga bur chu yis dbyar mi rul/ /sga skya pi ling khu bas ni/ /dgun gyi dus su 'khyag mi 'gyur/ /zhes sogs bshad cing thang grags dang/ /gro nas (aa: 140 na) yos tshig khu ba sogs/ /sre ba'i lag len mang na yang/ sug pa spyi bzhur sogs 'ga' las/ /phal cher skyon dang bcas pa nyid/ sbyor sde mang bas legs pa min/ /rgyu bzang
Sheja Dzo Chapter 6.1 volume2 (page 279)
gnad shes las nus dgos/ /phon nyung bzo na mi gzhon gyi/ /lag par 'phur mnyed byas pa mchog /mtshal rab bcag mtshams shesl dkar 'dra/ /'bring po dmar dwangs tha ma smug /dkar 'jam gtun nang phram phrum brdung/ /a ru'i dwangs chu mtshal nub blug /lan gsum bar du kha chu pho/
/gtun skor cung zad bya bar gces/ /de nas yun ring bar du sbyang/ /rgya spyin rab yin ma rnyed na/ /spyin sad khu dwangs blug la bsdu/ /mgyogs 'dod mtshal phye spyin chur sbyar/ /gya' med snod du dal bus mnye/ /shed drag nag por 'gyur pas na/ /mtshal la mi rgan lag stabs gnad/ /gang yang sbyar nas 'bri ba'i tshe/ /ka pi drug sbyor 'dod pa na/ /gya' dri med pa'i snod gtsang mar/ /mtshal gyi sum gnyis ka pi dang/ /spyin chu sum cha tsam gcig blug /yun ring bar du nyi mar bdug /rgya tshwa zho tshad tshwa la ni/ /tshwa 'debs spos dkar thal tsam btab/ /de dag yon tan rim bzhin du/ /'od 'phro dam byed gsher bag gcod/ /dmar 'tsher bde la skam rtsi byed/ /'grim dka' ser na chu gtsang blug /mdangs skya smug na ka pi bsnan/ /de la ka pi sbyor ba'i thabs/ /dpyid dam ston mjug brkos pa yi/ /lug sug gad bdar legs byas la/ /lcags min snod du btso zhing bzhur/ /tshags btsags gong gi rdzas rnams btab/ /dal 'jam dkrugs shing me la gdu/ /sum sbyor mtshal dang ka pi la/ /rgyal mo ka ra cung zad 'debs/ /mdangs legs dkyus kyi lag len te/ /mtshal spyin gnyis sbyor stabs bde'i bzo/
/gang (aa: 140 ba) yang me yis ma gdung gces/ /gzhan yang bya yi sgong spri dang/ /chu ser dwangs ma sbyor ba sogs/ /'phral bde legs kyang skyon can spang/ /lo grangs lon kyang mdangs ma yal/ rlan dang phrad kyang 'byar 'gos med/ /bkrag snum 'od ldan mtshal snag ni/ glegs bam 'bri ba'i bcud mchog go/
/de ltar yang ngag
Sheja Dzo Chapter 6.1 volume2 (page 280)
rgyun las/ snag shog smyu gu mi gzob par/ /yi ge gzob 'dod yig mkhan 'khrul/ /zhes bya ba yin pas rgyu dang lag cha gzab cing/ snag lam gtsang ba/ 'bru khog sgros pa/ chad lhag nor 'khrul med pa'i dag pa gsum ni 'bri bya che phra kun la shin tu gces so/
/go rim yang gsung rab chen po dag la bzab chen gzab chung/ /rgya gar mkhas pa'i gzhung 'grel rnams 'bru chen/ bod kyi gzhung lugs rnams 'bru chung ste che ba'i dbang gis 'dzol med du 'bri ba gna' bo'i lugs bzang yin cing/ yig gsar/ brda yig gter yig gis mtshon pa'i yig rigs gzhan pa ni mtha' yas pas 'dir spror mi langs so/
/gsum pa thugs rten bshad pa la bzhi/ mchod rten gyi dbye ba spyir bstan/ lag tu blang bya bye brag tu bshad/ /lugs srol khyad par can 'phros su smos/ phyag mtshan 'phros don bcas 'chad pa'o/
/dang po ni/ thugs rten rang bzhin lhun 'grub bla na med/ /byin rlabs dngos grub theg pa so so lnga/ /thus sam chos sku'i mchod rten ces spyi ming bye brag tu btags pa 'di la spyir rang bzhin lhun gyis grub pa dang/ bla na med pa dang/ byin gyis brlabs pa dang/ dngos grub 'byung ba dang/ theg pa so so'i mchod rten lngar bshad pa'i dang po ni/ rdo rje bkod pa'i rgyud las/ 'dod khams dbang gi ri bo la/ /gzugs khams bang rim khri 'phang (aa: 141 na) can/ /gzugs med bum rten bum par bcas/ /sku gdung chen po rgyun du gnas/ zhes dang/ lung mchog bla ma las kyang phyi snod nang bcud mchod rten gyi rnam par bshad pa dang/ dus 'khor las/ dkyil 'khor bzhi po bang rim dang/ ri nab bum pa dang/ ri rab kyi mgrin pa dang gdong man chod bre dang/ de yan skra chos 'khor char khebs kyi rnam par gsal bar bshad pa lta
Sheja Dzo Chapter 6.1 volume2 (page 281)
bu'o/
/gnyis pa ni/ tshad med mtha' yas las byung 'bras/ /shar du byams pa rte rje brtsegs/ /lho ru snying rje rin chen brtsegs/ /nub tu dga' ba padma brtsegs/ /byang du btang snyoms rgya gram brtsegs/ /rang byung rin chen snang ba'o/
/zhes pas/ shar du byams pa tshad med rdo rje mtha' yas brtsegs pa la sogs pa bzhir thig le dbang gi rgyud ces bya ba las bshad par grags so/
/gsum pa ni/ 'khor lo 'byung ba'i rgyud du grags pa las/ byin rlabs sku gdung cha brgyad gling bzhir snang/ /zhes pa'i 'grel par/ shar lus 'phags na/ byin ldan snyoms gter dang/ mthar legs gyung drung tog gnyis/ lho dzmbu gling na thugs rje sprul pa dang/ yid bzhin lhun grub gnyis/ nub ba lang spyod na dpe med bsam 'das dang/ rmad grags chos dbyings gnyis/ byang sgra mi snyan na yon tan rin chen brtsegs dang/ khams gsum bde rgyas sgron me'i mchod rten gnyis bzhugs par bshad do/
/bzhi pa ni/ bdud rtsi mchog gi rgyud las/ ro yi srung ma chen mo ni/ /ma mo chen mo brgyad bzhag go /de dag rten gnas chen mo yang/ /mchod rten brgyad du rnam par bzhag /ceas pa'i 'grel par/ sngon he ru kas drag po btul ba'i tshe yul brgyad kyi dur khrod du ma mo brgyad kyi rten dngos grub 'byung ba'i mchod rten brgyad 'byung ba ni/ ma ga dhaar bde byed/ singga lar ri bo ta la/ bal por bya khri kha shor/ sing (aa: 141 ba) ga gling du ge'u do sha/ li yul go ma sa la gan dha/ kha cher ka na ka za hor du bde spyod gzhon nu'i mchod rten no/
/lnga pa la/ nyan rang theg chen gyi gsum mo/
/dang po ni/ chos gos bzhi bltabs kyi steng du lhung bzed sbub pa la mkhar gsil btsugs pa lta
Sheja Dzo Chapter 6.1 volume2 (page 282)
bu'o/
/gnyis pa ni/ rmang gru bzhi'i steng du ngos grub zhi bang rim zlum po bcu gnyis pa 'khor lo rtsibs brgyad pa can no/
/gsum pa ni/ slob dpon 'phags pa klu sgrub kyis lhung bzed sbub ba lta bu bim pa'm zlum po dang/ khang bu lta bu dang rgyal mtshan lta bu'i mchod rten brgyad la sogs pa gsungs/ rgyud sde so so'i dbang du byas nas bya spyod kyi mchod rten bang rim nang du bcag cing phyir 'bur ba'm/ dbus 'bur la mtha' gnyis nang du bcums pa 'khor lo bcu gnyis la sogs pa'ng bshad par grags/ rnal 'byor rgyud kyi sngar bshad pa'i rdo rje brtsegs pa sogs dang bla med kyi dus 'khor nas gsungs pa sogs so/
/gnyis pa lag tu blang bya dngos la gnyis/ thun mon g dang thun min no/
/dang po ni/ lag tu blang bya so skye nyan rang rgyal/ /lung las 'byung zhing/ /de ltar bshad pa rnams las da lta lag tu blang bya dngos ni/ so skye nyan thos rang rgyal rgyal ba'i mchod rten rnams te/ de'ng so so'i skye bo la gdugs med pa'i byi bo'i/ /nyan thos kyi 'bras bu'i grangs kyi gdugs/ rang rgyal gyi gdugs bdun/ sangs rgyas kyi gdugs bcu gsum/ char gebs tog dang bcas pa rnam pa thams cad par bzhengs pa 'dul ba lung las gsungs te 'dir gdugs ni chos 'khor dang/ char khebs ni gdugs la ngos 'dzin dgos so/
/rgyal ba'i bchod rten brgyad/ /cha tshad nges med 'on kyang dri med 'grel/ /bod kyi mkhas pa phal cher dpang por byed/ /de la'ng cha chen bcu drug pa la sogs/ /dpang dang de (aa: 142 na) phyed lhag bcas rgya tshad smra/ /bye brag brgyud pa'i man ngag tu nang du chos kyi ring bsrel tsam bzhugs na thams cad kyang chos sku'i mchod rten du 'gyur bar bzhed pa'i phyir/ rgyal ba'i mchod rten rnam pa thams cad pa nyid deng sang bzhengs pa lhur byed pas de
Sheja Dzo Chapter 6.1 volume2 (page 283)
la'ng tshems dang dbu skra sen mo ring bsrel gyi mchod rten sogs bcom ldan 'das bzhugs pa dang ma bzhugs pa'i tshe dang ldan rnams kyis brtsigs pa'i dbyibs dang rnam pa tha dad pa mang ba las/ gtso bor/ sprul pas mdzad pa sngon bstan phyir/ /mchod rten brgyad du sku gdung bzhag /ces las kyi mtha' brjod pa'i mdo las gsungs pa ltar ston pa'i mdzad pa khyad par can gtso bor gyur pa dag bstan pa'i tshe yul lzongs so so'i skye bo rnams kyis mchod rten brtsigs te dus ston gyi srol tshugs pa las/ dpal mgon klu sgrub kyis yongs grags dang mthun par gnas brgyad kyi mchod rten la bstod pa dang rnam gzhag mdzad pa ltar mchod rten brgyad du yongs su grags pa ste/ dang po/
bdag cag gi ston pa sku bltams pa'i tshe grong khyer ser skyar byung ba bde gshegs mchod rten nam/ bkra shis 'byung ba'i mchod rten zlum po padma'i 'dab ma can gyi bang rim bzhi'm/ bdun brtsegs pa pad 'dab kyis spras pa/ gnyis pa rgyal po'i khab tu mngon par byang chub pa'i tshe byang chub chen po'i mchod rten gru bzhi bang rim bzhi pa/ gsum pa wa ra nnaa sir chos 'khor bskor ba'i tshe ye shes mchod rten nam chos 'khor mchod rten du grags pa gru bzhi bang rim bzhi glo 'byur dang bcas pa sgo rab brgya rtsa brgyad/ 'bring ba drug tha ma bcu drug pa/ bzhi pa mnyan yod dze taa'i tshal duchos 'phrul bstan pa'i tshe mu stegs pham byed kyi mchod rten nam cho 'phrul mchod rten gru bzhi bang rim bzhi pa phyogs rer 'byur dang bcas pa'm/ 'di'ng zlum po bang rim bzhi pa pad 'dab can/ (aa: 142 baf) lnga pa yangs pa can gsal ldan du byung ba ston pa sum rtsen du dbyar gnas mdzad de yum bden pa la bkod cing snga dro dgag dbye mdzad/ phyi dro dzambu'i gling du phebs pa'i tshe lha babs mchod rten nam sum cu rtsa gsum lha'i mchod rten du grags pa/ bang rim bzhi'm brgyad pa ngos rer glo 'byur
Sheja Dzo Chapter 6.1 volume2 (page 280)
dang bcas pa'i glo 'bur gyi dbus na them skas yod pa/ drug pa rgyal po'i khab tu lhas byin gyis dge 'dun gyi dbyen byas pa mchog zung gis 'dums pa'i tshe dbyen zlum mchod rten nam 'od zer can nam/ byams dngos mchod rten du grags pa bang rim bzhi pa gru bzhi'i zur bzhi mnyam par bcad pa lta bu/ bdun pa yangs pa can du sku tshe'i 'du byed zla ba gsum du byin gyis brlabs pa'i tshe byin rlabs mchod rten nam/ rnam rgyal mchod rten du grags pa zlum po bang rim gsum pa/ brgyad pa grong khyer rtsa can du mya ngan las 'das pa'i tshe myang 'das mchod rten du grags pa bang rim med pa gdan khri'i steng du bum gdan yan chad bzhugs pa rnams so/
/spyir mchod rten gyi tshad dbyibs nges pa med de mdo sde rnams las sangs rgyas kyi ring bsrel bzhugs pa'i mchod rten dpag tshad kyi rgya khyon gsungs pa dang/ yang mchod rten ni skyu ru ra'i 'bru tsam/ gdugs ni rgya shug gi lo ma tsam/ srog shing ni khab tsam zhes khang bu brtsegs pa'i mdo las bshad pas rang rang gi sems kyi stobs dang 'byor pa'i khyad par la dpag go /'on kyang bzo nyes 'gog pa'i slad du cha tshad kyi lag len gal che bas de'i tshul gtsug tor dri med kyi 'grel pa rgya gzhung du grags pa la bod kyi mkhas pa phal cher dpang po byed cing/ bu ston/ stag tshang lo tsaa/ sprul sku 'phrang kheb dpal ldan bzang po sogs kyis cha tshad kyi bstan bcos mdzad/ de dag gi legs cha bsdus pa mi dbang sangs rgyas rgya mtsho'i cha tshad nyid da lta kun la rgyug che zhing/ dri med kyi (aa: 143 na) lugs de la'ng rmangs dge ba nas tog gi bar cha chen bcu drug gis gzhal ba dang/ sogs khongs nas bad chung yan la cha chen bcu gnyis dngos su bstan/ seng kyi phyin chad mdzes cha btsal bas lugs srol mang du gyur par snang ba de dag dpang gi tshad dang/ dpang gi phyed dang/ dpang gi phyed las cung zad lhag pa rgya tshad du smra ba
Sheja Dzo Chapter 6.1 volume2 (page 285)
sogs snang ngo/
/rje brgyad pas ni dus 'khor ye shes le'u'i tshad las dpags te mchod rten brgyad kyi thig tshad kyad par 'phags pa gsal bar mdzad pa ni nyi ma chen po'i me long du lta'o/
/dir mkho ba'i brda khyad ni/ gdan gyi sa 'dzin theg skas gsum/ /thig gdan seng khri bad chung dang/ /gzungs sa bad chen rmangs dge ba/ /de steng spyi la bang rim bzhi/ /bum rten bum pa bre rten dang/ /bre 'degs padma 'od zer phreng/ /pho 'khor mo 'khor bcas bcu gsum/ /thugs rje mdo gzungs zhu rgya gram/ /gdugs dang char khebs zla phyed nyi/ /nor bu tog dang bcas pa'o/
/'di rnams kyi rnam dag slob dpon shhinta grbha'i mchod rten gyi cha dbye ba las gsungs pa'i don ni/ bad gzungs rjes su dran pa drug /bad chen dge bcu rmangs tshad med/ /yang na de gnyis ldog pa'ng bshad/ /bang rim bzhi po rim pa bzhin/ /dran pa nyer gzhag yang dag spong/ /rdzu 'phrul rkang bzhi dbang po lnga/ /bum rten stobs lnga bum pa ni/ /byang chub yan lag bre 'phags lam/ /rgyu yi chos rnams rnam par dag /srog shing kun rdzob pha rol sems/ /rjes dran bden bzhi zad mi skye/ /shes pa bcu yi ngo bo dang/ /padma thabs dang shes rab ste/ /'khor lo stobs bcu dran nye gsum/ /char khebs thugs rje tog chos sku/ /mchod rten nyid kyi ngo bor bshad/ /rgyan rnams rgyal ba'i yon tan te/ /rdo ring mi 'jigs bzhi dang ldan/ /them skas srung ba med pa bzhi/ /(aa: 143 ba) rgyal mtshan bdud bzhi'i gyul las rgyal/ /me tog phreng ba mtshan dpe 'bar/ /rgyal mtshan bzhi ni bden bzhi'i don/ /dril bu tshangs dbyangs drug cu'i gsung/ /nyi zla ye shes snang ba skyed/ /me long ye shes bzhi dang ldan/ /cod pan chos kyi rgyal srid thob/ /ba dang chos kyi snyan pas khyab/ /'bras bu'i chos rnams dag pa'i/ /sgom mang bden bzhi rnam thar brgyad/ /rten 'brel stong
Sheja Dzo Chapter 6.1 volume2 (page 286)
nyid bcu drug go /glo 'bur khyad par 'phags pa yi/ /rnam par 'phrul pas 'gro don mdzod/ /them skas sangs rgyas gzhan don byon/ /padma 'khor ba'i skyon ma gos/ /bang rim med pa srid pa yi/ /'jug pa bral zhing spros pa med/ /dbyen zlum de rgyu dug gsum dang/ /lto bcad rnam thar brgyad mtshon no/
/zhes so/
/gnyis pa ni/ thun min dus 'khor las gsungs ye shes kyi/ /mchod rten sangs rgyas skyil krung lte ba man/ /bang rim lto 'bur bum gdan dpung pa'i bar/ /bum ldir mgrin pa bre dang mdzod spu'i bar/ /bre gdong de yan chos 'khor tog dang bcas/ /phyi nang gzhan gsum rnam dag gcig tu mthun/ /thun mong ma yin pa'i mchod rten dus kyi 'khor lo las gsungs pa yes shes mchod rten ni/ sangs rgys skyil mo krung du bzhugs pa'i lte ba man chad bang rim/ lte 'bur bum gdan/ de nas dpung pa'i bar bum ldir/ mgrin pa bre dang/ ko sko nas sna rtse mdzod spu'i bar bre gdong/ de nas ral pa'i thor cos gi bar la chos 'khor char khebs tog dang bcas pa ste/ de'ng dpang gi tshad ni sor mo phyed dang bcu gnyis pa phrag lngar stag tshang lo tshaa sogs bzhed pa yongs grags kyi dbang du byas pa ste gsang gnas nas gtsug tor bar gyi 'khor lo lnga'i dag pa dang sbyar/ 'be lo tshe dbang kun khyab ni/ dpang la sor mo lnga bcu dang/ rgya tshad de'i phyed de sor (aa: 144 na) phyed kyis lhag pa'i bcu gnyis pa tshan pa bzhi ni rlung dkyil nas gzugs med bar dpag tshad 'bum phrag bzhi dang sbyar ba phyi 'jig rten gyi dag pa/ rkang mthil nas gtsug tor bar nang rdo rje'i lus la'ng de bzhin du sbyar bas/ gzhan lha'i sku'i dag pa'ng zhar las 'grub par bzhed de/ mdor na phyi nang gzhan gsum po rnam dag phyogs gcig tu mthun pa'o/
/
Sheja Dzo Chapter 6.1 volume2 (page 287)
gsum pa lugs srol khyad par can 'phros su smos pa ni/ khyad par dpal mchog reg pa med pa dang/ /bal yul rang byung mchod rten chen po yi/ /tshad dbyibs sngon byung mkhas rloms ma thos mang/ /thun mong du yongs su grags pa de dag las kyang khyad par du 'phags pa/ dznyaa na bimpa kaa ya/ ye shes gzugs kyi sku'm dpal reg pa med pa'i mchod rten ces 'phags yul lho phyogs rgya mtsho'i 'gram kodku na'i yul mchod rten grong zer ba'i steng gi nam mkhar 'ja' tshon gyi rnam par bzhugs pa yin cing/ mchod rten 'dis khyab pa'i 'og kun ni/ rje sa pann gyis/ tsaa ri tra zhes bya ba'i yul/ /lho phyogs rgya mtsho'i 'gram du yod/ /ces gsungs pa'i tsaa ri tra zhes pa'i yul de yin la/ yul der rdo rje phag mos srid pa gsum gyi chang dgug par grags pa/ sbyar chang dang 'bru chang rnams sbyar thengs re la mang du bsrings nas slar bcud med par song tshe yud tsam re bsnyal nas bzhag na slar gsar par 'gro ba/ de 'dra lan bdun bdun 'byung ba/ dus bzang la lung pa kun chang gi dris khyab pa zhig yod do/
/der mtsho chen po zhig tu 'jam dpal gyi rdo sku chen po nyal thabs su bzhugs pa dzanyaa na kaa ya zer ba zhig yod de/ de gnyis la dus bzang rnams su lhas mchod pa'i rol mo sna tshogs dang/ spos kyi dri dang/ mtshan mor me mar gyi snang ba du ma 'byung ba'ng kun gyi mthong thos su gyur pa yod do/
/mchod rten de yang so skye phal pa rnams kyis kyang mthun snang grub par dus rtag (aa: 144 ba) tu nam mkhar du ba lta bu'i gzugs su gnas pas du ba can gyi mchod rten du grags/ de nyid kyi rnam pa jo nang rje btsun rin po ches ljags bkod ma las rig 'dzin tshe dbang nor bu'i cha tshad kyis gtan la phab pa ste/ mtshon don yang/ them skas skyabs 'gro rim gsum rdor gdan dang/ /gser phye padma pha gu grub mtha' bzhi/ /gdong chen gong 'og bar gsum 'khor dang
Sheja Dzo Chapter 6.1 volume2 (page 288)
bcas/ /rim bzhin dpal mchog thugs gsung sku'i dkyil 'khor/ /bum pa bde gshegs 'phar dang bre 'khor bcas/ /dga' ba bzhi mtshon chos 'khor sa bcu gsum/ /tog ni bde chen sku dang char khebs ni/ /sku gsum dag gi mdzad pa mtshon pa dang/ bum sku chos dang longs spyod rdzogs pa'i sku/ /rta babs kyis ni sprul pa'i sku yanbg mtshon/ /gdong chen 'og ma dpal ldan rgyu skar dal/ /steng gnyis bum sogs chos dbyings gsung dbang gi /dkyil 'khor mtshon par bshad pa gzhan yang yod/ /de lta bas na phan yon yang thun mong theg pa'i lugs dang/ rgyud sde 'og ma'i lugs kyi mchod rten las khyad par du mas 'phags pa dang/ gzhan yang mchod rten 'di gzhugs pa'i sa phyogs su 'bru 'phel ba dang shing 'bras dang bu ram dang chang sogs bza' btung gi tshogs kyis 'byor pa'ng bshad do/
/bal po'i yul gyi padma'i ri bo'm glang ru'i rir rang byung mchod rten chen po rje bo dam pa zhes bya ba/ skye dgu rnams tshe lo stong phrag bdun cur 'tsho ba'i tshe 'dren pa chos kyi rgyal po gtsug tor can 'jig rten du byung ba na/ rin po che'i padma'i snying po'i ze'u 'bru las chos dbyings shesl gyi rang bzhin can du rang byung zhing/ gser thub kyi dus su 'jam dpal gyis chos dpal bshes gnyen rjes su bzung ba'i slad du mchod rten 'dir chos dbyings gsung dbang gi dkyil 'khor sprul pas mchod rten gyi mtshan kyang der chags la/ 'od srung (aa: 145 na) gi dus su grub pa'i slob dpon zhi ba'i dbpal gyis sas gyogs te sbas pa phyis bdag cag gi ston pa 'jig rten du byon pa'i tshe de'i tshul snang bar mdzad pa'i sngon gyi rabs kun mkhyen bstan pa'i nyin byed kyis gsar 'gyur gyis mtshon/ tshad dang dbyibs kyi khyad par sngon byung mkhas par snyems shing rloms pa phal mo ches ma thos pa'ng mang du snang ngo/
/rnying mar dge gnas brgyad kyi mchod rten dang/ theg rim
Sheja Dzo Chapter 6.1 volume2 (page 289)
dgu yi tshad dbyibs la sogs gsungs/ /gsang sngags rnying ma'i rgyud du gong smos dge gnas brgyad kyi mchod rten dang/ byas chub sems dpa'i spyod dbang las theg pa rim fpa dgu so so'i mchod rten gyi tshad dang dbyibs bshad pa la sogs pa bka' gter rnams las rnam grangs mang por gsungs kyang/ rtsa ba gong du smos pa de dag tu 'du la/ gong gi dbye ba la sogs pa rnams kyang 'gro mgon chos rgyal 'phags pa'i zhal slob tsha mo rong pa bsod nams 'od zer gyis mdzad pa'i rten gsum bzhengs thabs yon tan 'byung gnas nyid khungs ldan dang snga shos su snang ba ma zad/ bka' brgyad gsang ba yongs rdzogs kyi mchod rten bzhengs thabs dang don gcig tu snang ba dang/ stag lo'i dpal 'byor rgya mtsho yang gzhi de la brten par snang bas de nyid sor bzhag tu smos pa'o/
/bzhi pa phyag mtshan 'phros don bcas 'chad pa ni/ rdor dril phur bu kha taang la sogs pa'i/ /tshad dang rnam bzhag bya btus sogs su gsal/ /thutt rten du gtogs pa phyag mtshan rnams kyi gtso bor gyur pa rdor dril la yo ga'i bshad rgyud rtse mo nas gsungs pa'i mtshan nyid la phyi dril dang/ dus 'khor/ sdom 'byung/ sambu tti la sogs nas bshad pa la nang dril du snga rabs pa rnams tha snyad mdzad cing/ de'ng gangs dkar rdo rje gdan pa dang mkhas grub dge legs dpal ba sogs kyis rnam gzhag rgya cher mdzad kyang so so'i lugs grags che bas ma smos la/ de gnyis kyi 9aa: 145 ba) khyad stag tshang lo tsaa ba/ rtse lnga dang rtse dgu gang yin kyang rwa rnams chu srin gyi kha nas ma thon zhing padma la gnas pa dang/ mthar rwa'i rtse rnams dbus rwa dngos la ma thug par dbus rwa'i mthar padma 'khor lo la sogs pa'i mtshon byed kyis bskor ba la zug cing/ rwa rnams ba de ra'i tsher ma ltur rno zhing zur dang ldan pa min par zlum por
Sheja Dzo Chapter 6.1 volume 2 (page 290)
gnas pa dang/ dril bu'i tshangs mgo'i 'og tu bum pa'i dod du bug pa yod pa dang/ rdza mar grags pa'i steng gi pad 'dab kyi shar du spyan ma'i sa bon nam phyag mtshan yod pa rnams ni phyi yin la/ de las bzlog cing sgrol ma'i sa bon nam phyag mtshan yod pa ni nang yin no/
/zhes bshad do/
/yo ga'i lugs la rigs lnga'i rdo rje dang dril bu so sor yod cing/ bla med la dus 'khor lugs dang rgyud sde spyi 'gro'i lugs gnyis/ ddaa ma ru'm cang te'u la drwa ba can/ thod pa ltag sprod kyi mtshan nyid dang bzo tshul khud par can/ rgyan drug dang dgang gzar blugs/ rnying ma'i rgyud gzhung rnams las rgya cher gsungs pa'i phur bu rdo rje rtse lnga dang sna tshogs rdo rjes mtshan pa'i khtaang ga rigs gnyis/ sogs khongs nas ral gri/ dgra sta/ rtse gsum gyis mtshon pa'i phyag mtshan gyi tshad dbyibs dang rnam gzhag zhib mor shes pa shin tu gal che'ng 'dir gzhung mang ba'i 'jigs pas ma spros la/ de dag gi tshul rtogs par 'dod na slob dpon rig byin gyis mdzad pa'i bya btus dang/ gosng smos bod gzhung de dag sogs su gsal ba las shes par bya'o/
/rnga sil gar 'chams sogs kyang lus kyi las/ /snang shas dang 'phyor 'dod dbang gis sems kun tu gyeng ba'i rgyu ma yin par dkon mchog mchod pa'i don dang sngags kyi tshul dang 'brel bar rnga che chung/ sbub chol dang sil snyna bskul ba/ gar 'chams stangs stabs la sogs pa rnams kyang lus kyi bzo (aa: 146 na) khyad par can gyi phyogs su gtott te/ de'ng rnga shing gi rgyu/ gyogs kyi tshul/ sbub sil gyi bzang ngan rnams sngon gyi bstan bcos dang dpyad don rnams las 'byung ba ltar shes par bya zhing/ rnga rdung tshul mkhas pa tsndra shriis/ rgya mtsho chen po'i slong mi dkrug/ ri rab gling bzhi mtha' mi bskor/ /ri thang mtshams kyi brag mi gshags/ /ri dwas rgyal po'i gdong mi bsnun/ /ces dang/ lce 'bab brang brdung slong mo'i ===Sheja Dzo Chapter 6.1 volume2 (page 291)===
skad/ /bya phran gshog rdeb mi bskul ba'i/ /tshul brgyad 'og ngos mkhyid gang sor/ /rnga gyog rang ljid nyid kyis ni/ /bskul ma thag tu so sor phral/ /gral la bsgrigs te brdung ba na/ /phan tshun gcig gis gcig non tsam/ /nor bu bstan la brgyus pa ltar/ /mtho dman 'bur khong spang bar bya/ /snyoms shing mdzes par bstar la bsgrigs/ /zhes dang/ zhi ba'i rnga brdung byed pa na/ rnga thabs dal la lhod par brdung/ /rgyas pa'i rnga brdung byed pa na/ /rnga thabs gsal la 'khrol bar brdung/ /dbang gi rnga brdung byed pa na/ /rnga thabs snyan la 'jebs par brdung/ /drag po'i rnga brdung byed pa na/ /rnga thabs drag la myur bar brdung/ /drag brdung rgyun chags byed pa na/ /gnam lcags ltar yang dbab par bya/ /zhes dang so so'i nyams sogs rgyas par bshad pa ltar ro/
/sbub sil yang de nyid kyis/ /pho sgra ding zil ldan par brdung/ mo sgra snyan cing mdzes par brdung/ /phyed ma dwangs khrol chags par brdung/ /zhi la sbrang char zim bu ltar/ /rgyas la rdzi char gyem pa ltar/ /dbang la drag char 'bab pa ltar/ /drag la thog ser 'byin pa ltar/ /zhes sogs dang 'dra dpe bcu gnys kyi sgo nas rnga sgra dang sbyor ba'i tshul bshad pa dang/ 'jam dbyangs bsod nams dbang po'i rol mo'i bstan bcos gcig shes kun grol (aa: 146 ba) las/ spyir gyi rol mo gang dkrol yang/ /dam du bzung bar mi bya zhing/ /brang lag mi sprad man ngag yin/ /dbyug pa lta bur mi phyar zhing/ /ka ba lta bur bsrang mi bya/ /zhes dang/ tsndras/ bar snang mi gyug gdangs mi dgag /brang dang pus mo la mi reg /ces dang/ dpung pa lag ngar tshigs nas lhod/ /lag (pa'i mthil nas 'phrul chags tshad/ /rang ljid kho nas sgra bskul gyis/ /'dab ma'i rtse mo rtsal gyis min/ /cs sogs spang blang gi mtshan nyid dang/ 'jab 'phar 'ur ding snyan rtsub dang/ /phra sbom dwangs
Sheja Dzo Chapter 6.1 volume2 (page 292)
'khrol la sogs pa'i/ /sgra thabs rnam dbye rtogs par byos/ /zhes skabs dang bstun pa'i sgra thabs kyi rnam pa dbye ba la mkhas dgos pa sogs bshad do/
/de bzhin du dus 'khor mkha' 'gro rgya mtsho rdo rje gur yo ga'i rgyud dang rdo rje phreng ba sogs nas bshad pa'i sa bzung ba'i stangs stabs/ mchod pa'i gar gyi bye brag rnams dang/ rnying ma'i sgyur 'phrul khro bo/
tshogs chen 'dus pa sgrub pa bka' brgyad/ khyad par rdo rje phur pa la sbyor ba'i khrag 'thung rtsa 'chams/ brub 'chams kyi rigs/ gzhan yang gsar rnying thams cad la mgon 'chams sogs ji snyed yod pa thams cad spyir gar gyi nyams dgu'i rnam pa dang ldan cing/ khyad par slob dpon tsndras/ lus kyi steng la seng chags dang/ /sked pa la ni 'khril chags dang/ /tshig bzhi la ni 'phrul chags dang/ /bzhag sha la ni lhod chags dang/ /sha 'gyur la ni mer chags dang/ /rnam 'gyur la ni 'gying chags dang/ /spyod pa la ni dal chags dang/ /sgyid pa la ni ldem chags dang/ /rkang mgo la ni bde chags dang/ /kun tu dpa' zhing brjid chags pa'o/
/yang smrs pa/ 'jugs shing rngam pa'i gar (aa: 147 na) rnams la/ /ha cang gsor na skyon yin no/
/'gying zhing mnyen pa'i gar rnams la/ /ha cang btsas chung skyon yin no/
/'khyug cing bde ba'i gar rnams la/ /ha cang rtab rtob skyon yin no/
/dal zhing lhod pa'i gar rnams la/ /ha cang sgyid lug skyon yin no/
/sgeg cing chags pa'i gar rnams la/ /ha cang bsgyur na skyon yin no/
/zhs dang/ gzhan yang spang blang gi bye brag spyi'i gdams pa bcas zhib par bstan pa rnams ni spyir shes dgos la/ bye brag rang rang gi lugs srol 'khrul med rtsa ba'i khungs gang yin pa la mkhas par bslab dgos pa dang/ khyad par sa sar mchod gar rnams ni rgyud dang 'phags yul gyi phyag (bzhes dang 'brel bas khungs dang dgos pa che ba smos ma dgos/ rnying ma'i
Sheja Dzo Chapter 6.1 volume2 (page 293)
khrag 'thung rtsa 'chams su grags pa 'di nyid rgyud gang nas bshad na ye shes rngam glog las/ chos kun mnyam pa'i ngang rtogs nas/ /bsgul zhing bskyod pa thams cad kun/ /phyag rgya yin par dpa' bos gsungs/ rang gi lha yi ting 'dzin gyis/ /stangs stabs 'di la gang gnas pa/ /sangs rgyas nyid kyang skrag 'gyur na/ /dregs pa'i tshogs lta smos ci dgos/ /zhes dang/ thabs kyi zhags pa'i rgyud las kyang phyag rgya bcing tshul de'i dgos pa bcas bstan/ de nyid sgrub pa po'i gang zag lta ba bden pa dbyer med/ lhag pa'i chos sku chen por rtogs shing sgom pa ting nge 'dzin las su rung bas snang spyod lha'i phyag rgyas thebs pa rdo rje'i zlos gar la rang byan tshud pas/ ji ltar sgrub pa'i tshul sgyu 'phrul drwa ba rtsa bshad kyi rgyad/ /'jig rten 'das mdo he ru ka glpo sogs bla na med pa'i rdo rje'i rigs kyi rgyud rnams las bstan pa'i don rgyal po dza: nas mkhas pa mi gsum la brgyud de bod kyi lo tsaa ba rma gnyags/ dpal gyi bu brgyad/ gnubs dang zur nas 'dar la bka' babs shing/ mthar (aa: 147 ba) gsang chen bstan pa'i mnga' bdag smin gling sku mched nas rgyas par mdzad cing/ lo chen rin po ches 'chams yig kun bzang rol pa mdzad de legs par gtan la phab pa 'di la/ dkyil 'khor gyis cho ga dang 'brel ba'i khrag 'thung rtsa 'chams dang/ drag po'i las sbyor dang 'brel ba'i dgra bgegs brub 'chams gnyis/ dang po la don tshan bcu gsum gyi thog mar rang lus la bgegs kyis mi tshugs pa'i phyir lha'i nga rgyal gyis byin gyis brlabs pa'i chas gos bgo zhig phyag mtshan bzung/ gnyis pa lha srin gyi zer mi ldang ba'i phyir gser skyems bsngo/
gsum pa gsang sgrogs kyi nyes pa spang ba'i phyir snod bcud dkyil 'khor du gsal bas lus 'gyur thun mong du gces pa'i yan lag bcu/ phyag rgya la mkhas pa gsum/ lus rgyan dpe gsum dang mthun dang mthun pa'i yon tan
Sheja Dzo Chapter 6.1 volume2 (page 294)
dang ldan pas dkyil 'khor gyi sa gzhir 'gro/
bzhi pa rigs dang mthun pa'i rang gnas su 'dug lnga pa slob dpon 'khor lo'i mgon por bskyed la gzhan sras kyi bya bas dkyil 'khor rdzogs par spros la bskur brlab drang bstim mtshod bstod bya/ drug pa phyogs kyi slob ma rnams rigs bzhi'i yum du byin brlab/ bdun pa phyogs bzhi'i yum gyis mchod bstod sngon du 'gro bas dkyil 'khor bshad par gsol ba gdab/ brgyad pa slob dpon gyis mkha' khyab kyi rgyal ba rnams kyi thugs dam bskul/ dgu pa zhe sdang rdo rje'i gar gyis bka' bsgo zhing bgegs bskrad/ bcu pa dkyil 'khor lha'i stangs stabs kyis sa bzung ba la/ 'chams bskor gsur dang chos dbyings bskyed/ /dbang sdud mkha' 'khro dpa' bskyed dang/ /nyams pa'i bla 'gugs dam can 'bod/ /nam mkha' bar snang sa gzhi gsum/ /'khor lo rtags brgyad padmor brlab/ /rdo rje phyed rkyang sngags gsum gyis/ /sa btsal (aa: 148 na) 'dul zhing rlob pa'o/
/zhes pa ltar sngon 'gro'i stangs stabs bcu gnyis kyis spyir rlob/ mkha' rlung rakta zhing chen dang/ /keng rus me dkyil gzhal yas khang/ /zhes rten bskyed pa bdun/ /gtso bo dang ni rigs bzhi dang/ /rigs lnga'i yum dang go rii brgyad/ /sii ha ma brgyad sgo ma bzhi/ /dbang phyug ma dang phra men gyi/ /bam len dpal chen stobs 'chams so/
/zhes pa'i nang tshang gtso bo dpal chen po'i 'gying 'chams nang gses dgu dang bcas pas brten pa bskyed pa ste dngos gzhi so so'i stangs stabs kyis bre brag tu byin brlab/ bcu gcig pa phyogs bcu'i bgegs la phur bus gdab/ bcu gnyis pa rtag chad kyi mtha' bsal/ bcu gsum pa bsngo smon dang shis pa brjod pas mtha' brgyan pa'o/
/de ltar bgyis pas rdo rje'i lus kyi spyod pa la brten nas tshogs gnyis rlabs po che spel zhing las dang dngos grub bde blag tu 'grub par byed pa'i thabs rmad
Sheja Dzo Chapter 6.1 volume2 (page 295)
du byung ba yin la/ brub 'chams la'ng drag po'i las dang 'brel ba'i tsham rngams kyi stangs stabs dgos pa khyad 'brel can snang yang 'dir ma spros la/ sa lugs kyi phur pa'i rtsa 'chams kyang dpal ldan bla ma dam pa'i skabs su 'di nyid kha bsgyur ba yin pa dang/ bkra shis zur mang gi bde mchog tshogs gar chen mor grags pa'i gar sna sum brgya drug cu pa 'di'ng te lo sangs rgyas kyi rnam 'phrul drung rma se blo gros rin chen la chos rje de bzhin gshegs pa 'khor lo sdom pa dngos kyi skur bzhengs nas yud tsam gcig la stsal bar yang grags shing/ sangs rgyas zhig chen gyi ye shes kyi skus rjes su bzung ste shin tu rgyas par stsal ba'i byin rlabs kyi sgo chen po ldan pa dang/ gu ru chos kyi dbang phyug dag pa'i snang bar zangs mdog dpal rir slob dpon chen po'i spyan sngar byon pa'i tshe ji ltar mjal zhing rjes su gdams pa stsal ba'i don (aa: 148 ba) ma nor ba tshes bcu'i gar 'chams yongs su grags pa 'di'ng tha na dud 'gro yan chad gang gis mthong tshad slob dpon chen po'i gdul byar 'gyur ba'i phan yon dan ldan par gsungs pas mtshon thams cad la'ng dgos pa dang ldan pas rang rang gi lugs srol phra mo tsam yang ma 'chug par bya dgos so/
/gnyis pa lus bzo phal pa bshad pa ni/ phal pa khang khyim gru gzings gos rgyan zas/ /gzhom dang srung ba'i 'phrul 'khor go mtshon sogs/ /lus kyi bzo phal pa ni/ rgyal po'i pho brang sogs khang pa brtsegs pa dang khang mig lnga brgya pa/ sskye pho'i khang khyim/ rgya mtsho chen por bgrod pa'i gru gzings chen po/
rgya gar bal po rgya nag sogs kyi chu la bgrod pa'i gru chung/ pho mo'i gos dang rgyan gyi khyad par/ bza' btung gi gyos sbyor ba rnams dang/ gzhan yang pha rol gyi dgra gzhom pa'i ngo mtshar gyi sbyor ba bsdus pa'i rgyud las bshad pa/ thang rdzong gzhig pa rdo'i 'phrul 'khor te sgyogs/ chu rdzong 'joms pa gru'i
Sheja Dzo Chapter 6.1 volume2 (page 296)
'phrul 'khor/ ri rdzong 'joms pa me'i 'phrul 'khor/ ral gri 'khor ba gri gug gi 'phrul 'khor/ rtse mo 'byed pa rlug gi 'phrul 'khor/ rtsig pa 'jig pa gur gyi 'phrul 'khor/ go cha 'jig pa lcags mda'i 'phrul 'khor rnams dang/ rang phyogs srung bar ral gri'i 'phrul 'khor/ rgyal rigs 'thab pa shing rta'i tshad/ ltad mo la 'gro ba'i don du khang bzang gi mtshan nyid/ dga' ston gyi don du khyogs kyi mtshan nyid/ ldum rar bcu ba'i don du chu gyen tu 'dren pa'i 'phrul 'khor sogs dang/ gzhan yang khrab rmog phub sogs go cho dang/ mda' gzhu ral gri sogs mtshon cha'i rigs bzo ba'i blo gros dang/ lag pa'i rtsal rnams so/
/gnyis pa ngag bzo la'ng gnyis/ mchog dang/ phal pa'o/
/dang po ni/ ngag bzo mchog gyur rtsod (aa: 149 na) 'chad rtsom pa dang/ /ngag bzo rnams kyi nang nas mchog tu gyur pa ni/ gzhan gyi log rtog 'joms pa'i rtsod pa dang/ gdul bya rjes su 'dzin pa'i 'chad pa dang/ bstan pa gsal bar byed pa'i rtsom pa dang gsum yin te/ de dag kyang so so'i skyon rnams dang mi ldan cing yon tan rnams tshogs pas gzugs brnyan tsam du ma song ba dgos so/
/lhan skyes rol mo 'dren bkug sgyur dang ltengs/ /ljon pa me tog 'khri shing chu klung zla/ /gnad gsum sngon 'gros skyon drug rgyu lnga spang/ /chen po drug sogs skabs su babs par blang/ /blob dpon tsandra shriis dbyangs kyi bstan bcos blo gsal mgul rgyan las/ nyams ldan ngag gi rig byed kyis/ /'phags pa mchod dang sems can don/ /byed dang dngos grub rnam gnyis rgyu/ /zhes bshad pa ltar dgos pa dang ldan pa'i lhan skyes rol mo ste dbyangs kyi bye brag dkon mchog mchod pa'i dbyangs 'dul ba las kyang/ dang por ston pas glu gar dang rol mo'i sgra sogs byed pa bkag pas sangs rgyas kyi bstod tshig la
Sheja Dzo Chapter 6.1 volume2 (page 297)
sogs pa'i kha ton rnams cal col ram rom du gyur/ de la mu stegs sogs kyis 'phyas shing khyim pa rnams ma dad pa la brten nas/ khyim bdag mgon med zas sbyin gyis ston pa la zhus/ de'i tshe ston pas dkon mchog mchod pa'i don du dbyangs kyi nga ro bya bar rjes su gnang ba la/ dbyangs kyi nga ro ji ltar bya ma shes par slar zhus pas/ bram ze rig byed 'don pa lta bu'i gdangs kyis 'don par gsungs/ sngags kyi skabs lo chen rin chen bzang po nas dar ba'i yo ga'i gdangs dang/ mgon po lcam dral gyi gdangs dbyangs che chung/ sngags rnying ma'i rig 'dzin rnams kyi gsung rgyun bar ma chad pa rnams ni snga shos yin a/ phyis su grub mtha' so sor grags pa rnams kyang dgos pa dang (aa: 149 ba) ldan pa 'ba' zhig yin te/ de dag spyir bslab pa'i gnas/ slob pa'i slob dpon/ bslab yul slob ma/ ji ltar slob pa'i tshul/ skyon dang yon tan sogs 'dir ma smos la/ bslab bya'i dbyangs kyi ngo bo nga ro rnam pa bzhi/ yan lag bcu gnyis/ spel ma'i sbyor ba mtha' yas par 'gyur zhing/ de'ng nga ro bzhi las gang gis 'dren pa la'ng lnga/ a zhes drang po/
e bsgreng ba/ i bkug pa/ o bstod pa/ u zhes smad pa'i nga ros drangs pa'o/
/khug gis bkug pa la rgyang pa dang brtsegs pa/ nyis 'gyur gyis bsgyur ba la mgrin bsgyur/ lci bsgyur/ sna ldan bsgyur gsum/ ltengs kyis ltengs pa la ring ba dang thung ba'i ltengs gnyis te/ de dag kyang/ sa skya pann chen gyis/ mchod dbyangs bsgyur ba gtso bo ste/ /glu la 'dren pa gtso bo yin/ /rtogs brjod la ni 'gyur thung ngo/
/rjes su brjod la bsgyur 'dren thung/ /spyir ni kun la kun 'jug kyang/ /'di dag gtso bor 'dren pa mthong/ /zhes gsungs pa ltar ro/
/de'ng rtogs sla ba'i phyir dpe dang sbyar na/ 'dren pa gtso bor byed pa la dpag bsam ljon shing/ bkug pa gtso bor byed pa la me tog 'khri
Sheja Dzo Chapter 6.1 volume2 (page 298)
shing/ lteng gtso bor byed pa la dbus zhan pas chu klung dal gyis bgrod/ 'gyur khug mang ba la rgya mtsho'i zla ba zhes bshad do/
/thams cad kyang spobs pa'i gnad/ dus kyi gnad/ sbyangs pa'i gnad gsum sngon du 'gro bas yengs pa sogs blo'i skyon/ zur ma phyin pa sogs tshig gi skyon/ 'phel 'grib sogs gdangs kyi skyon/ ya yo sogs lus kyi skyon/ mi 'grig pa grogs kyi skyon/ smra dgod sogs nyan pa po'i skyon te drug dang/ gzhan yang/ tshig la rmongs na brnyas pa'i rgyu/ /dbyangs sbyor med na bzhad gad rgyu/ /dus tshod med na (aa: 150 na) skyo ba'i rgyu/ /dgos pa med na sdig pa'i rgyu/ /mkhas pa 'du zhing mang pos bskor/ /grogs po ngan zhing 'gran zla mang/ /sbyangs pa chung zhing spobs pa zhan/ blo gros ngan pa sdug pa'i rgyu/ /zhes pa ltar sdig pa 'byung ba'i rgyu lnga spangs/ ji skad du/ chen po drug la ma gyer na/ /yo ga dbyangs kyi bstan pa nub/ /ces gsungs sshing/ chen po drug ni/ slob dpon tsandras/ chen po drug la gyer bar bya/ /sgrub mchod dbang bskur rab tu gnas/ /dus mchod gshin don sbyin sreg rgyas/ /zhes pa ltar skabs su bab pas blang ngo/
/tshogs su seng ge'i nga ro la sogs pa/ /khyad par bcu gnyis gzhan yang 'tshams par sbyar/ /skabs su babs pa ji ltar blang na/ tshogs su yin pa'i dbyangs skad gzengs mtho bar dgos pas seng ge'i nga ro zhes bya ba dang/ sogs khongs nas len tshul gyi khyad par bcu gnyis dang/ gzhan yang ji ltar 'tshams par sybar dgos te/ ji skad du/ tshogs su seng ge'i nga ro ste/ dben par bung ba rol ba'i tshul/ /mkhas pa'i 'dun sar ne tsho'i dbyangs/ /rma bya 'jol sgeg rmongs nang du/ /skyo tshe dang ba kun 'dren pa/ /rjes su dga' la 'dod lha'i mda'/ /mchod la dga' ba'i me tog ste/ /ba tshwa'i chu klung sdig sbyong la/ /rang phyogs bstod na lha yi rnga/ /pha rol smod na 'khor zil gnon/ /
Sheja Dzo Chapter 6.1 volume2 (page 299)
kun tu snyan pa dri za'i dbyangs/ /spel ba me tog phreng ldan yin/ /de la sott pa'i rnam pa yis/ /spel ba'i khyad par legs brtags te/ /dbyangs kyi sbyor ba gzhan la yang/ /ji ltar 'tshams par sbyar ba bya/ /zhes bshad pa ltar ro/
/dkyus su nyer bar mkho ba'i mtshan nyid mdor bsdu na/ 'degs dang 'jog dang sbom dang phra/ /grim dang lhod du 'gyur (aa: 150 ba) dang ldem/ /snyan gsang gcod sbrel bcu gnyis so/
/zhes pa ste/ de dag kyang tsandras/ ring yang mgo lus 'tshams pa dang/ thung yang yan lag rdzogs pa'o/
/brjid dang ldan yang sgeg chags pa/ /snyan yang rus pa ma shor dang/ /gyong yang skabs su khugs pa dang/ /dig kyang tshig gi go gsal dang/ /mgrin pa mang yang skad cig dang/ /skad cig nga ro du mas brgyan/ /mdor na blun po yid 'dzin cing/ /mkhas pa dgyes pa bskyed pa'o/
/yon tan mchod 'os thams cad mnyes/ /ya rabs dang 'dren dman pa mgu/ /zil chags mang po'i dbus na brjid/ /mkhas pa'i yid 'phrog kun gyis bsngags/ /dgra bgegs 'byer zhing dngos grub 'du/ /'di las bden 'bras 'byung bar nges/ /zhes gsungs pa'i mtshan nyid dang ldan par bya'o/
/gnyis pa ni/ phal pa glu dang gling bu gral 'phros sogs/ /ngag bzo phal pa ni/ dga' ston gyi skabs khrom gyi dbus su glu gzhas kyi sbyor ba 'dod pa dang nor gyi gtam la sogs pa lugs gang gi'ng don dang 'brel zhing gdangs snyan pa'i glu len pa la spa ba/ kha gshags 'gyed pa sogs kyang don bzang la thogs pa med pa dang/ gling bu pi wang rdza rnga dang/ /mkhar rnga rnga zlum rnga bo che/ /rnga phran cha lang ka na ddi/ /dung dang rgyud mngas la sogs pa/ /ji snyed sil snyan sbyong bshad pa/ /de snyed la ni mkhas par bya/ /zhes gsungs pa ltar rnam par rtse ba'i rol mo'i sbyor ba rnams dang/ 'bel gtam mam gral 'phros skad che la sgra dag pa/ don bzang
Sheja Dzo Chapter 6.1 volume2 (page 300)
la tshig gi skyon gyis ma bslad pa la sogs pa rnams so/
/gsum pa yid bzo la gnyis/ mchog dang/ phal pa'o/
dang po ni/ yid bzo mchog ni legs gsung thos bsam sgom/ /yid kyi bzo gnas su gyur pa mchog gam khyad par can ni/ (aa: 151 na) legs par gsungs pa'i bka' dang/ de'i dgongs pa 'grel bar byed pa'i bstan bcos khyad par du 'phags pa rnams la dang po thos pas blang dor gyi mig phyed pa/ bar du legs par bsam pas the tshom gyi sgro 'dogs chod pa/ tha ma tshul bzhin bsgoms pas gnas lugs kyi don gtan la pheb pa rnams so/
/gnyis pa ni/ phal pa rig gnas bco brgyad sgra tshad sogs/ /sa gzhi rin chen ljon shing rta glang gter/ /pho mo brtag pa brgyad dang thun mong du/ /lugs kyi bstan bcos sgyu rtsal drug cu bzhi/ /sde bzhi la sogs rnam grangs ci snyed do/
/yid bzo phal pa ni/ mdzod kyi rang 'grel du/ rol mo 'khrig thabs 'tsho tshis grangs dang sgra/ /gso spyad chos lugs bzo 'phongs gtan tshig dang/ rnal 'byor thos pa dran pa skar ma'i spyad/ /tshis mig 'phrul 'khor sngon rabs sngon byung rigs/ 'di dag rig pa'i gnas chen bco brgyad yin/ /ces bshad pa rnams dang/ gong du smos pa'i sgra dang tshad ma la sogs pa rnams dang/ brtag pa brgyad du grags pa/ sa gzhi dang chu brtag pa slob dpon du ha ras byas pa'i 'bum dkar nag khra gsum gyi rgyud la sogs pa lta bu dang/ rin po che brtag pa pannddi ta ma haa o ssha dhis mdzad pa'i bstan bcos dang/ de las 'phros nas bod du byas pa dpyad don pad dkar chun po sogs snga phyi du mar byung ba rnams dang/ mi'i nor bu gsang sngags nang gi shung bzed ka paa la'ng der gtogs pas de'i tshul rgyud chen sdom pa 'byung ba sogs las gsal bar gsungs pa ltar bod kyi mkhas pa rnams kyi yig cha dang/ rgyud bam ri thod mkhar/ sger rgyud dur
Sheja Dzo Chapter 6.1 volume2 (page 301)
khrod thod nag lung lha mo gnas mkhar sogs la brten pa'i man ngag gter ma'i phyogs las kyang 'byung ba rnams dang/ lzon shing dang glang po brtag pa bod du ma 'gyur la/ sa (aa: 151 ba) 'og gi gter brtag pa'ng rgyud sde 'ga' zhig las phyogs mtshon gsungs pa tsam las rgya gzhung khungs thub ma 'gyur/ rta brtag pa drang srong gis byas pa'i sha li ho tra dang/ gru gu seng mdo 'od chen gyis bsgyur ba'i me long skor gsum dang/ rgyal po khri srong lde'u btsan la sott pa rje blon bcu gsum gyis byas pa'i bstan bcos so so ba rnams dang/ mi dpyad thor bu dang khyad par rgyud sde las bshad pa'i rnal 'byor pho mo brtag pa/ gsang sngags rnying ma'i mkha' 'gro brtag 'bum las bshad pa'i bud med brtag pa bcas brgyad dang/ shes rab sdong bur/ mi yi chos lugs legs spyad na/ /lha yul 'gro ba thag mi ring/ /lha dang mi yi them skas la/ /'dzegs na thar pa gam na yod/ /ces gsungs pa ltar gtsug lag gnyis kyi thun mong rtsa ba'm thog mar 'jug pa'i gzhi lugs kyi bstan bcos bshes pa'i spring yig shes rab brgya pa/ shes rab sdong bu/ skye bo gso thig tshigs su bcad pa'i mdzod/ tshigs su bcad pa brgya pa/ dri ma med pa'i dris lan/ tsa na ka'i rgyal po'i lugs kyi bstan bcos ma su rakshas mdzad pa dang/ de dag thams cad kyi snying po bsdus pa sa skya'i legs bshad/ gzhan yang bod du rgyal ba te ne dang 'brom ston pas mdzad pa'i lha chos mi chos gnad kyi phreng ba sogs la'ng mkhas par bya dgos pa dang/ gzhan yang sgyu rtsal drug cu rtsa bzhi ni/ bye brag rtogs byed du/ bzo la sogs par gtogs pa sum cu ni/ yi ge lag rtsis/ grangs/ rtsis chen/ thor tshugs/ gom stabs/ lcags kyos bsgyur thabs/ ral gri'i thabs/ zhags pa gdab pa/ mda' bo che 'phen pa/ mdun du bsnur ba/ phyir bsnur ba/ bcad pa/ dral ba/ dbug pa/
Sheja Dzo Chapter 6.1 volume2 (page 302)
rgyang nas 'phog pa/ sgra grags par 'phog pa/ gnad du 'phog pa/ (aa: 152 na) mi tshor bar 'phg pa/ tshabs che bar 'phogs pa/ mchongs pa/ gyad kyi 'dzin stangs/ bang/ rkyal/ brgal ba/ glang po che'i gnyar zhon pa/ rta la zhon pa/ shing rta'i thabs/ mda' gzhu/ gyad stobs dang sum cu'o/
/rol mo'i bye brag bco brgyad ni/ gar mkhan/ bro/
rnga bo che/ rdza rnga/ rnga phran/ rnga chen po/
'khar rnga/ pi wang rgyud gcig pa/ rdza rnga kha gcig pa/ lcags kyi sil khrol/ 'khar ba'i sil khrol/ pi wang rgyud gsum pa/ rnga mu kunda/ sil snyan glu dbyangs dang bstun pa/ pheg rdob/ rol mo'i sgra/ pi wang/ gling bu dang bco brgyad do/
/glu dbyangs kyi nges pa bdun ni/ bar ma/ drang srong/ sa 'dzin/ drug ldan/ lnga pa/ blo gsal/ 'khor nyan dang bdu no/
/gar gyi cha byad dgu ni/ sgeg pa/ dpa' ba/ mi sdug pa/ drag shul/ bzhad gad/ 'jigs rung/ snying rje/ rngams pa/ zhi ba dang dgu'o/
/zhes bshad cing/ slob dpon tshul khrims bskyangs kyis lung phran tshegs kyi rgya cher 'grel du'ng de dang 'dra min gsungs pa la sogs pa rnams bzo gnas phal pa gtso bor yid sngon du 'gro ba'i bya ba can yin la/ de thams cad kyang bsdu na sde bzhir 'du ba yin te/ de la nor ram don gyi sde ni thos pa la sogs pa dang/ rdzas kyi dngos po tshong dang rin po che la sogs pa longs spyod brtson pas sgrub cing/ bsags pa rnams bsrung ba'o/
/'dod pa'i sde ni/ ngan 'gro ma yin pa lha mi sogs kyi 'dod pa'i yon tan yul la nye bar spyod pa'o/
/chos kyi sde ni/ mngon mtho mtho ris gsum dang/ nges legs byang chub gsum gyi rgyu ste dkar po'i chos mtha' yas pa'i/ thar pa'i sde ni/ sdug bsngal rgyu bcas las ldog pa'i theg pa gsum gyi byang chub bo/
/dang po gnyis 'khor ba'i dbang du byas te/ 'dod pa don du gnyer ba dag de'i rgyur nor sgrub pa dang/ phyi ma gnyis myang
Sheja Dzo Chapter 6.1 volume2 (page 303)
'das kyis dbang 9aa: 152 ba) du byas te/ thar pa don gnyer rnams chos sgrub pa la brtson pa'i phyir rgyu 'bras gnyis kyi tshul du gnas pa'o/
/sogs khongs nas shes bya'i rnam grangs ji snyed thams cad yid kyi bzor 'dus te/ kun mkhen dri med 'od zer gyis/ 'gro ba drug dang skye ba rnam pa bzhi/ /bzhi drug dus bcu dngos po bcu bdun dang/ /yo byad bcu bzhi rjes su spyod pa brgyad/ /.'jig rten spyod bcu gtam ni rnam pa gsum/ /nyes rtsom nyer gnyis de bzhin sems can rigs/ /drug cu rtsa gsum dus brgyad 'jug pa bzhi/ /'tsho ba drug dang kun nas bsrung ba drug /nga rgyal bdun dang rgyas pa rnam pa bdun/ /tha snyad bzhi dang tha snyad mang po'i gzhi/ /mkhas pa drug dang bka' yi dngos po dgu/ /'khor gyi dngos po brgyad la sogs par grags/ /zhes pa la sogs pa gsungs so/
/bzhi pa gso ba rig pa bshad pa la gnyis/ dgos pa dang 'brel ba'i bshad bya ngos bzung/ gso rig dngos kyi tshul bshad pa'o/
/dang po ni/ lus srog gso ba'i rig pa kun gyi bcud/ /pal ldan rgyud chen bdud rtsi snying po'i lus/ /rten lus dang brten pa srog bcas mi na bar gnas shing na ba gso bar byed pa'i rig pa ston pa'i gzhung lugs mtha' yas kyang/ de dag thams cad kyi bcud/ dpal ldan bdud rtsi snying po yan lag brgyad pa gsang ba man ngag gi rgyud chen po zhes bya ba/ go sla/ don bzang/ yan lag brgyad kyi don rdzogs par ston cing mchog dman kun la phan pa rlabs su che bas bod du 'gyur ba'i bka' dang bstan bcos rnams kyi nang nas ngo mtshar rmad du byung ba 'di'i lus rnam par gzhag pa rags pa cam shes na/ gso dpyad kun gyi don bde blag tu mthong bar 'gyur bas mdo tsam bshad par bya ba yin no/
/gnyis pa la gnyis/ rgyud bzhi'i lus mdor bstan/ gso ba'i tshul
Sheja Dzo Chapter 6.1 volume2 (page 304)
bzhi rgyas par (aa: 153 na) bshad pa'o/
/dang po la bzhi/ rtsa rgyud/ bshad rgyud/ man ngag /phyi ma'i rgyud kyi lus mdor bstan pa'o/
/dang po ni/ rtsa ba gnas lugs ngos 'dzin gso ba ste/ /rtsa ba thugs kyi rgyud du/ gnas lugs nad gzhi/ ngos 'dzin rtags/ gso byed thabs kyi rtsa ba gsum/ dang po la rnam par ma gyur pa lus chu lta bu dang/ rnam par gyur par nad chab rom lta bu'i sdong po gnyis/ lus kyi yal ga nad dang lus zung dri ma gsum/ nad la srog 'dzin sogs rlung lnga/ 'ju byed sogs mkhris pa lnga/ sten byed sogs bad kan lnga/ sha khrag tshil rus rkang dang khu ba ste dwangs ma bdun/ bshang gci rngul ba'i dri ma gsum ste lo 'dab nyi shu rtsa lnga/ nad kyi yal ga rgyu rkyen 'jug sgo rten gnas rgyu lam ldang dus 'bras bu ldog rgyu mdor dril bcas dgu/ rgyu dug gsum/ rkyen dus gdon zas dang spyod lam bzhi/ sha pags rtsa rus don snod de 'jug sgo drug gnas lus kyi stod smad bar gsum/ lus zung dri ma dbang po don snod lnga po so sor rlung mkhris bad kan rgyu ba'i lam bco lnga/ na so gsum yul gsum dus gsum ste ldang dus dgu/ 'tsho ba gsum zad pa sogs 'bras bu srog gcod kyi nad dgu/ rlung mkhris bad kan zhi ma zhi gnyis gnyis bzhi ru ldog pa'i rgyu bcu gnyis/ de dag mdo don dril ba tsha grang gnyis su 'dus pa ste lo 'dab drub cu rtsa gsum/ gnyis pa la lta reg dri ba'i sdong po gsum/ lta ba'i yal ga lce dang chu la lta ba gnyis/ de re re la nad gsum gyis dbye bas lo 'dab drug reng pa'i yal ga nad gsum dang lo 'dab de mtshungs gsum/ dri ba'i yal ga slong rkyen na lugs goms pa'i sgo nas dri ba gsum/ yang la rtsub pa/ rno zhing tsha ba/ lci la snum pa'i zas dang spyod lam gyis rim bzhin rlung mkhris bad kan slong ba sogs dri
Sheja Dzo Chapter 6.1 volume2 (page 305)
ba'i dbye bas lo 'dab nyi shu rtsa dgu/ gsum pa la zas (aa: 153 ba) spyod sman dpyad kyi sdong po bzhi/ zas kyi yal ga zas gsum skom gsum ste drug rlung zas bcu bzhi/ mkhris zas bcu gnyis/ bad kan zas skom dgu ste lo 'dab sum cu so lnga/ spyod lam gyi yal ga rang rang dang sbyar ba'i gnyen po gsum/ re re la gnas dang spyod lam gyis dbye ba'i lo 'dab drug sman gyi yal ga rlung sman sogs gsum la ro nus gnyis gnyis dbye bas drug rlung la khu ba dang sman mar/ mkhris par thang dang cur ris/ bad kan la ril bu tres sam ste zhi byed drug rlung 'jam rtsi/ mkhris pa bshal/ bad kan skyugs kyis sbyong ba ste/ sbyong byed gsum bcas dril bas bco lnga/ rlung la ro mngar skyur lan tshwa gsum/ nujs pa snum lci 'jam pa gsum sogs gzhan gnyis la'ng de bzhin sbyar bas bco brgyad/ khu ba gsum/ /sman mar lnga/ thang dang phye ma bzhi bzhi/ ril bu gnyis/ tres sam lnga/ sbyong byed snga ma la gsum/ bar ma la bzhi/ phyi ma la gnyis te dril bas dgu/ snga phyi bsdoms pas lo 'dab lnga bcu tham pa/ dpyad kyi yal ga rlung mkhris bad kan gyi dpyad gsum/ snga ma la bku mnye dang hor gyi me btsa' gnyis/ bar ma la rngul dbyung gtar ga chu'i 'phrul 'khor/ phyi ma la dug dang me btsa' bcas lo 'dab bdun te/ mdor na gso yul nad gzhi la rnam grangs brgyad cu rtsa brgyad/ ngos bzung brtag pa la sum cu so brgyad/ gso byed gnyen po'i thabs dgu bcu rtsa brgyad kyi nang du gso ba rig pa'i don ma lus pa gtan la dbab nas mya ngan med pa'i ljon shing gi dpe dang sbyar bar mdzad de/ de ltar legs par shes shing lag tu blangs pas nad med pa dang tshe ring ba gnyis me tog chos dang nor dang bde bas 'byor pa 'bras bu'i mthun dper sbyor ba ni rygud nyid las/ rtsa ba gsum las (a: 154 na) 'dril ba'i sdong po dgu/ /gyes pa'i yal ga bzhi bcu rtsa
Sheja Dzo Chapter 6.1 volume2 (page 306)
bdun te/ /lo 'dab nyis brgya rtsa bzhir rgyas pa yin/ /gsal ba'i me tog 'bras bu lnga ru smin/ /'di dag rtsa ba'i rgyud kyi sdom du bshad/ /ces gsungs so/
/gnyis pa ni/ /gso bya gso byed gso tshul gso bas bshad/ /bshad pa sku yi rgyud kyi bstan bya gso rig thams cad tshul bzhir dril ba ni 'og tu cung zad 'chad par 'gyur ro/
/gsum pa ni/ lus dang byis pa mo nad gdon mtshon dug /rgyas pa ro tsa'i man ngag yan lag brgyad/ /man ngag yon tan rgyud le'u dgu bcu rtsa gnyis yod pa las/ lus kyi bcos le'u bdun/ byis pa dang mo nad la gsum gsum/ gdon dang mtshon rma la lnga lnga/ dug la gsum/ rgas pa gso ba'i thabs bcud len la gcig ro tsa dang de'i yan lag bud med btsa' srung gi thabs la gnyis bcas kyis gso byed gnyen po'i man ngag rdzogs par bstan pa ste/ spyir lus la sogs pa de rnams gso yul gyi yan lag brgyad du yongs su grags shing/ gso dpyad che chung thams cad de las 'phros pa sha stag go/
/bzhi pa ni/ nad dang gnyen po thabs su phyi mar dril/ /rgyas par bshad pa de dag gso yul gyi nad/ gso lbyed gnyen po gso ba'i thabs gsum zhes phyi ma phrin las kyi rgyud du lag len snying por dril nas bstan te/ de'ng gso yul nad la rgyas par stong dang nyis brgya/ bsdu na kun brtags gdon/ ltar snang 'phral/ yongs grub tshe/ gzhan dbang sngon las kyi nad bzhi po re re la brgya dang gcig ste/ bsdoms pas bzhi brgya rtsa bzhi/ de las kyang bcos dgos shing bcos su yod pa yongs grub tshe'i nad brgya rtsa gcig gso byed gnyen po la stong dang rtsa gnyis/ mdor bsdus pas sman dpyad zas spyod bzhi/ sman la zhi byed sbyong byed gnyis/ zhi byed la bsil drod/ sbyong byed la drag dang
Sheja Dzo Chapter 6.1 volume2 (page 307)
'jam pa gnyis/ dpyad la 'jam rtsub (aa: 154 ba) gnyis/ zas la phan gnod gnyis/ spyod lam drag dal gnyis te mdor dril ba'i gnyen po bcur gsungs so/
/gos thabs lag len sum brgya drug cu/ mdor bsdus brtag thabs gso tshul bcos thabs gsum/ dang po la reg pa rtsa/ mthong ba chu la brtag pa gnyis/ gnyis pa gso tshul rnam pa dgu/ gsum pa la/ zhi byed thang phye ril bu sde gu sman mar thal sman khanda sman chang sde tshan brgyad/ de'i log gnon rin po'i che'i sbyor ba/ thug phrad sngo sbyor gyi sde/ sbyong byed sngon 'gro snum 'chos/ bshal skyugs sna sman 'jam rtsi ni ru ha ste dngos gzhi las lnga/ log gnon rtsa sbyong ste bdun/ dpyad la gtar sreg dug lum byugs pa/ log gnon thur ma'i dpyad bcas nyi shu rtsa gsum/ thal sman sogs phyi ma lnga zhi byed rtsa ba'i sde tshan lngar 'dus pas lag len bco brgyad kyi grangs su dril ba yin no/
/gnyis pa gso ba'i tshul rgyas par bshad pa la gnyis/ mdor bstan/ rgyas bshad do/
/dang po ni/ gso bya gang phyir lus dang gang gso nad/ /gso byed spyod lam zas sman dpyad rnams te/ /gso thabs nad med gnas dang rnam gyur gso/
/gso mkhan rtsa ba yan lag bcas pas bsdus/ /gong du smos pa'i bshad pa'i rgyud kyi sdom nyid gso rig spyi'i mdo chings chen yin pas de nyid cung zad bkrol na/ gso bya'i yul la gang gi phyir gso ba lus/ gang zhig gso ba de las 'byung ba'i nad gnyis/ gso byed kyi gnyen po spyod lam zas sman dpyad dang bzhi/ nad de gnyen pos ji ltar gso ba'i tshul lam thabs la nad med ring du gnas pa dng/ rnam gyur gso ba'i thabs gnyis/ gso byed kyi mkhan po sman pa rtsa ba bzhi la yan lag bcu gcig ldan pa dang bcas pas gso rig gi lus yongs su rdzogs pa bsdus so/
/
Sheja Dzo Chapter 6.1 volume2 (page 308)
gnyis pa la (aa: 155 na) bzhi/ gso bya/ gso byed/ gso thabs/ gso mkhan no/
/dang po la gnyis/ lus dang/ nad do/
/lus la rgyu rkyen rtags kyis chags tshul rtogs/ /'dra dpe nyams sbyar lus zungs rtsa yi gnad/ /bu ga'i gnas lugs gnod bya gnod byed kyi/ /mtshan nyid las dbye 'jig ltas gtan la dbab/ /gang gi don du gso ba lus la chags pa'i rgyu dkar dmar rnam shes gsum/ 'phel ba'i rkyen lte 'khor dang bu snod kyi rtsa las byung ba'i bcud btsa' ba'i rtags dang bcas pas chags pa'i tshul rtogs/ rten khang bzang brten pa rgyal blon btsun 'bangs dang bcas pa'i 'dra dpe sbyar bas lus gnas kyi nyams shes/ nad dang dwangs snyigs sha rus la sogs pa'i ldang tshad lus zungs kyi gnas lugs/ chags srid 'brel pa tshe ste 'brel pa rtsa'i gnas lugs/ sha tshil rus pa chu rgyus don snod rtsa'i gnad bdun te gnyan pa gnad kyi gnas lugs/ phyi nang dwangs snyigs zas rgyu lam bu ga'i gnas lugs bzhis lus kyi gnas lugs rtott/ gnod bya khams la lus zungs bdun dang dri ma gsum/ gnod byed nyes pa rlung mkhris bad kan nang gses dbye ba bco lnga dang bcas so/
/grub tshul rang bzhin me drod lto ba gnas pa byed las mtshan nyid kyi sgo nas lus kyi mtshan nyid rtogs/ spyir sgo gsum dge mi dge lung ma bstan la spyod cing bye brag dbang po lnga yis rang gi yul la spyod pa lus kyi las dang/ rten pho mo ma ning/ na tshod rgan byis dar ma/ rang bzhin
Sheja Dzo Chapter 6.1 volume2 (page 309)
nyes gsum so so'i mi/ nad rnam par ma gyur pa dang gyur pa'i dbye bas de dag rtogs/ ring ba nye ba ma nges nges pa can bzhis lus 'jig pa'i ltas gtan la dbab pa ste nang gses du ma dang bcas pa'i rnam grangs bdun gyis gang gso ba lus kyi gnas lugs la mkhas par bya'o/
/gnyis pa ni/ nad la dug (aa: 155 ba) gsum nyes gsum nye ring rgyu/ /skye mched gsog ldang slong rkyen skyed byed de/ /lam drug zhugs pa'i mthsan nyid 'phel zad 'khrugs/ /rgyu dang rten dang rnam pa'i sgo nas dbye/ /gang gso ba nad la/ ring rgyu ma rig pa las byung ba'i dug gsum dang nye ba'i rgyu des bskyed pa'i nyes pa gsum ni nad kyi rgyu/ dus dbang po spyod lam dman lhag log pa skye mched kyi rkyen/ rgyu ngo bo dus kyi sgo nas gsog ldang zhi gsum byed pa gsog ldang gi rkyen/ thun mong khyad par spong rkyen te nad skyed byed kyi rkyen gsum/ nyes gsum rang gnas 'phang bya'i yul la 'phen byed kyi rkyen bzhis 'phangs pa 'jug sgo'i lam drug tu zhugs nas rang gnas su rten pa nad 'jug tshul' zhugs nas nang lus zungs dri ma gsum po ldang tshad las 'phel ba dang zad pa dang phan tshun 'khrugs pa gsum po nad kyi mtshan nyid/ sngon gyi las/ tshe 'di'i nyes pa/ de gnyis 'dres pa las 'byung ba ste rgyu'i dbye ba gsum/ skyes pa bud med byis pa rgas pa kun khyab thun mong ste rten gyi dbye ba lnga/ phyi ma la nyes pa gtso bo rigs dang gnas kyi dbye ba gsum/ nang gses dang bcas pa gnod bya nyi shu rtsa lnga la rkyang pa ldan 'dus 'dres pa'i rigs kyi
Sheja Dzo Chapter 6.1 volume2 (page 310)
rnam pa'i sgo nas dbye ba grangs med pa rnams ni nad kyi dbye ba ste rnam grangs lnga yi sgo nas gso bya nad kyi mtshan nyid legs par rtogs par bya'o/
/gnyis pa gso byed kyi tshul bshad pa la/ spyod lam rgyun spyod dus spyod gnas skabs te/ /zas tshul bsdam dang zas tshod ran par bza'/ /sman la ro nus zhu rjes sbyor ba'i thabs/ /'jam rtsub drag dpyad de yi cha byad bcas/ /nad gso byed gnyen po rnams kyi thog mar gal che ba bya ba spyod lam gyi gnas la/ tshe rkyang 'jig rten pa dang dam pa rnams kyi rgyun tu spyod pa/ dus drug tu gsog ldang gi gnyen po bsten pa'i dus spyod/ (aa: 156 na) nad mi skye ba dang skyes pa zhi ba'i gnas skabs kyi spyod lam ste gsum/ 'tsho ba zas la/ bza' bya'i zas dang btung bya'i skom gyi tshul lam rnam grangs shes par bya ba/ lus la mi 'phrod pa bsdam par bya ba/ zas kyi tshod ran par bza' ba gsum/ sbyor ba sman la ro drug nus pa brgyad las skyes pa'i yon tan bcu bdun zhu rjes gsum rnams nad kyi 'byung ba'i gnyen por sprad pa'i ro bsdebs sbyor ba lnga bcu rtsa bdun dang rkyang pa drug bcas drug cu rtsa gsum ni so sor 'phel zad bdun cu rtsa bzhi'i gnyen por sbyar zhing/ nus par sbyor ba zhi sbyang gnyis nad rigs spyi'i gnyen por sbyor ba'i thabs la mkhas par bya ba dang/ cha byad dpyad la/ 'jam po'i dpyad dug lum byugs pa/ rtsub pa'i dpyad gtar sreg dbug pa/ drag po'i dpyad 'dral gcod 'drud dang 'byin pa bzhi/ de dag gi cha byad zug rngu brtag pa'i dpyad khab mgo sogs bcu bzhi/ zug rngu 'byin pa seng ge kha sogs skam pa'ng rigs drug sha 'dral khrag dbyung
Sheja Dzo Chapter 6.1 volume2 (page 311)
bye'u'i sgo 'dra sogs btsag bu'i snge drug btsag dbugs 'dren dpyad sbubs thur smyu gu la sogs thur ma dgu gce'u rngabs ra bum pa la sogs cha byad phran bu dang bcas pa ste/ de dag gis rnam par gyur pa'i nad kyi rigs snying rjes gso ba la brtson par bya'o/
/gsum pa la gnyis/ nad med gnas shing 'tsho ba dang/ na ba gso bar bya'o/
/dang po ni/ nad med bder gnas rgas pa'i nad las bsring/ /rnam par ma gyur pa nad med kyi tha mal gyi lus po min par gnas pa dang ring du 'tsho zhing bde bar gnas pa'i thabs mchog nad kyi rgyu rkyen spang ba la bslab/ lo zla mang du 'das pas lus zungs kyi stobs 'gribs te rten rnying nas rgas pas tshe zad par nye ba la bcud len gyi sbyor bas stobs skyed cing tshe bsring bar bya'o/
/gnyis pa ni/ na ba rgyu dang (aa: 156 ba) mtshan nyid phan gnod bsten/ /ngan gyo skyon dang spang blang mu bzhis brtag /spyi dang bye brag khyad par tshul gyis gso/
/thun mong khyad par gso ba'i thabs ldan bya/ /na ba gso ba'i thog mar ngos bzung rtags la mkhas par bya dgos pas/ de'ng slong byed rgyu/ mtshan nyid rtags/ phan gnod goms pa bsten pa gsum gyis nyes pa dngos su brtag ngan gyo skyon te thabs kyi sgo nas mi shes pa'i grags pa mi phog par brtag na ba thams cad 'tsho ba ma yin cing thams cad 'chi ba'ng ma yin pas gso sla ba dang gso dka' ba dang gso rung ba tsam dang spang bar bya ba ste spang blang mu bzhi'i sgo nas brtag rtogs nas ji ltar gso bar byed pa la gso tshul/ gso thabs gnyis/ dang po la gsum/ nyes gsum gsog dus zhi byed dang ldang dus sbyong byed kyis bcos shing zhi ba'i skabs su mi 'khrugs par
Sheja Dzo Chapter 6.1 volume2 (page 312)
bya ba spyi'i gso tshul/ ma zhur bcas pa dang rkyang pa dang gzhan dbang can gsum gang 'tshams su bcos pa bye brag gi gso tshul/ ma rtogs dogs pa dang bcas pa la sad mda' btang ba/ ngos zin nges pa rnyed nas sman dpyad dngos su sbyor ba/ gnyen po'i thog tu mi 'bab pa la nad lam du gzung ba/ sngar bcos dman lhag log pa la gnyen po bsgyur ba/ shin tu stobs chen gyi nad la gnyen po rtsal sprugs pa/ nad stobs chung ngu'i rigs la gnyen po cha yis bskyed pa/ nyes gsum rkyang pa'i nad la gnyen po gzhan gnod med pa/ ldan pa dang 'dus pa'i nad la 'du ba cha snyoms su bcos pa/ thams cad la'ng bcos bya bcos byed 'tshams shing ma nor ba ste khyad par gyi gso tshul dgu yis nad rnams gso bar bya zhing/ thun mong gso yul zungs zad sogs brta bar bya ba dang/ tsho ches sogs nyams dmad pa'i thabs gnyis/ khyad par tsha ba bsil/ (aa: 157 na) grang ba drod/ rlung snum gro sogs nyes gsum so sor gso ba'i thabs dang ldan par bya'o/
/bzhi pa ni/ sman pa rgyu drug mchog gyur las la mkhas/ /rang gzhan 'phral yun bde legs 'bras bur spyod/ /gso ba'i bya ba byed pa'i sman pa'i mtshan nyid kyang rgyu drug dang ldan pa ste/ blo gros che ba blo brtan pa blo gzed pa (25)
Sheja Dzo Chapter 6.1 volume2 (page 313)
ste blo dang ldan pa/ byams pa dang snying rjer ldan pa bsam pa dkar ba/ blo bzhag drug gzzung bya gnyis shes pa gsum ste dam tshig dang ldan pa/ lag pa bzo ngag tshig snyan rig pa bkra ba ste rnam pa bzo ba/ bdag don bslab sbyong dang gzhan don gso dpyad la le lo med pas bya ba la brtson pa/ dam pa'i mtshan nyid ldan cing thun mong gi kun spyod legs pa sogs mi chos la mkhas pa rnams so/
/de'ng rigs brgyud med cing mthong goms chung ba sogs tha ma'i skyon bcu gnyis spangs shing mchog gi yon tan rnams dang ldan pa/ thun mong sgo gsum gso dpyad kyi las dang khyad par lta sgom spyod pa'i bya ba la mkhas pa ste/ de lta bu'i tshul rnams ji skad bshad pa ltar tshad dang ldan par 'brel bas rang gzhan gnyis ka 'phral dang yun du bde legs kyi 'bras bu la spyod par 'gyur ro/
/gnyis pa rig gnas chung ba bshad pa la gnyis/ mtshams sbyar ba dang/ dngos so/
/dang po ni/ rig gnas chung ba lnga ru grags pa las/ /rig gnas chung ba lngar grags pa 'di la bzhed tshul 'ga' zhig snang yang/ mngon par 'byung ba'i rgyud las/ byang chub sems dpa' sems can 'dun par bya ba'i phyir gzhan dg la snyan par dngags pa'i bstan bcos dang/ ming gcig don du mar 'jug pa dang/ don gcig nyid kyang ming gi rnam grangs du mas mngon par brjod pa'i bstan bcos dang/ lci ba dang yang ba'i yi ge bsgyur ba dang spel ba'i sgo nas tshigs su bcad pa sdeb pa'i bstan (aa: 157 ba) bcos dang/ mdo 'dzin pa dang/ bzhad gad dang/ skad du ma gzhan du bsgyur bas 'gro ba dga' bar byed pa zlos gar gyi bstan bcos dang/ grangs kyi rig pas gzhal te ngo mtshar bar ston pa rtsis kyi bstan bcos rnams kyang bslab par bya
Sheja Dzo Chapter 6.1 volume2 (page 314)
ste/ byang chub sems dpa' de ni bla na med pa yang dag pa rdzogs pa'i byang chub thob par 'dod pa'i phyir ro/
/zhes gsungs pa ltar phyis nas chab gcig bzhed par snang ba las/ zhes mtshams sbyar ba'o/
/gnyis pa la lnga/ skar rtsis/ snyan dngags/ sdeb sbyor/ mngon brjod/ zlos gar ro/
/dang po la bzhi/ spyi'i don/ nang gi nges pa/ phyi rol gyi brtsi ba'i gzhi/ ji ltar brtsi ba'i tshul bshad pa'o/
/dang po ni/ kun rdzob blang dor ston pa'i skar rtsis ni/ /de nyid stong pa rags snang brtsi ba'i gzhi/ /rten 'brel grangs kyi rig pa rtsi ba'i tshul/ /de'ng kun rdzob kyi grangs dang gnas tshul la mi rmongs pas blang dor ma 'chug par ston par byed pa ni dgos pa'o/
/dgos pa de ldan gyi skar rtsis zhes grags pa la phyi nang gi lugs gnyis las 'dir rgyud kyi rgyal po las gsungs pa'i rjes su 'brangs pa ni ches dgos pa dang bcas pa yin pas/ de ltar na thog mar nang gi nges pa shes pa gal che bas/ de kho na nyid stong pa spros bral gyi gnas lugs de/ 'khrul tshul ma rig pas bslad pa'i dbang gis yul yul can nam phyi nang sogs gnyis chos dang/ rtsa rlung thig le'm nyi zla sgra gcan gyis mtshon gsum chos sogs rags snang mtha' yas par sgro btags pa'i snang cha tsam ni so skye rnams kyi brtsi bya'i gzhi dang/ rten cing 'brel bar 'byung ba'i grangs kyi rig pa ni rtsi ba'i tshul lam rtsi byed yin no/
/gnyis pa ni/ dbu ma'i dbugs las gza' yi rkang pa 'byung/ /dus bzhi'i mtha' ru de dag stong par 'jug /slar yang rtog 9aa: 158 na) pas dus kyi nges pa 'char/ /dbu ma'i dbugs ni ye shes kyi rlung ste dbu ma la brten nas rtsa gzhan mngon par skye ba ltar ye rlung la brten nas las kyi rlung 'byung ba lnga'i bdag nyid skye ba'm rgyu bar byed/ gyon rkyang ma la brten te snying stobs
Sheja Dzo Chapter 6.1 volume2 (page 315)
kyi rang bzhin gzung ba yul gyi cha bskyed pa nam mkha' rlung me chu sa'i rim pas zhi bza' lnga rgyu la/ gyas ro ma la brten te 'dzin pa bdag rtog gi cha gtso bor bskyed pa rdul gyi rang bzhin sa chu me rlung nam mkha'i rim pas drag gza' lnga rgyu ba'i phyir phyi rol 'jig rten gyi khams la yang me rlung gi grangs bzhin du gza' rnams kyi dal rkang myur rkang sogs 'byung gno/
/dus bzhi'i mtha' ru gza' de dag stong par 'jug pa'i lo grangs sogs gong du smos pa ltar nang lus dang sbyar na skyes bu lang tsho rgyas shing nad la sogs pas ma gzir ba zhig mtshan gzhir byas te rtsa rkyang ma la brten te sna gyon nas dang por nam mkha' rlung me chu sa ste 'byung ba bskyed pa'i rim pas dkyil 'khor re la sum brgya drug cu ste dkyil 'khor lnga rgyu la/ de nas ro ma la brten te gyas su sa chu me rlung nam mkha' ste 'byung ba sdud pa'i rim pas lugs bzlog tu dkyil 'khor lnga rgyu ste/ dkyil 'khor nam 'pho chung re la sum brgya drug cu dang/ dkyil 'khor lnga rdzogs pa ni 'pho chen yin pas de la dbugs stong dang brgyad brgya 'byung/ de ltar skyed sdud kyi bya ba gnyis rdzogs pas 'pho chen gnyis kyi mtshams su nang du dbu ma la 'jug ste/ 'jig rten chags shing zhig pa'i bya ba rdzogs nas stong par gnas pa'm/ gza' rnams kyi dkyil 'khor rdzogs pa na stong pa la 'jug pa dang/ lus can rnams skye 'chi'i gnas skabs kyi 'og tu rang bzhin 'od gsal du 'jug pa la sogs pa'i don no/
/tshul des gyas nas lug sogs mi mnyam pa'i khyim gyi 'pho chen drug dang/ gyon nas glang sogs mnyam (aa: 158 ba) pa'i khim gyi 'pho chen drug ste dus sbyor gyi 'pho ba bcu gnyis la dbugs nyi khri chig stong drug brgyar longs te rang dbugs kyi zhag gcig tu 'jog go /des na nang du 'pho chen gnyis la 'byung ba bskyed sdud rdzogs nas dbu mar stong pa la gzhol ba bstan pa'i don dang mu
Sheja Dzo Chapter 6.1 volume2 (page 316)
ste gzhug pa'i ched du mi lo stong dang nyis brgya la dbugs rer byed pa'i gtso bo nus pa'i ming can zhig yod pa ltar bzhag nas de'i dbugs grangs kyi 'pho chen gnyis rdzogs pa na phyir dus chen po gcig rdzogs shing/ de'i 'pho mtshams su dbu mar 'jug pa dang phyir gza' rnams stong pa la 'jug par sbyar nas gsungs pa'o/
/stong 'jug la mtshur lugs pa rnams ni rgyud las gsungs pa'i rang rtsi nyid sgra ji bzhin par bzung la/ phug lugs pa rnams de mu stegs kyis mi rtog pa'i phyir sbas rtsis yin pas sgra ji bzhin min par bzung nas grub mtha'i zhib rtsis gsar du 'chos par mdzad do/
/slar yang sems can rnams kyi kun tu rtog pa'i dbang gis rlung gis 'pho ba skye ba de bzhin phyi rol du'ng dus kyi nges par rim bzhin 'char bas/ dus bzhi so so'i zad pa me stag gi dbo zla ba'i gnam stong nya khyim gyi mthar gza' rnams kyi longs spyod rnam par dag pa la stong par zhugs pa'i tha snyad byed cing/ slar rab byung gi lo'i nag zla'i tshes gcig nas lo zla gza' skar thams cad kyi rtag pa'i longs spyod gsar du 'char ba yin no/
/gsum pa ni/ nang nyid ji ltar phyi rol snang ba las/ /bgrod bya khyim skar bgrod byed gza' rnams skyes/ /nyi mas khyim spyod dus bzhi gyas su `khor/ /skar khyim go la rlung 'gros nyin zhag rer/ /gyas bskor bza' 'rnams rang 'gros yul la spyod/ /nang rdo rje'i lus kyi gnas lugs ji lta bar phyi rol du snang ba las/ thog mar bgrod bya'i yul go la'i steng (aa: 159 na) du khyim bcu gnyis rgyu skar nyer brgyad rnams chags/ de'i steng du bgrod byed gza' bcu po skyes/ gnam la nyi mas khyim bcu gnyis po gyon bskor du spyod cing sa la las kyi sa dum bu bcu gnyis su dus bzhi gyas bskor gyi tshul gyis 'pho zhing rgyu ste 'khor ba'o/
/de ltar rgyu skar gyi khyim dang go la rnams ni
Sheja Dzo Chapter 6.1 volume2 (page 317)
rlung 'gros la brten nas nyin zhag re rer gyas su bskor cing/ gza' rnams ni rang rang gi 'gros kyis yul rgyu skar khyim gyi longs spyod la spyod pa'o/
de'ng gza' gzhan ni/ rgyu skar gyi steng du rang 'gros kha shar du phyogs pas ri rab la gyon bskor gyis rgyu la/ sgra gcan ni don dam pa'i rigs pas bsod nams dang ldan pa'i phyir gza' gzhan gyi stobs 'phrog cing/ khyim gyi rlung 'gros bzhin du kha nub tu phyogs nas ri rab la gyas bskor gyis bskor zhing/ nam gru nam tha skar gyi bar lugs sdog tu spyod do/
/de'ng sgra gcan ni nang du dbu ma ye shes kyi cha yin la/ de ni kun rdzob 'khrul ba'i rnam pa 'jig par byed pa rdo rje lta bu'i ting nge 'dzin gyis rtogs par bya ba yin pa'i rigs pas phyi 'jig rten gyi khams la yang gza' gzhan ni gyon du spyod cing stobs dman la/ sgra gcan bsod nams kyi stobs lhag pas so/
/dus gsum tshigs mtshams mun can nyi zla phrad/ /des na rang lus la dbu ma stong pa'i rang bzhin khams sgrib thogs dang bral ba yar sna chu'i khams dpyid kyi gong bu dang mar sna me'i khams 'bar ba'i thig le dang ldan pa/ phyi nang dag pa gcig pa'i phyir sgra grcan yang lus stong pa nam mkha'i khams sgrib thogs dang bral la/ gdong chu'i rang bzhin nag po mun pa'i bdag nyid dang/ mjug ma me'i khams dmar po 'bar ba'i rang bzhin gnyis ni sgrib byed kyi nus pa can rags pa'i rnam pa ste/ nang du rdul dang snying stobs dang mun pa'i dus gsum gyi tha mar mun pa chen (aa: 159 ba) po'i rlung gis ro ma'i stobs 'phrog cing/ sa chu me rlung nam mkha' ye shes kyi khams drug rdzogs pa na rkyang ma'i stobs 'phrog pas phyi rol du zla ba gnyis la yan lag re'm/ dus rer byas pa'i dus gsum rdzogs pa'i dkar nag gi tshig mtshams su mun can nyi ma la 'jug cing/ zla ba drug rdzogs pa na zla ba la sgra bcan 'jug par snang ba dang/ khyad par nyi 'dzin la
Sheja Dzo Chapter 6.1 volume2 (page 318)
rten 'brel yan lag bcu gnyis rim par 'khor ba'i reg pa'i rten 'brel gnas stong la 'char ba dgos te/ de yang lug gi khyim zla nas brtsams te zla ba bcu gnyis la yan lag rer 'jog la/ yan lag re'i nyin zhag dang po la ma rig pa/ gnyis pa la 'du byed/ gsum pa la rnam shes/ bzhi pa la ming gzugs/ lnga pa la skye mched drug drug pa la reg pa/ bdun pa la tshor ba/ brgyad pa la sred pa/ dgu pa la len pa/ bcu pa la srid pa/ bcu gcig pa la skye ba/ bcu gyis pa la rga shi dang/ bcu gsum pa la ma rig pa nas nyer bzhi la rga shi dang/ yang nyer lnga la ma rig pa nas drug pa la rga shi/ bdun pa la ma rig pa nas bco brgyad pa la rga shi dang/ bcu dgu la ma rig pa nas gnam stong la rga shi'o/
/mdor na gnam stong la reg pa yod pa dang rga shi yod pa spel mar 'byung ba'i reg pa yod pa'i tshe 'dzin te/ reg pa'i yan lag dbus der sgra gcan rgyu ba de yis zla ba nyi ma dag ni 'dzin par 'gyur/ /zhes so/
/nyi zla rlung 'gros khyim tshes nyin zhag byung/ /dus gsum mtshams bzhi thun brgyad dus sbyr ni/ /bcu gnyis yud tsam sum cu dbugs nyi khri/ /chig stong drug brgya chu srang sum stong dang/ /drug brgya chu tshod drug cus go la 'khor/ /nyi ma dang zla ba dang rlung ste go la'i 'gros gsum la brten nas khyim zhag dang/ tshes zhag dang/ nyin zhag rnams byung zhing/ snga ma ring/ (aa: 160 na) bar ma thung/ phyi ma de gnyis kyi bar te zhib par gong du bshad zin pa ltar ro/
/de'ng lo zla la sogs pa dus rnam par gzhag pa'i gtso bo ni nyi ma'i 'gros la brten pa ste/ nyin zhag gcig la dus sbyor bcu gnyis yod pa'i dus sbyor bzhi la dus re byas pa'i dus gsum dang/ dus sbyor gsum la thun mtshams re byas pa'i thun mtshams bzhi dang/ dus sbyor phyed dang gnyis la thun tshod re byas pa'i thun tshod brgyad dang/ dbyu gu lnga la dus sbyor re byas pa'i dus sbyor bcu
Sheja Dzo Chapter 6.1 volume2 (page 319)
gnyis dang/ chu tshod gnyis la yud tsam re byas pa'i yud tsam sum cu dang/ dbugs nyi khri chig stong drug brgya dang/ dbugs drug la chu srang du byas pa'i srang sum brgya drug cu dang/ chu srang drug cu chu tshod du byas pa'i chu tshod drug cus zhag re bzhin go la 'khor bar 'gyur la/ gza' gzhan yang de'i rjes su 'brangs pas 'jig rten du rgyu zhing legs nyes kyi 'bras bu 'byin par byed do/
/'dir zhar byung lo zla'i 'go 'dzin pa'i tshul yang mdo sde nyi ma'i snying por/ bdag gis rgyu skar smin drug brjod/ /zla ba nya tshe zla rangs 'gyur/ /ston zla tha chung zhes grags pa/ /lo 'gor bdag gis brjod par bya/ /zhes dang por lo la bkod pa'i go rim gyis rgyu skar gyi dang po smin drug yin pas na smin drug gi zla bar lo 'gor gsungs shing/ 'jig rten gyi grags pas dpyid ra lo 'gor byed pa la 'dul mngon las lugs de gnyis ka dang/ tha skar gyi zla ba lo 'gor byed pa'ng 'byung zhing/ rgya rtsis pas hor zla dang po stag dpyid rar byas nas de lo 'gor 'jog kyang dus kyi 'khor lo 'dir 'jig rten chags pa'i dbang du byas pa'i lo 'go dang/ nyi khyim gtso bor byas pa'i lo 'go dang/ dgos pa gtso bor byas pa'i lo 'go ste gsum las dang po ni/ dbyar 'bring krtti'i zla ba nas 'dzin te 'jig rten chags nas cher ma lon pa ston dpyid dang nyi (aa: 160 ba) zla sogs med pa na nyi ma nab so'i bzhi gsum kartta'i khyim gyi dang po nas longs spyod skyes pas dus kyi dang po dbyar yin par gsungs pas so/
/gnyis pa ni/ nyi ma lug khyim du zhugs pa'i dus te gza' skar dang dus rnams nyi ma'i rjes su 'brang zhing de'i khyim gyi dang po lug yin pas so/
/gsum pa ni/ nag zla'i dkar tshes gcig nas lo 'go 'dzin pa ste dus 'khor gsungs pa'i zla ba yin pa'i phyir ro/
/'di dang 'jig rten pa dang phyi rol pa ni yar ngo sngon 'gror byed la/ mngon 'grel las zla ba
Sheja Dzo Chapter 6.1 volume2 (page 320)
thams cad ni mar gyi ngo snga ste zhes gsungs shing/ sdom brcon dang por ngal ba ltar snang yang mthar rgyas par 'gyur ba'i chos mthun gyis sangs rgyas pa mar ngo sngon 'gro byed pa mang bas rgyud 'grel du yang phal cher mar ngo sngon 'gro byas kyang dgos pa'i dbang gis res 'ga' yar ngo sngon 'gror yang gsungs la/ yang rtsa rgyud las mar ngo sngon 'gro dang bsdus rgyud du mu stegs gzhugs phyir yar ngo sngon 'gro gsungs zhes kyang grags so/
/bzhi pa ni/ gza' tshes skar sbyor byed pa'i yan lag lnga/ /gza' lnga sgra gcan tatkaal spyod tshul brtag /'bras bu lung ston rtsis phran gzhan yang bslab/ /de ltar brtsi bya'i gzhi dang rtsi byed kyi gnad rnams legs par nges nang/ nyin re la sogs pa'i nges pa ji ltar rtsi ba'i tshul ni/ nyi ma sogs res gza' bdun/ tha skar sogs res 'grogs zla skar ram tshes kyi skar ma/ nyi mas spyod pa'i rgyu skar/ sel ba la sogs pa'i sbyor ba nyer bdun/ 'pho ba'i byed pa bdun dang rtag byed bzhi ste yan lag lnga ji ltar 'char ba dang/ drag gza' gsum/ zhi gza' gnyis te gza' lnga po rgyu skar gyi yul la 'gros bzhis ji ltar rgyu ba dang/ sgra gcan gdong mjug gang du spyod pa/ tatkaal ste dus sbyor gang zhig 'char ba/ (aa: 161 na) tshes dang dus la rtsa ba dang yan lag gi dbyangs 'char ba'i tshul rnams zhib mor brtag cing/ 'bras bu bzang ngan lung ston par byed pa dus 'khor las gsungs pa dang/ gyul las rnam par gyal ba'i rgyud don dbyangs 'char ba la gtso bor brten cing man ngag gnad kyi 'khro lo rnams kyis blang dor lkog gyur mngon sum du ston pa rnams dang/ brtsi bya 'byung ba lnga la/ rtsi byed rang bzhin gzhi'i gtsug lag dang/ 'byung ba rang rgyud/ snang ba yul/ gtsod byed yid/ 'dzin pa sems kyi gab tshe bzhis bsdus pa'i ma rig 'khrul snang gi gtsug lag gnyis kyi sgo nas legs nyes lung bstan pa 'byung rtsis sam nag rtsis
Sheja Dzo Chapter 6.1 volume2 (page 321)
su grags pa sogs rtsis phran gzhan yang bslab par bya'o/
/gnyis pa snyan ngag bshad pa la gnyis/ lus dang/ rgyan no/
/dang po ni/ snyan dngags 'dod don lus la bcad lhug spel/ /grol ba rigs mdzod 'dus pa srgas bcings/ /tshigs bcad rkang bzhi lhug pa brjod dang gtam/ /spel ma gtso phal zlos gar tsambu ste/ /de'ng mdo las/ dam pa'i chos gsal bar bya ba'i phyir snyan dngags bya'o/
/dkon mchog gsum la bstod pa bya'o/
/de las bla na med pa'i byang chub 'thob par 'gyur ro/
/zhes sogs 'byung ba ltar/ mkhas pa'i bya ba gsum gyi mchog rtsom pa bzang ngan ni snyan dngags shes mi shes kyi rjes su 'gro ldog byed pas/ 'di'i gtso bo'i don lus dang rgyan gnyis su gnas pa las/ dang po ni/ lus ni re zhig 'dod pa yi/ /don gyi rnam bcad tshig gi phreng/ /zhes gsungs pa ltar/ snyan dngags mkhan gyis brjod par 'dod pa'm bsam pa'i don ni snyan dngags kyi lus te don nges par byas nas tshigs legs par bsdebs pa la 'dod pa'i don gyis rnam par bcad pa zhes gsungs so/
/(aa: 161 ba) lus de'ng tshigs su bcad pa'i tsheg bar bdun dang dgu la sogs pa dang/ ma bcad pa'i lhug pa dang/ de dag spel ma gsum du gnas so/
/tshigs bcad sbyor tshul lam rigs kyi sgo nas dbye na/ grol ba/ rigs/ mdzod/ 'dus pa zhes bya ba bzhi ste/ rim bzhin tshigs bcad gcig gi nang du don gcig rang dbang can du rdzogs par ston pa dang/ brjod bya'i don gcig la shlo ka mang du tshogs shing bya tshig gcig gis gsal bar byas pa dang/ gcod mtshams dang bya tshig sna tshogs shing shlo ka'i grangs nges med pa mdzod ltar 'dus pa dang/ brjod bya'i tshig don gcig la shlo ka dang bya tshig mang po can te/ de dag kyang srga zhes pa le'u'm rab byed dam skabs du mas
Sheja Dzo Chapter 6.1 volume2 (page 322)
bcings pa ni snyan dangs chen po zhes ba'o/
/tshigs su bcad pa de'ng mngon pa kun btus las/ rkang pa gcig nas drug pa'i bar du yod par bshad kyang snyan dngags pa'i lugs la rkang pa bzhi pa kho na yin la/ lhug pa la brjod pa dang gtam zhes ming gnyis su yod kyang slob dpon dandis de gnyis don gcig tu bzhed cing/ pandi ta rig byed rgya mtsho ni/ brjod pa'i mtshan nyid/ lhug pa'i snyan dngags gang zhig sngon byung gi gtam rgyud las drangs pa ma yin pa'i rigs brjod pa dang/ gtam gyi mtshan nyid/ lhug pa'i snyan dngags gang zhig sngon byung ba'i gtam rgyud las brtsams te brjod pa shas che ba yin zhes bzhed la/ me long du'ng/ sngon byung gtam las gyur pa'm/ /cig shos legs pa la brten nas/ /zhes 'byung ba dang mthun pas legs zhes mkhas pa snga rabs pa du ma gsung ngo/
/spel ma la'ng gtso bo dang phal pa gnyis kyi dang po ni/ skad rigs bzhi tshang zhing bcad lhug spel ma'i bdag nyid can zlos gar nyid yin la/ gnyis pa ni/ skad rigs gang rung la (aa: 162 na) brten cing bcad lhug bsres pa tsambu zhs grags pa de yin pa dang/ gzhan yang rjod byed kyi sgo nas dbye na/ legs sbyar/ rang bzhin/ zur chag 'dres ma dang bzhir bshad do/
/gnyis pa rgyan ni/ mdzes byed tshig sbyor thun min yon tan bcu/ /thun mong don rgyan sgra dang gab pa'i tshig /skyon spong rtsom pa 'jig rten rgyan du byed/ /me long gzhung las/ snyan dngags mdzes par byed pa yi/ /chos rnams rgyan zhes rab tu brjod/ /ces 'byung ba ltar/ ji ltar skyes bu'i lus la do shal dang dpung rgyan la sogs pas mdzes par byed pa bzhin du snyan dngags kyi lus la'ng sbyar ba la sogs pa'i don gyi rgyan gyis mdzes par byed pa'i phyir/ de lta bu'i tshig sbyor ba ni rgyan zhes bya ste/ /de'ng dandi'i gzhung las shar lho'i
Sheja Dzo Chapter 6.1 volume2 (page 323)
lam srol so so ba/ /sbyar ba rab dwangs mnyam nyid dang/ /snyan dang shin tu gzhon pa dang/ /don gsal ba dang rgya che dang/ /brdzid dang mdzes ldan ting nge 'dzin/ /yon tan 'di bcu pee darbha'i/ /lam gyi srog tu bshad pa yin/ /'di dag phal cher ldog pas ni/ /goo dda'i lam dag mtshon pa yin/ /ces thun mong min pa'i yon tan bcu dang/ shar lho 'dod pa mthun pa thun mong gi lam srol la don rgyan sgra rgyan gab tshig gsum ste/ de'ng/ rang bzhin brjod dang dpe dang ni/ /gzugs can gsal byed bskor ba dang/ /'gog dang don gzhan bkod pa dang/ /ldog pa can dang srid pa can/ /bsdus dang phul byung rab brtags dang/ /rgyu dang phra mo cha dang rim/ dga' dang nyams ldan gzi brjid can/ rnams grangs brjod dang kun tu phan/ /rgya che bsnyon dor sbyar ba dang/ /khyad par mtshungs par sbyor ba dang/ /'gal dang skabs min bstod pa dang/ /jol bstod nges par bstan pa dang/ /lhan cig brjod dang yons brjes shis/ /rab spel da nas (aa: 162 ba) dongs pa can/ /'di dag tshig rnams dag gi ni/ /rgyan du sngon gyi mkhas pas bstan/ /(25)
Sheja Dzo Chapter 6.1 volume2 (page 324)
ces don rgyan sum cu rtsa lnga nang gses kyi dbye bas du mar 'gyur ba dang/ sgra rgyan la zung ldan dang bya dka'i khyad par gnyis/ rtsed mo'i 'dun sar bzhad gad la sogs pa'i ched du nye bar mkho ba'i gab tshig gi rgyan bcu drug rnams so/
/mdor na tshig rgyan thams cad rang bzhin brjod pa dang 'khyog brjod gnyis su 'du zhing/ de dag gi tshig sbyor skabs/ don nyams don 'gal don gcig pa/ /the tshom can dang rim pa nyams/ /sgra nyams gcod mtshams nyams pa dang/ /sdeb sbyor nyams dang mtshams sbyor bral/ /yul dus sgyu rtsal 'jug rten dang/ /lung rigs dag dang 'gal ba ste/ /skyon bcu de dag snyan dngags la/ /snyan ngag mkhan gyis spang bar bya/ /zhes pa ltar skyon bcu dang/ gzhan yang grong tshig dang dpe skyon la sogs pa spangs pa dang/ ji skad du/ rang bzhin gyis grub spobs pa dang/ /mang du thos pa dri med dang/ /mngon par sbyor ba mi dman pa/ /snyan ngag phun sum tshogs pa'i rgyu/ /zhes 'byung ba'i rgyu tshogs dang ldan pa'i rtsom pa ni 'jig rten gyi rgyan du byed de slob dpon dpa' bos mdzad pa'i bstod pa bzhin no/
/'di la spyir btang dper brjod shar pa'i lam la dpag bsam 'khri shing dang/ lho pa'i lam la skyes rabs so bzhi pa yin zer ba 'dra rung tsam yod par snang ngo/
/gsum pa sdeb sbyor bshad pa la gsum/ priitta/ dzaa ti/ ngo mtshar rtogs byed kyi sbyor ba bshad pa'o/
/dang po ni/ tshig sbcad sdeb sbyor yi ge drug pa nas/ /rgyun chags bar du bgrang ba priitta ste/ /mnyam dang mi mnyam phyed mnyam dag gis bcing/ /
Sheja Dzo Chapter 6.1 volume2 (page 325)
snyan dngags tshigs su bcad pa la shin tu gal che ba'i rig pa ni/ ji skad du/ tshigs bcad rkang bzhi de yang ni/ priitta dzaa (aa: 163 na) ti zhes rnam gnyis/ /zhes dang/ rig de snyan dngags rgya mtsho ni/ /zab mo brgal 'dod rnams kyi gru/ /zhes 'byung ba ltar tstshandas'i sgra las drangs pa'i sdeb sbyor priitta dang dzaa ti gnyis su yod pa'i gnyis ka'ng tshigs bcad rkang bzhi pa'i dbang du byas pa ste/ dang po ni/ rkang pa bzhi kar yi ge'i grangs snyoms pa'i yi ge bgrang ba yin la/ de'ng yi ge drug pa dbyangs sgrog dang bdun pa rab dga' nas/ nyer drug pa lhag par byed ldan gyi bar nges pa can dang/ nyer bdun phan chad la rgyun chags zhes bya zhing de la'ng rgyun chags dang rab bsags dang po nas brgyad pa la sogs pa'i dbye ba mang ngo/
/drug pa sogs la'ng nang gses shin tu mang ste yi ge bcu pa la mtshon na lci yang sbyor tshul gyi dbye bas rnam grangs chig stong nyer bzhi 'gyur zhing/ de rnams kyang ming gi nges pa gsal ba dbus phra/ gzhon nu rol pa dang 'dra mtshungs/ glog phreng/ dag pa'i snang ba la sogs pa dang/ gzhung du ming dngos su ma gsungs pa shin tu mang ba de dag ni briitta ste/ de la'ng nang gses su rkang pa bzhi ka yi ge'i grangs dang lci yang mtshan nyid mtshungs pa mnyam pa'i briitta ste dbus phra la sogs pa'o/
/de las ldog pa ni mi mnyam pa'i briitta ste/ de la'ng kha sgo dang/ rkang bzhi 'phel dang/ steng 'gro dang/ dal gyi 'gro ba bzhi'o/
/rkang pa zung gnyis mi mnyam la zung mnyam pa'i mtshan nyid lta bu'i 'dres pa ni phyed mnyam pa'i briitta ste nyer bkra la sogs pa rnams kyis bcings pas mdzes par byas pa'o/
/gnyis pa ni/ phyi mo bgrang ba dzaa ti 'phags ma dang/ /ro langs dmar ser rnams la gzhan bshad 'du/ /yi ge'i ngo grangs bgrang du med pa phyi mo bgrang ba'i sdeb sbyor ni dzaa ti zhes bya ste/ snga ma yi ge brgyad yod pa la yi
Sheja Dzo Chapter 6.1 volume2 (page 326)
ge brgyad pa'i sdeb sbyor zhes pa lta bu'i tshab tu 'dir phyi mo brgyad tshang dgos te/ de'ng (aa: 163 ba) dbyangs thung ngu/ gsal byed dbyangs gcig pa rnams ni phyi mo gcig par bgrang/ dbyangs ring po/
gsal byed dbyangs gnyis pa ste ring po dang mtshams sbyor gyi yi ge srog tu zhugs pa sogs mdor na lci ba rnams ni phyi mo gnyis par bgrang/ gsal byed srog med ni phyed par bgrang ba yin la/ de la'ng phyi mo 'god tshul dang/ rkang bzhi mnyam mi mnyam phyed mnyam gyi dbye bas dzaa ti dang/ ro langs can dang/ dmar ser can gsum gyi nang gses bcas rin 'byung gzhung du bshad cing/ thos chub sogs las cung zad 'dra min mang du bshad pa thams cad kyang ngo bo 'di dag tu 'du'o/
/'di dag tu yi ge gsum re la tshogs re byas pas lci yang gi dbang gis tshogs brgyad du 'byur te/ dang po bar dang mtha' rnams su/ /lci ba nyid gyur bha dza sa/ /yang ba nyid gyur ya ra ta/ /lci ba yang nyid ma na'o/
/zhes 'byung ba ltar la/ de re re la'ng dge ba dang mi dge ba ston pa'i lha re re yod par bshad de/ bha yig sa gzhi dpal ni rgyas byed dza yig chu ste 'phel ba'o ra yig me ste 'chi/ /sa yig rlung ste pha rol yul du ring por 'gro byed ta yig nam mkha' stong pa'i 'bras/ /ya yig nyi ma rgya chen nad ni len byed ma yig zla ba grags pa dri ma med/ /na yig lha ste bde ba rab ster mkhas pas tshogs rnams kyis ni 'bras bu 'dir rab bshad/ /ces pa ltar la/ de'ng dang po'i tshogs de la brtag par bshad do/
/de bzhin du sdeb sbyor yi ge drug pa nas rab bsags sam rgyun chags kyi bar rnams la'ng lha re re yod par 'dod de/ sdeb sbyor gaa ya tii'i lha rta mgrin du bshad cing de'i gzugs kyang yod par snang la 'on kyang 'di dag ni phyi rol pa'i lha ru snang ngo/
/gsum pa ni/ /prastaa ra 'god spyi grangs nashtta dbye/ /u dhishtta bzung yang ba adhaa brtag / (aa:
Sheja Dzo Chapter 6.1 volume2 (page 327)
164 na) khyad par drug dang thun mong rtog byed gcig /mnyam pa'i pritta kho na'i sbyor ba ngo mtshar ba'i rigs pas rtogs par byed pa la drug dang po yi ge gcig pa nas bzung rgyun chags kyi bar gyi lci yang spel ba'i tshul ston pa prastaa ra 'god tshul/ gnyis pa yi ge bcu pa lta bu'i sdeb sbyor re re la rnam grangs du yod ston pa spyi'i rnam grangs rtogs byed/ gsum pa spyi grangs de las gang rung zhig khol du 'don pa'i bkod bya ji ltar yod rtogs par byed pa dper na yi ge drug pa'i sdeb sbyor la spyi'i rnam grangs drug cu rtsa bzhi yod pa'i nang nas bcu bzhi pa de glo bur bkod na prastaa ra 'god mi dgos sar lci yang bde blag tu rtogs byed na shta'i cho ga /bzhi pa thog mar yi ge bcu pa las ma sa dza ga lta bu'i prastaa ra bkod/ slar 'di yi ge bcu pa'i sdeb sbyor gyi nang gses su du pa yin ces 'dri na bde blag tu rtogs pa'i thabs udhishta bzung ba/ sdeb sbyor 'di la lci ba 'ba' zhig pa du/ gcig yang ba du/ gnyis yang ba du zhes sogs 'dri na/ de rtogs byed yang ba'i bya ba/ prastaa ra'i phreng steng 'og gi gling dang bar gyi sa ji tsam 'gro ba rtogs byed la adha'i brtag pa ste mnyam pa'i priittaa khyad par du rtogs par byed pa'i cho ga drug yod cing/ britta dzaa ti thun mong du yi ge phyi mo/
lci yang gi grangs rtogs par byed pa'i thabs re re la gsum gsum yod kyang spyir thun mong rtogs byed ces bsdoms pas gcig go/
de dag ni slob dpon rin 'byung zhi bas mdzad pa'i gzhung las ji ltar gsungs pa'i don te/ gzhung 'di ni/ ji skad du/ mdor bsdus tshigs su bcad pa dang/ /mdo yis dper brjod bgyis pa dang/ /ma 'dres rim pas 'don pa dang/ /mthar sdod tshogs nyid yon tan yin/ /ces dmar ser can gyi gzhung las yon tan brgyad kyis 'phags par bshad pa dang/ mdzad pa po khyad (aa: 164 ba) du 'phags pas ngo mtshar ba'i gzhung yin no/
/
Sheja Dzo Chapter 6.1 volume2 (page 328)
bzhi pa ming gi mngon brjod bshad pa la gnyis/ spyir ming gi mtshan nyid dbye ba sogs bshad pa/ bye brag mngon brjod kyi tshul bshad pa'o/
/dang po ni/ thog ma'i 'dod rgyal rjes grub don dang ldan/ /dngos ming de bzhin btags ming 'dra 'brel gyi/ /rgyu mtshan las byung de nyid ldog pa'i ming/ /'brel la rgyu ming 'bras dang 'bras ming rgyu/ /tshogs pa ya gyal la btags sdog pa sogs/ /rang gi gdags gzhi yi ge du ma 'dus nas don gyi ngo bo tsam ston pa'i rjod byed ni ming gi mtshan nyid/ de btags pa'i dgos pa ni/ 'phags pa'i zhal nas/ ming du gdags par ma mdzad na/ /'jig rten thams cad rmongs par 'gyur/ /de bas rmongs pa bsal ba'i phyir/ /mgon pos ming du gdags par mdzad/ /ces gsungs pa ltar tha snyad brdar go ba ni ming la rag las pa'o/
/de la'ng rgyu mtshan dang dgos pa la ma ltos par thog ma'i brda sbyar ba ni 'dod rgyal gyi ming ste/ nam mkha' sa chu la sogs pa lta bu' smra sgo las/ 'dod rgyal thog ma'i ming gang yin/ /nges tshig gzhi med chos nyid bzhin/ /ces bshad do/
/sngar tha snyad grub zin pa'i ming don gzhan gyi ming du gdags pa ni rjes su grub pa'i ming ste/ de la'ng rjes grub 'dod rgyal ni sgra bshad du mi rung ba/ khyi nag po la dung zhes btags pa lta bu/ rjes grub don dang ldan pa ni sgra bshad du rung ba/ khyi dkar po la dung zhes btags pa lta bu'o/
/yang ming la dbye na dngos ming dang/ de bzhin btags ming gnyis/ dang po ni 'dod rgyal thog ma'i mingdu grags pa'm dngos kyi sgra bshad gsum po gang rung tshang ba/ de la dbye na 'dod rgyal thog ma'i dngos ming/ lha zhes pa lta bu/ (aa: 165 na) rjes grub 'dod rgyal gyi dngos ming/ ljon shing la rkang 'thung zhes pa lta bu/ don ldan 'khrul med kyi dngos ming/ skyes bu dpa' ba la stag ces pa lta bu'o/
/btags ming gi mtshan nyid btags
Sheja Dzo Chapter 6.1 volume2 (page 329)
pa'i sgra bshad lnga po gang rung tshang ba/ de la dbye na 'dra ba rgyu mtshan du byas pa/ 'brel ba rgyu mtshan du byas pa'm de las byung ba/ de gnyis ka ldog pa rgyu mtshan du byas pa'i btags ming gsum du yod/ dang po ni sman bya rog rkang zhes pa lta bu/ gnyis pa 'brel ming la rgyu ming 'bras bu la btags pa/ ma zhu ba'i nad la ma zhu ba brjod pa lta bu/ 'bras ming rgyu la btags pa sgron me'i shing ngam/ phyug po ser snang can la yi dwags su brjod pa lta bu/ tshogs pa'i ming ya gyal la btags pa skyes bu 'ga' zhigs la lha'm/ bud med kha cig gi ming du bu mo brjod pa lta bu/ de las ldog la/ ya gyal gyi ming tshogs pa la btags pa gser sogs la lcags zhes brjod pa lta bu dang bzhi'i/ /gsum pa 'dra 'brel gnyis ka las ldog pa'i ming ni/ gzhan' mig dmar la bkra shis dang/ byed pa bishta la bzang po zhes brjod pa lta bu sogs so/
/gnyis pa ni/ ming gcig don mang don gcig ming mang gis/ /mngon brjod khams dang ming don khong chud bya/ /de ltar bshad pa'i ming rnams kyang ming gcig kho na don mang po la 'jug pa/ dper na/ 'chi med mdzod las/ ka: ni tshangs pa rlung nyi bdag /kang ni mgo dang chu dag la/ /zhes dang/ dbang chen gu gul 'ug pa dang/ /sprul 'dzin rnams la ko shi ka? / /zhes dang/ artha brjod bya nor tshig don/ /dgos pa dang ni ldog pa la/ /zhes dang/ anta rang ni go skabs mtshams/ /smad gossgrib dbye de yi don/ skyion bral phyi rol bdag gi ba/ skabs dbus gang gi bdag la yang/ /zhes dang/ swa sti smon bde bsod nams tshogs/ /(aa: 165 ba) zhes dang/ klu sgrub zhabs kyis/ ngag phyogs sa dang 'od zer dang/ /phyug dang mig dang rdo rje dang/ /mtho ris chu ste don dgu la/ /mkhas pas go sgra nges par bzung/ /zhes pa lta bu dang/ gzhan yang mdon brjod mu tig phreng ba dang/ dpal sgra'i snye ma
Sheja Dzo Chapter 6.1 volume2 (page 330)
sogs nas mtha' yas pa 'byung ba ltar legs sbyar la shin tu mang zhing/ bod skad la'ng/ gnyis skyes zhes pa'i ming/ zla ba/ bram ze/ bya sogs la 'jug pa dang/ mkha' 'gro zhes pa grub pa'i rnal 'byor ma dang/ o rgyan sogs zhing skyes kyi mi mo/
nyi ma/ 'dab chags/ mda' la'ng 'jug pas mtshon te rgya cher rtogs par bya'o/
/don gcig la ming mang po dang ldan pa ni/ 'chi med mdzod las/ mtho ris mi zad mi bde med/ /legs gnas sum rtsen skabs gsum gnas/ /lha yi 'jig rten zhes mtho ris kyi ming gi rnam grangs dang/ kun mkhyen bde gshegs sangs rgyas dang/ /chos kyi rgyal po de bzhin gshegs/ /kun tu bzang po bcom ldan 'das/ /bdud thul rgyal ba 'jig rten rgyal/ /mngon shes drug ldan stobs bcu pa/ /gnyis med gsung ba rnam par 'dren/ /thub dbang dpal stug ston pa'o/
/zhes sangs rgyas kyi mtshan gyi rnam grangs su gsungs pa lta bu shin tu mang po rnams te/ mngon brjod de rnams kyang legs sbyar la byings kyi khams dang/ skad gnyis kar ming de'i don nam rgyu mtshan yang khong du chud par byed dgos te/ dper na legs sbyar la/ buddhaa zhes pa budhi rtogs pa'i byings la dngos po'i don kta rkyen du sbyar nas bsgrubs pas gnyid dang bral ba lta bu'i sangs pa'm shes bya'i dngos po thams cad ji bzhin du rtos pa'i don du 'gyur ba dang/ de nyis bod skad du sangs rgyas zhes sngon gyi lo tsaa ba chen po rnams kyis don la brton nas bsgyur bar mdzad de/ de'ng/ ma rig gnyid las (aa: 166 na) sangs phyir dang/ /shes bya la ni blo rgyas phyir/ /sangs rgyas padma ltar sangs rgyas/ /zhes nges tshig dang sbyar dgos pas mtshon te rjes su dpag par bya'o/
/lnga pa zlos gar ni/ mtshams sbyor lnga dang 'jug pa'i yan lag dang/ /mtshan nyid bcu drug skyeg dang phreng ba sogs/ /kun dga'i ro ldan zlos gar
Sheja Dzo Chapter 6.1 volume2 (page 331)
dang mtshungs pa/ /sems can mgu byed spyod pa kun la bslab/ /zlos gar gyi bshad pa bod kyi rtog bzo mkhan rnams kyis bshad pa ni phal cher ji bzhin ma yin pas rjes zlos ma byas la/ kun mkhyen bstan pa'i nyin byed kyis rgya dpe dang zlos gar gyi sbyor ba'ng gzigs nas phyogs mtshon tsam gyi gsung gi rgyun ni/ spyir zlos gar la don gyi chings gsum/ mtshams sbyor gyi yan lag 'jug pa'i yan lag mtshan nyid kyi dbye ba'o/
/dang po mtshams sbyor gyi yan lag ni/ brjod bya'i don gyi khyad par sde tshan mi 'dra ba rnams rjod byed kyang skad rigs sna tshogs pas lab dgos pa de dag gi bar du mtshams sbyor byed yin/ de las sgo'i mtshams sbyor ni dri ba dang/ lan gyi sgo'i mtshams sbyor ni dri lan te phan tshun dri ba dri lan gyi rnam pa byed rgyu du ma zhig yod pa'i ming dang/ snying po ni/ skabs 'gar gros byed pa lta bu'i tshig mang po phan tshun du smras pa'i mthar gros thag bcad pa'i tshul gyis gtan la phab pa la snying po zer/ mi bzod pa ni/ mtshang nas 'bru ba'i brjod pas de'i rang mtshang la phog pa'i rnam pas mi bzod pa'm chags pas gzir nas mi bzod pa'i tshul byed pa'o/
/nges pa thob byed ni/ the tshom dang bcas pa'i brjod pa mang po'i mthar don gcig la nges pa rnyed pa ltar byed pa ste/ de rnams la mtshams sbyor gyi yan lag lnga zhes grags so/
/gzhan yang snyan ngag me long gi rgya 'grel slob dpon ratna shriis mdzad pa las/ mtshams sbyor rnams ni sgo dang/ (aa: 166 ba) lan gyi sgo/
snying po/
mi bzod pa/ nges thob ste lngar bshad do/
/de la nye bar len pa/ nye bar mkho ba/ yongs su 'jog pa/ rnam par sred pa/ rig pa/ thob pa/ mnyam par 'jog pa/ sgrub pa/ brnyes pa/ dbye ba/ dbye bar byed pa rnams ni sgo'i yan lag rnams so/
/yongs su 'gro ba/ rnam par 'dar ba/ gdung ba/
Sheja Dzo Chapter 6.1 volume2 (page 332)
rtsed mo/
rtsed mo'i mdangs/ rab tu 'gro ba/ 'gl ba/ nye bar gnas pa/ ma dag pa/ skye bo 'god par rtsom pa/ yi ge bsdu ba rnams ni lan gyi sgo'i yan lag rnams so/
/ma byung ba dper brjod pa/ lam gyi rang bzhin dper brjod pa'i rim pa bsdu ba/ rjes su dpag pa/ slong ba/ brtag dpyad/ gzer ba/ stobs lhag pa/ yid 'byung ba/ 'tshab pa rnams ni snying po'i yan lag rnams so/
/rgol ba/ 'thor ba/ 'dzag pa/ nus pa/ phan tshun du gnas pa/ 'gro ba pa gsal ba/ 'byed pa/ 'gog pa/ 'gal ba/ len pa/ 'drid pa/ rab tu sred pa ni mi bzod pa'i yan lag rnams so/
/mtshams sbyor/ 'gog pa/ spel ba/ gtan la phab pa/ smod pa gsal ba/ rab dwangs/ kun dga'/ dus/ nye bar sbyed pa/ bsam pa snga ma 'chad pa/ snyhan ngag bsdu ba/ rang gis ston pa rnams ni nges thob kyi yan lag rnams so/
/zhes gsungs/ /gnyis pa 'jug pa'i yan lag la/ bhaa ra tii/ saa twa ti/ kee shi kii/ aar bha tii/ zhs pa bzhi ste/ so sor yang yan lag bzhi'o/
/de la bhaa ra tii'i yan lag bzhi ni/ rab tu sred pa dang/ kun tu sgo dang/ phreng ba dang/ bzo byed ba'o/
/saa twa ti yi yan lag bzhi ni/ shin tu 'jog pa/ yongs su bsgyur ba/ smra ba dang bcas pa/ 'phrag tu bzlog pa rnams so/
/kee shi kii'i yan lag bzhi ni/ rtsed mo/
gsal ba/ rtsed mo 'byed pa/ rtsed mor 'gro ba rnams so/
/aar bha ttii'i yan lag (aa: 167 na) bzhi ni/ bsdus pa/ kun ltung/ gnas skabs 'jog pa/ kun tu 'thor ba ste/ de rnams ni 'jug pa'i yan lag go/
gsum pa mtshan nyid kyi dbye ba ni/ rgya 'grel las/ rgyan/ yi ge bsdus pa/ mdzes pa/ dper brjod/ rgyu yang dag par sbyor ba/ mthong ba'i
Sheja Dzo Chapter 6.1 volume2 (page 333)
mtha'/ thob pa/ mngon par mtho ba/ nges par bstan pa/ nges tshig grub pa/ khyad par byed pa/ yon tan lhung ba/ phul byung/ rtog ge mtshungs pa/ tshig btus pa/ bstan pa/ nye bar bstan pa/ rnam par dpyad pa/ go ldog pa/ nyams pa/ rjes khrid/ phreng ba/ yon sbyin pa/ smod pa/ don gyi dbang/ rab tu grub pa/ dri ba/ 'god pa dang bcas pa/ re ba/ cha shas/ bsdus pa/ yon tan sgrogs pa/ ma brjod pa grub pa/ dga' ba'i tshig ste sum cu rtsa drug tu shad pa rnams dang/ gzhan yang/ sgeg pa'i yan lag dang/ phreng ba'i yan lag dang/ mtshams sbyor gzhan pa'i yan lag la sogs pa ste/ de rnams thams cad kyang gar gyi rnam 'gyur shin tu khro ba'i nyams dang/ chags pas gzer ba'i nyams dang/ mya ngan gyis sdug bsngal ba'i nyams dang/ ya mtshan pas ngo mtshar ba'i nyams sogs sngon byung gi gtam rgyud dang rjes su 'brel ba'i lus ngag gi rnam 'gyur la brten nas mngon sum lta bur nyams su myong bar byed pa ste/ de rnams kyi mtshan nyid rgyas pa ni 'dir yi ge'i las su che bas gzhan du shes par bya'o/
/mdor na lus ngag gi 'gyur ba lan mang po zlos kyang yid 'phrog pa'i gar du gyur pas 'gro ba mthong thos kun dga' ba skyed pa'i ro'm nyams dang ldan pa 'phags pa'i yul du zlos gar gyi rig pa ya mtshan che bar grags kyang gangs can du de'i bstan bcos ma byung zhing thar pa don du gnyer ba la nye bar mkho ba'ng med pas/ de dang cha mtshungs pa byang chub sems dpa' rnams kyi bya ba sems (aa: 167 ba) can mgu byed kyi spyod pa kun la bslab par bya ste/ sems can mgu byed ma gtogs pa/ /sangs rgyas mnyes pa'i thabs gzhan med/ /ces gsungs pa ltar ro/
/rtsa ba'i gsum pa tshur mthong 'jig rten pa'i lam rnam par gzhag pa la gnyis/ spyir bstan pa dang/ bye brag tu dbye ba'o/
/
Sheja Dzo Chapter 6.1 volume2 (page 334)
dang po ni/ tshe 'di'i bde skyid tsam rtog tha mal pa/ /grub mthas blo bsgyur lam dang ldan pa ste/ /yang dag yang dag min pa'i lta ba mang/ /'og ma brgya las gong ma re re tsam/ /bsdu na phyi nang gnyis yod/ /ces pa ste/ spyir sems can gyi ris na shes bya'i gnas tshul dang 'jig rten phyi ma phan chad la rtog dpyod gang yang mi 'jug par tshe 'di kho na'i bde sdug gi blang dor tsam 'ba' zhig rtog pa ni tha mal pa zhes bya la/ grub mthas blo bsgyur cing shes bya la rtog dpyod cung zad zhugs pa ni lam dang ldan pa zhes bya ste 'jig rten phal pa las ches mtchog tu gyur pa'o/
/des na 'jig rten na grub mthas blo kha sgyur ba rnams ni/ rang rang gi rigs pas grub cing de las 'da' bar mi nus pa la grub pa'i mtha' zhes bya zhing de nyid bden pa yin gyi/ 'jig rten na ji ltar grags pa rnams ni bden par ma nges so zhes zer te/ de skad du yang/ spyod 'jug las/ 'jig rten pa yis dngos mthong zhing/ /yang dag nyid du'ng rtog byed kyi/ /sgyu ma lta bu min pas 'dir/ /rnal 'byor pa dang 'jig rten rtsod/ /ces gsungs so/
/grub mtha' smra ba de la'ng mngon mtho'i theg pa la sogs yang dag dang/ rtag chad du 'dzin pa sogs yang dag pa ma yin pa'i lta ba ni mang ste/ slob dpon sman pa'i zhabs kyis/ lta ba lnga brgya bdun cu dang/ rtog ge 'bar ba las lta ba'i rtsa ba brgya rtsa bcu dang de las phye ba sum brgya drug cu rtsa gsum dang/ ye shes nying po kun btus kyi bshad sbyar las ya mthsan can gyi lta ba dgu (aa: 168 na) bcu drug dang/ mdo sde tshangs pa'i drwa ba las lta ba drug cu rtsa gnyis dang/ dad pa cher 'byung gi mdo las dam pa ma yin pa'i lta ba nyi shu rtsa brgyad dang/ theg chen la dad par rab tu sgom pa'i mdo las lta ngan nyi shu rtsa drug gsungs pa dang/ gzhan yang 'jig tshogs la lta ba nyi shu dang/ rtog dpyod kyi lta ba las pha rol smra ba
Sheja Dzo Chapter 6.1 volume2 (page 335)
bcu drug dang/ lung ma bstan gyi lta ba bcu bzhi dang/ mthar 'dzin gyi lta ba bryad dam bzhi'm gnyis te yang dag pa ma yin pa'i lta ba mang du bshad pas mtshon no/
/ngan song gsum dang lha mi phal mo che sogs 'jig rten phal pa brgya stong du ma'i nang du grub mtha'i lam la zhugs pa ni re re tsam du zad la/ de dag kyang 'og ma 'og ma la zhugs pa ni ches mang la gong ma gong ma la zhugs pa ni ches nyung ste/ jo bo rjes/ deng sang rgya gar na mu stegs kyi grub mtha' la mkhas pa brgya brgya'i tshe na bye brag tu smra ba'i grub mtha' shes pa re re/ de brgya brgya na mdo sde pa re re/ de brgya brgya na sems tsam rnam bden pa re re/ de brgya brgya na rnam rdzun pa re re/ de brgya brgya na zla ba grags pa'i lugs shes pa re re tsam las med/ ces gsungs pa ltar ro/
/grub mtha' smra ba la nang gses bye brag gi rnam dbye ches mang yang ris mi mthun pa'i sgo nas bsdu na/ gzhan sde phyi rol mu stegs pa dang/ rang sde nang pa sangs rgyas pa gnyis su yod pas de dag gi tshul rim bzhin 'chad par bya'o/
/gnyis pa bye brag tu dbye ba la gnyis/ phyi rol mu stegs pa'i lam sros mdor bstan/ mngon mtho'i theg pa rgyas par bstan pa'o/
/dang po la gsum/ ngo bo/
dbye ba/ de nyid rgyas par bshad pa'o/
/dang po ni/ phyi pa la/ /mu stegs zhes grags/ /zhes pa se/ bstan pa 'di dang ston pa 'di las phyi rol tu phyogs te 'jig rten pa'i shes rab kyis shes bya'i gnas la dpyod kyang yin (aa: 168 ba) lugs kyi myang 'das dang rjes su mthun pa'i lam med pas phyi rol pa zhes bya/ 'on kyang de la cung zad nye bar gyur pas thar pa'i mu dang stegs la gnas pas na mu stegs zhes bya ste/ bzang spyod 'grel pa lo chen ye shes sdes mdzad pa las/ mu stegs can zhes bya ba la/ /mu stegs ni/ dper
Sheja Dzo Chapter 6.1 volume2 (page 336)
na chu'i rdzing bu'm mtshe'ur 'jug pa'i mur them pa byas pa lta bu'm rab brgal ba'i rab kha bde ba la mu stegs zhes bya'o/
/de bzhin mya ngan las 'das pa'i mtshor 'jug pa'i mu stegs dang/ 'gor ba'i chu bo las brgal ba'i thabs lam gyi rab kha la mu stegs zhes bya ste/ gang su dag la lam de yod cing de spyod na de dag ni mu stegs can te/ zhes gsungs pa ltar ro/
/mtshan nyid ni/ lta sgom spyod 'bras bzhi'i sgo nas sangs rgyas pa'i 'gal zlar gyur pa'i grub mtha' smra po'o/
/gnyis pa ni/ btags sprul rang rgyud gsum/ /zhes pa ste/ spyir mu stegs tsam la btags pa ba dang/ sprul pa dang/ rang rgyud pa gsum las/ btags pa ba ni/ lang gshegs las/ ji srid sems ni 'jug pa'i bar/ /de srid 'jig rten rgyang 'phen yin/ /ces pa dang/ mdo gzhan las/ 'jig rten rgyang 'phen pa'i tshig lhur len pa'i dge sbyong rul pa sogs gsungs shing/ gnas ma bu pa dang phung po la sogs bden par smra ba rnams dang rigs chad pa'i log rtog can zhi ba'i bde ba la yid skyo ba rnams la mu stegs zhes btags pa rnams so/
/sprul pa'i dbang du byas nas ni/ /bden smra'i mdo las/ yid bzhin nor bu 'ching bu phrad gyur pa/ /bden pa'i tshul du nam yang 'byung ba med/ /de bzhin sangs rgyas rin chen mu stegs can/ /zhing gcig tu ni nam yang 'byung mi 'gyur/ /mu stegs can sgo 'di ni bsam gtan dang/ /mngon shes dbang bsgyur mkhas yin shes par gyis/ /shes rab thabs kyis sbpyod (aa: 169 na) pa'i blo ldan rnams/ /rnam par 'phrul pa sna tshogs ston par byed/ /ces sogs mdo sde rnams las mang du gsungs pa rnams so/
/rang rgyud pa'i dbang du byas na/ yum las/ kun tu rgyu brgya klan ka 'tshol ba'i bsam pas 'ongs pa de dag la dkar po'i chos gcig tsam yang ngas ma mthong ngo/
/
Sheja Dzo Chapter 6.1 volume2 (page 337)
zhes sogs 'byung ba ltar ro/
/gsum pa rgyas par bshad pa la gsum/ bsam gtan pa/ rtog ge pa/ zhar byung kla klo sogs spang byar bstan pa'o/
/dang po ni/ phyi mar bsam gtan pa ni lnga mngon shes/ /gong du dbye ba gsum smos pa'i phyi ma mu stegs rang rgyud pa ni 'dir bshad bya'i grub mtha' ste/ de la'ng bsam gtan pa dang rtog ge pa gnyis kyi dang po ni/ bsam gtan gzugs med kyi mngon shes lnga ldan te/ slob dpon dpa' bos/ drang srong chen po lnga mngon shes/ /zhes gsungs pa ltar ro/
/de yang ye shes rgyas pa dang rtog ge 'bar ba sogs nas bsam gtan dman 'bring mchog gsum gyis rim pa bzhin du bskal pa sum cu dang drug cu dang dgu bcu rjes su dran par bshad la/ de 'dra ba rnams ni 'khor ba thog ma med pa nas byung zhing/ rtog ge pa yang spyir de dang 'dra mod kyi 'chad 'gyur gyi grub mtha' phal cher ni bskal pa 'di nyid la byung ba'o/
/gnyis pa la gnyis/ mdor bstan dang 'brel bar chad smra bshad/ rtag smra'i dbye ba dgod pa'o/
/dang po ni/ rtog ge pa yi rtsa ba rtag chad smra/ /de la rgyang 'phen pa rnams 'gro ba gsum/ /gsal dang mi gsal sems can ngo bos byung/ /rgyu sogs ma mthong med smra tshe snga phyi/ /las sogs 'gog mtho ris tsam yang med/ /mu stegs kyi grub mtha'i dbye ba spyir ye shes snying kun btus las/ yon tan can pa/ grangs can pa/ tshangs pa ste gsum rtog ge 'bar ba las/ grangs can pa/ bye brag pa/ rig byed kyi mtha' gsang ba pa/ (aa: 169 ba) spyod pa can ste bzhi/ dus 'khor las/ tshangs pa ba/ dbang phyug pa/ khyab 'jug pa/ rgyang 'phen pa/ gcer bu ba/ skabs gzhan dru grangs can pa ste drug sa skya pa'i gzhung lugs legs bshad las/ rtag smra grangs can pa/ phur bu pa/ bye brag pa/ rig pa can pa/ gcer bu ba ste
Sheja Dzo Chapter 6.1 volume2 (page 338)
lnga dang/ chad smra tshu rol mdzes pa/ spyod pa pa/ rig byed kyi mtha' gsang ba smra ba/ dbu ma'i tshul du smra ba bzhi ste dgu dang/ bcom ral ba'i grub mtha' rgyan gyi me tog las/ rgyang 'phen pa sogs bcu gnyis 'og tu 'chad 'gyur ltar bshad pas mtshon gzhung lugs rnams su rnam grangs du ma 'byung yang/ rtog ge pa thams cad kyi rtsa ba rtag smra dang chad smra gnyis su 'du zhing/ de thams cad kyang thun mong du khyab 'jug dang dbang phyug dang tshangs pa lhar 'dzin pa dang/ rig byed bzhi chos su 'dzin pa dang/ bdag dang rtag dngos smra ba dang/ 'tsho ba chos su smra ba dang/ sangs rgysa pa'i lugs la sdang smras byed pa sogs su phal cher mthun no/
/mu stegs byed thams cad lha de gsum la skyabs su 'gro zhing rig byed bzhi 'dzin pa dang/ nyer len bzhi las bdag tu smra ba nye bar len pa spyi'i chos yin te/ rgyang 'phen pas kyang 'byung bzhi dang rdzas gcig pa'i bdag 'dod pa'i phyir ro/
/de la las 'bras med par 'dod pas 'jig rten pa'i yang dag lta ba las rgyang ring du song ba'i rgyang 'phen pa ni/ sngon gyi tshe lha dang lha min 'thab pa na lha rnams rang bzhin dge bas 'thab rtsod la spro bar ma gyur pas gsyul pham par nye ba na/ drang srong phur bus lha rnams 'thab mo la gzhug pa'i ched du chad par lta ba'i gzhung brtsams te bstan pas yid ches te lha rnams gyul las rgyal/ phyis phur bus lta ngan lha'i yul du dar bar dogs te glegs bam gdgaa'i chu fla bskur ba drang srong zhig gis rnyed nas 'phags yul du (aa: 170 na) dar/ de las btus te drang srong 'jig rten mig gis brtsams pa'i rtsa ba la 'jug stobs kyis 'grel pa byas pa'i rjes 'brangs chad smra'i ston pa snyoms 'jug pa drug rjes sgrogs pa drug rtog ge pa'm ston pa drug tu grags pa rnams so/
/gzhan yang drang srong 'jig mig gis rang gi bu mo la bsgrod par 'dod nas brtsams pa'ng bshad la gang
Sheja Dzo Chapter 6.1 volume2 (page 339)
ltar/ dam bca' ni/ sgrub pa bzhi dang dgag pa lnga ste/ 'byung ba rgyu dus na mi gsal ba'i bdag dang/ 'bras dus na lus sems rdzas gcig tu mngon du gyur pa gsal ba'i bdag dang/ lha dang yi dwags dmyal ba med pas 'gro ba drug mi bden cing 'gro ba gsum yin te gsal ba mi dang dud 'gro/
mi gsal ba 'byung bzhi ri dang shing sogs rnam shes kyi nus pa ma zad pa'i 'gro ba bcas gsum dang/ rang nyid rjes dpag mi 'dod pas gtan tshigs med kyang gzhan la grags pa'i rtags kyi dgod tshul/ bum pa chos can/ lus sems rdzas gcig pa'i skyes bu dang bum pa gang rung gi brda dang bcas pa yin te/ utpal min pa'i dngos po yin pa'i phyir/ dper na rtsig pa bzhin/ zhes sogs sgrub par byed do/
/dgag pa lnga ni/ sran ma zlum zhing tsher ma rno ba sogs kyis dpes bde sdug ngo bo nyid kyis byung bas rgyu la sogs pa ma mtrhong ba ni med par smra ste/ de'ng/ tshe snga phyi 'gog pa dang/ las rgyu 'bras 'gog pa dang/ dkon mchog gsum 'gog pa dang/ ma mthong ba'i dngos po 'gog pa dang/ rjes dpag tshad ma 'gog pa'i/ /dei dag ni lta ba rnams kyi ma rung ba dang/ grub mtha' smra ba rnams kyi tha chad dang/ rmongs pa rnams kyi tshabs che shos yin pas thar pa lta ci smos/ mtho ris kyi lus rten tsam thob pa'i rgyu'ng med de 'bras bu ngan 'gro 'ba' zhig pa'o/
/gnyis pa ni/ rtag par smra ba'i phyi mo grangs can pa/ /tshad ma gsum gyis de nyid 9aa: 170 ba) nyer lnga gzhal/ /khyad par lnga ldan rtsa ba'i rang bzhin bdag /gtso bo yon tan gsum snyoms de las blo/
/de las nga rgyal de tsam 'byung chen lnga/ /las dang dbang po yid bcas lugs 'byung 'khor/ /rnam 'gyur lodg pas skyes bu thar par 'dod/ /mu stegs rtag par smra ba thams cad kyi phyi mo ni grangs can pa yin te/ de'ng sngon tshe lo dpag med kyi dus drang
Sheja Dzo Chapter 6.1 volume2 (page 340)
srong ser skya zhes pas bsti gnas su bsgoms pas mu stegs kyi thar pa thob par rlom nas rang gis mthong ba'i de nyid gzhan la bstan phyir grangs can gyi bstan bcos byas shing/ phyis rnal 'byor spyod pa dbang phyug lhar 'dzin pa'i drang srong hu klung gis kyang dbang phyug nag po'i rgyud sum cu pa dang drug pa sogs byas pas de dag ston par 'dzin la/ dbu ma la 'jug pa las/ de dbye cung zad cung zad la brten nas/ /mu stegs can rnams lugs ni tha dad gyur/ /zhes gsungs pa ltar 'di las lugs srol tha dd pa mang du gyes so/
/'di'i grub mtha' ni/ mngon sum tshad ma dbang po'i 'jug pa/ rang don rjes dpag nor bdag gi 'brel ba sogs 'brel ba bdun/ gzhan don rjes dpag rnal 'byor ldan pa dang bsal te 'ongs pa gnyis te/ 'jal byed tshad ma gsum gyis gzhal bya'i shes bya de nyid nyer lnga gzhal bar 'dod de/ nyer lnga ni/ gtso bo dang chen po dang nga rgyal gsum dang/ sgra reg gzugs ro dri ste de tsam lnga/ mkha' sogs 'byung ba lnga/ rna ba pags pa mig lce sna ste nang blo'i dbang po lnga dang/ lag rkang 'phongs 'doms ngag ste phyi las kyi dbang po lnga dang/ gnyis ka'i dbang po yid de dbang po bcu gcig tha ma bdag shes rig gi skyes bu rnams so/
/bsdu na gtso bo dang bdag shes rig gi skyes bu gnyis su 'du ste rang bzhin dang rang bzhin min pa gnyis so/
/de la bdag gi ngo bo ni byed pa po dang za ba po gnyis las/ yul la longs spyod 9aa: 171 na) pas za ba po/
'jig mi srid pas rtag pa/ gang yang mi skyed pas byed po min pa/ rdul mun snying tobs gsum gyi yon tan med pa/ yul dus thams cad la khyab pa'i phyir bya ba med pa ste khyad par ram mtshan nyid lnga dang ldan pa/ rnam 'gyur rnams kyi rtsa ba'i rang bzhin bdag shes rig gi skyes bu zhes bya'o/
/gtso bo la spyi'i ngo bo ni bdag las gzhan nyer bzhi po kun la spyi ming gtso bo zhes bya zhing/
Sheja Dzo Chapter 6.1 volume2 (page 341)
yul yul can gnyis las yul dang yon tan dang bem po yin no/
/khyad par nyer lnga'i dang po rang bzhin rgyu'i gtso bo ni rdul mun snying stobs kyi yon tan gsum cha snyoms par gnas pa'i skabs te/ de gsum gyi mtshan nyid kyang gyo dang 'jug pa/ lci dang gyogs pa/ yang dang rab tu gsal ba'o/
/'di ni rang bzhin yin gyi rnam 'gyur ma yin pas rab tu byed pa kho na yin zer ro/
/gtso bo de las chen po zhes bya ba'i blo byung/ de las nga rgyal gsum byung/ de las mched pa ni/ rnam 'gyur nga rgyal las de tsam lnga/ de lnga las 'byung chen lnga/ snying stobs nga rgyal las las kyi dbang po lnga dang blo'i dbang po lnga/ gnyis ka'i dbang po yid gcig bcas/ mun can nga rgyal ni nga rgyal snga ma gnyis ka 'jug par byed pa po'o/
/blo nga rgyal de tsam lnga bcas rang bzhin la ltos nas rnam 'gyur yin la/ blo chen po nga rgyal chen po sogs rang gi rnam 'gyur la ltos nas rang bzhin dubzhag gzhan bcu drug po rnam 'gyur kho nar 'dod do/
/bdag shes rig gi skyes bus rnam 'gyur skyed byed rang bzhin gyi mtshang ma rig par lugs 'byung du zhen nas yul sgra sogs la longs spyod pa de srid du skyes bu de 'khor ba pa yin la/ des de la longs spyod pas sun te bsam gtan bsgom pa'i mngon shes kyis rang bzhin gyis spyod pa'i mtshang la bltas pas de ngo tsha bas skyengs nas 'bros par 'gyur la/ de dang bral bas des bskyed pa'i rnam 'gyur (aa: 171 ba) thams cad kyang skye ba'i rim pa las bzlog nas de nyid duthim ste/ bdag skyes bu 'ba' zhig gsal bar gnas pa'i tshe thar pa thob par 'dod do/
/bye brag pa ni rdzas dang yon tan las/ /spyi bye 'du ba tshig gi don drug smra/ /rig pa can pa de mtshungs tshad ma bzhi/ /gsal ba'i gzugs brgyad sogs 'dod dbang phyug pa/ /gnyis pa bye brag pa ni/ drang srong gzegs can gyi rjes su 'brang ba ste/ bdag dus phyogs nam mkha' yid
Sheja Dzo Chapter 6.1 volume2 (page 342)
'byung ba bzhi bcas dgu po ni rdzas/ blo bde sdug 'bad pa chos chos min bya ba'i shugs bcas bdag gi yon tan dgu/ 'degs 'jog brkyang bskum 'gro ba lnga ni las/ bye brag la khyab par byed pa ni spyi/ spyi'i don rnams gsal bar byed pa bye brag rdzas rnams dngos 'brel rgyud 'brel gnyis su yod pa 'du ba ste shes bya tshig gi don drug tshad ma gsum dang sgra byung tshad ma bcas bzhis 'jal bar byed la yon tan dgu po bdag la 'du bya bar yod pa de srid du dge mi dge'i las sgrub par byed pas 'khor bar 'gyur la/ skyes bu'i tshig gi don drug shes nas yon tan dgu po rtsa ba bcas bcad pas bdag gcig pur gnas pa na thar pa thob par 'dod/ gsum par rig pa can pa ni/ shes bya tshig gi don drug de dang mtshungs la/ 'jal byed tshad ma bzhi dbang don phrad pa'i rtog pa ma 'khrul ba mngon sum tshad ma/ rjes dpag rang gzhan gnyis/ sgra byung tshad ma yid ches pa'i tshig dang nye bar 'jal ba'i dpe rnams so/
/gzhal bya yin na dngos po yin pas khyab cing dngos med mi 'dod/ de la dngos po ni/ bdag lus dbang po don blo yid 'jug pa skyon srid pa phyi ma 'bras bu sdug bsngal byang grol bcu gnyis so/
/bzhi pa dbang phyug pa ni/ dbang phyug 'jig rten gyi byed pa po yin te/ mun pa sel phyir nyi zla gnyis/ brtan gyo skyed phyir 'byung ba lnga/ smin par byed pa'i phyir mchod (aa: 172 na) sbyin te gsal ba'i gzugs brgyad sprul cing/ phra ba/ yang ba/ mchod par 'os pa/ bdag por gyur pa/ dbang du gyur pa/ gar yang phyin pa/ 'dod dgur sgyur ba/ dga' mgur gnas pa ste yon tan brgyad dang ldan par 'dod/ 'jig rtne pa las sogs rang dbang med cing dbang phyug mchod pa dang/ 'khrig pa bsten pas mtshon bya las 'das pa'i ye shes skyes nas grol bar 'dod de/ bye brag pa sogs gsum ka'ng dbang phyug pa'i grub mtha' smra ba'i nang gses so/
/
Sheja Dzo Chapter 6.1 volume2 (page 343)
'jug pa bcu las rtsom sogs khyab 'jug pa/ /rig byed tshad mar khas len tshangs pa ba/ /sa 'og skyes bur ro gcig gsang ba pa/ /dngos kun sgra yi bdag nyid brda sprod pa/ /lnga pa khyab 'jug pa ni/ gcer bu pa'i ston pa gzhon nu malen sogs kyis skal ldan nor lha 'di ni thams cad mkhyen pa/ thams cad gzigs pa/ 'gro ba thams cad kyi byed pa po/
thar pa sbyin par byed pa/ zhes sogs brjod la/ de rang nyid kyang/ 'di skad du/ nga ni me chu rlung yang yin/ bza' btung skye dgu'i bdag po'ng nga/ nga ni bram ze'i lus su gnas/ /spyod pa po yin sbyin po'ng yin/ /zhes pa ltar mngon pa'i nga rgyal chen po dang ldan pa'o/
/rjes 'brangs rnams de'i 'jug pa bcu las rtsom pa'i lo rgyus dang/ rtag chad du lta ba 'dzin te/ de'ng 'dis nya bo chen sprul nas sngon dus kyi dbang gis rig byed bzhi rgya mtshor nub pa bton pa dang/ rus sbal du sprul te 'jig rten bteg nas gnas pa dang/ phag rgod kyi gzugs kyis tshangs pa'i 'jig rten man mnan pa dang/ mi sing ge'i stod can du sprul nas lha min dbang po 'gro ba skyob gser gyi stan can sder mos bsad pa dang/ mi'u thung du sprul nas lha min stobs ldan mchod sbyin byed pa la gom gsum gyi sa bslangs pas bslus te sa 'og tu bcug pa dang/ drang (aa: 172 ba) srong dza maa agni'i bu raa mar sprul nas rgyal bu srid sgrub sogs bsad de rgyal rigs med par byas pa dang/ rgyal po shing rta bcu pa'i bu raa ma nnar sprul nas rang gi chung ma srin po ladka mgrin bcus phrogs pa spre'u ha nu mantha la grogs bcol te srin po btul ba dang/ nag por sprul te rtsod dus su sems can gyi don byas pa dang/ sangs rgyas shaaka thub tu sprul nas sngon rgyal rigs bsad pa'i sdig pa sbyong ba'i phyir sems can bskyab pa dang/ rigs ldan bram ze'i bu karki rtse zhes pa ma 'ongs pa na 'byung bas sems can mang po btul ba'i mthar
Sheja Dzo Chapter 6.1 volume2 (page 344)
uds bzlog par 'gyur ro zhes 'byung ba ltar dang/ bskal pa 'jig pa'i tshe drang srong rnams ni 'di'i lto ba na gnas par 'dod do/
/'di'i grub mtha' sems nyid rtag pa skye 'jig dang bral ba dngons dang dngos med gnyis ka ma yin pa bdag dam pa nor lha'i bu zhes bya bar 'dod pas rtag par smra ba dang/ khyab 'jug gis 'thab ka brlag par byed pa'i tshe med par lta ba'i tshigs bcad mang du smras pa dang/ dbu ma rgyan las khyab 'jug gi lta ba dbu ma dang cha mthun par bshad pa lta bu chad par smra ba'ng yod la/ sgom pa ni yan lag drug gi rnal 'byor sogs so/
/gzhan yang 'dzin pa po/
dpyod pa po/
rig byed pa/ brda sprod pa/ tsa ra ka pa/ gsang ba pa sogs kyang khyab 'jug pa'i dbye ba'o/
/drug pa rig byed tshangs pas dran pa yin gyis ma byas pa'i phyir rtag pa dang tshad mar khas len pa tshangs pa ba ste/ gyul ngor shi ba mtho ris su skye ba dang/ gangaa sogs la khrus byas pas sdig pa 'dzad pa dang/ tshangs pas snod bcud thams cad skyed par 'dod pa dang/ drang srong dang bram ze rnams kyang tshangs pa'i bu yin ces smra'o/
/bdun pa sa 'og mun pa'i dkyil 'khor gyi 'og tu 'chi med bdud rtsi'i skyes bu zhes rtag bdag rnam shes dam pa nam mkha' dang 'dra bar (aa: 173 na) ngo bo gcig tu 'dus pa zhig yod pa de'i rnam 'gyur las snod kyi 'jig rten dang 'gro ba byung bar 'dod pa ni rig byed mtha'i gsang ba pa ste/ rig byed mthar phyin pa na chos thams cad sgyu ma lta bur mthong/ de'i tshe byed pa po'i skyes bu la lta ba goms pas mun pa sangs te gser gyi mdog can du mthong nas ro gcig tu song ba sogs kyis grol bar 'dod/ brgyad pa mngon rjes tshad ma snang yang ma nges/ rig pa kun gyi gzhi ma ni sgra'i bstan bcos yin cing rig byed rnams ni don gyi tshad ma/ dngos kun sgra'i bdag nyid/ sgra don kun gyi mthar thug yi ge om skye 'jig gnas bral
Sheja Dzo Chapter 6.1 volume2 (page 345)
phyogs cha med pa sgra'i tshangs pa ste/ de nyid rtag mi 'gyur yang ma rig pas rnyogs pas gzugs snang la/ snang cha bzlog na snang med sgra'i tshangs pa bdud rtsi rtogs par 'dod pa ni brda sprodpa ste ba trii ha ri sogs so/
/mtshan nyid bcu gnyis sogs 'dod rgyal dpogs pa/ /tshad ma brgyad 'dod tsa ra ka pa ste/ /zhes bya bcu sogs smra ba gcer bu pa/ /de dag mngon mtho'i lam tsam yod mod kyi/ /bdag ltas thar pa sgrib phyir dor bar bya/ /dgu pa tshad ma spyi bye brag dgos pa go rim gnas gzhi spyi nges bstan dang bye brag nges bstan gleng ba rtsod pa rang rgyud dang thal 'gyur te bu gnyis dang/ tshad ma la'ng mngon rjes sgra byung nyer 'jal don gyis go ba dngos med dang drug tu 'dod cing/ bdag gis phung po'i rgyu byed pas rtag pa shed las skyes/ dri ma sems kyi rang bzhin/ de zad pas grol bar smra ba rgyal dpogs pa/ bcu pa tshad ma gong smos ltar la/ rjes dpag la 'das ma 'ongs da ltar dpogs pa gsum du dbye ba'i brgyad kyis gzhal bya sogs phal cher dpyod pa ba dang 'dra ba tsa ra ka pa/ bcu gcig pa ni/ shes bya tshig gi don dgu bdag dang bcu/ sogs khongs nas shes byed mngon rjs lung gi tshad ma gsum/ srog ldan dgur 'dod (aa: 173 ba) cing/ sa sogs srog ldan yin pas kun dga' ra ba sogs brtsigs pa sdig pa'i rygur smra ba gcer bu pa ste/ de'ng drang srong rgyal ba dam pa lhar 'dzin cing khyu mchog dang snod kyi rje sogs zad byed pa'i ston pa nyi shu rtsa lnga'i rjes su 'brangs te/ lus dka' thub kyis gdung bas sems kyi mdud pa 'jig par 'dod cing de la'ng dbyu gu gsum pa/ lo ma can sogs log pa'i brtul zhugs sum brgya re gsum tsam yod par grags la/ tshad ma gsum gyis gzhal bya dus gsum dang rdzas drug dang tshig gi don dgu dang srog ldan dgu sogs ni gzhi lam 'bras gsum gyi gzhi'o/
/de la dus gsum ni 'das pa sogs so/
/
Sheja Dzo Chapter 6.1 volume2 (page 346)
rdzas drug ni srog dang gang zad dang dus dang nam mkha' dang bsod nams dang sdig pa rnams so/
/khyad par tshig gi don dgu dang srog ldan dgu ni/ drang srong rgyal bas/ srog dang zad pa sdom pa dang/ /nges par dga' dang 'ching dang las/ /dig dang bsod nams thar pa ste/ /'di rnams tshig gi don dgur 'dod/ /srog ni srog can sde tshan dgu/ /sa chu shing dang me dang rlung/ /srin bu grog ma bung ba mi/ /dbang po gcig nas lnga dng ldan/ /zhes bshad pa ltar ro/
/sdom pa dang brtul zhugs dang ye shes rnams lnga lnga dang spyod pa bcu gsum dang las zad par byed pa'i dka' thub kyi thabs sna tshogs pa ni lam mo/
/las zad pas 'jig rten gsum gyi steng na 'dug pa'i gnas 'jig rten 'dus pa zhes bya ba srog yod pas dngos po dang 'khor ba las thar bas dngos med kyang yin pa'i thar pa gdugs bkan pa lta bu dkar zhing dri him la yid du 'ong ba dpag tshad 'bum phrag zhe lnga'i tshad can du 'gro bar 'gyur ba ni 'bras bu yin zer ro/
/'di dag so so la rang rang lugs kyi gzhi lam 'bras bu'i rnam gzhag gzhal bya 'jal byed kyi rigs pa/ thams cad mkhyen pa mi 'dod pa 9aa: 174 na) sogs nang pa 'gog pa'i lung/ lta ba dang spyod pa'i tshul du ma mchis kyang/ tshad ma rnam 'grel las/ rig byed tshad ma dang ni 'gal byed smra/ /lus la chos 'dod dang ni rigs smras dregs/ sdig pa gzhom phyir gdung ba bcom zhes pa/ /blun po shes rab 'chal ba'i rtags lnga yin/ /ces gsungs pa dang/ de dag las 'jig rten phyi ma yod par lta zhing dge sdig gi blang dor byed pa rnams la mngon mtho'i lam tsam yod mod kyi/ kun kyang bdag tu lta ba mtshungs par 'dzin pas thar pa'i lam sgrib pa la khyad par med pa'i phyir nang pa'i sgor zhugs pa rnams kyis rgyang ring du dor bar bya'o/
/gsum pa zhar byung kla klo sogs khyad par spang bya gzhan bstan pa ni/
Sheja Dzo Chapter 6.1 volume2 (page 347)
'tshe ba chos su smra ba'i kla klo dang/ /bod dang rgya nag sogs su gsung rab las/ /phyi rol gyur pa kun kyang ring du spang/ /gzhan yang mchog gsum la log par lta ba sogs mu stegs pa dang cha mthun pa tsam las phyi nang gnyis kar mi gtogs shing mu stegs pa las tha chad pa 'tshe ba chos su smra ba po/
rgya gar nub phyogs ma kha'i yul gyi lha ra hma nna'i rjes 'brang sogs po'm kla klo stag gzig pa zhes grags pa/ bi sshi mallaa'i sngags kyis btab pa'i gri gug gis phyugs kyi mgrin pa bcad pa'i sha za bar byed cing rang gi las kyis shi ba'i sha mi za ba dang/ bya gag gi sgo nga'i btung ba 'ba' zhig 'thung ba sogs kyi brtul zhugs 'dzin pa ste deng sang 'phags yul du'ng lugs 'di kho na dar ba dang/ 'khor ba grol bar byed pa'i grub mtha' zhes bya ba las ni mtha' 'khob tu srog chags du ma gsod pa thar pa'i thabs su 'dod pa dang/ nam mkha'i lhas bsan pa zhes pa'i grub mtha' las ni gser gyi snod du grog ma rnams gser gyi khab kyis phug nas bsad na 'khor ba las grol bar 'dod pa dang/ 'jig rten pa kha cig skya bseng gi bu lnga'i ming brjod na bsod nams (aa: 174 ba) chen po 'byung bar 'dod pa dang/ bod yul du'ng dkon mchog gsum la skyabs su mi 'dzin pa bon po dang/ de las khyad par sngon gyi dus dang deng sang yang yul kha cig la dar ba'i rgyu'i bon 'tshe ba chos su smra ba rnams dang/ rgya nag tu srid pa thams cad ma haa gser gyi rus sbal las byung zer ba'i gyim shang gi lugs dang/ grangs can pa dang cha mthun pa khoong spu tse'i lta grub 'dzin pa rnams dang/ sogs khongs nas rtag chad dang 'tshe ba chos su smra ba sangs rgyas kyi gsung rab las phyi rol tu gyur pa kun kyang thar pa 'dod pa rnams kyis bag yod par byas te ring du spang dgos so/
/spyir gzhung lugs rnam par dag ma dag ni/ thams snying rje chen po dang shes rab gnas lugs kyi don la zhugs
Sheja Dzo Chapter 6.1 volume2 (page 348)
pa'i rig shes khyad par can gtso bor ston mi ston gyis dbye ba yin pa'ng shes par bya'o/
/gnyis pa mngon mtho'i theg pa rgyas par bshad pa la gsum/ mdor bstan/ rgyas bshad/ don bsdu ba'o/
/dang po ni/ mngon mtho'i theg par lha dang tshangs pa gnyis/ /de la spyir blo dang ldan pa rnams kyis bsgrub par bya ba ni mngon mtho dang nges legs kyi go 'phang ste/ de dag gi mtshan nyid rim bzhin/ ngan song gi sdug bsngal las 'phral du thar pa lha mi'i bde ba rnam smin rgyu mthun gyis bsdus pa dang/ 'khor ba spyi'i sdug bsngal las gtan du grol ba thar pa mya ngan las 'das pa yin la/ de dag kyang thog mar mngon mtho'i theg pa la gnas nas phyis nges legs kyi lam mthar phyin par bsgrub dgos te/ rin chen phreng ba las/ dang por mngon par mtho ba'i chos/ /phyis ni nges par legs 'byung ba/ gang phyir mngon par mtho thob nas/ /rim gyis nges par legs pa'o/
/de la mngon mtho bde ba ste/ /nges par legs pa thar par 'dod/ /ces gsungs so/
/de las thog mar bsgrub bya'i mngon par mtho ba'i theg pa de la'ng lha mi'i theg (aa: 175 na) pa dang/ tshangs pa'i theg pa gnyis su yod do/
/gnyis pa rgyas bshad la gsum/ thun mong gi sngon 'gro bshad pa/ lha dang/ tshangs pa'i theg pa so sor bshad pa'o/
/dang po ni/ kun gyi mngon 'gro dad pa rnam gsum las/ /gtso bor las sogs yid ches 'gro ba bzhis/ /'dir dngos su mngon mtho'i theg pa'i sngon du 'gro ba bstan kyang/ zhar byung 'grel par kha skong na/ rin chen phreng ba las/ de yi sgrub pa mdor bsdu na/ /mdor na dad dang shes rab bo/
/dad can nyid phyir chos la bsten/ /shes rab ldan phyir yang dag rig /'di gnyis gtso bo shes rab ste/ sngon du 'gro
Sheja Dzo Chapter 6.1 volume2 (page 349)
ba dad pa yin/ /zhes gsungs pa ltar mngon mtho dang nges legs gnyis ka sgrub pa'i thabs kyi gtso bo ni dd pa dang shes rab ste/ dad pa gsum las gtso bor las 'bras la yid ches pa'i dad pas kun nas bslangs te dge sdig gi blang dor byed pa'i phyir dang/ 'khor gsum mi rtog pa'i shes rab kyis 'khor ba'i rtsa ba gcod par byed pa'i phyir ro/
/des na de gnyis kyi mtshan nyid ni rim bzhin rgyu mtshan khyad par can med par rang phyogs la 'dun pa dang/ gzhan phyogs la zhe sdang ba dang/ blang dor la gti mug pa dang/ rje dpon sogs la 'jugs pas 'gro ba ste log par 'gro ba bhi las ldog ste yang dag par 'gro ba bzhis blang dor gyi chos las mi 'da' ba dang/ gzhan don gtso bor byed pa'i snying rje chen po dang mi ldan pa'm ldan yang rung ste sgo gsum spyod pa 'khor gsum mi rtog pa'o/
/de skad du'ng de nyid las/ 'dun dang zhe sdang 'jigs pa dang/ /rmongs pas gang zhig chos mi 'da'/ /de nyid dad pa can zhes bya/ /legs pa yi ni snod mchog yin/ /gang zhig lus ngag yid kyi las/ /rnam pa gsum du mi rtog par/ /bdag dang gzhan la phan shes nas/ /rtag tu byed pa de shes rab/ /ces so/
/des (aa: 175 ba) na dad pas kun nas ma bslangs na dge ba tsam du'ng mi 'gro ba dang/ bdag med rtogs shing 'khor gsum mi rtog pa'i shes rab kyis ma zin na thar lam du gtan mi 'gro bar gsungs pa de nyid spyir shes par bya'o/
/des na lam gyi theg par zhugs pa kun gyi sngon du 'gro ba ni dad pa rnam pa gsum yin la/ de las kyang gtso bor las 'bras sogs la yid ches pa'i dad pas kun nas bslangs te yang dag par 'gro ba bzhis dge ba sgrub pa ni mngon mtho'i theg pa'i sngon 'gro yin no/
/gnyis pa ni/ mi dge bcu spong dge bcu 'khor bcas bsgrub/ /blang
Sheja Dzo Chapter 6.1 volume2 (page 350)
dor khrims gnas 'dres dang mi mthun spang/ /las lam rdzogs dang bsdams pas mtho ris su/ /rnam smin rgyu mthun bdag po'i 'bras bzang thob/ /de la 'jig rten lha mi'i theg pa ni/ ngan song la 'jigs nas mtho ris kyi bde 'bras don du gnyer bas mngon par mtho ba'i rten sgrub par byed cing/ 'jigs skyob dang legs smon tsam la bsten pa skyes bu chung ngu'i lam ste/ nyams len dngons gzhi bsam gtan gyis yongs su ma bzung ba'i dge ba bcu'i las kyi lam yin la/ de nyid mi spyod pa'i theg pa ni med pas/ theg pa kun gyi gzhir gyur pa dang sngon du 'gro ba'ng yin te/ kye rdo rje las/ dge ba bcu las brtsams nas ni/ /de yi chos ni rab tu dbye/ /zhes gsungs pa ltar ro/
/'di la lang gshegs su lha'i theg pa zhes pa bgrod bya'i gtso bo'i dbang du byas nas brjod kyi/ 'khor dang bcas pa'i dbang du na 'dod pa'i bde 'gro'i lam thams cad 'du'o/
/'di ni lta ba rnam par dag pa 'jig rten pha rol dang las rgyu 'bras la yid ches pa dang/ spyod pa mi dge ba bcu spong zhing dge ba bcu'i lam 'khor dang bcas pa sgrub pa dang bar ma chad par goms par byas pa las/ 'bras bu gling bzhi'i mi dang 'dod lha ris (aa: 176 na) drug gi bde ba'i mthar thug pa gzhan 'phrul dbang byed kyi bdag po'i bar du bgrod pa'o/
/de dag kyang las 'bras med par lta ba sogs log lta'i gnyen po 'jig rten pa'i yang dag pa'i lta bas zin pa gal che ste/ bshes spring las/ gal te mtho ris thar pa mngon bzhed na/ /yang dag lta la goms pa nyid du mdzod/ /gang zag log par lta bas legs spyad kyang/ /thams cad rnam par smin pa mi bzad ldan/ /zhes gsungs pa'i phyir ro/
/de rjes blang dor gyi gnas ma 'dzol ba'i tshul khrims la gnas pa gal che ste/ rtsa shes las/ tshul khrims kyis ni bde 'gro thob/ /ces dang/ 'jug pa las/ mngon mtho'i rgyu ni tshul khrims las
Sheja Dzo Chapter 6.1 volume2 (page 351)
gzhan med/ /ces gsungs pas so/
/theg pa 'di'i tshul khrims la cung zad dbye na/ spyir ngo tsha khrel yod kyis kun nas bslangs te lus ngag gi bya ba ya rabs kyi tshul dang mthun pa'i spyod pa gsum la bslab dgos te/ dam pa'i rgyan las/ bkur bar 'os pa legs khur zhing/ /mgon med rnams la lhag par byams/ /byas la drin lan mi brjed pa/ /dam pa rnams kyi mdzad spyod yin/ /zhes gsungs pa ltar ro/
/bye brag mi chos bcu drug la bslab ste/ 'byed pa le chung las/ dkon mchog gsum la dad pa skyo ngal med par byed pa dang/ don dam par dam pa'i chos btsal ba dng/ gtshug lag bzang po la mkhas par slob pa dang/ ci la'ng ran zhing tshod zin par bya ba dang/ ma bcol ba'i las la gtogs 'dod mi byed pa dang/ mig mtho sar blta zhing gong ma rnams kyi rjes snyeg pa dang/ dus gsum gyi pha ma la drin lan bslan pa dang phu nu dang pha tshan nand dushongs yangs che ba dang/ rim pas rgan pa la bkur sti bya ba dang/ khyim mtshes la byams par bya ba dang/ gnyen grogs kyi dge bshes la dka' las kyis phan 'dogs pa dang/ srid kyis 'brel ba'i (aa: 176 ba) nye ring la chab gang mthar dbyung ba dang/ rig byed bzo la mkhas pas gzhan la phan pa dang/ ltos pa'i mi drin gyis skyabs 'og tu gzhugs pa dng/ ngan byed kyi gros bkag nas rgyal khams bde yangs kyi gros gzhi 'ding ba dang/ las mtha' chos la gtad de phyi mar bu smad kyis byang chub kyi gzhi thob par bya'o/
/zhes bshad pa ltar mi'i chos lugs gtsang ma la bslab bo/
/khyad par gong du smos pa ltar srog bcod pa sogs mi dge ba bcu dngos dang brgyud nas spong zhing srog sbyin stsal ba sogs dge ba bcu ci nus su bsgrub pa ste/ lta sgom spyod pa de dag kyang las 'dres ma dang 'phen rdzogs mu mi mthun pa ni dman pa/ dge ba'i las lam rdzogs pa 'bring/ dge bcu'i las
Sheja Dzo Chapter 6.1 volume2 (page 352)
'khor bcas sdom pa'i ngo bo nyid du bsdams pa mchog ste/ rim pa bzhin mtho ris rnams su skyes pa na rnam smin rgyu mthun bdag po rnams kyi sgo nas mchog dman bar ma gsum gyi 'bras bu bzang po 'thob par 'gyur ro/
/gsum pa la gnyis/ theg pa ngos bzung ba/ lam dngos bshad pa'o/
/dang po no/
gong ma'i khams la bgrod byed tshangs pa'i theg /'di la ci'i phyir tshangs pa'i theg pa zhes bya zhe na/ 'dod pa'i nyon mongs pas gtsang ba'm dag cing tshangs pas na tshangs pa dang der bgrod pa'i dbang gis theg pa zhes brjod la/ de'i phyir sgra yangs pa'i dbang du byas na 'phags pa rnams grol sdes bshad pa ltar khams gong ma gnyis kyi sas bsdus pa thams cad la tshangs pa'i sgras brjod cing der bgrod par byed pa'i lam 'khor bcas la tshangs pa'i theg pa zhes bya'o/
/gnyis pa lam dngos la gnyis te/ gzugs khams kyi bsam gtan bzhi bshad pa dang/ gzugs med khams kyi snyoms 'jug bzhi bshad pa'o/
/dang po la gnyis/ mdor bstan/ rgyas bshad do/
/(aa: 177 na) dang po ni/ gzugs khams bsam gtan bzhi ste rgyu 'bras gnyis/ /gzugs khams psam gtan dang po/
gnyis pa/ gsum pa/ bzhi pa rnams su yod de/ de re re la'ng rgyu dang 'bras bu gnyis zung re'i tshul du yod do/
/gnyis pa la bzhi/ bsam gtan dang po nas bzhi pa'i bar ro/
/dang po la'ng gnyis/ rgyu snyoms 'jug gi bsam gtan dang/ 'bras bu skye ba'i bsam gtan no/
/dang po la gnyis/ nyer bsdogs dang/ dngos gzhi'o/
/nyer bsdogs la'ng gnyis/ zhi gnas dang/ lhag mthong ngo/
/dang po ni/ rgyu la nyer bsdogs zhi gnas ting nge 'dzin/ /'jig dang rgyun 'jog bslan 'jog nye bar 'jog /'dul dang zhi dang rnam zhi rtse gcig byed/ /mnyam
Sheja Dzo Chapter 6.1 volume2 (page 353)
'jog thabs dgus lus sems shin tu sbyangs/ bsam gtan rang sa'i 'bras bu 'thob byed dngos gzhir snyoms par 'jug nus pa'i thabs su thog mar rgyu bsgrub pa la nyer bsdogs sems zhi bar gnas pa'i thabs dgus ting nge 'dzin sgrub par gsungs te/ de la nang nyid du sems 'jog pa zhes pa sems phyi rol du gyeng ba min par gser ltar dang ba'i skur snang ba sogs ting nge 'dzin gyi spyod yul gyi gzugs brnyan dmigs pa la yid gtad de 'jog pa dang/ rgyun du 'jog pa zhes pa dmigs pa la sems 'jog pa tsam ma zad rgyun bsring ste skad cig ma snga phyi bar ma chad par 'jog pa dang/ bslan te 'jog pa zhes pa brjed de dmigs pa las sems gzhan du 'phro na'ng de ma thag tu slar nang du bkug nas dmigs pa la bslan te 'jog pa dang/ nye bar 'jog pa zhes pa sems phyir 'phros pa de ring du mi 'jog par nye bar nang du dmigs pa la 'jog pa dang/ 'dul bar byed pa zhes pa brnab sems la sogs pa'i nyon mongs pas sems rgyud rab tu ma zhi ba las dul bar byed pa dang/ zhi bar byed pa zhes pa rnam par mi rtog pa'i rba rlabs zhi bar byed (aa: 177 ba) pa dang/ rnam par zhi bar byed pa zhes pa rnam par rtog pa phra mo tsam yang zhi bar byed pa dang/ rtse gcig tu byed pa zhes pa rtsol ba chung ngus sems dang dmigs pa tha dad med par rtse gcig tu byed pa dng/ mnyam par 'jog pa zhes pa bying rgod bsal nas rtsol ba med par lhun gyis grub pa'i ngang du mnyam par 'jog pa dgus ting nge 'dzin grub pa na lus sems shin tu sbyang pa'i bde ba 'dren pas khyab cing/ shin sbyangs dang ldan pa'i ting nge 'dzin skyes pa ni 'jig rtne pa'i zhi gnas mtshan nyid par 'jog la/ de dang mi ldan pa ni zhi gnas rjes mthun pa'i mos pas spyod pa'i sa zhes bya'o/
/gnys pa ni/ grub nas mtshan nyid mos dng dben las skyes/ /dga' dpyod sbyor mtha' yid la
Sheja Dzo Chapter 6.1 volume2 (page 354)
byed drug gis/ /sbyor mtha'i 'bras bu yid byed lhag mthong 'grub/ /zhi rags rnam pa 'jig rtne thun mong lam/ /zhi gnas mtshan nyid pa grub nas mtshan nyid rab tu rig pa yid la byed pa zhes 'dod pa skyon can dang bsam gtan dang po yon tan can du thos bsam 'dres ma'i sgo nas rtsings por rtog cing zhib mor dpyod pa dang/ mos pa las byung ba yid la byed pa zhes pa de nyid sgom byung gi ngo bor skyes pa dng/ dben pa las skyes pa'i yid la byed pa zhes pa 'dod nyon mngon gyur ba chen po gsum gyis dben pa dang/ dga' ba sdud pa yid la byed pa zhes pa 'dod nyon mngon gyur ba 'bring gsum gyis kyang spangs pa dang/ dpyod pa yid la byed pa zhes pa 'dod nyon phra mo gsum gyis kyang rgyud la gos ma gos rtog cing dpyod pa dang/ sbyor ba'i mtha' yid la byed pa zhes pa de ltar dpyod pa las 'dod nyon phra zhing phra ba yang gnyen po'i stobs kyis spangs pa ste/ de ltar yid la byed pa drug gis sbyor ba'i mtha'i 'bras bu yid la byed pa zhes 'jig rten pa'i lhag mthong mthar thug 'grub ste/ de dag ni 'og sa'i ting 'dzin skyon can (aa: 178 na) rags par lta zhing/ sa gong ma skyon med zhi br lta ba zhi rags rnam pa can nyan rang dang 'jig rten pa'i theg pa thun mong ba'i lam gyi mngon rtogs so/
/gnyis pa dngos gzhi bshad pa ni/ dngos gzhi rtog dpyod dga' bde rtse gcig pa'i/ /yan lag lnga ldan bsam gtan dang po'o/
/nyer bsdogs de dag gis bsam gtan dngos gzhi 'grub la/ de'ng rtog dpyod gnyis gnyen po'i yan lag dga' bde gnyis phan yon gyi yan lag /sems rte gcig pa gnas kyi yan lag ste yan lag lnga dang ldan pa ni bsam gtan dang po'i mtshan nyid do/
/de la rtog dpyod gnyis ka dang ldan pa dngos gzhi tsam po dang/ rtog pa med cing dpyod pa dang bcas pa dngos gzhi khyad par can no/
/gnyis
Sheja Dzo Chapter 6.1 volume2 Letzter Teil von 6.1 S.355-Ende 359 (page 355)
pa bsam gtan gnyis pa la gnyis te/ nyer bsdogs dang/ de'i dngos gzhi'o/
/dang po ni/ de nyid skyon can gnyis pa skyon med kyi/ /mtshan nyid rig pa yid byed nyer bsdogs khyad/ /bsam gtan dang po'i dngos gzhi khyad par can gzhir bzhag dang po de nyid skyon can dang gnyis pa skyon med yon tan can du mtshan nyid rab tu rig pa yid la byed pa sogs yid byed drug gis dpyod pa'i lhag mthong dang sbyar te bsgoms pas zhi lhag zung 'brel du skyes pa na bsam gtan gnyis pa'i dngos gzhi thob pa ni nyer bsdogs kyi khyad par ro/
/gnyis pa ni/ dngos gzhi rab tu dang sogs yan lag bzhi/ /gnyis pa dngos gzhi ni rab tu dang ba sogs yan lag bzhi dang ldan pa ste/ de'ng nang rab tu dang ba gnyen po'i yan lag ting nge 'dzin las skyes pa'i dga' bde gnyis phan yon gyi yan lag ting nge 'dzin gnas kyi yan lag go /'di'i nang rab tu dang ba ni rang sa'i dran pa shes bzhin btang snyomns gsum la byed/ de yang nang gi rtog pa rab tu spangs pas nang rab tu dang ba zhes bya'o/
/gsum pa bsam gtan gsum pa la gnyis te/ nyer bsdogs (aa: 178 ba) dang/ de'i dngos gzhi'o/
/dang po ni/ de bzhin nyer bsdogs yid byed lhag mthong gis/ /rim dpyod/ /ces pa ste/ de bzhin nyer bsdogs sems gnas dang yin byed dpyod pa'i lhag mthong gis rim par dpyod tshul khyad par du 'phags pas gsum pa dang bzhi pa'i bsam gtan 'grub pa zhes rtsa tshig gsum pa dang bzhi pa phyogs su bsdus nas bshad pa ste/ 'dir go bde ba'i slad so sor smos na/ bsam gtan gnyis pa'i zhi gnas khyad par can dang/ bsam gtan gnyis pa skyon can dang gsum pa yon tan can du yid byed drug gis dpyod pa'i lhag mthong dang sbyar te bsgoms pas zhi lhag zung 'brel du skyes pa na bsam gtan gsum pa'i dngos gzhi 'thob bo/
/gnyis pa ni/ gsum par dran
Sheja Dzo Chapter 6.1 volume2 (page 356)
sogs yan lag lnga/ /bsam gtan gsum pa'i dngos gzhi yan lag lnga ldan te/ dran pa shes bzhin btang snyoms gsum gnyen po'i yan lag dga' ba spangs pa'i bde ba phan yon gyi yan lag ting nge 'dzin gnas kyi yan lag go /bzhi pa bsam gtan bzhi pa la gnyis/ nyer bsdogs dang/ de'i dngos gzhi'i/ /dang po ni bsam gtan gsum pa'i zhi gnas khyad par can dang/ bsam gtan gsum pa skyon can dang bzhi pa yon tan can du yid byed drug gis dpyod pa'i lhag mthong dang sbyar te bsgoms pas zhi lhag zung 'brel du skyes pa na bsam gtan bzhi pa'i dngos gzhi 'thob bo/
/gnyis pa de'i dngos gzhi ni/ bzhi par yan lag bzhi ldan skyon brgyad dag /bsam gtan bzhi pa'i dngos gzhi yan lag bzhi dang ldan pa ste/ dran pa yang dag dang btang snyoms yang dag gnyis gnyen po'i yan lag tshor ba btang snyoms phan yon gyi yan lag ting nge 'dzin gnas kyi yan lag go /'dir dran pa yang dag ces pa ni bsam gtan gyi skyon brgyad kyis yongs su dag pa yin te/ (aa: 179 na) de'ng bsam gtang shes kyi 'khor du byung ba'i tshor ba bde sdug gnyis/ gsum pa la ltos pa'i dbang shes kyi 'khro du byung ba'i tshor ba bde sdug gnyis/ gsum pa la ltos yid shes kyi 'khor du byung ba'i yid bde mi mi bde gnyis/ bzhi pa la ltos pa'i dbugs dbyung rngub gnyis te de brgyad kyis yongs su dag pa'o/
/gnyis pa 'bras bu skye ba'i bsam gtan bshad pa ni/ 'bras bu so so'i dngos gzhi chung 'bring ches/ /so so'i gnas la rnam smin 'bras sogs myong/ /snyoms 'jug de dag gi 'bras bu ni bsam gtan dang po'i dngos gzhi chung 'bring che gsum bsgoms pa las bsam gtan dang po'i gnads gzhan tshangs ris sogs gsum thob pa nas/ bsam gtan bzhi pa'i dngos gzhi chung 'bring che gsum bsgoms pa las bsam gtan bzhi pa'i gnas gzhan sprin med sogs gsum thob
Sheja Dzo Chapter 6.1 volume2 (page 357)
pa'i bar soso'i dngos gzhi chung 'bring chen po mthar phyin pa las/ so so'i gnas la rnam smin gyi 'bras bu sogs myong ste/ de'ng gnas gzhan de dang der skyes pa'i gzugs su snang ba ni rnam smin gyi 'bras bu/ snyoms 'jug gi sems rnams rgyu mthun gyi 'bras bu/ yul gyi longs spyod du snang ba ni bdag po'i 'bras bu'o/
/gnyis pa gzugs med khams kyi snyoms 'jug bzhi bshad pa la gnyis/ mdor bstan/ rgyas bshad do/
/dang po ni/ gzugs med snyoms 'jug bzhir yang rgyu 'bras gnyis/ zhes so/
/gnyis pa la gnyis/ rgyu snyoms 'jug dang/ 'bras bu skye ba'o/
/dang po ni/ bsam gtan bzhi sems thob la ma nyams pas/ /gzugs reg mthong snang bkag nas nam mkha' dng/ /rnam shes mtha' yas ci yang bzung byar med/ /'ud shes rags pa yod min phra med min/ /goms pa'i snyoms 'jug srid rtse'i mthar thug ste/ /de la gzugs med skye mched mu bzhir (aa: 179 ba) grags pa las dang po ni/ bsam gtan bzhi pa'i sems thob pa la ma nyams pa'i steng du gzugs dang reg mthong snang gsum bkag ste/ chos thams cad nam mkha' ltar mtha' yas so snyam du sgom pa yongs su rdzogs pa nam mkha' mtha' yas skye mched kyi snyoms 'jug go /gnyis pa ni/ de'i steng du nam mkha' mtha' yas pa de ltar du rnam par shes pa yang mtha' yas so snyam du sgom pa yongs su rdzogs pa rnam shes mtha' yas skye mched kyi snyoms 'jug go /gsum pa ni/ de gnyis ka'ng mtshan ma dang bcas par mthong nas bzung bar bya ba ci yang med do snyam du sgom pa yongs su rdzogs pa ci yang med pa'i skye mched kyi snyoms 'jug go /bzhi pa ni/ de gsum ka'ng mtshan ma dang bcas par mthong nas 'du shes rags pa med cing phra ba med pa min no snyam du sgom
Sheja Dzo Chapter 6.1 volume2 (page 358)
pa yongs su rdzogs pa 'du shes med 'du shes med min gyi snyoms 'jug go /'di ni srid pa'i rtse mo'i lam mthar thug pa'o/
/gnyis pa 'bras bu skye ba ni/ 'bras bu ting 'dzin tshe sogs khyad du 'phags/ /snyoms 'jug de dag gi 'bras bu ni/ gzugs med khams la gzus rags pas phye ba'i gnas gzhan tha dad pa med kyang mchog dman dang tshe ring thung dang gong 'og la sogs pa'i sgo nas tha dad du yod la/ phal chen las gnas sogs kyang tha dad du bshad cing/ gang ltar gong nas gong du ting nge 'dzin rgya che zhing je brtan du 'gyur ba dang/ tshe ring ba sogs kyi sgo nas mngon mtho'i bde 'bras khyad par du 'phags pa yin no/
/rtsa ba'i gsum pa don bsdu ba ni/ tshad med mngon par shes sogs yon tan gzhi/ /phyi rol theg dman don du gnyer bya'i mchog /rgyal ba'i theg par rim 'jug sngon 'gro'o/
/bsam gtan bzhi'i dngos gzhi rnams la brten nas byams sogs tshad med bzhi dang/ 'jig (aa: 180 na) rten pa'i mngon par shes pa lha'i mig dang lha'i rna ba dang gzhan gyi sems shes pa dang sngon gnas rjes su dran pa dang 'chi 'pho skye ba shes pa ste lnga ni khams gong ma gnyis kyi yon tan gyi khyad par rab tu grags pa yin la/ theg pa la zhugs pa rnams kyang thog mar ting nge 'dzin de dag dang yon tan de dag bskyed nas/ slar gong ma'i khyad par bsgrub dgos pas mngon shes la sogs pa yon tan kun gyi gzhir gyur pa dang/ khyad par bsam gtan bzhi pa'i dngos gzhi'i sems la brten nas 'du shes med pa'i snyoms 'jug dang/ srid rtse'i dngos gzhi'i sems la brten nas 'gog pa'i snyoms 'jug sogs thob pas/ phyi rol gyi drang srong dang mu stegs byed/ nang pa'i theg dman nyan thos dang rang rgyal rnams kyis kyang don du gnyer bya dang bsgrub bya'i mchog yin la/ rgyal ba'i bstan pa
Sheja Dzo Chapter 6.1 volume2 (page 359)
la rim par 'jug pa rnams kyi sngon 'gro'i chos kyang yin pas shes nas goms pa'i sbyor pa la bslab bo/
/thun mong rig pa'i gnas rnams dang 'jig rten pa'i lam rnam par gzhag pa skabs dang po'i 'brel pa'o/