14

ཀ་ཀོ་ལ་ (1)

Part of speech	མིང་ཚིག
Definition	ལེགས་སྦྱར་སྐད་ཀྱི་ཀཀྐོ་ལ་ཀཾ་ཟུར་ཆག་པ་སྟེ། བོད་སྐད་དུ་སྦུབས་ཅན་འབྲས་བུ་དང་ཚོགས་སྲེད་ཅན་ཞེས་པའི་འགྱུར་ཚུལ་གཉིས་ཡོད་ཅིང་། ལོ་མང་སྐྱེ་བའི་རྩི་སྨན་རིགས་ཀྱི་སྐྱེ་དངོས་ཤིག་ཡིན། སྡོང་པོ་ལྗང་སེར་སྐྱེས་དབྱིབས་མ་རྨོས་ལོ་ཏོག་ལྟར་སྐྱེ་བར་སྤྱིར་བཏང་ཡལ་ག་མེད་པ། ལོ་མ་སྔོ་ལྗང་སྲབ་ལ་རིང་བ་དང་། ཞེང་ཆེ་བའི་མཐའ་མཉམ་པར་རྩ་རིས་གཞུང་དུ་རྒྱུག་པ་ལོ་མའི་རྒྱབ་མདུན་གཉིས་ཀར་གསལ་པོར་མངོན་ཞིང་སྨད་ཆས་སྡོང་པོ་རེས་མོས་ཀྱིས་བཏུམ་པ། མེ་ཏོག་དཀར་པོ་མཆུ་དབྱིབས་ཅན་སྡོང་པོའི་རྩེར་བང་རིམ་དུ་འཆར་བ། གང་བུ་འཇོང་ནར་སྨིན་ན་དམར་པོར་གྱུར་པ། སྐམ་རྗེས་སུལ་གཉེར་འདུ་བ་ནང་དུ་འབྲས་བུ་ཡོད་པ་ཚོམ་བུར་སྐྱེ་བ་སྟེ། ཕྱིའི་གང་བུ་འཇོང་ནར། ཁ་དོག་ཁམ་དམར་རྩུབ་ལ་སུལ་རིས་མང་བ་ནང་དུ་འབྲས་བུ་ཁམ་སྨུག་ཟུར་མང་ཅན་མཉམ་དུ་འབྱར་བ་དྲི་ཞིམ་འཐུལ་བ་དེའོ། །གཡུང་བའང་སྡོང་པོ་དང་། ལོ་མ་སོགས་སྐྱེ་ལུགས་གོང་མ་ཇི་བཞིན་ལ། གང་བུ་གོང་ལས་ཆུང་ཞིང་མདོག་སྨུག་པོ་གློ་སུག་འདྲ་བའི་ཕྱིའི་པགས་པ་དང་། དྲི་རོ་སོགས་གོང་དང་མཚུངས། རྒྱ་ནག་གི་ཀོང་ཤིའི་དང་། ཡུན་ནན། ཀུའེ་ཀྲོའུ། དེ་མིན་རྒྱ་གར་དང་། བལ་ཡུལ། འབྲས་ལྗོངས། མེ་ཏོག་སོགས་སུ་སྐྱེ། འབྲས་བུ་སྨིན་མཚམས་སུ་བཏུས་ཏེ་སྐམ་ནས་གང་བུའི་ཕྱི་པགས་དོར་ཏེ་འབྲུ་གུ་སྨན་དུ་སྤྱོད་དགོས། རོ་ཚ་ལ་མངར་བ། ཞུ་རྗེས་ཁ་བ། ནུས་པ་ཡང་ལ་དྲོ་ཞིང་ཚ་བ་སྟེ། ངོ་བོའི་ནུས་པས་ཕོ་བའི་མེ་དྲོད་ཉམས་ཏེ་ཟས་ཀྱི་འཇུ་སྟོབས་ཞན་པ་དང་། མཆེར་ནུས་ཉམས་ནས་གྲོད་པ་སྦོས་བརྒྱངས་བྱེད་པ། མཆུ་ཏོར་རྨ་དོན་པ་སོགས་གྲང་བའི་ནད་རིགས་དང་མཆེར་ནད་ལ་ཕན་པ་ཡིན།
Foreign	ཟུར་ཆག

{{#arraymap:ཀ་ཀོ་ལ་

|; |@@@ | | }}