1817

ཀུན་གཞིའི་རྣམ་ཤེས་ཀྱི་དམིགས་རྣམ་ (1)

Part of speech	མིང་ཚིག
Definition	སེམས་ཙམ་པ། ཀུན་གཞིའི་དམིགས་པ་ལ་ནང་གི་ཉེ་བར་ལེན་པ་དང་། ཕྱི་རོལ་ཀྱི་སྣོད་གཉིས། དང་པོ་ལ། བདག་དང་ཆོས་སུ་ཀུན་བཏགས་པའི་ངོ་བོ་ཉིད་ལ་མངོན་པར་ཞེན་པའི་བག་ཆགས་དང་། གནས་དང་བཅས་པའི་དབང་པོའི་གཟུགས་དང་། མིང་གཞིའི་ཕུང་པོ་དང་། དབང་པོའང་རང་དང་གཞན་གྱི་དབང་པོ་གཉིས་ཀ་ལ་དམིགས་ཏེ། དབུས་མཐའི་འགྲེལ་པར། སེམས་ཅན་དུ་སྣང་བ་ནི་དབང་པོ་ལྔར་བདག་དང་གཞན་གྱི་རྒྱུད་ལ་གང་ཡོད་པའོ་ཞེས་པས་སོ། །སྣོད་ཀྱི་འཇིག་རྟེན་ལ་དམིགས་ཚུལ་ནི། ལས་ཀྱི་བག་ཆགས་ཀུན་གཞི་ལ་གནས་པས་བསྐྱེད་ནས་ཀུན་གཞི་ཉིད་སྣོད་དོན་དུ་སྣང་བ་སྟེ། བྷ་ར་ཏིའི་དྷ་རའི་བཤད་པ་བཤད་སྦྱར་དུ་དྲངས་པ། ནམ་མཁའ་ས་རླུང་ཉི་མ་དང་། །རྒྱ་མཚོ་རླུང་དང་ཕྱོགས་རྣམས་ནི། །ནང་གི་ཤེས་པའི་ངོ་བོ་ཡི། །ཆ་ལས་ཕྱི་རོལ་ལྟ་བུར་འདུག ། ཅེས་གསུངས་སོ། །རྣམ་པ་ནི་བསྡུ་བར་དམིགས་པ་གཉིས་པོ་དེ་རྣམ་པར་རིག་པ་ཙམ་ལས་མ་གསུངས་ལ། སུམ་ཅུ་པར། དེའི་སྟེང་དུ་མི་རིག་པ་ཞེས་གསུངས་པ་ནི་མི་གསལ་བའི་རྣམ་པ་ཅན་ཞེས་བྱ་བའི་དོན་ནོ། །འདི་ལ་སྔ་རབས་པ་རྣམས་ཀྱིས་རྣམ་པ་ཁྲ་བོར་སྣང་བ་དང་། ཁྲ་བོ་མ་ཡིན་པར་སྣང་བ་གཉིས་ལས། དང་པོ་ནི། མིའི་འཇིག་རྟེན་ན་སྒོ་ལྔའི་རྣམ་ཤེས་ལ་ས་དང་ཆུ་ལ་སོགས་པར་སྣང་བ་བཞིན་དུ་ཀུན་གཞི་ལ་ཡང་དེ་ལྟར་སྣང་བ་དང་། དེ་བཞིན་དུ་ལྷའི་སྒོ་ལྔ་ལ། སྣོད་ཀྱི་འཇིག་རྟེན་གསེར་གྱི་ས་གཞི་དང་། དུད་འགྲོ་ལ་མུན་པའི་སྨག་རུམ་ལ་སོགས་པ་དང་། དམྱལ་བ་ལ་ལྕགས་བསྲེགས་ཀྱི་ས་གཞི་ལ་སོགས་པ་དང་། ཡི་དྭགས་ལ་རྣག་ཁྲག་ལ་སོགས་པར་སྣང་བ་བཞིན་དུ། མིའི་ཀུན་གཞི་ལ་དེ་དག་ཐམས་ཅད་སྣང་ལ། དེ་བཞིན་དུ་འགྲོ་བ་རེ་རེའི་ཀུན་གཞི་ལ་ཡང་དེ་དག་ཐམས་ཅད་སྣང་བའོ། །གཉིས་པ་ནི། མིའི་ཀུན་གཞི་ལ་ངམ་གྲོག་དང་གཡང་ས་ལ་སོགས་པར་སྣང་བ་ནས། དམྱལ་བའི་ཀུན་གཞི་ལ་ལྕགས་བསྲེགས་ཀྱི་ས་གཞི་ཁོ་ནར་སྣང་གི་གཞན་མི་སྣང་བར་འདོད་པའོ། །དེ་གཉིས་གང་བདེ་ཞེ་ན། ཁ་ཅིག་ཁྲ་བོར་སྣང་བ་བདེ་སྟེ། དམིགས་རྣམ་ཡོངས་སུ་མ་ཆད་པ་དང་། གཟུང་བྱ་བརྟན་པར་གསལ་བའི་ཕྱིར་ཞེས་འདོད་དོ་ཞེས་ཀུན་མཁྱེན་གོ་རམས་པའི་ཇི་སྙེད་ཤེས་བྱའི་སྒོ་འབྱེད་ལས་སོ། །
Domain	ཆོས་ལུགས།