1927

ཀུན་དཀྲིས་བཅུ་ (1)

Part of speech	མིང་ཚིག
Definition	མདོ། མངོན་པ། ཀུན་ནས་དཀྲིས་པ་བཅུ་ནི། ངོ་ཚ་མེད་པ་དང་། ཁྲེལ་མེད་པ། ཕྲག་དོག སེར་སྣ། རྒོད་པ། འགྱོད་པ། རྨུགས་པ། གཉིད། ཁྲོ་བ། འཆབ་པ་དང་བཅུའོ། །འདི་དག་གིས་སྲིད་པའི་བཙོན་རར་ཀུན་ནས་འཁྲི་བའམ། འདི་དག་ཡོད་ན་སྤྱོད་པ་ངན་པ་དག་ལྡང་བས་ན་ཀུན་དཀྲིས་སོ། །དེ་དག་ཀྱང་གང་ཞེ་ན། ངོ་ཚ་མེད་པ་ནས་གཉིད་ཀྱི་བར་ཀུན་ནས་དཀྲིས་པ་ནི་རྣམ་པ་བརྒྱད་ཡིན་པར་བསྟན་བཅོས་རབ་ཏུ་བྱེད་པ་ལས་བཤད་དོ། །བྱེ་བྲག་ཏུ་སྨྲ་བ་ནི་བརྒྱད་པོ་དེ་དག་དང་ཁྲོ་བ་དང་འཆབ་པ་སྟེ་བཅུའོ་ཞེས་འདོད་དོ། །འདིར་འགྱོད་པ་ཀུན་ནས་དཀྲིས་པར་འགྱུར་བ་ནི་འགྱོད་པ་མི་དགེ་བ་ཡིན་ནོ། །དེ་དག་ཀྱང་རྩ་ཉོན་གྱིས་སྐྱེད་པ་ལས་རྩ་བའི་ཉོན་མོངས་པ་གང་གིས་སྐྱེད་ཅེ་ན། འདོད་ཆགས་ཀྱིས་ངོ་ཚ་མེད་པ་དང་རྒོད་པ་དང་སེར་སྣ་བསླང་ཞིང་བསྐྱེད་པ་ཡིན་ཏེ། རང་གི་ཆོས་ལ་ཆགས་པས་གཞན་ལ་མ་གུས་པའི་ཕྱིར་དང་། འདོད་པའི་ཡོན་ཏན་ལ་ཆགས་པས་སེམས་རྣམ་པར་འཕྲོ་བའི་ཕྱིར་དང་། ཡོ་བྱད་ལ་སོགས་པ་ལ་ཆགས་པས་དམ་དུ་འཛིན་པའི་ཕྱིར་རོ། །འཆབ་པ་ནི་ཁ་ཅིག་འདོད་ཆགས་ཀྱིས་སྐྱེད་པར་འདོད་ལ། གཞན་དག་ནི་གཏི་མུག་གིས་བསྐྱེད་པར་འདོད་དོ། །ལ་ལ་ནི་གཉིས་ཀས་བསྐྱེད་པ་ཡིན་ཏེ། ཉེས་པ་བྱུང་བར་ཤེས་པ་རྣམས་ཀྱི་འདོད་ཆགས་དང་། བྱུང་བར་མ་ཤེས་པ་རྣམས་ཀྱི་གཏི་མུག་ལས་སྐྱེས་སོ་ཞེས་ཟེར་ཏེ་མི་མཐུན་པར་རྩོད་དོ། །འོན་ཀྱང་རྙེད་བཀུར་དང་ཚིགས་སུ་བཅད་པ་ཉམས་ཀྱིས་དོགས་ནས་འཆབ་པའི་ཕྱིར་འདོད་ཆགས་ལས་སྐྱེས་པ་ཉིད་རིགས་སོ། །མ་རིག་པ་ལས་སེམས་རྨུགས་པ་དང་གཉིད་དང་ཁྲེལ་མེད་རྣམས་སྐྱེ་སྟེ། དམིགས་པ་གསལ་བར་འཇུག་པ་ལ་རྨུགས་པ་དང་གཉིད་མེད་པའི་ཕྱིར་དང་། སྡིག་པའི་འབྲས་བུ་སྡུག་བསྔལ་ཡིན་པར་མ་ཤེས་པས་སྡིག་པ་ལ་མི་འཇིགས་པའི་ཕྱིར་རོ། །ཐེ་ཚོམ་ལས་འགྱོད་པ་མི་དགེ་བ་འབྱུང་སྟེ། དགེ་བའི་འབྲས་བུ་བདེ་བ་ཡིན་པར་ཐེ་ཚོམ་ཟ་བ་དག་དགེ་བ་བྱས་པ་ལ་འགྱོད་པའི་ཕྱིར་རོ། །ཁྲོ་བ་དང་ཕྲག་དོག་ནི་ཁོང་ཁྲོའི་རྒྱུ་ལས་བྱུང་བ་ཡིན་ཏེ། ཞེ་སྡང་ལས་ཀུན་ནས་མནར་སེམས་སྐྱེ་བའི་ཕྱིར་དང་། གཞན་གྱི་ཕུན་སུམ་ཚོགས་པ་ལ་སེམས་འཁྲུགས་ནས་མི་བཟོད་པའི་ཕྱིར་རོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།

{{#arraymap:ཀུན་དཀྲིས་བཅུ་

|; |@@@ | | }}