1963

ཀུན་དགའ་རབ་གསལ་རྒྱ་མཚོ་ (1)

Part of speech

མིང་ཚིག

Definition

ཚེས་བཅུ་སྐུ་ཕྲེང་དྲུག་པ་ཀུན་དགའ་རབ་གསལ་རྒྱ་མཚོ་ནི། རྒྱལ་རོང་གོ་རྒྱལ་གྱི་གདུང་རིགས་སུ་སྐུ་འཁྲུངས་ཚེ་ནམ་མཁར་འཇའ་སྤྲིན་ཟླུམ་པོའི་གུར་ཁྱིམ་ཕུབ་དབུས་ནས་ལྷ་རྣམས་ཀྱིས་གླིང་བུའི་སྐད་སོགས་རོལ་མོ་སྣ་ཚོགས་པའི་སྒྲ་དབྱངས་སྒྲོག་པ་དེར་ཡོད་ཀུན་གྱི་མཐོང་ཐོས་སུ་གྱུར་པ་སོགས་ངོ་མཚར་བའི་རྟགས་མཚན་ཆེ་ཞིང༌། དེ་ལུགས་ཀྱི་སྐུ་ན་རིམ་པར་སོན་སྐབས་ཇོ་ནང་ཚེས་བཅུ་སྒར་གྱིས་སྐུ་བདག་སོགས་ཀྱི་སྒོ་ནས་རིག་གནས་ལ་སྦྱང་བརྩོན་དུས་བབ་དང་བསྟུན་རྗེས་དགེ་བའི་བཤེས་གཉེན་དམ་པ་སྐྱབས་མགོན་མཁར་བ་རྡོ་རྗེ་འཆང་དང༌། སྦྱང་པ་ཀུན་དགའ་ངེས་དོན་ཞབས་པ་སོགས་དད་གུས་རྒྱ་ཆེ་བའི་གཙུག་གིས་བླ་མར་བསྟེན་ཏེ་ཟབ་བཀའ་རྒྱ་མཚོ་ལྟ་བུས་ཐུགས་རྒྱུད་ལེགས་ཕྱུག་མཛད་ནས་མཁས་གྲུབ་གཉིས་ལྡན་གྱི་གོ་གནས་ཐོབ་ཅིང་མཚན་སྙན་རྒྱས། དགུང་ལོ་ལྔ་བཅུ་ཙམ་ནས་སྐུ་གཤེགས།