2037

ཀུན་བཏགས་ཀྱི་བདག་ (1)

Part of speech	མིང་ཚིག
Definition	མདོ། དབུ་མ། ཀུན་བཏགས་ཀྱི་མ་རིག་པས་བཏགས་པ་ནི་དངོས་པོར་སྨྲ་བ་དག་གིས་ལུང་རིགས་ལྟར་སྣང་གི་འཐད་པ་ལ་བརྟེན་ནས་རྟོག་པས་སྦྱར་བ་དག་སྟེ། འདི་ལ་ཡོད་པ་སྒྲོ་འདོགས་ཀྱི་མཐའ་དང། མེད་པར་སྐུར་འདེབས་ཀྱི་མཐའ་གཉིས། དང་པོ་ལ། གང་ཟག་གི་བདག་དང་ཆོས་ཀྱི་བདག་གཉིས། དང་པོ་ནི། ཕྱི་རོལ་པས་བཏགས་པའི་ཕུང་པོ་ལས་དོན་གཞན་པའི་གང་ཟག་དང། རང་སྡེ་མང་པོས་བཀུར་བས་བཏགས་པའི་ཕུང་པོ་དང་ངོ་བོ་གཅིག་པའི་གང་ཟག་དང་བརྗོད་དུ་མེད་པའི་གང་ཟག་རྣམས་སོ། །གཉིས་པ་ནི། ཕྱི་རོལ་མུ་སྟེགས་བྱེད་ནས་སེམས་ཙམ་པའི་བར་གྱིས་གཟུགས་སོགས་ཀྱི་དངོས་པོ་བདེན་གྲུབ་ཏུ་བཏགས་པ་རྣམས་སོ། །གཉིས་པ་ནི། མུ་སྟེགས་རྒྱང་འཕེན་པས། རྒྱུ་ལས་དགེ་སྡིག་དང། འབྲས་བུ་ཚེ་ཕྱི་མའི་བདེ་སྡུག་སོགས་མེད་པར་བཏགས་པ་རྣམས་སོ། །ཞེས་ཀུན་མཁྱེན་གོ་རམས་པའི་འཇུག་པའི་དཀའ་འགྲེལ་ལས་གསུངས་སོ། །ཡང་། ཕྱི་རོལ་པ་དང་། རང་སྡེ་གནས་མ་བུ་བའི་སྡེ་པས་གང་ཟག་ཡོད་པའི་སྒྲུབ་བྱེད་མང་དུ་བཀོད་ཀྱང་རྣམ་པ་ལྔར་འདུས་ཤིང། དེ་དག་ཀྱང་ཕུང་པོ་དང་དེ་ཉིད་དང་གཞན་ཉིད་གཉིས་སུ་འདུས་སོ། །གཞན་སྡེ་དང་རང་སྡེ་དངོས་པོ་སྨྲ་བ་གསུམ་གྱིས་ཆོས་བདེན་པར་ཡོད་པའི་སྒྲུབ་བྱེད་མང་དུ་བཀོད་ཀྱང་མཐའ་བཞིའི་སྐྱེ་བ་བཞིར་འདུས་སོ། །མདོར་ན་ལྷན་སྐྱེས་ཀྱིས་གཟུང་བའི་ཆོས་དང་གང་ཟག་གཉིས་ལ་རིགས་པ་ལྟར་སྣང་གི་སྒྲུབ་བྱེད་དང་བཅས་པའི་སྒོ་ནས་བདེན་པར་གཟུང་བའི་ཡུལ་ནི་ཀུན་བཏགས་ཀྱི་བདག་གཉིས་ཡིན་ནོ། །ཞེས་ཀུན་མཁྱེན་གོ་རམས་པའི་དབུ་མ་སྤྱི་དོན་ལས་གསུངས་སོ། །
Domain	ཆོས་ལུགས།

{{#arraymap:ཀུན་བཏགས་ཀྱི་བདག་

|; |@@@ | | }}