4636

ཁྲི་སྐོར་བཅུ་གསུམ་ (1)

Part of speech	མིང་ཚིག
Definition	སྟག་ཚང་དཔལ་འབྱོར་བཟང་པོས་མཛད་པའི་རྒྱ་བོད་ཡིག་ཚང་ལས། མངའ་རིས་རྫོང་ཁའི་འོག་གི བློ་ད་ལོ་རྫོང་གསུམ་ཁྲི་བསྐོར་གཅིག ལ་སྟོད་ལྷོ་བྱང༌། ཆུ་ཞལ་རྣམས་རེ་རེར་གྲངས་པས་ཁྲི་བསྐོར་བཞི། སྦྲ་བེར་ཁྱུང་གསུམ་ཁྲི་བསྐོར་གཅིག ཡ་འབྲོག མཚལ་པ་ཁྲི་བསྐོར་གཉིས། རྒྱ་འབྲི། གཡའ་ཕག་ཁྲི་བསྐོར་བཞི། ཟུར་ནས་བསྡུས་པའི་གཅིག་འབྱུང་བ། ཇ་ཡུལ་ཧོར་དུད་སྟོང་ཕྲག་གཅིག་བཅས་ཡིན་ལ། ཞིབ་གསལ་རྒྱ་བོད་ཡིག་ཚང་དུ་གསལ་བ་ལྟར་ས་སྐྱའི་དཔོན་ཆེན་ཤཀྱཱ་བཟང་པོའི་དེབ་ཐེར་ཤོག་དྲིལ་ཅན་གྱི་ནང་གསལ་བཞིན་བཀོད་ན། བླ་མ་རྒྱལ་པོས་གདན་དྲངས་ནས། །བཅུ་ཕྲག་ལོ་ནི་སོང་བའི་དུས། །ས་ཕོ་འབྲུག་ལོ་ཤར་བ་ན། །གོང་ནས་མངགས་པའི་གསེར་ཡིག་པ། །ཨ་ཀོན་མི་གླིང་གཉིས་ཡོང་ནས། །མི་སྡེ་ས་ཆ་དང་བཅས་པ། །ཆེན་པོ་ཧོར་གྱི་མིང་བཏགས་པའི། །རྩ་བའི་དུས་གྲངས་རྩིས་པ་དང༌། །དེ་ནི་ལོའི་ཕྲེང་བ་ནི། །ཉི་ཤུ་སོང་ཚེ་མེ་ཕག་ལ། །ཁྲིམས་ར་ཆེན་པོ་ནས་མངགས་པའི། །ཧོ་ཤུ་ཨུ་ནུ་ཁན་གཉིས་དང༌། །དཔོན་ཆེན་གཞོན་ནུ་དབང་ཕྱུག་གིས། །རྒྱལ་ཁམས་ཆེ་གསལ་བྱས་མཐུས་ཀྱི། །དུས་གྲངས་རྩིས་པ་གང་ཡིན་པ། །བློ་གསལ་ཀུན་གྱི་དགའ་བའི་རྒྱན། །རིན་ཆེན་ཕྲེང་པ་བཟུང་པར་མཛོད། །སྟོད་ཀྱི་མངའ་རིས་སྐོར་གསུམ་པོ། །པུ་རངས་གངས་རིས་སྐོར་བ་དང༌། །གུ་གེ་གཡའ་ཡི་བསྐོར་དེ་དང༌། །མང་ཡུལ་ཆུ་ཡིས་ཡོངས་བསྐོར་བ། །དེ་རྣམས་ཀུན་དུ་དྲིལ་བ་ལ། །རྩ་དུད་ཉིས་སྟོང་དྲུག་བརྒྱ་དང༌། །སུམ་ཅུ་རྩ་ལྔར་ཀུན་ཀྱང་འདུས། །མངའ་བདག་འོག་ན་ཡོད་པ་ཡིས། །མངའ་རིས་ཕྱོགས་ཀྱི་མི་སྡེ་ལ། །བདུན་བརྒྱ་དྲུག་ཅུ་རྩ་བདུན་ནོ། །ལ་སྟོད་ལྷོ་པའི་དུད་ཀྱི་གྲངས། །སྟོང་དང་བརྒྱད་ཅུ་རྩ་དགུ་ཡིན། །ལ་སྟོད་བྱང་པ་ལ་གཏོགས་པ། །ཉིས་སྟོང་ཉིས་བརྒྱ་བཅུར་འདུས། །ལྷ་སྡེ་གཞུང་པ་ཟུར་ན་གསལ། །དེ་ནས་ཆུ་མིག་ཁྲི་བསྐོར་ལ། །ཧོར་དུས་སུམ་སྟོང་ཉག་གསུམ་ཡིན། །ཞལ་ལུ་ཁྲི་བསྐོར་སུམ་སྟོང་དང༌། །བརྒྱད་བརྒྱ་དགུ་བཅུ་རྩ་གཉིས་ཡོད། །བྱང་འབྲོག་ཁྲི་བསྐོར་རྟིང་ལ་བྱུང༌། །ཡ་འབྲོག་ཁྲི་བསྐོར་ཁྱད་ཆོས་ནི། །ལེབ་ནི་བཅུ་དྲུག་དག་ཏུ་འདོད། །ད་ལྷ་སྡེ་གཞུང་པ་འདི་ལྟར་འདོད། །མང་མཁར་བ་དང་དྲིལ་ཆེན་གཉིས། །བརྒྱ་ཕྲག་གཅིག་དང་ཉི་ཤུ་ཡིན། གཙང་པ་བརྒྱད་ཅུ་གྱ་བདུན་ནོ། །བོ་དོང་རི་སེབ་བདུན་ཅུ་བདུན། མདོ་སྤེ་དམར་བ་ཆིག་བརྒྱ་དང༌། །ཉི་ཤུ་རྩ་ལྔར་འདུས་པ་ཡིན། །གྲོམ་ལུང་ར་ས་ཁ་སྒང་པ། །རྩ་དུད་བདུན་ཅུ་རྩ་ལྔ་ཡིན། །ཇོ་བོའི་ཁྲི་འོག་སུམ་ཅུ་ལྔ། །ར་ས་སྣང་ཀར་སུམ་ཅུར་སྣང༌། །མར་ལ་ཐང་པ་ཧོར་དུད་བཅུ། །དེ་རྣམས་ཡོངས་སུ་བསྡུས་པ་ལ། །ཧོར་དུད་དྲུག་བརྒྱ་དྲུག་ཡིན་ནོ། །དེ་ནས་གནས་གཞི་ལས་གོ་ལ། །ཧོར་དུད་བརྒྱ་དང་སོ་གཅིག་ཡོད། །གཞན་ཡང་ལྷ་སྡེ་མི་སྡེ་ཡི། །ཁྲི་བསྐོར་གང་ལའང་མི་ཐེ་བ། །རུ་མཚམས་སུམ་བརྒྱ་དྲུག་ཅུ་ཡོད། །གྱ་བ་བོད་འབྲོག་བརྒྱ་ལྔ་བཅུ། །ཐང་ཚ་ལ་ནི་རྩ་བའི་དུད། །བརྒྱ་ཕྲག་ཕྱེད་དང་གཉིས་སུ་ཡོད། །ཚོང་འདུས་བརྒྱ་དང་བཅུ་ཕྲག་བཞི། །ས་སྐྱ་ནང་པའི་དགེ་རུ་ལ། ཞིང་ས་གཡོག་པོ་ལ་གཏོགས་པའི། །ལ་སྟོད་ལྷོ་དང་ས་སྐྱའི་བསྐོར། །ཀོ་དྲེ་གྲོ་ཆུང་གཡས་རུ་དང༌། །དང་ར་དང་ནི་འདར་མི་ཉག ། དེ་རྣམས་བསྡོམས་པས་སུམ་ཅུའོ། །དགེ་རུ་ལྷོ་གདོང་བཞི་བཅུ་དང༌། །བྲ་ཚ་ཨ་བཙན་བཞི་བཅུ་དྲུག ། སུམ་སྟོང་དྲུག་བརྒྱ་སུམ་ཅུ་ཡོད། །འདི་རྣམས་ཁྲི་བསྐོར་ལ་མི་གཏོགས། །གཙང་ཕྱོགས་མངའ་རིས་གསལ་བྱེད་པའི། །ཚིག་གི་སྒྲོན་མེ་མཆོག་འདིའོ། །དེ་ནས་དབུས་ཕྱོགས་ཤེས་པ་ཡི། །རྩ་དུད་འཁྱེར་ལུགས་འདི་ལ་ཉོན། །འབྲི་ཁུང་བོད་འབྲོག་གཉིས་པོ་ལ། །སུམ་སྟོང་དྲུག་བརྒྱ་སུམ་ཅུ་ཡོད། །འཚལ་པ་སུམ་སྟོང་བདུན་བརྒྱ་གཉིས། །ཕག་མོ་གྲུབ་པ་ཉིས་སྟོང་དང༌། །བཞི་བརྒྱ་སུམ་ཅུ་རྩ་བརྒྱད་དོ། །གཡའ་བཟང་པ་ལ་སུམ་སྟོང་དབང༌། །རྒྱ་མ་བ་དང་བྱ་ཡུལ་བ། །ལྔ་སྟོང་དགུ་བརྒྱ་ཕྱེད་འཁྱེར་ཡིན། །སྟག་ལུང་པ་ལ་ལྔ་བརྒྱའོ། །བསམ་ཡས་ཕུ་མདའ་དྲུག་ཅུ་གཉིས། །འཆིང་ཕུ་བ་ནི་བརྒྱད་དུ་གསལ། །རྡོའི་ཕུ་མདའ་བདུན་ཅུར་འདུག ། དགུང་མཁར་བ་དང་འཕྲང་པ་གཉིས། །རྩ་བའི་དུད་ཆེན་བདུན་ཅུར་འདུག ། ལྷ་པ་ཤེས་པའི་མི་སྡེ་ལ། །ཧོར་གྱི་དུད་ཆེན་དྲུག་བརྒྱའོ། །གཞན་ཡང་གཙང་ལ་ཡར་གཏོགས་པའི། །གྲུ་གུ་སྒང་གི་ཆར་གཏོགས་ལ། །ཧོར་དུད་ཉིས་བརྒྱ་སུམ་ཅུ་གཉིས། །ཁ་རགས་པ་ལ་བརྒྱད་ཅུ་བརྒྱད། །རབ་བཙུན་པ་ལ་དགུ་བཅུར་ཤེས། །འབྲུག་པ་ཉིས་བརྒྱ་ཉི་ཤུ་ལྔ། །ཐང་པོ་ཆེ་པ་རྩ་བའི་དུད། །བརྒྱ་དང་ལྔ་བཅུ་ཐམ་པ་ཡིན། །དེ་རྣམས་ཀྱིས་ནི་དབུས་ཕྱོགས་ཤེས། །ཚུལ་འདི་ཧོར་དང་ས་སྐྱ་པ། །ཡོན་མཆོད་འབྲེལ་ནས་དབུས་གཙང་དུ། །ས་རྩིས་བྱས་པའི་ཐོག་མར་འདུག ། སྟོད་ཀྱི་མངའ་རིས་བསྐོར་གསུམ་ནས། །ཞྭ་ལུ་ཁྲི་བསྐོར་ཆར་རྟོགས་ཡན། །ཨ་ཀོན་མིང་གླིང་ཞེས་བྱས་རྩིས། །དེ་མན་འབྲི་ཁུང་ཡན་གྱི་ས། །སི་ཏུ་ཨ་སྐྱིད་དག་གིས་རྩིས། །མངའ་རིས་བསྐོར་གསུམ་ས་ཆ་དང༌། །དབུས་གཙང་རུ་བཞི་ཀུན་བསྡོམས་པས། །ཧོར་དུད་སུམ་ཁྲི་དྲུག་སྟོང་དང༌། །བཞི་བརྒྱ་ལྔ་བཅུ་རྩ་གསུམ་པ། །སོ་སོར་དབྱེ་ན་མངའ་རིས་དང༌། །རུ་འཚམས་མར་བཅད་གཙང་ཕྱོགས་ལ། །ཆིག་ཁྲི་ལྔ་སྟོང་དྲུག་བརྒྱ་དང༌། །དགུ་བཅུ་ལ་ནི་ཀུན་ཀྱང་འདུས། །དབུས་ཕྱོགས་ཡོངས་ལ་ཉི་ཁྲི་དང༌། །བདུན་བརྒྱ་དྲུག་བཅུ་རྩ་གསུམ་ཡིན། །དེ་བ་ཀུན་ལ་མི་ཐི་བ། །ཡ་འབྲོག་ལེབ་ནི་བཅུ་དྲུག་སྟེ། །ཧོར་དུད་ཕྱེད་དང་བརྒྱད་བརྒྱ་ཡོད། །ཅེས་གསུངས།
Domain	ལོ་རྒྱུས།

{{#arraymap:ཁྲི་སྐོར་བཅུ་གསུམ་

|; |@@@ | | }}

ཁྲི་སྐོར་བཅུ་གསུམ་ (2)

Part of speech	མིང་ཚིག
Definition	དུས་ཕྱིས་ཀྱི་རྩི་སྟངས་ལ། ལ་སྟོད་ལྷོ་བྱང་གཉིས་དང༌། གུར་མོ། ཆུ་མིག ཤངས། ཞ་ལུ་སྟེ་གཙང་ལ་ཁྲི་སྐོར་དྲུག རྒྱ་མ་དང༌། འབྲི་གུང༌། ཚལ་པ། ཐང་པོ་ཆེ། ཕག་མོ་གྲུགཡའ་བཟང་སྟེ་དབུས་ལ་ཁྲི་སྐོར་དྲུག དབུས་གཙང་གི་མཚམས་སུ་ཡར་འབྲོག་སྟག་ལུང་ཁྲི་སྐོར་གཅིག་སྟེ་ཁྲི་སྐོར་བཅུ་གསུམ། ཞེས་བཤད་པ་ཡང་ཡོད།

{{#arraymap:ཁྲི་སྐོར་བཅུ་གསུམ་

|; |@@@ | | }}