4828

ཁྲུས་བྱེད་པའི་ལྟུང་བྱེད་ (1)

Part of speech	མིང་ཚིག
Definition	འདུལ་བ་རྣམ་པར་འབྱེད་པའི་སྡེ་ཚན། འདུལ་བ་ཇ་པར་བཞུགས།

{{#arraymap:ཁྲུས་བྱེད་པའི་ལྟུང་བྱེད་

|; |@@@ | | }}

ཁྲུས་བྱེད་པའི་ལྟུང་བྱེད་ (2)

Part of speech	མིང་ཚིག
Definition	མདོ། འདུལ་བ། གླེང་གཞི་ནི་རྒྱལ་པོའི་ཁབ་ཏུ་དྲུག་སྡེས་མཐོ་འཚམས་པའི་སེམས་ཀྱིས་ཁྲུས་བྱས་པ་ལས་ལྟུང་བྱེད་དུ་བཅས་སོ། །དགག་བྱ་ནི་མ་དད་པ་བསྐྱེད་པའོ། །ངོ་ཏི་ནི་བཅས་ལྡན་དགེ་སློང་གིས་སྔར་ཁྲུས་བྱས་ནས་ཟླ་བ་ཕྱེད་མ་འདས་པར་འཇིག་རྟེན་ལ་གྲགས་པའི་ཆུས་ཁྲུས་བྱས་ཏེ་ལུས་ཕྱེད་ཁྱབ་པར་གྱུར་པའི་ལྟུང་བ་དངོས་གཞིའོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། །འདུལ་བའི་སྤྱི་དོན་ཐུབ་བསྟན་རྒྱས་པའི་ཉིན་བྱེད་ལས། ངོ་བོ་ནི། ཚ་བའི་དུས་ཀྱི་ཟླ་བ་ཕྱེད་དང་གསུམ་ལས་ཟླ་བ་གཞན་གྱི་དུས་སུ་དགེ་སློང་གིས་ཞག་བཅོ་ལྔ་བཅོ་ལྔ་ནས་ཁྲུས་བྱེད་པ་གནང་བ་ལས་དེའི་སྔ་རོལ་དུ་ཁྲུས་བྱེད་པའི་བཅས་པའི་ཁ་ན་མ་ཐོ་བའོ། །ཚིག་ལེར། གཞན་ཡང་ཚ་བའི་དུས་ཞེས་པ། །ཟླ་བ་ཕྱེད་དང་གསུམ་དུའོ། །ཞེས་གསུངས་པའི་དུས་ནི། སྣོན་ཟླ་བའི་ཡར་ཚེས་གཅིག་ནས་མགོ་བཟུང་བའི་ཟླ་ཕྱེད་དང་། ཆུ་སྟོད་ཀྱི་ཟླ་བ་སྟེ་སོས་ཀའི་ཟླ་བ་ཕྱེད་དང་གཉིས། དེའི་སྟེང་དུ་དབྱར་ཟླ་གྲོ་བཞིན་གྱི་ཟླ་བ་བསྣན་པས་ཟླ་བ་ཕྱེད་དང་གསུམ་ཡིན་ཏེ། མདོ་རྩར། སོས་ཀ་རྣམས་ཀྱི་ཟླ་བ་ལྷག་མ་ཕྱེད་དང་གཉིས་དང་། དབྱར་རྣམས་ཀྱི་དང་པོ་ལས་སོ། །ཞེས་གསུངས་པ་དང་དགོངས་པ་གཅིག་གོ ། འདིར་ཁ་ཅིག་གིས་ཚ་བའི་དུས་ཀྱི་ཟླ་བ་གསུམ་གསུངས་པ་ནི་མ་བརྟགས་པར་ཟད་དོ། །ཞེས་པཎ་ཆེན་ངག་དབང་ཆོས་གྲགས་ཀྱིས་གསུངས་སོ། །
Domain	ཆོས་ལུགས།

{{#arraymap:ཁྲུས་བྱེད་པའི་ལྟུང་བྱེད་

|; |@@@ | | }}