5823
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པ་ལས་གསུངས་པའི་ངེས་པའི་གསང་སྒོ་འགྲོལ་བའི་མདོ་བཞིའི་ཡ་གྱལ་ཞིག་སྟེ། ཟག་མེད་མཐོང་ལམ་ཡན་ཆད་ཀྱི་ལམ་པ་གང་ཞིག་གིས་དོན་ཇི་ལྟ་བར་མཐོང་བའམ་རྟོགས་པས་འཚང་རྒྱ་ཞིང་ངེས་པར་འབྱུང་བའི་ཕྱིར་མཐོང་བས་ངེས་པར་འབྱུང་བའི་མདོ་ཞེས་བྱ། དེའི་དོན་གཟི་ལྡན་འཆར་ཁའི་འོད་སྣང་ལས། མཐོང་ལམ་ཡན་ཆད་ཟག་མེད་ཀྱི་ལམ་པ་གང་གིས་སྐྱེ་བ་མེད་པའི་དོན་མཐོང་ཞིང་རྟོགས་པས་ངེས་པར་འབྱུང་བ་ཡང་དག་པར་འགྲུབ་པའི་མདོ་ཉེ་བར་བསྟན་པ་ནི་འདི་ལྟ༷་སྟེ། རྣལ་འབྱོར་པ་གང་གིས་གསང་བའི་གཞུང་ལ་བརྟེན་ནས་སྐྱེ་བ་མེད་པའི་ཆོས་ཉིད་དེ་བཞིན་ཉིད་ཀྱི་དོན་དེ་ཉིད་ལྷག་པའི་ཤེས་རབ་ཀྱིས་མཐོང་བ་མེད་པར་རྟོགས་ནས། ཅིར་ཡང་མ་མཐོང་བར་མཐོང་བས་སྣང་སྲིད་སྣོད་བཅུད་དུ་ཞེན་ཅིང་སྣང་བའི་མཐར་འཛིན་ཐམས་ཅད་མ་བཀོལ་བར་དེ་བཞིན་ཉིད་དུ་ཡོངས་སུ་དག་སྟེ་དྲི་མ་མེད་པར་གསལ་བ་ལ། ལས་དང་སྤྱོད་པ་དང་མཚན་མ་གང་ལའང་འཇིགས་ཤིང་ཉམ་ང་བ་ཡོད་པ་མ་ཡིན་ཏེ། ཇི་ལྟར་སྤྱད་ཀྱང་འཛིན་པ་དང་བྲལ་བས་འཁོར་བར་ལྟུང་བའི་དོགས་པ་མེད་པ་ཉིད་དེ། དེ་ཅིའི་ཕྱིར་ཞེ་ན། ཡེ་ཤེས་དེ་བཞིན་ཉིད་དེར་འཁོར་བའི་དངོས་པོ་ཀུན་བདེ་ལྡན་གྱི་ཞིང་དུ་སངས་རྒྱས་པའི་ཕྱིར་རོ། །དེ་ནི་དེ་ཉིད་ཡིན་པ་དང་བདག་ཉིད་ཆེན་པོར་སངས་རྒྱས་པའི་ཆེ་བའང་ཡིན་ནོ། །ཞེས་གསུངས་པ་ལྟར་ཡིན། |
| Domain | ཆོས་ལུགས། |
{{#arraymap:གང་གིས་མཐོང་བས་ངེས་པར་འབྱུང་བའི་མདོ་
|; |@@@ | | }}