5891

གང་ཟག་གི་བདག་མེད་ལ་བརྟེན་པའི་དབུ་མ་ (1)

Part of speech	མིང་ཚིག
Definition	དབུ་མ། ཇོ་ནང་། གཞན་སྟོང་དབུ་མ། དབུ་མའི་རྣམ་གྲངས་བཅུ་བཞིའི་ཡ་གྱལ་ཞིག་ཏེ། ཇོ་ནང་ཏཱ་ར་ནཱ་ཐའི་ཐེག་མཆོག་དབུ་མའི་རྣམ་བཤད་ཟིན་བྲིས་ལས། བཟུང་བྱ་ཉེར་ལེན་གྱི་ཕུང་པོ་ལྔ་ལ་དམིགས་ནས་ང་དང་བདག་ཏུ་འཛིན་པ་དང། གྲུབ་མཐའ་ངན་པས་བློ་ཁ་བསྒྱུར་བ་རྣམས་ལ་འཇིག་རྟེན་འདི་དག་བྱེད་པ་པོ་དབང་ཕྱུག་ཁྱབ་འཇུག་ལ་སོགས་པས་བྱས་པར་འདོད་པ་སོགས་བྱེད་པ་པོས་སྟོང་པ་ནི་མཐའ་གཉིས་ཀྱི་ནང་ནས་ཡོད་པའམ་རྟག་པའི་མཐའ་སྤངས་པ་དང་། ཀུན་རྫོབ་ཙམ་དུ་རྒྱུ་སྣ་ཚོགས་པ་ལས་འབྲས་བུ་སྣ་ཚོགས་པ་འབྱུང་བ་སོགས་ཀུན་རྫོབ་རྟེན་འབྲེལ་ཙམ་དུ་མི་བསླུ་བ་ནི་མཐའ་གཉིས་ཀྱི་ནང་ནས་མེད་པའམ་ཆད་པའི་མཐའ་དང་བྲལ་ཞིང། དེ་ལྟར་མཐའ་གཉིས་དང་བྲལ་བའི་གང་ཟག་བདག་མེད་དེ་ནི་གནས་ལུགས་ཀྱི་དབུ་མ་ཙམ་ཡིན་ཀྱང། གནས་ལུགས་ཀྱི་དབུ་མ་མཐར་ཐུག་པ་ནི་མ་ཡིན་ལ། འདི་ལ་ཡང་མཐའ་གཉིས་དང་བྲལ་བའི་གང་ཟག་གི་བདག་མེད་དེ་རྟོགས་བྱའི་དབུ་མ་དང། དེ་མེད་པར་རྟོགས་པའི་ཡེ་ཤེས་ནི་རྟོགས་བྱེད་ལམ་གྱི་དབུ་མའོ། །ཞེས་འབྱུང་ངོ་། །
Domain	[ཆོས་ལུགས།, ལྟ་གྲུབ།]