7029

གཏུམ་མོ་ (1)

Part of speech	མིང་ཚིག
Definition	བྱ་སྤྱོད་རྩུབ་མོ་ཅན་གྱི་བུད་མེད་ཀྱི་མིང་སྟེ། མའི་རྣམ་འབྱེད་ལས། བུད་མེད་གཏུམ་མོ་ཞེས་བྱ་བ་ནི། ཁྲོ་བ་འཐབ་ཀྲོལ་ཅན་ནོ། །ཞེས་གསུངས།

{{#arraymap:གཏུམ་མོ་

|; |@@@ | | }}

གཏུམ་མོ་ (2)

Part of speech	མིང་ཚིག
Definition	ལྷ་དབང་ཕྱུག་ཆེན་པོའི་བཙུན་མོ་ལྷ་མོ་ཨུ་མའི་མིང་།

{{#arraymap:གཏུམ་མོ་

|; |@@@ | | }}

གཏུམ་མོ་ (3)

Part of speech	མིང་ཚིག
Definition	ཙོ་རའི་མིང་ལའང་འཇུག་སྟེ། ཙོ་ར་ནི་ལོ་མང་སྐྱེ་བའི་རྩྭ་ལྡུམ་རྩ་བ་སྒོག་སོ་ཅན་མདོག་དཀར་ལ་དབྱིབས་འཇོང་བོ་ཞིག་ཡིན། ཚོད་མ་བྱེད་ཆོག་ལ་སྨན་དུའང་བཀོལ་ཆོག མེ་ཏོག་གི་འདབ་མའི་སྟེང་ན་སྟག་གཟིག་གི་པགས་པའི་ཐོག་གི་ཁྲ་ཐིག་ལྟ་བུ་ཡོད་པས། ཡུལ་གྲུ་ལ་ལར་མེ་ཏོག་སྟག་གཟིག་ཀྱང་ཟེར།

{{#arraymap:གཏུམ་མོ་

|; |@@@ | | }}

གཏུམ་མོ་ (4)

Part of speech	མིང་ཚིག
Definition	སྔགས་བླ་མེད། རྫོགས་རིམ་གྱི་རྩ་བའི་ཆོས་ཤིག་ཡིན་ཞིང། རྩ་རླུང་ཐིག་ལེ་གནད་དུ་བསྣུན་པས་ལྟེ་བའི་ཨ་ཐུང་ལས་བདེ་དྲོད་སྦར་བས་ཕུང་ཁམས་མ་དག་པ་རྣམས་སྲེག་ཅིང་ཉོན་མོངས་རྣམ་རྟོག་ཐམས་ཅད་འཇོམས་པར་གཏུམ་པའི་ལས་བྱེད་ཅིང༌། ལྷན་ཅིག་སྐྱེས་པའི་ཡེ་ཤེས་མྱུར་དུ་སྐྱེད་པར་བྱེད་པའི་ཉམས་ལེན་ཞིག
Domain	ཆོས་ལུགས།

{{#arraymap:གཏུམ་མོ་

|; |@@@ | | }}

གཏུམ་མོ་ (5)

Part of speech

མིང་ཚིག

Definition

རང་གི་ལུས་ཀྱི་ལྟེ་བའི་གནས་སུ་མ་ལས་ཐོབ་པའི་ཁམས་དམར་པོའི་དྭངས་མ་དབྱིབས་ཨ་ཐུང་ཤད་ཀྱི་རྣམ་པ་ཅན། ཁ་དོག་དམར་ལ་དྲོད་ཀྱི་རང་བཞིན་རེག་བྱ་ཚ་བ་ཞིག དེ་ལ་གཙོ་བོ་ལྟེ་བ་དང་གསང་གནས་ཀྱི་གཏུམ་མོ་གཉིས་ཡོད་དེ། རྗེའི་རིམ་ལྔ་གསལ་སྒྲོན་ལས། སྤར་རྒྱུའི་མེ་རྡུལ་གྱི་ངོ་བོའི་ཁྲག་ནི་ལུས་ཀྱི་ཆ་མང་པོ་ན་གནས་ཀྱང༌། གཙོ་བོ་ནི་ཨ་ཐུང་གིས་མཚོན་པའི་ལྟེ་བའི་གནས་དང༌། ཀྵ་ཡིག་གིས་མཚོན་པའི་ཚངས་པའི་མེ་ཞེས་པ་ལྟེ་འོག་གི་གསང་གནས་ལ་གནས་པ་གཉིས་ཏེ། དེ་ཡང་དྷཱུ་ཏཱིའི་ནང་ན་གནས་པའོ། །

{{#arraymap:གཏུམ་མོ་

|; |@@@ | | }}

གཏུམ་མོ་ (6)

Part of speech

མིང་ཚིག

Definition

དེ་ལ་གཏུམ་མོ་ཞེས་པའི་སྒྲ་དོན་ནི་སྤང་བྱ་ཉོན་མོངས་པའི་ཚོགས་འཇོམས་པ་ལ་དཔའ་ཞིང་གཏུམ་པ་དང་། བདེ་སྟོང་གཉིས་མེད་ཀྱི་ཡེ་ཤེས་སྟེར་བར་བྱེད་པའི་དཔའ་མོ་ཡིན་པས་ན་གཏུམ་མོ་ཞེས་བྱ་ལ། བྱེད་ལས་ནི་ཡང་དག་པའི་ཡེ་ཤེས་ཀྱི་མེས་ཀུན་རྟོག་གི་འཆིང་བའི་བུད་ཤིང་སྲེག་པར་བྱེད་ཅིང་། བྱེ་བྲག་ཏུ་བསྐྱེད་རིམ་ཕྱིའི་གཏུམ་མོས་བགེགས་རིགས་སྟོང་ཕྲག་བརྒྱད་ཅུ་འཇོམས། སྲོག་རྩོལ་ནང་གི་གཏུམ་མོས་ནད་རིགས་བཞི་བརྒྱ་རྩ་བཞི་འཇོམས། འབར་འཛག་གསང་བའི་གཏུམ་མོའི་ཉོན་མོངས་བརྒྱད་ཁྲི་བཞི་སྟོང་འཇོམས། བློ་བྲལ་དེ་ཁོ་ན་ཉིད་ཀྱི་གཏུམ་མོས་ལྷན་སྐྱེས་ཀྱི་ཡེ་ཤེས་རྟོགས་པར་བྱེད་པའོ། །

{{#arraymap:གཏུམ་མོ་

|; |@@@ | | }}