7219

གཏོར་མའི་རྣམ་གྲངས་ལྔ་ (1)

Part of speech	མིང་ཚིག
Definition	གསང་སྔགས་ལམ་གྱི་རིམ་པའི་འགྲེལ་པ་རིན་ཆེན་ཕྲེང་བ་ལས་བྱུང་བ་སྟེ། ༡ འགྱུར་མེད་ཡེ་ཤེས་ཀྱི་གཏོར་མ་ནི། འཁོར་འདས་ཀྱི་ཆོས་ཐམས་ཅད་རང་སྣང་འཛིན་མེད་དུ་རྟོགས་ནས། ཉོན་མོངས་ཡེ་ཤེས་སུ་འབར་བ་ནི། འགྱུར་མེད་ཡེ་ཤེས་ཀྱི་གཏོར་མ། ༢ བདེ་ཆེན་བྱང་ཆུབ་སེམས་ཀྱི་གཏོར་མ་ནི། ཆོས་ཐམས་ཅད་རང་སྣང་གཉིས་མེད་དུ་རྟོགས་ནས། སྡུག་བསྔལ་བདེ་བར་འཆར་བ་ནི། བདེ་ཆེན་བྱང་ཆུབ་སེམས་ཀྱི་གཏོར་མ། ༣ ཡོངས་སུ་ཁྱབ་པའི་གཏོར་མ་ནི། ཕྱི་ནང་སྣོད་བཅུད་སེམས་ཀྱིས་ཁྱབ་ཚད་ཆོས་ཉིད་ཀྱིས་ཁྱབ་པ་ནི། ཡོངས་སུ་ཁྱབ་པའི་གཏོར་མ། ༤ དག་པ་ཆོས་ཉིད་ཀྱི་གཏོར་མ་ནི། ཆོས་ཉིད་བྱང་ཆུབ་སེམས་མ་བྱུང་མ་སྐྱེས་པ་ནི། དག་པ་ཆོས་ཉིད་ཀྱི་གཏོར་མ། ༥ སྣ་ཚོགས་ལམ་ཁྱེར་གྱི་གཏོར་མ་ནི། ཐམས་ཅད་ཡང་དག་གཉིས་མེད་ཀྱི་ལམ་དུ་འགྲོ་བ་ནི། སྣ་ཚོགས་ལམ་ཁྱེར་གྱི་གཏོར་མའོ། །
Domain	ཆོས་ལུགས།