8213

གནས་ལུགས་མཛོད་ (1)

Part of speech

མིང་ཚིག

Definition

དུས་རབས་བཅུ་བཞི་པར་ཀུན་མཁྱེན་ཀློང་ཆེན་པས་མཛད་པའི་མཛོད་ཆེན་བདུན་གྱི་ཡ་གྱལ་ཞིག་སྟེ། རྫོགས་པ་ཆེན་པོ་སེམས་ཀློང་མན་ངག་གི་སྙིང་པོའི་མཐར་ཐུག་པའི་དོན། ཆོས་ཐམས་ཅད་རང་བཞིན་མེད་པ་དང༌། ཡེ་ནས་ལྷུན་གྱིས་གྲུབ་པ་དང༌། རྒྱ་ཆད་ཕྱོགས་ལྷུང་མེད་པས་ཕྱལ་བ་དང༌། རང་བྱུང་ཡེ་ཤེས་གཅིག་པུ་སྟེ་བཞི་བོའི་རེ་རེ་ལ་ཡང་། གནད་བཀྲོལ། འགག་བསྡམས། ཆིངས་སུ་བཅིངས། ལ་བཟླ་བའི་དོན་དང་རྣམ་པ་བཞི་བཞིར་ཕྱེས་དེ་བཅུ་དྲུག་གི་སྒོ་ནས་རང་བཞིན་རྫོགས་པ་ཆེན་པོའི་མཐར་ཐུག་གི་དོན་དམ་ཚིག་ཆེན་པོ་བཞིའི་རྣམ་གྲངས་སུ་ཆོས་ཐམས་ཅད་བསྡུས་ཏེ་བསྟན་པའི་རྩ་འགྲེལ་གཉིས་ལྡན་གྱི་གཞུང་ལུགས་ཤིག