8448

གཙང་ཁམས་གྲྭ་དགོན་ (1)

Part of speech

མིང་ཚིག

Definition

དགོན་འདི་ནི་བོད་ལྗོངས་རྒྱལ་རྩེ་གྲོང་ཁྱེར། རྒྱ་རྩ་གཞུང་གྲོང་རྡལ། གར་སྟེགས་གྲོང་ཚོའི་ཁོངས་སུ་གཏོགས་ཤིང་། ཐོག་མར་ཁམས་ཁུལ་ནས་ཕེབས་པའི་གྲྭ་པ་ཞིག་གིས་བཏབ་ཅིང་། དེ་ཡང་ཐོག་མར་ཁམས་པའི་གྲྭ་པ་ཞིག་འདི་ཁུལ་དུ་ཕེབས་ནས་དགོན་དེའི་ཉེ་འཁོར་གྱི་སྒྲུབ་ཕུག་དེར་སྒྲུབ་པ་ཉམས་ལེན་མཛད་དེ་ཡུན་རིང་བཞུགས། ཕྱིས་སུ་དགོན་དེ་གསར་བཞེངས་མཛད་པས་ཡུལ་མི་ཚོས་ཁམས་པའི་གྲྭ་པས་བཞེངས་པའི་དགོན་པ་ཞེས་བརྗོད་པ་དང་། རིམ་བཞིན་ཁམས་གྲྭ་དགོན་ཞེས་ཐ་སྙད་ཆགས་ཡོད། དགོན་པ་བཏབ་པའི་དུས་ཚོད་དང་བསྟན་པའི་འཕེལ་འགྲིབ་སོགས་གསལ་པོར་མ་རྟོགས་ཀྱང་ཆོས་ལུགས་ནི་འབྲུག་པ་དཀར་བརྒྱུད་ཡིན་པར་གྲགས། རིག་གསར་སྐབས་རྟེན་བརྟེན་པ་དང་བཅས་པ་ཡོངས་སུ་འཐོར་ཞིག་ཏུ་སོང་བ་ནས་དེང་སྐབས་དགོན་ཤུལ་ཙམ་དུ་ལྷག་ཡོད་པ་བཅས་སོ། །