9793

གཟུགས་ཅན་གཟུགས་ལ་བལྟ་བའི་རྣམ་ཐར་ (1)

Part of speech	མིང་ཚིག
Definition	མདོ། མངོན་པ། རྣམ་ཐར་བརྒྱད་ཀྱི་ནང་གསེས་ཤིག་སྟེ། རང་གི་སེམས་རྟེན་བསམ་གཏན་དང་པོ་དང་གཉིས་པའི་དངོས་གཞི་གང་རུང་ལ་བརྟེན་ནས་ནང་རྣལ་འབྱོར་པ་རང་ཉིད་ཀྱི་ལུས་ལ་གཟུགས་ཅན་གྱི་འདུ་ཤེས་བཞག་ནས་འདོད་པ་དང་བསམ་གཏན་དང་པོ་གང་རུང་སས་བསྡུས་ཀྱི་ཕྱི་རོལ་གྱི་གཟུགས་ཀྱི་སྐྱེ་མཆེད་རྣམ་པར་སྔོས་པ་ལ་སོགས་པའི་མི་སྡུག་པའི་རྣམ་པར་ལྟ་བའི་མ་ཆགས་པའི་རང་བཞིན་གྱི་རྣམ་ཐར་ཅིག་སྟེ། མཆིམས་མཛོོད་ལས། རྣམ་ཐར་དང་པོ་གཉིས་ནི་རྣམ་པར་སྔོས་པ་ལ་སོགས་པའི་རྣམ་པར་ལྟ་བའི་ཕྱིར་མི་སྡུག་པའི་རང་བཞིན་ཡིན་ཏེ། འདིའི་ངོ་བོ་མ་ཆགས་པ་དང༌། དམིགས་པ་འདོད་པར་གཏོགས་པའི་གཟུགས་ཀྱི་སྐྱེ་མཆེད་ཡིན་པར་ནི་(མི་སྡུག་མ་ཆགས་པ་སོགས་སུ་)སྔར་མི་སྡུག་པར་བཤད་པ་བཞིན་ནོ། །ཁྱད་པར་ནི་འདི་ཡིན་ཏེ། མི་སྡུག་པ་ནི་ས་བཅུ་པ་ཡིན་ལ། རྣམ་ཐར་དང་པོ་གཉིས་ནི་བསམ་གཏན་གཉིས་པ་ཡན་ཆད་ན་མིག་ཤེས་མེད་པས་ཁ་དོག་གི་འདོད་ཆགས་མེད་དེ། གང་ཡུལ་ལ་འདོད་ཆགས་དང་བྲལ་བ་དེ་ནི་ཡུལ་ཅན་ཤེས་པ་ལས་ཀྱང་འདོད་ཆགས་དང་བྲལ་ཏེ་སྣ་ལྕེའི་རྣམ་ཤེས་བཞིན་ནོ།། (བསམ་གཏན་ཕྱི་མ་གསུམ་ན་ནང་གི་དབང་པོ་གཟུགས་ཅན་ལ་ཆགས་པ་ཡོད་དོ། །རྣམ་ཐར་འདི་གསུམ་བསམ་གཏན་གསུམ་པར་ཅིའི་ཕྱིར་མ་བཞག་ཅེ་ན། རང་གི་སྤང་བྱ་གཉིས་པའི་ཁ་དོག་གི་འདོད་ཆགས་མེད་པས་མི་སྡུག་པའི་རྣམ་ཐར་མེད་ལ།) བསམ་གཏན་གཉིས་པ་ལ་སོགས་པ་ནའང་མིག་ཤེས་མེད་པས་ཁ་དོག་གི་འདོད་ཆགས་དང་བྲལ་བ་ཡིན་ནོ་ཞེས་ཊཱི་ཀར་བཤད་པས་གོ་རིམ་བཞིན་དུ་འདོད་པ་དང་བསམ་གཏན་དང་པོའི་ས་པའི་ཁ་དོག་གི་འདོད་ཆགས་ཀྱི་གཉེན་པོ་ཡིན་པས་བསམ་གཏན་སྔ་མ་གཉིས་ཁོ་ན་ན་ཡོད་དོ། །ཞེས་དང་། སེར་སྨད་རྒྱལ་དབང་མཛོོད་ལས། རྣམ་ཐར་དང་པོ་གསུམ་པོ་གང་རུང་གི་ཡུལ་ལ་འདོད་པའི་སས་བསྡུས་ཀྱིས་ཁྱབ་པར་ཐལ། ཁྱོད་ཀྱིས་དང་པོ་འདོད་གཏོགས་སྣང་ཡུལ་ཅན། །ཞེས་པའི་དོན་འགྲེལ་ཚུལ་འཐད་པའི་ཕྱིར་ཟེར་ན་མ་ཁྱབ་སྟེ། རྣམ་ཐར་གསུམ་པོ་དེ་ཐོག་མར་གསར་དུ་སྒྲུབ་པའི་ཚེ་དམིགས་ཡུལ་འདོད་པའི་གཟུགས་ཀྱི་སྐྱེ་མཆེད་ཁོ་ན་ལ་དམིགས་ནས་བསྒྲུབ་དགོས་པས་དེ་གསུམ་གཙོ་བོར་འདོད་པར་གཏོགས་པའི་གཟུགས་ཀྱི་སྐྱེ་མཆེད་ཀྱི་སྤྱོད་ཡུལ་ཅན་ཡིན་པའི་དོན་ཡིན་གྱི། ཕྱིས་ནས་བསམ་གཏན་དང་པོའི་ཁ་དོག་ལ་ཆགས་པའི་དབང་ཤེས་འདོད་ཆགས་ཀྱི་གཉེན་པོར་དང་པོའི་གཟུགས་ཀྱི་སྐྱེ་མཆེད་ལ་དམིགས་པའི་གཉིས་པའི་སས་བསྡུས་ཀྱི་མི་སྡུག་པའི་རྣམ་ཐར་གཉིས་དང༌། དེ་གཉིས་འགྲུབ་མི་འགྲུབ་བརྟགས་ཕྱིར་དུ་དང་པོའི་སས་བསྡུས་ཀྱི་གཟུགས་ཡིད་དུ་འོང་བ་སྤྲུལ་ནས་སྡུག་པར་བལྟ་བའི་བཞི་པའི་སས་བསྡུས་ཀྱི་སྡུག་པའི་རྣམ་ཐར་བསྒོམ་པ་ཡོད་པའི་ཕྱིར་རོ། །ཞེས་གསུངས།
Domain	ཆོས་ལུགས།

{{#arraymap:གཟུགས་ཅན་གཟུགས་ལ་བལྟ་བའི་རྣམ་ཐར་

|; |@@@ | | }}

གཟུགས་ཅན་གཟུགས་ལ་བལྟ་བའི་རྣམ་ཐར་ (2)

Part of speech

མིང་ཚིག

Definition

མཚན་ཉིད་ནི། བསམ་གཏན་བཞི་པའི་དངོས་གཞིའི་སེམས་ལ་བརྟེན་ནས་ནང་གཟུགས་སུ་འདུ་ཤེས་པས་ཕྱི་རོལ་གྱི་གཟུགས་སྣ་ཚོགས་སུ་སྤྲུལ་པ་ལ་གེགས་བྱེད་པའི་སྒྲིབ་པ་ལས་རྣམ་པར་གྲོལ་བའི་རྣམ་ཐཪ་རོ་ཞེས་ཀུན་མཁྱེན་གོ་རམས་པའི་སྦས་དོན་ཟབ་མོ་ལས་སོ། ། ཀུན་མཁྱེན་རོང་སྟོན་གྱི་རྣམ་བཤད་ཚིག་དོན་རབ་གསལ་ལས། རྣམ་ཐར་དང་པོ་ནི་ལྟའོ། གང་གི་སྒོ་ནས་ཤེ་ན། རང་ལ་གཟུགས་ཀྱི་འདུ་ཤེས་མ་བཤིག་པའི་ཕྱིར། གོ་རིམ་བཞིན་དུ་ནང་གཟུགས་ཅན་དུ་འདུ་ཤེས་པའི་སྒོ་ནས་སོ། །ཡུལ་ནི། ཕྱི་རོལ་གྱི་གཟུགས་རྣམས་ལ་ལྟའོ། །ཚུལ་ཇི་ལྟར་ན། དབྱིབས་ཀྱི་སྒོ་ནས་ཆེ་ཆུང་སྣ་ཚོགས་དང་། ཁ་དོག་གི་སྒོ་ནས་མཛེས་མི་མཛེས་སྣ་ཚོགས་སུ་སྤྲུལ་ཏེ་ལྟའོ། །དགོས་པ་ནི། སྣ་ཚོགས་སུ་སྤྲུལ་པ་ལ་སྒྲིབ་པ་སྟེ་གེགས་བྱེད་པའི་གཉེན་པོར་ལྟ་བ་དང། སྤྲུལ་པ་པོ་སྣང་ཞིང་རྫུ་འཕྲུལ་སྣ་ཚོགས་སྤྲུལ་ནུས་པའི་ཆེད་ཡིན་ནོ་ཞེས་སོ། །པཎ་ཆེན་ཤཱཀྱ་མཆོག་ལྡན་གྱི་རྒྱན་འགྲེལ་ལུང་དོན་རྒྱ་མཚོ་ལས། རང་གི་སེམས་རྟེན་བསམ་གཏན་བཞི་པའི་དངོས་གཞིའི་སེམས་ལ་བརྟེན་ནས་རྣལ་འབྱོར་པ་རང་ལ་གཟུགས་ཅན་དུ་འདུ་ཤེས་པའི་སྒོ་ནས་ཕྱི་རོལ་གྱི་གཟུགས་རྣམས་ལ་སྣ་ཚོགས་སུ་བལྟ་བ་ཡང་དག་པར་འབྱོར་བའི་ཏིང་ངེ་འཛིན་མཚུངས་ལྡན་དང་བཅས་པའོ་ཞེས་སོ། །

{{#arraymap:གཟུགས་ཅན་གཟུགས་ལ་བལྟ་བའི་རྣམ་ཐར་

|; |@@@ | | }}

གཟུགས་ཅན་གཟུགས་ལ་བལྟ་བའི་རྣམ་ཐར་ (3)

Part of speech

མིང་ཚིག

Definition

རྣམ་པར་ཐར་པ་བརྒྱད་ཀྱི་ནང་གསེས་ཤིག་སྟེ། བདག་རང་གི་གཟུགས་སྔར་མ་བཤིག་པར་ཕྱི་རོལ་གྱི་གཟུགས་སྟོང་པར་འཇིག་ཅིང་སུན་འབྱིན་པའི་ཏིང་ངེ་འཛིན་ནོ། །འདི་ནི་རྣམ་པར་སྔོས་པ་ལ་སོགས་པའི་རྣམ་པ་ཅན་ཡིན་པའི་ཕྱིར་མི་སྡུག་པ་ཡིན་ལ། དེ་ནི་མ་ཆགས་པ་སྟེ་མི་སྡུག་མ་ཆགས་ཞེས་གསུངས་པའི་ཕྱིར་རོ། །འདིའི་ས་བསམ་གཏན་དང་པོ་གཉིས་དག་ན་ཡོད་ཀྱི་ས་གཞན་ན་ནི་མེད་དོ། །འདོད་པ་ན་སྤྱོད་པ་དང་བསམ་གཏན་དང་པོའི་ཁ་དོག་གི་འདོད་ཆགས་ཀྱི་གཉེན་པོར་གྲངས་བཞིན་ནོ། །རྣམ་ཐར་འདིའི་དམིགས་པ་ནི་ཅི་རིགས་པར་འདོད་པ་ན་སྤྱོད་པའི་གཟུགས་ཀྱི་སྐྱེ་མཆེད་ཡིད་དུ་མི་འོང་བ་དང་ཡིད་དུ་འོང་བ་ཡིན་ནོ། །

{{#arraymap:གཟུགས་ཅན་གཟུགས་ལ་བལྟ་བའི་རྣམ་ཐར་

|; |@@@ | | }}