9895
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | མདོ། མངོན་པ། གཟུགས་མེད་ཀྱི་ཁམས་སུ་སྤྱོད་པའི་དགེ་བའི་སེམས་མངོན་དུ་གྱུར་པའི་ཚེ་རྙེད་པའི་སེམས་རྣམས་ཏེ། འདོད་ཁམས་ན་སྤྱོད་པའི་དགེ་སེམས་ཀྱིས་རྙེད་པ་བཞིན། སྤྲུལ་སེམས་གཉིས་དང་གོང་དགེ་གཉིས་ཟག་མེད་དང་པོ་ཐ་མ་གཉིས་ཏེ་དྲུག་གོ །དེ་ཡང་དགེ་བའི་སེམས་མངོན་གྱུར་པ་ལས་གོང་སེམས་གཉིས་སམ་ཁམས་གསུམ་གྱི་དགེ་བ་གསུམ་དང་། འདོད་ཆགས་དང་བྲལ་བ་ཐོབ་པ་ལས་འདོད་གཟུགས་ཀྱི་སྤྲུལ་སེམས་གཉིས་དང་། ཟག་མེད་དང་དྲུག་གོ །ཞེས་ཟག་མེད་གཅིག་ཏུ་བསམས་མོད་ཀྱི་དེར་ནི་དགེ་བའི་སེམས་ལ་བདུན་ཡིན་ཏེ་ཞེས་བརྗོད་པར་རིགས་ཏེ། ཁ་ཅིག་ནི། ཡང་དག་ལྟ་བས་དགེ་རྩ་ཆད་པ་མཚམས་སྦྱོར་བ་ལས་འདོད་དགེ་འབྱུང་བས་དེ་དང་བདུན་དུ་འདོད་དོ། །ཁ་ཅིག་ནི། ཟག་མེད་ལ་སློབ་མི་སློབ་གཉིས་སུ་དབྱེར་ཡོད་པའི་ཕྱིར་བདུན་ནོ་ཞེས་ཟེར་རོ། །དེ་ཉིད་ཀྱི་ཕྱིར་སློབ་དཔོན་གྱིས། ངེས་འཇུག་དགྲ་བཅོམ་ཉིད་ཀྱི་ཚེ། སློབ་པ་དང་ནི་མི་སློབ་པའོ་ཞེས་ངེས་པ་ལ་འཇུག་པ་མཐོང་ལམ་ཐོབ་པ་ན་སློབ་པ་ཟག་མེད་དང་། དགྲ་བཅོམ་ཐོབ་པ་ན་མི་སློབ་པ་ཟག་མེད་ཐོབ་པར་བཤད་དོ། ། |
| Domain | ཆོས་ལུགས། |
{{#arraymap:གཟུགས་མེད་དགེ་བས་རྙེད་པའི་སེམས་དྲུག་
|; |@@@ | | }}