9917

གཟུགས་མེད་མུ་བཞི་ (1)

Part of speech	མིང་ཚིག
Definition	གཟུགས་མེད་སྙོམས་འཇུག་བཞི་སྟེ། ནམ་མཁའ་མཐའ་ཡས། རྣམ་ཤེས་མཐའ་ཡས། ཅི་ཡང་མེད་པ། སྲིད་རྩེའི་སྙོམས་འཇུག་སྟེ་གཟུགས་མེད་ཁམས་ཀྱི་སྙོམས་འཇུག་བཞིའོ། །མཚན་ཉིད་ནི་འདོད་གཟུགས་ལས་འདོད་ཆགས་དང་བྲལ་ཞིང་གཟུགས་མེད་ལ་འདོད་ཆགས་དང་བཅས་པའོ། །གཟུགས་མེད་པའི་ཁམས་ན་ནི་གནས་གཞན་ཐ་དད་པ་ནི་མེད་དོ། །ཅི་སྟེ་ན་གཟུགས་མེད་པའི་ཕྱིར་དང། གནས་གཞན་ཐ་དད་པའང་གཟུགས་ཀྱིས་ཕྱེ་བའི་ཕྱིར་རོ། །འོན་ཀྱང་གང་དུ་ཤི་བ་དེ་ཉིད་དུ་གཟུགས་མེད་པའི་ཏིང་ངེ་འཛིན་དང་ལྡན་པ་ཉིད་དུ་སྐྱེའོ། །འོ་ན་རྣམ་པ་བཞིར་ཇི་ལྟར་འགྱུར་ཞེ་ན། སྔོན་རྒྱུ་ནམ་མཁའ་མཐའ་ཡས་དང། རྣམ་ཤེས་མཐའ་ཡས་དང། ཅི་ཡང་མེད་པ་དང། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་སྙོམས་འཇུག་བསྒོམས་པས་ཁམས་དེར་འབྲས་བུའི་སྙོམས་འཇུག་མི་འདྲ་བར་སྐྱེ་བའི་བྱེ་བྲག་ལས་ནི་ནམ་མཁའ་མཐའ་ཡས་ལ་སོགས་པ་རྣམ་པ་བཞིར་གཞག་གོ ། ཁམས་ཀྱི་དོན་ནི་རང་གི་མཚན་ཉིད་འཛིན་པའི་ཕྱིར་རོ། །སྒྲ་དོན་ནི་འདི་ལྟར་སྦྱོར་བའི་ཚེ་ནམ་མཁའ་མཐའ་ཡས་སོ་ཞེས་བྱ་བ་དང་། རྣམ་ཤེས་མཐའ་ཡས་སོ་ཞེས་བྱ་བ་དང་། ཅི་ཡང་མེད་དོ་ཞེས་བྱ་བ་དེ་ལྟར་སྦྱོར་བའི་ཕྱིར་ནམ་མཁའ་མཐའ་ཡས་ལ་སོགས་པ་དེ་སྐད་བརྗོད་ཀྱི་གཞན་ན་ནི་ཅི་རིགས་པར་ཆོས་གཞན་དག་ལའང་དམིགས་སོ། །བཞི་པ་ནི་འདུ་ཤེས་ཆུང་ཞིང་མི་གསལ་བས་དམན་པའི་ཕྱིར་འདུ་ཤེས་མེད་པ་ཞེས་ཀྱང་བྱ་ལ། འདུ་ཤེས་ཅུང་ཟད་ཡོད་པའི་ཕྱིར་འདུ་ཤེས་མེད་པའང་མ་ཡིན་ནོ་ཞེས་བརྗོད་དོ། །སྲིད་པ་གསུམ་ན་དེ་བས་མཐོ་བའི་ས་མེད་པས་སྲིད་རྩེ་ཞེས་ཀྱང་བྱའོ། །ཡང་ན་སྦྱོར་བའི་ཚེ་འདུ་ཤེས་ནི་ནད་དོ། །འབྲས་སོ། །ཟུག་རྔུའོ་ཞེས་འདུ་ཤེས་རགས་པ་ལའང་སྐྱོན་དུ་ལྟ་ལ། འདུ་ཤེས་མེད་པ་བ་ནི་ཀུན་ཏུ་རྨོངས་པའོ་ཞེས་འདུ་ཤེས་མེད་པའང་ཀུན་དུ་རྨོངས་པའི་རྒྱུ་ཡིན་ནོ་ཞེས་པ་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་འདི་ནི་ཞི་བ་དང་གྱ་ནོམ་པའོ་ཞེས་སྦྱོར་བའི་ཕྱིར་ཡང་དེ་སྐད་དུ་བརྗོད་དོ། །གཟུགས་མེད་པའི་ཁམས་སུ་ནི་གཟུགས་ཀྱི་འདུ་ཤེས་དང་བྲལ་བའི་སྙོམས་པར་འཇུག་པའི་ཁྱད་པར་ལས་སྐྱེས་པས་སྔོན་གྱི་ལས་ཀྱིས་འཕངས་པའི་སྲོག་ལ་སོགས་པ་སྟོབས་ཆེ་བའི་ཕྱིར་དེ་ལ་སེམས་རྟེན་ལ་སེམས་ལའང་དེ་དག་བརྟེན་པ་ཡིན་ནོ་ཞེས་བྱ་བ་ནི་གྲུབ་པའི་མཐའོ། །མདོ་སྡེ་པ་ནི་སྔོན་གྱི་ལས་ཀྱི་སྟོབས་ཀྱིས་དེར་མིང་བཞིའི་ཕུང་པོ་འགྲུབ་ཀྱི་སྲོག་ལ་སོགས་པའི་རྫས་གཞན་ནི་མི་འདོད་དོ། །དེ་ལའང་གཟུགས་མེད་པའི་མིང་བཞིའི་ཕུང་པོ་རིལ་པོ་རྣམ་པར་སྨིན་པར་ཐལ་བའི་སྐྱོན་ཡོད་པའི་ཕྱིར། རྣལ་འབྱོར་སྤྱོད་པ་པས་མིང་བཞིའི་ཕུང་པོ་གཞན་ནི་ཀུན་གཞི་རྣམ་ཤེས་ལ་བརྟེན་ལ། ཀུན་གཞི་ནི་སྔོན་གྱི་ལས་ལ་བརྟེན་པ་ཉིད་རིགས་པ་ཡིན་ནོ་ཞེས་འདོད་པ་ཡིན་ནོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།

{{#arraymap:གཟུགས་མེད་མུ་བཞི་

|; |@@@ | | }}