10381

གཡུ་འབྲུག་བརྒྱད་པ་ངག་དབང་ལུང་རིགས་སྨྲ་བའི་ཉི་མ་ (1)

Part of speech

མིང་ཚིག

Definition

སྐུ་ཕྲེང་བརྒྱད་པ་ངག་དབང་ལུང་རིགས་སྨྲ་བའི་ཉི་མའམ་ཚོགས་གཉིས་རྒྱ་མཚོ་མཆོག་ནི། རབ་བྱུང་བཅུ་དྲུག་པའི་མེ་ལུག་ལོར་ཕྱི་ལོ་ ༡༩༦༧ ལ་མདོ་སྨད་ཁམས་ཀྱི་ཡུལ་གྲུ་བཀྲ་ཤིས་ལུང་པ་ཞེས་པའི་གྲོང་ཞིག་ཏུ་ཡབ་ཀརྨ་དང་། ཡུམ་ཆོས་མཚོ་སྐྱིད་གཉིས་ཀྱི་སྲས་སུ་སྐུ་འཁྲུངས། སྐྱབས་མཆོག་སི་ཏུ་རིན་པོ་ཆེའི་ཡེ་ཤེས་ཀྱི་གཟིགས་པ་དྲི་མ་མེད་པར་ཇི་ལྟར་ཤར་བ་བཞིན་རྡོ་རྗེའི་ལུང་གིས་སྐབས་ཕྱེ་སྟེ་ངོས་འཛིན་ཐག་གཅོད་གནང་བ་ལྟར། ཁྲུས་གསོལ་དང་ན་བཟའ་འབུལ་བཞེས་སྔོན་སོང་གིས་གདན་ས་གཡུ་འབྲུག་དགོན་བྱང་ཆུབ་ཆོས་གླིང་དུ་མི་འཇིགས་སེང་གེས་བཏེགས་པའི་གསེར་གྱི་ཁྲིར་མངོན་པར་འཁོད་ཅིང་། རིས་མེད་འགྲོ་བ་རྣམས་ལ་དམིགས་པ་མེད་པའི་ཐུགས་རྗེ་ཉེ་བར་དགོངས་ཏེ། བསམ་འཕེལ་དབང་གི་རྒྱལ་པོ་ལྟར་མཆོག་གི་སྤྲུལ་སྐུའི་ཟླ་གཞོན་གསར་དུ་འཆར་བ་གང་ཉིད་ཀྱིས། དུས་གསུམ་རྒྱལ་བའི་སྐུ་དང་ཡེ་ཤེས་ཀྱི་རོལ་པ་གཅིག་ཏུ་བསྡུས་ཤིང་རྒྱལ་བ་ཡོངས་ཀྱི་ཕྲིན་ལས་མི་ཟད་པ་རྒྱན་གྱི་འཁོར་ལོ་ལ་མངའ་དབང་བསྒྱུར་བ་མ་ཟད། དེང་སྐབས་རང་དགོན་བཤད་སྒྲུབ་ལས་གསུམ་གྱི་བྱ་བའི་མཛད་པ་སྐྱོང་བཞིན་པས། སྲིད་གསུམ་ཁོར་ཡུག་དང་བཅས་པའི་ས་ཡི་ཁྱོན་ཀུན་ཏུ་བཀྲ་ཤིས་རབ་ཏུ་དགེ་བའི་སྣང་བ་དཀར་པོས་ཁྱབ་པར་བྱེད་བཞིན་པ་ལགས།