11887

གླ་རྩི་ (1)

Part of speech	མིང་ཚིག
Definition	གླ་བས་རྩྭ་ཆུ་ཟོས་པའི་བཅུད་དམ་རྩི་ལོགས་སུ་འདུས་ནས་གོང་བུར་གྱུར་པ་ལས་བྱུང་བའམ། ཡང་ན་གླ་བ་ལས་བྱུང་ཞིང་རྩི་སྨན་གྱི་སྡེར་གཏོགས་པས་གླ་རྩི་ཞེས་འབྱུང་ཁུངས་སམ་སྡེ་ཚན་ལ་ལྟོས་ནས་བཏགས་པའི་གླ་བའི་འདོམས་སུ་སྐྱེས་པའི་སྨན་གྱི་མིང་སྟེ། འདི་ནི་སྲོག་ཆགས་གླ་བ་ཡི་ལྟེ་བའི་དྲི་ཞིམ་རྨེན་སྣོད་ལས་བྱུང་བའི་ཟགས་ཐོན་དངོས་པོའམ་དྲི་མ་ཡིན་ཞིང༌། ཕྱིའི་ལྤགས་ཐུམ་ལ་སྤུ་སྐྱ་བོ་ཐུང་ངུ་འཁྱིལ་ནས་སྐྱེ་བ་དང༌། དཀྱིལ་དུ་བུ་ག་གཉིས་ཡོད་པ་གཅིག་ནི་གཅིན་ལམ་དང་ཅིག་ཤོས་ནི་གླ་རྩིའི་སྐྱི་ལྤགས་ཀྱི་ཁ་ཡིན། སྐྱི་ལྤགས་ཀྱི་ནང་དུ་སེར་པགས་ཞེས་སྐྱི་མོ་སྲབ་པོས་ཕྱི་ནང་རིམ་པར་གཡོགས་ཡོད་པ་དང་། ནང་དུ་རྩི་ནག་པོ་ལ་ཁམ་ཞད་ཡོད་པ། ཕྱེ་མའམ་རྡོག་པོར་འཁྲིལ་བ་ཅི་རིགས་ལ་དྲི་ཤིན་ཏུ་ཞིམ་པོ་འཐུལ་བའོ། །རོ་ཁ། ཞུ་རྗེས་བསྐ། ནུས་པ་བསིལ། སྲིན་ནད། གཉན་ཚད་སོགས་སེལ་བར་བྱེད།
Keyword	True