12910

གསང་སྔགས་ཀྱི་ཆོ་གའི་ཆོས་ཐམས་ཅད་ཀྱི་ཉི་ཤུ་རྩ་དགུ་ (1)

Part of speech	མིང་ཚིག
Definition	མདོའི་སྡེའི་དབང་གི་རྒྱལ་པོ་ཞེས་བྱ་བའི་ཆོས་ཀྱི་རྣམ་གྲངས་ལས་བྱུང་བ་སྟེ། ༡ གཟོད་མ་ནས་མ་སྐྱེས་པའི་ཕྱིར་ཨ་ནི། ཆོས་ཐམས་ཅད་ཀྱི་སྒོའོ། ། ༢ དགོངས་པ་དང་བྲལ་བའི་ཕྱིར་ཀ་ནི། ཆོས་ཐམས་ཅད་ཀྱི་སྒོའོ། ། ༣ ནམ་མཁའ་དང་འདྲ་བར་དམིགས་སུ་མེད་པའི་ཕྱིར་ཁ་ནི། ཆོས་ཐམས་ཅད་ཀྱི་སྒོའོ། ། ༤ འགྲོ་བ་ཐམས་ཅད་དམིགས་སུ་མེད་པའི་ཕྱིར་ག་ནི། ཆོས་ཐམས་ཅད་ཀྱི་སྒོའོ། ། ༥ གཅིག་ཏུ་འཕུངས་པ་དམིགས་སུ་མེད་པའི་ཕྱིར་གྷ་ནི། ཆོས་ཐམས་ཅད་ཀྱི་སྒོའོ། ། ༦ འཆི་འཕོ་ཐམས་ཅད་དང་བྲལ་བའི་ཕྱིར་ཙ་ནི། ཆོས་ཐམས་ཅད་ཀྱི་སྒོའོ། ། ༧ གྲིབ་མ་ཐམས་ཅད་དང་མཚུངས་པའི་ཕྱིར་ཚ་ནི། ཆོས་ཐམས་ཅད་ཀྱི་སྒོའོ། ། ༨ སྐྱེ་བ་དམིགས་སུ་མེད་པའི་ཕྱིར་ཛ་ནི། ཆོས་ཐམས་ཅད་ཀྱི་སྒོའོ། ། ༩ དྲི་མ་དམིགས་སུ་མེད་པའི་ཕྱིར་ཛྷ་ནི། ཆོས་ཐམས་ཅད་ཀྱི་སྒོའོ། ། ༡༠ ང་རྒྱལ་དམིགས་སུ་མེད་པའི་ཕྱིར་ཊ་ནི། ཆོས་ཐམས་ཅད་ཀྱི་སྒོའོ། ། ༡༡ བསྐྱེད་པ་དམིགས་སུ་མེད་པའི་ཕྱིར་ཋ་ནི། ཆོས་ཐམས་ཅད་ཀྱི་སྒོའོ། ། ༡༢ འཁྲུག་པ་དམིགས་སུ་མེད་པའི་ཕྱིར་ཌ་ནི། ཆོས་ཐམས་ཅད་ཀྱི་སྒོའོ། ། ༡༣ སླུ་བ་དང་ཡོངས་སུ་བྲལ་བའི་ཕྱིར་ཌྷ་ནི། ཆོས་ཐམས་ཅད་ཀྱི་སྒོའོ། ། ༡༤ དེ་བཞིན་དམིགས་སུ་མེད་པའི་ཕྱིར་ཏ་ནི། ཆོས་ཐམས་ཅད་ཀྱི་སྒོའོ། ། ༡༥ གནས་དམིགས་སུ་མེད་པའི་ཕྱིར་ཐ་ནི། ཆོས་ཐམས་ཅད་ཀྱི་སྒོའོ། ། ༡༦ འདུལ་བ་དམིགས་སུ་མེད་པའི་ཕྱིར་ད་ནི། ཆོས་ཐམས་ཅད་ཀྱི་སྒོའོ། ། ༡༧ ཁམས་དམིགས་སུ་མེད་པའི་ཕྱིར་དྷ་ནི། ཆོས་ཐམས་ཅད་ཀྱི་སྒོའོ། ། ༡༨ དོན་དམ་པའི་བདེན་པ་དམིགས་སུ་མེད་པའི་ཕྱིར་པ་ནི། ཆོས་ཐམས་ཅད་ཀྱི་སྒོའོ། ། ༡༩ དབུ་བ་འདྲ་བར་སྙིང་པོ་མེད་པའི་ཕྱིར་ཕ་ནི། ཆོས་ཐམས་ཅད་ཀྱི་སྒོའོ། ། ༢༠ ངག་གི་ལམ་དང་བྲལ་བའི་ཕྱིར་བ་ནི། ཆོས་ཐམས་ཅད་ཀྱི་སྒོའོ། ། ༢༡ སྲིད་པ་ཐམས་ཅད་དམིགས་སུ་མེད་ཕྱིར་གྷ་ནི། ཆོས་ཐམས་ཅད་ཀྱི་སྒོའོ། ། ༢༢ འཆི་བ་དམིགས་སུ་མེད་པའི་ཕྱིར་མ་ནི། ཆོས་ཐམས་ཅད་ཀྱི་སྒོའོ། ། ༢༣ ཐེག་པ་ཆེན་པོ་ཐམས་ཅད་དམིགས་སུ་མེད་པའི་ཕྱིར་ཡ་ནི། ཆོས་ཐམས་ཅད་ཀྱི་སྒོའོ། ། ༢༤ རྡུལ་ཐམས་ཅད་དང་བྲལ་བའི་ཕྱིར་ར་ནི། ཆོས་ཐམས་ཅད་ཀྱི་སྒོའོ། ། ༢༥ མཚན་ཉིད་དམིགས་སུ་མེད་པའི་ཕྱིར་ལ་ནི། ཆོས་ཐམས་ཅད་ཀྱི་སྒོའོ། ། ༢༦ རང་བཞིན་གྱིས་ཞི་བའི་ཕྱིར་ཤ་ནི། ཆོས་ཐམས་ཅད་ཀྱི་སྒོའོ། ། ༢༧ རང་བཞིན་གྱིས་བེམ་པོའི་ཕྱིར་ཥ་ནི། ཆོས་ཐམས་ཅད་ཀྱི་སྒོའོ། ། ༢༨ བདེན་པ་ཐམས་ཅད་དམིགས་སུ་མེད་པའི་ཕྱིར་ས་ནི། ཆོས་ཐམས་ཅད་ཀྱི་སྒོའོ། ། ༢༩ རྒྱུད་དམིགས་སུ་མེད་པའི་ཕྱིར་ཧ་ནི། ཆོས་ཐམས་ཅད་ཀྱི་སྒོའོ། །ང་དང་། ཉ་དང་། ཎ་དང་། ན་དང་། མ་ནི་ཏིང་ངེ་འཛིན་ཐམས་ཅད་ལ་དབང་བསྒྱུར་བ་སྟེ། མཐུ་ཐམས་ཅད་དང་ལྡན་པ་རབ་ཏུ་སྒྱུར་བར་དགོས་པའི་དོན་རབ་ཏུ་སྒྲུབ་པར་བྱེད་པ་ཡིན་ནོ། །
Domain	ཆོས་ལུགས།