12927

གསང་སྔགས་ཀྱི་རྒྱུད་སྡེ་ལ་གྲགས་པའི་སྡོམ་གསུམ་ (1)

Part of speech	མིང་ཚིག
Definition	སྡོམ་གསུམ། ས་སྐྱ། རྗེ་བཙུན་རྩེ་མོས། འདིར་སྡོམ་པའི་རྣམ་པར་གཞག་པ་གསུམ་མཐོང་སྟེ། ཞེས་སོགས་གསུངས་པས། བྱང་ཆུབ་སེམས་དཔའི་སེམས་བསྐྱེད་ཀྱི་སྡོམ་པ། བསྐྱེད་རིམ་གྱི་སྡོམ་པ། རྫོགས་རིམ་གྱི་སྡོམ་པ་གསུམ་ལ་སྡོམ་པ་གསུམ་གྱི་ཐ་སྙད་མཛད་པར་སྣང་ངོ་། །ཡང་དམ་ཚིག་ལ། སྐུ། གསུང་། ཐུགས་ཀྱི་དམ་ཚིག་ཏུ་བཤད་པས། དེ་གསུམ་གྱིས་སྡོམ་པ་གསུམ་གྱི་ཐ་སྙད་འཐོབ་པ་གཅིག་དང་། གྲུབ་ཆེན་སྨན་པའི་ཞབས་ཀྱིས་ལུས་ཀྱི་ལས་བཟང་ངན་ལ་བླང་དོར་མི་བྱེད་པ་ལུས་ཀྱི་སྡོམ་པ་དང་། དེ་བཞིན་དུ་ངག་དང་། ཡིད་ཀྱི་ལས་བཟང་ངན་ལ་བླང་དོར་མི་བྱེད་པ་ངག་དང་ཡིད་ཀྱི་སྡོམ་པར་གསུངས་པ་ནི་བརྟན་པ་ཐོབ་པའི་དམ་ཚིག་ལ་དགོངས་པར་སྣང་ངོ་། །ཡང་རྒྱུད་རྡོ་རྗེ་རྩེ་མོ་ལས། སོ་སོར་ཐར་དང་བྱང་ཆུབ་སེམས། །རིག་འཛིན་རང་གི་ངོ་བོའོ། །ཞེས་སོ་ཐར། བྱང་སེམས། རིག་པ་འཛིན་པའི་སྡོམ་པ་གསུམ་ལ་སྡོམ་གསུམ་གྱི་ཐ་སྙད་མཛད་པ་སྟེ། དེ་ལྟར་ན་གསང་སྔགས་ཀྱི་རྒྱུད་སྡེ་ལས་གསུངས་པའི་སྡོམ་པ་གསུམ་གྱི་རྣམ་གྲངས་བཞིའོ་ཞེས་ཀུན་མཁྱེན་གོ་རམས་པའི་སྡོམ་གསུམ་སྤྱི་དོན་ཡིད་བཞིན་ནོར་བུ་ལས་སོ། །
Domain	ཆོས་ལུགས།