14809

ངག་ཀྱལ་ (1)

Part of speech	མིང་ཚིག
Definition	ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས། ངག་ཀྱལ་པ་ནི་ཉོན་མོངས་ཅན་གྱི་ཚིག་ཀུན་ནོ། །སྡེ་པ་གཞན་ནི་རྫུན་ལ་སོགས་གསུམ་པོ་དེ་ལས་གཞན་པའི་ཉོན་མོངས་ཅན་གྱི་ཚིག་ཡིན་ཟེར་ཏེ། དཔེར་ན་ལོག་འཚོ་ཅན་གྱི་ཁ་གསག་དང་། ཆགས་པ་ཅན་གྱི་གླུ་དང་། ཟློས་གར་མཁན་གྱི་བཞད་གད་དང་། དེའི་ལྟ་བ་ལ་ཞེན་ནས་བསྟན་བཅོས་ངན་པ་འདོན་པ་བཞིན་ནོ་ཞེས་དང་། མཛོད་འགྲེལ་མངོན་པའི་རྒྱན་ལས། སེམས་ཉོན་མོངས་པ་ཅན་གྱིས་ཀུན་ནས་བསླང་བའི་རྫུན་ལ་སོགས་པའི་ཚིག་ཀུན་ནི་ངག་ཀྱལ་པ་ཉིད་ཡིན་ཏེ། དེའི་ཕྱིར་རྫུན་ལ་སོགས་པ་གསུམ་གའང་ཀྱལ་པ་ཡིན་མོད་ཀྱི་ཉེས་པ་ཆེ་བས་ལོགས་སུ་ཕྱེ་བ་ཡིན་ནོ་ཞེས་བྱ་བ་ནི་སློབ་དཔོན་ཁ་ཅིག་གི་ཡིན་ནོ། །སྔོན་གྱི་སློབ་དཔོན་གཞན་དག་ནི་ངག་གི་ལས་རྫུན་ལ་སོགས་པ་གསུམ་པོ་དེ་དག་ལས་གཞན་པའི་ཉོན་མོངས་པ་ཅན་གྱི་ཚིག་གང་ཡིན་པ་དེ་ནི་ངག་ཀྱལ་ཡིན་ནོ་ཞེས་ཟེར་ཏེ། དཔེར་ན་དགེ་སློང་ལོག་འཚོ་ཅན་ཁ་གསག་སྨྲ་བ་དང། ཆགས་པས་གླུ་ལེན་པ་དང་། ཟློས་གར་མཁན་དག་གཞན་མགུ་བར་བྱ་བའི་ཕྱིར་ངག་ཀྱལ་གྱི་ཚིག་འདོན་པ་བཞིན་དང་། ཕྱི་རོལ་པའི་ལྟ་བ་ལ་ཞེན་ནས་དེའི་བསྟན་བཅོས་ངན་པ་ལ་ཁ་ཏོན་བྱེད་པ་དང་། དེ་བཞིན་དུ་རྫུན་ལ་སོགས་པ་གསུམ་ལས་གཞན་པའི་སྨྲེ་སྔགས་འདོན་པ་དང། འདུ་འཛིའི་གཏམ་ལ་སོགས་པ་ཉོན་མོངས་ཅན་གྱི་སེམས་ཀྱིས་ཀུན་ནས་བསླང་བའི་སྨྲ་བ་ཐམས་ཅད་ཀྱང་ཡིན་ནོ་ཞེས་སོ། །
Domain	ཆོས་ལུགས།