15316

ངེས་པའི་རིགས་ (1)

Part of speech	མིང་ཚིག
Definition	མདོ། ཕར་ཕྱིན། རང་གི་བྱང་ཆུབ་མངོན་དུ་མ་བྱས་བར་རྐྱེན་ལ་ལྟོས་ནས་ཐེག་པ་གཞན་གྱི་ཡོན་ཏན་དུ་བསྒྱུར་དུ་མི་རུང་བའི་རིགས་སུ་གནས་པའི་རིགས། དེ་ལ་དབྱེ་ན། ཉན་ཐོས་ཀྱི་རིགས། རང་རྒྱལ་གྱི་རིགས། ཐེག་ཆེན་གྱི་རིགས་དང་གསུམ་ཡོད། སོ་སོའི་ངོ་བོ་ནི། ཉན་ཐོས་ཀྱི་བྱང་ཆུབ་མངོན་དུ་མ་བྱས་བར་རྐྱེན་ལ་བལྟོས་ནས་ཐེག་ཆེན་གྱི་ཡོན་ཏན་དང་རང་རྒྱལ་གྱི་ཡོན་ཏན་གང་རུང་དུ་བསྒྱུར་དུ་མི་རུང་བའི་རིགས་སུ་གནས་པའི་ཉན་ཐོས་ཀྱི་རིགས་དེ། ཉན་ཐོས་ཀྱི་ངེས་པའི་རིགས་ཀྱི་མཚན་ཉིད་ཡིན། རང་རྒྱལ་གྱི་བྱང་ཆུབ་མངོན་དུ་མ་བྱས་པར་རྐྱེན་ལ་ལྟོས་ནས་ཐེག་ཆེན་གྱི་ཡོན་ཏན་དང་ཉན་ཐོས་ཀྱི་ཡོན་ཏན་གང་རུང་དུ་བསྒྱུར་དུ་མི་རུང་བའི་རིགས་སུ་གནས་པའི་རང་རྒྱལ་གྱི་རིགས་དེ། རང་རྒྱལ་གྱི་ངེས་པའི་རིགས་ཀྱི་མཚན་ཉིད། རྐྱེན་ལ་ལྟོས་ནས་ཐེག་དམན་གྱི་ཡོན་ཏན་དུ་བསྒྱུར་དུ་མི་རུང་བའི་རིགས་སུ་གནས་པ། ཐེག་ཆེན་གྱི་ངེས་པའི་རིགས་ཀྱི་མཚན་ཉིད་ཡིན་ཏེ། མདོ་སྡེ་རྒྱན་ལས། མ་ངེས་པའི་རིགས་ལ་རྐྱེན་གྱིས་འཕྲོག་པའི་རིགས་དང༌། ངེས་པའི་རིགས་ལ་རྐྱེན་གྱིས་མི་འཕྲོག་པའི་རིགས་ཞེས་ཐ་སྙད་མཛད་དོ། །
Domain	ཆོས་ལུགས།