16202

ཆགས་པས་སེམས་ཉམས་པར་བྱེད་པའི་ཡིད་ཀྱི་ལས་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། ཆགས་པས་སེམས་ཉམས་པར་བྱེད་པའི་ཡིད་ཀྱི་ལས་ནི། མདོ་དགོངས་པ་འདུས་པར་སྣང་བའི་མདོ་ཡིད་ཀྱི་རྣམ་ཤེས་འཆད་སྐབས་ཡིད་ཤེས་ཐུན་མིན་གྱི་བྱེད་ལས་བཅོ་ལྔ་བསྟན་པའི་ནང་གསེས་ཤིག་སྟེ། འདིའི་དོན་གཟི་ལྡན་འཆར་ཁའི་འོད་སྣང་ལས། ཆགས་པ་དང་བྲལ་བ་ལས་སླར་ཡང་ཆགས་པས་ཉམས་པར་འགྱུར་བའི་ཡིད་ཀྱི་ལས་བསྟན་པ་ཡང༌། ཆགས་པའི་ངོ་བོ་མ་རིག་པའམ་རྨོངས་པའི་ལྟ༷་བ་རྣམས་སྔར་སྟོབས་ཅན་དུ་བརྟན་པར་གནས་པ་དང༌། གང་འདིར་ཡང་དག་པའི་ལྟ་བའི་དོན་ལ་མ་འདྲིས་པས་གོམས་པ་ཆུང་བ་དང༌། ཆགས་ཡུལ་གྱི་དངོས་པོ་གང་ཡང་རུང་བའི་བྱེ་བྲག་གི་རྣམ་པ་དང་རྟགས་དང་མཚན་མ་ཡོངས་སུ་གཟུང་ནས་ཞེན་ཞིང་རྟོག་པ་དང༌། ཇི་སྐད་དུ། ཕྲ་རྒྱས་སྤངས་པ་མ་ཡིན་དང༌། །ཡུལ་ནི་ཉེ་བར་གནས་པ་དང༌། །ཚུལ་བཞིན་མ་ཡིན་ཡིད་བྱེད་ལས། །ཉོན་མོངས་རྒྱུ་ནི་ཚང་བ་ཡིན། །ཞེས་འབྱུང་བ་ལྟར། གང་དེ་དག་ལ་བརྟེན་ནས་ཚུལ་བཞིན་མ་ཡིན་པར་ཡིད་ལ་བྱེད་པ་ལས་ཡིད་ཀྱི་ཤེས་པ་ཡང་དག་པའི་ལྟ་བ་མ་ཆགས་པ་ལས་ཉམས་པ་དང༌། ལ་སོགས་ཞེས་དངོས་པོ་བསྡུ་བ་ནི། དེ་ལྟར་བསླད་པའི་ཞེན་པ་དེས་ཡིད་ལོག་པ་ལ་ཆགས་པར་འགྱུར་བ་ཡིན་ལ། དེ་བས་ན་རྒྱུ་དེས་འདོད་ཆགས་ཡང་དག་པར་བླངས་ཏེ་དང་དུ་ལེན་པ་དང༌། ཆགས་པ་དེར་ངེས་པར་འཇུག་པར་བྱེད་པ་དང༌། སྒྲིབ་པ་དེས་དམ་པའི་དོན་མཐོང་དུ་མི་སྟེར་བ་དང༌། ཡུལ་སྡུག་གུ་གཞན་གྱིས་ཟིན་ཏེ་སེམས་རང་དབང་མེད་པར་ཕྲོགས་པ་དང་དགུ་ཡང་ཡིད་ཀྱི་ལས་སུ་གྱུར་པའོ། །ཞེས་གསུངས།
Domain	ཆོས་ལུགས།

{{#arraymap:ཆགས་པས་སེམས་ཉམས་པར་བྱེད་པའི་ཡིད་ཀྱི་ལས་

|; |@@@ | | }}