17963

ཆོས་བྱེད་པས་སྤང་དགོས་པའི་གནད་གསུམ་ (1)

Part of speech	མིང་ཚིག
Definition	སློབ་དཔོན་ཆེན་པོ་པདྨ་འབྱུང་གནས་ཀྱི་བཀའ་འབུམ་བཞུགས་པའི་དབུའི་ཕྱོགས་ཏེ་ཞུས་ལན་ལས་བྱུང་བ་སྟེ། སློབ་དཔོན་པདྨའི་ཞལ་ནས། ༡ ཡུལ་གྱི་གནད་ལ་ཡུལ་མ་སྤངས་ན། དུག་ལྔའི་བཙོན་རར་ཆུད་པ་ཡིན་ཏེ། ངན་སོང་གི་གནས་སུ་ལྷུང་། ༢ གནས་ཀྱི་གནད་ཁང་ཁྱིམ་བདག་འཛིན་མ་སྤངས་ན། གཟུང་འཛིན་གྱི་ཁྲི་མུན་དུ་ཚུད་པ་ཡིན་ཏེ། འཁྲི་བའི་བདུད་མི་ཆོད། ༣ འབྲེལ་བའི་གནད་བུ་ཚ་གཉེན་འདུན་བུད་མེད་མ་སྤངས་ན། འཁོར་བའི་འདམ་རྫབ་ཏུ་ཚུད་པ་ཡིན་ཏེ། ཐར་པའི་དུས་མི་འོང་། གནད་གསུམ་མ་སྤངས་པའི་འཁོར་བའི་ཁང་པ་ན། དུག་གསུམ་གྱི་ནད་ཀྱིས་གདུངས་སྡུག་བསྔལ་མ་ཚོར་བར་སྡུག་སྲན་ཆེ་བར་གདའ་གསུངས།
Domain	ཆོས་ལུགས།