18671

ཉ་ཀྱཱ་ཞབས་དྲུང་ལུང་རིགས་ནོར་བུ་རྒྱ་མཚོ་ (1)

Part of speech

མིང་ཚིག

Definition

སྐུ་འབུམ་མཆོད་གཞིས་ཅི་ཀྱཱ་སྟག་མཚེར་སྡེ་བར་འཁྲུངས། འཁྲུངས་ལོ་གསལ། ཉ་ཀྱཱ་ལྷ་རམས་པ་སློབ་དཔོན་དུ་བསྟེན། དཔལ་ལྡན་བཤད་སྒྲུབ་གླིང་དང་། དཔལ་ལྡན་གསང་སྔགས་རྒྱུད་པ་གྲྭ་ཚང་གི་ཆོས་ཞུགས། མདོ་སྔགས་དགོངས་འགྲེལ་དང་བཅས་པར་བྱན་ཆུད་པར་སྦྱངས། བླ་མ་དབུ་མཛད་དང་། དུས་འཁོར་དཔོན་སློབ་ཀྱི་ཁྲིར་བཞུགས། རབ་བྱུང་བཅུ་བཞི་པའི་ཆུ་ཕག་ཕྱི་ལོ་ ༡༨༦༣ ལོར་རྒྱུད་པའི་མཁན་ཁྲིར་བཞུགས། འཆད་ཉན་གྱི་འགན་ཁུར། ཁྲི་ཟུར་ནས་སྨད་ཕྱོགས་ཨོར་ཏུ་སུ་ཕྱོགས་སུ་ཕེབས། སྐུ་འབུམ་འདི་ཁང་དུ་རྗེ་བཙུན་བྱམས་པའི་ཤིང་སྐུ་ཁྲི་རྒྱབ་ཡོལ་དྲུག་འགྱོག་ཅན་དང་། ཟི་ནའི་མགོན་ཁང་དུ་གསེར་ཟངས་གྲུབ་པའི་རྗེ་བླ་མའི་སྐུ་ཆེ་བ་བཅས་སྤྱི་འཇོག་མཛད། བྱམས་པའི་ཤིང་སྐུ་རྒྱུད་པ་གྲྭ་ཚང་ལ་རྟེན་སྐལ་དུ་གནང། འདས་ལོ་མི་གསལ། དུས་འཁོར་དཔོན་སློབ་ཀྱི་ཁྲི་རབས་དགུ་པ་དང་། རྒྱུད་པའི་མཁན་ཁྲི་ང་ལྔ་བ་ཡིན།