18924

ཉན་པ་པོ་སྐྱོན་ཅན་ (1)

Part of speech	མིང་ཚིག
Definition	མདོ། དབུ་མ། ཉན་པ་པོ་སྣོད་ཀྱི་སྐྱོན་དང་ལྡན་པ་ནི། རྩ་བ་ལས། སྟོང་པ་ཉིད་ལ་བལྟ་ཉེས་ན། ཤེས་རབ་ཆུང་རྣམས་ཕུང་བར་འགྱུར། །ཇི་ལྟར་སྦྲུལ་ལ་བཟུང་ཉེས་དང། །རིག་སྔགས་ཉེས་པར་བསྒྲུབ་པ་བཞིན། །ཞེས་དང། རིན་ཆེན་ཕྲེང་བ་ལས། ཆོས་འདི་ལོག་པར་ཤེས་གྱུར་ན། །མི་མཁས་རྣམས་ནི་ཆུད་ཀྱང་ཟ། །འདི་ལྟར་མེད་པར་ལྟ་བ་ཡི། །མི་གཙང་དེར་ནི་བྱིང་བར་འགྱུར། །ཞེས་གསུངས་ཏེ། སྟོང་ཉིད་ལ་བག་ཆགས་མ་བཞག་པའམ། བག་ཆགས་བཞག་ཀྱང་ཚོགས་མ་བསགས་པའི་སྟོབས་ཀྱིས་སྟོང་ཉིད་བཤད་ཀྱང་དེའི་དོན་གཏན་མེད་པར་བཟུང་ནས་སྟོང་བ་ཉིད་ལ་མི་མོས་པ་སྐྱེས་ཏེ་ལོག་པར་ལྟ་བས་ཆོས་སྤོང་བ་དང་ཡང་ན་ཐ་སྙད་དུ་ཡང་ལས་འབྲས་སོགས་མེད་པ་ཡིན་སྙམ་དུ་ཕྱིན་ཅི་ལོག་ཏུ་གཟུང་བ་དང། གཞན་ཡང་གསུང་རབ་སྤྱི་ལས་སྐྱོན་དུ་བཤད་པའི་སྣོད་ཁ་སྦུབ་ལྟ་བུ་དང། ཞབས་རྡོལ་ལྟ་བུ་དང་། དུག་ཅན་ལྟ་བུ་རྣམས་སོ། །ཞེས་ཀུན་མཁྱེན་གོ་རམས་པའི་དབུ་མའི་སྤྱི་དོན་ལས་གསུངས་སོ། །
Domain	ཆོས་ལུགས།