19833

ཉེས་བྱས་ (1)

Part of speech	མིང་ཚིག
Definition	མདོ། འདུལ་བ། ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས། མཚན་ཉིད་ནི། ཕམ་ལྷག་དང་སྦོམ་པོ་(གང་ཡང་མ་ཡིན་པའི་ལྟུང་བའི་བྱེ་བྲག་ཡིན་ཞིང། ) ལྟུང་བྱེད་སོ་སོར་བཤགས་པར་བྱ་བ་གང་གིའང་དངོས་གཞི་རྫོགས་པ་ཉིད་མ་ཡིན་པའོ། །(ཕམ་པ་དང་འདྲ་བའི་ཉེས་བྱས་འཆབ་བཅས་འཆབ་མེད་དང། ཕམ་ལྷག་གི་སྦྱོར་བའི་སྦྱོར་བ་མཚན་ཉིད་པའི་ཉེས་བྱས་དང། ལྟུང་བྱེད་དང་སོ་སོར་བཤགས་པར་བྱ་བའི་སྦྱོར་བའི་ཉེས་བྱས་དང། དངོས་གཞིས་བསྡུས་པའི་ཉེས་བྱས་དང། བསྡམས་པར་བྱ་བའི་ཉེས་བྱས་དེ་རྣམས་ཐམས་ཅད་ལ་མཚན་ཉིད་ཕྱོགས་གཅིག་ཏུ་བཀོད་པ་འདི་ཤིན་ཏུ་དཀའ་བར་སྣང་ངོ། །) སྒྲ་བཤད་ནི། ལེགས་པར་མ་བྱས་ཉེས་པར་བྱས་པས་ན་ཉེས་བྱས་ཏེ། ལྟུང་བ་སྡེ་ལྔ་ཐམས་ཅད་ལེགས་པར་མ་བྱས་པ་ཡིན་ཡང་འདི་ནི་སྤྱི་མིང་བྱེ་བྲག་ལ་བཏགས་སོ། །ཞེས་གསུངས། པཎ་ཆེན་ཤཱཀ་མཆོག་གི་འདུལ་མདོའི་སྣང་བྱེད་ཉི་མའི་ཤིང་རྟ་ལས། དེའི་རྒྱུད་ཀྱི་བཅས་པ་དང་འགལ་བའི་ལྟུང་བ་གང་ཞིག ཉེས་བྱས་དེའི་མིང་གིས་ཕྱིར་བཅོས་དེ་བྱས་ན་དག་ཏུ་རུང་བའོ། །དེ་དག་ཀྱང་སྡོམ་གྱི་བསྡུས་པའི་དབང་དུ་བྱས་ལ། མ་བསྡུས་པ་ནི་ཤིན་ཏུང་མང་ངོ་། །ཞེས་གསུངས་སོ། །
Domain	ཆོས་ལུགས།