20245

ཏནྟྲ་ཆེན་པོ་སྡེ་བཅོ་བརྒྱད་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། མ་ཧཱ་ཡོ་གའི་ཆོས་སྐོར་ལ་རྒྱ་ཆེ་བ་རྒྱུད་སྡེ་དང་ཟབ་མོ་སྒྲུབ་སྡེའི་སྐོར་གཉིས་སུ་ཡོད་པ་ལས་འདི་སྒྱུ་འཕྲུལ་དྲྭ་བ་སྟོང་ཕྲག་བརྒྱ་པ་ལས་ཕྱེས་པའི་རྒྱ་ཆེ་བ་རྒྱུད་སྡེའི་ཆོས་སྐོར་སྐུའི་རྒྱུད་གསུམ། གསུང་གི་རྒྱུད་གསུམ། ཐུགས་ཀྱི་རྒྱུད་གསུམ། ཡོན་ཏན་གྱི་རྒྱུད་གསུམ། ཕྲིན་ལས་ཀྱི་རྒྱུད་གསུམ། སྤྱིའི་རྒྱུད་གསུམ་བཅས་བཅོ་བརྒྱད་དེ། ཁོག་དབུབ་རིན་པོ་ཆེ་འབར་བའི་གུར་ལས། ཀུ་ཀུ་རཱ་ཛས་གསང་བའི་བདག་པོའི་བཀའ་བཞིན་བསྒྲུབས་ཤིང་། སྒྱུ་འཕྲུལ་དྲྭ་བ་སྟོང་ཕྲག་བརྒྱ་བའི་རྒྱུད་ལས། ཏནྟྲ་ཆེན་པོ་སྡེ་བཅོ་བརྒྱད་དུ་ཕྱེ་ནས། སྐལ་ལྡན་རྒྱལ་པོ་ཛཿལ་གསུངས། ཏནྟྲ་ཆེན་པོ་སྡེ་བཅོ་བརྒྱད་ལ། སྐུའི་རྒྱུད་གསུམ་ནི། སངས་རྒྱས་མཉམ་སྦྱོར། གླང་པོ་ཆེ་རབ་འབོག གླང་པོ་ཆེ་ཆུར་ཞུགས། གསུང་གི་རྒྱུད་གསུམ་ནི། ཟླ་གསང་ཐིག་ལེ། གཅིག་ལས་འཕྲོས་པ། དུ་མ་འཕྲོས་པ། ཐུགས་ཀྱི་རྒྱུད་གསུམ་ནི། གསང་བ་འདུས་པ། རི་བོ་བརྩེགས་པ། རྩེ་གཅིག་འདུས་པ། ཡོན་ཏན་གྱི་རྒྱུད་གསུམ་ནི། དཔལ་མཆོག་དང་པོ། བདུད་རྩི་མཆོག་དང་པོ། ཡིད་བཞིན་ནོར་བུའི་རྒྱུད། ཕྲིན་ལས་ཀྱི་རྒྱུད་གསུམ་ནི། ཀརྨ་མཱ་ལེ། སྒྲོན་མ་འབར་བ། ཀཱི་ལ་ཡ་ཡིག་འབྲུ་བཅུ་གཉིས་ཀྱི་རྒྱུད། སྤྱིའི་རྒྱུད་གསུམ་ནི། དེ་དག་ཐམས་ཅད་ཀྱི་སྤྱི་རྒྱུད་སྒྱུ་འཕྲུལ་དྲྭ་བའི་རྒྱུད། དམ་ཚིག་ས་མ་ཡ་འབུམ་སྡེ་བཀོད་པའི་རྒྱུད། རྡོ་རྗེ་ཐབས་ཀྱི་ཞགས་པའི་རྒྱུད་དེ། དེ་ལྟར་ཏནྟྲ་སྡེ་ཆེན་པོ་བཅོ་བརྒྱད། ཅེས་དང་། རྒྱུད་འབུམ་རིན་པོ་ཆེའི་རྟོགས་བརྗོད་ལྷའི་རྔ་བོ་ཆེ་ལས། མ་ཧཱ་ཡོ་ག་ལ་རྒྱུད་སྡེ་དང་སྒྲུབ་སྡེ་གཉིས་སུ་ཡོད་པ་ལས། སྔ་མ་ཏནྟྲ་ཆེན་པོ་སྡེ་བཅོ་བརྒྱད་ནི། སྐུ་གསུང་ཐུགས་ཡོན་ཏན་ཕྲིན་ལས་ལྔའི་གཞི་དང་རྩ་བར་གྱུར་པའི་རྒྱུད་སྡེ་ཆེན་པོ་ལྔ་དང་། སྒྲུབ་པའི་ཡན་ལག་ཏུ་འགྲོ་བའི་རྒྱུད་སྡེ་ལྔ་དང་། སྤྱོད་པའི་ཡན་ལག་ཏུ་འགྲོ་བའི་རྒྱུད་སྡེ་ལྔ་དང་། མ་ཚང་བ་ཁ་སྐོང་བའི་ཕྱི་མའི་རྒྱུད་གཉིས་དང་། ཐམས་ཅད་ཀྱི་བསྡུས་དོན་ལྟ་བུའི་རྒྱུད་སྡེ་གཅིག་དང་བཅོ་བརྒྱད་དོ། །ཞེས་གསུངས།
Domain	ཆོས་ལུགས།

{{#arraymap:ཏནྟྲ་ཆེན་པོ་སྡེ་བཅོ་བརྒྱད་

|; |@@@ | | }}